تركيب رقم واحد لكل السيارات الي باسمك

[نايم سهران]

السلام عليكم ورحمة الله وبركاته ،،

موضوعي اليوم عن أرقام السيارات ،، طبعاً كل مره نسمع أنه راح يطبقون نظام الحروف والأرقام ،، وذلك بسبب وصول الارقام إلى 6 أرقام (xxxxxx) ،،

لو ما صار اليوم بيصير بكره لو ما صار بكره بيصير بعد بكره ( بسبب زيادة عدد السكان والسيارات باستمرار ) هذا أحد الاسباب الي من الممكن يطبقون نظام الحروف والأرقام ولو بعد حين ،،

كما فعلت أوريدو وفودافون زادوا رقم وذلك بسبب زيادة عدد السكان ( وبعد 10 - 15 سنه ) راح يزيدوا رقم ثاني ليصبح رقم الجوال 9 أرقام ،


اقتراحي لإدارة المرور وحل بعدم تطبيق نظام الحروف والارقام ، والحل هو كالتالي :

انه لو في شخص يمتلك مثلاً 5 سيارات باسمه طبعا بيكون عنده 5 ارقام ( كل سيارة لها رقم خاص فيها طبعاً ) ، طيب ليش ما يخلون رقم واحد لكل السيارات ، مثال الواحد عنده عدد 5 سيارات ، مرسيدس رقمها 937151 ، كروزر رقمه 982325 ، كامري 926141 ، رنج 991715 ، لكزس 9816141 ، الارقام مجرد مثال ،

يحتفظ برقم من هالأرقام وليكن الرقم لأول مثلا 937151 ويخليه على كل المواتر الي عنده !!!!!

مثل ما كل واحد فينا عنده 5 أرقام جوال باسمه ، كذلك يخلون كل السيارات الي باسم شخص واحد يخلونها برقم واحد ، ( طبعاً يخلون هذا القرار إجباري لكل الأرقام الغير مميزه ) يعني كل شخص عنده رقم سلطة لازم يحتفظ برقم واحد على كل السيارات الي باسمه وباقي الأرقام الغير مميزه تسحبها إدارة المرور ،

أما بالنسبة للأرقام المميزة : (يخلون هذا القرار اختياري حسب رغبة الشخص ) وبالتالي الي يبغي يخلي لكل سيارة رقم يكون هو صاحب القرار لأن في ناس شارين أرقام بمئات الآلف

بالنسبة للمخالفات طبعاً راح تصير باسم الشخص، مثلاً انت عندك سيارة مرسيدس وجاتك مخالفة تكون المخالفه كتالي :( تم تسجيل مخالفة رادار 500 ريال نوع السيارة مرسيدس .....الخ ) يعني كل سيارة لو خالفت تكون المخالفة بنوع السيارة ،



الفائدة من الموضوع : فائدتين ،

1- راح نوفر عدد أرقام سيارات بشكل كبير جداً وما راح يكون في داعي لتطبيق نظام الحروف والأرقام

2- أسعار الأرقام راح تنزل لان بالنسبة لأصحاب الأرقام المميزة أتوقع اغلبهم الي عندهم سيارتين أو ثلاث راح يحتفظوا برقم أو رقمين والباقي ممكن يبيعونهم ،

وشكرا

[نايم سهران]

لي عوده ان شاء الله
وشكرا

[MirusS]

اول شي مااتمنى يحطون لنا سالفة الاحرف مع انه مجبرين ولابد منها مع زيادة عدد الناس :rolleyes:
اقتراحك حلو و رح يفيد وايد .. بس مادري ليش احس ان فيه ثغرات او مش صحيح بالكامل
اظن ان لازم كل سياره يكون لها رقم خاص فيها ،، لأن رقم اللوحه الهدف منه تمييز المركبه ومش صاحب المركبه
الي سمعته حلهم بيكون تقليل املاتكك للسيارات بحيث مايزيد عن ثنتين ! والله العالم

[شيخ الديرة]

.
.
.
مثلاً انت عندك سيارة مرسيدس وجاتك مخالفة تكون المخالفه كتالي :( تم تسجيل مخالفة رادار 500 ريال نوع السيارة مرسيدس .....الخ ) يعني كل سيارة لو خالفت تكون المخالفة بنوع السيارة ،
.
.
.


