بنك قطر للتنمية : مليون و 200 الف كافية لبناء مسكن

[غريب الدّار]

قال عبدالعزيز بن ناصر آل خليفة الرئيس التنفيذي لبنك قطر للتنمية، إن قيمة القرض الممنوح لبناء مسكن، البالغة «1.2» مليون ريال، ملائمة، اذا توفرت الشروط الصحيحة، حيث إن بناء مسكن بحجم كبير لابد أن تتجاوز تكلفته قيمة القرض. وأهاب بالمقدمين على البناء مراعاة عدة أمور، منها حجم المسكن والتصميم الجيد والمقاول المعتمد وذو الخبرة الطويلة في السوق والقدرة المالية للعميل، وتجنب الشركات ذات الأسعار الرخيصة والمتفاوتة.

جاء حديث آل خليفة في رده على تساؤل ما إذا كان مبلغ الـ«1.2» مليون ريال، يكفي لبناء مسكن في ظل ارتفاع أسعار البناء ومواد التشطيب.

وكان مواطنون قد طالبوا، من خلال وسائل الإعلام المختلفة، بضرورة رفع قيمة القرض، متعللين بالزيادات الكبيرة في أسعار مواد البناء وكلفة التشطيب.


المصدر : جريدة الوطن عدد أمس الاثنين 4/5/2015

[حمد 2002]

صح كلامهم كافيه لبيت محترم ،،


اما الي يبي حجر ولا بيسمنت ولا لفت = مصعد ولا حديقه ولا ديكور باكستاني ولا مغربي ويبي برجه

هاي حتى 3 ملايين مب كفيته !!

[R 7 A L]

مانبيهم يرفعون القيمة نبيها يقللون الفوايد جزاهم الله خير

[حمد 2002]

مانبيهم يرفعون القيمة نبيها يقللون الفوايد جزاهم الله خير

يعني فايده ربويه ؟

[بوحارب]

للبناء تكفي وزيادة اذا كان حجم الفيلا من 600 الى 700 متر

اما اللي يشطح ويبني فيلا اشكبر كنها قصر صغير هذا بيدفع من جيبة وهو يضحك

[R 7 A L]

يعني فايده ربويه ؟

والله مادري هي ربويه ولا لا
الي ادري عنه ان فيه فايدة للي يأخذ 600 الثانية

[حمد 2002]

للبناء تكفي وزيادة اذا كان حجم الفيلا من 600 الى 700 متر

اما اللي يشطح ويبني فيلا اشكبر كنها قصر صغير هذا بيدفع من جيبة وهو يضحك

الي يبني بيت كبير حتى لو من جيبه عاادي ، لانه البنيان بعدين صعب !! ، والبنيان الكبير احسن من الديكورات والزخرفه !!

الديكورات لاحق عليها اما البنيان صعب التعديل بعدين !! ..


وجهه نظر ..

[حمد 2002]

والله مادري هي ربويه ولا لا
الي ادري عنه ان فيه فايدة للي يأخذ 600 الثانية

صحيح كلامك لل 600 الثانيه ،،

[R 7 A L]

صحيح كلامك لل 600 الثانيه ،،

ايه
نبيهم جزاهم الله خير يقللون شوي من الفوايد

[حمد 2002]

ايه
نبيهم جزاهم الله خير يقللون شوي من الفوايد

طيب ليش مايحذفونها نهائيا ؟!

[R 7 A L]

طيب ليش مايحذفونها نهائيا ؟!

والله يابوشهاب العلم عند الحكومة
وأكيد ماحطتها الا لهدف لمصلحه المواطن

[حمد 2002]

والله يابوشهاب العلم عند الحكومة
وأكيد ماحطتها الا لهدف لمصلحه المواطن

صح كلامك ،، اذا جفنا باقي الدول ،، مالنا الا انقول الله ايعز الحكومه والحمد لله مليون مره على النعمه الي احنا فيها

[حمد 2002]

طيب اخوي رحال

لو واحد عنده فلوس مجمعها وعنده ارض من الحكومه مايبي قرض بنك التنميه !! ؟ يقدر يبني الارض على حسابه الشخصي !! ، وهل ال المليون و 200 اتروح عليه وقتها ؟

[بوحارب]

الي يبني بيت كبير حتى لو من جيبه عاادي ، لانه البنيان بعدين صعب !! ، والبنيان الكبير احسن من الديكورات والزخرفه !!

الديكورات لاحق عليها اما البنيان صعب التعديل بعدين !! ..


وجهه نظر ..

انا اقصد اللي يبني بيت كبير فوق حاجته

يعني واحد عنده ثلاث أطفال وموقف الأنتاج

ليش يبني بيت تسكن فيه اربع عوايل ويضيع فيه هو وعياله !؟

وبعدين يتشكى ويزعجنا القرض مايكفي والدولة مقصرة والبنك ذبحنا ديون وووووو

بعدين اشدخل الديكورات والزخرفة في الموضوع يالهرامي :pic:

[يمامـة]

للبناء تكفي وزيادة اذا كان حجم الفيلا من 600 الى 700 متر

اما اللي يشطح ويبني فيلا اشكبر كنها قصر صغير هذا بيدفع من جيبة وهو يضحك

يكفي للعظم ولا لاخر التشطيبات؟

[بوحارب]

يكفي للعظم ولا لاخر التشطيبات؟

اذا مساحة البنيان 600m تكفي تسليم مفتاح
والتشطيب top مع المكيفات بعد :pic:

[R 7 A L]

طيب اخوي رحال

لو واحد عنده فلوس مجمعها وعنده ارض من الحكومه مايبي قرض بنك التنميه !! ؟ يقدر يبني الارض على حسابه الشخصي !! ، وهل ال المليون و 200 اتروح عليه وقتها ؟


