سوال لأهل الخبرة في الحجر

[$الملياردير$]

الله يمسيكم بالخير يالربع و الله يتمم عليكم بالصحة و العافية ..... عندي سؤالين بخصوص الحجر لوتكرمتوا . 1- هل تؤيد عمل الخط المفروز بين كل صف و اخر بعرض 1 سم يعني مظهر جمالي علما انه يضاف 10 ريالا إضافي لكل متر يفرز او انه ممكن ان يجمع غبار و يصعب تنظيفه و الا تركب مشطوفه و خلاص علما ان المقاس 30/60 2- بعض الناس يصر على عمل اول 60 سم من الجرانيت بهدف عدم وصول الرطوبة من الحوش الفيلا بحكم ان الجرانيت اكثر صلابة و اقل امتصاص للماء ... بس المشكلة ألوانه محدوده فهل تؤيد وضعة من خلال تجربة ً و وين ممكن احصل ألوان فاتحة قريبة للون البيج .... شاكرين لكم حسن تعاونكم ًدعواتكم بالتوفيق

[$الملياردير$]

صباح الخير .... و الا نركبة زيرو جوينت احسن ..... قلت اعطي راي محد رد ههههههههه

[معماري قطري]

خبير الحجر عندك حسن الأَحمد .. انا اذكر من كورس خذته في الحجر فيه طرق وأَسماء منها التكحيل وطريقة عمل الاسمنت بين الحجر وكل طريقة تعطيك منظر معين ولها مواد معينة .. وصراحة زيارة وحدة لحسن في شركته عرفت مدى خبرته في هذا المجال وما قصر بشرحه وتقدر تشوف موضوعه في سوق البناء والديكور

[PGR]

اخوي بالنسبة للفرز او الشطف يعتمد على ذوقك بالنسبة لي انا اشوف الشطف اجمل,,, الفرز ممكن يكون حتى 1.5 سم يعطي جمالية اكثر بالنسبة لي,, بالنسبة لمساحة الحجر خله يسويلك اطوال مفتوحة بتشوف القطعة اجمل يعني بدال 60 سم ممكن اكبر بيعطي جمالية اكثر,, وبالنسبة لارتفاع 60سم كل البيوت اللي اركب حجر يركبون حجر بارتفاع 60 سم جماليا ,, بالنسبة انه الجرانيت يمنع دخول الماء مافهمتها حتى الجرانيت يتشرب ماي مثله مثل اي حجر ثاني ,, مكن تكون نسبة امتصاصه للماء اقل بس هاي مب سبب يخليك تحط الجرانيت بدال الحجر,,

في النهاية هاي رايي وحبيت افيدك فيه وبالتوفيق ان شاء الله

[$الملياردير$]

الله يجزاك خير اخوي معماري ... وأخوي حسن مايقصر دوم سباق للخير

[$الملياردير$]

اخوي بالنسبة للفرز او الشطف يعتمد على ذوقك بالنسبة لي انا اشوف الشطف اجمل,,, الفرز ممكن يكون حتى 1.5 سم يعطي جمالية اكثر بالنسبة لي,, بالنسبة لمساحة الحجر خله يسويلك اطوال مفتوحة بتشوف القطعة اجمل يعني بدال 60 سم ممكن اكبر بيعطي جمالية اكثر,, وبالنسبة لارتفاع 60سم كل البيوت اللي اركب حجر يركبون حجر بارتفاع 60 سم جماليا ,, بالنسبة انه الجرانيت يمنع دخول الماء مافهمتها حتى الجرانيت يتشرب ماي مثله مثل اي حجر ثاني ,, مكن تكون نسبة امتصاصه للماء اقل بس هاي مب سبب يخليك تحط الجرانيت بدال الحجر,,

في النهاية هاي رايي وحبيت افيدك فيه وبالتوفيق ان شاء الله
شكرًا اخوي على ردك الكريم و ذوقك ... بس تراني مافهمت قصدك مع المفروز و الا المشطوف ... اما الجرانيت يقولون انه أقوى و اكثر صلابة و اقل امتصاص فيكون اقل نقل للماء من الارض و الحوش و ذلك بسب رطوبة الارض و غسيل الحوش و شكرًا

[معماري قطري]

شكرًا اخوي على ردك الكريم و ذوقك ... بس تراني مافهمت قصدك مع المفروز و الا المشطوف ... اما الجرانيت يقولون انه أقوى و اكثر صلابة و اقل امتصاص فيكون اقل نقل للماء من الارض و الحوش و ذلك بسب رطوبة الارض و غسيل الحوش و شكرًا

