إزالة رادار تسبب في حوادث 22 فبراير [الأرشيف] - منتديات شبكة الأسهم القطرية

رجل الجزيرة

27-04-2015, 04:34 AM

http://raya.com/File/GetImageCustom/e6b615fe-bd71-4fcd-bf6e-69cf878049c2/316/235

الدوحة - الراية:

علمت الراية أن الإدارة العامة للمرور قامت بإزالة جهاز رادار من طريق 22 فبراير بعدما رصدت الإدارة تزايد أعداد الحوادث المرورية بالقرب منه.

ويقع الرادار الذي تمت إزالته مقابل مسجد عمر بن الخطاب، على المسار القادم من الشمال باتجاه الدوحة، حيث رصدت الإدارة العامة للمرور حدوث كثافات مرورية بشكل شبه مستمر في هذا الموقع بالإضافة إلى ارتفاع نسبة الحوادث ما دعاها إلى إزالة الرادار من هذا الموقع، علماً بأن الرادار الخاص برصد الحركة المرورية في الاتجاه المقابل لا يزال موجوداً في موقعه كما هو.

http://raya.com/news/pages/d64fc7aa-5c88-45d9-889b-b34114ac049e

بنت المطر

27-04-2015, 06:17 AM

:anger1: مابغو يشلونه الا بعد شنو؟ بعد ما زادت الحوادث

:secret: يله عقبال باقي الردارات اللي في خط هلا فبراير :telephone:

bu-3bdulla

27-04-2015, 06:21 AM

هالرادار شايلينه من زماااااااااااااااااااااااااااااااااااااااااان
ما أدري ليش جرايدنا أخبارها قديييييييييييييييييييييمه

monatee

27-04-2015, 06:35 AM

هاذي طريج دوامي كل يوم ، وقريت الخبر بالجرييده ،، وقلت اي رادار يقصدوون ؟!

اصلا مافي رادار بهالمكان !

شيخ الديرة

27-04-2015, 06:37 AM

R 7 A L

27-04-2015, 06:58 AM

ليش شالوه؟ أحط واحد قبله 200 متر وأخر وراه 200 متر حتى لو مجرد الشكل الخارجي بدون جهاز. أعتقد لعبة القط والفأر هذه تنتهي لما كل 1000 متر يوجد عمود للرادار, وليس بالضرورة به جهاز لأن اللي صاير اليوم السواق حافظين مواقع الرادارات اكثر من أي شي ثاني ويسرع على المليون قبله ويرجع لل 80 عنده

وينزل الاجنبي السرعه 20 km ويصير حادثين بدل حادث

مازلت اصر واقول ياليت المرور عندنا يتعلمون من مرور دبي ويطبقون قوانينهم خاصة فيما يتعلق بالسرعة والرادار

شيخ الديرة

27-04-2015, 07:09 AM

وينزل الاجنبي السرعه 20 km ويصير حادثين بدل حادث

مازلت اصر واقول ياليت المرور عندنا يتعلمون من مرور دبي ويطبقون قوانينهم خاصة فيما يتعلق بالسرعة والرادار

كيف يصير حادث لما الأجنبي يمشي 20 ؟

R 7 A L

27-04-2015, 07:11 AM

كيف يصير حادث لما الأجنبي يمشي 20 ؟

تخيل شارع السرعة المحددة فيه 80 وهم اوتوماتيكي لازم ينزل من السرعة المحددة 20 يعني يمشون 60 شلون راح اتكون انسيابية السرعة ؟

شيخ الديرة

27-04-2015, 07:23 AM

مازلت اصر واقول ياليت المرور عندنا يتعلمون من مرور دبي ويطبقون قوانينهم خاصة فيما يتعلق بالسرعة والرادار

هل تتوقع انها محض صدفة هذا الخبر يتم نشره أمس؟

نتيجة للحوادث والوفيات المتعددة.. «الطرق» تخفض سرعة شارع دبي العين
المصدر: البيان الإلكتروني
التاريخ: 26 مارس 2015

قررت هيئة الطرق والمواصلات خفض السرعة القصوى على شارع دبي العين على الجزء الواقع من تقاطع شارع الإمارات إلى تقاطع بوكدرة إلى 100 كلم/ساعة ، بعد أن كانت 120 كلم/ساعة وذلك اعتباراً من الأول من أبريل المقبل.

وقالت المهندسة ميثاء بن عدي، المدير التنفيذي لمؤسسة المرور والطرق بالهيئة: إن قرار الهيئة بتخفيض السرعة على هذا الجزء من شارع دبي العين، جاء حفاظاً على السلامة العامة بالدرجة الأولى وبهدف الحد من الحوادث المرورية، حيث أوضحت الإحصائيات الأخيرة أن هذه المنطقة شهدت 7 حوادث وفيات و4 حوادث بليغة و9 حوادث متوسطة بسبب السرعة الزائدة وذلك بين عامي 2011-2013 ، إلى جانب ارتفاع نسبة المركبات الثقيلة المستخدمة للطريق بالاتجاهين إلى 14% من إجمالي المركبات، موكده أن دليل السرعة لإمارة دبي حدد السرعة القصوى المسموح بها للمركبات الثقيلة 80 كم/ ساعة.

