مراحل التشطيب الااخيره للبيت @@

[Qt.1]

السلام عليكم ,,

من زمان مانزلت موضوع قلت انزل لكم مراحل تشطيبات البيت الااخيره عندي , علشان اذا اي حد في هالمرحله ممكن افيده بشي او بسؤوال , اللحين الحمدالله الكهربا اوصلت وخذت اتمام البناء , اللحين بس باقي بعض الااشياء البسيطه باشرحها بالصور ,,

http://im43.gulfup.com/DBNSXp.jpg (http://www.gulfup.com/?qIJFBV)

هذي صوره على يسار البيت , تم الااتفاق على ان المنطقه الي في النص كلها عشب مع عتبتات في النص , وتم الااتفاق على وضع ورد محمدي وفل وياسمين على يمين ويسار المدخل , مع عمل مدخل خشبي ملبس بالورد .

http://im50.gulfup.com/UaMztb.jpg (http://www.gulfup.com/?OaLiyr)


هذي صوره اتبين بلاط البيت وتقريبا 97% تم تركيبه باقي شي بسيط جدا , البلاط اصفر اماراتي مع ممر احمر .

http://im50.gulfup.com/425ILZ.jpg (http://www.gulfup.com/?PXDqWr)

هذي صور تركيب عتبتات المجلس رخام ايطالي , وسيتم تركيب عتبتات مدخل الصاله من نفس النوعيه .


http://im43.gulfup.com/VOwChr.jpg (http://www.gulfup.com/?cSjdrN)


هذي صورة تركيب ديكورات الطوفه للمجلس من الجبس بوردروات مع تعتيق ذهبي او فضي وباذن الله اذا بانزل اخر المستجدات للتركيب .



http://im43.gulfup.com/G4I9BQ.jpg (http://www.gulfup.com/?LnW4WF)


هذي صورة واحد من بيبان الخشب , وتم تركيب جميع الاابواب , وتم شراء القبضات ذهبيه وسيتم التركيب لجميع قبضات البيبان بكره باذن الله , التصميم عجبني شفته في النت وسويته .




http://im43.gulfup.com/Yr8hgH.jpg (http://www.gulfup.com/?Gx1KkX)


هذي صورة ابواب الحمامات اللمنيوم وتم تركيبها كلها عدد 7 تقريبا .



http://im43.gulfup.com/zMKb7V.jpg (http://www.gulfup.com/?FcMNEl)


هذي صورة المطبخ الداخلي , وتم الاانتهاء منه كليا , وباقي تركيب المطبخ الي بيكون على يمين الصوره وتم تفصيله في ايكيا وبنزل الصور اذا تم التركيب .




http://im43.gulfup.com/1m3yPv.jpg (http://www.gulfup.com/?k0IxZT)


هذي صوره للصاله , الصاله عندي مفتوحه على بعضها مساحتها تقريبا 9X12 تم الاانتهاء منها وتم تركيب السبوت لايت والجبس والفاصل ماعدى الصبغ وديكورات الطوفه من جبس (البوردرات ) وتم اختيار صبغ كودورو لؤلؤي للصاله مع تعتيق لبوردرات الجبس وبنزل الصور اذا تم التركيب والصبغ .


http://im43.gulfup.com/Ny5Kbr.jpg (http://www.gulfup.com/?AIbAvw)

http://im43.gulfup.com/1Hurbx.jpg (http://www.gulfup.com/?S9StYm)

هذي صوره لجانب من البيت وتم صبغ السور وجزء من البيت وتم صبغ طبقه اولى وباقي الطبقه الثانيه من الصبغ واذا تم الاانتهاء من صبغ البيت بالكامل بنزل لكم الصور ,


واذا في اي استفسار عن اي شي او حد اعجبه اي شغل في البيت ويبي يسوي نفسه انا حاضر وبريحه بدال اللفه والدواره , وبحاول اجدد الصور قد ماقدر ..