والله ياخوي حمد
الكذب خيبه للحين مابنيت أرضي
بس اعتقد مايصير على شأن يلزمون المواطن مايبيع ويبقى السكن مرهون

[بوحارب]

ويركب حجر طبيعي على الواجهة :ok2:

[متواصل]

ياليته ناقش موضوع الزيادة ( الفائدة )
ماحاجة الدولة لهذه الزيادة ؟؟؟ الربوية

كنا في خير نرد القرض مثل ماهو

الان مئة الف على 600 الف = تررد 700 الف
ومئتين الف على المليون و200 الف = ترد مليون و400 الف

هذا الكلام اكيد لاني بنفسي رحت لهم
وشفت الشاشة والمكتوب فيها من تفاصيل للتأكد
باذن الموظفه طبعا

[يمامـة]

اذا مساحة البنيان 600m تكفي تسليم مفتاح
والتشطيب top مع المكيفات بعد :pic:

مع تبليط الحوش؟

[H H]

ويركب حجر طبيعي على الواجهة :ok2:


اذكر الله يارجل :eek5:

[يمامـة]

اذكر الله يارجل :eek5:

لا اله الا الله..
شكله بالغ صح؟

[بوحارب]

مع تبليط الحوش؟
اقولج مع تسليم مفتاح

يعني بس جيبي الجدر وسوي عشا اليهال ورقدوا :p


اذكر الله يارجل :eek5:

سبحان الله وبحمده
سبحان الله العظيم

[بوحارب]

وهالكلام عن تجربه واللي يشك في كلامي
يروح يفتر على المقاولين ويشوف الأسعار بنفسه :pic:

[qtr qtr]

طيب اخوي رحال

لو واحد عنده فلوس مجمعها وعنده ارض من الحكومه مايبي قرض بنك التنميه !! ؟ يقدر يبني الارض على حسابه الشخصي !! ، وهل ال المليون و 200 اتروح عليه وقتها ؟

عادي تقدر تبني بفلوسك الخاص ولكن راح اتم الارض مرهونه مدة 15 سنه من تاريخ استلامها . ماتقدر تتصرف فيها .

[يمامـة]

اقولج مع تسليم مفتاح

يعني بس جيبي الجدر وسوي عشا اليهال ورقدوا :p



سبحان الله وبحمده
سبحان الله العظيم

زين .. باييب الجدر والطابي بعد..

شكرا لك بو حارب على التجاوب

[H H]

لا اله الا الله..
شكله بالغ صح؟




اقولج مع تسليم مفتاح

يعني بس جيبي الجدر وسوي عشا اليهال ورقدوا :p



سبحان الله وبحمده
سبحان الله العظيم


انا موب قاهرني الا المساحه , 600 / 700 متر ؟ وتشطيب وحجر طبيعي عالواجهه بعد ؟ تباً لهم سائر اليوم لو كان هالكلام صحيح ( الـ تباً للمقاولين الي اعرفهم موب لكم )

[بوحارب]

زين .. باييب الجدر والطابي بعد..

شكرا لك بو حارب على التجاوب
العفو

دام السالفة فيها طابي

عيل ابي خبز وحرقيه شوي لاهنتي :(


انا موب قاهرني الا المساحه , 600 / 700 متر ؟ وتشطيب وحجر طبيعي عالواجهه بعد ؟ تباً لهم سائر اليوم لو كان هالكلام صحيح ( الـ تباً للمقاولين الي اعرفهم موب لكم )

ياخوي فيه مقاولين طماعين ويرفعون في الأسعار وفايدتهم كبيرة

وهذا اللي يرفع التكلفة

[يمامـة]

انا موب قاهرني الا المساحه , 600 / 700 متر ؟ وتشطيب وحجر طبيعي عالواجهه بعد ؟ تباً لهم سائر اليوم لو كان هالكلام صحيح ( الـ تباً للمقاولين الي اعرفهم موب لكم )

الوضع يختلف باختلاف المقاول..

يعني لو عطيتني هالفلوس في يدي وانا اعرف ابني .. راح اضبط عمري فيها..

لكن لو عطيت هالفلوس في يد مقاول يبي يستفيد منك اكيد المبلغ ما بيكفي..
لكن في الأخير المصيبة بتكون على راس اللي ما عنده أرض.. لان المشكلة بشكل عام
في غلاء الاراضي مب البنيان ..

[يمامـة]

العفو

دام السالفة فيها طابي

عيل ابي خبز وحرقيه شوي لاهنتي :(



الطابي كان للبيض.
دامك طلبت خبزة يبي لي اييب التاوة واخبز خبز رقاق
تبيه بالمهياوة ولا الطريح ولا البيض او الجبن ولا النتولا ولا اي نكهات خاصة؟

[R 7 A L]

عادي تقدر تبني بفلوسك الخاص ولكن راح اتم الارض مرهونه مدة 15 سنه من تاريخ استلامها . ماتقدر تتصرف فيها .



هذا الرد ياحمد أخذه من رجال اكيد له خبرة لاتسألني للحين مابنيت

[aloosh]

انا بنيت بيتي طلع علي اكثر من 1200000
اللي يقول يكفي ما يزيد فا يتأكد ان البناء عنده مصنف من البناء التجاري الرخيص وسوف يعاني بعد سنوات من تشقق وتساقط البلاستر

[العربية نت]

القانون يقول الدولة تتكفل ببناء مسكن مناسب للمواطن بقيمة مليون وميتين ولكن هالقرض لن يبني بيت مناسب الا اذا قوطي :)

[وحيد-الشوق]

انا اعتقد تكفي مثل ماقال بوحارب اذا مساحة بيتك 700 متر لكن الي ماتطرقوا له هل تكفي لشراء بيت لفئة القطريين بدون ارض !!!