مقترح لا يستحق الوقت اللي كتبت به الموضوع, واللي عنده سيارتين مرسيدس كيف تكون شكل رسالة المخالفة؟ ووكالة المرسيدس كيف تتعامل مع تحديد السيارة للصيانة؟

يبدا انه عندك مغزى أخر من طرح الموضوع لكن لم أتوصل اليه بين سطورك

[@north_star@]

اقتراح مستحيل لانه حتى بارسال رسالة بالمخالفة يتم عن طريق تصوير رقم السيارة وكافة التفاصيل تظهر لك بالرسالة كرقم سيارة وليس نوع يعني اذا بيطرشون مخالفة بالرسالة وعندك خمس سيارات على نفس الرقم بتجيك خمس مخالفات

[نيساني]

انا اشهد انه موضوع جميل

وكانت عندي نفس الفكره بالضبط بس اعرف انه في هالمنتدى ناس ماتعرف آداب الحوار فكنسلت الفكره


بالاضافه لموضوعك اخوي حتى الرقم المميز اللي باسمك يركب على جميع مواترك اذا تحب !!!

على العموم جزاك الله كل خير واتمنى التطبيق في اسرع وقت وشكراً

[monatee]

الفكره حلوه ، لكن امنياً ماتنفع

خاصه اذا احد ارتكب ( جريمه جنائيه ) بالسياره ، وعدة سيارات بنفس الرقم

بتسبب ثغرة في القضيه ، ساعتها بيكون هناك شك في المحكمه ،

وجود الشك او عدم التأكد من هي السياره المعنيه ، تبرئ جميع السيارات فبالتالي تبرئ المتهم

[.قطر.]

وعليكم السلام ورحمه الله وبركاته

اقتراح حلو بس اشلون بيحطون المخالفه اذا كانت عندك سيارتين نفس بعض بالظبط


ملاحظه : اذا طبقوا اقتراحك اللي عنده رقم ثلاثي يسجل موتري باسمه :tease: :happy:

[مضارب دوسري]

مع الاخوه

لا اتفق

رايي المقترح
ان ينزلون ارقام سداسيه
ويضيفون معاها a او b او c اذا احتاجو

اما الارقام السداسيه والخماسيه والرباعيه والثلاثيه الحاليه يخلونها مثل ما هي

[Al-Kuwari]

في حلول افضل

ومثل ماذكر احد الاخوة لنفرض عندي موترين كروزر مثلا نفس الموديل نفس اللون طبق الأصل

[وليف الشوق]

فكرة حلوة ونفس الشي مااؤيد تفعليها لعدة اسباب وقد تختلف الامور لك اخي الفاضل ... واللي افهمه انك عبقري لكن للاسف الفكره ماراح تخدم لانك لازم تحط السلبيات قبل الايجابيات وانا من خلال المنتدى الغالي اوجه نداء الى ادرة المرور الموقره حول اشراك الجميع ( مواطن ومقيم ) لكل اجناز تقوم به المرور ونظرا لان موضوع الارقام اللي اشوفها مالها حل الى الان والدليل كل شوي يتغير شكل اللوحه وانا انقهر لما ادارة المرور تقوم بهالشي في وقت الى اخر بتغيير شكل وارقام اللوحه وماعندنا شي ثابت واتمنى من ادارة المرور يعملون لجنة خاصه تقوم بعمل شكل وديزاين جديد لشكل اللوحه من ارقام عربيه وانجليزيه وكذلك حروف انجليزيه ويكون الشكل اللوحه مميز لمدة 15 او 20 سنه قادمه

[R 7 A L]

كفكره اشكرك عليها
واشكرك على طرح الموضوع
في امريكا مكاتب اجارات السيارات يعطون نفس الرقم لاكثر من سياراة
وبكل يسر وسهوله على الشرطه عندهم التفريق بين السيارات التي تحمل نفس الرقم
بس للحين عندنا المرور متأخر كثيراً في اغلب التقنيات لذا مازال الوقت عندنا بدري على استحداث اي تقنيه وتطبيقها

