أستفسار بخصوص مكيف سنترال

[mE mYself & i]

السلام عليكم ورحمة الله وبركاته

عندي مكيف سنترال مخترب وابي اغيره اي شركات تنصحون فيها ؟

[شموخ دائم]

,

,

مرحبا

عليكم السلام ورحمه الله

انا اتكلم عن الاسبليت

احسنهم متسوبيشي

والموضه الحين ( gree )

وفوجي وجنرال وترين ودايكن وبانسونيك حلوين
:)

اهم شي مساحه الغرفه تتناسب وحجم المكيف
على سبيل المثال تحت 25 متر طنين
فوق 25 متر طنين ونص

بالتوفيق لك

,

,

[mE mYself & i]

اخوي ٵنا عندې سنترال ومخترب وابغي ابدله بس ما اقدر ابدل الدكتات


Sent from my iPad

[captin]

اخوي ٵنا عندې سنترال ومخترب وابغي ابدله بس ما اقدر ابدل الدكتات


Sent from my iPad


في هاذي الحالة أخوي تتواصل مع شركات التكييف الرائدة
في مجال التكييف السنترال مثل جتكو وتدمر وميتسوبيشي والمؤيد والدرويش وغيرهم كثير في السوق

يشيلون الوحدات الخربانة اللي فوق السطح ويركبون جداد ويسون صيانة للدكتات .

[mE mYself & i]

مشكور ويعطيك الف عافيه

أې من الشركات تنصح فيها ؟ وسعرهم معقول


Sent from my iPad

[حسن]

مرحبا

يمدحون مكيفات جديده اعتقد تجميع الامارات وقويه وتستحمل
خصوصا حراره الخليج

اسمها skm

[Nasser2006]

هلا مكيف الاسبيلت ماركة موستبيشي ممتازة والا لا ؟؟؟؟ ممكن حد يفيدنا عن تجربة؟؟؟؟؟

[mE mYself & i]

مرحبا

يمدحون مكيفات جديده اعتقد تجميع الامارات وقويه وتستحمل
خصوصا حراره الخليج

اسمها skm

من وكيلها


Sent from my iPad

[معماري قطري]

هلا مكيف الاسبيلت ماركة موستبيشي ممتازة والا لا ؟؟؟؟ ممكن حد يفيدنا عن تجربة؟؟؟؟؟

مجرب فوجي من عند الريس ووايد زين خصوصاً اللي يجي تكييف وتدفئة

[Azizuk]

من وكيلها


sent from my ipad

SKM وكيلهم المناعي

هذي شركة مصنع هم في الكويت قبل الغزو

وصاحبها فلسطيني شريك مع كويتي بالتعاون مع شركة هيتاشي ويورك الامريكية

وبعد الغزو انفصل الفلسطيني وراح الشارقة وعمل مصنع هناك وكون نفسه من جديد مع إمارة الشارقة

والشريك الكويتي بعد التحرير رجع المصنع يشتغل باسم كول لكس واشترت الحكومة الكويتية المصنع

وبعد دعم الحكومة تطور المصنع تطور كبير

وكيلهم الدرويش الحلو في المنتج الكويتي مصمم لدول الخليج

ومكينته تجي دايركت داريف بدون سيور

الكمبرسر كوبلند امريكي ويحطون ثنين مب واحد للوحدات الكبيرة احتياط

من 4 طن وطالع

اما skm تجميع من كذا شركة مثلا الدينمة فرنسية ويجي في سيور وممكن ترتخي مع الزمن ومروحة الدفع شركة اخرى


بس الحلو في صيانة ممكن تركب فيه اي شركة ثانية بنفس القوة

يعني بعد مايتعب بالصيانه

طبعا انا أتكلم عن مكيفات السنترال والبكج للشركتين

التكيف مجاله كبير انواع واشكال

في تبريد بالمماي حق الأبراج واقاعات الكبيرة والفنادق

وفي بالغاز للأماكن الصغيرة

لان الغاز مايوصل للابراج للأماكن المرتفعة والبعيدة

يستخدم التبريد بالماي وهذا هو الأصح صحين

التبريد بالماي يبرد الماي بالغاز عن طريق الأنابيب ويدفع الماي البارد الى الوحدات الداخلية ويمر على ريش ومراوح ويدفع هواء البارد

اما الغاز يختلف

التبريد بالماي أغلى

وآسف على الشرح الطويل الممل

[معماري قطري]

بو سعود انت مستشاري في الامور التكييفية

[Azizuk]

بو سعود انت مستشاري في الامور التكييفية


حاضرين لك يامعماري انت تامر

واحنا انطامر

لا انا من النوع اللي أحب اعرف تاريخ وتفاصيل كل شركة اتعامل معاها

وادايمن اروح حق مالك الشركة اذا هو من النوع المتواجد في المكتب ويتقبل استقبال الناس

والموظفين وحتى العمال البسطاء

والحمدالله معظم اللي تعاملت معاهم ممتازين واستقبالهم حلو

جدتي علمتني حكمة قالت لي وانا صغير

اسمع ياوليدي خل لك في كل مكان و بلاد صديق

تتعرف على الناس وتكسب منهم خبرة

والحمدالله شيابنا وعجايزنا ماقصرو عندهم حكم ومعرفة وتنبأت للمستقبل

وكيفية التعامل مع الناس

وقلبوهم نظيفة

والله افتقدنا الشيبان كل مالهم وينقصون

أرحو الطيبين

[معماري قطري]

حاضرين لك يامعماري انت تامر

واحنا انطامر

لا انا من النوع اللي أحب اعرف تاريخ وتفاصيل كل شركة اتعامل معاها

وادايمن اروح حق مالك الشركة اذا هو من النوع المتواجد في المكتب ويتقبل استقبال الناس

والموظفين وحتى العمال البسطاء

والحمدالله معظم اللي تعاملت معاهم ممتازين واستقبالهم حلو

جدتي علمتني حكمة قالت لي وانا صغير

اسمع ياوليدي خل لك في كل مكان و بلاد صديق

تتعرف على الناس وتكسب منهم خبرة

والحمدالله شيابنا وعجايزنا ماقصرو عندهم حكم ومعرفة وتنبأت للمستقبل

وكيفية التعامل مع الناس

وقلبوهم نظيفة

والله افتقدنا الشيبان كل مالهم وينقصون

أرحو الطيبين

سنة الحياة وانا اخوك

الله يرحم من مات منهم ويرزق الحي عمر مديد ومغفرة وسعادة آخر العمر