[رهج السنابك]

لا والله ماتكفي خاصه اذا طحت بمقاولين نصابين او بديت مع مقاول وافلس وياكثر المقاولين الي يفلسون

[مضارب دوسري]

كافيه
في حال كان مساحة البناء 500 الى 550 متر
وسعر متر المقاول بنيان +بلاستر لا يتجاوز 1100 للمتر

هنا نقول كافيه
غير كذا غير كافيه

واي متر فوق ال 550
اعمل حساب 2000 ريال تكلفته مع تكلفة تشطيبه

يعني اللي يبني 100 متر فوق ال550
لازم يحط في باله انه بيزيد 200 الف ريال من جيبه

طبعا هذا يكفي اذا الشبابيك المنيوم وليس يو بي في سي
واذا الارضيه بورسلان او موكيت وليس رخام
وان خارجيا صبغ وليس حجر
وسعر متر البورسلان لا يتجاوز 120 ريال للمتر ارضيات
وسعر متر سيراميك الحمامات اكرمكم الله لا يتجاوز ال 50 ريال للمتر
وسعر تركيب الارضيات والحمامات لا يتجاوز سعر 45 ريال
وسعر الباب الخشب او المنيوم لا يتجاوز 1500
وسعر طقم كل حمام لا يتجاوز ال2500 ريال
وسعر مقاول الكهرباء افضل النوعيات لا يتجاوز ال 85000 ريال
وسعر البايب فيتر لا يتجاوز ال 25000 الى 30000 ريال

وهذي الاسعار المذكوره اعلاه موجوده فالسوق وموجود ارخص منها بوايد ويوجد نصابين اسعارهم فالعلالي من ناحية المقاولين

اما السيراميك والبورسلان اسعار نوعيات ممتازه موجوده في محلات كثيره

يعني الاسعار موجوده فالدوحه وليست خارجها

[مضارب دوسري]

طيب اخوي رحال

لو واحد عنده فلوس مجمعها وعنده ارض من الحكومه مايبي قرض بنك التنميه !! ؟ يقدر يبني الارض على حسابه الشخصي !! ، وهل ال المليون و 200 اتروح عليه وقتها ؟

اذا بنيت على حسابك
ال مليون وال 200 ما تروح عليك
بس مستقبلا اذا احتجتها تكون لشراء بيت او يكون عندك ارض فاضيه وترهنها لبنك التنميه وبعدها يمشون لك المليون و200

[فلان]

كافيه
في حال كان مساحة البناء 500 الى 550 متر
وسعر متر المقاول بنيان +بلاستر لا يتجاوز 1100 للمتر

هنا نقول كافيه
غير كذا غير كافيه

واي متر فوق ال 550
اعمل حساب 2000 ريال تكلفته مع تكلفة تشطيبه

يعني اللي يبني 100 متر فوق ال550
لازم يحط في باله انه بيزيد 200 الف ريال من جيبه

طبعا هذا يكفي اذا الشبابيك المنيوم وليس يو بي في سي
واذا الارضيه بورسلان او موكيت وليس رخام
وان خارجيا صبغ وليس حجر
وسعر متر البورسلان لا يتجاوز 120 ريال للمتر ارضيات
وسعر متر سيراميك الحمامات اكرمكم الله لا يتجاوز ال 50 ريال للمتر
وسعر تركيب الارضيات والحمامات لا يتجاوز سعر 45 ريال
وسعر الباب الخشب او المنيوم لا يتجاوز 1500
وسعر طقم كل حمام لا يتجاوز ال2500 ريال
وسعر مقاول الكهرباء افضل النوعيات لا يتجاوز ال 85000 ريال
وسعر البايب فيتر لا يتجاوز ال 25000 الى 30000 ريال

وهذي الاسعار المذكوره اعلاه موجوده فالسوق وموجود ارخص منها بوايد ويوجد نصابين اسعارهم فالعلالي من ناحية المقاولين

اما السيراميك والبورسلان اسعار نوعيات ممتازه موجوده في محلات كثيره

يعني الاسعار موجوده فالدوحه وليست خارجها

إحترامي و تقديري لأفضل رد بخصوص أسعار هالأيام

[مضارب دوسري]

إحترامي و تقديري لأفضل رد بخصوص أسعار هالأيام

الله يجزاك خير

نصيحه للي يبنون
مد رجولك على قد لحافك
بتسكن بيتك بسرعه
بتدخل نفسك بمتاهات بتم سنين وانت ما سكنت

يعني قرارك بيدك
اذا بتشتغل على قدك بتقدر تسكن خلال سنه ونص الى سنتين

بتزيد فالمساحات والنوعيات ممكن تسكن بيتك عقب 4 الى 5 سنوات شوي شوي

بتهايط ماراح تسكن بيتك


اعرف واحد بنى بيت بمساحة بنيان 1200 متر
كل دور 600 متر مربع
والى يومكم هذا بيته ماخلص عظم
من 5 سنوات
ليش ؟
لان هذي نهاية الهياط


وبعض الناس الله يهديه كل ما نزلت دفعه قعد ينقط في حلج المقاول نقطه نقطه
ويستغل الباقي اما بشراء سياره او سفره
ودايما رافع شعار فلها وربك يحلها
وفي الاخير الفلوس خلصت وهو للحين يدفع الايجار ويناقز من مكان لمكان
القرض لا يكفي لبناء بيت العمر

اي بيت عمر الله يهديك !!!!!!