[العقل المدمر]

مثل ما كل واحد فينا عنده 5 أرقام جوال باسمه ، كذلك يخلون كل السيارات الي باسم شخص واحد يخلونها برقم واحد ، ( طبعاً يخلون هذا القرار إجباري لكل الأرقام الغير مميزه ) يعني كل شخص عنده رقم سلطة لازم يحتفظ برقم واحد على كل السيارات الي باسمه وباقي الأرقام الغير مميزه تسحبها إدارة المرور ،







كل واحد عنده 5 أرقام مب رقم واحد على 5 جوالات
ونفس الشي أرقام السيارات كل واحد له أكثر من رقم
بصراحة ماتخيل الوضع انا وابوي وامي عندنا نفس الرقم
باجر لو لفيت على واحد مثلا يقول اووه بنت فلان نفس الرقم بعلم ابوها :tease:

[aleamdi]

ممكن كل المواتر تكون برقم موحد ولكن .. بإضافة رمز او حرف لكل سياره مثال .. شخص عنده 3 سيارات .. فتصبح الأرقام كالآتي : A10000 ... السيارة الثانية تكون b10000 وهكذا .. مع مراعاة اختيار مكان الرمز في اللوحة

[دايموند]

اقتراحك حلو واؤيد ذلك
واذا ع سيارتين متشابهتين باللون والنوع فيشترط من المرور ان مايتركب نفس اللوحه ع سياره ثانيه بنفس نوع الموديل واللون وانتهى الموضوع

[musel999]

اشوفها صعبه لانه فرض انت سافرت بسيارتين وحده تسوقها وحده يسوقها ولد مثل كثير من الناس مركز الحدود بيدخل سيارتين يحملون نفس اللوحة

[aloosh]

الامر سهل ويسهل عليهم

كل منطقه يحط لها رمز معين اسهل لهم في البحث بعد

[راعي ال VXR]

مجرد رأي

الارقام المميزه تتم نفس كما هي الان عليه

والغير المميزه تنزل باحرف وجزء بسيط منه باللون العنابي او ماشابه او اختلاف بسيط في اللوحه
بحيث عند مشاهدة الرقم يتم مقارنة الرقم المميز من الغير المميز

وفي هالحاله اصحاب الارقام المميزه يضمنون حقهم

[شبح الصمت]

الله يوليك العافيه يا نايم

تصدق الموضوع في بالي قبل فتره وابي اطرح للنقاش وراح عن بالي ..


لانه الشيء الي قاعد تتكلم عليه اتوقع مطبقينه في حد الدول المجاوره لاشخاص ..


انه تقدر تركب رقم واحد على سياراتك كلها ..



اقتراح جميل وراح يقلل من الاضرار النفسية الي راح تلحق باصحاب الارقام المميزة


لانه الحروف صارت هاجس لدى الجميع

[نايم سهران]

اول شي مااتمنى يحطون لنا سالفة الاحرف مع انه مجبرين ولابد منها مع زيادة عدد الناس :rolleyes:
اقتراحك حلو و رح يفيد وايد .. بس مادري ليش احس ان فيه ثغرات او مش صحيح بالكامل
اظن ان لازم كل سياره يكون لها رقم خاص فيها ،، لأن رقم اللوحه الهدف منه تمييز المركبه ومش صاحب المركبه
الي سمعته حلهم بيكون تقليل املاتكك للسيارات بحيث مايزيد عن ثنتين ! والله العالم

تسلم على الرد اخوي ، وكلامي أكيد بيكون فيه ثغرات انا قلت مجرد اقتراح واذا الاقتراح راح يتطبق أكيد بيكون له آلية خاصه وقانون خاصه فيه ،، اما عن تقليل امتلاك السيارات مادري اول مره اسمع فيه وصعب شوي مافي قانون في العالم يمنع انك تشتري سيارة او عقار او شي أخر دام الفلوس فلوسك ، وشكرا

[LiL iNVe$ToR]

الله يوليك العافيه يا نايم

تصدق الموضوع في بالي قبل فتره وابي اطرح للنقاش وراح عن بالي ..


