عندي استفسار عن تنظيف البيوت الجديدة

[al-buainain]

السلام عليكم ورحمة الله وبركانه

و مساكم لله بالخير

الربع الي انزلو ابيوتهم الجديدة الله يبارك لكم ويجعلها عامرة بكم وبالناس الطيبة .

ودي اسالكم عن موضوع التنظيف للبيوت الجديدة اشوف اكثر الناس تسال عن الشركات الجيدة ولكن السؤال

الشركات ذي وش تنظف في البيوت ، مثل الحمامات والارضيات وبقايا الصبغ بس ولا في اشياء ثانية لازم انعرفها او انركز عليها ..


وجزاكم الله خير

[شموخ دائم]

,

,


مرحبا


عليكم السلام ورحمه الله

نبي العشاء بعد التنظيفات واهم شي الكنافه مالت القدس يا زينها والله
:)
منزل مبارك ان شاء الله


التنظيف يختلف من شركه الى شركه

في تنظيف ب 700 ريال يجون البيت الصبح يخلصون الظهر
وتنظيفهم سرعه سرعه ماي وصابون وحك المخلفات مثل الصبغ وخلافه

وفي تنظيف بسعر 3500 ينظفون البيت لمده 3 ايام وكل يوم في البيت 5 عمال

1- تنظيف البيت من الغبار وشيل القطع الصلبه من اخشاب وقطع مكسره
2- تنظيف البيت بالماء والصابون يبتدون من البنت هاوس الى الاسفل
3- تنظيف اسطح الارضيه من بقايا الصبغ والجبس او أي بقع ويستخدمون طريقه ( الحك ) وثم مزيلات خاصه للصبغ
4- تنظيف المطبخ وتلميع الخزانات بمواد المنظفات العاديه
5- تنظيف شبابيك البيت الالمنيوم كامله من الداخل والخارج بمنظف الزجاج
6- تنظيف الابواب بالصابون والماء
7- مسح حوائط البيت كامله من الداخل باسفنج وفيها سائل خفيف
8- تنظيف الدرج ( الدربزين ) خاصه اذا فيه زخرفه وحديد مشغول بمنظفات خاصه وتخصيص عامل لتنظيف بين الزخرفه
9- تنظيف الارضيات بالمكينه الخاصه بالسيراميك
10 - تنظيف الحمامات مسح كامل السيراميك والحوائط والمرايات والقطع والزجاج بمواد منظفه للسيراميك والزجاج

اذا لايوجد كهرباء بالبيت على شركه التنظيفات احضار مكينه للكهرباء لتشغيل المعدات


ملاحظه
احيانا التظيف يسبب بعض المشاكل
مثل خدوش بالاسطح مثل الابواب الخشب وبعض انواع الرخام وربما يتسبب العمال بكسر شي من الزجاج والنوافذ والمرايات
ويسبب في ازاله ( الجراوت ) او الاسمنت الابيض بين البلاط والسيراميك

لذا وجب التنبيه على المسئول ومعاينه البيت كامل حتى لا يكون هناك مشاكل لاقدر الله
ومعاينه البيت كامل قبل تسليمه كامل المبلغ

لذا يفضل انه ياخذ 50 % من المبلغ قبل الشغل و 50% بعد الانتهاء ومعاينه البيت


,

,

[معماري قطري]

بعضهم يستعملون كيماويات تخرب الرخام .. الرخام له ناس مختصين .. وبعضهم يحك الخشب ويقشره .. وبعضهم يخرب لك مونة البلاط لو بيضا مثلاً تسود أَو تصفر .. الصبغ كذلك يمسحونه بفوط وصابون.

لازم الشركة زينة وعندهم عمال خبرة لتنظيف كل سطح ولازم تتابعهم وتراقب شغلهم.

نصيحتي للكل قبل ليسكن يجرب كل شيء خصوصاً الماي وتصريفه والكهربة .. أَوقات يكون أَحد الشطافات خربان أَو يسرب ماي وكذلك كل المحابس نجربها ونجرب تصريف البانيو والشاور وعدم تسرب الماي وراهم.

للتنظيف ننتبه للسطح ونخلي الشركة تنظفه.

ومنزلٍ مبارك إِن شاء الله

[معماري قطري]

كنت اكتب ردي مع رد اخوي شموخ والحمد لله طلعنا متقاربين لكن رده شامل وردي هزيل

[شموخ دائم]

,

,

مرحبا

اخوي معماري

دائما تواجدك مفيد بكل موضوع ما شاء الله عليك
لو جمعنا الردود
يطلع نموذجي
:)

منور

مونه البلاط هذي مشكله لازم تحصل ما شفت بيت سلم منها
:)

اكثر الاعضاء للاسف ما يعرف عن نوع المشاكل الي ممكن تكون
بسبب العماله الغير مدربه للاسف حتى بالشركات الكبيره
لازم صاحب البيت او حد من طرفه يتابع عن قرب


,

,

[معماري قطري]

صدقت اخوي .. بس اللي يستعمل مونة قوية وما تتغير لا يهتم وايد اللي اسمنت أَبيض بتتغير وبتعفن وبتتكسر طال الزمان أَو قصر

