الجولات ومحلات الجولات انتبهوا

[مرهوب]

السلام عليكم ورحمه الله وبركاته

اخواني كلمني احد الاخوان يستفسر عن مشكله في جواله الايفون لانه ماعنده خلفيه في الجوال

مشكله جواله انمسحت كل الارقام الي له وصار عنده ارقام نسائيه من غير مايدخل ولا رقم

سالته الايميل الي عندك في الجوال انت مسويه ولا احد ثاني

قالي محل الجدوال الي خذيته منه راح محل الجوالات قالوا الي سواله الايميل مسافر

المهم

خذيت ايميله ورقمه السري ودخلت عن طريق الايكلاود بالكمبيوتر لقيت ايمله في 3 جولات


راعي المحل يوزع نفس الايميل على كذا مشتري

وانتوا عارفين مصيبه هذا الشي وخاصه الصور تكون مشتركه اذا ماصكرت الصور في الايكلاود

للامانه اول شي سويته صكرت الصور لاني عرفت الجولات لمره
وعرفت قبيلتها لكثر اسم القبيله في الارقام




الحين الله يعوض على صاحبنا بارقامه كلها

سويته ايميل جديد وبيانات جديده




المهم من طرح الموضوع يا اخواني

الي مسويله راعي محل ايميل يعدل بياناته بتغير رقم السري ويحدثه
اليوتيوب فيه كل شي تسال عنه وقوقل
المهم لاتكون تحت رحمه واحد ما يخاف الله او يسويها بحسن نيه ويسافر ويتركك تتوهق


واي استفسار عن كيف تحديثالبيانات وغيره انا حاضر

ولكم كل الشكر

[العنيده]

الحمدلله مستحيل اروح لاي محل ولو حد راح دوم انصحه قبل اي شي يغيرون الايميل مب شي صعب ..
برنامج الايكلاود وايد ناس للحين مش فاهمين مضاره

[(ام عبدالله)]

جزاك الله خير

[اليحصبي]

اغلب الشروحات و حل المشاكل عالنت ماله داعي تروح محل التلفونات و بالنسبه لي لاقدر الله لو التلفون يخترب ماوديه محل

[(ام عبدالله)]

مع التكنولوجيا الحديثه نطالب بالمراقبه الدوريه على محلات الهواتف

[monatee]

ايام النوكيا نروح محلات ننزل نغمات وثيمات ومادري ايش

الحين خلاص ،، والي مايعرف للجوالات الحديثه لايستخدمهم احسن له

ويعطيك العافيه على التنبيه

[حليتان*]

ممنوع الحين يسون المحلات اي ايميل للزباين

[bohilal191]

أعتقد الحين نادر ان في حد مايعرف يسوي ايميل حق الايفون،،،وشكرا على التنبيه والحمدلله تعلمت كل شي بروحي

[نايم سهران]

مثل ما قالوا الاخوان كل شي متوفر الحين على النت ،، وغريبه معقوله في ناس لين الحين تروح لمحلات الجولات علشان يسوون لهم إيميل !!!


كل شي موجود على النت والكسل سبحان الله واصل فينا لهالدرجه انه مافينا ابداع ابداً حتى ايميل الجوال نخلى الغير يسويه لنا ؟!!!

[وليف الشوق]

على كثر التحذيرات والانذارات من الجهات الرسميه الا اننا نشوف هالمزله هذي وانا لو منك اساهم في شي يفيد كل مواطن وكل مقيم واسرارنا واسرار بنتنا ماتطلع وانا من الحين اذا عندك الدليل روح للجهه المختصه خلهم يجرون اللازم في هذا الموضوع وانت لا تسكت عن الحق

[بـارود]

مثل ما قالوا الاخوان كل شي متوفر الحين على النت ،، وغريبه معقوله في ناس لين الحين تروح لمحلات الجولات علشان يسوون لهم إيميل !!!


كل شي موجود على النت والكسل سبحان الله واصل فينا لهالدرجه انه مافينا ابداع ابداً حتى ايميل الجوال نخلى الغير يسويه لنا ؟!!!

الحين من الكسل يروحون للمحلات ويكسرون الحماية ( الجلبريك ) !

[راجي الْعفو]

جزاك الله خير ..

وأظن تم القبض على مجموعة من المحلات التي ابتزت بعض النساء بالصور قبل فترة ..

فينبغي للأخوات الحذر و ترك تصوير أنفسهن من هذه الجوالات او غيرها ..

[يمامـة]

بالفعل للحين في ناس يروحون.. و المصيبة يخلون راعي المحل يسوي لهم ايميلات جي ميل او حساب اي كلاود
والباسورداتهم عنده.. والطااااامة الاكبر انهم يتصورون في جواويلهم!!

[متواصل]

بالفعل للحين في ناس يروحون.. و المصيبة يخلون راعي المحل يسوي لهم ايميلات جي ميل او حساب اي كلاود
والباسورداتهم عنده.. والطااااامة الاكبر انهم يتصورون في جواويلهم!!

لانه فعلا من خلال تجربة فيه ناس للحين ماتعرف تسوي ايميل ولا تدبر نفسها
ولا تعرف حق الكلاود او اي برامج حساب

وهي الفئة المستهدفة

[يمامـة]

لانه فعلا من خلال تجربة فيه ناس للحين ماتعرف تسوي ايميل ولا تدبر نفسها
ولا تعرف حق الكلاود او اي برامج حساب

وهي الفئة المستهدفة

والمصيبة تقول لهم لا تروحون.. ويردون يروحون..
عندي ناس اعرفهم.. ضيعوا باسوردهم قالوا لي بنرجع لراعي المحل..
قلت لهم شنهو هالخبال؟ صوركم في الجوال و تتصورون وتروحون له ليش؟

قلت لهم تعالوا فاضية بسوي لي ايميلات وكل ما تبون بس لا تروحون..

لكن اعتقد لو اتصلوا فيني وما رديت بيروحون للمحلات :"(

[العقل المدمر]

ايام النوكيا نروح محلات ننزل نغمات وثيمات ومادري ايش

الحين خلاص ،، والي مايعرف للجوالات الحديثه لايستخدمهم احسن له

ويعطيك العافيه على التنبيه



اكثر شي يرفع ضغطي
يقطون الجوالات عند البزران
لا يعرفون حق ايميل ولا حماية
والا من الكسل مايبون يدورون على شي
يبون بس كل شي جاهز عندهم فيدهم
الجوال اذا انحط فيد شخص مايعرف يستخدمه مصيبة
عادي ينشرون صور وارقام وبلاوي وهم خبر خير !!