تركيب مظلات قماش للسيارات

[asulaiti]

الإخوة الكرام ..

أود تركيب مظلات قماش للسيارات .. وقصدت هذا النوع من المظلات (القماش) لجماليتهم وسهولة فكهم ونقلهم لمكان آخر ..

حيث تقضي خطتي بتركيب هذه المظلات وبعد 3 أو 4 سنوات سأنقلهم لمنزل آخر ،،

شركات كثيرة في الدوحة .. لكن الخوف من الغش وسوء التركيب ..

هل تنصحوني بشركة معينة ؟

هل تنصحوني بنوع معين من القماش ؟ جودة عالية وعازلة للماء ؟

والشكر مقدماً للجميع ..

[asulaiti]

سبحان الله وبحمده ... سبحان الله العظيم

[بوNasser]

يمكن ما افيدك وايد بس حسب علمي النوع الجيد والعازل للماء هو القماش الألماني

و كثير من الشركات تعطيك ضمان على القماش العازل بين 4 و 6 سنوات بينما تعطيك ضمان على القماش العادي تقريبا 10 سنوات. (وأغلبهم مصداقيتهم لك عليها)

النقطة الثانية والأهم كلهم يحسبون لك سعر التركيب بالمتر اذا كانت مساحة المظلة كبيرة وان كانت صغيرة يعنى حق سيارة بس فتقريبا كلهم (او 90٪) متفقين على سعر ما ينزلون عنه وهذا الكلام عن تجربة.

اخيرا تأكد انك لما تقرر الانتقال الى البيت الجديد ان المقاسات نفس الشي والا بتكون مضطر تمد أو تقصر الحديد، ونفس الشي بالنسبة للقماش.

هذا كل اللي عندي

وعسى ربي يوفقك.

[مختلف جداََ]

السلام عليكم .
اخوي و عن تجربة شركة البقالي الأفضل في قطر بدون منازع و عن تجربة شخصية
ضمان و خدمة ما بعد البيع جدا ممتازه

مكتبهم شارع سلوى جنب ال dhl

[aloosh]

ما انصحك بهم ركب كوك سبان افضل منهم

[asulaiti]

يمكن ما افيدك وايد بس حسب علمي النوع الجيد والعازل للماء هو القماش الألماني

و كثير من الشركات تعطيك ضمان على القماش العازل بين 4 و 6 سنوات بينما تعطيك ضمان على القماش العادي تقريبا 10 سنوات. (وأغلبهم مصداقيتهم لك عليها)

النقطة الثانية والأهم كلهم يحسبون لك سعر التركيب بالمتر اذا كانت مساحة المظلة كبيرة وان كانت صغيرة يعنى حق سيارة بس فتقريبا كلهم (او 90ظھ) متفقين على سعر ما ينزلون عنه وهذا الكلام عن تجربة.

اخيرا تأكد انك لما تقرر الانتقال الى البيت الجديد ان المقاسات نفس الشي والا بتكون مضطر تمد أو تقصر الحديد، ونفس الشي بالنسبة للقماش.

هذا كل اللي عندي

وعسى ربي يوفقك.

اخوي ناصر اشكر مداخلتك القيمة ..

لم يذكر لي أحدهم أن عندهم القماش ألماني .. كلهم قالوا لي القماش استرالي ..
وين احصل النوع الألماني ؟
في أي شركة ؟

وشكراً مرة أخرى

[asulaiti]

السلام عليكم .
اخوي و عن تجربة شركة البقالي الأفضل في قطر بدون منازع و عن تجربة شخصية
ضمان و خدمة ما بعد البيع جدا ممتازه

مكتبهم شارع سلوى جنب ال dhl


شركة البقالي أخبرها حق الأبواب الآوتوماتيك .. ما كنت أدري انهم يسون مظلات ..
بكرة باتصل فيهم ..

شكراً لرأيك ..

[asulaiti]

ما انصحك بهم ركب كوك سبان افضل منهم


كويك سبان غالي شوي وما ينفع تفكه وتركبه في مكان آخر .. في صعوبة في الفك والنقل ومكلف جداً العملية ..
علاوة على الشكل الجمالي ليس جيداً .. مظلات القماش شكلها أحلى وأرقى ..

وشكراً لك على المداخلة ..

[بعيد النظر]

انا مع اخوي اللي مدحلك الكويك سبان ..
انا مركب النوعين للامانة ومتحسسسسف اني ركبت القماش !



قلت انها ارخص واحلى .. لكن اللي اجوفه انها ما تسوى !!!


والحين افكر اشلهم واركب كوك سبان ..



على العموم .. انا ركبت من عند شركة اسمها مظلتي ..
من 3 سنين .. وهذا رقم الفورمن .. 33099637


وقواك الله

[Right]

نصيحة ، إبتعد عن مظلات القماش ، ركب الكويك سبان

[توشيبا]

مانصحك فيها تنترس غبار واذا جاء مطر نزله علي السياره وامسك طابور في مغسله السيارات ساعتها

[حليتان*]

للامانه ما منها فايده الخلق بالعكس توصخ السياره لازم كل يوم تغسل موترك بس عن عزل حراره اشوفها اوكي

[asulaiti]

الشكر للجميع على إبداء النصيحة ..

فكرت من قبل بالكويك سبان .. لكن مسألة نقلهم فيها صعوبة جداً حسب معلوماتي ..

حيث المنزل الذي سأسكنه الآن هو مؤقت لمدة ثلاث سنوات فقط .. والكويك سبان اذا تم تركيبه .. فكه ونقله مرة أخرى بعد كم سنة يصير نوع من المخاطرة ..
حيث ممكن أن تتضرر قطع الكويك سبان هنا ..