لانه الشيء الي قاعد تتكلم عليه اتوقع مطبقينه في حد الدول المجاوره لاشخاص ..


انه تقدر تركب رقم واحد على سياراتك كلها ..



اقتراح جميل وراح يقلل من الاضرار النفسية الي راح تلحق باصحاب الارقام المميزة


لانه الحروف صارت هاجس لدى الجميع


هاجس مره وحده؟ ترا بالاخير كلها ارقام بس عشان تنعرف ان المركبه مسجله بالرقم الفلاني في المرور ..والقوانيين يمكن تتغير والارقام اللي كانت بملايين يمكن تصير بلا قيمه!

تعطون اهتمامات زياده عن اللزوم حق هالاشيا اللي مالها اساس عدل اصلا ..في اشيا صايره فالبلاد اكبر من ايش بيسوون فالارقام.

[شبح الصمت]

هاجس مره وحده؟ ترا بالاخير كلها ارقام بس عشان تنعرف ان المركبه مسجله بالرقم الفلاني في المرور ..والقوانيين يمكن تتغير والارقام اللي كانت بملايين يمكن تصير بلا قيمه!

تعطون اهتمامات زياده عن اللزوم حق هالاشيا اللي مالها اساس عدل اصلا ..في اشيا صايره فالبلاد اكبر من ايش بيسوون فالارقام.




مب سالفة اهتمام اخووي الحين هالشيء الي حاصل والكل محد يقدر ينكره .


في الي الله منعم عليه وما يهمه وفي التجار الي عايشين ويترقزون الله في تجارة البيع والمشترى ..


يعني لو طاحت الارقام بيطيحون وبمبالغ كبيره ..

[نايم سهران]

مقترح لا يستحق الوقت اللي كتبت به الموضوع, واللي عنده سيارتين مرسيدس كيف تكون شكل رسالة المخالفة؟ ووكالة المرسيدس كيف تتعامل مع تحديد السيارة للصيانة؟

يبدا انه عندك مغزى أخر من طرح الموضوع لكن لم أتوصل اليه بين سطورك

الوقت كالسيف ياخوي ولازم الكل يستفيد منه ونحن هنا للاستفاده ،،

اما بالنسبه حق المخالفات والله في طرق كثيره ممكن تتطبق اذا الاقتراح أصبح حيز التنفيذ

وشكرا

[نايم سهران]

اقتراح مستحيل لانه حتى بارسال رسالة بالمخالفة يتم عن طريق تصوير رقم السيارة وكافة التفاصيل تظهر لك بالرسالة كرقم سيارة وليس نوع يعني اذا بيطرشون مخالفة بالرسالة وعندك خمس سيارات على نفس الرقم بتجيك خمس مخالفات

ماهو ياخوي الي بيخالف بيعرف انه مخالف سواء جات على اسمه او على رقم السياره

[نايم سهران]

انا اشهد انه موضوع جميل

وكانت عندي نفس الفكره بالضبط بس اعرف انه في هالمنتدى ناس ماتعرف آداب الحوار فكنسلت الفكره


بالاضافه لموضوعك اخوي حتى الرقم المميز اللي باسمك يركب على جميع مواترك اذا تحب !!!

على العموم جزاك الله كل خير واتمنى التطبيق في اسرع وقت وشكراً

الله يعطيك العافيه ويجزيك الخير شاكر مرورك الطيب

[نايم سهران]

الفكره حلوه ، لكن امنياً ماتنفع

خاصه اذا احد ارتكب ( جريمه جنائيه ) بالسياره ، وعدة سيارات بنفس الرقم

بتسبب ثغرة في القضيه ، ساعتها بيكون هناك شك في المحكمه ،

وجود الشك او عدم التأكد من هي السياره المعنيه ، تبرئ جميع السيارات فبالتالي تبرئ المتهم

كل شي وله حل اختي ،، في حالة الجريمة بيروحون على الاسم وبيكلمون الرجال عندك رقم أأأأأ على 8 سيارات بس في رنج لون أبيض كان موجود في الموقع الفلاني ....الخ ،،

