أفضل شركة مكيفات سبيلت للفيلا عن تجربة؟

[Nasser2006]

السلام عليكم ورحمة الله وبركاته.........


بغيت أفضل شركة مكيفات سبيلت للفيلا عن تجربة؟؟؟؟

من كل شي:
-تبريد
-صيانه (تنظيف)
-عملي

اسماء الي أعرفهم :
-فوجي
-فوجي آر
-جنرال
-توشيبا
-موستوبيشي

والله يجزاكم خير

[وليف الشوق]

نصيحه مني وحسب تجربتي لا تاخد غير سامسونغ وبس

وخلنا نشوف بعض الاراء من تجارب اخواننا واخواتنا
لكن انا اصمم على اللي قلته والقرار الاول والاخير لك

[Nasser2006]

نصيحه مني وحسب تجربتي لا تاخد غير سامسونغ وبس

وخلنا نشوف بعض الاراء من تجارب اخواننا واخواتنا
لكن انا اصمم على اللي قلته والقرار الاول والاخير لك

جزاك الله خير على المشاركة

ننتظر آراء الجميع ؟؟؟

[Bo3essa]

فوجي عن تجربه ممتاز

[المحتار20]

فوجي وبس

[معماري قطري]

انا بعد مع فوجي أَو فوجتسو المعلق في السقف واللي يجي وسطي ويدفع لأَربع جهات

[مضارب دوسري]

Gree بستن
ممتاز
وسعره مقبوووول

اهم شي تشتري مكيفات بستن او كومبريسر امريكي

البستن
جنرال وفوجي وجري

الكومبريسور الامريكي
دايكن من تدمر

[مضارب دوسري]

ابعد عن الروتري نهااااااااائيا اذا تبي تريح راسك

[Chambray]

دايكن - تدمر

صراحة ( الصيني ممتاز )

[hma]

دايكن

تدمر

[عيد بن شاكر]

فوجي الريس (بستن فقط)

[معماري قطري]

فوجي الريس (بستن فقط)

انا مب فاهم ليش البستن أَحسن .. الغالبية يقولون ما يفصل .. هل يعني يشتغل على طول الكمبريسر؟

من رايي لازم يريح شوي الكمبريسر أَو نظام التكييف أَياً كان .. عندي المكيفات تكون مضبوطة على 22 أَو 23 وتفصل وترجع تشتغل حسب الحرارة والحاجة لطاقة تبريد .. طبعاً العزل الكامل للبيت يلعب دور كبير.

[مهاجر]

ابعد عن الروتاري بانواعه الجو عندنا يحتاج بستن

عندك فوجي وجنرال وكارير وجري ( صيني ) وانا مركب كارير بستن وسعره كان ممتاز وصيانتهم ممتازه

[سعود.]

السلام عليكم ورحمة الله وبركاته

موضوع المكيفات .......
عندي من اقاربي صاحب محل تركيب وعمل تمديدات وصيانة مكيفات ونصحني اخذ ( فوجي او جري ). ميتسوبيشي عن تجربة جربته كان عندي ملاحظة على قوة الدفع ( برشر ) الهواء . اشوفه ضعيف جدا
ومن فترة جاني عامل صيانة لمكيفات ونصحني اركب ظلال مثلا ( شينكو )
فوق المكيف في السطح . لنه يحسن من اداء المكيفات . ولا ننسى موضوع النوافذ العازل ubvc صدق مكلفة بس تقدر تركبها من جهة الجنوب والغرب للمنزل . الشرق ماتجيها الشمس الا مبكرا . جهة الشمال نهائيآ ماتجيها الشمس .

ومن شاور ماخاب

[ليل وتعاليل]

البستن
جنرال وفوجي وجري



اهم شي ابعد من lg

[eXpert*]

فعلاً أسوء المكيفات lg صحيح أرخص لكن معناة .

(بسبب عرضهم المالي) ركبنا حق مجمع وخذنا عقد صيانة معاه .. وكل يوم كلم الصيانة ،، مرة يخر ماي ومرة تصليح ومرة تبديل ..