العقلانيه مطلوبه
والقناعه مطلوبه

[khalid525]

الله يجزاك خير

نصيحه للي يبنون
مد رجولك على قد لحافك
بتسكن بيتك بسرعه
بتدخل نفسك بمتاهات بتم سنين وانت ما سكنت

يعني قرارك بيدك
اذا بتشتغل على قدك بتقدر تسكن خلال سنه ونص الى سنتين

بتزيد فالمساحات والنوعيات ممكن تسكن بيتك عقب 4 الى 5 سنوات شوي شوي

بتهايط ماراح تسكن بيتك


اعرف واحد بنى بيت بمساحة بنيان 1200 متر
كل دور 600 متر مربع
والى يومكم هذا بيته ماخلص عظم
من 5 سنوات
ليش ؟
لان هذي نهاية الهياط


وبعض الناس الله يهديه كل ما نزلت دفعه قعد ينقط في حلج المقاول نقطه نقطه
ويستغل الباقي اما بشراء سياره او سفره
ودايما رافع شعار فلها وربك يحلها
وفي الاخير الفلوس خلصت وهو للحين يدفع الايجار ويناقز من مكان لمكان
القرض لا يكفي لبناء بيت العمر

اي بيت عمر الله يهديك !!!!!!

العقلانيه مطلوبه
والقناعه مطلوبه

ميه ميه

[بنت شرق]

الأغلبية على انه ما يقدر ،،،
سؤال الي بطبقة الشيوخ اشلون عندهم قدرة على بناء منزل بمساحة ملعب ،،،والي ينصرف لنا كقطرين مبالغ ومساحات محدودة ومعلومة

[حسن]

من ايام البيوت الشعبيه مافي قرض يكفي الى وتزيده
الى اذا بتبني كلشي تحت الاستاندر
مشكلتنا الاسعار يتضاربون فينا وياريت مايعورون راسك
الواحد لازم يفكر شنهو احتياجه البعض يكثر من الغرف وعدد اسرته كلها اربعه
والمبالاغات بالديكور والاشياء الخارجيه والاقواس الخارجيه حتى المكاتب الهندسيه
بعضها يورطك
نصيحه لو تبي تبني اطلب من المهندس ان يكون تكلفه البناء في حدود المليون و200 الف

[معماري قطري]

انا بنيت من 2004 وخلصت في 2006 أَذكر قبل الأَسياد وكان بيتي مفتوح على الملعب وشفنا الأَلعاب النارية وقتها

كلفني البنيان ذاك الوقت مع التأَثيث ما يقارب 3 ملايين لمساحة بناء تزيد شوي على 1070 متر مربع .. بدون مبالغات وحجر بس زجاج مساحات كبيرة ومناور وعوازل حرارية في الحائط وكان بنياني بعقد 1100000 مع مقاول قوي .. مع اني حصلت أَسعار حول 3 ملايين مع مقاولين أَي كلام .. بس كثير من المواد كان علي شراؤها .. والتركيب على المقاول وكثير كان الاتفاق مع مقاول آخر للتركيب كالأَعمال الخشبية واليو بي في سي والمطابخ والتكييف.

في رأَيي في الوقت الحالي رفع قيمة القرض ضروري وكذلك رفع مستوى التشطيب والبناء وكذلك عدم تكليف المواطن أَي نسبة أَرباح وحكومتنا كريمة واحنا نستحق .. قرض ب 2 مليون يكفي لمساحة لا تتعدى 800 متر مربع بشرط يكون المنزل بمواصفات جيدة ومتوافق مع شروط التنمية المستدامة.

نقطة ثانية مهمة هي تطوير قوانين البناء لقابلية التوسعة والبناء الرأَسي أَيضاً ضمن قوانين ومواصفات عالية وتتوافق مع التنمية المستدامة .. قد يكون هذا ممكناً بتحديد الارتفاع ليكفي ل 5 أَدوار بحيث يكون الدور الأَرضي للمواقف والخدمات وتكون هناك مساحة لمجلس خارجي مفتوح على الشارع كمجالسنا القديمة والكاميرات تتكفل بمعرفة من يدخل عنوة ويخرب أَو يسرق ويجب أَن يعاقب .. 4 أَدوار بنظام شقة لكل دورمن الدورين الثالث والرابع للأَبناء أَو شقتين لكل دورحسب المساحة ستكون حل عملي للاسكان للمستقبل ولسهولة سكن الأَبناء مع والديهم .. يجب طبعاً عمل الخدمات لتكون مناسبة لهذه التوسعة أَو ليمكن زيادتها بسرعة.

[معماري قطري]

طبعاً قوانين البناء مهمة للتنمية المستدامة ولتعمير مناطق بمبانيها تعيش ل 200 سنة كعمر افتراضي .. الخرسانات يجب أَن تخلط بمواد مقوية لها وتجعلها لا تضعف مع مرور العمر .. وأَبسطها استعمال ماء مقطر خالي من الأَملاح والكلور المسبب الرئيسي لصدأَ الحديد.

استثمار البناء الجيد والمستدام استثمار وقت وجهد ومال واستثمار أُمة يجب أَن يكون هو أَساس لتنمية البلاد.

[حليتان*]

اوكي وان زاد القرض !!! داااايركت اسعار المقاولين بترتفع
وماسوينا شي (صبه حقنه لبن)

[شيخ الديرة]

.. قرض ب 2 مليون يكفي لمساحة لا تتعدى 800 متر مربع بشرط يكون المنزل بمواصفات جيدة ومتوافق مع شروط التنمية المستدامة.

