بخصوص رخام كريم مارفل

[q-1]

هالمره كثرت من المواضيع بس بيتي جديد ومركب سيراميك للارضيات
بس بعد فتره حسيت مب متقبل شكلها والفواصل مع انها زيرو بس
وابي استبدلها كريم مارفل بس كل اللي لقيته فالرخام الذهبي من ردود
اخونا شموخ دايم على 480 والباقي كله عروق ب 260 لين 350
وين الاقي شي زين باسعار مناسبه

[شموخ دائم]

,

,


مرحبا

اخوي الكريم

الكريما مارفيل رخام ممتاز
مشكلته عند البعض ما يتقبل العروق فيه
هو كل ما قلت العروق يصير الشكل اجمل
لكن العروق ماهو بعيب فيه ولكن المنظر الجمالي

انا برشح لك نوع اسمه ( باتشينو ) هو الحين الدارج وعليه الطلب
عموما هي اذواق سعره بحدود ال 300 وممكن تلاقي ارخص

بالتوفيق لك

,

,

[q-1]

تسلم عالرد وجزاك الله خير
بس في مكان معين الاقيه فيه

[Bo3essa]

تسلم عالرد وجزاك الله خير
بس في مكان معين الاقيه فيه

اخوي انا مع شموخ انا شفته الرخام مركب باتششينو وايد حلو وافكر اركب منه بس للحين ماوصلت هالمرحله
بس الي اعرفه ان بس مكانين
واحد اسمه المرمر
وواحد اسمه جلال
المرمر طريق سلوى
جلال يقولون في الصناعيه بس مادري وين
بس اذا عرفت الاسعار ولاتهون اذكرها في الموضوع لان الكل بيعرف الاسعار في الموضوع.

وبالتوفيق

[Azizuk]

الرخام حلو بس عيبه وين تحصل مكان يبيعك الكريم مارفل النظيف

معظم اللي في السوق في عروق

صعب تحصل الاكسترا

اليوم كنت عند محل رخام يقول نجيب 9 حاويات يطّلع لنا حاوية وحده اكسترا والباقي يكون في عروق

ويوصل سعره 800 الى 1000 ريال النظيف الدرجة الاولى

والبتشوتي الايطالي الحين طايحين فيه لان شكره يجي بعروق كبيرة

المشكلة انك تتعب تحصل كم لوح مثل بعض كله يجيك مخلوط

والنظيف يروح حق ناس خاصه لان صاحب المحل بعد يخش الزين حق ربعه ويشوف وين مصلحته

والابيض اليوناني حلو بس عيبه ان راح يقيدك في الاثاث ويجبرك تحط اثاث رمادي

عشان جذي صرفت النظر عن الرخام وراح اركب بورسلان درجة أولى

92959

92960

92961

92962

92963

هذا بعض من انواع البورسلان الدرجة الاولى

وآسف على الصور مقلوبة لاني قمت انزلها من الجوال من غير تعديل

[q-1]

جزاكم الله خير وبخصوص الاسعار ماعندي خلفيه عنها اول محل رحت له جلال الصناعيه شارع
19 للامانه الاشكال عنده متنوعه بس الاسعار عاليه مره رحتله مالقيت شي مخلص

[q-1]

اليوم مريت على نابينا المطار عنده سيراميك صيني ومسميهم اسامي الرخام والله
اول ماشفته مافرقته عن الرخام وحبته ثقيله واسعاره اتوقع قبل الخصم فحدود 150
وقياسه 1.20 *.60 مادري اذا حد من اخوانا الاعضاء ركب منه ولا لا

[Azizuk]

والله اخوي q 1 في أشكال بورسلان احلا من الرخام

مقاس 60 *120 احس ان تصلح هذي البلاطة حق المجمعات والمطارات والأماكن العامة

اما البيوت المربع مقاس 80 *80 او مقاس 90*90 احلا في التركيب

ويمكن المستطيلة في المكان المستطيل تطلع حلوه او الخلط بين الاثنين

يعني اذا المكان مستطيل تركب في بلاطة مستطيلة وإذا المقعد مربع يتركب في بلاطة مربعه

في مقاسات كبيرة تسمى الأرواح تجي على مقاسات توصل لين 3 متر

يوجد مقاس 90*180 في المتحدة نفس اللي منزلها في الصور فوق اول صورتين بسعر بعد الخصم 350 ريال للمتر

في نصائح قالها لي واحد مختص

قالي ان اذا البيت جديد ويتركب بورسلان يفضّل ان يتركب بفواصل

لان بعد اربع سنوات او خمس تتحرك الارضيّة بسبب التمدد والانكماش والضغط وتقبقب البلاطات

قال اذ تركب سيراميك رخيص وتحط في فواصل كبيرة وبعدين تركب البورسلان النوع الممتاز زيرو جوينت بس هالعملية تكون غالية شوي

اما البيت القديم ممكن تركب على البلاط القديم زيرو جوينت على طول قد البيت خذ راحته بالتمدد والانكماش

وإذا حد عنده نصائح في تركيب البورسلان لا يقصر علينا

ومعظم المبلطين ينصحون بالبودرة ورش عليها كمية من الماي والدك ممتاز ويتركب عليها طبقة من الإسمنت بمقدار معين حسب الارتفاع المطلوب*

وحسبة سماكة البورسلان

مر على جلفار في طريق سلوى عندهم بورسلان ماركة بيرندا ممتاز مقاس 60*120 نفس اخر 3 صور من اللي فوق

http://www.peronda.com

كأنه رخام وعليه سماكة وزن بس سعره غالي ب 500 ريال للمتر وبطلب

وفي السعودية متوفر بس بعد سعره نفس الدوحة