التقرير الكامل (http://www.albayan.ae/across-the-uae/news-and-reports/2015-03-26-1.2340535)

شيخ الديرة

27-04-2015, 07:27 AM

تخيل شارع السرعة المحددة فيه 80 وهم اوتوماتيكي لازم ينزل من السرعة المحددة 20 يعني يمشون 60 شلون راح اتكون انسيابية السرعة ؟

راح اتكون انسيابية السرعة 60, اين المشكلة؟ الطريق طوله 5 كم, الفرق دقائق

R 7 A L

27-04-2015, 07:32 AM

راح اتكون انسيابية السرعة 60, اين المشكلة؟ الطريق طوله 5 كم, الفرق دقائق

يعني السرعات المنخفضة ماتسبب حوادث ؟

غريب الدّار

27-04-2015, 07:33 AM

R 7 A L

27-04-2015, 07:38 AM

أعتقد ان الحل الوحيد هو إخفاء جميع الرادارات مع وضع إشارات تحذيرية في بداية الشارع ان الطريق مراقب بالرادار
مع اني اشوف ان شوارع كثيرة فيها هذا التحذير

بس العالم تعودوا يضربون بريك عند الرادار ويدوسون له عقب

اخفوا الرادارات بتنحل المشكلة

بتنحل مشاكل كثيرة في نظري

كلامك صحيح
تعال للشارع الي طالع من شارع ال شافي بتجاه الجنوب لاشارات الفرقان
قدام بيت الشيخ حمد بن ناصر ( بوكس ) حق رادار فاضي له فوق 10 سنوات تعال شوف البريكات
المشكلة انه بعد اشارة بأقل من كيلو هههههههه

غريب الدّار

27-04-2015, 07:41 AM

كلامك صحيح
تعال للشارع الي طالع من شارع ال شافي بتجاه الجنوب لاشارات الفرقان
قدام بيت الشيخ حمد بن ناصر ( بوكس ) حق رادار فاضي له فوق 10 سنوات تعال شوف البريكات
المشكلة انه بعد اشارة بأقل من كيلو هههههههه

هههههههههههههههههههههههههههههههههههههههههههههههههه ههههههههههههههههه

ياخي انا مادري ليش العالم يحتجون اذا تم إخفاء الرادار؟

ولا شرايك يارحال؟

ياخي انا اذا التزم بالسرعة والله لو يحطون مليار رادار مب هامني

اما اذا مابي التزم استاهل مايجيني

R 7 A L

27-04-2015, 07:48 AM

هههههههههههههههههههههههههههههههههههههههههههههههههه ههههههههههههههههه

ياخي انا مادري ليش العالم يحتجون اذا تم إخفاء الرادار؟

ولا شرايك يارحال؟

ياخي انا اذا التزم بالسرعة والله لو يحطون مليار رادار مب هامني

اما اذا مابي التزم استاهل مايجيني

شوف الواحد لازم يقول الحمد لله دائماً
الاسبوع الي طاف توني مجدد استمارة سياراتي ولله الحمد ماعلي ولا مخالفة هذا من فضل ربي
انا ماعندي اي مشكلة يخفون الرادار اي مكان لاني كل شارع اعطيه حقه حفظاً لسلامتي ماهمني لامخالفة ولا فلوس سلامتي أهم
بس يجون شارع حيوي ويقللون السرعة بشكل فضيع ويتحججون بانه ( صار ) حادث مروع ونزلنا السرعة !! هل هذا منطق
تعال شوف الطريق القريب من المطار السرعة فيه 60 !! على شأن حادث صار فيه من قبل وماتوا فيه ناس
اذا الاخوان في المرور يطبقون هالنظرية ياليت يسون احصائية للحوادث على اهم اربع طرق عندنا ( سلوى - الشمال - مسيعيد -دخان ) ويشوفون ان اغلب الوفيات لانهم غير مستخدمين حزام الامان ويطيرون ويتنثرون من السيارات ليش بدل مايكون فيه مخالفات على حزام الامان عند سوق واقف مايكون فيه مخالفات على هلطرق ؟

غريب الدّار

27-04-2015, 07:55 AM

شوف الواحد لازم يقول الحمد لله دائماً
الاسبوع الي طاف توني مجدد استمارة سياراتي ولله الحمد ماعلي ولا مخالفة هذا من فضل ربي
انا ماعندي اي مشكلة يخفون الرادار اي مكان لاني كل شارع اعطيه حقه حفظاً لسلامتي ماهمني لامخالفة ولا فلوس سلامتي أهم
بس يجون شارع حيوي ويقللون السرعة بشكل فضيع ويتحججون بانه ( صار ) حادث مروع ونزلنا السرعة !! هل هذا منطق
تعال شوف الطريق القريب من المطار السرعة فيه 60 !! على شأن حادث صار فيه من قبل وماتوا فيه ناس
اذا الاخوان في المرور يطبقون هالنظرية ياليت يسون احصائية للحوادث على اهم اربع طرق عندنا ( سلوى - الشمال - مسيعيد -دخان ) ويشوفون ان اغلب الوفيات لانهم غير مستخدمين حزام الامان ويطيرون ويتنثرون من السيارات ليش بدل مايكون فيه مخالفات على حزام الامان عند سوق واقف مايكون فيه مخالفات على هلطرق ؟