صححوا لي إذا معلوماتي خاطئة ..

وشكراً مرة أخرى للجميع ...

[.قطر.]

مانصحك فيها تنترس غبار واذا جاء مطر نزله علي السياره وامسك طابور في مغسله السيارات ساعتها


للامانه ما منها فايده الخلق بالعكس توصخ السياره لازم كل يوم تغسل موترك بس عن عزل حراره اشوفها اوكي

وانا اقول موتري كل شوي يغبر

[مختلف جداََ]

وانا اقول موتري كل شوي يغبر


ماله خص ، اذا المظلة من النوع العازل للماي معناته انه الماي ما يتسرب من القماش ، فما راح يغبر الموتر بالذات اذا المظلة كبيره

[asulaiti]

القماش اللي في السوق كذا نوع ..

فيه ألماني وهو أعلى سعر .. وفيه الاسترالي ويجيك مغطى بمادة اعتقد اسمها PVC .. لعزل الأمطار ..
وفيه الاسترالي الرخيص ..

أنا أفكر في الاسترالي مع PVC .. اليوم البقالي كان عندي لكن سعره كان وايد مبالغ فيه !!
مظلتين 6x6 بحدود 12500 ريال !!

الان سأبدأ في البحث عن الشركات الأخرى .. لكن من كثرهم ما تعرف أي واحد شغله نظيف ..

هل من ترشيح لأسماء بعض الشركات التي تم تجربتهم ؟

[$الملياردير$]

هلا يالربع الكويك سبان ماينقل القماش يمكن فكه و نقلة .... المظلات الأنيقة ... مجربهم مرتين.

[$الملياردير$]

والقماش ضد المائي و الشغل تمام و الوقت أوكيه

[asulaiti]

اخوي الملياردير شكرًا على المداخلة

اخوي كيف كان جودة التركيب عندك ؟
وهل القماش عازل فعلا للماء ؟
واسم ورقم هاتف الشركة ولا عليك امر

وشكرا مرة اخرى

[مختلف جداََ]

القماش اللي في السوق كذا نوع ..

فيه ألماني وهو أعلى سعر .. وفيه الاسترالي ويجيك مغطى بمادة اعتقد اسمها PVC .. لعزل الأمطار ..
وفيه الاسترالي الرخيص ..

أنا أفكر في الاسترالي مع PVC .. اليوم البقالي كان عندي لكن سعره كان وايد مبالغ فيه !!
مظلتين 6x6 بحدود 12500 ريال !!

الان سأبدأ في البحث عن الشركات الأخرى .. لكن من كثرهم ما تعرف أي واحد شغله نظيف ..

هل من ترشيح لأسماء بعض الشركات التي تم تجربتهم ؟

الشيخ ولا تهون شنو المواصفات اللي طلبتها من البقالي بالضبط

[.قطر.]

ماله خص ، اذا المظلة من النوع العازل للماي معناته انه الماي ما يتسرب من القماش ، فما راح يغبر الموتر بالذات اذا المظلة كبيره
اها :nice:
اي الحمدلله عازله للماي والمظله كبيره اطول واعرض من السياره
مشكور ع الافاده :)

[asulaiti]

الشيخ ولا تهون شنو المواصفات اللي طلبتها من البقالي بالضبط
مظلتين قماش كل وحده 6x6 والقماش استرالي عليه طبقة PVC ...
لكنه سعره شوي غالي .. والتركيب بعد 25 يوم !

لذا استبعدته لان اسعار السوق حسب الشركات التي بحث عنها في الوسيط مابين 7500 ريال إلى 9000 ريال ..
وكلهم ضمان 10 سنوات ..

لكن من كثر ما انقرصت من غش السوق المحلي .. حبيت اتريث حتى أتأكد من الجودة أو تكون الشركة مجربة من قبل أعضاء المنتدى ..

.
.

هنا سأحسم أمري ..

[$الملياردير$]

هذا مندوبهم و لا تخر ماي و لا غبار و ويركبون التيوب العمدان و يصبغونهاو يحفرون لها نصف متر في الارض و يركبون حديد البيبات العلوية غلفنايز عشان الصداء .... لوتبي تشوفها حياك عندي البيت تنورنا

[$الملياردير$]

الضمان 10 سنوات

[$الملياردير$]

للعلم الكويك سبان أفضل للي يبها دائمة اما المنقولة ف القماش أفضل

[asulaiti]

اخوي الملياردير ........

بيّض الله وجهك ...

[مختلف جداََ]

البقالي مركبين مظله عوده في بيت الوالد في مدينة خليفة
اذا ما خانتني الذاكره ضمانها 10 سنين

بعد حوالي 6 أو 8 شهور الوالد دق علي يقولي خياطة المظله فكت حوالي 2 سم

رحت عنده وشفت طلع صج الخياطه بدت تتبطل.
دقيت عليهم وشرحت لهم الموضوع. قالي المسؤول اذا ممكن تصورها و تطرشها لي.
طرشت له الصور على جواله . والله ما كثر كلام معاي
قال لي آسفين وراح نبدل القماش كله على الضمان.
وفعلا تم تبديلها بعد حول اسبوع او اكثر شوي
والحين لها فوق سنه ونص وما فيها اي مشكله.

هذي عن تجربه شخصيه
هم صج غاليين شوي
بس الصراحه تعامل طيب
ويخافون على اسمهم

[المخفي]

ما انصح بالقماش لانه يتقطع مع الهوا القوي اثنين من جيراني طبيلاتهم تقطعت بسبة الهوا