دعم الحكومة لاستقرار المواطنين وتشجيعهم علي العمل الحر

[sweet qatar]

السلام عليكم ورحمة الله وبركاته


تداول الكثير إبداع الأخوة الكويتين و مدى تطور القطاع الخاص عندهم

وفي أحد الدورات الي حضرتها للأستاذ أحمد المطوع ذكر موضوع دعم العمالة عندهم

بالإطلاع من خلال الإنترنت فهمت ان الحكومة تقوم بصرف رواتب للعاملين المسجلين في القطاع الخاص
وكذلك تلزم المؤسسات الي يعملون فيها بدفع أقساط التقاعد

بمعني يتم تأمين المواطن في حالة عمله في القطاع الخاص وضمان استقراره
طبعا الموضوع ما يخلا من تلاعب ضعاف النفوس و إنشاء شركات وهمية أو تقديم بيانات غير حقيقية للحصول علي الراتب أو "دعم العمالة"





السؤال :

هل تكفي التسهيلات المقدمة من حكومة قطر في توجيه المواطنين لخوض غمار القطاع الخاص .. والي يمثل منجم ذهب استفاد منه الأجانب و اكتفي غالب المواطنين بالاستهلاك ؟!

هل توجد تجارب أخرى أكثر تطورا تتمني تطبيقها في قطر ؟!





سؤال الاستبيان:

هل أنت مع دعم الحكومة لاستقرار القطريين في القطاع الخاص
" معناه توفير راتب و اشتراك في صندوق التقاعد "

1- نعم
2-لا


مع ذكر الأسباب لو مافيها كلافة.. :)

[(ام عبدالله)]

انا اطالب بتغيير صيغه الاستطلاع ..

طبيعي اغلب المشاركين او كلهم راح يقولون نعم لان السوال لاتجاه واحد ..

اكيد كل واحد يبغي دعم الحكومه بكافه المجالات فارجو إلغاء كلمه لاء واختيار بدائل اخرى ليكون الاستطلاع افضل ..

وشكرا على الموضوع
طبعا بتسالون شنو برايج ؟؟.. جوابي : مافي شي في بالي هههه

[R 7 A L]

خلنا نفهم اول شي ما المقصود بالقطاع الخاص
هل هي الشركات الخاصة ولا الشركات المساهمة

[sweet qatar]

انا اطالب بتغيير صيغه الاستطلاع ..

طبيعي اغلب المشاركين او كلهم راح يقولون نعم لان السوال لاتجاه واحد ..

اكيد كل واحد يبغي دعم الحكومه بكافه المجالات فارجو اغلاء كلمه لاء واختيار بدائل اخرى ليكون الاستطلاع افضل ..

وشكرا على الموضوع
طبعا بتسالون شنو برايج ؟؟.. جوابي : مافي شي في بالي هههه

هلا فيج أم عبدالله

الهدف واضح من الاستبيان .. أبي أشوف الفكرة المطروحة

هل يتم تأييدها أو رفضها

حياج الله :)

[(ام عبدالله)]

هلا فيج أم عبدالله

الهدف واضح من الاستبيان .. أبي أشوف الفكرة المطروحة

هل يتم تأييدها أو رفضها

حياج الله :)

صحيح الهدف واضح ولكن الاستبيان خاطئ .. شكل يلي يسوي استبيان :

هل تحب امك ؟؟ نعم ام لاء .. طبيعي الاجابه راح تكون نعم .. لانه مافي بدائل واقعيه

[sweet qatar]

خلنا نفهم اول شي ما المقصود بالقطاع الخاص
هل هي الشركات الخاصة ولا الشركات المساهمة

هل تتوقع القطريين العاملين في الشركات المساهمة .. ما يحسون بالاستقرار الوظيفي !!

للتوضيح أكثر أقصد توجه القطريين للعمل الحر .. و المشاريع الخاصة

ان شالله اتضحت عندك الصورة ؟


صحيح الهدف واضح ولكن الاستبيان خاطئ .. شكل يلي يسوي استبيان :

هل تحب امك ؟؟ نعم ام لاء .. طبيعي الاجابه راح تكون نعم .. لانه مافي بدائل واقعيه

شتان بين الاثنين يا أم عبدالله

و لعلمج البعض ممكن يعارض بحجج كثيرة شفناها في أكثر من موضوع تم طرحهم عن المشاريع الصغيرة

إذا الاستبيان مضايقج تجاهليه الموضوع يحتوي أسئلة أعمق وأكثر تحديداً

[R 7 A L]

هل تتوقع القطريين العاملين في الشركات المساهمة .. ما يحسون بالاستقرار الوظيفي !!

للتوضيح أكثر أقصد توجه القطريين للعمل الحر .. و المشاريع الخاصة

ان شالله اتضحت عندك الصورة ؟





اي نعم القطريين العاملين في الشركات المساهمة مايحسون باستقرار وظيفي ولا يوجد احد يسمع لهم



اتضحت الصورة وتم التصويت
شكراً

[ضوى]

تم التصويت

هل تكفي التسهيلات المقدمة من حكومة قطر في توجيه المواطنين لخوض غمار القطاع الخاص .. والي يمثل منجم ذهب استفاد منه الأجانب و اكتفي غالب المواطنين بالاستهلاك ؟!

لا طبعا مايكفي ، يجب ان تكون التسهيلات شبيهه لما هو مقدم في القطاع العام الحكومي ، الشي الوحيد اللي مستفيدين منه سنوات الخدمة والتقاعد ، اعرف واحدة تشتغل في احد شركات البترول العالمية 12 سنة ، واختلفت مع الاجنبية ام عيون زرق وبكل وقاحة طلبوا منها تقديم استقالتها والا بيتأمرون عليها وتطلع بسوء سمعة من الشركة وهذا اللي صار قدمت استقالتها والعب يالاجنبي في الساحة واطرد ولد البلاد

هل توجد تجارب أخرى أكثر تطورا تتمني تطبيقها في قطر ؟!

مادري عن التجارب الصراحة

[ضوى]

بالعكس ام عبدالله الموضوع جدا هادف ، اقلها نوجه شبابنا وبناتنا للتوجه للقطاع الخاص اللي مستحوذين عليه الاجانب بشكل كامل وهم مرتاحين من غير وجود اي ضغوط نفسية او معنوية على ادائهم

[العنيده]

مع الدعم لانه يحتاج وجودنا فيه ..
ويحتاج اثبات قدراتنا فيه ..
ندرة التواجد لعدم توافر الامان فيه .. مع انه يمثل اهميه كبيره في المشاريع ..
عطوني ضمان اني مش مجرد +1 في التوظيف .. واعطيك عهد اعمل بصدق وامانه واقعد على قلوبهم :)

رجعني لموضوع التقطير .. سمعة جمله ( يتوظفون لضرورة وجودهم مب لازم ياخذون شغل )


وبس الحين فهمت ويارب اكون فهمت الموضوع صح ..

[R 7 A L]

بالعكس ام عبدالله الموضوع جدا هادف ، اقلها نوجه شبابنا وبناتنا للتوجه للقطاع الخاص اللي مستحوذين عليه الاجانب بشكل كامل وهم مرتاحين من غير وجود اي ضغوط نفسية او معنوية على ادائهم

الحين في الشركات المساهمة غير مرتاحين ولافيه استقرار وظيفي تبيهم يتجهون للشركات الخاصة ؟
المميزات في الحكومة لا يساويها شي

[sweet qatar]

اي نعم القطريين العاملين في الشركات المساهمة مايحسون باستقرار وظيفي ولا يوجد احد يسمع لهم



اتضحت الصورة وتم التصويت
شكراً

شكرآ علي المشاركة


تم التصويت

هل تكفي التسهيلات المقدمة من حكومة قطر في توجيه المواطنين لخوض غمار القطاع الخاص .. والي يمثل منجم ذهب استفاد منه الأجانب و اكتفي غالب المواطنين بالاستهلاك ؟!

لا طبعا مايكفي ، يجب ان تكون التسهيلات شبيهه لما هو مقدم في القطاع العام الحكومي ، الشي الوحيد اللي مستفيدين منه سنوات الخدمة والتقاعد ، اعرف واحدة تشتغل في احد شركات البترول العالمية 12 سنة ، واختلفت مع الاجنبية ام عيون زرق وبكل وقاحة طلبوا منها تقديم استقالتها والا بيتأمرون عليها وتطلع بسوء سمعة من الشركة وهذا اللي صار قدمت استقالتها والعب يالاجنبي في الساحة واطرد ولد البلاد

هل توجد تجارب أخرى أكثر تطورا تتمني تطبيقها في قطر ؟!

مادري عن التجارب الصراحة

شكرآ علي المشاركة

أقصد الأعمال الحرة و المشاريع الشخصية الصغيرة :o

الحكومة وفرت بعض الخدمات عن طريق بنك التنمية و جهاز قطر للمشاريع الصغيرة

لكن ولا واحد فيهم يمثل أمان واستقرار للقطري في السوق

هم بس يدربون أو يمولون

[sweet qatar]

بالعكس ام عبدالله الموضوع جدا هادف ، اقلها نوجه شبابنا وبناتنا للتوجه للقطاع الخاص اللي مستحوذين عليه الاجانب بشكل كامل وهم مرتاحين من غير وجود اي ضغوط نفسية او معنوية على ادائهم

الظاهر عنوان الموضوع سبب ربكة للأعضاء .. يبي له تعديل

جزاج الله خير حبيبتي علي تشجيعج الدايم :o


مع الدعم لانه يحتاج وجودنا فيه ..
ويحتاج اثبات قدراتنا فيه ..
ندرة التواجد لعدم توافر الامان فيه .. مع انه يمثل اهميه كبيره في المشاريع ..
عطوني ضمان اني مش مجرد +1 في التوظيف .. واعطيك عهد اعمل بصدق وامانه واقعد على قلوبهم :)

رجعني لموضوع التقطير .. سمعة جمله ( يتوظفون لضرورة وجودهم مب لازم ياخذون شغل )


وبس الحين فهمت ويارب اكون فهمت الموضوع صح ..