والله يارحال دام الموضوع عن تقليل سرعة في شارع معين اهنيه يختلف الموضوع

ورايك احترمه والله ياخوي

وان شاء الله يلقى له اذن صاغية

شبيه الريح

27-04-2015, 08:02 AM

شايلينه من زماااااااان
مايقل عن سنه ويمكن سنتين او اكثر بعد

يمكن قصدهم الي نفس المكان بس بتجاه الشمال

او الرايه العاملين في الرايه توهم يشوفون مكان الرادر وقالوا بننفرد بالخبر مادروا انه قديييييييييييم

سهم عتيج

27-04-2015, 08:03 AM

هاذي طريج دوامي كل يوم ، وقريت الخبر بالجرييده ،، وقلت اي رادار يقصدوون ؟!

اصلا مافي رادار بهالمكان !

كلامك صحيح،، تقريبا صار له اكثر من 6 شهور وهم شايلينه،، بس خبرك يبغون يسوون اكشن للاستهلاك المحلي

واذا على كلامهم ان الرادار هذا يسبب اختناق مروري بسبب البريكات وكثرة الحوادث،، فمن باب اولى ازالة جميع الرادارات الثابتة لانها ايضا تتسبب في اختناقات مرورية وحوادث بنفس الطريقة

قبل عدة سنوات،، قرأت تقريرا في احدى جرائدنا المحلية خبرا مشابها مفاده ان الشرطة الانجليزية اصدرت تقريرا عن دراسة رصدتها على مدى 10 سنوات مفادها ان الرادارات الثابتة تسببت في حدوث 28000 الف حادث في بريطانيا بسبب ان السائق يرتبك عند وصوله للرادار الثابت مما يجعله يستخدم الفرامل حتى لو كان على سرعة اقل من سرعة الشارع مما يتسبب في حدوث كثير من الحوادث

واتمنى من كل شخص انه يراقب الحوادث الموجودة في قطر،، سيجد ان اكثر الحوادث عبارة عن ان الشنطة الخلفية لكثير من السيارات خاصة السيارات التي تسير بمعدلات بطيئة مدعوچة بطريقة تدل على ان هذا الشخص استخدم الفرامل فجأة مما تسبب في اصطدام السيارة الخلفية بسيارته

وللاسف لم ارى اي تقرير او دراسة من ادارة المرور لمثل تلك الحوادث واسبابها

للاسف واقولها ان مدير المرور شاطر في كل مرة يظهر فيها عند افتتاح شارع جديد بان ادارة المرور زرعت رادارات ثابتة في الشارع

واليوم بعد مرور اكثر من 10 سنوات على انتهاج مثل هذه السياسة كيف تحولت شوارع الدوحة الى شبه شوارع مشلولة في اغلب الاوقات سواء ساعات الذروة او غيرها..

العنيده

27-04-2015, 08:16 AM

يخفون الرادار والا يظهرونه ..
يزيدون السرعه ولا يخففونه ..
حطوا الرادارات ولا شيلوهم ..

ترى المشكله مو بالرادارات دول العالم فيها رادارات المشكله في طريقة السواقه ..
لازم شرطي يكون واقف عشان نربط الحزام .. لازم مثلا رادار عشان يالطيب تخفف السرعه بس لما توصل الرادار وتسبب اعاقه لكل الشارع .. لازم نعلمه وين الاشاره عشان يشغلها اذا مزاجه قرر
يغير طريقه فجاه ( اكره هالحركه :anger1: )
.. السواقه فن وذوق واحترام ..

الحل من الشخص نفسه لازم يعلم نفسه لو في بس تقيد بالقوانيين شوي بس :omen2:

حسن

27-04-2015, 08:33 AM

الصراحه تكلمت كثيرا عن النيبالي اللي مسوي فوضى

للاسف قرارات تدل على تخبط واضح وصريح وكتبت اتمنى من المسرلين يسافرون على حسابي الخاص
اوديهم يشوفون التخطيط في الدول المجاوره على الاقل البحرين
وضع رادارات بشكل فضيع ولا عمري شفته في الدول المتقدمه وضع مطبات بشكل فضيع عمري ماشفته حتى فيالدول المتخلفه
اتمنى تشكيل لجنه تختار على الكفائه وليست المحسوبيه والرتبه
ومستعد اكون عضو فيها وببلاش بدون اي مقابل هذا تبرع مني لبلدي

وضع الطرق والرادرات ووضع اللوحات الارشاديه والمطبات الكثير منها فوضى

حرام تصرف المليارت والنتيجه سئيه

R 7 A L

27-04-2015, 08:34 AM

حسن

27-04-2015, 08:41 AM

بختصار غاب رجل المرور عن الشارع فغاب القانون معه

وين غاب يارحال

!!!

مهب شرط تشوفهم بلس عسكري

!!!

اعلى نسبه مخالفات في العالم ولازالت الفوضى الموروريه
انقلبت الشوارع كلها رادارات ومطبات
ولا زالت نسبه الحوادث والفوضى
ماعرف ايش السبب ليش وصلنا الى هذا الحد

R 7 A L

27-04-2015, 08:45 AM

وين غاب يارحال

!!!

