قبول 850 طالباً بكارنيجي ميلون - نقصد شي ثاني

[شيخ الديرة]

الدوحة ـ الراية : أعلنت جامعة كارنيجي ميلون عن تلقي أكثر من 850 طلباً للالتحاق بفصل الخريف القادم ، وقالت الجامعه إن الطلاب الجدد ينتمون إلى أكثر من 34 جنسية من 105 مدارس ثانوية من قطر ومختلف دول العالم.

http://www.raya.com/File/GetImageCustom/61fecaf0-5298-4f87-a425-b40c96f12cf6/316/235

كلام جرايد ....

[R 7 A L]

دائماً الارقام التي تنتهي بــ ( صفر ) يسهل التلاعب بها
لذا الاغلبية لا يؤمنون بصحه هذة الأرقام .

[شيخ الديرة]

قبول 850 ؟؟ الجامعة كلها ما تسع 500

[غريب الدّار]

كلام جرايد؟
الخبر يقول تلقوا طلبات التحاق بالكلية
ماقال تم قبول 850 طلب

يعني لو الكلية تسع مثلا 100 طالب عادي ممكن يتلقون مليون طلب

وين المشكلة ؟

في النهاية قبول الطلبات راح يعتمد على سعة الكلية

ولا انا غلطان؟

[شيخ الديرة]

عنوان الخبر يقول تم قبول 850

هنا الرابط (http://www.raya.com/news/pages/0e2559b0-01bc-4a9c-ac5c-d09e805e2263)

[غريب الدّار]

عنوان الخبر يقول تم قبول 850

هنا الرابط (http://www.raya.com/news/pages/0e2559b0-01bc-4a9c-ac5c-d09e805e2263)

اها

تقصد ان في تضارب بين مضمون الخبر وعنوانه

الحين واضحة

هاذي مادري عنها ياشيخ الديرة
ولا ادري عن قصد المحرر اللي في الجريدة لما كتب هالكلام

هل كان غلطان ؟
او كان قاصد؟
او أساء الفهم مثلا؟

الله اعلم

اشكرك على توضيحك

[العقل المدمر]

معليه شكل الكاتب يبي يسوي أكشن :shy:

[LSBU]

استخفاف بعقول القراء الكاتب اكيد من بتوع الاكشن موليود يابني

[حسن]

الله يوفقهم

والف الف مبروك للطلبه

[القبطان سلفر]

الدوحة ـ الراية : أعلنت جامعة كارنيجي ميلون عن تلقي أكثر من 850 طلباً للالتحاق بفصل الخريف القادم ، وقالت الجامعه إن الطلاب الجدد ينتمون إلى أكثر من 34 جنسية من 105 مدارس ثانوية من قطر ومختلف دول العالم.

http://www.raya.com/File/GetImageCustom/61fecaf0-5298-4f87-a425-b40c96f12cf6/316/235

كلام جرايد ....



صحافتنا بعد هجر العقول المهنية لها أصبحت اضحوكه ومادة للتندر. من اهم صفات الاعلام القرب من درجة المصداقية قدر الإمكان لكسب ثقة القارئ وصحافتنا تعتقد ان العناوين المضلله هي نوع من الاثاره وجذب القارئ !

بعيدا عن شلخ الصحافه يقول الخبر ان 34 جنسية من ضمن طلبات الالتحاق فياترى كم نسبة القطريين بينهم؟ اعتقد الإجابة صادمه .

[الدوحه1]

السؤال:
ماذا قدمت المدينه التعليميه للموطنين مقابل الميزانيه الضخمه(بالمليارات)؟؟
كم عدد الخريجين القطريين مقابل الغير قطريين منذ افتتاح المدينه التعليميه؟؟
وهل يستحق هذا العدد من الخريجين القطريين هذه الميزانيه الضخمه؟؟
اليس من الافضل صرف هذا المبلغ على تطوير جامعة قطر!!!

[POINT]

السؤال:
ماذا قدمت المدينه التعليميه للموطنين مقابل الميزانيه الضخمه(بالمليارات)؟؟
كم عدد الخريجين القطريين مقابل الغير قطريين منذ افتتاح المدينه التعليميه؟؟
وهل يستحق هذا العدد من الخريجين القطريين هذه الميزانيه الضخمه؟؟
اليس من الافضل صرف هذا المبلغ على تطوير جامعة قطر!!!