على البنك توفير مخطط او مخططين بمواصفات قياسية أساسية تقول ان هذا البيت يبنيه هذا المقاول بالقرض اللي نقدمه. والبنك هو اللي يقوم بتقييم واعتماد المقاولين. كل هذا لضمان ان قروضهم لا يتم ضياعها بين المقاول والاستشاري وتاجر المواد

[غايه الطواش]

الأغلبية على انه ما يقدر ،،،
سؤال الي بطبقة الشيوخ اشلون عندهم قدرة على بناء منزل بمساحة ملعب ،،،والي ينصرف لنا كقطرين مبالغ ومساحات محدودة ومعلومة

اراضيهم دبل وقرضهم ثلاث ملايين مب بس الشيوخ بعض العوائل من الشعب

[غريب الدّار]

الآراء منقسمة

لكن اللي شفته حتى اللي لهم خبرة يشوفون ان الهياط هو المشكلة

وفي ناس يشوفون انه غير كافي فعلا

[hamoor4ever]

تكفي بدون هياط بدون حجر كامل للبناء .. اعتقد بلبناء بحدود 550 او 600 في ظل الاسعار الحاليه .. تبي برجه وتبي ديكور مغربي وغيره لازم بتزيد .. اتركو الهياط وانتو بخير والدوله مش ملزومه بتوفير بركه سباحه لكل مواطن بالبيت ..

[hamoor4ever]

نتمنى ازاله الفوائد فقط ..

[الزعفراني]

هالاعلان من البانر اللي في صفحة المنتدى :)

http://www.rahac.com/site/index.php?group=view&rid=503

نتمنى نسمع آراء مسؤولين الشركة للفائده .. وشكرا

[غريب الدّار]

هالاعلان من البانر اللي في صفحة المنتدى :)

http://www.rahac.com/site/index.php?group=view&rid=503

نتمنى نسمع آراء مسؤولين الشركة للفائده .. وشكرا

الف شكر اخوي الزعفراني على التنبيه

بس على حسب ماعرفت ان بنك التنمية بنفسه يسوي ندوات تعريفية للمواطنين حول كيفية بناء مسكن

أتمنى حد يصحح لي المعلومة ولا تهونون

[الزعفراني]

الف شكر اخوي الزعفراني على التنبيه

بس على حسب ماعرفت ان بنك التنمية بنفسه يسوي ندوات تعريفية للمواطنين حول كيفية بناء مسكن

أتمنى حد يصحح لي المعلومة ولا تهونون

اينعم يسوون ..

[معماري قطري]

الا يا الربع ( هياط ) شتعني؟ سامحوني أَول مره اسمعها في قطر

[MAZEN37]

هياط اقرب لمعنى فشخره كذابه

[Al-Kuwari]

الا يا الربع ( هياط ) شتعني؟ سامحوني أَول مره اسمعها في قطر

مفوشر , مزابى , واحيانا تستعمل لوصف شخص كذاب او يبالغ في كلامه لما يتكلم*

[Al-Kuwari]

نرجع للموضوع

ما ادري ليه بس محددين القرض بمليون ومتين

ليش ما يخلون اوبشن للي حاب مثلا انه ياخذ مليونين

فالنهايه المبلغ راح يرجع وفوقه فوايدهم بعد

وش المانع يعني ؟

اللي راتبه يسمح يخلونه ياخذ مليونين واللي راتبه مايسمح ياخذ مليون ومتين

لان بصراحة هذا بيت العمر الواحد بيبنيه ونيته يسكن عشرين سنه او ثلاثين سنه

فلو مثلاً مثل ماتفضلوا الاخوان كان عنده طفلين او ثلاثه , وش يضمنه انه مايكون عنده خمسه او سته بعد كم سنه

يرجع يبني بيت جديد مثلا ؟

[يوسف0]

نرجع للموضوع

ما ادري ليه بس محددين القرض بمليون ومتين

ليش ما يخلون اوبشن للي حاب مثلا انه ياخذ مليونين

فالنهايه المبلغ راح يرجع وفوقه فوايدهم بعد

وش المانع يعني ؟

اللي راتبه يسمح يخلونه ياخذ مليونين واللي راتبه مايسمح ياخذ مليون ومتين

لان بصراحة هذا بيت العمر الواحد بيبنيه ونيته يسكن عشرين سنه او ثلاثين سنه

فلو مثلاً مثل ماتفضلوا الاخوان كان عنده طفلين او ثلاثه , وش يضمنه انه مايكون عنده خمسه او سته بعد كم سنه

يرجع يبني بيت جديد مثلا ؟

يبني ملحق :)

[الامير]

اول مره ابني فلتين كلفوني ثنتينهم مليون 400 حلوين وكل وحده مساحت الارض 430م

[حمد بن سعد]

نرجع للموضوع

ما ادري ليه بس محددين القرض بمليون ومتين

ليش ما يخلون اوبشن للي حاب مثلا انه ياخذ مليونين

فالنهايه المبلغ راح يرجع وفوقه فوايدهم بعد

وش المانع يعني ؟

اللي راتبه يسمح يخلونه ياخذ مليونين واللي راتبه مايسمح ياخذ مليون ومتين

لان بصراحة هذا بيت العمر الواحد بيبنيه ونيته يسكن عشرين سنه او ثلاثين سنه

فلو مثلاً مثل ماتفضلوا الاخوان كان عنده طفلين او ثلاثه , وش يضمنه انه مايكون عنده خمسه او سته بعد كم سنه

يرجع يبني بيت جديد مثلا ؟


اي والله المواطن دافعها دافعها خلوها مليونين ابرك من ياخذ قرض من بنك ثاني عشان يكبر البيت


حتدفعو يعني حتدفعو :tease:

