انا اشتغل علشان الفلوس وانت كذلك بعد وكلنا كذلك

[حمد 2002]

السلام عليكم

انا اروح الدوام كل يوم علشان الفلوس ولو انقطع راتبي مب دوام !!

وأنت لو عرضوا عليك وظيفه ثانيه براتب أعلى بتترك وظيفتك الحاليه علشان الفلوس !!

لو صار لك مرض وماعندك واسطه أتسافر للعلاج برع .. بتظطر اتعالج بالدوله علشان الفلوس !!

لاتتزوج لأنه ماعندك فلوس !! ..

لاتروح مطاعم الفنادق روح معصره لأنه ماعندك فلوس !! ..

لاتروح سينمه طالع أم بي سي 2 لأنه ماعندك فلوس !! ..

لاتسافر برع قطر .. خذ لك زوليه ودله جاي وقهوه وبسط على البحر لأنه ماعندك فلوس !! ..

فلوس فلوس فلوس :)

[طلعة الروح]

اكيد ادوام عشان الفلوس وضمان حياة كريمة وبنفس الوقت لأن عندي قناعة أن وجودي في العمل يحدث فارق بدرجة مهمة
ولو ما انوجدت هالقناعه ماراح يكون عندي دافع للعمل أصلا.

واللي يخليني اداوم بدافع الفلوس سالفة ثانية وهي اقتناعي اني محطوطه بشغلة أقل من مستواي وخبراتي وفي هالحالة الفلوس مهمه عشان
اقدر اكمل في شغلة عندي قناعة اني لازم اتركها أو أغيرها بعد فترة وهاي اللي مخليني استحمل قصة ان في ناس مايستحقون المنصب أو أقل مني في المستوى
الاكاديمي والعملي وحاطينهم مسؤولين عن شغلي ومسؤولين على تقييمي.

[السكين]

معاك مال ابنك ينشال ، ما معاكشي ابنَك يمشي :victory:

[Rider]

الفلوس عصب الحياة لكن مب كل شي بالنسبة لي الراحة النفسية أهم

[Al-Kuwari]

الفلوس مب كل شي
نعم مافي حد راح يشتغل ببلاش

لكن المفروض ان الفلوس ما تكون السبب الوحيد فقط

لكن الانسان يكون عنده شي حاب يوصله

طموح مثلا
استغلال الوقت
رسالة نبيلة لو كانت وظيفته مثلا معلم او صحفي

لكن لو كان الانسان هدفه الوحيد للعمل الفلوس فلازم يراجع نفسه

[العنيده]

الفلوس وايد مهمه بهالوقت مانقدر نقول العكس حتى لو كانت قليله الحمدلله عليها بعد ..
ولو جاني عرض وظيفي براتب اكبر والاهم يناسب خبراتي باذن الله معاهم ..


نفس مايقولون " no money no funny "

[بصمة قطرية]

الفلوس في هالزمن شي أساسي ..
صحيح مستحيل نشتري الراحة و السعادة بالفلوس
لكن نعيش بالفلوس*..

[MAZEN37]

تم عرض وجهة نظرك
شلمطلوب نقاشه وضح

[MirusS]

هههههههههههه
ياخي اتفق وياك صراحه الفلوس وايد مهمه
عندك فلوس بتشتري راحتك و وناستك وكل شي فخاطرك :rolleyes: ، ماعندك بتتعب وبتعاني :rolleyes:

[نوار قطر]

كل شي في الدنيا تغيير وبيتغيير الا نظرتك وتفكيرك بالفلوس

شي طبيعي ياحمد انا وانت وغيرنا نشتغل عشان نحقق ذاتنا وعشان الفلوس ماصلى المصلي الا ويبي الغفران،،، سوء التدبير وسوء التصرف في الراتب هو الي خلى الناس توصل لي مرحلة ابي اسافر ماعندي ،،، بعيد الشر ابي اتعالج ماعنذي ومن هالسوالف ،،، احنا الحريم اذا حسينا ان احنا مفلسين تضربنا ضيقه ،، شلون الرياييل والي مسؤولياتهم اكثر واكبر ،،، الصراحه الفلوس مصدر امان ،،

واسمحلي اخالف رايك ياما ناس انعرضت عليهم وظايف وبراتب اكبر وارفضو ،، لانهم مرتاحين في شغلهم وماتهمهم زيادة الراتب ،، الراتب فعلا بيزيد بس هل بيرتاحون في شغلهم ؟؟ الراحه النفسيه واايد اهم ،،

[بريق الحق]

صادقه يا نوار الراحه اهم عندي واحد من الربع ساكن فالخور ودوامه صوب بوعبود يقولي والله اذا يخصمون من راتبي 10 الف ويخلوني اداوم فالخور يقول راضي

[نوار قطر]

صادقه يا نوار الراحه اهم عندي واحد من الربع ساكن فالخور ودوامه صوب بوعبود يقولي والله اذا يخصمون من راتبي 10 الف ويخلوني اداوم فالخور يقول راضي

بنت عمي طلعت من شغلها وكانت طبيعة شغلها حساسه جدا وبحكم انها قطريه والي فوقها اجانب تأذت منهم قدمت استقالتها وراحت مكان ثاني والله الي نقص من راتبها 10000 ريال تقريبا قالت مايهمني اهم شي راحتي النفسيه ولا اقعد مع ناس يحاربوني ويضغطون علي عشان مااوصل مكانهم ،،،والحين واايد مرتاحه في دوامها ومتميزه فيه،،،

[A-Alansari]

فلااااوس

[بنت شرق]

ما نشتغل باعمال تطوعية علشان ماتكون لنا اجره لعملنا
الفلوس مهمة بها تشتري احتياجاتك المادية الأساسية
الاحتياجات الغير مادية ،،احترام الناس لك محبتهم لك ،،،ماتنشرى بفلوس
تميزك واهتمامك بوظيفتك مايمر عبر الفلوس
راحة بالك وضميرك ،،عند البعض ماتنشرى بفلوس ،،

[aloosh]

الدوله توفر لك كل هذا
وتوفر لغير الموظف
وتوفر للمعاق

والموضوع ماله ساس من راس صراحه

[POINT]

بنت عمي طلعت من شغلها وكانت طبيعة شغلها حساسه جدا وبحكم انها قطريه والي فوقها اجانب تأذت منهم قدمت استقالتها وراحت مكان ثاني والله الي نقص من راتبها 10000 ريال تقريبا قالت مايهمني اهم شي راحتي النفسيه ولا اقعد مع ناس يحاربوني ويضغطون علي عشان مااوصل مكانهم ،،،والحين واايد مرتاحه في دوامها ومتميزه فيه،،،

المال ليس كل شيء!!!
ولنا فيما سردته الفاضلة نوار قطر خير مثال..

[LiL iNVe$ToR]

اشتغل في بنك مع الفلوس يابوشهاب :) يمكن تحب شي غير الفلوس.