بالفيديو... انتبهوا هكذا تتعامل شركات الطيران مع حقائبكم

[ولد العرب]

السلام عليكم ورحمه الله وبركاته

انتبهوا للاغراضكم القابله للكسر فقط لذلك وجب التنبيه لكم :(

التصوير باحدى مطارات دول جوار:secret:


https://www.youtube.com/watch?v=LliDeedimn4

[شبح الصمت]

باااااااال


صدمتني يا ولد العرب


ياخي زيدو العمال لاجل ما يسوون هالشيء ..

شكلهم مالهم خلق ويبردون حرتهم في شناط العالم ..


لا حول ولا قوة الا بالله

[حمد 2002]

هل هذا دور شركات الطيران ام شركات الشحن ام المطار ؟

وهل شركات الطيران جميعها ماشيه على نفس النظام ؟

[@north_star@]

صراحة شي بقمة التخلف لانه في تكسير لاغراض الناس القابلة للكسر وتخريب شناطهم

[رجل الجزيرة]

المشكلة في الشغل مسكرين علينا اليوتيوب
فإذا المكان في السعودية فكلامك صحيح بس نزل قرار بإعفاء 3 من العمال ومن ضمنهم مسؤول الوردية والمشرف عليهم إدراتهم فيكونوا 5 من الموظفين في الخطوط الجوية السعودية. ونزل القرار في الجرائد الرسمية لتوضيح ذلك القرار.

[<اضرب واشرد>]

https://youtu.be/e1rsWNxu_bo

المقطع من السعودية وفنشوهم^^^^^


في مقاطع سابقة تدل أن كل العمال بنفس الإسلوب. إلا إذا شركاتهم راقبوهم وعاقبوهم

يقولون هذا إجراء جديد .. للحين عنيف :) والزاوية تضر الشنطة:
https://youtu.be/OrW-BViZad0

شكرا ياشيخ العرب وصباحكم خير

[وليف الشوق]

تكلمنا فيها من زمان وعندنا خبر وشفنا بعيوننا والله يشهد على كلامي اني بيوم رجعت من السفر واكثر المواد مكسرة .... عشان جذي اتمنى من ادارة اي مطار او اي جهه للخطوط تحافظ على حقائب المسافرين من العبث بهالطريقة الغير حظاريه .... والنصيحه الثانيه اضطر اخي المسافر انك تحط ستكرز ( كسر ) يعني ان الحقيبه فيها مواد قابله للكسر والستكرز راح تلقاه في كاونتر التذاكر ..... من كثر ماااشوف العامل واهو يقوم بعمليه تنزيل الشنط او وضعها بالطائرة وهذي ظاهره من اكثر المطارات اشوفها لكن اتمنى من ادارة مطارنا يتخذون كافه التدابير لمواجهة هذه الظاهره ضد حقائب المسافرين ....
وش العامل هذا اللي ماعنده لا حيا ولا ضمير في طريقته لحذف الحقائب ؟ يعني الناس لاقيه شنطها في الشارع مثلا ؟

[كازانوفا]

بيكون من القهر والظلم اللى هم فيه
وبالاخير بسهوله المسؤول بنزل قرار التفنيش قال يعني انه على حث وصواب ونسي ظلمه واستبداده للعماله الفقيره

[طبيب قطري]

ليش فنشوهم حرام، مااشوفهم اجرموا بشي! وبعدين يمكن هذي الشناط اللي مب ملصق عليهم علامه قابل للكسر

[راجي الْعفو]

وعليكم السلام و رحمة الله و بركاته ..

الله يقطع شرهم ..

كانه في واحد موصيهم على هالشي ! ..

لابد من وضع مشرفين على العمال كما هو المعروف ..

[بنت شرق]

وعليكم السلام و رحمة الله و بركاته ..

الله يقطع شرهم ..

كانه في واحد موصيهم على هالشي ! ..

لابد من وضع مشرفين على العمال كما هو المعروف ..

الا تلقاهم مكروفين ينزلون شناط خلق الله ثمان ساعات ،،اذا الواحد يبدل مطارة الماي يحس عافيته طاحت فما بالك شغل متواصل شيل وحط ،،
المفروض فيه أدوات تساعد العمال ،،وتنيه على طريقة انزال الشنط ،،،وكان الله غفورا رحيما ،،،

[رجل مثالي]

: شاهد لكل المسافرين
كيف تسرق محتويات
حقائب السفر
شاهد الفقرة

https://t.co/1YKxItGwLv

[مابدل العادات]

للأسف هاي الي صاير في أغلب مطارات العالم لجل كذا دائما اقول للناس لاتاخذون شناط غاليه وانتو بتحطونها في الشحن لانهم بيخربونها وبيكسرونها

والله المستعان ويهدي الجميع ان شاء الله

[aloosh]

لما اسافر اي بلد اخذ شنطه ظهر صغير فيها لبس حق يومين لا وصلت اشتري من هناك وارجع العكس محمل شنطه كبيره:)

[العقل المدمر]

الناس مالهم ذنب بس العمال كسروا خاطري
حسيت صج تعبانين ولايعه جبدهم بالساعات يشيلون فالشناط الثقال ومطلعين حرتهم فيها :weeping:
معقولة على كل التطورات مافي الات تقوم بهالدور بدل الاوادم ؟
انا عن نفسي ياما حطيت كاميرا كبيرة او لاب توب الحمد لله ماصار فيهم شي :(