أي من هذه الاشياء ستكون هديتك ؟

[حمد 2002]

السلام عليكم ورحمه الله وبركاته

أي من هذه الاشياء ستكون هديتك ؟

في عالم الهدايا عندما نفكر بشراء هدية ثمينة لاقرب المقربين الينا، كنا نذهب الى سوق الذهب بفرحة عارمة نضع ما نملكه من مبلغ في اطقم ذهب و نقدمها للاحبة من الجنس اللطيف.

في السنوات الاخيرة ومع الطفرة المادية في المجتمع لم يعد الذهب بتلك الاهمية عند التفكير في شراء هدية لاخرين او للمرأة لنفسها.

فمنافسي الذهب دخلوا بشراسة كبيرة في جذب السيدات ومن يرغب في تقديم الهدايا لهن الى مجوهرات و حلي مطلية بالذهب وتحمل اسماء ماركات عالمية، او تجار الالماس وصناعه كان لهم دور كذلك في سحب البساط من تجار الذهب في سوق الذوق العام للجنس اللطيف.

وأنت أيها القارئ اين تجد ذوقك َ ذوقك ِ عند شراء هدايا نسائية في عالم الحلي والمجوهرات؟

* افضل شراء الذهب عيار 21 فقط
* افضل شراء الذهب عيار 18
* افضل شراء الذهب الخالص
* افضل الالماس الحر
* افضل شراء الماركات العالمية المطلية
* افضل شراء الحلي العادية
* اشتري الغالي والنفيس سواء كان( ذهب او ماركات عالمية او الماس و احجار كريمة

[ضوى]

احب كل الانواع الذهب والالماس والمرجان والياقوت والاحجار ماعندي تفضيل شي على اخر المهم مب رانقول ماحب المزيف كلش

[ودي أكون]

عيار 21 و 22 .. افضل شيء

احب الذهب والالماس، بس الذهب حبي له اكثر، وهو بالنسبه لي ( زينه وخزينه )

[ولد العرب]

ينقل الاستراحه :rolleyes2:

[Rider]

وين الهدف من الموضوع

[حمد 2002]

ضوى ، ودي ،،

شكرا لمروركم الكريم

[حمد 2002]

ولد ،، ريدر ،،

انتم مكانكم الاستراحه وليس الموضوع ،،

[مختلف جداََ]

الذهب ملك المجوهرات
احب اهدي عيار 21

[مختلف جداََ]

حمد
خلصت مواضيعك :omen2:

[مختلف جداََ]

حمد ياخي ماشاء الله عليك
عندك معدل ردود يومي حول 12 رد يوميا
اللهم لا حسد

[مختلفة عقليا]

السلام عليكم

مووووتي الذهب ., والله كل ما ازعل واتقصد حزات ازعل عشان الرضوه ههههههههههههههه ياخي الذهب والالماس يردون الروح .,

بس الصج ماعرف اختار .عشان جيه ما اشتري لرفيجاتي ذهب ., كله ماركات .,

ويسلموو

[غريب الدّار]

اليا شريت اشتر ذهب واشتر الماس
والحاجة اللي ماش لاتشتريها

[JN000N]

احب اشتري الغالي سواء لي والا لغيري
ومثل ماحب اني ادلع نفسي بالزين ف ادلع اللي حولي
وبالنسبة لي لو حد جاب لي هديه ماتهمني قيمتها كثر ماتهمني فكره اني ف بال الشخص وجاب لي هديه تعنالي عنوه وجابها
مافكرت اعطي عشان اخذ ولا افكرت لو خذت ان يكون بنفس المستوى او اعلى

[Rider]

ولد ،، ريدر ،،

انتم مكانكم الاستراحه وليس الموضوع ،،

حنا نبغي هدف مب مجرد موضوع ماله معنى فعلا مثل ماقال البعض مواضعيك خلصت
بعدين احترام وجهة نظرنا مب تقول مكانك الاستراحة اذا انت شايف انه هذا موضوعك هذي مشكلتك

[R 7 A L]

اعتقد والله أعلم الموضوع له علاقة بالحريم وحبهم للذهب
يمكن أختبار حاطه حمد يبي يشوف الحريم يحبون الذهب ولا لا ههههههههههه

[راجي الْعفو]

وعليكم السلام و رحمة الله و بركاته ..