[ملك المشاعر]

مليون وميتين كافية لبناء فيلا مساحة 600

زيادة القرض رح يزيد اسعار المقاولين

[صمت 1]

زيد على القرض خمسمائة الف ريال تطلع الفلا ����

[aloosh]

اللهم لك الحمد خلصت بناء تو
بس كلفني المتر 1800 بس شغل عدل ومرتب البيت يتحمل ثلاثه ادوار صج زدت شوي بس مو خساره
البت كل بناينه خرسان مسلح حتى غرفه الخادم:)

وانتبهو من البناء التجاري اللي يحشون الجدران بوراق اكياس الاسمنت او ما يحشيه عدل:)
ترى هابين فيها بعض المقاولين يوفر في الاسمنت اي شي فيه صب تكون حاضر عندهم تحت عينك

[معماري قطري]

على البنك توفير مخطط او مخططين بمواصفات قياسية أساسية تقول ان هذا البيت يبنيه هذا المقاول بالقرض اللي نقدمه. والبنك هو اللي يقوم بتقييم واعتماد المقاولين. كل هذا لضمان ان قروضهم لا يتم ضياعها بين المقاول والاستشاري وتاجر المواد

مخطط أَو مخططين بس؟ شوي حتى 10 شوي .. العيب في المواصفات الهندسية وفي المواد أَكثر منه في المخططات المعمارية وفي التنفيذ وآلية التنفيذ وآلية التقاضي .. تطوير القوانين التخطيطية هو استفادة قصوى واستثمار لموارد الدولة والمواطنين أَمثل .. لو كان استغلال الأَراضي أَفضل وتخطيط الخدمات كامل لإِستيعاب عدد مضاعف من المواطنين بزيادة الارتفاع بيوفر مساحات أَراضي وبيوفر تواصل اجتماعي أَكثر.

[الدبلوماسي]

اراضيهم دبل وقرضهم ثلاث ملايين مب بس الشيوخ بعض العوائل من الشعب
لنا الجنه ان شاء الله احسن من أراضي دبل واحسن من قرض بو 3 ملايين

[شيخ الديرة]

مخطط أَو مخططين بس؟ شوي حتى 10 شوي .. العيب في المواصفات الهندسية وفي المواد أَكثر منه في المخططات المعمارية وفي التنفيذ وآلية التنفيذ وآلية التقاضي .. تطوير القوانين التخطيطية هو استفادة قصوى واستثمار لموارد الدولة والمواطنين أَمثل .. لو كان استغلال الأَراضي أَفضل وتخطيط الخدمات كامل لإِستيعاب عدد مضاعف من المواطنين بزيادة الارتفاع بيوفر مساحات أَراضي وبيوفر تواصل اجتماعي أَكثر.

والله ما فهمت شي من ردك, أي تواصل اجتماعي أي مواصفات مواد أي توفير مساحات ...

القصة وما بها ان القرض يكفي ام لا يكفي, وهذا السؤال يتكرر مع كل من ينوي بناء بيت جديد ويقع الكثير من الناس في ورطة عندما يكتشف ان القرض لا يكفي وهو في منتصف البناء, والحل حسب رأيي المتواضع ان يقوم البنك بتوفير مخططات وموديلات لبيوت يمكن أكمال بناءها بالمبلغ المتوفر للقرض واعتماد شركات مقاولات لا تلعب حركات بهلوانية

[الدوحه1]

انا بيتي كلفني 2,200,000 ريال شاملا الديكور والاثاث والمكيفات.
(مساحة الارض 1240م, مساحة البنيان 900 م).
وسكنت البيت في 2011.

للعلم اخذت القرض الأول بس(600 الف ريال) لان القرض الثاني عليه فوايد(يعني حرام)؟

[مضارب دوسري]

كافيه
في حال كان مساحة البناء 500 الى 550 متر
وسعر متر المقاول بنيان +بلاستر لا يتجاوز 1100 للمتر

هنا نقول كافيه
غير كذا غير كافيه

واي متر فوق ال 550
اعمل حساب 2000 ريال تكلفته مع تكلفة تشطيبه

يعني اللي يبني 100 متر فوق ال550
لازم يحط في باله انه بيزيد 200 الف ريال من جيبه

طبعا هذا يكفي اذا الشبابيك المنيوم وليس يو بي في سي
واذا الارضيه بورسلان او موكيت وليس رخام
وان خارجيا صبغ وليس حجر
وسعر متر البورسلان لا يتجاوز 120 ريال للمتر ارضيات
وسعر متر سيراميك الحمامات اكرمكم الله لا يتجاوز ال 50 ريال للمتر
وسعر تركيب الارضيات والحمامات لا يتجاوز سعر 45 ريال
وسعر الباب الخشب او المنيوم لا يتجاوز 1500
وسعر طقم كل حمام لا يتجاوز ال2500 ريال
وسعر مقاول الكهرباء افضل النوعيات لا يتجاوز ال 85000 ريال
وسعر البايب فيتر لا يتجاوز ال 25000 الى 30000 ريال

وهذي الاسعار المذكوره اعلاه موجوده فالسوق وموجود ارخص منها بوايد ويوجد نصابين اسعارهم فالعلالي من ناحية المقاولين

اما السيراميك والبورسلان اسعار نوعيات ممتازه موجوده في محلات كثيره

يعني الاسعار موجوده فالدوحه وليست خارجها

للتسهيل اكثر

اي شخص يبي يحسب حساب البنيان مع التشطيب كامل وهل القرض بيكفي او لا

بالمواصفات المقتبسه في الرد السابق
عليه الحسبه
كل متر يحدد له سعر 2000الى 2200
خلنا ناخذ المتوسط 2100

