معهد انجليزي ممتاز ؟؟؟

[..عاشق قطر..]

السلام عليكم ،،

حاب حد يدلني على معهد انجليزي ممتاز :shy:

اهم شي يطلع من المعهد بلبل انجليزي:omen2:
،،

ويفضل يكون ف المطار او الهلال وحواليه..

وجزاكم الله خير ،،

[H H]

كيف انجليزيتك؟ ووقتك؟ مستعد تتفرغله ثلاث اربع ساعات لخمس ايام فالاسبوع والا تبيه شي خفيف ساعتين ثلاث ايام فالاسبوع؟
الخيارات كثيره بس اذا كنت تتوقع ان المعهد بيخليك بلبل اجل لاتتعب نفسك , افضل المعاهد فالعالم ماتعطيك اكثر من 40% فقط!
والباقي يعتمد بالكامل على اجتهادك الشخصي خارج المعهد! اذا شديت حيلك خارج المعهد خلال فتره بسيطه باذن الله بتمشي امورك.

[..عاشق قطر..]

كيف انجليزيتك؟ ووقتك؟ مستعد تتفرغله ثلاث اربع ساعات لخمس ايام فالاسبوع والا تبيه شي خفيف ساعتين ثلاث ايام فالاسبوع؟
الخيارات كثيره بس اذا كنت تتوقع ان المعهد بيخليك بلبل اجل لاتتعب نفسك , افضل المعاهد فالعالم ماتعطيك اكثر من 40% فقط!
والباقي يعتمد بالكامل على اجتهادك الشخصي خارج المعهد! اذا شديت حيلك خارج المعهد خلال فتره بسيطه باذن الله بتمشي امورك.

يعني ف الاسبوع ثلاث ايام ساعه ونص ساعتين بالكثير..

[H H]

وانجليزيتك كيف؟ تمشي حالك ؟ ودي انصحك بالبرتش كونسل بما انهم الافضل خصوصا مع الوقت الي متاح لك لكن مستحيل يقبلونك اذا كنت ميح , على الاقل تمشي نفسك شوي

[العلياا]

وعليكم السلام

مثل ما قال لك اتش اتش صعب جدا تدخل معهد يطلعك بلبل بالاضافة لمجهودك هو احتكاك مع المتحدثين باللغة الانجليزية
ممارستك لها حاول تقرأ او تسمع او حتى تاخذ فقرة من جريدة عربية ولها نسخة انجليزية وتقراهم الثنتين

شخصياً دخلت البرتش كانسل لكن اعتبرها تجربة سيئة لي يمكن لاني دخلت في فترة اعياد وغيره
فكان الكورس طويل جدا اللي خلاني اتشتت
بالاضافة ان مكانه فالسد ف اعتقد بعيد عليك


فالمطار في معهد اسمه بيرلتز Berlitz language center
رفيجتي تدرس فيه وتمدحه انت تختار عدد الايام والساعة
وهي كانت طالبة حصص برايفت بس لها وتقريبا السعر للكورس الواحد ثمان الف ريال


موفق

[دايموند]

انا بعد ابي اطور لغتي الانجليزيه سيئه

[كازانوفا]

نصيحة اللى يدخل يتعلم بالمراكز لازم تكون في بيئة غير عربيه نهائيا مثلا لو بالشغل عشان تستخدم الكلمات اللى تسمعها وتكتبها في المركز التعليمي مع الناس اللى حواليك
من غير ممارسه للكلمات صدقني روحتك للمركز التعليمي ما لها داعي
هاي عن تجربه شخصيه