الى شركة المانع .. مع الشكر .. [الأرشيف] - منتديات شبكة الأسهم القطرية

مشاهدة النسخة كاملة : الى شركة المانع .. مع الشكر ..

مستر بن

29-04-2015, 10:53 PM

السلام عليكم
مساكم الله بالخير يا الربع

بس في سالفة صارتلي و حبيت اشاركها و ياكم

السالفة و ما فيها اني اليوم سويت سيرفس حق النيسان

ولما جاتني الفاتورة حصلتهم محاسبيني على طباعة*الفاتورة
بقيمة ريال قطري فقط لاغير

ادري الحين في ناس بيقولون لي ما جات على ريال

ادري ما جات على ريال وهاي حقهم و كيفهم يقيمونه مثل ما يبون

لاكن الحين احنى دافعين ثلاثميه و ثلاث وعشرين الف
اخر شي يحاسبونا على الورقة

والله انا عن نفسي مستغرب
انتو شرايكم

وهاي تفاصيل الـ ورقه ..

http://cdn.top4top.net/i_135245cc4a0.jpg (http://up.top4top.net/)

الحاقول

29-04-2015, 11:27 PM

نوع من انواع الضحك على الزبون . وين حماية المستهلك منهم
حتى مطعم ماكدونالدز التابع لهم اصبح يدفعك قيمة المايونيز ريال واحد عند طلب الوجبه
اما الكشب بالمجان

.قطر.

29-04-2015, 11:42 PM

اول مره اشوف فاتوره بفلوس هههه :eek5: :omen2:

فتك العديد

29-04-2015, 11:58 PM

اخوي انا سألتهم من قبل عن هاي الريال قالوا انه سعر النايلون الي يحطونه على الكرسي والورقه الي تنحط على دواسه الموتر والنايلون الي يلفونه على سكان الموتر قبل مايدخل الموتر السيرفس

رجل الجزيرة

30-04-2015, 09:08 AM

اخوي انا سألتهم من قبل عن هاي الريال قالوا انه سعر النايلون الي يحطونه على الكرسي والورقه الي تنحط على دواسه الموتر والنايلون الي يلفونه على سكان الموتر قبل مايدخل الموتر السيرفس

وليه بالريال وليه ما يكون مجانا في التويوتا الألبسة البلاستيكية مجانا أخس شركة شفتها في حياتي إلي شركة المانع حتى الزيت للسيرفس أول مرة بفلوس وباقي الشركات مجانا.

:(

خزامئ

30-04-2015, 09:39 AM

اشهد انهم قحيين
يامل الضعفه

h9466

30-04-2015, 03:32 PM

الريال اعتقد لل
operation

OREO

30-04-2015, 04:34 PM

.قطر.

30-04-2015, 04:58 PM

اخوي انا سألتهم من قبل عن هاي الريال قالوا انه سعر النايلون الي يحطونه على الكرسي والورقه الي تنحط على دواسه الموتر والنايلون الي يلفونه على سكان الموتر قبل مايدخل الموتر السيرفس
كل هاي بريال هههه :eek5:
يا ابلاش يا بعشر ريالات مثلا crazy

مستر بن

01-05-2015, 11:29 AM

نوع من انواع الضحك على الزبون . وين حماية المستهلك منهم
حتى مطعم ماكدونالدز التابع لهم اصبح يدفعك قيمة المايونيز ريال واحد عند طلب الوجبه
اما الكشب بالمجان

الماينيز بتاككله .. بس الورقه شبيوي فيها هه . .
يعني لو اشتكيت بيسوون شيء ؟؟

مستر بن

01-05-2015, 11:30 AM

اول مره اشوف فاتوره بفلوس هههه :eek5: :omen2:
انا بنفسي انصدمت ء ء

مستر بن

01-05-2015, 11:30 AM

اخوي انا سألتهم من قبل عن هاي الريال قالوا انه سعر النايلون الي يحطونه على الكرسي والورقه الي تنحط على دواسه الموتر
والنايلون الي يلفونه على سكان الموتر قبل مايدخل الموتر السيرفس

فديتكك السيرفس سووهه لي وانا ف البيت .. الخدمه مالتهم .. يجون البيت ويسوون موترك ..

مستر بن

01-05-2015, 11:53 AM

وليه بالريال وليه ما يكون مجانا في التويوتا الألبسة البلاستيكية مجانا أخس شركة شفتها في حياتي إلي شركة المانع حتى الزيت للسيرفس أول مرة بفلوس وباقي الشركات مجانا.

:(

الله كريمم .. ماينعرف الحين من الشين ومن الزين ..

مستر بن

01-05-2015, 11:54 AM

اشهد انهم قحيين
يامل الضعفه

اصصدموني والله ..

مستر بن

01-05-2015, 11:55 AM

الريال اعتقد لل
operation

لا .. الريال لان طبع لي الورقه بسس ..