هههههههههه

للأسف العنيدة ردج قبل التعديل كان الأقرب لمحور الموضوع

أقصد الأعمال الحرة مب قطاع البترول و غيره

انتظر إضافتج :o

[JN000N]

دعم المشاريع الخاصه؟
+ كوفي وبسكوت عشان اصحصح

[sweet qatar]

دعم المشاريع الخاصه؟
+ كوفي وبسكوت عشان اصحصح

هلا جنون

أنا ذكرت تجربة الكويت في دعم العمالة

يعني عندج مشروع و شركة قائمة باسمج

ممكن توظفين قطريين للعمل عندج و يمشي لهم راتب من الحكومة
وانتي تدفعين عنهم اشتراك التقاعد


ماعندي إلا تمرة و قهوة عربية .. تمشي ولا ؟ :rolleyes:

[المخباط]

ياريت نستفيد من التجارب الناجحه مثل الكويت
لدعم القطاع الخاص
وأكبر مشكله تواجه القطري التاجر الناشىء
ارتفاع الاجار وعدم سماح إدارة المولات بتأجير أي محل إلا للماركات العالميه.
ياريت يكون فيه توجه من الحكومه في فرض تقطير ولو بنسبه 10%من محلات المولات
لتشجيع القطريين على دخول القطاع الخاص

[ضوى]

اهاا الحين فهمت الموضوع

لا طبعا مافي اي دعم للمشاريع الخاصة البسيطة ماقصد الصناعية الكبيرة هاي دعم لا محدود من الدولة

[العنيده]

ياريت نستفيد من التجارب الناجحه مثل الكويت
لدعم القطاع الخاص
وأكبر مشكله تواجه القطري التاجر الناشىء
ارتفاع الاجار وعدم سماح إدارة المولات بتأجير أي محل إلا للماركات العالميه.
ياريت يكون فيه توجه من الحكومه في فرض تقطير ولو بنسبه 10%من محلات المولات
لتشجيع القطريين على دخول القطاع الخاص

الفكره اللي ذكرتها صح لو في جهه تتبنى الافكار الجديده وتوفر لهم حتى المكان .. ومع الربح المبالغ ترجع .. انا من الناس اللي عندي سجل تجاري بس للحين مو قادره
اوفر لي مكان لان الايجارات غاليه .. اذا شركه جديده صعب اقدر اسدد الايجار على طول يبي وقت لحد ماتثبت جدارتها بالسوق ..
هي مسالة ثقه بالتاجر .. وايد مشاريع في دول ثانيه بدت من مواطن بفكره بسيطه ووصلت مابنقول برع بس اقلها للدول الللي حواليها ..

[sweet qatar]

ياريت نستفيد من التجارب الناجحه مثل الكويت
لدعم القطاع الخاص
وأكبر مشكله تواجه القطري التاجر الناشىء
ارتفاع الاجار وعدم سماح إدارة المولات بتأجير أي محل إلا للماركات العالميه.
ياريت يكون فيه توجه من الحكومه في فرض تقطير ولو بنسبه 10%من محلات المولات
لتشجيع القطريين على دخول القطاع الخاص

اقتراح ممتاز .. وبعد آخر لدعم الحكومة

ذكرتني يوم كنت مع أختي تدور لها محل .. من فترة طويلة

اجار محل في ام صلال محمد والمبني واقف لحاله ما حوله شي تجاري

6 أو 8 آلاف !!!


شي غير منطقي !!

[sweet qatar]

اهاا الحين فهمت الموضوع

لا طبعا مافي اي دعم للمشاريع الخاصة البسيطة ماقصد الصناعية الكبيرة هاي دعم لا محدود من الدولة

نتمني زيادة الدعم الموجود مع وجود أكثر من جهاز داخل في منظومة العمل الحر

إلا إن المخرجات ضعيفة نوعاً ما





الفكره اللي ذكرتها صح لو في جهه تتبنى الافكار الجديده وتوفر لهم حتى المكان .. ومع الربح المبالغ ترجع .. انا من الناس اللي عندي سجل تجاري بس للحين مو قادره
اوفر لي مكان لان الايجارات غاليه .. اذا شركه جديده صعب اقدر اسدد الايجار على طول يبي وقت لحد ماتثبت جدارتها بالسوق ..
هي مسالة ثقه بالتاجر .. وايد مشاريع في دول ثانيه بدت من مواطن بفكره بسيطه ووصلت مابنقول برع بس اقلها للدول الللي حواليها ..

وحدة من الأفكار الي ساعدت بعض المشاريع هو المشاركة في ايجار فيلا وحدة

ممكن 4 تاجرات يشتركون ويعرضون في مكان واحد

وفي بعض المبادرات مثل Q talent في كتارا

الي تجمع أكثر من تاجر قطري و حتي من أبناء القطريات في محل واحد

أسواق الفرجان تم طرحها لحل المشكلة هذي

جربتي تقدمين عليها أختي العنيدة ؟

[ولد العرب]

تم تصويت :nice:

[JN000N]

ع
هلا جنون

أنا ذكرت تجربة الكويت في دعم العمالة

يعني عندج مشروع و شركة قائمة باسمج

ممكن توظفين قطريين للعمل عندج و يمشي لهم راتب من الحكومة
وانتي تدفعين عنهم اشتراك التقاعد


ماعندي إلا تمرة و قهوة عربية .. تمشي ولا ؟ :rolleyes:

ينفع ليش لا
كل شي منج حلو

ف الكويت غير
من فتره صج كنت اتناقش الموضوع مع وحده من اصحاب المشاريع الخاصه
والشكوى كلها كانت ف محور واحد ان مافي دعم لاصحاب هذي المشاريع الخاصه
غير عن الكويت
تشوفين الواحد يبدا نقطه وشلون عقب يتطور ويوصل للي يبيه سهوله بدون معوقات وبدون حواجز وتعقيدات
اما احنا لازم فيتامين واو ف كل مكان عشان تمشي امورج

[sweet qatar]

تم تصويت :nice:

شكرآ لك :)




ينفع ليش لا
كل شي منج حلو

ف الكويت غير
من فتره صج كنت اتناقش الموضوع مع وحده من اصحاب المشاريع الخاصه
والشكوى كلها كانت ف محور واحد ان مافي دعم لاصحاب هذي المشاريع الخاصه
غير عن الكويت
تشوفين الواحد يبدا نقطه وشلون عقب يتطور ويوصل للي يبيه سهوله بدون معوقات وبدون حواجز وتعقيدات
اما احنا لازم فيتامين واو ف كل مكان عشان تمشي امورج

شوفي ما في شي سهل

بس هم فعلاً كانت عندهم خطة للتطوير ونفذوها

علي قولة وحدة منهم تقول الكويتين خلصوا الأفكار .. كل شي مسوينه

وكانت تشجع القطريات لأن عندنا فرصة والمنافسة قليلة وأحياناً معدومة


شي طبيعي إذا بيمشي لي راتب و ضامنه التقاعد

بشتغل مع رفيجتي ولا أختي في مشروعها

بفيد واستفيد .. وبتقل البطالة المقنعة وتكدس الموظفين من الواسطة


علي طاري الواسطة .. الكويت حالهم من حال قطر :)

بسألج جنون

ايش الضمان الي بتحتاجينه للتخلي عن وظيفتج الحالية وتفرغج لمشروعج ؟! علي افتراض في بالج نشاط معين ،،

[JN000N]

شكرآ لك :)



شوفي ما في شي سهل

بس هم فعلاً كانت عندهم خطة للتطوير ونفذوها

علي قولة وحدة منهم تقول الكويتين خلصوا الأفكار .. كل شي مسوينه

وكانت تشجع القطريات لأن عندنا فرصة والمنافسة قليلة وأحياناً معدومة


شي طبيعي إذا بيمشي لي راتب و ضامنه التقاعد

بشتغل مع رفيجتي ولا أختي في مشروعها

بفيد واستفيد .. وبتقل البطالة المقنعة وتكدس الموظفين من الواسطة


علي طاري الواسطة .. الكويت حالهم من حال قطر :)

بسألج جنون

ايش الضمان الي بتحتاجينه للتخلي عن وظيفتج الحالية وتفرغج لمشروعج ؟! علي افتراض في بالج نشاط معين ،،


مب الحين
لما امشي ف مشروعي واوصل مرحلة انه صار stabilized وربحه ثابت او ف الرينج عالاقل*
واشوف اني بديت افكر ف التوسع اكثر برا واطور اكثر وعارفه ان الموضوع مافيه خساير بتاثر ع مدخولي الشهري
وقتها بقول هلا بالتقاعد والقعده ف البيت
ات ليست ضامنه اني قادره اعيش بدون وظيفه

[ريم الشمال]

هل تكفي التسهيلات المقدمة من حكومة قطر في توجيه المواطنين لخوض غمار القطاع الخاص .. والي يمثل منجم ذهب استفاد منه الأجانب و اكتفي غالب المواطنين بالاستهلاك ؟!

ليس لدي فكره كاملة عن هذا الموضوع ولكن بالنسبة للمتقاعدين هناك دعم من الهيئة العامة للتقاعد وذلك من خلال مسج يدعوا إلى دورة تدريبة على العمل الحر ومشاريع طبعاً هذا المسج لا يوضح لي الفكرة ولا الدعم لأني لم اقوم بالاتصال والاستفسار ولكنها بادرة طيبة منهم .
على هذا الاساس اعتقد أن الدولة لديها ايضا مؤسسة تدعم المشاريع الصغيرة وتساعد في تمويلها لمن يرغب حسب شروط
مما سبق يتضح لي أن الدولة تقدم مساعدة ولكن وفق شروط لمن يقدم له هذا الدعم وممكن يتوسع الدعم إذا تم النجاح

هل توجد تجارب أخرى أكثر تطورا تتمني تطبيقها في قطر ؟!