نحسب الان
550متر بنيان ×2100 = 1155000 ريال
600متر بنيان ×2100 = 1260000 ريال

700×2100 = 1470000 ريال

800× 2100 = 1680000 ريال

وهكذا

هذا كمتوسط

وكل واحد يبني على قد امكانياته

عشان محد يتوهق مستقبلا ويكون الوضع تحت السيطره


والله يوفق الجميع

[مضارب دوسري]

اللهم لك الحمد خلصت بناء تو
بس كلفني المتر 1800 بس شغل عدل ومرتب البيت يتحمل ثلاثه ادوار صج زدت شوي بس مو خساره
البت كل بناينه خرسان مسلح حتى غرفه الخادم:)

وانتبهو من البناء التجاري اللي يحشون الجدران بوراق اكياس الاسمنت او ما يحشيه عدل:)
ترى هابين فيها بعض المقاولين يوفر في الاسمنت اي شي فيه صب تكون حاضر عندهم تحت عينك

الله يبارك لك
ومنزل مبارك ان شاء الله

[ام روز]

مايكفي

[بوحارب]

اشدخل اراضي وقروض الشيوخ في الموضوع !!؟

واتفق مع مضارب دوسري وماقصر بالتوضيح وكلامه عين الصواب :ok2:

[BUHASSEN]

بالنسبه للقرض ممكن يكفي وممكن مايكفي علي حسب الشخص واحتياجاته .....
من وجهة نظري لو يدرسون احتياجات الاسره من عدد افراد مثلا ويزيدون بحسب الحاجه يكون افضل

[السهم الذهبي]

لو يتم تخيير المواطن بين المليون و200 الف وبين المليونيين ابرك

[Qt.1]

بصراحه انا مش مصدق بعض الردود الي اقراها !! مليون وميتين اتكفي في حالة انك بتبني قوطي , والغرف قراقير , وتشطيب تحت الاستاندر ممكن تكفي , لكن بتبني بيت حجمه معقول وغرف حجمها حلو وتشطيب معقول مستحيل تكفي , كم مره بتبني انت مره اذا عن طريق الدوله , ازيدها من عندي واسوي بيت كبير , بيت شرح وحوش حلو وغرف حجمها ممتاز واسوي كل الي في خاطري , ولاسوي لي قرقور اعيش فيه بضيق مع عيالي , طبعا كل شخص ظروفه تفرق عن الثاني , لكن مسالة انها تكفي هذي الي كلش مش مقتنع فيها !! :rolleyes2:

[معماري قطري]

والله ما فهمت شي من ردك, أي تواصل اجتماعي أي مواصفات مواد أي توفير مساحات ...

القصة وما بها ان القرض يكفي ام لا يكفي, وهذا السؤال يتكرر مع كل من ينوي بناء بيت جديد ويقع الكثير من الناس في ورطة عندما يكتشف ان القرض لا يكفي وهو في منتصف البناء, والحل حسب رأيي المتواضع ان يقوم البنك بتوفير مخططات وموديلات لبيوت يمكن أكمال بناءها بالمبلغ المتوفر للقرض واعتماد شركات مقاولات لا تلعب حركات بهلوانية

كان تعقيب ولازم نطلع شوي عن صلب الموضوع وكلامي معاك صعب ينفهم والسموحة منك لو سببت لك ضيق يا شيخ الديرة

بالنسبة للتواصل الإِجتماعي إِذا كان الوالد ساكن تحت وعياله يبنون فوق بيته بيكونون قريبين منه .. والحمد لله كثيرين من أَهل قطر عندهم أَراضي مجمعة قرب بعض بس ما قصدته هو حل مناسب للجميع بتطوير القوانين التخطيطية

[غريب الدّار]

لو يتم تخيير المواطن بين المليون و200 الف وبين المليونيين ابرك

أي مليونين اخوي؟

[حمد بن سعد]

بصراحه انا مش مصدق بعض الردود الي اقراها !! مليون وميتين اتكفي في حالة انك بتبني قوطي , والغرف قراقير , وتشطيب تحت الاستاندر ممكن تكفي , لكن بتبني بيت حجمه معقول وغرف حجمها حلو وتشطيب معقول مستحيل تكفي , كم مره بتبني انت مره اذا عن طريق الدوله , ازيدها من عندي واسوي بيت كبير , بيت شرح وحوش حلو وغرف حجمها ممتاز واسوي كل الي في خاطري , ولاسوي لي قرقور اعيش فيه بضيق مع عيالي , طبعا كل شخص ظروفه تفرق عن الثاني , لكن مسالة انها تكفي هذي الي كلش مش مقتنع فيها !! :rolleyes2:

هذا الكلام الصحيح

وطايحين فينا هياط وهياط

[غريب الدّار]

سؤال :

حد بنى بالمليون وميتين وكفاه المبلغ؟

انا مااستنكر ولا أشكك

بس ابي اشوف تجارب واقعية اذا ممكن

[qatarman8008]

اذا كانت المليون والميتين ماتكفي لبناء بيت معتدل التكاليف..
فكيف هو حال اللي ماعطوه ارض..!!
لازم يتسلف 3 مليون يشتري ارض..
وبعدين يحط من جيبه 800 الف عالمليون وميتين ويطلع له هالبيت المعتدل التكاليف..

[Qt.1]

اذا كانت المليون والميتين ماتكفي لبناء بيت معتدل التكاليف..
فكيف هو حال اللي ماعطوه ارض..!!
لازم يتسلف 3 مليون يشتري ارض..
وبعدين يحط من جيبه 800 الف عالمليون وميتين ويطلع له هالبيت المعتدل التكاليف..

