الكسل والقضاءء عليه

[بنت شرق]

تنتاب الانسان فترة ماله خلق للشغل ،،خير شر ،،ويلعب الشيطان براسه فلا يؤدي من الادور الاكيل النايم الشارب ،،
ليس لانه اليوم إجازة ممكن يسترخي ويعوض تعب الأيام ،،،بل لانه ماله خلق ولا بارض ولامود ،،ليسوي أي شي ،،
حالة مستعصية من البلادة ،،والخمول ،،ليس لسبب مرضي ،،بل بسبب لارغبة له بالعمل ،،،لانه كسول ويستعد لبيات
شتوي طويل الأمد ،،بعيدا عن العمل ،،،
هل هاجمتك مثل هذه الحالة وكيف قضيت عليها ،،،ام هي قضت عليك ،،
ما ادري اذا كان موضوعي مناسب للاستراحة ،،،بس هو المكان الي فتح لموضوع جديد ،،

[حليتان*]

بل الماي البارد احسن حل

انا انط فالبرجه وخاصه ان الهيتر مالها مايشتغل وما صلحناه ههههه

[ضوى]

اهلا اختي

ماقدرتي تحطينه في الحوار لانه مسموح تنزلين موضوع واحد في الحوار خلال ظ¢ظ¤ ساعه

[بوحارب]

اي والله يا بنت شرق شوفي لي حل تكفين


صارلي فتره كله خموووول وأحب التسدح:(

والحين اراسلكم من فوق السرير

حد ينسدح على السرير هالحزه :(crazy


انه زمن الكسل يا ساده

[راجي الْعفو]

عادي يا بنت شرق ..

هذي طبيعة النفس ..

لها اوقات نشاط و اوقات كسل ..

اذا شفتي نفسج ما لج بارظ لعمل شي ..

عطي نفسج اجازه ..

ولا تسوين شي ..

لين ما تستعيدين وضعج الطبيعي ..

ثم ترجعين و تزاولين عملج مره ثانية ..

بس اهم شي ان الكسل ما يستمر طول الحياة ..

وعليج بالادعية و الاذكار و كثرة الذكر و الطاعات ..

فهي تفتح النفس و تشرح الصدر ..

وكذا الاستعاذة من الهم و العجز و الكسل ..

[نوفا91]

هذي حالتي ع طول :(

[راجي الْعفو]

وأتوقع ان الانغماس في استخدام التكنلوجيا بشكل زايد ..

سبب من اسباب البلادة و الكسل و الفتور ..

ممكن ان يتستبدل بالأوراق و الاعمال المهنية ،

كل بحسبه..

[بنت شرق]

شكرا للمرور والتعقيب بانتظار المزيد

[بـارود]

مثل ما التكنولوجيا قربت كل بعيد هي في نفس الوقت كسّلت كل نشيط

[المبرمج صلاح]

شي واحد فقط لمن يعاني هذه المشكلة

نم مبكرا وصلي الفجر في جماعة ولا تنام بعدها واذا لزم الامر انك تنام فيكون بعد طلوع الشمس