مستر بن

01-05-2015, 11:58 AM

واضح بأن قيمة الريال عبارة عن اجرة خدمة العمال لجزئية معينة من الشغل ،،

المفروض من البداية تاخذ التسعيرة و بناءً عليها تحدد اذا يشتغلون لك او لا وبعدها لك الحق تشتكي ،،

اما حاليا ما اظن لك الحق تشتكي لانك وافقت انهم يشتغلون بدون ما تتطلع على التسعيرة المفصلة ،،

ربي يعوضك اخوي ..

هم بدلو الايل .. وانا مادفعت ولا سويت ولا شيء ..
بعدين جاب لي الفاتورهه .. قريت ولا طالع ان في ريال للورقهه ..
السيرفس اللي قبل ماقريتها .. دفعت لهم بس هالمرهه كنت فاضي ..
وقريت الورقه .. وقلت له انا مب دافع الريال .. ادفع فوق ال ثلاثميه الف واخر شيء تقولون تبون ريال .. قالي ماقدر اكمل الشغل ..
قلت له انت بدلت ايل وانا مادفعت .. مب مشكلتي ذي .. المهم بعدين كسر خاطري الهندي لانه ماله خص ..
قلت له كمل الشغل بس انا مب ساكت عن هالشيء ..
واتمنىان يشوفون حل لهالمشكلهه .. وفي حل اني اسويهه عشان اشوف موضوعهم ..

OREO

01-05-2015, 04:31 PM

هم بدلو الايل .. وانا مادفعت ولا سويت ولا شيء ..
بعدين جاب لي الفاتورهه .. قريت ولا طالع ان في ريال للورقهه ..
السيرفس اللي قبل ماقريتها .. دفعت لهم بس هالمرهه كنت فاضي ..
وقريت الورقه .. وقلت له انا مب دافع الريال .. ادفع فوق ال ثلاثميه الف واخر شيء تقولون تبون ريال .. قالي ماقدر اكمل الشغل ..
قلت له انت بدلت ايل وانا مادفعت .. مب مشكلتي ذي .. المهم بعدين كسر خاطري الهندي لانه ماله خص ..
قلت له كمل الشغل بس انا مب ساكت عن هالشيء ..
واتمنىان يشوفون حل لهالمشكلهه .. وفي حل اني اسويهه عشان اشوف موضوعهم ..

المرة الجاية تاكد و فيدنا بارك الله فيك اذا الرسم بوريال لخدمة معينة او تسعيرة الفاتورة ،،

لان اذا تسعيرة الفاتورة ما اظن حماية المستهلك راح تسكت لان من شروط وزارة التجارة و الاقتصاد لازم المحل او شركة تقدم فاتورة غصبن عنها و ماتقدر تقول لا فلذا ما تقدر الشركة تجبرك على دفع ريال بمقابل الفاتورة ،،

شخصيا اعتقد الرسم هذا مقابل سيرفس معين و انت ادرى بها اخوي لكن الاشكالية من المفترض يخبرونك قبلها والا مهب من حقهم ادارج الرسم في الفاتورة ولا الزامك بدفعه،،

مستر بن

01-05-2015, 04:36 PM

المرة الجاية تاكد و فيدنا بارك الله فيك اذا الرسم بوريال لخدمة معينة او تسعيرة الفاتورة ،،

لان اذا تسعيرة الفاتورة ما اظن حماية المستهلك راح تسكت لان من شروط وزارة التجارة و الاقتصاد لازم المحل او شركة تقدم فاتورة غصبن عنها و ماتقدر تقول لا فلذا ما تقدر الشركة تجبرك على دفع ريال بمقابل الفاتورة ،،

شخصيا اعتقد الرسم هذا مقابل سيرفس معين و انت ادرى بها اخوي لكن الاشكالية من المفترض يخبرونك قبلها والا مهب من حقهم ادارج الرسم في الفاتورة ولا الزامك بدفعه،،

الرجال بنفسه يقولي ..
الريال حق الورقه .. لان طبعناها لك ..
قلت له واذا مابيها يقولي مايسير ..

اودي الفاتوره حمايه المستهلك واجرب ؟

OREO

02-05-2015, 03:57 PM

الرجال بنفسه يقولي ..
الريال حق الورقه .. لان طبعناها لك ..
قلت له واذا مابيها يقولي مايسير ..

اودي الفاتوره حمايه المستهلك واجرب ؟

من قوانين وزارة التجارة والاقتصاد لازم البايع يصدر فاتورة لك و باللغة العربية والا مخالف للقوانين .. فلذا ماله حق يصدر فاتورة بمقابل مادي لان ملزوم .. انصحك تكلمهم ..