وجع رأس ماله داعي :(

[A.L.I]

خذ من عند المناعي وريح راسك

[MAZEN37]

جنرال ادفع وارتاح

[alshamari]

السلام عليكم
سامسونق عن تجربة ما انصح في جدا شركة فاشلة:anger1: انا ركبت 13 مكيف من ثلاث سنين من عندهم مشاكل وخربات ماله نهاية:rolleyes2:. اكثر المشاكل هي المروح والكمبرسرو هواء حار و المكيف يطلع ثلج ولا الصوت تقول شاحنة داخل المكيف:eek5:. حاليا 6 مكيفات خربوا منهم 2 وندو و4 سبلت تعبت من كثر ما اصلح فيهم واللي يقهر ان صيانة الشركة نفسها غالية:weeping:.
حاليا ادورعن افضل مكيفات الموجودة والله يعين ان شاء الله

[BUHASSEN]

انا جربت شركة قري تقريبا 4 سنوات الحمدلله المكيفات تمام والشركه نظام الصيانه عندهم ممتاز يستجيبون بسرعه

حاليا اسعارهم زادت عن قبل هاي الي شفته خذت من عندهم من فتره لبيت الوالد زادو في الاسعار

الطنين البستن كان ب 2400 الحين ب2900

والله ييسر امورك

[بوحارب]

جنرال الأصلي وكلفينيتور وفوجي وبسسسسسسسسس

خذ شغل محترم عشر سنوات قدام :)

[مهاجر]

كارير امريكي وسعره منتاز مقارنه مع غيرهم

[إعلامي قطر]

..

ياجماعه مكيفات شارب روتري صار لي سنين أستخدمها
وما اشتكيت منها وتحمست أرجع أركب منها لبيت
جديد بس من كثر ما أشوف وأسمع الناس
تنصح في البستن شكيت في الموضوع !

المهم ممكن حد يشرح لنا عن الروتري شوي
عشان الواحد يستوعب شوي شالفرق ؟!

..

[إعلامي قطر]

..

ياجماعه مكيفات شارب روتري صار لي سنين أستخدمها
وما اشتكيت منها وتحمست أرجع أركب منها لبيت
جديد بس من كثر ما أشوف وأسمع الناس
تنصح في البستن شكيت في الموضوع !

المهم ممكن حد يشرح لنا عن الروتري شوي
عشان الواحد يستوعب شوي شالفرق ؟!

..

معماري قطر الفزعه يالخبير :telephone:

..

[سعود.]

الفرق بينهم المكينة ( الوحدة الخارجية )
البستن يفرق عن الراوتري او السيكرول

ان البستن مخصص لجواء الحارة ( الخليج ) مثلا لانة يتحمل الحرارة ويعيش ويبرد اكثر من الانواع الاخرى

[مــاي ورد]

عندنا فوجي البيت كله كل يومين مشكله فيهم ومرة احترق عندنا بوكس المكيف فوق السطح وبند المكيف زين ماحترقنا لانهم كانو مركبين وايرات ضعيفه حق كل المكيفات وماستحملت قوة الكهرب ورجعوا بطوا الطوف وركبوا وايرات اصليه

[لبيبة]

..

ياجماعه مكيفات شارب روتري صار لي سنين أستخدمها
وما اشتكيت منها وتحمست أرجع أركب منها لبيت
جديد بس من كثر ما أشوف وأسمع الناس
تنصح في البستن شكيت في الموضوع !

المهم ممكن حد يشرح لنا عن الروتري شوي
عشان الواحد يستوعب شوي شالفرق ؟!

..

السلام عليكم ورحمة الله وبركاته،

تفضل راجع هذا الموضوع http://d.pr/16WNJ

وهذا الرد في موضوع آخر http://d.pr/1cXGL

[معماري قطري]

معماري قطر الفزعه يالخبير :telephone:

..

والله يا اخوي خبرتي في المكيفات بسيطة .. بس اللي اعرفه كل نوع له درجة حرارة معينة تتحمل مكينته تشتغل فيها .. وتركيب مظلات على الوحدات الخارجية شيء ضروري ويخفف حرارة الشمس المباشرة .. شركات التكييف يقولون وحداتهم مصنوعة وتتحمل ظروف الجو الخارجية بس حدها 5 سنين اللي هو وقت ضمان الكمبريسر .. وأَثناء هذا الضمان وايرات تتقطع من الحرارة والمروحة بلاستيك تتكسر وكله على حساب العميل سو تغطية وانسى فترة طويلة.