لان الي بيبلغ عن السيارة بيبلغ الرقم مثلا أأأأأ ونوع السياره

الموضوع بسيط

[نايم سهران]

وعليكم السلام ورحمه الله وبركاته

اقتراح حلو بس اشلون بيحطون المخالفه اذا كانت عندك سيارتين نفس بعض بالظبط


ملاحظه : اذا طبقوا اقتراحك اللي عنده رقم ثلاثي يسجل موتري باسمه :tease: :happy:

من ناحية المخالفه مثلا يطلعون قرار انه المالك لا يمكن ان يمتلك سيارتين نفس الشي هههههههههه

اما بالنسبه حق اقتراحك للرقم الثلاثي لا تنسانا هههههه

[نايم سهران]

مع الاخوه

لا اتفق

رايي المقترح
ان ينزلون ارقام سداسيه
ويضيفون معاها a او b او c اذا احتاجو

اما الارقام السداسيه والخماسيه والرباعيه والثلاثيه الحاليه يخلونها مثل ما هي

ما اتوقع ياخوي أرقام تكون غير وارقام غير ،، اذا بيتطبق قرار الحروف والارقام اعتقد بيتطبق على كل الارقام دون استثناء

[نايم سهران]

في حلول افضل

ومثل ماذكر احد الاخوة لنفرض عندي موترين كروزر مثلا نفس الموديل نفس اللون طبق الأصل

صحيح مثل ما ذكرت في سابق ردودي هذه ثغره بس ممكن يشوفون لها حل اخوي

[نايم سهران]

فكرة حلوة ونفس الشي مااؤيد تفعليها لعدة اسباب وقد تختلف الامور لك اخي الفاضل ... واللي افهمه انك عبقري لكن للاسف الفكره ماراح تخدم لانك لازم تحط السلبيات قبل الايجابيات وانا من خلال المنتدى الغالي اوجه نداء الى ادرة المرور الموقره حول اشراك الجميع ( مواطن ومقيم ) لكل اجناز تقوم به المرور ونظرا لان موضوع الارقام اللي اشوفها مالها حل الى الان والدليل كل شوي يتغير شكل اللوحه وانا انقهر لما ادارة المرور تقوم بهالشي في وقت الى اخر بتغيير شكل وارقام اللوحه وماعندنا شي ثابت واتمنى من ادارة المرور يعملون لجنة خاصه تقوم بعمل شكل وديزاين جديد لشكل اللوحه من ارقام عربيه وانجليزيه وكذلك حروف انجليزيه ويكون الشكل اللوحه مميز لمدة 15 او 20 سنه قادمه

التغيير اختي مهم وخاصه في ظل الزياده السكانيه الهائله ،، اما بالنسبه حق انهم يشوفون حل فهذا لابد منه

[نايم سهران]

كفكره اشكرك عليها
واشكرك على طرح الموضوع
في امريكا مكاتب اجارات السيارات يعطون نفس الرقم لاكثر من سياراة
وبكل يسر وسهوله على الشرطه عندهم التفريق بين السيارات التي تحمل نفس الرقم
بس للحين عندنا المرور متأخر كثيراً في اغلب التقنيات لذا مازال الوقت عندنا بدري على استحداث اي تقنيه وتطبيقها

جزاك الله خير وكلامك صحيح متأخرين كثير وان شاء الله نشوف تقنيات وحلول جديده ويتم تطبيقها

[نايم سهران]

كل واحد عنده 5 أرقام مب رقم واحد على 5 جوالات
ونفس الشي أرقام السيارات كل واحد له أكثر من رقم
بصراحة ماتخيل الوضع انا وابوي وامي عندنا نفس الرقم
باجر لو لفيت على واحد مثلا يقول اووه بنت فلان نفس الرقم بعلم ابوها :tease:

ههههههههه طيب البنت تخلي الرقم باسمها وخلاص

[نايم سهران]

ممكن كل المواتر تكون برقم موحد ولكن .. بإضافة رمز او حرف لكل سياره مثال .. شخص عنده 3 سيارات .. فتصبح الأرقام كالآتي : A10000 ... السيارة الثانية تكون b10000 وهكذا .. مع مراعاة اختيار مكان الرمز في اللوحة

