(( عادة طلب كشف الحساب بعد السحب من الصراف الآلي ))

[@north_star@]

للاسف الكثير من الناس يقوم بسحب مبلغ معين من الصراف الآلي وطبعا بعد أن تتم عملية السحب يسألك الجهاز اذا كنت تريد كشف حساب بعملية السحب ويتم الضغط على كلمة نعم وياخذ الورقة ويرميها إما في سلة المهملات أو في أرضية
الصراف الآلي وخاصة اذا كانت سلة المهملات ممتلئة طيب اذا الشخص مب بحاجة لهالورقة ليش يضغط على نعم ؟!!!! طبيعي بيجيك رسالة نصية من البنك تعلمك بعملية السحب وهذا غير انه كل شي واضح أمامك على الشاشة .. فالملاحظ انك لما تدخل كبينة أي صراف تشوف الورق منثر بكل مكان .
ونتمنى من البنوك عدم ادراج خاصية كشوفات الحساب الورقية على آلات الصراف الآلي والاكتفاء باظهار التقرير أو عملية السحب على الشاشة مع إرسال رسالة نصية ..

واسمحولي على الإطالة .............

[R 7 A L]

اقترح على كافة البنوك يخصمون 10 ريال على الي يطلب كشف حساب وتطلع له ورقة

[بصمة قطرية]

اللي يقهرني اللي يخلي الورقة و يمشي ..
مرات يكون الإسم موجود
و كم في الحساب ..!!!
ليش انزين ما تبيها ليش تطلبها من الأساس
فعلاً ما لها لزمة الحين قبل لا يطلع المبلغ
يوصل لك مسج ..

[R 7 A L]

اعتقد مكاين بنك قطري الوطني حتى لو ماطلبت تطلع لك ورقك

[حليتان*]

لا يبه احيانا ما يطرشون مسج او يطرشون مسج فيه طلاسم
واذا كنت معطي بطاقتي حد ما بعرف كم تم فحسابي فهمت

ليش ما تطلب زباله اكبر مكرم القاري بدال هالقوطي الصغير الي حاطينه

[@north_star@]

لا يبه احيانا ما يطرشون مسج او يطرشون مسج فيه طلاسم
واذا كنت معطي بطاقتي حد ما بعرف كم تم فحسابي فهمت

ليش ما تطلب زباله اكبر مكرم القاري بدال هالقوطي الصغير الي حاطينه

اذا انت بحاجة حق هالورقة هذا شي ثاني أنا أتكلم عن اللي ياخذونها دون حاجة ويرمونها أو يتركونها معلقة في الجهاز مثل ما تفضلت اختي بصمة ..... اتمنى وضحت الصورة
وصدقني لو تحط درام الله يعزكم بتحصله فل وبتشوف الاوراق على الارض

[@north_star@]

اللي يقهرني اللي يخلي الورقة و يمشي ..
مرات يكون الإسم موجود
و كم في الحساب ..!!!
ليش انزين ما تبيها ليش تطلبها من الأساس
فعلاً ما لها لزمة الحين قبل لا يطلع المبلغ
يوصل لك مسج ..

فعلا البعض منهم يخليها معلقة في الجهاز


اعتقد مكاين بنك قطري الوطني حتى لو ماطلبت تطلع لك ورقك

بل يعطونك بالغصب ؟ أكيد خطأ في السستم

[بوحارب]

انا ما اطلب الكشف

خلاص الsms وفر علينا :)

[@north_star@]

انا ما اطلب الكشف

خلاص الsms وفر علينا :)

انتا كذا :nice:

[النهار]

مره طقنرت على هندي
انا واقف وراه يحسب ب 200 ريال سوى العمليه اكثر من 7 مرات وكل مره يطلب الورقه ويقعد يقراء
ويكرر قلت رفيق انت شنهو يسوي صار لي اكثر من ربع انا ناطر سيادتك تخلص
بكل بروده سوري سوري وحرك

[@north_star@]

مره طقنرت على هندي
انا واقف وراه يحسب ب 200 ريال سوى العمليه اكثر من 7 مرات وكل مره يطلب الورقه ويقعد يقراء
ويكرر قلت رفيق انت شنهو يسوي صار لي اكثر من ربع انا ناطر سيادتك تخلص
بكل بروده سوري سوري وحرك

