البيت الذكي========== home automation

[wrc]

السلام عليكم ورحمة الله وبركاته
في احد يعرف شركة توفر خدمات تأسيس البيت الذكي بالدوحه وتكون الاسعار مقبوله والاخوان اللي لهم تجربة في هالمجال واسسو في منازلهم ومشكورين مقدماًًً.

[معماري قطري]

لو ما حصلت شوف استشاري جيد يجهز لك دكتات ومواصفات النظام .. موجودة أَكيد في النت بس يبي له يسوي بحث والاستشاريين المختصين كهرباء لازم بيقدرون يفيدونك حتى بالنظام المعتمد جزئياً على الطاقة الشمسية .. لو تعرف حد يشتغل في واحة العلوم أَو تتواصل معاهم بيفيدونك بعد .. وعندك شركة أَو مدينة الطاقة الشمسية وعندك المكتب الهندسي الخاص

عندي كل أَرقام الأَشخاص بس أَغلبهم مدراء وأَكيد ما يرضون أعطي حد رقمهم تواصل معاهم عن طريق رقم العمل .. حتى مشروع لوسيل وقائمة عليه شركة الديار يقدرون يفيدونك وتعرف تجربتهم

[معماري قطري]

بتقوم عندنا أَكبر منطقة لإِنتاج الطاقة الشمسية في العالم والله يوفقهم سمعت حصلت مشاكل عندهم

[ابوعسكر]

السلام عليكم ورحمة الله وبركاته
في احد يعرف شركة توفر خدمات تأسيس البيت الذكي بالدوحه وتكون الاسعار مقبوله والاخوان اللي لهم تجربة في هالمجال واسسو في منازلهم ومشكورين مقدماًًً.

plc في العزيزية مكتب - عندهم نظام اسمه vimar

[Azizuk]

انا رحت شركة تكنو كيو

وعطاني سعر خيالي قالي بيطلع عليك في حدود 150 الف

وانا ابي بس التحكم بالإضاءة والتكيف مابي البيت كله

وفي شركة ثانية فوق نابكو اللي في الغرافة جنب الجوازات

مشكلة النظام هذا معقد وخاصة في التحكم بالمكيفات

لازم تنحسب قوة كل مكيف وكم طن

رحت شركة وول اند ساوند في طريق سلوى

وعطاني حل بالنسبة لتحكم بالتكيف

في عندهم ثيرموستات دجتل تقريباً يركب على 90% من اجهزة التكيف في السوق وله برنامج تنزله على الهاتف الذكي

وتقدر تتحكم في التكيف على الأقل واتوقع التكلفة بتكون اقل بكثير من أني اتحكم بالبيت كامل

[معماري قطري]

بو سعود فيه برامج وقطع بسيطة للتحكم في هذي التجهيزات عن طريق الآي فون .. شفت اللي للإِضاءًة يبيعونه في أَمريكا وممكن ينطلب عن طريق النت.

البيت الذكي حسب حدود التكنولوجيا فيه يكلف .. عندنا أَلحين الزجاج اللي يتعتم الكترونياً من 0 شفاف 100% إِلى 100 معتم وأَسود 100% ولا تحتاج ستائر وعازلة للحرارة .. سمعت إِن الصين تنتجه بس هل ممكن ورش الزجاج عندنا يجيبونه؟

عندنا كذلك كهرباء الإٍنارة عن طريق الطاقة الشمسية وهذي سهلة ومتوفرة عند كبار موردي الاضاءة .. التسخين للمياه عن طريق الطاقة الشمسية يستخدم في الأُردن له فترة.

هناك صبغ خاص بتكنولوجيا النانو المتناهية الصغر .. هذا يطلق عطر للجو على فترة طويلة تزيد عن العشر سنوات نسيت كم بالضبط .. كذلك حجر وانترلوك معالج بنفس التكنولوجيا لشفط السموم والملوثات من الجو وتحويلها لأُوكسجين نقي .. أَصباغ خارجية قوية تغسل نفسها مع أَول رشة مطر بسهولة وتقاوم أَشعة الشمس ولا تتغير .. والكثير الكثير.

البيت الذكي والأَمن من خلال التصوير ومن خلال إِغلاق أَبواب قوية خاصة وقفلها وفتحها بالبصمة أَو بصمة العين أَو برقم سري .. كذلك مراقبة الحرارة من خلال مجسات خاصة خارجية وداخلية تراقب فعالية العزل الحراري وأَي قصور فيه وتراقب أَي اشتعال وتطلق أَجهزة الإِنذار وتتولى الاطفاء الاوتوماتيكي لمنطقة محدودة .. وهذا النظام المتطور مرتبط بكمبيوتر خاص محمي .. نظام التكييف والتهوئة مهم جداً ومرتبط بنظام العزل الحراري وقد يدخل فيه نظام امداد بالأوكسجين ونظام التحكم في الرطوبة وجعل كميتها مريحة وصحية وازالة مسببات الحساسية.