ياجماعة يمكن الريال يبي يهدي لهله و يسال عن افضل الانواع ..

عن نفسي يا بوشهب أحب معيار 21، 22 ..

ويكون مكون من هالاصناف الثلاثة ( فضة - ذهب - فصوص ) ..

المرتبة الثانية الذهب الابيض ..

المرتبة الثالثة الذهب الذهبي !

ومساك لمعان الألماس ..

[حسن]

اعتقد والله أعلم الموضوع له علاقة بالحريم وحبهم للذهب
يمكن أختبار حاطه حمد يبي يشوف الحريم يحبون الذهب ولا لا ههههههههههه

هههههههههههههه


تهقى يارحال الموضوع ملغم

:eek2:

مادري ان بعض الضن اثم

بالنسبه لي ياحمد افضل شراء الذهب لانه زينه وخزينه احسن من باقي الخرابيط كلها شنطه
شانيل جلد دعلي ولا جواتي صوف حمار

:(

ترا الموظه الحين اللي هابين فيها عقب ماخلو شي ماشروه حولو على الذهب
ويشترونه كله من البحرين والامارات

على الاقل ينفع حق ايام البيض


موضوع رائع جدا اوي خالص

:)

[دااانة قطر]

الذهب غير اخذه لي ولامي وبنااتي
والماركات احلى حب اهديها للغير

[بوحارب]

الحين اشتري ذهب حق اميرتي وضحه

ناجحة وما تبي الا ذهب :(

[النهار]

* افضل شراء الذهب عيار 21 فقط سهوله في البيع وسهوله في التصنيع

[راجي الْعفو]

* افضل شراء الذهب عيار 21 فقط سهوله في البيع وسهوله في التصنيع

جاك الوحش يابوشهب اللهم بارك

اخذ العلوم

[JN000N]

* افضل شراء الذهب عيار 21 فقط سهوله في البيع وسهوله في التصنيع

طبعا احنا ما نشتري الا عيار 21

[R 7 A L]

هههههههههههههه


تهقى يارحال الموضوع ملغم

:eek2:

مادري ان بعض الضن اثم

بالنسبه لي ياحمد افضل شراء الذهب لانه زينه وخزينه احسن من باقي الخرابيط كلها شنطه
شانيل جلد دعلي ولا جواتي صوف حمار

:(

ترا الموظه الحين اللي هابين فيها عقب ماخلو شي ماشروه حولو على الذهب
ويشترونه كله من البحرين والامارات

على الاقل ينفع حق ايام البيض


موضوع رائع جدا اوي خالص

:)

الله أعلم
بس اني أشك
قلبت الموضوع فوق تحت يسار يمين مادش مخي ان حمد منزل موضوع مثل هذا
سبحان مغير الأحوال
بديت أصدق المثل الي يقول
زوجوه على شأن يعقل :eek2:

[يمامـة]

جاك الوحش يابوشهب اللهم بارك

اخذ العلوم




طبعا احنا ما نشتري الا عيار 21


المشاركتين المقتبستين من النهار... و جنون هم لب الموضوع للي يسأل عن الهدف مثل هالمواضيع..

[يمامـة]

ينقل الاستراحه :rolleyes2:

ولد العرب .. بجد الحين لو عندك فلوس وحاب تهادي هلك او بناتك او امك من الحلي بشكل عام
اشبتختار؟

[يمامـة]

وين الهدف من الموضوع

اخوي رايدر..