للاسف فئة كثيرة منهم على كل حركة وهو واقف يطلب تقرير وعلى قولتك يتم واقف يقرا ويشيك وياخر الناس اللي وراه

[@north_star@]

مره طقنرت على هندي
انا واقف وراه يحسب ب 200 ريال سوى العمليه اكثر من 7 مرات وكل مره يطلب الورقه ويقعد يقراء
ويكرر قلت رفيق انت شنهو يسوي صار لي اكثر من ربع انا ناطر سيادتك تخلص
بكل بروده سوري سوري وحرك

للاسف فئة كثيرة منهم على كل حركة وهو واقف يطلب تقرير وعلى قولتك يتم واقف يقرا ويشيك وياخر الناس اللي وراه

[.قطر.]

انا ما اضغط نعم
اخلي الـ sms يجيني اريح لي :nice:

[دايموند]

اعتقد مكاين بنك قطري الوطني حتى لو ماطلبت تطلع لك ورقك

معلومه غير صحيحه
يتم تخيير العميل

[R 7 A L]

معلومه غير صحيحه
يتم تخيير العميل

ما كنت متاكد
بس من دقايق سحبت لي فلوس من atm التابع لـقطر الوطني وطلعت لي ورقه من غير لاختار

[ولد شرق]

ما كنت متاكد
بس من دقايق سحبت لي فلوس من atm التابع لـقطر الوطني وطلعت لي ورقه من غير لاختار

كلامك صحيح اخوي
بنك قطر الوطني يعطيك الوصل بدون ماتطلبه وهذا في كل مكاينهم

[sweet qatar]

تصرف مزعج فعلاً

خصوصاً الي يترك الورقة معلقة في الجهاز

أعتقد صراف البنك التجاري بعد ما يعطيك خيار رفض الورقة


أتمنى زيادة التوعية بهالخصوص

بس لا يحطون فلوس أحياناً نحتاجها

[العنيده]

ماحب اطلب ورقه الا في السفر اذا الخاصيه موجوده في البلاد اصلا قبل لا استلم الفلوس البنك يخصم :rolleyes2: ماشاء الله
ويجيني المسج .. لانه مافيها خصم وفي ناس يضغطون على اي زر ماينتبهون بس استلموا الفلوس ويبون البطاقه بسرعه ..

[A-Alansari]

يمكن كثير منكم يعارض الورقة لو منت بحاجتها

لكن في بعض الاحيان المكاين تألف

عادي مرات تسحب فلوس وترجع الفلوس بنفس الوقت في حسابك مع انه انت خذت الفلوس ومرات تنسحب منك وماتطلع لك فلوس

فالورقه مهمه تضمن لك حقك يكون فيها التاريخ والوقت والمبلغ المسحوب

بالاضافة من حق اي شخص يسحب انه يتم واقف عند المكينه وبعد مايسحب يقرا الي مكتوب على الورقه حتى لو كان هندي لين مايتأكد انه المعامله صحيحه يمشي

في النهايه هذا كمبيوتر ومعرض للأخطاء والواحد من حقه يشيك

واخيرا شي طبيعي راح يقط الورقه بعد مايشوفها لانه مب بحاجتها لانه تأكد من المبلغ ولا تبونه بعد ماياخذ الورقة يروح يبروزها

وانا واحد ماخذ الورقة ولا اطلبها لكن من حق اي شخص انه ياخذها للاسباب الي ذكرتها

[qatara]

فكرتك سليمه 100%

يطلع الكشف على الشاشه

والافضل والاسهل والاضمن من هذا كله

تجيه رساله نصيه بالمبلغ المسحوب + كشف حساب مختصر على جواله

بدلا من الاوراق المهمله بدون خصميات وبدون حسميات قاصرين احنا

[شيخ الديرة]

السلة المعتادة لجمع هذه الأوراق حل غير عملي أو أمن

[بشائر]

مره طقنرت على هندي
انا واقف وراه يحسب ب 200 ريال سوى العمليه اكثر من 7 مرات وكل مره يطلب الورقه ويقعد يقراء
ويكرر قلت رفيق انت شنهو يسوي صار لي اكثر من ربع انا ناطر سيادتك تخلص
بكل بروده سوري سوري وحرك