هم اصلا لو ضافوا حرفين فقط وليكن مثلا a و b انتهت مشكله الارقام كلها ،، لان بتلاقي a 1000 , و b 1000 يعني عدد الارقام الي عندنا صارت دبل ممكن الحل هذا يكفيك لمدة 30 سنه

[نايم سهران]

اقتراحك حلو واؤيد ذلك
واذا ع سيارتين متشابهتين باللون والنوع فيشترط من المرور ان مايتركب نفس اللوحه ع سياره ثانيه بنفس نوع الموديل واللون وانتهى الموضوع

جزاج الله خير ،، أي والله هذا هو الحل وانتهى الموضوع ،،، وكل واحد يقول مافي حل ،، اشكرج اختي وصراحه راحت عن بالي الفكره ههههههه

[نايم سهران]

اشوفها صعبه لانه فرض انت سافرت بسيارتين وحده تسوقها وحده يسوقها ولد مثل كثير من الناس مركز الحدود بيدخل سيارتين يحملون نفس اللوحة

أي عادي اهم شي تكون بإسم واحد ،، يعني لو صارت مشكله بيرجعون حق مالك السيارة وانتهت المشكله

[نايم سهران]

الامر سهل ويسهل عليهم

كل منطقه يحط لها رمز معين اسهل لهم في البحث بعد

قصدك ممكن كل بلديه يحطون لها رمز ممكن ، اما كل منطقه عندنا آلاف المناطق اخوي

[نايم سهران]

مجرد رأي

الارقام المميزه تتم نفس كما هي الان عليه

والغير المميزه تنزل باحرف وجزء بسيط منه باللون العنابي او ماشابه او اختلاف بسيط في اللوحه
بحيث عند مشاهدة الرقم يتم مقارنة الرقم المميز من الغير المميز

وفي هالحاله اصحاب الارقام المميزه يضمنون حقهم



بيصير فيها لعب وواسطه ،، يعني أي واحد الي عنده رقم عادي شبه مميز بيشوف له واسطه وبيخليه مميز

[نايم سهران]

الله يوليك العافيه يا نايم

تصدق الموضوع في بالي قبل فتره وابي اطرح للنقاش وراح عن بالي ..


لانه الشيء الي قاعد تتكلم عليه اتوقع مطبقينه في حد الدول المجاوره لاشخاص ..


انه تقدر تركب رقم واحد على سياراتك كلها ..



اقتراح جميل وراح يقلل من الاضرار النفسية الي راح تلحق باصحاب الارقام المميزة


لانه الحروف صارت هاجس لدى الجميع

الله يعافيك يالشيخ ،،

نتمنى نشوف حل حق الموضوع وحتى لو في ثغرات ان شاء الله يكون لها حل

[مختلفة عقليا]

السلام عليكم

اتوقع توا الناس ع هالموضوع ., مساكين يراقبون الناس مع كاميرات المراقبه ( طلـــــــــــع ) (( اذا لابسين احزام او لا واذا نستخدم الفون )) ترا الموضوع يبيله جهد ومال وووووووقتتتتتتتتت .,

انطر بعد 5 اسنين ان شاء الله خير ., :shy:

ويسلموو

[نايم سهران]

السلام عليكم

اتوقع توا الناس ع هالموضوع ., مساكين يراقبون الناس مع كاميرات المراقبه ( طلـــــــــــع ) (( اذا لابسين احزام او لا واذا نستخدم الفون )) ترا الموضوع يبيله جهد ومال وووووووقتتتتتتتتت .,

انطر بعد 5 اسنين ان شاء الله خير ., :shy:

ويسلموو

وعليكم السلام ورحمة الله وبركاته ،،

الظاهر قصدج يجمعون الفلوس يعني هههههههههه

ننطر شورانا الله كريم

[aloosh]

قصدك ممكن كل بلديه يحطون لها رمز ممكن ، اما كل منطقه عندنا آلاف المناطق اخوي

ايه اخوي البلديات

[يمامـة]

حلوة الفكرة..

اعجبتني..

شكرا لكم