ليس لدي ولكن أرغب بالأفضل أن يقدم لكل مواطن أما الافكار فهي تحتاج دراسة ومتطلبات لا تتوفرة لدى حالياً

شكراً على الموضوع الذي يساهم في حل وفتح افاق جديده

تم التصويت بنعم

[بنت شرق]

التصويت تم ،،،

[sweet qatar]

مب الحين
لما امشي ف مشروعي واوصل مرحلة انه صار stabilized وربحه ثابت او ف الرينج عالاقل*
واشوف اني بديت افكر ف التوسع اكثر برا واطور اكثر وعارفه ان الموضوع مافيه خساير بتاثر ع مدخولي الشهري
وقتها بقول هلا بالتقاعد والقعده ف البيت
ات ليست ضامنه اني قادره اعيش بدون وظيفه

شروطج وايد جنون !!

الله يوفقج ويكتب لج الخير و نوقف معاج في افتتاح هونولولو برانش :o




التصويت تم ،،،

شكرآ لج :)

[sweet qatar]

كالعادة يا ريم الشمال .. تثرين الموضوع و تنبهينا لزوايا كنا غافلين عنها



هل تكفي التسهيلات المقدمة من حكومة قطر في توجيه المواطنين لخوض غمار القطاع الخاص .. والي يمثل منجم ذهب استفاد منه الأجانب و اكتفي غالب المواطنين بالاستهلاك ؟!

ليس لدي فكره كاملة عن هذا الموضوع ولكن بالنسبة للمتقاعدين هناك دعم من الهيئة العامة للتقاعد وذلك من خلال مسج يدعوا إلى دورة تدريبة على العمل الحر ومشاريع طبعاً هذا المسج لا يوضح لي الفكرة ولا الدعم لأني لم اقوم بالاتصال والاستفسار ولكنها بادرة طيبة منهم .
على هذا الاساس اعتقد أن الدولة لديها ايضا مؤسسة تدعم المشاريع الصغيرة وتساعد في تمويلها لمن يرغب حسب شروط
مما سبق يتضح لي أن الدولة تقدم مساعدة ولكن وفق شروط لمن يقدم له هذا الدعم وممكن يتوسع الدعم إذا تم النجاح


فعلا مثل ما ذكرتي أختي ريم ... تقوم هيئة التقاعد بالتعاون مع قطر للمشاريع بتقديم


برنامج خطوة

و هو عبارة عن برنامج تدريبي يؤهل المتقاعد لرسم صورة واضحة لمشروعه
ثم يتم توجيهه لقنوات الدعم والتمويل


مبادرة جميلة كبداية لأي عمل .. و مثلها كانت دار الإنماء الاجتماعي تطرح دورة " حدد وابدأ " و دراسات الجدوى وغيرها








هل توجد تجارب أخرى أكثر تطورا تتمني تطبيقها في قطر ؟!

ليس لدي ولكن أرغب بالأفضل أن يقدم لكل مواطن أما الافكار فهي تحتاج دراسة ومتطلبات لا تتوفرة لدى حالياً

شكراً على الموضوع الذي يساهم في حل وفتح افاق جديده

تم التصويت بنعم


الشكر لج يالغالية علي التصويت وإثراء النقاش

وبناءً علي ما ورد في مشاركتج بحاول استعرض الأجهزة الحكومية الداعمة للعمل الحر و متطلباتها و شروطها

[حسن]

الحمدلله على السلامه


:)

[sweet qatar]

الحمدلله على السلامه


:)

الله يسلمك :)

[حسن]

الله يسلمك :)


شكرا

ممكن توضيحن لي اكثر فضلا لا امرا ؟

علشان اعرف اجاوب

ماهوالدعم المطلوب وشلون وكيف وهل تقصدين الوظائئف ام التجاره ؟


تكرما لا امرا


:)

[sweet qatar]

يقدم بنك قطر للتنمية برنامج "الضمين"

عبارة عن تسهيل إقراض غير مباشر

و تعتبر القطاعات التالية غير مؤهلة لتقديم الطلب :

-الزراعة والثروة الحيوانية و السمكية
-التعدين و المحاجر غير النفطية
-تجارة الجملة والتجزئة
-الأنشطة المالية والتأمين
-الأنشطة العقارية


يعني واضح إن البرنامج "الضمين" موجه لدعم الصناعات المتوسطة

وبالتالي تاجرنا البسيط لازم يشوف جهة ثانية للتمويل أو الدعم

[sweet qatar]

شكرا

ممكن توضيحن لي اكثر فضلا لا امرا ؟

علشان اعرف اجاوب

ماهوالدعم المطلوب وشلون وكيف وهل تقصدين الوظائئف ام التجاره ؟


تكرما لا امرا


:)

أكيد .. وبكل سرور

أقصد التجار

أن الدولة تقدم راتب ثابت حتي لو كان نص الراتب الاساسي في الوظيفة الحكومية مع ضمان اشتراك هيئة التقاعد للقطري العامل في الشركات الخاصة

[حسن]

أكيد .. وبكل سرور

أقصد التجار

أن الدولة تقدم راتب ثابت حتي لو كان نص الراتب الاساسي في الوظيفة الحكومية مع ضمان اشتراك هيئة التقاعد للقطري العامل في الشركات الخاصة

الدوله تدعم التاجر براتب !وعلى شنهو على رفع سعره وقصبه علينا !
:eek5:

ابتدى الحوار

ونقول بسم الله والحمد لله

اقتراح مش مقنع يا سويت قطر

فضلا لا امرا

:)

[sweet qatar]

الدوله تدعم التاجر براتب !وعلى شنهو على رفع سعره وقصبه علينا !
:eek5:

ابتدى الحوار

ونقول بسم الله والحمد لله

اقتراح مش مقنع يا سويت قطر

فضلا لا امرا

:)

حنا لها :fight:

أنا ماقصد التاجر الكبير

أقصد الي بيدخل السوق .. يبي له ضمان

أو حتي القطري الي بيشتغل عند التاجر العود يمشي له راتب من الحكومة و تدفع الشركة عنه قسط التقاعد


ممكن أعرف ليش كل التجار عندك حرامية ؟!

مب حرام هل الانستقرام يتمون بس خلف الشاشات !!

ما يتوسعون ما يتطورون !!

[حسن]

حنا لها :fight:

أنا ماقصد التاجر الكبير

أقصد الي بيدخل السوق .. يبي له ضمان

أو حتي القطري الي بيشتغل عند التاجر العود يمشي له راتب من الحكومة و تدفع الشركة عنه قسط التقاعد


ممكن أعرف ليش كل التجار عندك حرامية ؟!

مب حرام هل الانستقرام يتمون بس خلف الشاشات !!

ما يتوسعون ما يتطورون !!


اللي يبي يدخل السوق يبيله ضمان !يعني هو اساسا موظف سابق ولا ايش !
بعدين نادر من يلجاء يشتغل عند تاجر
الى شخص مشهور مثلا
واساسا احنا الكثير منا والغالبيه العظمى مايحب يشتغل في قطاع خاص الى شركات كبيره
مثل البترول وغيرها
وبعدين انا ما قلت التجار حراميه !ترا هذا اتهام !
انا قلت يقصبون يعني يرفعون الاسعار وهذه حقيقه والردود هني بالهبل
وروحي صوب حمايه المستهلك وشوفي الردود مع العلم مادخلت هذا القسم من سنه
لا زالت فكرتك غير واضحه
وبعدين ماادري كيف العقد يكون وهذا قطاع خاص الدوله ماتقدر تلزم فيه
هل يجوز اني اتصرف في شي خاص لك !
فكرتك زينه ولكن مااعتقد لها صدى بحكم الغالبيه تفضل عمل الحكومه
والوزرات المدنيه خذ راتب وانت متكي


:)

[Al-Kuwari]

هلا سويت

موضوع حلو , الله يعطيج العافية

نرجع للموضوع

الدعم عندنا بسيط جداً وليس بالشكل او الكيف اللي نتمناه

كمثال ذكروه الاخوان هنا بالموضوع ان بنك التنمية مثلاً يعطيك قرض او دورة كيف تبدا مشروعك

هذا الدعم بسيط جداً ولا ينفع بصراحة

وش الفايدة اعطيك قرض ومافي محلات للاجار ؟ او في محلات اسعارها مبالغ فيها جداً ؟

الاولى ان تدعم الحكومة التاجر بشكل غير مباشر بأن تزيد عدد الشوارع التجارية , ان تضع اسعاراً ثابته للمحلات وللأيجار كي لا يبالغ صاحب العقار في قيمه عقاره

الى الأن لا يمكنك ان تعرف مثلا كم اجار المحل في مجمع كالاند مارك , ولو حبيت تعرف لازم تقدم فكرة مشروعك قبل وبعدين يقولون لك كم السعر ! ليش , يمكن ماقدر على اجارك فليش اعرض فكرتي لك اساساً ؟؟

ما عندنا شفافية و وضوح في موضوع الاجارات اطلاقاً وبالنسبه للتاجر اكيد قبل كل شي يهتم بسعر الاجار فهو مطالب باجار محل واجار سكن عمال والاسعار مبالغ فيها بشكل غير طبيعي وغير مبرر ولو تبي بعد مكان محترم كاللؤلؤة او كتارا او مجمع تجاري كبير فالموضوع مب بسيط ومب اي حد يعطونه محل تعال دور واسطه بعد

فارجع واقول عطيتني دورة جزاك الله خير وعطيتني قرض , بس وش اسوي بالقرض اذا كانت قيمة الاجار مبالغ فيها جداً وماقدر افتح بزنس لان سعر التكلفة عالي ولا يوازي القيمة اللي ممكن يدفعها لي الزبون ؟؟

لذلك لا دعم الدولة بسيط جداً وسطحي , ولا يرقى للمستوى اللي يشجع المواطن انه يغامر ويدخل السوق

[sweet qatar]

اللي يبي يدخل السوق يبيله ضمان !يعني هو اساسا موظف سابق ولا ايش !
بعدين نادر من يلجاء يشتغل عند تاجر
الى شخص مشهور مثلا
واساسا احنا الكثير منا والغالبيه العظمى مايحب يشتغل في قطاع خاص الى شركات كبيره
مثل البترول وغيرها


أي مواطن ثانوي أو جامعي او حتي بدون مؤهل عنده فكرة أو مهارة معينة بعيدة عن العمل الحكومي

هو المستهدف من الدعم المطلوب في هذا الموضوع

وبالعكس الشركات الكبيرة عملها جذاب

أذكر وحدة أعرفها دخلت تدريب في شركة nbk واستفادت وايد



وبعدين انا ما قلت التجار حراميه !ترا هذا اتهام !
انا قلت يقصبون يعني يرفعون الاسعار وهذه حقيقه والردود هني بالهبل
وروحي صوب حمايه المستهلك وشوفي الردود مع العلم مادخلت هذا القسم من سنه

مادري حسيتك تقصدها .. انزين آسفة

طبيعي يزيد السعر لأنه هلك عشان يفتح بزنس في قطر

إذا الشركات الكبيرة ترفع الأسعار

ما بالك بتاجر توه داش السوق و دفع كل الي عنده عشان يفتح له دكيكين !