كان الله في عونهم , والله كل ماذكر هالناس الي مب قادرين ياخذون ارض بس قرض يضيق خاطري , اقول لو انا مكانهم اشبسوي والله موضوع مب بسيط , لاحول ولاقوة الا بالله .

[بنت شرق]

اذا كانت المليون والميتين ماتكفي لبناء بيت معتدل التكاليف..
فكيف هو حال اللي ماعطوه ارض..!!
لازم يتسلف 3 مليون يشتري ارض..
وبعدين يحط من جيبه 800 الف عالمليون وميتين ويطلع له هالبيت المعتدل التكاليف..
هاي ام النكبة على قولتهم ،،،بيتم يسدد الأقساط لين متى،،،صراحة المفروض الدولة اتشوف حل في ارتفاع الأراضي السكنية
وخاصة انه في فئات كثيرة محرومه ،،منها المتجنسين والنساء المطلقات والعازبات والارامل،،القطريات

[مواقف النجادة]

اذا كان كلام المسئول صحيح ..
فاليوفر بنك التنمية مخططات لبيوت يمكن بناءها بهذا المبلغ ..
و ليوفر مقاولين مستعدين يبنون هذه المخططات بالمبلغ المذكور ..
مع الحرص على ان ينفذ نصيحته شخصياً بالبعد عن المقاول الرخيص و البحث عن المقاول الجيد $$$$$$$$$
اما التصريح في الجرايد من المكاتب المكيفة .. فسهل .. و لكن الواقع شيء اخر

[captin]

هاذي الايام اذا بيت خاص للسكن مب تجاري للبيع او التاجير بمساحة 800 متر مربع
التكلفة ما راح تقل عن اقل شي 3 مليون ريال .

انا عندي تكلفة الحجر والرخام والجبس بس وصلت مليون و 200 الف

اسعار مواد التشطتيب مبالغ فيها جدا ولو بحثنا الاسباب بنلقى اسباب كثيرة
منها وهو سبب رئيسي غلاء وارتفاع اسعار الايجارات وتكلفة تشغيل المحلات.

واحد ايجاره في طريق سلوى ولا طريق الوكرة للباب 30 الف ريال وعنده مخزن في الصناعية بسعر ما يقل عن ايضا 30 الف ريال
وموظفين وعمال وسيارات نقل ومصروفات اخرى اكيد بيحط هامش ربح 500 % عشان يغطي مصاريفه وفي الأخير تطيح على راس
راعي البيت او راعي البنيان .

الحل في السيطرة على غلاء الاسعار وليس زيادة قيمة القرض .

[غريب الدّار]

انا عندي تكلفة الحجر والرخام والجبس بس وصلت مليون و 200 الف

.

المعذرة اخوي
يعني اخوي اللي يبي يركب حجر ورخام تكلفة بيته بتوصل اكثر من 3 مليون ؟

[مضارب دوسري]

اعتقد الدوله تعطي القرض لتامين مسكن ملائم لصاحب الانتفاع
وليست مسؤوله او مجبوره ان تبني قصور للمواطن

هذا 1


2
ابائنا
سكنوا وسكنا معاهم في بيوت شعبيه مساحتها حول ال200 متر مربع
وكانت كافيه


الدوله وفرت للمواطن قرض يلبي احتياجات مناسبه وملائمه
ومن يريد او يستطيع ان يزيد من جيبه الخاص لبناء منزل حسب استطاعته ويناسبه فله الحق
فلم تلزمه الدوله بمخططات محدوده او اجبرته على تصميم او توزيع معين
فتركت ذلك له ليختار ما يلائمه ويناسب قدرته الماليه


باختصار الدوله بيض الله وجهها ف غيرنا دول مجاوره توفر مساحات لا تزيد عن 400 الى 500 متر مربع للارض

والدوله لم تحاسب المواطن على الماء والكهرباء ولو حاسبته عليها لدفع ما يقارب نصف قسط بنك التنميه


فقولوا الحمدلله وكفى :nice:

[مضارب دوسري]

واخر نقطه
لو حسبنا قيمة الارض 1200 او 1000 متر كم قيمتها !!!!!!

[Hmaim]

الشمس مصدر النور والله يعطيك إياه ببلاش
والماء إلي يجري في عروقك ينزله لك الله من السماء ببلاش
وهما شرياني الحياة
وهذه سمة يحبها الله ونادر إن وجدت

[ام روز]

بصراحه انا مش مصدق بعض الردود الي اقراها !! مليون وميتين اتكفي في حالة انك بتبني قوطي , والغرف قراقير , وتشطيب تحت الاستاندر ممكن تكفي , لكن بتبني بيت حجمه معقول وغرف حجمها حلو وتشطيب معقول مستحيل تكفي , كم مره بتبني انت مره اذا عن طريق الدوله , ازيدها من عندي واسوي بيت كبير , بيت شرح وحوش حلو وغرف حجمها ممتاز واسوي كل الي في خاطري , ولاسوي لي قرقور اعيش فيه بضيق مع عيالي , طبعا كل شخص ظروفه تفرق عن الثاني , لكن مسالة انها تكفي هذي الي كلش مش مقتنع فيها !! :rolleyes2:

اي والله

والله لا حجر ولا هياط ولا شي والقرض راح كله فالبيت

[غريب الدّار]

بصراحه انا مش مصدق بعض الردود الي اقراها !! :rolleyes2:

وتلاقي أصحاب الردود مش مصدقين ردك اخوي
:)

عادي اخوي هاذي آراء

يمكن انت صح وهم غلط
يمكن انت غلط وهم صح

كلها آراء