مهب شرط تشوفهم بلس عسكري

!!!

اعلى نسبه مخالفات في العالم ولازالت الفوضى الموروريه
انقلبت الشوارع كلها رادارات ومطبات
ولا زالت نسبه الحوادث والفوضى
ماعرف ايش السبب ليش وصلنا الى هذا الحد

غاب ماقمنا أنشوف المرور مثل قبل

لا وغير المطبات والرادارات فيه ( طلع ) النظام الجديد
تعال شوف الغشم بدال ماينتبهون للسيارات الي قدامهم والي وراهم ويعطون الخط حقه من ناحيه السرعة بتشوف عيونهم يمين ويسار كنها عيون حباري مخمر وراكه على بيضها

غريب الدّار

27-04-2015, 08:46 AM

بتشوف عيونهم يمين ويسار كنها عيون حباري مخمر وراكه على بيضها
هاهاهاهاهااهاهاههاهههههههههههههههههههههههههههههههه ههههههههههاي

العنيده

27-04-2015, 08:54 AM

وين غاب يارحال

!!!

مهب شرط تشوفهم بلس عسكري

!!!

اعلى نسبه مخالفات في العالم ولازالت الفوضى الموروريه
انقلبت الشوارع كلها رادارات ومطبات
ولا زالت نسبه الحوادث والفوضى
ماعرف ايش السبب ليش وصلنا الى هذا الحد

السبب يمكن لان مافي قانون حازم مع الكل .. فلوس الحمدلله صارت متوفره للكل المخالفات ماتاثر ..
السواقه الكل يبي يسوق في وقت نطالب فيه تفعيل المواصلات العامه .. نلاقي بعضهم حتى الددوار مايعرف يدخل فيه :rolleyes2:
البعض علم عياله سياسة من تشوف الشرطي اربط الحزام للاسف مب اهتمام بسلامته ..
التجاوز من اليمين اللي لين الحين نشوفه وبثقه .. مسك التليفون وهو يسوق .. حزام من ورى الكرسي
نتخيل لو العقاب سحب الليسن فتره وعقبها للابد لو تكرر ..
نتخيل لو مخالفات السرعه تزيد .. لو في مخالفه للي يعرقل الشارع .. مخالفه للي ياخذ باركنين .. في ناس بتقول اشدعوه اي اشدعوه
لما الشارع يوصل لهالمرحله محتاجين وقفه صارمه بهالشي ..

وشكرا ( وحده لاف عليها باص من الصبح :anger1: )

مضارب دوسري

27-04-2015, 09:04 AM

انا من الناس امشي بالسرعه القانونيه اغلب الاحيان
بس لما اوصل للرادار اكون مدري كم سرعتي اقوم اصكه بريييييك عند الرادار
هذا وانا امشي بالسرعه القانونيه اغلب الاحيان

شيخ الديرة

27-04-2015, 09:06 AM

مضارب دوسري

27-04-2015, 09:08 AM

وايضا
لما اطلع خط فبراير بموتري الكروزر
بعض الشباب يلزق خشم موتره بموتري عشان افتح له
حتى لو ماعندي فرصه اني افتح له

بس لما اطلع بالسلفرادو اللي حاط ورى رمانه ش طولها
وقدام شبك حديد

امشي فالطريق واضرب بريكات على كيفي لانه اقرب سياره تكون على بعد 100 متر مني
ولا واحد يجي بموتره السبورت يعدي ولا بورش ولا لكزس
وامشي فالطريق كانه طريقي مسجل باسمي ههههههه

هيبه
ههههههههههه

مرتبش

27-04-2015, 09:19 AM

القانون موجود ويمكن من اشد القوانين
المخالفات هي الاعلى في المنطقة يمكن العالم كله

تطبيق القانون غير موجود واذا كلش كلش قاموا بحملة لمدة ايام وترجع الامور مثل اول.
الشرطة غير موجودين في الشارع واذا تواجدوا يكونون لتسهيل السير نفس اي بلد متخلف .
تروح المرور تدفع مخالفاتك وتقط نقاطك على شخص ثاني وعادي جدا المرور مايمانع.

الشوارع واجهة البلد الحقيقية مب المطار وبوسمرة

حسن

27-04-2015, 09:21 AM

السبب يمكن لان مافي قانون حازم مع الكل .. فلوس الحمدلله صارت متوفره للكل المخالفات ماتاثر ..
السواقه الكل يبي يسوق في وقت نطالب فيه تفعيل المواصلات العامه .. نلاقي بعضهم حتى الددوار مايعرف يدخل فيه :rolleyes2:
البعض علم عياله سياسة من تشوف الشرطي اربط الحزام للاسف مب اهتمام بسلامته ..
التجاوز من اليمين اللي لين الحين نشوفه وبثقه .. مسك التليفون وهو يسوق .. حزام من ورى الكرسي
نتخيل لو العقاب سحب الليسن فتره وعقبها للابد لو تكرر ..
نتخيل لو مخالفات السرعه تزيد .. لو في مخالفه للي يعرقل الشارع .. مخالفه للي ياخذ باركنين .. في ناس بتقول اشدعوه اي اشدعوه
لما الشارع يوصل لهالمرحله محتاجين وقفه صارمه بهالشي ..