ذكرني موقفك هذا بموقف صادفني تقريبا من سنتين .. هندي بنفس حالة هالهندي اللي معك
صافط سيارته على جنب وجاي للصراف مشي .. صار له أكثر من ربع ساعة قدام الجهاز يحاول ويحاول مادري
شنهي مشكلته واحنا ننتظردورنا في السيارة لما يئس تأفف وترك الجهاز ولما جيت بدخل البطاقة إلا وألقى مبلغ
كله خمسميات مبين مبلغ كبير مسكين ..
خذناه ورحنا صوبه ناديناه أشرنا وهرنا ماالتفت صوبنا وهو محرك بيطلع من المحطة سدينا عليه الطريق خاف مسكين وعطيناه فلوسه ..
بعضهم يتم يطقطق في هالمفاتيح لين يشير الجهاز .. لا يعرف عربي ولا انجليزي ..


وبالنسبة لكشف الحساب فعلا مثل ماقال رحال بعض البنوك تعطيك بدون طلب .. وأؤيد فكرة خصم مبلغ بسيط نظير طلب
الكشف ( عاد مب عشر ريالات ) أكيد أقل ..
وفقك الله .

[راجي الْعفو]

كاتبين لهم في الشاشات :

حافظ على نظافة البيئة

بس اللي يسحب يقول :

وصخ نظافة البيئة


او يمكن في ناس ما تعرف وشهو المكتوب


عموما ان شاء الله تزيد التوعية بهالخصوص

يعطيك العافية

[@north_star@]

ألف شكر للجميع على التفاعل وابداء الآراء وبالنسبة لضمان الحقوق سواء خذيت الورقة أو ما خذيتها ترى يبين في البنك اذا في خطأ أو تم ارسال رسالة باستلام المبلغ وانت غير مستلم كل الحركات تبين في البنك اذا راجعتهم بسبب خطأ

[Qtr37]

الكشف ضروري
يمكن تبي تعطيه لشخص معين لسبب ما
تختلف الاسباب

[Rider]

مشكلة البعض مايفهم لأجهزة الصراف يمشي على البركة كل ماشاف كلمة نعم ضغط عليها ومادري شسالفة ههههه

[.قطر.]

ذكرني موقفك هذا بموقف صادفني تقريبا من سنتين .. هندي بنفس حالة هالهندي اللي معك
صافط سيارته على جنب وجاي للصراف مشي .. صار له أكثر من ربع ساعة قدام الجهاز يحاول ويحاول مادري
شنهي مشكلته واحنا ننتظردورنا في السيارة لما يئس تأفف وترك الجهاز ولما جيت بدخل البطاقة إلا وألقى مبلغ
كله خمسميات مبين مبلغ كبير مسكين ..
خذناه ورحنا صوبه ناديناه أشرنا وهرنا ماالتفت صوبنا وهو محرك بيطلع من المحطة سدينا عليه الطريق خاف مسكين وعطيناه فلوسه ..
بعضهم يتم يطقطق في هالمفاتيح لين يشير الجهاز .. لا يعرف عربي ولا انجليزي ..


وبالنسبة لكشف الحساب فعلا مثل ماقال رحال بعض البنوك تعطيك بدون طلب .. وأؤيد فكرة خصم مبلغ بسيط نظير طلب
الكشف ( عاد مب عشر ريالات ) أكيد أقل ..
وفقك الله .

جزاج الله خير بشاير
تحبين الخير للناس :victory:

[المحقق كونان]

أنا ما حب الأوراق واستغرب من الي يخلي الورقه فالجهاز

ولكن الورقه مهمه في حالة الإيداع من الصراف الآلي ،، لان صار لي موقف أودعت مبلغ ودخل في حسابي مبلغ اقل ووصلني مسج بمبلغ اقل وكلمت البنك وطلب المعلومات الي في الورقه مثل رقم الجهاز وموقعه ورقم المعامله ورجعو لي الفرق عقب يومين

[راعي ارقام]

وفي بعض البنوك تطبع لك الوقه بدون ماتطلبها لانهم ماعندهم هالخاصية ؟ خاصتناً مكاين بنك قطر الوطني !!