:)

[ضوى]

الله يبارك لك في بيتك ويرزقك البركه فيه تتهنون يااارب

[Qt.1]

الله يبارك لك في بيتك ويرزقك البركه فيه تتهنون يااارب

الله يرحم لي والديك اختي ويبارك لك في اهلك وبيتك ويحفظكم يارب ,,

[fifa 2022]

.
ما شاء الله تبارك الرحمن ذوق
أسأل الله أن يجعله بيت عامر بأهله وبالأمن والإيمان
وأن يجعله جنتكم ومكان جمعتكم بالدنيا ويجعل الجنه داركم الأحلى والابقى
منزل مبارك أن شاء الله .. معوض خير يارب

[لبيبة]

ما شاء الله، الله يجعله منزل مبارك ويرزقكم خيره وخير ما فيه ويكفيكم شره وشر ما فيه،

تسجيل متابعة لمشاهدة المزيد من مراحل التشطيبات،

والله يبارك لكم.

[Qt.1]

.
ما شاء الله تبارك الرحمن ذوق
أسأل الله أن يجعله بيت عامر بأهله وبالأمن والإيمان
وأن يجعله جنتكم ومكان جمعتكم بالدنيا ويجعل الجنه داركم الأحلى والابقى
منزل مبارك أن شاء الله .. معوض خير يارب

اللهم امين والله يجزاكم كل خير يارب , وشكرا على الدعوه الطيبه ,,

[Qt.1]

ما شاء الله، الله يجعله منزل مبارك ويرزقكم خيره وخير ما فيه ويكفيكم شره وشر ما فيه،

تسجيل متابعة لمشاهدة المزيد من مراحل التشطيبات،

والله يبارك لكم.

الله يجزاج كل خير اختي , وخلك متابعه للموضوع وبأذن الله بيكون متجدد .

[معماري قطري]

منزل مبارك إِن شاء الله يا بو عبدالله والله ييسر باقي الأُمور

ما ابي ازعجك بالملاحظات سوى عتبات الدرج تبين لي حادة ومب محفوفة لا دائرية ولا مقصوصة بزاوية 45 درجة .. وهذي تكسر وقت السقوط عليها لا قدر الله وتنكسر بسهولة

[بوحارب]

الله يوفقك وييسر امورك يابوعبدالله

وانا استفدت منك بخصوص الgrc

وأشكرك من اعماق قلبي ياخي ;)

بخصوص الصبغ !

ممكن النوع وسعر المتر لاهنت

[Qt.1]

منزل مبارك إِن شاء الله يا بو عبدالله والله ييسر باقي الأُمور

ما ابي ازعجك بالملاحظات سوى عتبات الدرج تبين لي حادة ومب محفوفة لا دائرية ولا مقصوصة بزاوية 45 درجة .. وهذي تكسر وقت السقوط عليها لا قدر الله وتنكسر بسهولة

اللهم امين يارب , وبالعكس ملاحظاتك مهمه , وانا معاك فعلا الزوايا حاده وبيسوونها دائريه بس مثل منت شايف للحين ماخلصو شغلهم , وقت الفنشنغ بيسوونهم .

[Qt.1]

الله يوفقك وييسر امورك يابوعبدالله

وانا استفدت منك بخصوص الgrc

وأشكرك من اعماق قلبي ياخي ;)

بخصوص الصبغ !

ممكن النوع وسعر المتر لاهنت

هلا بوحارب تسلم لي والله , الحمدالله انك استفدت منه , بخصوص الصبغ جوتن شيلد رملي اما بالنسبه للسعر فهو في السوق يبدى من 15 ويوصل لين 18 تفرق من شركه لشركه , اما انا خذته بسعر خاص لان الشخص نفسه هو الي سوى لي بيتي جبس كامل وهو بعد بيصبغ لي داخل البيت بعد علشان هشكل عطاني سعر خاص .