عندما نتكلم عن بيت ذكي لازم نكتفي بحدود معينة لهذا الذكاء وبحدود معينة للميزانية ونجادل الشركات المدعية بهذه المعطيات والمتطلبات وهل هناك امكانية لتوفيرها؟ وما هي طريقة توفيرها ان وجدت لديهم؟

لن أَنسى نظام الري ومراقبة جودة المياه وتنقية المياه لحدود صحية مقبولة.

في النهاية هذي الأُمور تحتاج دمج في التصميم المعماري الأَساسي منذ بدايته.

[wrc]

جزاكم الله خير يااخواني على النصح والتوضيح وتشرفت بتعليقاتكم

موضوع البيت الذكي صار ضروري للبيت وليس ترف او خساره مالها لزوم تنصرف على البيت او على الاقل استعمال خدمه او خدمتين ممكن يوفرها البيت الذكي كالاضاءه للسور والكاميرات الامنية وابواب البيت الخارجيه والتحكم بها من بعد من خلال الوايرلس او الانترنت بواسطة الموبايل وحتى التأسيس للخدمه ممكن بعد السكن من خلال الوايرلس اذا ماصار قبل البناء اضافة استخدام الالواح الشمية في الاضاءه الخارجيه على الاقل والاسعار صارت في حدود المعقول بس المطلوب الشركات اللي تنفذ وماتطلب اسعار مبالغه مع ان كل شي موجود وتقدر تشتريه من الانترنت بس تبي الشخص الفاهم للامور التقنية.

[Riku3]

في شخص قابلته وانا ازور احد الشركات وحصلته يشتغل على النظام لهم .. كان يركب جهاز استشعار وانارة للطوارىء في حال وجود اي حركة في الشركة بعد نص الليل @_@ ..

عجبتني الفكرة وجلست اتكلم معاه اذا في امكانية يتركب في البيوت وقال ما عنده مشكلة ويقدر يربطه بنظام كيمرات ومسجات ومكالمات للايفون وقالي افكار كثيرة للانارة والامن حتى وانت برع البلاد تقدر تتحكم وتشاهد كل شي @_@ ..

بس حسب ما فهمت منه ان يشتغل بنفسة وبصراحه ما اشتغلت معاه .. لو تبي رقمه قولي وبدور كرته في البيت لان ما حصلته عندي في المكتب الحين >_> .

[wrc]

في شخص قابلته وانا ازور احد الشركات وحصلته يشتغل على النظام لهم .. كان يركب جهاز استشعار وانارة للطوارىء في حال وجود اي حركة في الشركة بعد نص الليل @_@ ..

عجبتني الفكرة وجلست اتكلم معاه اذا في امكانية يتركب في البيوت وقال ما عنده مشكلة ويقدر يربطه بنظام كيمرات ومسجات ومكالمات للايفون وقالي افكار كثيرة للانارة والامن حتى وانت برع البلاد تقدر تتحكم وتشاهد كل شي @_@ ..

بس حسب ما فهمت منه ان يشتغل بنفسة وبصراحه ما اشتغلت معاه .. لو تبي رقمه قولي وبدور كرته في البيت لان ما حصلته عندي في المكتب الحين >_> .

ممكن تعطيني رقمه ولاعليك امر وجزاك الله خير

[معماري قطري]

في شخص قابلته وانا ازور احد الشركات وحصلته يشتغل على النظام لهم .. كان يركب جهاز استشعار وانارة للطوارىء في حال وجود اي حركة في الشركة بعد نص الليل @_@ ..

عجبتني الفكرة وجلست اتكلم معاه اذا في امكانية يتركب في البيوت وقال ما عنده مشكلة ويقدر يربطه بنظام كيمرات ومسجات ومكالمات للايفون وقالي افكار كثيرة للانارة والامن حتى وانت برع البلاد تقدر تتحكم وتشاهد كل شي @_@ ..

بس حسب ما فهمت منه ان يشتغل بنفسة وبصراحه ما اشتغلت معاه .. لو تبي رقمه قولي وبدور كرته في البيت لان ما حصلته عندي في المكتب الحين >_> .

أَجهزة الاستشعار فعالة بس المشكلة مر قطو مضيع الطريق تولع الليتات ولو فيه انذار المشكلة تكون أَكبر لو على توليع الليتات بس زين يخاف أَي متسلل ويشرد .. ولو تولع وتطفى بعد نص ساعة مثلاً وكشاف معين والكاميرا تصور وتكون واضحة للي داخل بيعيش في رعب وبيكون حل مناسب لو حيوان داخل الليت يبند بعد فترة ولا يبقى مشغل على طول

[اللوز]

شوف شركة سما الدوحة