R 7 A L

02-05-2015, 08:46 PM

خدماتهم تعبانه
وعلى فكره تختلف الاسعار من مكان لمكان لنفس الشغل

بعيد النظر

03-05-2015, 10:06 AM

المصرف يطبع لك الورقة بـ 10 !!!!!!

المحاميه

03-05-2015, 10:09 AM

وين المشكله؟

المحاميه

03-05-2015, 10:10 AM

قلنا اعرفوا حقوقكم

ودافعوا عن حقكم

بس لاتمصخونها عاد

h9466

03-05-2015, 10:23 AM

قلنا اعرفوا حقوقكم

ودافعوا عن حقكم

بس لاتمصخونها عاد
:)
فعلا...

Riku3

04-05-2015, 01:10 PM

خدمة النيسان صارت سيئة اخر كم سنة .. انا من 10 سنين وانا مع النيسان وما غيرت لين 2013 بعد ما زهقت من خدمتهم اخر كم سنة واسعارهم الجنونية الي توصل 3 اضعاف دول الخليج في قطع الغيار ..

جاني مسئول مبيعات نيسان من فترة المكتب .. قلتله صرتوا ماديين ووضحتله المشاكل وهو وافقني ان الخدمة صارت تعبانه وما في احترام للعملاء .. ووعد ان الوضع قاعد يتحسن بس خلاص انا زهقت كل ما اخترب شي لازم اجيبه من الامارات ! .

اما بخصوص الريال .. اول مره اسمع فيها ولو صج بيكون قمة السخافه منهم -_- .

موظف ((حكومي

04-05-2015, 01:19 PM

اطلب فاتوره بدون طباعه (( سعر بس

(ام عبدالله)

04-05-2015, 01:50 PM

المصرف يطبع لك الورقة بـ 10 !!!!!!

حتى لو اخذ اخوي فهو ياخذ عن خدمه وممكن يجاملك ومايخذ منك شي .. هي النظريه انه لو كان كل شي ببلاش الناس كل يومين تطلب كشف حساب او شهادات مديونيه وغيره

لكن الفاتوره هاي حق لكل عميل انه ياخذ فاتوره حتى في الحسابات لازم الكاشير يصدر فاتوره على شان اثبات الملغ في العده والمخازن . هاي برنامج لهم للتحكم والرقابه والحاسابات

يعني طلب العميل ولا ما طلب المفروض ياخذ فاتوره بالدفع اثبات لحقه طبعا البنوك ما تعطيك فاتوره بالعشر ريال لانه اثبات حقك مثبت بكشف حسابك المخصوم منه

لكن على سبيل المثال شركات التمويل اول ما دفع قسط نقدا يعطونك ايصال ومجاني

ومن شروط حمايه المستهلك ان يعطونك فاتوره باللغه العربيه بعد يعني هاي مب صدقه منهم ولا هي تجاره ولا بكيفهم يخصمون على العميل ريال ولا الف المبدا واحد

امل ان حمايه المستهلك تاخذ اجرائها للحد من التلاعب بالمسميات

عبد الله

05-05-2015, 11:45 AM

أنا مستغرب من هالكلام من بعض الأخوة والأخوات..يعني انتوا تتوقعوا ان في شي ببلاش لكن المشكلة هني أنهم فصلوا في الفاتورة شوي زيادة.
وعلى فكرة مسوينلك خصم 25% على قطع الغيار يعني منقص لك 135.5 ريال وهذا ممتاز نسبياً ولكن مافي خصم على الليبر شارج (شغل اليد) وجاي تحاسبهم على ريال (حرام عليك :) )

أيضاً معظم الشركات تاخذ بدل عن الإصدار مثلاً شركات التأمين تسميها رسوم إصدار والبنوك فتح ملف وإذا رحت تطلب كشف حساب تدفع عن كل صفحة
الخلاصة انه مافي شي بالمجان (ببلاش) والحمد لله وعلى فكرة كثيير من الدول حتى القبر فيها بفلوس

luniz

20-10-2015, 09:39 PM

Dear All,

Upon purchasing a brand new Dodge Ram 1500 Laramie 2015, I received a damaged vehicle. There are several damages on the driver side that include the bumper, hood and the front window rubber and plastic to the bed liner. I received the car on the 1st of October 2015, made a complaint on the 2nd of October 2015 and up until today, the 20th of October 2015, they have been delaying and avoiding replacing this faulty vehicle with a new one.

Note: I have proof of all the damages by pictures and the day of complaints by SMS, as well as responses made by the salesman.

بوخالد911

22-10-2015, 12:31 AM

بااال
عيل اطلب منهم فاتورة الكترونية.

راعي الكورفت

29-10-2015, 01:11 PM

معروف ان وكيل المانع (النيسان و الفورد ) من ابخل الوكالات في قطر وحتى الوكاله بالصناعيه على نفس الحاله من الثمانينات :)

يوسف0

29-10-2015, 09:31 PM