[qtr-1st]

الله يبارك لك في بيتك ويرزقك البركه فيه تتهنون يااارب
أسأل الله أن يجعله بيت عامر بأهله وبالأمن والإيمان
وأن يجعله جنتكم ومكان جمعتكم بالدنيا ويجعل الجنه داركم الأحلى والابقى
منزل مبارك أن شاء الله .. معوض خير يارب

[الكنج]

الله يبارك لك في بيتك ويرزقك البركه فيه ،،،

بكم حسب لك المتر حق الجي ار سي وياليت طرش لي رقمه ولاتهون .

[معماري قطري]

اللهم امين يارب , وبالعكس ملاحظاتك مهمه , وانا معاك فعلا الزوايا حاده وبيسوونها دائريه بس مثل منت شايف للحين ماخلصو شغلهم , وقت الفنشنغ بيسوونهم .

هذي المفروض تجي محفوفة من الورشة وجاهزة .. خصوصاً الحف الدائري صعب ومزعج شوي .. الشطف بقطع الزاوية بزاوية 45 درجة سهل في الموقع بس يحتاج دقة ويحتاج طبقات حماية وتغطية للخدوش.

عندك الأَبواب ما شاء الله زينة وتحتاج لحماية بنايلون عن الصبغ والضربات .. مكان الزراعة يبين لي فيه طين يابس وهذا يحتاج حفر لو بتزرع زراعة كبيرة لكن للعشب ما تحتاج حفر وكذلك للنباتات الصغيرة .. عيب الطين ييبس لو انرش بماي ولا ينبت فيه العشب تحتاج خلطة برمل وطين والرمل يكون أَكثر للعشب وممكن طبقة الطين الخالص تكون تحت حتى تحفظ الماي من التسرب للأَرض وتكون الرطوبة موجودة لأَطول فترة قرب جذور النباتات.

الله يوفقك كل شيء موجود أَلحين وصعب التعديل كلامي للمقبل على هذي الأَعمال حتى يتفادى مثل هذي النواقص .. الرصيف مثلاً يحدد مكان الزراعة والزراعة شوي مبعدة عن البنيان .. بس المشكلة الرطوبة تسري من تحت الرصيف للحوائط وكان يفترض عمل حفرة للزراعة وحماية أَطرافها أَقل شيء ببناء طابوق ووضع عوازل رطوبة أَو بلاستك طبقتين ومدفون حوله بحيث يبقى حاجز للرطوبة لا تتجه ناحية الحائط.

[بوحارب]

شغل خاص عيل هاه ههههه

مدير كبير بوعبود :cool:


زين قوله انك بتجيب له فيلا فيها 1000 متر تقريبا

ويبيلها صبغ كم بيحسب لي المتر !

مع العلم الفيلا مستعمله يعني فيها صبغ قديم بس بغيره

انتظرك :)


ملاحظة؛ صبغ خارجي فقط

[معماري قطري]

شغل خاص عيل هاه ههههه

مدير كبير بوعبود :cool:


زين قوله انك بتجيب له فيلا فيها 1000 متر تقريبا

ويبيلها صبغ كم بيحسب لي المتر !

مع العلم الفيلا مستعمله يعني فيها صبغ قديم بس بغيره

انتظرك :)


ملاحظة؛ صبغ خارجي فقط

بالنسبة لجوتاشيلد انتبه وحاول تمر على شركة جوتن في طريق سلوى تسأل عن طريقة الصبغ والتأَسيس له .. البعض يسويه بطريقة غير ويوفر في التكلفة كثير وانت دافع السعر كامل .. واطلب من اللي يصبغ ليسوي مرحلة الا مخلص بالكامل من مرحلة ولازم تتابعه وتتأَكد من النقاط اللي قال لك عنها مسؤول المبيعات .. هو لازم ينرش له تأَسيس قبل وكثيرين يتجاوزون عن هذي المرحلة ويقللون سماكتها .. وهذي تنرش بمكينة خاصة وتعطيك عدة تشكيلات وبعضها تتعدل باليد وبعدين يصبغ الصبغ النهائي .. والبعض يلعب في خلطات الصبغ .. حتى بعضهم يخلطونه ببودرة دفان رخيصة.