[معماري قطري]

السلام عليكم ورحمة الله وبركاته،

تفضل راجع هذا الموضوع http://d.pr/16WNJ

وهذا الرد في موضوع آخر http://d.pr/1cXGL

عليكم السلام ورحمة الله وبركاته

هذي المواضيع مهمة والمفروض يكون لها حل بحيث يكون الرجوع لها سهل .. مثل لو تنحط في قائمة خاصة تضم مواضيع البناء المتكررة واللي يستفيد منها الكل .. افتقدنا مهندس كيو بي له فترة ما يبين

[Azizuk]

عليكم السلام ورحمة الله وبركاته
هذي المواضيع مهمة والمفروض يكون لها حل بحيث يكون الرجوع لها سهل .. مثل لو تنحط في قائمة خاصة تضم مواضيع البناء المتكررة واللي يستفيد منها الكل .. افتقدنا مهندس كيو بي له فترة ما يبين


مرحبا لمعماري قطري

والله ياخوي كثير من الأعضاء صار لهم مدة مالهم حس والأ خبر فقدناهم

أتوقع طفشو من كثر تكرار المواضيع

انا معاك يامعماري المفروض على إدارة المنتدى تخصص

مواضيع عن كل جزء في مرحلة البناء

قسم تكيف.
قسم بناء
نجارة
حداده
تبليط
صبغ
مطابخ
سطح
حمامات
ديكورات

في موقع سعودي مخصص في البناء

وفي كل مرحله قبل وأثناء البناء وبعد الانتهاء

وقسم المشاريع الكبيرة ومقسم كل تخصص له بحث جميع أمور البناء

اسم الموقع للبناء فنون

http://www.llbf.com.sa/vb/index.php

[سعود.]

وهذي حسابات سعودية في ( تويتر ) فيها جميع مانحتاجة في عالم البناء

انصح بالاطلاع عليها ...


@sa1eng
@Engsclub
@m_aboaied
@Engineering23
@madkar111
@Alrubaishm
@majedmohaimeed
@ssrrr22

[Fahad Alqahtani]

الحين في فترة البناء وكل ما سالت واحد قال لي ركب جنرال وبترتاح ان شاء الله والظاهر هذا اللي بيصير

[معماري قطري]

مرحبا لمعماري قطري

والله ياخوي كثير من الأعضاء صار لهم مدة مالهم حس والأ خبر فقدناهم

أتوقع طفشو من كثر تكرار المواضيع

انا معاك يامعماري المفروض على إدارة المنتدى تخصص

مواضيع عن كل جزء في مرحلة البناء

قسم تكيف.
قسم بناء
نجارة
حداده
تبليط
صبغ
مطابخ
سطح
حمامات
ديكورات

في موقع سعودي مخصص في البناء

وفي كل مرحله قبل وأثناء البناء وبعد الانتهاء

وقسم المشاريع الكبيرة ومقسم كل تخصص له بحث جميع أمور البناء

اسم الموقع للبناء فنون

http://www.llbf.com.sa/vb/index.php

مرحبتين اخوي عبدالعزيز

هذا القسم للأَعضاء اللي يبنون أكثر أو اللي ناوين يبنون أَو مرور كرام للكثيرين وثقافة عامة

للمختصين هو نقاش مستمر ومتابعة .. بالنسبة لي أَحاول تصحيح كثير من المفاهيم الخاطئة والدجل الحاصل في هذا المجال .. والمشكلة تحصل هذا الدجل أَوقات من مختصين .. سامحوني على كلمة الدجل .. ممكن فيها شوية مبالغة لكن بعض الأَوقات ما فيه تبرير غير هالكلمة .. واحد يقول كائنات غريبة تاكل الأَسفلت .. وكثيرين يقولون الأَرض ريحت .. وناس يقولون البلاستر سيده وانت تشوفه كأَنه انتفاخ واضح.

تحصل ناس عندهم قناعات خاطئة وتحاول توضح بأَدلة من خلال خبرتك العملية ومن خلال الصور ومن خلال تجارب الآخرين ومن خلال الكتب المختصة الكثيرة ومن خلال اليوتيوب .. صحيح بعض المصادر غير موثوقة ودعائية لكن هذا سوق كبير ولازم فيه رابح وخاسر .. وما يربح الا اللي يبرز شغله بطريقة واقعية وصحيحة وباثباتات مقنعة.

الحمد لله تناقشنا مع مقاولين وتجار ومختصين وعرفناهم عن قرب وصدقني الكل يسعى للتطوير ولتصحيح المفاهيم الخاطئة .. البعض تحصله عنده قناعة بسبب سماع مهندس يعطيه معلومة معينة .. مثل الحديد المغلف بالايبوكسي كحماية له من الصدأَ .. هذا الموضوع منقسم حوله المختصين .. بالنسبة لنا في قطر وعلى الخرسانة المنتجة عندنا هذا الحديد يعتبر حل جيد .. ولبعض الدول اللي الخرسانة تكون نقية من الشوائب وخصوصاً مادة الكلور والكلوريدات وعدم نفاذية الماء للخرسانة فالحديد العادي حل مناسب .. خبر حديث يفيد بأَنه تم انتاج خرسانة مضغوطة غير منفذة للماء بطريقة البلورة ( crystalization ) وهذا حل قوي للخرسانات اللي تحت الأرض .. وين ردي مكس عندنا يسوي هذي النوعية من الخرسانة ويقول انا اضمنها 100 سنة وبدون عوازل حتى لو لحوض سباحة.