هذا الكلام صحيح وبيكون عندك الغرانيت فاصل بين أرضية الحوش والحائط وبيطلع حلو حتى لو لون غير .. وازنه بتركيبه كنعلة حول باقي الحوائط بيعطي حماية وجمال

[$الملياردير$]

هذا الكلام صحيح وبيكون عندك الغرانيت فاصل بين أرضية الحوش والحائط وبيطلع حلو حتى لو لون غير .. وازنه بتركيبه كنعلة حول باقي الحوائط بيعطي حماية وجمال

اسعد الله صباحك بكل خير يالغالي ....نعم هذا اللي قالوا لي بس مب محصل غرانيت لونه قريب من اوف وايت مثل الحجر ...اللي شفت غري و اصفر تايقر ماعجبني قالوا ماتحصل غرانيت بيج ...

[معماري قطري]

الله يمسيك بالخير اخوي الملياردير .. من رأَيي الأَصفر مناسب وحتى عندك الأَسود لأَنه يكون بلون فاصل ويحدد مكان الأَرضية اللي بتكون مختلفة انترلوك أَو بلاط وبلون غير والحجر .. مثل البرواز للصورة .. الأَسود المصقول واللامع فيه ميزة ما تبين في الرطوبة وفيه ميزة خلط مادتين غير .. حجر خشن وحجر ناعم وغالي ومحدد للأَطراف .. بس لا تنسانا بصورة للتجربة ولو مب مقتنع حط المادتين قرب بعض وتخيل الشكل النهائي كيف بيكون.

[$الملياردير$]

ان شاء الله طال عمرك ... لا خلا و لا عدم ... ربي يوفقك و يبارك لك

[حسن الاحمد]

صباح الخير ..1- الجروف او الخط المفروز مثل ماسميته 1 سم غير كافي ويبان صغير من بعيد .. الأفضل تسويه 2 سم او 3 سم بس يكون مستقيم مش متعرج ومفروض مايزيد ولا ريال عالسعر . وبالنسبة للغبار ماظن انه يجمع غبار لدرجة الازعاج يعني عادي لان عمقه بيكون 1 سم بعد مب اكثر.
2- الصف الأول او النعلة اذا كان حجرك سعودي او اردني باستثناء المعان والعجلون ركبها نوع ثاني من الحجر السوري او معان او عجلون مثلا .. لانه قاسي ومايرطب بالمستقبل .
الرخام او الغرانيت يستخدمونه في السعودية اكثر شي لانهم يركبون اكثر شي حجرهم السعودي فقط.
اذا تبي استفسار كلمني وانا حاضر

[معماري قطري]

ما شاء الله عليك بو علي .. يعني شهادتي فيك في محلها وانا قلت رايي بعد مقابلتك ومعرفة مدى خبرتك في الحجر .. مع إِن بدايتي كانت تحقيق وهجوم وكنت تصد كل هجمة بكلام واضح ومقنع وردودك كلها مقنعة .. الله يوفقك ويوفق شركتك إِن شاء الله

[ZURICH]

الله يمسيك بالنور والسرور

في حجر اسمة أبو فرزة أملس فية خط مفروز فواصل

افضل الوانة الأبيض وبعدة الأووف وايت وبعدة الكريمي

شوفه اتوقع بيعجبك

حطيت في بيتي الأبيض وطالع حلوو لكن يحتاج تنظيف بالماي لانه يمسك البقع ( أملس )

[حسن الاحمد]

ما شاء الله عليك بو علي .. يعني شهادتي فيك في محلها وانا قلت رايي بعد مقابلتك ومعرفة مدى خبرتك في الحجر .. مع إِن بدايتي كانت تحقيق وهجوم وكنت تصد كل هجمة بكلام واضح ومقنع وردودك كلها مقنعة .. الله يوفقك ويوفق شركتك إِن شاء الله

اشكرك اخوي معماري قطري .. وانا حاضر لأي استفسار او نقد

[معماري قطري]

اشكرك اخوي معماري قطري .. وانا حاضر لأي استفسار او نقد

حاولت يا اخوي تذكر شكثر لكن ما شاء الله عليك طلعت متمكن وفاهم لهذي الشغلة وصج استفدت كثير من ملاحظاتك وخبرتك الفنية وفن النحت وجماليته الدقيقة اللي مستحيل حد يوصل لها الا بعلم وممارسة طويلة