جدول عائلي حق بوكيت

[مستثمر مبتدئ]

السلام عليكم ورحمة الله وبركاته

ناوي في شهر اغسطس أسافر تايلاند وبالاخص بوكيت وعدد المسافرين 4

انا والمدام وعيالنا 10 سنوات و4 سنوات بغيت جدول حق 5 ايام ماعليكم أمر

[أبورودي]

هلا اخى الكرريم
انصحك بالسكن فى فندق هوليدي ان ريزورت رائع جدا للاطفال وعائلي جدا جدا
الافطار عندهم جميل جدا
الجدول 5 ايام قليله خليها 7

طبعا لازم تزور فانتازيا شو حاجه رائعه جدا جدا وهى عرض فى الفتره المسائيه
الجزر روح جزيره ريا ايلاند رائعه جدا
الجزر الاخر احجز يوم بيوم وستجد الاكشاك لحجز الرحلات كثيره جدا بجوار الفندق
واحجز يوم بيوم لان الجو قد يكون ممطر وحاله البحر لاتسمح بركوب القوارب فالافضل فبل الرحله بيوم تحجز لاتحجز من داخل الفنادق الاكشاك أفضل وكلها مضمونه
اي معلومات اخرى اخري ارسلي على الخاص

[مــاي ورد]

بوكيت مب عائلية وخاصة بالليل

من الصبح لين تظلم بس.. طبيعة واجواء حلوة

في عندك فانتازيا لاند والجزر جيمس بوند و غيرها و منجم الألماس و مزرعة اللؤلؤ وفي مصنع الكاجوو

في هناك محلات كثيرة للسياحة اول ما تنزل من المطار لو تسال أي تاكسي بيوديك وفي المحل بيودونك أي مكان تبغيه

[الاستاندر]

حلوه بوكيت
انصحك تحجز في الهوليدي ان
وتخليرحلاتك فنتازيا شو والبي بي ايلاند وبوكيت زوو وركوب الفيله
اخر يوم احجز لك في فندق مليسا
نوعه فله بمسبح خاص فندق عجيب واسعاره ممتازه
ملاحظه في بوكيت
خل طلعاتك الصبح لين سبع وعقب خلك في الفندق او روح المجمع التجاري
لان في شارع اسمه البنغلا رود او كما يسمونه في تايلند شارع جهنم كل مكان زين في بوكيت الا هالشارع اذا عرفته وين تجنبه وحتى لو تاخرت في الطلعه ماعندك مشكله بس ابعد عن هالشارع

[وليف الشوق]

احجز في فندق بليز بالقرب من فندق الهوليدي ان ..... اخر الشارع ومكانه روعه وخدماته حلوه والغرف صج مو لين هناك لكن نظامها حلوه وفيها بلكونه ومسبح وموقعه روعه

وفندق الهوليدي سكنته بعد حلو