[معماري قطري]

الحين في فترة البناء وكل ما سالت واحد قال لي ركب جنرال وبترتاح ان شاء الله والظاهر هذا اللي بيصير

جنرال وفوجي زينين الا مسكتين بالنسبة للسبلت وزين تختار من البداية حتى تعرف شلون توزع المكيفات وتسوي الصرف لها .. بايبات الصرف حاول تسوي لها احتياط أو تفحص الوصلات وتتأَكد انها ملصوقة زين .. المشكلة لو سربت في الأرضية وخربت الخرسانة والديكور وانت ما تدري من وين يجي الماي.

[معماري قطري]

مرحبا لمعماري قطري

والله ياخوي كثير من الأعضاء صار لهم مدة مالهم حس والأ خبر فقدناهم

أتوقع طفشو من كثر تكرار المواضيع

انا معاك يامعماري المفروض على إدارة المنتدى تخصص

مواضيع عن كل جزء في مرحلة البناء

قسم تكيف.
قسم بناء
نجارة
حداده
تبليط
صبغ
مطابخ
سطح
حمامات
ديكورات

في موقع سعودي مخصص في البناء

وفي كل مرحله قبل وأثناء البناء وبعد الانتهاء

وقسم المشاريع الكبيرة ومقسم كل تخصص له بحث جميع أمور البناء

اسم الموقع للبناء فنون

http://www.llbf.com.sa/vb/index.php

ما قصرت يا بو سعود .. دخلت الموقع وبديت اقرا كتاب العزل الحراري .. ما شاء الله الدكتور اللي مؤلفه موضح كل اللي دوم احاول توضيحه

http://www.llbf.com.sa/vb/showthread.php?t=3053

[سعود.]

الحين في فترة البناء وكل ما سالت واحد قال لي ركب جنرال وبترتاح ان شاء الله والظاهر هذا اللي بيصير

جنرال عندهم تنزيلات حاليا

[Fahad Alqahtani]

جنرال عندهم تنزيلات حاليا
بيض الله وجهك ، بكلمهم اليوم ان شاء الله

[خزامئ]

الله يبارك للجميع
اهم شي ابعدو عن تدمر
الله لايبارك فيهم سار لنا 8 شهور من سكنا وحن ماخلصنا منهم
كل يوم خربان مكيف ولين يجي الفني. طالعه الروح
وذا جا فايه موب فاهم شي

[الوسيط العقاري]

غير فوجي لاتاخذ

[hamadazoz]

غير فوجي لاتاخذ

فوجي وين مكانة ومن وكيلة

[Azizuk]

فوجي وين مكانة ومن وكيلة


الريس

شارع الخليج مقابل مبنى المنظمة الفلسطينية سابقا وديوان المحاسبة قبل الدوار على يدك اليمين وانت متجه من دوار جسر الجيدة الى دوار شارع الريان ( المناعي ) سابقا

[بوحارب]

لاتفوتكم تنزيلات جنرال

الطنين سعره 3800

قبل الخصم كان 4300

للعلم فاتحين فرع جديد في محطة بترول الدحيل على خط الشمال
وموقع المحل على الشارع العام

[وحش الصناعات]

الريس

شارع الخليج مقابل مبنى المنظمة الفلسطينية سابقا وديوان المحاسبة قبل الدوار على يدك اليمين وانت متجه من دوار جسر الجيدة الى دوار شارع الريان ( المناعي ) سابقا

اذا حد عارف فوجي الريس وين محله اكون شاكر له مب جنرال كول لانه الريس فيه نوعين وكل نوع بمحل

[سعود.]

الريس ( فوجي )

من دوار الجيدة على شارع الخليج قبل النفق بيكون على يدك اليمين

[سعود.]

لاتفوتكم تنزيلات جنرال

الطنين سعره 3800

قبل الخصم كان 4300

للعلم فاتحين فرع جديد في محطة بترول الدحيل على خط الشمال
وموقع المحل على الشارع العام

94266

[لبيبة]

جنرال 3 طن الحين في التنزيلات سعره 5775

قبل كان 6300

[بوحارب]

94266
ترتيب


جنرال 3 طن الحين في التنزيلات سعره 5775

قبل كان 6300

والطنين ونص سعره 4800 بعد الخصم