وشكرا ( وحده لاف عليها باص من الصبح :anger1: )

اي لاف باص عليها

انا يلفون علي يوميا بالهبل
وبعد تبين ترفعين المخالفات اكثر مااحنا الاول على العالم في ارتفاعها
سو قوانين بالهبل ولازالت
انا معاك ان الكل قام يسوق زبال حلاق نجار حداد الفلوس كثيره ومدارس السواقه حيالله
الله يعين بس

qatari93

27-04-2015, 10:14 AM

بل الرادار من زمااان مشيول ..

jeep-srt8

27-04-2015, 04:27 PM

حليتان*

27-04-2015, 05:11 PM

يالجماعه اصلا مافي رادار بهالصوب

وفي كثير ناس ماتعرف يوم تشوف رادار الصوب الثاني عبالهم للصوبين

ف هاي ترقيعه طال عمركم

انه انشال لانه يسبب حوادث هالشكل ضربو عصفورين بحجر ذكرو العالم انه مافي رادار + شلناه علشان الحوادث

يا ريال انطر كم يوم وبيحطون لك رادار ههههه بس خل الناس تتعود ان مافي رادار
وله بيرزون لك رادار متحرك

وله ايش الحكمه من الخبر !

جبر ال جبر

27-04-2015, 06:59 PM

من زمان شالينه هذا شفيهم رقود

بوحارب

27-04-2015, 10:33 PM

بعض الرادارات في الدولة مب شغالة

بس ديكور

النهار

27-04-2015, 11:34 PM

بعض الرادارات في الدولة مب شغالة

بس ديكور

ماعليكم منه يبي يخسس فيكم مره واحد من الربع قال لي الرادار الي عند المدينه التعليمه مهب شغال مريت عليه فلت
الا اشوفه يرمش رمشتين هههههههههههههههههه

.قطر.

28-04-2015, 12:29 AM

ماعليكم منه يبي يخسس فيكم مره واحد من الربع قال لي الرادار الي عند المدينه التعليمه مهب شغال مريت عليه فلت
الا اشوفه يرمش رمشتين هههههههههههههههههه

عسى بس مب انت اللي دفعت المخالفه :weeping:

معماري قطري

28-04-2015, 12:31 AM

يعني السرعات المنخفضة ماتسبب حوادث ؟

هذي قناعة الأَجانب صعب تغييرها اخوي رحال خصوصاً العرب الا يكونون كريمين في السواقة ببطء

R 7 A L

28-04-2015, 07:23 AM

هذي قناعة الأَجانب صعب تغييرها اخوي رحال خصوصاً العرب الا يكونون كريمين في السواقة ببطء

هي قناعة لديهم زرعتها فيهم مدارس السواقة هنا عندنا بقطر

شيخ الديرة

28-04-2015, 07:49 AM

يعني السرعات المنخفضة ماتسبب حوادث ؟

هذي قناعة الأَجانب صعب تغييرها اخوي رحال خصوصاً العرب الا يكونون كريمين في السواقة ببطء

روح, أو روحا, لغرفة الطوارئ في مؤسسة حمد وأسأل الأطباء العرب والأجانب عن نوعية الأصابات التي تمر عليهم يوميا بسبب السرعة العالية, ويكفيك ان تسأل الميكانيكي في الصناعية عن نوعية التصليحات اللي تسببها السرعات البطيئة.

شيخ الديرة

28-04-2015, 07:53 AM

هي قناعة لديهم زرعتها فيهم مدارس السواقة هنا عندنا بقطر

وعليه يجب على كل مدرسة سواقة توفير سيارات سباق فورمولا وان للتدريب, واستخدام طرق دخان والشمال للتأكد من ان كل سائق يمكنه السياقة على المليون وعين على الطريق وعين على الموبايل

R 7 A L

28-04-2015, 07:56 AM

روح, أو روحا, لغرفة الطوارئ في مؤسسة حمد وأسأل الأطباء العرب والأجانب عن نوعية الأصابات التي تمر عليهم يوميا بسبب السرعة العالية, ويكفيك ان تسأل الميكانيكي في الصناعية عن نوعية التصليحات اللي تسببها السرعات البطيئة.

يا عزيزي ياخوي
ماختلفنا ان السرعات العالية تسبب الموت بعد وليست الحوادث فقط كلنا انعرف انها أتروح ارواح من السرعات العالية مافيه عاقل يقول عكس هالكلام وهالحقائق
لكن
حنا انتكلم عن الانسيابيه والمرونه والسلاسه التي تفقدها شوارعنا بأسباب السرعات البيطئة

R 7 A L

28-04-2015, 08:00 AM

وعليه يجب على كل مدرسة سواقة توفير سيارات سباق فورمولا وان للتدريب, واستخدام طرق دخان والشمال للتأكد من ان كل سائق يمكنه السياقة على المليون وعين على الطريق وعين على الموبايل

الله يهديك ياخوي يا حبى يا برك ههههه

ياشيخ مو معنا اننا ننتقد الي يسيرون بسرعات بيطئة جداً اننا في صف الي يسيرون بسرعات عالية جداً