[ام روز]

السموحه من صاحب الموضوع

بس ايش الشركات اللي تنصحونا نتعامل معاها

[al-buainain]

,

,


مرحبا


عليكم السلام ورحمه الله

نبي العشاء بعد التنظيفات واهم شي الكنافه مالت القدس يا زينها والله
:)
منزل مبارك ان شاء الله


التنظيف يختلف من شركه الى شركه

في تنظيف ب 700 ريال يجون البيت الصبح يخلصون الظهر
وتنظيفهم سرعه سرعه ماي وصابون وحك المخلفات مثل الصبغ وخلافه

وفي تنظيف بسعر 3500 ينظفون البيت لمده 3 ايام وكل يوم في البيت 5 عمال

1- تنظيف البيت من الغبار وشيل القطع الصلبه من اخشاب وقطع مكسره
2- تنظيف البيت بالماء والصابون يبتدون من البنت هاوس الى الاسفل
3- تنظيف اسطح الارضيه من بقايا الصبغ والجبس او أي بقع ويستخدمون طريقه ( الحك ) وثم مزيلات خاصه للصبغ
4- تنظيف المطبخ وتلميع الخزانات بمواد المنظفات العاديه
5- تنظيف شبابيك البيت الالمنيوم كامله من الداخل والخارج بمنظف الزجاج
6- تنظيف الابواب بالصابون والماء
7- مسح حوائط البيت كامله من الداخل باسفنج وفيها سائل خفيف
8- تنظيف الدرج ( الدربزين ) خاصه اذا فيه زخرفه وحديد مشغول بمنظفات خاصه وتخصيص عامل لتنظيف بين الزخرفه
9- تنظيف الارضيات بالمكينه الخاصه بالسيراميك
10 - تنظيف الحمامات مسح كامل السيراميك والحوائط والمرايات والقطع والزجاج بمواد منظفه للسيراميك والزجاج

اذا لايوجد كهرباء بالبيت على شركه التنظيفات احضار مكينه للكهرباء لتشغيل المعدات


ملاحظه
احيانا التظيف يسبب بعض المشاكل
مثل خدوش بالاسطح مثل الابواب الخشب وبعض انواع الرخام وربما يتسبب العمال بكسر شي من الزجاج والنوافذ والمرايات
ويسبب في ازاله ( الجراوت ) او الاسمنت الابيض بين البلاط والسيراميك

لذا وجب التنبيه على المسئول ومعاينه البيت كامل حتى لا يكون هناك مشاكل لاقدر الله
ومعاينه البيت كامل قبل تسليمه كامل المبلغ

لذا يفضل انه ياخذ 50 % من المبلغ قبل الشغل و 50% بعد الانتهاء ومعاينه البيت


,

,

ابشر بالعشاء من دون نزلت البيت يا اخوي الي مثلكم انت والربع الموجودين يستاهلون واكثر ويكفي انك ما بخلت على اي حد في المنتدى سواء قديم ولا جديد فاهم ولا غير فاهم

وهذا الشي جزاه كبير

(وخير الناس أنفعهم للناس ) عندما تساعد إنسان على قضاء حاجته فانه يشعر بالأخوة والمحبة

وقد قال صلى الله عليه وسلم: (والذي نفسي بيده لا يؤمن أحدكم حتى يحب لأخيه ما يحب لنفسه)

وجزاك لله خير على المعلومات الي راح تنفعني في القريب العاجل.

[al-buainain]

بعضهم يستعملون كيماويات تخرب الرخام .. الرخام له ناس مختصين .. وبعضهم يحك الخشب ويقشره .. وبعضهم يخرب لك مونة البلاط لو بيضا مثلاً تسود أَو تصفر .. الصبغ كذلك يمسحونه بفوط وصابون.

لازم الشركة زينة وعندهم عمال خبرة لتنظيف كل سطح ولازم تتابعهم وتراقب شغلهم.

نصيحتي للكل قبل ليسكن يجرب كل شيء خصوصاً الماي وتصريفه والكهربة .. أَوقات يكون أَحد الشطافات خربان أَو يسرب ماي وكذلك كل المحابس نجربها ونجرب تصريف البانيو والشاور وعدم تسرب الماي وراهم.

للتنظيف ننتبه للسطح ونخلي الشركة تنظفه.

ومنزلٍ مبارك إِن شاء الله

بيض لله ويهك على التنبيهات المهمه

وردك وافي ولا فيه اقصور وكان يكمل الثاني

الله يبارك فيك

[al-buainain]

السموحه من صاحب الموضوع

بس ايش الشركات اللي تنصحونا نتعامل معاها

مرخوصه

وللعلم ان عملت بحث في المنتدى عن هذا الموضوع من فترة

ولقيت اكثر الردود تمدح في شركتين

1- شركة قطر للتنظيفات
2- شركة المختار للتنظيفات


وان شاء الله الربع ما يقصورن ويزيدون في المعلومات ..

بالتوفيق

[اللوز]

شركة الكناني للتنظيفات
شغل محترم 100 %

[hma]

شركة الكناني للتنظيفات
شغل محترم 100 %

:victory: