وين أحسن محلات عبي؟

[كيان عبدالله]

السلام عليكم

وين احسن محلات عبي؟ سمعت في معيذر والعزيزية, لكن مااعرف مكانهم بالضبط, انا ماادل معيذر وين؟
وإيش إسم المحلات؟ وإسم الخياط الشاطر؟ نوع العبي إلي أبيها للطلعات العادية والدوام.

وسؤال ثاني: في أحد يعرف وين راح محل الحسناء والقطرية للعبايات إلي كانوا في الستي؟

وشكرا مقدما

[لبيبة]

وعليكم السلام ورحمة الله وبركاته،

العزيزية في شارع عثمان بن عفان،

معيذر موجودة الناحية المقابلة لحديقة الحيوان،

ما أعرف أسامي المحلات الزينة،

أسجل متابعة يمكن أستفيد من الموضوع معاج،

ومرحبا بج في المنتدى،

والله يوفقج.

[بصمة قطرية]

في معيذر يمدحون المحلات اللي في شارع أم الدوم ..
الخميس و الجمعه في محلات حلوة مثل البرنسيسة
كل موديلاته من الإمارات ..
العزيزية يمدحون المحلات اللي بتلقينها و انتي جاية
من صوب الدفاع المدني تخلينه يسارج و تكملين سيدة
المحلات قدام على يمينج ..

[الجـــوديّ]

عندج في الخريطيات محلات وايد ..

في الشارع اللي فيه البنوك .. وفيه مقابل البتيل عبايات الحلوين خياطه نظيف

في المنتزة عبايات تارا .. مشاهد مكتبة الأسرة موديلاته وشغله حلو

[العلياا]

وعليكم السلام ورحمة الله وبركاته

بخصوص محلات العبي اللي فالعزيزية انصحج بمحل فور يو (4you) طبعا سعره بالنسبة للمحلات اللي في نفس الشارع مرتفع
بس عنده موديلات واجد وتحتارين شتاخذين ..

وصفه المحل
وانتي نازلة من الوعب الين الاشارة الي بين فيلاجيو وحياة بلازا تاخذينها يسار
تنزلج دوار العزيزية اخذيه يسار كملي الين يجيج دوار اخذيه سيدا
عقب بيجيج مفرق اخذيه يمين بيكون اول محل على يمينج

طبعا هذا الشارع فيه مايقارب العشرين محل مري عليهم شوفي شاللي يعجبج :o

موفقه ان شاءالله

[العلياا]

وبخصوص محل الحسناء مر علي الاسم اهناك بس مادري هو نفسه اللي تقصدينه والا لا ..

[أم محمد 90]

نصيحة اختي كيان ,,

اللي بالعزيزية صحيح العبايات اسعارها حلوة وديزايناتها حلوة وعمليه بس يختي لو انتي ف جامعة والله مستحيل يمر يومج بدون ماتشوفين وحدة مثل عباتج

-وهذا شي شخصي-

يعني العزيزية اغلب بنات قطر يفصلون هناك وخصوصا بنات المدارس والجامعات

ف انتي لو رحتي حاولي تغيرين ف الموديل او النقشة - لو كنتي ماتحبين حد يلبس مثل عباتج -

اما اذا عادي عندج روحي وسهالات العبايات هناك حلوة


واذا انتي من النوع اللي عادي يقط 900 و 1000 ع عباية انصحج بربشة ف المنتزه والاناقة الملكية .

[((ام خالد))]

الإمبراطورة في الخريطيات مقابل تي تايم اسعارهم مناسبة وديزايناتهم حلوة

[الحياة الخالدة]

الموضوع طيب ومفيد للبنات فشكراً لصاحبته و لكل من وضع بصمتــــــه

و أتفق مع أختي أم محمد بخصوص محل الأناقة الملكية في الســــــد .. ممكن يكون غالي نسبياً .. لكن موديلاته مميـــــزة

[monatee]

عندج محل مزركش في العزيزيه ، اسعاره زينه

تخلين وقت الشاي على يسارج وبتلقينه على يمينج

تقريباً بعد 500 متر

[kitmat]

في المنتزة ربشة ورزة حلوين وشغلهم مرتب وفي محل على اليمين ناسيه اسمه

[نوفا91]

نصيحة اختي كيان ,,

اللي بالعزيزية صحيح العبايات اسعارها حلوة وديزايناتها حلوة وعمليه بس يختي لو انتي ف جامعة والله مستحيل يمر يومج بدون ماتشوفين وحدة مثل عباتج

-وهذا شي شخصي-

يعني العزيزية اغلب بنات قطر يفصلون هناك وخصوصا بنات المدارس والجامعات

ف انتي لو رحتي حاولي تغيرين ف الموديل او النقشة - لو كنتي ماتحبين حد يلبس مثل عباتج -

اما اذا عادي عندج روحي وسهالات العبايات هناك حلوة


واذا انتي من النوع اللي عادي يقط 900 و 1000 ع عباية انصحج بربشة ف المنتزه والاناقة الملكية .