على فكرة لي موضوع عن السرعات العاليه في الرابط ادناه

http://www.qatarshares.com/vb/showthread.php?579956-اقتراح-للمواصفات-والمرور-والفحص-الفني&highlight=

شيخ الديرة

28-04-2015, 08:14 AM

على فكرة لي موضوع عن السرعات العاليه في الرابط ادناه

http://www.qatarshares.com/vb/showthread.php?579956-اقتراح-للمواصفات-والمرور-والفحص-الفني&highlight=

وأنت قلت هناك

في امريكا الي في امه خير خله يتعدى 60 ميل في الساعة

شارع فبراير ليس طريقا يستحمل ال 100 من الناحية الهندسية, من يتجاهل الهندسة وقوانين الفيزياء, يرسب بالأمتحان :deal:

R 7 A L

28-04-2015, 08:17 AM

وأنت قلت هناك

لاحول ولاقوة الا بالله
الحين هل انا طالبت بسرعات عالية ؟
كل الي طلبت ان الناس تحترم السرعة المحددة
مايجيني واحد يمشي لي 60 على شارع السرعة فيه 100
بس هذا الي ذكرت
انا مع الوسطية لا مع السرعة العالية ولا مع السرعة البطية

R 7 A L

28-04-2015, 08:24 AM

ملاحظة :

60 ميل = حول 100

شيخ الديرة

28-04-2015, 08:42 AM

كل الي طلبت ان الناس تحترم السرعة المحددة
مايجيني واحد يمشي لي 60 على شارع السرعة فيه 100

طلب معقول جدا. ولكن ال 100 هي السرعة القصوى وليست السرعة المطلوب كل سائق يمشي عليها, اولا, وثانيا لكل سائق عذره في عدم السياقة بسرعة قريبة على ال 100, منها سيارته قديمة او بها خلل, ومنها انه سائق مستجد, ومنها ان مديره متفق وياه على سرعة معينه, ومنها انه غير متأكد انه هذا المخرج ام اللي وراه وووو

لماذا لا تجد هذه المشكلة في طريق دخان مثلا؟ لأن الشارع به حارات متعددة تسمح لكل من يسوق بالسرعة التي تعجبه, ولكن ثلاث حارات في طريق 8 كم وعشرطعش مدخل ومخرج, الهندسة ترفض.

R 7 A L

28-04-2015, 08:44 AM

طلب معقول جدا. ولكن ال 100 هي السرعة القصوى وليست السرعة المطلوب كل سائق يمشي عليها, اولا, وثانيا لكل سائق عذره في عدم السياقة بسرعة قريبة على ال 100, منها سيارته قديمة او بها خلل, ومنها انه سائق مستجد, ومنها ان مديره متفق وياه على سرعة معينه, ومنها انه غير متأكد انه هذا المخرج ام اللي وراه وووو

لماذا لا تجد هذه المشكلة في طريق دخان مثلا؟ لأن الشارع به حارات متعددة تسمح لكل من يسوق بالسرعة التي تعجبه, ولكن ثلاث حارات في طريق 8 كم وعشرطعش مدخل ومخرج, الهندسة ترفض.

من قال

تعال للطرق السريعة مثل دخان وسلوى وغيرها بتحصل ناس تمشي 60 وماسكة المسار الثاني مع ان عدد المسارات 4

غريب الدّار

28-04-2015, 08:47 AM

لاحول ولاقوة الا بالله
الحين هل انا طالبت بسرعات عالية ؟
كل الي طلبت ان الناس تحترم السرعة المحددة
مايجيني واحد يمشي لي 60 على شارع السرعة فيه 100
بس هذا الي ذكرت
انا مع الوسطية لا مع السرعة العالية ولا مع السرعة البطية
والله انا اشوف ان كلام اخوي رحال صحيح وواقعي

يعني اذا كان الشارع 80 وفي واحد يمشي على اليمين على سرعة 60 بنقول اوكي

لكن الشارع 100 ونلاقي ناس يمشون 60؟ حتى لو ع اليمين
السرعة ذي ماانحطت في هالشارع الا علشان تحقق الانسياب المروري

معاك في كلامك اخوي رحال

شيخ الديرة

28-04-2015, 08:51 AM

من قال
تعال للطرق السريعة مثل دخان وسلوى وغيرها بتحصل ناس تمشي 60 وماسكة المسار الثاني مع ان عدد المسارات 4
والسرعة القصوى 120 لطريق دخان

وهنا مربط الفرس, ان لو طريق فبراير 4 حارات والسرعة القصوى المسموح بها 120, لتجدنا نتحاور نفس الحوار الحالي. وهذا يعني ان رفع حد السرعة لا يؤدى الى نتيجة.