لا زالت فكرتك غير واضحه
وبعدين ماادري كيف العقد يكون وهذا قطاع خاص الدوله ماتقدر تلزم فيه
هل يجوز اني اتصرف في شي خاص لك !

انا تكلمت في البداية عن تجربة دعم العمالة في الكويت
وهذي فكرتهم أنا ما جبت شي جديد .. بس فكرت فيها لو عندي دخل ثابت
و ضمان التقاعد .. احتمال كبير أشوف لي شركة تشتغل في المجال الي أحبه

أتعلم الشغل عقب افتح شركة بنفسي .. و تزيد المنافسة في السوق

و ترتفع جودته !!



فكرتك زينه ولكن مااعتقد لها صدى بحكم الغالبيه تفضل عمل الحكومه
والوزرات المدنيه خذ راتب وانت متكي

:)



الوظايف الحكومية دفنت مواهب كثيرة للأسف

وكثير من شبابنا مبدع لكن إغراء الوظيفة الحكومية أكبر :(

[sweet qatar]

هلا سويت

موضوع حلو , الله يعطيج العافية

نرجع للموضوع

الدعم عندنا بسيط جداً وليس بالشكل او الكيف اللي نتمناه

كمثال ذكروه الاخوان هنا بالموضوع ان بنك التنمية مثلاً يعطيك قرض او دورة كيف تبدا مشروعك

هذا الدعم بسيط جداً ولا ينفع بصراحة

وش الفايدة اعطيك قرض ومافي محلات للاجار ؟ او في محلات اسعارها مبالغ فيها جداً ؟

الاولى ان تدعم الحكومة التاجر بشكل غير مباشر بأن تزيد عدد الشوارع التجارية , ان تضع اسعاراً ثابته للمحلات وللأيجار كي لا يبالغ صاحب العقار في قيمه عقاره

الى الأن لا يمكنك ان تعرف مثلا كم اجار المحل في مجمع كالاند مارك , ولو حبيت تعرف لازم تقدم فكرة مشروعك قبل وبعدين يقولون لك كم السعر ! ليش , يمكن ماقدر على اجارك فليش اعرض فكرتي لك اساساً ؟؟

ما عندنا شفافية و وضوح في موضوع الاجارات اطلاقاً وبالنسبه للتاجر اكيد قبل كل شي يهتم بسعر الاجار فهو مطالب باجار محل واجار سكن عمال والاسعار مبالغ فيها بشكل غير طبيعي وغير مبرر ولو تبي بعد مكان محترم كاللؤلؤة او كتارا او مجمع تجاري كبير فالموضوع مب بسيط ومب اي حد يعطونه محل تعال دور واسطه بعد

فارجع واقول عطيتني دورة جزاك الله خير وعطيتني قرض , بس وش اسوي بالقرض اذا كانت قيمة الاجار مبالغ فيها جداً وماقدر افتح بزنس لان سعر التكلفة عالي ولا يوازي القيمة اللي ممكن يدفعها لي الزبون ؟؟

لذلك لا دعم الدولة بسيط جداً وسطحي , ولا يرقى للمستوى اللي يشجع المواطن انه يغامر ويدخل السوق

يا هلا فيك أخوي

أتفق معاك إن الأجار وحده يكسر ظهر التاجر ما بالك بتجهيز المكان وإعداده

و سواء التمويل عن طريق بنك التنمية أو دار الإنماء الاجتماعي

ممكن أخصص جزء منه لتغطية قيمة الإيجار لفترة معينة


الدولة مؤخراً قامت بعدة خطوات في هالجانب واسمح لي اذكرهم في معرض تعقيبي علي مشاركتك

تخصيص شوارع تجارية جديدة

نعم الدولة قامت مشكورة بهالشي لكن الهوامير كانوا أقرب .. :)
طبعا ما أحتاج اذكر تفاصيل لكن لما صارت المحلات بأيديهم بقي الوضع علي ما هو عليه

وكنك يا بو زيد ما غزيت !

الحل الثاني الي قدمته الحكومة

أسواق الفرجان

تسابقوا أهل قطر للتسجيل .. الي له في التجارة والي ما له
و كلن و حظه



أذكر في مركز كان ياجر مكاتب للمواطنين ببلاش يومين في الأسبوع في ذا جيت

والمركز تابع لوزارة التجارة

للأسف إني ما لقيت موقعهم ولا أتذكر اسم المركز


في فترة سابقة كانت الكثير من المواقع الخاصة بريادة الأعمال في قطر
الحين اشوف البعض منها مهجور وآخر نشاط له من سنتين !!



بالعودة لموضوع الاجارات

هل تؤيد أخوي الكواري اقتراح أخونا المخباط في إلزام المجمعات بتأجير 10 % من محلاتها علي مواطنين ؟

أو شرايك لو تم تخصيص مجمع كامل للمشاريع القطرية ؟!

[Al-Kuwari]

يا هلا فيك أخوي

أتفق معاك إن الأجار وحده يكسر ظهر التاجر ما بالك بتجهيز المكان وإعداده

و سواء التمويل عن طريق بنك التنمية أو دار الإنماء الاجتماعي

ممكن أخصص جزء منه لتغطية قيمة الإيجار لفترة معينة


الدولة مؤخراً قامت بعدة خطوات في هالجانب واسمح لي اذكرهم في معرض تعقيبي علي مشاركتك

تخصيص شوارع تجارية جديدة

نعم الدولة قامت مشكورة بهالشي لكن الهوامير كانوا أقرب .. :)
طبعا ما أحتاج اذكر تفاصيل لكن لما صارت المحلات بأيديهم بقي الوضع علي ما هو عليه

وكنك يا بو زيد ما غزيت !

الحل الثاني الي قدمته الحكومة

أسواق الفرجان

تسابقوا أهل قطر للتسجيل .. الي له في التجارة والي ما له
و كلن و حظه



أذكر في مركز كان ياجر مكاتب للمواطنين ببلاش يومين في الأسبوع في ذا جيت

والمركز تابع لوزارة التجارة

للأسف إني ما لقيت موقعهم ولا أتذكر اسم المركز


في فترة سابقة كانت الكثير من المواقع الخاصة بريادة الأعمال في قطر
الحين اشوف البعض منها مهجور وآخر نشاط له من سنتين !!



بالعودة لموضوع الاجارات

هل تؤيد أخوي الكواري اقتراح أخونا المخباط في إلزام المجمعات بتأجير 10 % من محلاتها علي مواطنين ؟

أو شرايك لو تم تخصيص مجمع كامل للمشاريع القطرية ؟!


الحلول ضعيفه اختي سويت

مثلا تسوي شوارع تجارية جديده لكن فالنهايه الناس هم هم ماسوينا شي والاجارات مثل ماهي

بخصوص اسواق الفرجان فالنهايه الموضوع حظ سجل وقرعه

ما هكذا تورد الابل , مب بهالطريقة المواطن بيتشجع يفتح مشروع دام السالفة حظوظ وغموض في غموض

محلات سوق واقف يقولون لج سكان المنطقه وفالنهايه تتأجر لمحلات كبيرة فالدولة هل هم من سكان المنطقة ؟ لا لكن الواو يتكلم

بخصوص تأجير المجمعات للمواطنين لا ابي حل افضل

ابي شفافيه , ابي لما ادخل موقع المجمع القى الاسعار وطريقة التقديم والشروط واضحه

ابي اجار المحلات يكون واقعي ويعكس حجم السوق مهب يعكس مزاج وافكار راعي المحل

ابي شي يشجعني كمواطن اني افتح مشروع

ما اقولج ادعموني لين ما انجح

لكن عطني فرصة عادلة , اما مسألة اني افتح محل جذي بدون دراسة واضحة بدون قوانين واضحة بدون حقوق و واجبات , بأسعار مبالغ فيها جداً , لا والف لا ومالوم القطري اذا سحب نفسه من التجارة , لان مافيه اي ضمانات او واقعية في سوق العمل الحر , كل شي في دولتنا للأسف يمشي عكس المنطق والعلم

البترول ينزل البيوت اسعارها يرتفع
المعروض يزيد عن الطلب وللحين الاسعار ترتفع
الشركة تخسر سهمها يرتفع بسوق الاسهم

للأسف في سوقنا القطري كل ما تتعلمه فالخارج من دراسات ومواد وشهادات ماينفعك لان سوق قائم عالمزاجية

[المبرمج صلاح]

المشكلة الوحيدة التي تقابل اي مستثمر خاص في قطر هي الايجارات فقط لا غير
اذا تم حل مشكلة الايجارات سوف تزيد نسبة الاستثمار الخاص باكثر من 50 %

لذا اذا الحكومة وفرت مكاتب او مخازن او حلت مشكلة الايجارات باي طريقة دعم فيكون للقطريين فرصة كبيرة بالمنافسة في المجال الخاص بدون اي خوف وسوف ينفتح السوق الخاص بصورة كبيرة في كل المجالات

[QtrGate]

نعم أنا مع تشجيع الحكومة للمواطنين بالتجارة

لأكن لست مع الحكومة في دعم كبار رجال الاعمال وترك الشباب ومحدودي الدخل

مايقوم به بنك قطر للتنميه
من دعم المشاريع التي تفوق العشر مليون ريال
هو دعم للبزنس مان

والشباب اصحاب المشاريع الصغيرة
من لهم في ضَل ارتفاع أسعار الايجارات*

اقترح على وزارة الاقتصاد اعادة تجربة أسواق الفرجان
لكن بشرط يسمح للتسجيل لمن ليس له نشاط تجاري من قبل

[حمد 2002]

هلا سويت

موضوع حلو , الله يعطيج العافية

نرجع للموضوع

الدعم عندنا بسيط جداً وليس بالشكل او الكيف اللي نتمناه

كمثال ذكروه الاخوان هنا بالموضوع ان بنك التنمية مثلاً يعطيك قرض او دورة كيف تبدا مشروعك

هذا الدعم بسيط جداً ولا ينفع بصراحة

وش الفايدة اعطيك قرض ومافي محلات للاجار ؟ او في محلات اسعارها مبالغ فيها جداً ؟

الاولى ان تدعم الحكومة التاجر بشكل غير مباشر بأن تزيد عدد الشوارع التجارية , ان تضع اسعاراً ثابته للمحلات وللأيجار كي لا يبالغ صاحب العقار في قيمه عقاره

الى الأن لا يمكنك ان تعرف مثلا كم اجار المحل في مجمع كالاند مارك , ولو حبيت تعرف لازم تقدم فكرة مشروعك قبل وبعدين يقولون لك كم السعر ! ليش , يمكن ماقدر على اجارك فليش اعرض فكرتي لك اساساً ؟؟

ما عندنا شفافية و وضوح في موضوع الاجارات اطلاقاً وبالنسبه للتاجر اكيد قبل كل شي يهتم بسعر الاجار فهو مطالب باجار محل واجار سكن عمال والاسعار مبالغ فيها بشكل غير طبيعي وغير مبرر ولو تبي بعد مكان محترم كاللؤلؤة او كتارا او مجمع تجاري كبير فالموضوع مب بسيط ومب اي حد يعطونه محل تعال دور واسطه بعد

فارجع واقول عطيتني دورة جزاك الله خير وعطيتني قرض , بس وش اسوي بالقرض اذا كانت قيمة الاجار مبالغ فيها جداً وماقدر افتح بزنس لان سعر التكلفة عالي ولا يوازي القيمة اللي ممكن يدفعها لي الزبون ؟؟

لذلك لا دعم الدولة بسيط جداً وسطحي , ولا يرقى للمستوى اللي يشجع المواطن انه يغامر ويدخل السوق

التجاره مب شرط انه يكون عندك محل أو مكتب ..


التجاره لها أشكال والوان ..

بس يبيلها شويه حركه والتوفيق من الله ..


من 1000 ريال تقدر تصير تاجر ومن مليون ريال تقدر تصير تاجر ..


أما الي بيتذمر انه الاجارات غاليه وووووو ..

فهذا طوول عمره مب صاير تاجر ..


تحياتي للجميع ..

[sweet qatar]

الحلول ضعيفه اختي سويت

مثلا تسوي شوارع تجارية جديده لكن فالنهايه الناس هم هم ماسوينا شي والاجارات مثل ماهي

بخصوص اسواق الفرجان فالنهايه الموضوع حظ سجل وقرعه

ما هكذا تورد الابل , مب بهالطريقة المواطن بيتشجع يفتح مشروع دام السالفة حظوظ وغموض في غموض

محلات سوق واقف يقولون لج سكان المنطقه وفالنهايه تتأجر لمحلات كبيرة فالدولة هل هم من سكان المنطقة ؟ لا لكن الواو يتكلم


أتفق معاك

للأسف حتي لو في خطوات للإصلاح .. يخربونها




بخصوص تأجير المجمعات للمواطنين لا ابي حل افضل

ابي شفافيه , ابي لما ادخل موقع المجمع القى الاسعار وطريقة التقديم والشروط واضحه

ابي اجار المحلات يكون واقعي ويعكس حجم السوق مهب يعكس مزاج وافكار راعي المحل

ابي شي يشجعني كمواطن اني افتح مشروع


طيب في مجمعات تجارية قيد الإنشاء .. يمكن مع كثرة المجمعات تنحل المشكلة



ما اقولج ادعموني لين ما انجح

لكن عطني فرصة عادلة , اما مسألة اني افتح محل جذي بدون دراسة واضحة بدون قوانين واضحة بدون حقوق و واجبات , بأسعار مبالغ فيها جداً , لا والف لا ومالوم القطري اذا سحب نفسه من التجارة , لان مافيه اي ضمانات او واقعية في سوق العمل الحر , كل شي في دولتنا للأسف يمشي عكس المنطق والعلم

البترول ينزل البيوت اسعارها يرتفع
المعروض يزيد عن الطلب وللحين الاسعار ترتفع
الشركة تخسر سهمها يرتفع بسوق الاسهم

للأسف في سوقنا القطري كل ما تتعلمه فالخارج من دراسات ومواد وشهادات ماينفعك لان سوق قائم عالمزاجية


صحيح السوق بعيد عن المبادئ الي ندرسها لكن معالمه واضحه

سوقنا بسيط مب معقد .. يسيطر عليه الاحتكار

طيب هالاجانب الي فتحوا مشاريع ورا مشاريع شلون ؟

أنا ما بتكلم عن العوائل الأجنبية المعروفة بالتجارة من زمان والحين ماشالله محلاتهم و شركاتهم في كل مكان

بتكلم عن مشاريع بدت صغيرة وكبرت في غضون سنتين

هم عرفوا شلون يدخلون السوق واحنا للحين متخوفين

وهذا واحد من أسباب طرح الموضوع

الأجنبي متفرغ تفرغ كامل لمشروعه

أما أنا أحتاج الوظيفة عشان أوفر راس المال .. ولا اقدر اتخلي عنها لأني ببقي بعدها بدون ضمانات !!

[sweet qatar]

الأخوة المهتمين

الرجاء الإطلاع علي موقع حاضنة قطر للأعمال

يمكن يفيدكم


http://www.qbic.qa/ar/

[sweet qatar]

المشكلة الوحيدة التي تقابل اي مستثمر خاص في قطر هي الايجارات فقط لا غير
اذا تم حل مشكلة الايجارات سوف تزيد نسبة الاستثمار الخاص باكثر من 50 %

لذا اذا الحكومة وفرت مكاتب او مخازن او حلت مشكلة الايجارات باي طريقة دعم فيكون للقطريين فرصة كبيرة بالمنافسة في المجال الخاص بدون اي خوف وسوف ينفتح السوق الخاص بصورة كبيرة في كل المجالات

الشكوي لله ياخوي

الأجار عقبة من عقبات

عندك الأحزاب الي تمشي السوق بقوانينها
كل شغلة وتلقي جنسية مسيطرة علي سوقها

و بعد عندك تكاليف التوريد لأن سوق قطر قطاعي ما تلقي بالجملة
و معرض للغش من العصابة المسيطرة علي السوق

غير توفير العاملين

تراكض و تراكض وفي الأخير

إما واحد عليمي تتكفل انت بتعليمه وتتحمل مصروفاته بدون مردود
أو واحد فلته بعد فترة بسيطة بيساومك علي زيادة الراتب

[sweet qatar]

نعم أنا مع تشجيع الحكومة للمواطنين بالتجارة

لأكن لست مع الحكومة في دعم كبار رجال الاعمال وترك الشباب ومحدودي الدخل

مايقوم به بنك قطر للتنميه
من دعم المشاريع التي تفوق العشر مليون ريال
هو دعم للبزنس مان

والشباب اصحاب المشاريع الصغيرة
من لهم في ضَل ارتفاع أسعار الايجارات*

اقترح على وزارة الاقتصاد اعادة تجربة أسواق الفرجان
لكن بشرط يسمح للتسجيل لمن ليس له نشاط تجاري من قبل

إذا علي السجل التجاري الكثير من الناس استخرجوا سجلات تجارية عشان يدخلون في القرعة

مثل ما ذكر أخونا الكواري حظوظ و غموض

ليش ما تكون بالكفاءة والتميز ؟!

أرجو الاطلاع علي موقع حاضنة قطر للأعمال في الرابط فوق

مكتوب إنهم يعطون تمويل .. إذا عندك فكرة واضحة و مشروع في بالك
جرب تتواصل معاهم

أو مع دار الإنماء الاجتماعي

بعد يقدمون التمويل عن طريق صندوق رساميل


ما تدري يمكن الله يكتب لك وتصير تاجر عود يدعمك بنك التنمية عشان تتوسع وتضاعف ثروتك :)

[sweet qatar]

التجاره مب شرط انه يكون عندك محل أو مكتب ..


التجاره لها أشكال والوان ..

بس يبيلها شويه حركه والتوفيق من الله ..


من 1000 ريال تقدر تصير تاجر ومن مليون ريال تقدر تصير تاجر ..


أما الي بيتذمر انه الاجارات غاليه وووووو ..

فهذا طوول عمره مب صاير تاجر ..


تحياتي للجميع ..

حيالله حمد

شلون يعني التجارة أشكال و ألوان ؟

تقصد تجارة الانستقرام و تجارة الشنطة ؟ و جذي ؟

[الجـــوديّ]

زبدة الكلام ياسويتي قالها حمد
اذا طول عمري بقعد اتكلم عن الاجارات وماراح ادخل التجارة شاردة من الاجارات وبنفس الوقت بتمسك بالوظيفة علشان ضمانتها .. بتم طول عمري في قلق ..

ماقالوا الهنود والايرانية هالكلام حتى لو هو حقيقة ثابتة وواقعة

لكن التاجر عنده ادوات وايد انه يختار النشاط المناسب اللي يوفي معاه مصروفاته ويطلع بربح يطيب الخاطر.
يعني نروح ونرجع على اخطاء الباحثين عن الدخل الاضافي وليس التاجر الفعلي..

