لاهنتم دلونا على معارض ثقة للجيوب في دوحة العز

[besmile4ever]

السلام عليكم..

لاهنتم احد يدلنا على معارض ثقة لبيع الجيوب المستعملة وفقكم الله..

هل هناك معارض معينة ومعروفة ولا لا؟

[بـويوسف]

وعليكم السلام ورحمة الله

اخوي اذا الموتر مستعمل .. افحص ابرك لك .. لان المعرض غير مسؤول عن اي سيارة مستعملة عنده

[Rider]

اخوي ادخل موقع قطر سيل وتحصل الي تبغيه سؤ المعارض او السيارات المعروضه وكل المواصفات عن السيارة وريح نفسك والجيوب قصدك اللاندكروز متوفر في كل المعارض تقريبا

[جبر ال جبر]

شنهي الجيوب؟

[abu m7md]

اخوي هذا سوق وكل واحد وذمته
المصيبة فالحفص هو الي يضرك او ينفعك
ان كانت السياره اصفار خذها وفحصها بعد ماتسجلها باسمك
واذا كانت مستعمله افحصها قبل التسجيل
وعندك افضل فاحص للجيوب
مركز الطائر
شغلهم محترم انا معاهم من سنة 2002 وانا افحص سيارتي هناك

[اللوز]

لا يوجد معرض معين
الافضل انك تفحص قبل ما تشتري السيارة

[besmile4ever]

بيض الله وجيهكم جميعا..
اخوي جبر ادور على جيب gxr 2013 وفقك الله..نظيف وحق إستخدام.

[qr95]

معرض المشترك سياراته جديده

[بوخالد353]

معرض ليوا بس مو اختصاص جيوب تلقى عنده كل شي صاحب المعرض بو سيف انسان محترم وصادق انا اتعامل معاه من 8 سنين واشتري على كلامه بالجوال وانا بالكويت

[الواصـل]

معرض القمة وديار العز وال ناصر وليوا والوجبه وانت اي موتر تاخذه افحصه

[ابوالعبد]

افحص الموتر اول شي والجيب قصده لاندكروزر في سعوديه يسمونه جيب المهم اخوي دور الموتر وعقب قحصه ب 300 ريال في اي مركز للفحص الفني وريح حالك يطلع لك تاريخ السياره كامل

وبتوفيق