معظم السواق البطيئين اول مرة يسوق بحياته لما يجي للدوحة, تتوقع راح يسرع لما تغير الرقم اللي بالعلامة ؟؟

(ام عبدالله)

28-04-2015, 08:54 AM

والله انا اشوف ان كلام اخوي رحال صحيح وواقعي

يعني اذا كان الشارع 80 وفي واحد يمشي على اليمين على سرعة 60 بنقول اوكي

لكن الشارع 100 ونلاقي ناس يمشون 60؟ حتى لو ع اليمين
السرعة ذي ماانحطت في هالشارع الا علشان تحقق الانسياب المروري

معاك في كلامك اخوي رحال

لكن في فئات .. عندك كبار في السن يسوقون عندك عوائل فما تقدر تجبر حد يمشي بسرعه معينه دام هو قانوني
لكن اليسار اوكي معاكم حق فيها لكن اليمين يختلف انا مرات امشي باليمين ويجيك واحد متفرغ يديملك على شان اوخر له الطريق
مع ان الطريق على اليسار فاضي و3 خانات ضاقت فيه الدنيا هههه

شيخ الديرة

28-04-2015, 08:56 AM

.
.
.
السرعة ذي ماانحطت في هالشارع الا علشان تحقق الانسياب المروري
.
.

صح كلامك, ضمان الانسيابية المرورية حسب مواصفات الطريق, مع عدم التهاون بالسلامة وحفظ الأرواح والممتلكات.

أتمنى يدخل أحد أطباء غرفة الطوارئ او مستشفى الرميلة بهذا الحوار

غريب الدّار

28-04-2015, 10:07 AM

لكن في فئات .. عندك كبار في السن يسوقون عندك عوائل فما تقدر تجبر حد يمشي بسرعه معينه دام هو قانوني
لكن اليسار اوكي معاكم حق فيها لكن اليمين يختلف انا مرات امشي باليمين ويجيك واحد متفرغ يديملك على شان اوخر له الطريق
مع ان الطريق على اليسار فاضي و3 خانات ضاقت فيه الدنيا هههه

اختي هاذول كلهم استثناءات
وبعدين اختي لازم يكون حد ادنى في كل شارع مثل مافي حد اعلى للسرعة

بكرة بنشوف واحد في الكورنيش مثلا ماشي 10 !!
ولو حد سأله بيقول السرعة قانونية
شوي الا صايرة مسيرة في الكورنيش!

لا اختي

انا اعتقد ان لازم يتم تحديد سرعة دنيا لكل شارع مثل مافي سرعة قصوى

(ام عبدالله)

28-04-2015, 10:21 AM

اختي هاذول كلهم استثناءات
وبعدين اختي لازم يكون حد ادنى في كل شارع مثل مافي حد اعلى للسرعة

بكرة بنشوف واحد في الكورنيش مثلا ماشي 10 !!
ولو حد سأله بيقول السرعة قانونية
شوي الا صايرة مسيرة في الكورنيش!

لا اختي

انا اعتقد ان لازم يتم تحديد سرعة دنيا لكل شارع مثل مافي سرعة قصوى

لا تنسى انه الكورنيش وضعه خاص .. لازم الواحد يمشي ببطئ .. عندك اطفال ممكن يمشون فجاه
ماره سيرات تنتظر على اليمين يدور مواقف .. كل شارع له خصوصيته وهذا شارع حيوي للاسف
حطوا الدوائر كلها في مكان بطئ بطبيعته لانه متنزه عام والحذر في السرعه في مطلوبه

غريب الدّار

28-04-2015, 10:30 AM

لا تنسى انه الكورنيش وضعه خاص .. لازم الواحد يمشي ببطئ .. عندك اطفال ممكن يمشون فجاه
ماره سيرات تنتظر على اليمين يدور مواقف .. كل شارع له خصوصيته وهذا شارع حيوي للاسف
حطوا الدوائر كلها في مكان بطئ بطبيعته لانه متنزه عام والحذر في السرعه في مطلوبه

اختي الكريمة

انا ضربت الكورنيش كمثال

انا كلامي عن مبدأ عام :
هل يجوز ان حد يمشي في شارع (أي شارع في قطر) بسرعة 20 كيلو مثلا والحد الأعلى للسرعة في هالشارع كانت 80 او 100 او 120 مثلا؟

الجواب من وجهة نظري :
لا يجوز

ويجب وضع حد ادنى للسرعة مثل مافي حد اعلى لضمان الانسيابية في جميع الشوارع

(ام عبدالله)

28-04-2015, 10:34 AM

اختي الكريمة

انا ضربت الكورنيش كمثال

انا كلامي عن مبدأ عام :
هل يجوز ان حد يمشي في شارع (أي شارع في قطر) بسرعة مثلا والحد الأعلى للسرعة في هالشارع كانت 80 او 100 او 120 مثلا؟

الجواب من وجهة نظري :
لا يجوز

ويجب وضع حد ادنى للسرعة مثل مافي حد اعلى لضمان الانسيابية في جميع الشوارع

صحيح كلامك في هاي النقطه العامه .. يجب اعاده النظر في سرعه بعض الشوارع لو تقارنها
عندك الشارع يلي جدام مرور المطار الرئيسي خانتيين والسرعه 100 و22 فبراير الكبر والاطول والاسرع بطبيعته
80 !!!! مع انه الاثنين ازدحام

S S

28-04-2015, 11:09 AM

عندنا ناس عندها المال اغلى من الروح فشي طبيعي انه بيسبب اغلب الحوادث وخصوصا الي يمسك السريع ومايفتح حق خلق الله ماشي على مبدا سرعه الشارع امبهدل نفسه وامبهدل خلق الله معه

.قطر.