[ANONYMOUS]

اقترح على كافة البنوك يخصمون 10 ريال على الي يطلب كشف حساب وتطلع له ورقة

مسيك بالخير

سلامات 10 ريال.. ليش شاري 3 رول ورق

ريال و واجد بعد.. بس عشان يتأدبون الكيرليس

[ضوى]

المكاين تعطيك الخيار واذا قلت ماتبي الايصال يقول لك تحافظ عالبيئه باختيارك لا

عمري ماخذت وصل لانه يكتب كم المتبقي ويجينا مسج فليش زيادة كميه القمامه !؟

[بنت مريخ]

يطلبونها ويخلونها ف المكينه
ولايحذفها ع الارض للوصاخه
احس مال اول نطلب كشف المسج يكفي

[بشائر]

جزاج الله خير بشاير
تحبين الخير للناس :victory:

ماكان هذا قصدي حبوبة ..
أحب دائما أذكر لمن حولي من الأهل وحتى طالباتي بعض المواقف العجيبة اللي تصير لي أو اللي سمعتها
من الغير وأعقب عليها علشان يستفيدون يتعلمون وبالتالي يحسنون التصرف في مواقف متشابهة أو مختلفة ..
لو تلاحظين صرنا نسمع وبكثرة عبارة .. شسويلهم؟ مالي شغل فيهم .. ماني مسؤول عنهم .. شعلينا منهم .. الخ








المكاين تعطيك الخيار واذا قلت ماتبي الايصال يقول لك تحافظ عالبيئه باختيارك لا

عمري ماخذت وصل لانه يكتب كم المتبقي ويجينا مسج فليش زيادة كميه القمامه !؟



ماعليه اختي ضوى بس فعلا أكثر من مرة سحبت من بنك قطر الوطني وعطاني كشف حساب بدون لا اطلب منه ..
وأنا من النوع اللي ما اطلب لأني اكتفي بالمسج ..

[دايموند]

ما كنت متاكد
بس من دقايق سحبت لي فلوس من atm التابع لـقطر الوطني وطلعت لي ورقه من غير لاختار

والله اخوي اسمح لي ماقصدي اكذبك
بس انا اتذكر اني لما اسحب يتم تخييري الا اذا تغير السيستم مالهم ؟!!!

[Dana’1]

من زمااااان ما طلبت الورقه بعد توفير خدمهsms ارتحنا حتى قبلها نااادر اطلب الكشف

أساسا بالإضافه للي ذكرته وهي سؤ المنظر العام من تناثر الأوراق وضررها عالبيئه

قريت من فتره خبر طبي إن الأوراق الحراريه المستخدمه بالatm تسبب السرطان والسكري ومايصحبها من السمنه وكذالك العقم والسبب انها تحتوي على مادة كيمياوية هي بيسفينول أي bisphenol-A وسهل امتصاصها عن طريق الجلد
خصوصا بعد اذا اليد فيها مرطب أو معقم والطامه الأكبر لو كنت تاكل شي وانت ماسكها!

نسأل الله السلامه للجميع
شكرا عالموضوع

[@north_star@]

من زمااااان ما طلبت الورقه بعد توفير خدمهsms ارتحنا حتى قبلها نااادر اطلب الكشف

أساسا بالإضافه للي ذكرته وهي سؤ المنظر العام من تناثر الأوراق وضررها عالبيئه

قريت من فتره خبر طبي إن الأوراق الحراريه المستخدمه بالatm تسبب السرطان والسكري ومايصحبها من السمنه وكذالك العقم والسبب انها تحتوي على مادة كيمياوية هي بيسفينول أي bisphenol-A وسهل امتصاصها عن طريق الجلد
خصوصا بعد اذا اليد فيها مرطب أو معقم والطامه الأكبر لو كنت تاكل شي وانت ماسكها!

نسأل الله السلامه للجميع
شكرا عالموضوع

اللهم امين وألف شكر على المعلومات .....

[طلعة الروح]

يجوز ان يكون جهل او اهمال من البعض
اذا بنتابع حركات الناس وسوالفهم عمرنا ماراح نخلص
وبتكثر المواضيع بدون جدوى لأن لا وجود لقوانين حاسمه.