الا قولي الدانه والفرنسيه كل بنااااات الجامعه نفس الموديل :)

[المــزن*]

السلطانه ف المنتزة

[بنت مريخ]

المهندي موديلاته حلوه و اسعاره بعد
امس رفيجتي جايبه عبيها مفصله عنده
ررروعه وكشخه

[الحياة الخالدة]

وين المهندي

[Locale]

عبايات الحلوين في الخريطيات مرتبه خياطته

[بنت شرق]

صراحة الواحدة زهقت من كثر تفصيل العبي،،،ليش ما نلبس سادة،،،وخلاص

[بنت مريخ]

وين المهندي
ف العزيزيه مجابل وقت الشاي

[بنت مريخ]

ف العسيري محل اسمه دوحه الانوار عنده قطع عبي
حلوه

[العقل المدمر]

نصيحة اختي كيان ,,

اللي بالعزيزية صحيح العبايات اسعارها حلوة وديزايناتها حلوة وعمليه بس يختي لو انتي ف جامعة والله مستحيل يمر يومج بدون ماتشوفين وحدة مثل عباتج

-وهذا شي شخصي-

يعني العزيزية اغلب بنات قطر يفصلون هناك وخصوصا بنات المدارس والجامعات

ف انتي لو رحتي حاولي تغيرين ف الموديل او النقشة - لو كنتي ماتحبين حد يلبس مثل عباتج -

اما اذا عادي عندج روحي وسهالات العبايات هناك حلوة


واذا انتي من النوع اللي عادي يقط 900 و 1000 ع عباية انصحج بربشة ف المنتزه والاناقة الملكية .

تهقين الريال يزعل لو شاف واحد لابس نفس ثوبه ؟ :weeping:

[العقل المدمر]

صراحة الواحدة زهقت من كثر تفصيل العبي،،،ليش ما نلبس سادة،،،وخلاص

بالضبط هاللي صار معاي
من فترة لفيت محلات العزيزية كلها مافي شي عجبني الا عبي الاعراس
اما الموديلات الجديدة ماتعجبني كلش الا بو لف مفتوحة من فوق وتحت مادري ليش لابستها اصلا
والا موديل وحدة حامل وقصة عوية ومركبين قطعتين على بعض جنه فقر ومافيه قماش
السادة احلى وارتب واستر واحسن وارخص بعد :shy:

[البحار00]

روحي نصيحه الخبر شارع سويكت
آلاف المحلات
العباية الي ب700 في قطر مب أقل من 2000

قبل فترة وديت هلي هناك فصلو ورجعنا وبعد 10ايام أوصلت قطر عن طريق البريد الممتاز

[المحاميه]

جربت مره محلات العزيزيه وماعجبني كلش شغلهم مب نظيف والقطعه تخترب بسرعه لانها رخيصه ..

دوم أفصل في عبايات القطريه او عبايات رفيق اللي فالستي صحيح اسعارهم مرتفعه لكن الكواليتي جيد ..

للاسف عزلوا .. قالي بيرجع مكانه ف سوق الجبر ..


لكن حالياً أفصل في سوق فالح .. لان فيه وايد محلات طبي وتنقي .. واوصي يحطلي قطعه زينه وطقطق زين وافصل بدون شيله لان محلات العبي شيلهم الله بالخير ..

ودي اجرب المنتزه ولا اللي قلتوا عنهم ف الخريطيات بس مستحيل اروح بعيد واتعنى وعندي القريب :weeping:

[أم محمد 90]

جربت مره محلات العزيزيه وماعجبني كلش شغلهم مب نظيف والقطعه تخترب بسرعه لانها رخيصه ..

دوم أفصل في عبايات القطريه او عبايات رفيق اللي فالستي صحيح اسعارهم مرتفعه لكن الكواليتي جيد ..

للاسف عزلوا .. قالي بيرجع مكانه ف سوق الجبر ..


لكن حالياً أفصل في سوق فالح .. لان فيه وايد محلات طبي وتنقي .. واوصي يحطلي قطعه زينه وطقطق زين وافصل بدون شيله لان محلات العبي شيلهم الله بالخير ..

ودي اجرب المنتزه ولا اللي قلتوا عنهم ف الخريطيات بس مستحيل اروح بعيد واتعنى وعندي القريب :weeping:

المحامية , العزيزية فيها ما لايقل عن 30 محل عبايات اذا مش اكثر !!

الوحدة هي تختار وشو نوع الخلق انتي اختاري قولي ابيه هالقماش وبالنسبة لقماش الشيلة احب (غروب) واييييد لان ثقيل ويغطي الشعر والرقبه وف نفس الوقت خفيف ماتحسينه يضايق مع اللف .

صراحة استغرب من البنات اللي يفصلون خلق شيلات اذنهم تبين منه !!! وخصوصا لا بيت هالعضاضه ام وردة شكبر

[أم محمد 90]

تهقين الريال يزعل لو شاف واحد لابس نفس ثوبه ؟ :weeping:

لا يختي ما اعتقد لان اثوابهم نفس الشي ( يااااااحظهم)

[sweet qatar]

كنسلت محلات العبي من زماااان

المعارض تكفي و توفي

[العلياا]

جربت مره محلات العزيزيه وماعجبني كلش شغلهم مب نظيف والقطعه تخترب بسرعه لانها رخيصه ..

:weeping:

كلامج صحيح في نقطة انها تخترب بسرعة
شخصياً ما عندي مشكلة وخصوصا اني اخذ من اهناك للدوام وانا انسانه ملوله جدا جدا
ولو كنت ما افصل قصات والوان معظم عبيي نقش اسود
يعني حدهم استعمال شهر شهرين حدها واقطها وافصل غيرها لانها رخيصه ف مافي مشكلة

[كيان عبدالله]

تسلمون كلكم ماقصرتوا ويعطيكم الف عافية