28-04-2015, 12:21 PM

اختي هاذول كلهم استثناءات
وبعدين اختي لازم يكون حد ادنى في كل شارع مثل مافي حد اعلى للسرعة

بكرة بنشوف واحد في الكورنيش مثلا ماشي 10 !!
ولو حد سأله بيقول السرعة قانونية
شوي الا صايرة مسيرة في الكورنيش!

لا اختي

انا اعتقد ان لازم يتم تحديد سرعة دنيا لكل شارع مثل مافي سرعة قصوى

ياليت يحطون سرعات دنيا
وتكون ف 22 فبراير
الدنيا 80
والعليا 100
وبجذي بنحل مشكله الزحمه
بس المشكله المداخل والمخارج بتخرب كل اللي انا قلته :(

غريب الدّار

28-04-2015, 12:23 PM

ياليت يحطون سرعات دنيا
وتكون ف 22 فبراير
الدنيا 80
والعليا 100
وبجذي بنحل مشكله الزحمه
بس المشكله المداخل والمخارج بتخرب كل اللي انا قلته :(

اششششششششششششهد انك جبتها والله

المداخل والمخارج في هالشارع بالذات تعفس البطح
ماتسمح بأي تخطيط أو حلول أو اقتراحات على الاطلاق

غير ان كل مواطن يشتري هليوكبتر
:)

Right

28-04-2015, 01:05 PM

لو يشلوون طريق 22 فبراير ويفكونا منه كان أحسن !!

من سوو هالداعوس قصدي هالطريق ، والمشاكل لا تنتهي

صار مشكلة الشرق الأوسط مو طريق !!

.قطر.

28-04-2015, 01:45 PM

اششششششششششششهد انك جبتها والله

المداخل والمخارج في هالشارع بالذات تعفس البطح
ماتسمح بأي تخطيط أو حلول أو اقتراحات على الاطلاق

غير ان كل مواطن يشتري هليوكبتر
:)
واحد يمشي في اليسار وبينه وبينه وبين المدخل 200 متر ويلف ع العالم عشان يدخل اكيد بتصير زحمه
ولا المخارج الغبيه اللي حق سنه 1990 اول ماتطلع من المخرج تمسك الخط على طول المفروض يكون دخولها كـ سيد اضافي طوله كيلو مثلا وتدخل السيايير اللي طالعه من المخرج ع الخط بشكل انسيابي وماتسوي زحمه

:)

شيخ الديرة

28-04-2015, 02:05 PM

واحد يمشي في اليسار وبينه وبينه وبين المدخل 200 متر ويلف ع العالم عشان يدخل اكيد بتصير زحمه
ولا المخارج الغبيه اللي حق سنه 1990 اول ماتطلع من المخرج تمسك الخط على طول المفروض يكون دخولها كـ سيد اضافي طوله كيلو مثلا وتدخل السيايير اللي طالعه من المخرج ع الخط بشكل انسيابي وماتسوي زحمه

:)

غير ان نفس المسافة تكون هي منطقة تحضير للخروج وكذلك السيارات اللي توها دخلت, واحد يريد يسرع والأخر يريد يبطئ

لما نصل, تقريبا وصلنا خلال هذأ الحوار, ان الهندسة بدائية جدا في تصميم هذا الشارع, فأن المطالبة بسرعات أعلى من 80 تعتبر مخاطرة كبيرة لا تستوفي معايير هندسة الطرق ولا قوانين الفيزياء, وحتى الكيمياء بعد

R 7 A L

28-04-2015, 02:07 PM

غير ان نفس المسافة تكون هي منطقة تحضير للخروج وكذلك السيارات اللي توها دخلت, واحد يريد يسرع والأخر يريد يبطئ

لما نصل, تقريبا وصلنا خلال هذأ الحوار, ان الهندسة بدائية جدا في تصميم هذا الشارع, فأن المطالبة بسرعات أعلى من 80 تعتبر مخاطرة كبيرة لا تستوفي معايير هندسة الطرق ولا قوانين الفيزياء, وحتى الكيمياء بعد

طيب
الحين مشاريع الطرق ماتمر على المرور وغيرها من الجهات الي توقع عليها؟

.قطر.

28-04-2015, 02:11 PM

غير ان نفس المسافة تكون هي منطقة تحضير للخروج وكذلك السيارات اللي توها دخلت, واحد يريد يسرع والأخر يريد يبطئ

لما نصل, تقريبا وصلنا خلال هذأ الحوار, ان الهندسة بدائية جدا في تصميم هذا الشارع, فأن المطالبة بسرعات أعلى من 80 تعتبر مخاطرة كبيرة لا تستوفي معايير هندسة الطرق ولا قوانين الفيزياء, وحتى الكيمياء بعد

علييييك نور المشكله المخارج والمداخل داخلين ف بعض :rolleyes2:
شوف شوارع دبي شلون خاصه شارع الشيخ زايد ياريال المسافه بين الشارع الرئيسي وشارع الخدمات تقريبا نفس وسع خط 22 فبراير :secret: