القطط نعمه من الله

[البيروني]

في السبعينات و بدايه الثمانينات كانت المشكله في الدوحه هي تواجد الفئران و تم استخدام كافه الوسائل للقضاء عليها دون جدوى فسرعان ما تتكاثر و اصبحنا نتعامل مع قضيه لا يمكن اغلاق ملفها بل ازدادت الامور سؤا بتكاثر الافاعي التي تقتات على الفئران !! فالوضع كان لايطاق بتواجد هذه القوارض التي لم تترك زاويه الا وحشرت راسها فيه
حتي جائت الفكره العظيمه بآستيراد القطط و نشرها في منتصف الثمانينات و بعدها لم نشاهد على الاطلاق فآرا ولا افعى

بالفتره الماضيه شاهدت شاب متهور يقود السياره و كآنه يريد دهس قطه تعبر الشارع عمدا و قلت لاحول ولاقوه الا بالله العظيم

[aziz4z]

بالفعل نعمة
يلاحقون القوارض حتى إذا مايكلونهم يقتلونهم، و الشيء الثاني نظيفة و ماتسوي وسخ

[المخفي]

ذاك قبل شوفة عيني الحين القطاوة تدق سلام اذا مر الفار جنبها :secret:

[رجل الجزيرة]

عند واحد من عيالي قطو شيرازي - ما شاء تبارك الله عليه - ما خلى إزيوي وإلا وبلعه، لا بلدية وتنظيفات ولا حاجة.
:)

[رهج السنابك]

عجبني هالموضوع في الحوار العام

نعم نعم ان القطط شيء عظيم

[qatara]

القطط تقضى على أي حشره ليس باكلها لاكن تنظف البيت
وهي بدورها نظيفه ليست مثل الفار او الكلب اجلكم الله
سبحان الله


عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا :أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ :

" عُذِّبَتْ امْرَأَةٌ فِي هِرَّةٍ سَجَنَتْهَا حَتَّى مَاتَتْ فَدَخَلَتْ فِيهَا النَّارَ

لَا هِيَ أَطْعَمَتْهَا وَلَا سَقَتْهَا إِذْ حَبَسَتْهَا وَلا هِيَ تَرَكَتْهَا تَأْكُلُ مِنْ خَشَاشِ الْأَرْضِ " ولمزيد الفائدة يراجع سؤال رقم ( 3004 ) .


أما أكلُ القططِ من الطعام أو شربها من الماء فإنه لا ينجسه لما ورد في سنن أبى داود ( 69 )


وغيره أن امرأة أرسلت بِهَرِيسَةٍ إِلَى عَائِشَةَ رَضِيَ اللَّهُ عَنْهَا فَوَجَدَتْهَا تُصَلِّي فَأَشَارَتْ إِلَيَّ أَنْ ضَعِيهَا فَجَاءَتْ هِرَّةٌ فَأَكَلَتْ مِنْهَا فَلَمَّا انْصَرَفَتْ أَكَلَتْ مِنْ حَيْثُ أَكَلَتْ الْهِرَّةُ فَقَالَتْ :
إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ :

"إِنَّهَا لَيْسَتْ بِنَجَسٍ إِنَّمَا هِيَ مِنْ الطَّوَّافِينَ عَلَيْكُمْ وَقَدْ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ
يَتَوَضَّأُ بِفَضْلِهَا " .

[العقل المدمر]

هذول قطاوة الشوارع
والا قطوتي شفتها تتسابق مع الزهيوي وتلعب وياه :weeping:
وانا اللي كنت أحسب إني بعيش فأمان بدون حشرات معاها

[qatara]

هذول قطاوة الشوارع
والا قطوتي شفتها تتسابق مع الزهيوي وتلعب وياه :weeping:
وانا اللي كنت أحسب إني بعيش فأمان بدون حشرات معاها



شكلك مدلعها تاكلها بلاليط

ههههههه

هي تلعب وياه الين تذبحه هذا شي موكد

[ضوى]

وايد القطط نعمة

اتذكر اول ماسكنت بيتي ، جاتني قطوة وكنت متضايقة انها بابتدي انظف وراها ، حاولت اطردها ماتبي ، المهم عقب كم يوم رادين البيت بالليل متأخر الا هي منسدحة عند باب صالتنا وذابحه فار شكبره كانه قطو اعوذ بالله ومن يومها حبيتها ومن عقبها ماشفنا حشرات ولا فيران الحمد لله وللحين احفاد احفادها موجودين اما هي ذبحوها عيال الجيران بمصجمه بس صج ولائهم قوي لنا لانه كم مرة اشيلهم مع عيالهم ويردون بس وخليتهم حماية للبيت