وكلامي اعلاه ما يتعارض مع المطالب بضرورة دعم المواطن برفع مستوى المعيشة بالاكتفاء بدون ديون .

يعطيج العافية سويتي ،،

[حسن]

كلكم ضاربين الدارسات عرض الحائط

كل مشروع يحتاج له دراسه جدوى

ولكن عندنا محد يتبع عليها ويمشون على تجاره التقليد
او موسميه مع الموضه

[JN000N]

شروطج وايد جنون !!

الله يوفقج ويكتب لج الخير و نوقف معاج في افتتاح هونولولو برانش :o





شكرآ لج :)

بالعكس
لازم اضمن ان المشروع الي بديت فيه يكون ثبت ف السوق عالاقل
وقتها اقدر اقول اني مابفكر ف راتب شهري لان عندي مدخول ثابت
وعقبها افكر اتوسع اكثر وافتح افرع اقليميا وعالميا ليش لا

[JN000N]

الحلول ضعيفه اختي سويت

مثلا تسوي شوارع تجارية جديده لكن فالنهايه الناس هم هم ماسوينا شي والاجارات مثل ماهي

بخصوص اسواق الفرجان فالنهايه الموضوع حظ سجل وقرعه

ما هكذا تورد الابل , مب بهالطريقة المواطن بيتشجع يفتح مشروع دام السالفة حظوظ وغموض في غموض

محلات سوق واقف يقولون لج سكان المنطقه وفالنهايه تتأجر لمحلات كبيرة فالدولة هل هم من سكان المنطقة ؟ لا لكن الواو يتكلم

بخصوص تأجير المجمعات للمواطنين لا ابي حل افضل

ابي شفافيه , ابي لما ادخل موقع المجمع القى الاسعار وطريقة التقديم والشروط واضحه

ابي اجار المحلات يكون واقعي ويعكس حجم السوق مهب يعكس مزاج وافكار راعي المحل

ابي شي يشجعني كمواطن اني افتح مشروع

ما اقولج ادعموني لين ما انجح

لكن عطني فرصة عادلة , اما مسألة اني افتح محل جذي بدون دراسة واضحة بدون قوانين واضحة بدون حقوق و واجبات , بأسعار مبالغ فيها جداً , لا والف لا ومالوم القطري اذا سحب نفسه من التجارة , لان مافيه اي ضمانات او واقعية في سوق العمل الحر , كل شي في دولتنا للأسف يمشي عكس المنطق والعلم

البترول ينزل البيوت اسعارها يرتفع
المعروض يزيد عن الطلب وللحين الاسعار ترتفع
الشركة تخسر سهمها يرتفع بسوق الاسهم

للأسف في سوقنا القطري كل ما تتعلمه فالخارج من دراسات ومواد وشهادات ماينفعك لان سوق قائم عالمزاجية

في مجمع تجاري يديد توه انفتح
قبل سنه او اكثر وقت كان ينبني
رحنا نبي نقدم نبي محل صغير لمشروع جديد وانتاج قطري
طبعا رفضو بحجة ان المحلات العالميه اولى
والكوفيهات بالتحديد
لان اعرف اصحاب كوفي يديد توه فتح وطق نعل عليه كانو يبون يفتحونه ف مجمع ولكن قالولهم مافي مجال لكم الاولى للكوفيهات العالميه
مثل ستاربكس وكوستا غيره
تخيلو يعني 3 مجمعات ف نفس الشارع
نفس المحلات فيهم ثلاثتهم مع زياده ونقصان بعضهم
ونفس الكوفيهات والمطاعم تقريبا

ويقولون لي في دعم؟! لا والله مافي

[Al-Kuwari]

في مجمع تجاري يديد توه انفتح
قبل سنه او اكثر وقت كان ينبني
رحنا نبي نقدم نبي محل صغير لمشروع جديد وانتاج قطري
طبعا رفضو بحجة ان المحلات العالميه اولى
والكوفيهات بالتحديد
لان اعرف اصحاب كوفي يديد توه فتح وطق نعل عليه كانو يبون يفتحونه ف مجمع ولكن قالولهم مافي مجال لكم الاولى للكوفيهات العالميه
مثل ستاربكس وكوستا غيره
تخيلو يعني 3 مجمعات ف نفس الشارع
نفس المحلات فيهم ثلاثتهم مع زياده ونقصان بعضهم
ونفس الكوفيهات والمطاعم تقريبا

ويقولون لي في دعم؟! لا والله مافي

وهذي تجربة شخصية لاختنا جنون

[Al-Kuwari]

حمد و الجودي

نعم لازم نشتكي

الواقع يقول ان اللي بيفتح مشروع لازم يدخل ربح وقدره عشان يغطي التكاليف

التكاليف جداً مرتفعه بشكل رهيب , والمحل يحتاج راس مال عالاقل ست شهور لين مايوقف ويبدى يغطي مصاريفه

لما يكون مثلا مشروعي عباره عن كوفي , المشروع محتاج ديكور محتاج ادوات بالمطبخ محتاج عمال محتاج اشياء كثيره يعني اقل شي تحتاج بيدك نص مليون وهذا اقل القليل

لو المحل بعد كل هذا ما دخل ارباح انا بضطر ادفع اجار المحل واجار سكن العمال ست شهور كامله وبالنسبه لمحل بحجم الكوفي وسكن العمال يعني كل شهر يبيلي مبلغ ضخم

يعني بالعربي يا تكون اوريدي انت واصل وعندك خير ولا لا تفتح مشروع مالك مكان بينا

لو انا مثلا ابوي تاجر او من ملاك الاموال وراح يساعدني فالبدايه ممكن يمشي الحال

لكن لنفرض اني بادي من الصفر شلون ادخل السوق ؟

انا انسان ايجابي والله العظيم ولي ردود بالمنتدى تبين اني ما احب استسلم للمعوقات واحاول الاقي حلول

بس بهالشي مافي حلول

رحت تبي محل قالوا لك الاجار بكذا
رحت تبي محل في مجمع قالوا فكرتك ماتصلح ونبي ماركات ووكالات عالمية مثل ماذكرت جنون

انزين وين نروح وين نفتح ؟

[بوحارب]

نعم مع

وانا محتاج لهذا الدعم :(

[الجـــوديّ]

حمد و الجودي

نعم لازم نشتكي

الواقع يقول ان اللي بيفتح مشروع لازم يدخل ربح وقدره عشان يغطي التكاليف

التكاليف جداً مرتفعه بشكل رهيب , والمحل يحتاج راس مال عالاقل ست شهور لين مايوقف ويبدى يغطي مصاريفه

لما يكون مثلا مشروعي عباره عن كوفي , المشروع محتاج ديكور محتاج ادوات بالمطبخ محتاج عمال محتاج اشياء كثيره يعني اقل شي تحتاج بيدك نص مليون وهذا اقل القليل

لو المحل بعد كل هذا ما دخل ارباح انا بضطر ادفع اجار المحل واجار سكن العمال ست شهور كامله وبالنسبه لمحل بحجم الكوفي وسكن العمال يعني كل شهر يبيلي مبلغ ضخم

يعني بالعربي يا تكون اوريدي انت واصل وعندك خير ولا لا تفتح مشروع مالك مكان بينا

لو انا مثلا ابوي تاجر او من ملاك الاموال وراح يساعدني فالبدايه ممكن يمشي الحال

لكن لنفرض اني بادي من الصفر شلون ادخل السوق ؟

انا انسان ايجابي والله العظيم ولي ردود بالمنتدى تبين اني ما احب استسلم للمعوقات واحاول الاقي حلول

بس بهالشي مافي حلول

رحت تبي محل قالوا لك الاجار بكذا
رحت تبي محل في مجمع قالوا فكرتك ماتصلح ونبي ماركات ووكالات عالمية مثل ماذكرت جنون

انزين وين نروح وين نفتح ؟

سويتي واخوي الكواري خلونا نحط النقاط على الحروف شوي ..

أنا معاكم نطالب بدعم ...

لكن الدعم اللي اقترحه ومن تجارب دول ثانية ... يخص الصناعات والمشاريع المتوسطة
دبي ادعمت تجار المشاريع المتوسطة باعطائهم تراخيص مزاولة العمل والحرف من المنزل ..
مع اشهار المكان .. بوضع لوحة على مدخل مكان العمل لابرازه للجمهور
هذي لو يطبقونها عندنا واسمحوا بالتراخيص وفق اشتراطات معينة
تحفظ حق راعي العمل والمستفيدين راح تحل مشكلة أجار المحلات لبعض أنواع الشركات الصغيرة.
وهالنظام معمول به في امريكا لذلك فوق 30% من شركات الاعمال هي شركات الاعمال المتوسطة
واللي تشتغل من البيت بسجل تجاري ورخصة.


بالنسبة لأمنياتكم بأن تلقون محل ايجار معقول ومثال على ذلك محل الكوفي أو أي عمل تجاري فيه برستيج..
اسمحوا لي اشوف وايد آمالكم عريضة في السوق ..في المرحلة الاولى
يعني أي عمل يبي يكوّن له براند .. اقل شي لازم يكون في السوق 10-15 سنة
مش غلط نبتدي صغار slowly but surly
نتميز بالمنتج وفنون تقديمه وتطويره ورقي الخدمة وتفردها قدر الامكان ..
وخلال السنين ال3 الاولى يتم معرفة طبيعة السوق والمتغيرات اللي تأثر عليه.
وطبيعي تكون الغلبة للبراندات الكبار .. هذي العلاقات والـ networking وما تسوي
يعني اللي عنده طموح ان يكون له براند عالمي .. طموح طبيعي ومشروع لكن يحتاج
لكثير من الجهد والعلاقات المحلية و الخارجية علشان يطلع المشروع ويكبر.


وبعدين فيه ملاحظة بعد ارجو انكم تقبلونها مني .. لاني اشوفها متاصلة في العقلية القطرية
نبي الحكومة تسوي لنا كل شي!<<< مع إني انا مع الدعم مب ضده لكن ما توقف حياتي اذا ما حصلته.
التجارة اذا ماتعلمت فيها تاخذ قرارك وتخطط صح وتتحمل كل العقبات ماراح يتطور الشغل ولا يكبر
والاجانب اللي تقولون ماكلين السوق اللي قوّم شغلهم.. ركضتهم والتزامهم
وتعبهم وشبكة العلاقات الضخمة اللي يديرونها بتليفون نوكيا بو خمسين ريال.


احنا القطريين ينقصنا النتووركنغ .. كتجار مع بعضنا البعض ..
كلن يكمل الثاني وكلن يسهل على الثاني وكلن يتبادل الشغل مع الثاني
مب النغر .. والغيرة .. وخاصة بين التاجرات ..

وللحين بعد نتكلم ونشوف سلبيات السوق وماشفنا الايجابيات والامكانيات المتاحة لنا كقطريين
بحيث نصمم شغلنا على المتاح من فرص.. كمرحلة اولى ..
ومن نكبر شوي يكبر شغلنا اللي نهدف يكون طموحنا الرئيسي.


شوفي نفسج تاجرة كبيرة واتصرفي على هالاساس يعني كذبي الكذبة وصدقيها ..
بتلقين هالحيلة جداً مفيدة لاطلاق القدرات وتطوير الاداء.


علّي صوتج يا سويت .. واكتبي في تويتر والجرايد ..
واكتبي خطابات مباشرة للمسؤولين من بنوك ووزراء معنيين
كمراة قطرية تحاول ومب لاقية دعم
لا تكتفين بس في المنتدى ..
ترا يحبون يسمعون من المواطن .. واللي فيهم خير وايد .. وهذا عشمنا فيهم...
الا مايوصل الصوت .. وماعاد فيه شي ينخش.


موفقين .. والسموحة منكم .. ،،

[sweet qatar]

زبدة الكلام ياسويتي قالها حمد
اذا طول عمري بقعد اتكلم عن الاجارات وماراح ادخل التجارة شاردة من الاجارات وبنفس الوقت بتمسك بالوظيفة علشان ضمانتها .. بتم طول عمري في قلق ..

ماقالوا الهنود والايرانية هالكلام حتى لو هو حقيقة ثابتة وواقعة

لكن التاجر عنده ادوات وايد انه يختار النشاط المناسب اللي يوفي معاه مصروفاته ويطلع بربح يطيب الخاطر.
يعني نروح ونرجع على اخطاء الباحثين عن الدخل الاضافي وليس التاجر الفعلي..

وكلامي اعلاه ما يتعارض مع المطالب بضرورة دعم المواطن برفع مستوى المعيشة بالاكتفاء بدون ديون .

يعطيج العافية سويتي ،،

الله يعافيج يالغلا

الموضوع مب سهل يالجودي .. و لو شفتي ردي علي المبرمج صلاح بتعرفين كمية العقبات الي تواجه التاجر القطري

احنا ما نبي معاملة خاصة .. معليه راضين بمخاطر السوق
بس تطوير القوانين واجب لحفظ حقوقي كتاجر دافع دم قلبي في المشروع

طالما المجال مفتوح للاحكتار والمعاملة الخاصة ليش التجار الصغار ما يلقون بعض الضمانات





سويتي واخوي الكواري خلونا نحط النقاط على الحروف شوي ..

أنا معاكم نطالب بدعم ...

لكن الدعم اللي اقترحه ومن تجارب دول ثانية ... يخص الصناعات والمشاريع المتوسطة
دبي ادعمت تجار المشاريع المتوسطة باعطائهم تراخيص مزاولة العمل والحرف من المنزل ..
مع اشهار المكان .. بوضع لوحة على مدخل مكان العمل لابرازه للجمهور
هذي لو يطبقونها عندنا واسمحوا بالتراخيص وفق اشتراطات معينة
تحفظ حق راعي العمل والمستفيدين راح تحل مشكلة أجار المحلات لبعض أنواع الشركات الصغيرة.
وهالنظام معمول به في امريكا لذلك فوق 30% من شركات الاعمال هي شركات الاعمال المتوسطة
واللي تشتغل من البيت بسجل تجاري ورخصة.


شوفي عزيزتي مشكلة الايجار الي طرحوها الأخوان يقابلها قرية الأعمال في دبي .. بالإضافة لحاضنات الأعمال .. وعندنا حاضنة في قطر حطيت موقعها
لكن الي الآن ما تعاملت معاهم

الدعم يالغالية موجود للقطاع الزراعي
موجود للقطاع الصناعي

وللأسف للمشاريع الي بالملايين .. اوك ليش ما تكون في آلية دعم للمشاريع الصغيرة الي تكلف نص مليون أو أقل ؟



بالنسبة لأمنياتكم بأن تلقون محل ايجار معقول ومثال على ذلك محل الكوفي أو أي عمل تجاري فيه برستيج..
اسمحوا لي اشوف وايد آمالكم عريضة في السوق ..في المرحلة الاولى
يعني أي عمل يبي يكوّن له براند .. اقل شي لازم يكون في السوق 10-15 سنة
مش غلط نبتدي صغار slowly but surly
نتميز بالمنتج وفنون تقديمه وتطويره ورقي الخدمة وتفردها قدر الامكان ..
وخلال السنين ال3 الاولى يتم معرفة طبيعة السوق والمتغيرات اللي تأثر عليه.
وطبيعي تكون الغلبة للبراندات الكبار .. هذي العلاقات والـ networking وما تسوي
يعني اللي عنده طموح ان يكون له براند عالمي .. طموح طبيعي ومشروع لكن يحتاج
لكثير من الجهد والعلاقات المحلية و الخارجية علشان يطلع المشروع ويكبر.

أنا ماعرف طبيعة الأعمال الي تكلموا عنها جنون والكواري

لكن تاجرات قطر كيفوا نفسهم مع الوضع وقد ذكرت انهم يتجمعون في فيلا
أو يستغلون المعارض الين يثبتون نفسهم في السوق


شفت براندات اماراتية و كويتية انتشرت وتصدرت قبل لا تكمل سنتين

وياما براندات كبيرة اختفت بسبب منافسة البراندات الجديدة




وبعدين فيه ملاحظة بعد ارجو انكم تقبلونها مني .. لاني اشوفها متاصلة في العقلية القطرية
نبي الحكومة تسوي لنا كل شي!<<< مع إني انا مع الدعم مب ضده لكن ما توقف حياتي اذا ما حصلته.
التجارة اذا ماتعلمت فيها تاخذ قرارك وتخطط صح وتتحمل كل العقبات ماراح يتطور الشغل ولا يكبر
والاجانب اللي تقولون ماكلين السوق اللي قوّم شغلهم.. ركضتهم والتزامهم
وتعبهم وشبكة العلاقات الضخمة اللي يديرونها بتليفون نوكيا بو خمسين ريال.

صح كلامج التاجر الشاطر بيلقي طريقة مناسبة



للعلم أنا نقلت تجربة الكويت عقب ما بحثت عنها وشفت إنها بالفعل أدت الي توجه الكثير للأعمال الحرة و زادت من تنوع السوق و مستوي جودته



احنا القطريين ينقصنا النتووركنغ .. كتجار مع بعضنا البعض ..
كلن يكمل الثاني وكلن يسهل على الثاني وكلن يتبادل الشغل مع الثاني
مب النغر .. والغيرة .. وخاصة بين التاجرات ..


للأسف عندنا قناعة في المجتمع تحارب كل متميز و تحب تستحوذ علي كل شي
لها

يعني الي يرفض ان الحكومة تساعد فئة من المجتمع .. هم أول من يقدم للاستفادة من أي دعم لها





وللحين بعد نتكلم ونشوف سلبيات السوق وماشفنا الايجابيات والامكانيات المتاحة لنا كقطريين
بحيث نصمم شغلنا على المتاح من فرص.. كمرحلة اولى ..
ومن نكبر شوي يكبر شغلنا اللي نهدف يكون طموحنا الرئيسي.


شوفي نفسج تاجرة كبيرة واتصرفي على هالاساس يعني كذبي الكذبة وصدقيها ..
بتلقين هالحيلة جداً مفيدة لاطلاق القدرات وتطوير الاداء.


علّي صوتج يا سويت .. واكتبي في تويتر والجرايد ..
واكتبي خطابات مباشرة للمسؤولين من بنوك ووزراء معنيين
كمراة قطرية تحاول ومب لاقية دعم
لا تكتفين بس في المنتدى ..
ترا يحبون يسمعون من المواطن .. واللي فيهم خير وايد .. وهذا عشمنا فيهم...
الا مايوصل الصوت .. وماعاد فيه شي ينخش.


موفقين .. والسموحة منكم .. ،،





شوفي حبيبتي فكرت لو تكاليف التشغيل بتكون عالية علي في قطر بفتح برا

بس خبرج لأني بنت فالسفر والتنقل بيكون صعب علي

حتي وإن فكرت ابتدي بداية بسيطة بعد مابي ابتعد عن النشاط الي ابيه


الموضوع عام نتيجته بتعود بالنفع علينا كلنا .. و الحكومة فعلاً بدت بخطوات لدعم ريادة الأعمال والمشاريع الصغيرة

لكنها للأسف تراجعت وقل نشاطها

[يمامـة]

نعم .. وليش لاء؟

المواطن لو اتجه للتجارة وترك عمله .. ما في شي يضمن استقراره.. وبالتالي
ما فيها شي لو الدولة دعمت المواطن وسعى هو بجهده للاستفادة من هالدعم..

والدعم يكون عن طريق.. بناء اسواق ومحلات تجارية.. لمواطنين ما عندهم مسجلات تجارية
في مجلات ثانية.. او منع الهوامير من الدخول لاستئجار هالمحلات..

لأن اللي حاصل عندنا هالهوامير حتى المعاصر ناشبوا الفقارى فيها..

فمن جذيه الهامور ما يهمه الايجار لأنه ممكن يغطي الخساير بفلوسه لين يشتهر محله..
لكن اللي على قد حاله.. و ماعنده الا قمل ثيابه وراتب الحكومة ذيه اشلون بيشد
الايجارات الغالية لين محله يشتهر؟

[sweet qatar]

كلكم ضاربين الدارسات عرض الحائط

كل مشروع يحتاج له دراسه جدوى

ولكن عندنا محد يتبع عليها ويمشون على تجاره التقليد
او موسميه مع الموضه

بالعكس أخوي .. أسهل شي انك تسوي دراسة جدوي

والكل يقدر عليها ما تحتاج خبير

[sweet qatar]

بالعكس
لازم اضمن ان المشروع الي بديت فيه يكون ثبت ف السوق عالاقل
وقتها اقدر اقول اني مابفكر ف راتب شهري لان عندي مدخول ثابت
وعقبها افكر اتوسع اكثر وافتح افرع اقليميا وعالميا ليش لا


شوفي جنون انج تجابلين مشروعج أبدا من انج تضمنين راتب لمصاريفج

ذكرتيني بسيدة قطرية فاضلة .. مشروعها كان مكسر الدنيا

المهم ويجي المدير الي حطته ويلعب لعبته يطلب من الناس مبلغ و قدره لكن الشغل ما يكلف حتي ربع المبلغ

وطاحت سمعة المحل و اشردوا منه الزباين

لكن صاحبتنا قررت ماتسلم مشروعها لحد و تشرف علي كل شي

و ردت سمعة محلها ماشالله عليها الله يبارك لها

القصد إن طول فترة تشغيل المشروع لازم تباشرينه بنفسج

أما الصبح دوام و شغل للعصر .. متي بيمديج تجابلينه ؟؟

[sweet qatar]

في مجمع تجاري يديد توه انفتح
قبل سنه او اكثر وقت كان ينبني
رحنا نبي نقدم نبي محل صغير لمشروع جديد وانتاج قطري
طبعا رفضو بحجة ان المحلات العالميه اولى
والكوفيهات بالتحديد
لان اعرف اصحاب كوفي يديد توه فتح وطق نعل عليه كانو يبون يفتحونه ف مجمع ولكن قالولهم مافي مجال لكم الاولى للكوفيهات العالميه
مثل ستاربكس وكوستا غيره
تخيلو يعني 3 مجمعات ف نفس الشارع
نفس المحلات فيهم ثلاثتهم مع زياده ونقصان بعضهم
ونفس الكوفيهات والمطاعم تقريبا

ويقولون لي في دعم؟! لا والله مافي


المفروض في تنظيم للموضوع

شدعوة ثلاث مولات قريبة من بعضها فيها نفس الكافيهات !!





بعض الأنشطة ما يعطونها ترخيص إذا في نشاط مشابه قريب منها

بس مادري من المسؤول عن هالترخيص البلدية ولا التجارة

ليش ما يكون في تنظيم بعد لمحلات المولات

انزين جربتوا تقدمون علي محلات الميرة ؟؟

أشوف جوها حلو و رايق للكوفي شوب

[sweet qatar]

حمد و الجودي

نعم لازم نشتكي

الواقع يقول ان اللي بيفتح مشروع لازم يدخل ربح وقدره عشان يغطي التكاليف

التكاليف جداً مرتفعه بشكل رهيب , والمحل يحتاج راس مال عالاقل ست شهور لين مايوقف ويبدى يغطي مصاريفه

لما يكون مثلا مشروعي عباره عن كوفي , المشروع محتاج ديكور محتاج ادوات بالمطبخ محتاج عمال محتاج اشياء كثيره يعني اقل شي تحتاج بيدك نص مليون وهذا اقل القليل

لو المحل بعد كل هذا ما دخل ارباح انا بضطر ادفع اجار المحل واجار سكن العمال ست شهور كامله وبالنسبه لمحل بحجم الكوفي وسكن العمال يعني كل شهر يبيلي مبلغ ضخم

يعني بالعربي يا تكون اوريدي انت واصل وعندك خير ولا لا تفتح مشروع مالك مكان بينا

لو انا مثلا ابوي تاجر او من ملاك الاموال وراح يساعدني فالبدايه ممكن يمشي الحال

لكن لنفرض اني بادي من الصفر شلون ادخل السوق ؟

انا انسان ايجابي والله العظيم ولي ردود بالمنتدى تبين اني ما احب استسلم للمعوقات واحاول الاقي حلول

بس بهالشي مافي حلول

رحت تبي محل قالوا لك الاجار بكذا
رحت تبي محل في مجمع قالوا فكرتك ماتصلح ونبي ماركات ووكالات عالمية مثل ماذكرت جنون

انزين وين نروح وين نفتح ؟

صادق يالكواري

إنت مب بس إيجابي إنت فاهم و عندك تصور لمشروعك

جرب تتواصل مع حاضنة قطر للأعمال

يتبنون مشروعك لمدة ثلاث سنوات .. فترة حلوة تقدر تأسس فيها نجاحك

الشي الثاني مثل ما قالت الجودي ركز علي توسيع معارفك في عالم التجارة

بتتفاجيء من الأمور الي بتقدر توصل لها ..

عندنا ملتقيات كثيرة لريادة الأعمال يمكن يفيدونك ويساعدونك


الله يوفقك أخوي و يوفق كل واحد طموح و مجتهد

[sweet qatar]

نعم مع

وانا محتاج لهذا الدعم :(

انت محتاج للدعم ! :omg:

لزوم نسأل "نفسي عزيزة" عن السالفة !!

[بنت شرق]

اعتقد لو في دعم حقيقي لظهرت مؤشرات على ذلك ،،وتجارب يتحدث عنها أصحابها او يبرزها الاعلام الحكومي .،،،،ما شفنا هالشي
فايش معناه ،،،المشاريع الكبيرة تدعم ،،،المشاريع متناهية الصغر لاتدعم ،،،وهي الي بحدود المئتين والثلاث مئة الف ،،،واقل
الي يبي يدعم محتاج لاخراج الموضوع للشفافية والعربية فالملاحظة الثانية ان الموقع الي حاطته لحاضنة قطر ،،،لغته الام انجليزية

[الجـــوديّ]

الأخوة المهتمين

الرجاء الإطلاع علي موقع حاضنة قطر للأعمال

يمكن يفيدكم







http://www.qbic.qa/ar/

سويت .. دخلت وما صدقت عيوني

حاضنة لرواد الأعمال ... !!!

ليش هم محتاجين حضن والا احتضان !!!!!!!!!!!!

[POINT]

اي نعم القطريين العاملين في الشركات المساهمة مايحسون باستقرار وظيفي ولا يوجد احد يسمع لهم



اتفق معاك قلبا وقالبا...
اكبر دليل عدد القطريين الذين هجروا هذه الشركات...

اما المشاريع الخاصة، فالمنتفع الأكبر هو الاجنبي
انا شخصيا اعرف موظف في شركة وفاتح صالون على مستوى، و غيرهم الي فاتحين محلات وما الى ذلك

فوق الراتب القوي الي يستلمه من الشركة، مستغل البلد فالمشاريع

[sweet qatar]

اعتقد لو في دعم حقيقي لظهرت مؤشرات على ذلك ،،وتجارب يتحدث عنها أصحابها او يبرزها الاعلام الحكومي .،،،،ما شفنا هالشي
فايش معناه ،،،المشاريع الكبيرة تدعم ،،،المشاريع متناهية الصغر لاتدعم ،،،وهي الي بحدود المئتين والثلاث مئة الف ،،،واقل
الي يبي يدعم محتاج لاخراج الموضوع للشفافية والعربية فالملاحظة الثانية ان الموقع الي حاطته لحاضنة قطر ،،،لغته الام انجليزية

هلا بج بنت شرق

يمكن المخرجات مب قد التوقعات لكن فعلاً في نتائج ومشاريع تمت لقطريين

منها مطعم برجر في اللؤلؤة

التجارب الناجحة تعرض في مؤتمر ريادة الأعمال السنوي .. والي يقام في ماريوت السيتي علي ما أعتقد


بالنسبة لملاحظتج الثانية

أتفق معاج .. إذا الفئة الموجه لها هم المواطنين ليش بالإنجليزي !!

والكلام ينطبق علي موقع بداية و مشاريع قطر

كله انجلش في انجلش !! وتلقين ايكون فوق مكتوب عربي لكن مافي شي عربي

للأسف

[sweet qatar]

سويت .. دخلت وما صدقت عيوني

حاضنة لرواد الأعمال ... !!!

ليش هم محتاجين حضن والا احتضان !!!!!!!!!!!!

ههههههههه

اي والله محتاجين

الجودي .. أنا أتكلم من واقع احتكاك بخبرات موجودة حولي

طبعاً مفهوم الاحتضان مفهوم عالمي و إذا إنتي انصدمتي من مبني واحد عندنا للحضانة

شوفي ماشالله مؤسسة محمد بن راشد

و قرية كااااملة متكاملة .. غير الجائزة السنوية
و دعم المعارض وغيرها


حاجة الحكومة لاحتضان المشاريع الصغيرة لأنها المحرك الأساسي لحيوية السوق وتصحيح مساره


إذا خلونا لحالنا بيبلعونا الحيتان :(


شوفي حبيبتي

قطر تدعم مشاريع الشباب برا ومنها فرنسا كاستثمار

الأولي إنها تستثمر في شبابها.. بتربح في كل الأحوال

[sweet qatar]

اتفق معاك قلبا وقالبا...
اكبر دليل عدد القطريين الذين هجروا هذه الشركات...

اما المشاريع الخاصة، فالمنتفع الأكبر هو الاجنبي
انا شخصيا اعرف موظف في شركة وفاتح صالون على مستوى، و غيرهم الي فاتحين محلات وما الى ذلك

فوق الراتب القوي الي يستلمه من الشركة، مستغل البلد فالمشاريع

:omg:

شلون ؟؟!

مافي قانون يمنع هالشي ؟

أنا ودي أتدرب في شركة و من الحين شايلة هم الموافقة :(
ما ودي أتقدم بطلب ويرتفع لعشرين واحد لين يوصل للوزير !!


ليش كل شي لهم ميسر !!!!!