يقال ان الخليجيين عندهم صعوبات خاصة في ادارة فلوسهم..
فكلما زادت فلوسهم زاد صرف هالفلوس في اشياء ما تفيدهم حتى عند شراء المجوهرات

تهافت نسب كبيرة من الناس على شراء الاكسسوارات ان صحب اطلاق التعبير عليها من محلات الماركات
وبأسعار كبيرة جدا.. ما هو تفسير بسيط لصعوبة البعض في ادارة امواله..
نعم كل حر في ماله.. ولكن احنا نتكلم عن شنهو المفروض اللي يصير للحفاظ على هذا المال من الضياع
والضياع المقصود.. هو ان الاكسسوارات هذي تباع اسماء ماركاتها علينا.. بينما هي في الأخير مطلية بماي ذهب
عيار 18 غرام..

[يمامـة]

حنا نبغي هدف مب مجرد موضوع ماله معنى فعلا مثل ماقال البعض مواضعيك خلصت
بعدين احترام وجهة نظرنا مب تقول مكانك الاستراحة اذا انت شايف انه هذا موضوعك هذي مشكلتك

اتفق معاك .. المفروض يكون هناك تقبل لوجهات النظر وامتصاص لردود افعال المشاركين وما ينقال لهم مكانكم الاستراحة..

ومن ثم اسمح لي يا اخوي رايدر ابين نقطة مهمة في الموضوع

مثل هالمواضيع قد يقلل منها البعض.. ولكن هناك اعضاء آخرين قد يجدونها مواضيع ذات اهمية اقتصادية
لذلك.. قد ترا انت ان مثل هالموضوع مكانه الاستراحة.. بينما بالنسبة لي ارى ان مكانه الحوار العام..
اذا ما وجدنا اناس يقيمون الموضوع التقييم الصحيح ويشاركون فيه المشاركة الفعالة اللي راح نطلع كلنا
باستفادة منه في الاخير..

[حسن]

الله أعلم
بس اني أشك
قلبت الموضوع فوق تحت يسار يمين مادش مخي ان حمد منزل موضوع مثل هذا
سبحان مغير الأحوال
بديت أصدق المثل الي يقول
زوجوه على شأن يعقل :eek2:

هههههههههه

تصدق بديت انا اشك في ذالك ولا الاول احنا خابرين مواضيعه
بس هو تغير من عقب العرس
طبعا للافضل
وهذا مانتمناه ودور الزوجه الصالحه
على العموم

لا يفتى بالذهب وملك الذهب النهار موجود

هو اخبر ويعرف الذهب من الرانقول

[بوحارب]

شنو الرانقول :looking:

[حسن]

شنو الرانقول :looking:

:omg:

حد يرد على هل الولد


:telephone:

[يمامـة]

شنو الرانقول :looking:

روح محلات دانة اللي صوب سوق فالح.. او الرونق اللي مقابل سوق الديرة
بتحصل طوس ومرتعشات واكسسوارات لونها ذهبي.. تشوفها تقول ذهب
لكنها في الاخير تسمى رنقول..

[aloosh]

المنتدى صار يتقبل اي موضوع حتى لو ما كان له هدف مجرد حشو للمنتدى

[يمامـة]

:omg:

حد يرد على هل الولد


:telephone:

ردينا عليه يا بو علي.. عساه بس ما يقول لنا اي صوب سوق الديرة و سوق الجبر وسوق فالح

[R 7 A L]

شنو الرانقول :looking:

يطلق عليه بعد الرانقو
يعني التجاري ابو طخه

[يمامـة]

ارتفاع سعر الذهب يزيد من مبيعات الالماس في الخليج..
ونزول سعر الذهب يقلل من مبيعات الالماس..

نذهب الى احد المحلات لشراء طقم الماس حر.. فنجد السعر مليون ريال
مع تقديم بطاقة جهة العمل التي تخولنا للحصول على خصومات خاصة
يتم خصم 60% من قيمة الطقم..

وبعد شراء الطقم.. اذا رغبنا ببيعه نفقد 70% من قيمة شراءه الحقيقية..

وهذا ما لا يحدث عند شراء الذهب عيار 21 و 22 ..

لذلك نجد الكثير من المقيمين في اسواق الذهب يحرصون على شراء
الذهب الاصفر ابو عيار 21 او 22 ..