[محمد2]

قلة سوالف اللي الحين جالسين تتكلمين عن القطاوة
تكلموا عن شي تستفيدون منه وتزيدون من ثقافتكم ومعرفتكم
مب قطوتي احلا من قطاوة الشوارع
واللي تمدح قطوتها وفيه. وغيرها من هالكلام الفاضي

[ضوى]

ليش كلام فاضي ؟

القطوة مب روح ؟؟

وليش ماقلت ممكن اللي ماعنده قطو الحين يفكر يربي له كم قطو عشان يفكونه من الحشرات الضارة في البيت ؟

[qatara]

قلة سوالف اللي الحين جالسين تتكلمين عن القطاوة
تكلموا عن شي تستفيدون منه وتزيدون من ثقافتكم ومعرفتكم
مب قطوتي احلا من قطاوة الشوارع
واللي تمدح قطوتها وفيه. وغيرها من هالكلام الفاضي

بالعكس كلامنا بصميم الدين والرحمه الانسانيه التي على
شرع الله ورسوله وليس رحمه الباطل على الطرق الغربيه

لان هناك بشر ليسو ببشر يدوسون الحيونات ويحرقونها ووو الخ

لعل جاهل منهم يمر بالموضوع ويستفيد اليس كذالك

تحياتي لك

[حسن]

القط مايحب الى خناقه

:)

في مثل مصري

يقول القطوه تاكل وتنكر

:)

الصراحه ماحب القطاوه خير شر واذيتهم اكثر من منفعتهم واللي يضن ان القطاوه قضت على الفيران غلطان

البلديه والعمران الحديث والشوارع واختفاء السمايد واختفاء تربيه المواشي
في البيوت انتهت
فاكيد القارض بيختفي الى العود فيهم يتسدح ويسرح ويمرح

الصراحه ودك تقضى على القطاوه وخصوصا الوصخ منهم

اللى كله يتسدح تحت السيارات وبين المكاين ويلحق قطاوه الفريج ويتصيد لهم عند الدرامات


:)

[Dana’1]

ياحلوهم القطاوه رغم انهم مرات يلعوزون بس فعلا ينظفون الحوش تنظف انا ماعندي ولا قطوه بالبيت بنتي تحن علي تشتري وتبغاها داخل البيت وانا رافضه رفض كلي لان ماعندنا وقت لهم ^_^ فشلون بعض الناس تذبحهم بكل سهوله والعياذ بالله!

[رجل الجزيرة]

القط مايحب الى خناقه

:)

في مثل مصري

يقول القطوه تاكل وتنكر

:)

الصراحه ماحب القطاوه خير شر واذيتهم اكثر من منفعتهم واللي يضن ان القطاوه قضت على الفيران غلطان

البلديه والعمران الحديث والشوارع واختفاء السمايد واختفاء تربيه المواشي
في البيوت انتهت
فاكيد القارض بيختفي الى العود فيهم يتسدح ويسرح ويمرح

الصراحه ودك تقضى على القطاوه وخصوصا الوصخ منهم

اللى كله يتسدح تحت السيارات وبين المكاين ويلحق قطاوه الفريج ويتصيد لهم عند الدرامات


:)

والله يا أبو علي:

باٌقولك على سالفة:

سنة من السنين قبل الثمانينات على الأيام الستاوت البيكم سيارة - الوالد الله يرحمه وجميع أموات المسلمين اللهم آمين يا رب العالمين - وكنا في الشتا برد ومشغل الموتر وإلا أسمع صوت خشرخة في المكينة وريحة شوي يوم طفيت السيارة وبطلت البانة الله لايوريك إلا والدم في البانة والمكينة وتحت المكينة والبطارية ودينمة السلف وديمنة التشرتش ومروحة المكينة يعني تقول شيش كباب.، وأخذ الموتر للمغسلة أكثر من ساعة لين صار نظيف وأروح للوالد وأعلمه فسكت.

http://toyotanews.pressroom.toyota.com/images/toyota/photo//1999005_1965_Stout_1-prv.jpg

[qatara]

القط مايحب الى خناقه

:)

في مثل مصري

يقول القطوه تاكل وتنكر

:)

الصراحه ماحب القطاوه خير شر واذيتهم اكثر من منفعتهم واللي يضن ان القطاوه قضت على الفيران غلطان

البلديه والعمران الحديث والشوارع واختفاء السمايد واختفاء تربيه المواشي
في البيوت انتهت
فاكيد القارض بيختفي الى العود فيهم يتسدح ويسرح ويمرح

الصراحه ودك تقضى على القطاوه وخصوصا الوصخ منهم

اللى كله يتسدح تحت السيارات وبين المكاين ويلحق قطاوه الفريج ويتصيد لهم عند الدرامات


:)

وشرايك بهل القول يا بوعلي


أن امرأة أرسلت بِهَرِيسَةٍ إِلَى عَائِشَةَ رَضِيَ اللَّهُ عَنْهَا فَوَجَدَتْهَا تُصَلِّي فَأَشَارَتْ
إِلَيَّ أَنْ ضَعِيهَا فَجَاءَتْ هِرَّةٌ فَأَكَلَتْ مِنْهَا فَلَمَّا انْصَرَفَتْ أَكَلَتْ مِنْ حَيْثُ أَكَلَتْ الْهِرَّةُ فَقَالَتْ :
إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ :

"إِنَّهَا لَيْسَتْ بِنَجَسٍ إِنَّمَا هِيَ مِنْ الطَّوَّافِينَ عَلَيْكُمْ وَقَدْ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ
يَتَوَضَّأُ بِفَضْلِهَا "

[يوسف0]

القط مايحب الى خناقه

:)

في مثل مصري

يقول القطوه تاكل وتنكر

:)

الصراحه ماحب القطاوه خير شر واذيتهم اكثر من منفعتهم واللي يضن ان القطاوه قضت على الفيران غلطان

البلديه والعمران الحديث والشوارع واختفاء السمايد واختفاء تربيه المواشي
في البيوت انتهت
فاكيد القارض بيختفي الى العود فيهم يتسدح ويسرح ويمرح

الصراحه ودك تقضى على القطاوه وخصوصا الوصخ منهم

اللى كله يتسدح تحت السيارات وبين المكاين ويلحق قطاوه الفريج ويتصيد لهم عند الدرامات


:)

الفيران موجوده :anger1:

وقطوة الشارع الي كنت اعتبرها وصخه كلت فأرين وبريعصي امام عيناي :victory:

وكافأتها بصحن اكل قطاوة

[R 7 A L]

http://store1.up-00.com/2015-04/1430292210391.gif (http://www.up-00.com/)


للتذكير
للي نسوا أشكال القطاوه

[aloosh]

عندي قطاوه في البيت وشاري لهم تونه لانهم من 3 اجيال عندي يتكاثرون ولا يتعدون البيت
افكر انقلهم معاي للبيت الجديد

[نور الحور]

القطط ممكن تكون حل ولكن مشكلة ثانية في نفس الوقت !!

أغلب قطط الشوارع (ولا أقصد المنزلية ) وسخة وتنتقل من درام لدرام (وأنتوا بكرامة) ..

وبعدها تنقل اللي تجمع على جسمها من جراثيم للبيوت

صحيح هي بتكون برا .. بس أحياناً تقعد بمدخل البيت أو تتحين الفرص وتدخل :weeping:


ثاني شي .. ممكن تكون وسيط جيد ينقل الأمراض خاصة إنها تدور في الشوارع لا فحص طبي ولا تطعيم !!


لكن عموماً نقدر نعتبر القطاوة هم حراس الفريج :nice:

[ضوى]

عندي قطاوه في البيت وشاري لهم تونه لانهم من 3 اجيال عندي يتكاثرون ولا يتعدون البيت
افكر انقلهم معاي للبيت الجديد

احييك يالوحش

قطوتي الله العالم شنهو الجيل الموجود حاليا منها من 16 سنة عاد احسب

[aloosh]

احييك يالوحش

قطوتي الله العالم شنهو الجيل الموجود حاليا منها من 16 سنة عاد احسب

ما شاء الله
في كل كبد رطبة اجر

وصدقيني اللي قلبه رقيق على الحيوانات سبحان الله تلقى فيه الحب والحنان

[رجل الجزيرة]

مرة شفت في مقطع وثائقي في الديسكفري: أمريكي ربى له قطوة وهو كان ساكن في الساحل الشرقي في أمريكا وضاقت به الدنيا وإضطر إنه يسافر للساحل الغربي وخلى القطوة عند جاره وسافر هناك وسكن وبعد فترة تقريبا السنة إلا وهذي قطوته عند باب بيته فسأله جاره فقال له عن القطوة إلا هو خلاها عنده فقال له من زمان ما شفتها أكثر من 3 شهور فقال له إن القطوة عند باب بيته، فيا سبحان الله.

[العقل المدمر]

شكلك مدلعها تاكلها بلاليط

ههههههه

هي تلعب وياه الين تذبحه هذا شي موكد


لا والله شرد وانخش عنها
والمرة الثانية شافت واحد واقف سحبت عليه ماعجبها
تبي واحد يمشي وتتمشى معاه :eek5:

[وحيد-الشوق]

الفترة الاخيرة صرت ما احب القطاوة بسبب ازعاجهم لنا المشكلة القطوة تربى وتجيب قطاوة وعقب يموتون في البيت وتعال خذ بعضهم يموت ولاتدري عنهم وفي فرجان في الوكرة خصوصا كلها قطاوة

اذكر سالفه غريبة عطيت قطوة حليوه كانت لرفيجي تخيلوا يا اخوان بعد يومين جات من الوكير لين الوكرة شلون مادري هههههههههه

بس بعد يبقون احسن من بعض الحيوانات بس للعلم القطو صج ناكر جميل تربيه وفي الاخير ممكن يتركك :)

[راجي الْعفو]

الفترة الاخيرة صرت ما احب القطاوة بسبب ازعاجهم لنا المشكلة القطوة تربى وتجيب قطاوة وعقب يموتون في البيت وتعال خذ بعضهم يموت ولاتدري عنهم وفي فرجان في الوكرة خصوصا كلها قطاوة

اذكر سالفه غريبة عطيت قطوة حليوه كانت لرفيجي تخيلوا يا اخوان بعد يومين جات من الوكير لين الوكرة شلون مادري هههههههههه

بس بعد يبقون احسن من بعض الحيوانات بس للعلم القطو صج ناكر جميل تربيه وفي الاخير ممكن يتركك :)

اكيد ما عطيته تونة !

[المحاميه]

بغض النظر عن الغرض اللي انوجدت من أجله

فهي روح مملوكه للمولى عزوجل

مايحق لاي شخص يتصرف فيها الا اذا كان وجودها يهدد سلامتك

غير جذي كل واحد يتحمل نتايج جرمه

[الزعفراني]

على سالفة القطاوة .. تذكرون اللي كانوا يقلدون مقطع ( قطوتي ) .. ( قطوتي ) .. :)

[الزعفراني]

احييك يالوحش

قطوتي الله العالم شنهو الجيل الموجود حاليا منها من 16 سنة عاد احسب

أكيد من جيل فزعة ( توم ) :)

[حسن]

والله يا أبو علي:

باٌقولك على سالفة:

سنة من السنين قبل الثمانينات على الأيام الستاوت البيكم سيارة - الوالد الله يرحمه وجميع أموات المسلمين اللهم آمين يا رب العالمين - وكنا في الشتا برد ومشغل الموتر وإلا أسمع صوت خشرخة في المكينة وريحة شوي يوم طفيت السيارة وبطلت البانة الله لايوريك إلا والدم في البانة والمكينة وتحت المكينة والبطارية ودينمة السلف وديمنة التشرتش ومروحة المكينة يعني تقول شيش كباب.، وأخذ الموتر للمغسلة أكثر من ساعة لين صار نظيف وأروح للوالد وأعلمه فسكت.

http://toyotanews.pressroom.toyota.com/images/toyota/photo//1999005_1965_Stout_1-prv.jpg

هلا هلا

حيالله رجل الجزيره

انا اعرف سوالفهم الاول وخصوصا ايام الشتاء تدور الدفى ولا تلقاها الى في مكينه السياره
وخبرك سيارات الاول ترقد في المكينه من السعه مهب الحين ماتقدر تدخل
صبعك وكله وايرات وهوزات وكفرات تغطيه

[حسن]

وشرايك بهل القول يا بوعلي


أن امرأة أرسلت بِهَرِيسَةٍ إِلَى عَائِشَةَ رَضِيَ اللَّهُ عَنْهَا فَوَجَدَتْهَا تُصَلِّي فَأَشَارَتْ
إِلَيَّ أَنْ ضَعِيهَا فَجَاءَتْ هِرَّةٌ فَأَكَلَتْ مِنْهَا فَلَمَّا انْصَرَفَتْ أَكَلَتْ مِنْ حَيْثُ أَكَلَتْ الْهِرَّةُ فَقَالَتْ :
إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ :

"إِنَّهَا لَيْسَتْ بِنَجَسٍ إِنَّمَا هِيَ مِنْ الطَّوَّافِينَ عَلَيْكُمْ وَقَدْ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ
يَتَوَضَّأُ بِفَضْلِهَا "

مستحيل حد يسويها الحين مافي امل

:)

[حسن]

الفيران موجوده :anger1:

وقطوة الشارع الي كنت اعتبرها وصخه كلت فأرين وبريعصي امام عيناي :victory:

وكافأتها بصحن اكل قطاوة

هذا زمن الفقر والجوع
اما الحين في زمن الرواتب العاليه حتى القطو شبعان ولا تلقاه يلعب مع الفار جوكر اوبيلوت

اكره قطو الاسود المتمرد بوذيل متين
:)

[حمد 2002]

من الأشطر باصطياد الفئران القطو أو القطوه ولماذا ؟

[راجي الْعفو]

هذا زمن الفقر والجوع
اما الحين في زمن الرواتب العاليه حتى القطو شبعان ولا تلقاه يلعب مع الفار جوكر اوبيلوت

اكره قطو الاسود المتمرد بوذيل متين
:)

القطاوة عايشين ارتفاع مستوى المعيشة معنا اللهم بارك ..

ماشاء الله يلقون لهم فوق الثلاث وجبات مع السويتات ..

يعني وجبات متكامله ..

بيحتاجون عمليات قص قريب !

[الجـــوديّ]

بغض النظر عن الغرض اللي انوجدت من أجله

فهي روح مملوكه للمولى عزوجل

مايحق لاي شخص يتصرف فيها الا اذا كان وجودها يهدد سلامتك

غير جذي كل واحد يتحمل نتايج جرمه

عجبني كلامج المحامية

كل روح هي ملك لله عزوجل .. محد له الحق انه ينتهكها او ينهي حياته
بدون سبب جوهري او مقنع ..

تدرين ان كلامج بالتحديد هو احد قوانين اخلاقيات التعامل مع الحيوانات اجلكم الله بغرض التجارب الانسانية في الغرب طبعاً مب عندنا !

[عيسى111]

مستحيل حد يسويها الحين مافي امل

:)

راحو الطيبين

[يوسف0]

هذا زمن الفقر والجوع
اما الحين في زمن الرواتب العاليه حتى القطو شبعان ولا تلقاه يلعب مع الفار جوكر اوبيلوت

اكره قطو الاسود المتمرد بوذيل متين
:)

صحيح لاكن متواجدين وفالبيوت الجديده وخاصتا اذا في بيوت حواليك تنبني

ففريجنا قبل قطو اسود و اذنه مقطوعه ومعضل تضرب بانة السياره يعطيك نظره تخليك تعتذر منه :rolleyes2: ذكريات هههههههههه

[العقل المدمر]

من الأشطر باصطياد الفئران القطو أو القطوه ولماذا ؟

القطوة طبعا لانها تصيد حق عيالها وتأكلهم قبل لا تاكل
اما القطو الذكر الشرير هو ناكر الجميل يخلي عياله ويتزوج على مرته :shy:

[حليتان*]

حسبي الله عليهم هالي يدعمون القطاوه فالشوارع بعمد

من اجمل الحيوانات بالنسبه لي ياخي كفايه قطوتي تقعدني الصبح وسبحان الله مخلووووق حنون اذا اسافر يالربع وله يوم كنت اقطع عنها فالموسم لما ارجع احصلها متضايقه

عندي فالبيت كاسكو وسلحفاه وجلب وسمج وقطوه

بس والله القطوه غير حتى الكاسكو والجلب مب متوالفبن معاي نفس القطوه

[يمامـة]

عجبني هالموضوع في الحوار العام

نعم نعم ان القطط شيء عظيم

قلبها متروسة..

المهم

ما احب القطاوة وزعلانة لان البلدية ما عادوا يصيدونهم مثل قبل نتصل فيهم علشان يفكوننا من وصاختهم..

[أم محمد 90]

القطاوة اجمل الكائنات,, صحيح اني ماقمت اشوف زهيوي ف البيت من يوم صار عندي قطاوة .