[Qt.1]

الله يبارك لك في بيتك ويرزقك البركه فيه تتهنون يااارب
أسأل الله أن يجعله بيت عامر بأهله وبالأمن والإيمان
وأن يجعله جنتكم ومكان جمعتكم بالدنيا ويجعل الجنه داركم الأحلى والابقى
منزل مبارك أن شاء الله .. معوض خير يارب

الله يرحم لي والديك , والله يجزاك خير على الدعوه الطيبه .

[Qt.1]

الله يبارك لك في بيتك ويرزقك البركه فيه ،،،

بكم حسب لك المتر حق الجي ار سي وياليت طرش لي رقمه ولاتهون .

ويبارك في عمرك يارب , متره تقريبا 300 على ماذكر , وشيك الخاص بطرش لك رقمه تبشر ,,

[Qt.1]

هذي المفروض تجي محفوفة من الورشة وجاهزة .. خصوصاً الحف الدائري صعب ومزعج شوي .. الشطف بقطع الزاوية بزاوية 45 درجة سهل في الموقع بس يحتاج دقة ويحتاج طبقات حماية وتغطية للخدوش.

عندك الأَبواب ما شاء الله زينة وتحتاج لحماية بنايلون عن الصبغ والضربات .. مكان الزراعة يبين لي فيه طين يابس وهذا يحتاج حفر لو بتزرع زراعة كبيرة لكن للعشب ما تحتاج حفر وكذلك للنباتات الصغيرة .. عيب الطين ييبس لو انرش بماي ولا ينبت فيه العشب تحتاج خلطة برمل وطين والرمل يكون أَكثر للعشب وممكن طبقة الطين الخالص تكون تحت حتى تحفظ الماي من التسرب للأَرض وتكون الرطوبة موجودة لأَطول فترة قرب جذور النباتات.

الله يوفقك كل شيء موجود أَلحين وصعب التعديل كلامي للمقبل على هذي الأَعمال حتى يتفادى مثل هذي النواقص .. الرصيف مثلاً يحدد مكان الزراعة والزراعة شوي مبعدة عن البنيان .. بس المشكلة الرطوبة تسري من تحت الرصيف للحوائط وكان يفترض عمل حفرة للزراعة وحماية أَطرافها أَقل شيء ببناء طابوق ووضع عوازل رطوبة أَو بلاستك طبقتين ومدفون حوله بحيث يبقى حاجز للرطوبة لا تتجه ناحية الحائط.

الله يجزاك خير على النصايح الطيبه , وفعلا هذا الي بيصير , الرمل بينشال والزرع ماراح يكون مباشر مع الارض لا بيتم وضع طبقتين بلاستك القوي وبيتم عليهم الزراعه .

[Qt.1]

شغل خاص عيل هاه ههههه

مدير كبير بوعبود :cool:


زين قوله انك بتجيب له فيلا فيها 1000 متر تقريبا

ويبيلها صبغ كم بيحسب لي المتر !

مع العلم الفيلا مستعمله يعني فيها صبغ قديم بس بغيره

انتظرك :)


ملاحظة؛ صبغ خارجي فقط

ان شاء الله ماطلبت شي افا عليك , بكلمه وبرد عليك تبشر ,,

[بوخالد911]

كل التوفيق والله يبارك لكم البيت.

[قدها وقدود]

بالتوفيق في كل خطوه

وان شاء الله منزل مبارك

[Riku3]

ماشاء الله ... الله يبارك لكم وتتهنون وما تشوفون فيه الا كل خير ..

بحط رد علشان اتابع المراحل الي تنزلها :] ..

الله يوفقك وييسرلك .