صابون الغار

[mE mYself & i]

السلام عليكم

وين أحصل صابون غار طبيعي للشعر ؟؟

[بصمة قطرية]

في محل في اللاند خاص بالصابون
يمكن تحصل عندهم ..
أنا كنت آخذه من المعارض ..

[sweet qatar]

في سوق واقف

[aloosh]

تغذية البشرة وإعطائها قوة ونضارة مما يساعد على تأخر ظهور التجاعيد

يوحد لون البشرة والمناطق الحساسه

تغذية جذور الشعر ومنحه الحيوية و التخفيف من تساقط الشعر

تخليص الجسم من البكتريا المسببة للرائحة ومنحه عطراً طبيعياً جميلاً

المساعدة في علاج بعض الأمراض الجلدية كالأكزيما والصدفية

وله خواص جيدة ولكونه صابون رائع وآمن للاستحمام حتى أنه ينصح بالاستغناء عن الشامبو والاكتفاء بصابون الغار بديلاً جيدا

مغذي للجلد والشعر، منظف، مزيل للرائحة، معطر طبيعي، منعش، يساعد بالقضاء على القشرة، و يقوي بصيلة الشعر.








المقادير :

* علبه فاضيه ونظيفه ويفظل انها تكون بلاستيك
* صابونة غار
* ماء ورد
* علبة شامبو فاضيه ونظيفه
* زيت الجلسرين "الجلسرين السائل" + زيت اللوز << زيت اللوز حسب الرغبة

الطريقه :

ابشري صابونة الغار وحطيها في العلبة البلاستيكية

بعدين صبي فوقها ماء الورد بس لا تكثرين بحيث انه يغطي الصابونة المبشورة بس

خليها تنقع يوم كامل او من الصبح لليل .. رح تصير عندك الخلطة جاهزة يجيك زي الصابون السائل او الشامبو بالضبط

بعد ماصارت جاهزة اضيفي لها الجلسرين وزيت اللوز بس لاتكثرين واذا عندك زيوت وحبيتي تضيفينها اضيفيها مو مشكله واخلطيهم مع بعض زين بعدين حطيهم في علبة الشامبو الفاضية اسهل للاستعمال

والآن الخلطة جاهزه للاستعمال

عند الشاور بعد ماتغسلين جسمك بالمويه خذي من الخلطة ووزيعها على كامل الجسم بعدين فركي جسمك بالليفه والله ياهي تنظف من قلب

وممكن تستخدمونها في الحمام المغربي بدل الصابون المغربي

منقول