بخصوص هولتر للقلب

[الخيالة]

حد منكم ركبوا له من قبل جهاز هولتر للقلب؟
اذا اي شنو لازم اسوي وقت اللي هولتر معاي انا مافهمت وايد ع الممرضة الهندية و طلعت لان كنت تعبانه وماعرف شنو اكتب في الورقة

[ضوى]

مافي اي شي هذا جهاز يقيس النبضات القلبيه لمده ظ¢ظ¤ ساعه لاتحركينه من مكانه لين بكره تردين الجهاز وبس

[لبيبة]

عادي لا تسوين شي، عيشي طبيعي ولا تحركين الجهاز ولا تسبحين ولا يحوشه ماي، المهم تمارسين جميع انشطتج اليومية نفس كل يوم، من غير رياضة.

وهو يقيس النبضات لمدة 24 ساعة، فترجعين لهم الجهاز نفس وقت تركيبه

وسلامتج

[الخيالة]

انا سويت رياضه لان الممرضة ماقالت ما اسوي شلون الحين؟!

[الخيالة]

و عقب شنو بيسوون لين خذوا الجهاز؟ تاريخ ظ¢ظ© بيشيلون

[لبيبة]

لما ترجعين الجهاز قولي لهم من الساعة كم للساعة كم مارستي الرياضة

لما ياخذون الجهاز بيركبونه عندهم في الكمبيوتر ويسحبون البيانات وبعدين في يوم الموعد اللي لج بيكلمج الدكتور اللي طلب منج الفحص عن نتايج الهولتر

[الخيالة]

اها
مشكوره
خير ان شاءالله

[بصمة قطرية]

تكتبين في الورقة الوقت و شنو النشاط اللي كنتي تسوينه
يعني الساعه وحدة لين وحدة وعشر تاكلين
من الساعه ثلاث لين اربع كنتي نايمه
لازم تسجلين كل شي سويتيه خلال ال 24 ساعه
عشان يعرفون اذا في تسارع في النبض
في اي وقت بالضبط ..
ضروري تسجلين عشان يعرفون ..

كل فترة اركب الجهاز ..
ما تسجلين بس متى مشيتي و لا مارستي الرياضة
لازم كل شي ..

[بصمة قطرية]

بعد ما ترجعين الجهاز يشوفون الأوقات اللي فيها النبض سريع
و يشوفون سرعة النبض هل هي طبيعية مع النشاط اللي كنتي تقومين فيه
و لا في تسارع ..