[بوحارب]

اهاااااا

رفيق جيب ثلاثة كيلو ذهب رانقول :funny:

[يمامـة]

اهاااااا

رفيق جيب ثلاثة كيلو ذهب رانقول :funny:

من الملاحظ توجه الاموال الى سوق الذهب مع رجوع موضة الذهبان القديمة..

فكرسي جابر او الطاسة او المرتعشات او المريات باحجامها الكبيرة والصغيرة

وممكن توصل كيلو لبعض المصوغات .. امر يسعد القلب بدل وضع الاموال هذي
في طقم مطلي ماركة يمامة جوتشي.. او مفتاح مطلي فيه حبة الماس من يمامة تيفاني.

[ولد العرب]

ولد العرب .. بجد الحين لو عندك فلوس وحاب تهادي هلك او بناتك او امك من الحلي بشكل عام
اشبتختار؟

يحبون اشياء غريبه ملابس بطانيات عطور عود بخور زل جدور:rolleyes2: العاب

ذهب والله والله والله ماتصدقون انه ماتحب الذهب
دايما توصي علي بالفضيااات اللب مطعمه بالاحجار الكريمه
مثل ذا الصور

ذي الشغلات يحبونها بحكم سفراتي مستمره

http://vb.shbab5.com/photos/2/20141358701989_763.gif


http://www.jamaluk.com/image.php?width=525&image=/uploads/image/498b2ac194fa25ab706bb773effed061.jpg


http://files.fatakat.com/2010/2/1267161436.jpg


http://www.dawshagya.org/vb/storeimg/img_1383536209_885.jpg

لو يطلبون ذهب من عيوني لكن مايحبونه لاحد يسالني ليش غرامهم الفضييات :(


لازلت ياليمامه اطلب نقل موووضوع للاستراحه :rolleyes2:

[يمامـة]

يحبون اشياء غريبه ملابس بطانيات عطور عود بخور زل جدور:rolleyes2: العاب

ذهب والله والله والله ماتصدقون انه ماتحب الذهب
دايما توصي علي بالفضيااات اللب مطعمه بالاحجار الكريمه
مثل ذا الصور

ذي الشغلات يحبونها بحكم سفراتي مستمره

http://vb.shbab5.com/photos/2/20141358701989_763.gif


http://www.jamaluk.com/image.php?width=525&image=/uploads/image/498b2ac194fa25ab706bb773effed061.jpg


http://files.fatakat.com/2010/2/1267161436.jpg


http://www.dawshagya.org/vb/storeimg/img_1383536209_885.jpg

لو يطلبون ذهب من عيوني لكن مايحبونه لاحد يسالني ليش غرامهم الفضييات :(


لازلت ياليمامه اطلب نقل موووضوع للاستراحه :rolleyes2:

الله يخليهم لك ويخليك لهم ولا يحرمهم منك وتعيش وتييب لهم كل ما يتمنونه يا ولد العرب..

اسمح لي اقول رايي في نقطة نقل الموضوع من الحوار للاستراحة واتمنى يسع صدرك لكلامي( لازم يسع)

الاعضاء هم اللي يحددون نوعية المشاركات في مثل هالمواضيع..

بمعنى لو لقينا مثل هالمواضيع ودخلنا وتغشمرنا فيها من غير ما نضيف اي فايدة لها
شي طبيعي يفضل نقلها للاستراحة وكل يرتاح هناك ويكتب اللي يبيه..

لكن لو الاعضاء حبوا يفيدون الموضوع المفروض الموضوع ما ينتقل للاستراحة
لأنه الموضوع ممكن نستفيد منه ونقدم فيه نصايح و تعليمات في كيفية شراء الحلي
والمجوهرات بشكل عام..

وهذا كله راجع للاعضاء من خلال مشاركاتهم.. وبناء عليه ما الوم الادارة
لو حولت بعض المواضيع للاستراحة.. لأن الاعضاء بحد ذاتهم هم اللي يستببون
في فقدان الموضوع لقيمته..