و أين يقع خريجي هذة المؤسسة التعليمية في سوق العمل؟

[بوحارب]

ابي آدرس هناك كيف ؟؟؟:(

[الجـــوديّ]

^

شد حيلك :victory:

[يمامـة]

صحافتنا بعد هجر العقول المهنية لها أصبحت اضحوكه ومادة للتندر. من اهم صفات الاعلام القرب من درجة المصداقية قدر الإمكان لكسب ثقة القارئ وصحافتنا تعتقد ان العناوين المضلله هي نوع من الاثاره وجذب القارئ !

بعيدا عن شلخ الصحافه يقول الخبر ان 34 جنسية من ضمن طلبات الالتحاق فياترى كم نسبة القطريين بينهم؟ اعتقد الإجابة صادمه .

مراحب يا قبطان..

تدري شنهو الاكثر صدما؟
لو شفت الطلاب القطريين اللي يقبلونهم من المدارس المستقلة كيف هي مستوياتهم..

لما جامعات المدينة التعليمية تسهل شروط القبول للقطريين بطلب من الشيخة موزا..

لازم نعرف ان هالجامعات ما فيها شي اسمه سنة تأسيسية اول ما فتحت.. لكنها صارت عندها
ما يسمى سنة تأسيسية علشان خاطر الطالب القطري..

ولازم نعرف ان صار في شي اسمه التسجيل بشروط.. يعني الطالب ما حقق كل المتطلبات
لكنه يسمحون له انه يسجل في الجامعة ضمن شروط معينة مثل عدم الحصول على تقديرات مقبول
او عدم الرسوب في اي مادة خلال السنة الأولى..

والأدهى يا قبطان.. لما يتم قبول عيالنا ولكن عيالنا مب قدر استيعاب تواجد مثل هالجامعات فيها
فيحصلون الانذارات بالفصل او يتخرجون بمعدلات تراكمية متدنية .. يعني زين منهم انجحوا..

فشنهي فايدة قبول بنتي في هالجامعة دام ان بنتي اساسا ما اتدق سلف فيها؟

وليش بنتي مستواها في سين من الجامعات في المدينة التعليمية نازل مع انها قطرية
لكن غيرها من خريجي المدارس الهندية و شويفات ما شيين زي الفل..

فأعتقد احقاقا للحق.. ما يصير نقول ليش القطري ما ينقبل في هالجامعات
وعلشان نكون حقانيين .. لازم نشوف هالجامعات شنهي التسهيلات اللي قدمتها للطلاب القطريين
وشنهي نتايج هالطلاب في ضوء دراستهم في هالجامعات ..

كم طالب تخرج بمعدل ممتاز مع مرتبة الشرف
كم طالب تخرج بمعدل جيد جدا
كم طالب تخرج بمعدل جيد
كم طالب تخرج بمعدل مقبول
كم طالب انفصل؟
كم طالب انفصل ورجع مرة ثانية بعد تطوير نفسه؟
كم طالب دخل هالجامعات لأنه قطري واكتشف ان هالجامعات
ما تعترف بالجواز كثر ما تعترف بالمستوى العلمي للطالب..

[يمامـة]

و أين يقع خريجي هذة المؤسسة التعليمية في سوق العمل؟

اغلب الطلاب القطريين في المدينة التعليمية لهم سبونسرات تتكفل في دراستهم في هالجامعات

وبالتالي.. اغلب هالطلاب يدرسون بناء على احتياج سوق العمل لهم..

يعني القطري اللي يتخرج من هالجامعات لا تعتقد يا اخوي بوينت بيهاجر من قطر
فالشركات شبه الحكومية تبحث عنهم و تبيهم واتدورهم دوارة..

[يمامـة]

السؤال:
ماذا قدمت المدينه التعليميه للموطنين مقابل الميزانيه الضخمه(بالمليارات)؟؟
كم عدد الخريجين القطريين مقابل الغير قطريين منذ افتتاح المدينه التعليميه؟؟
وهل يستحق هذا العدد من الخريجين القطريين هذه الميزانيه الضخمه؟؟
اليس من الافضل صرف هذا المبلغ على تطوير جامعة قطر!!!



اخوي الدوحة.. اليوم لما اشوف بنتي تفشل في الجامعات هذي وهي قطرية
ما اقدر الوم هالجامعات.. الوم نفسي و التعليم اللي حصلت عليه بنتي..

لذلك من الظلم ان نطالب بدخول القطريين للجامعات هذي.. و نكرر خطأ المدارس المستقلة
بالتقليل من المعايير التعليمية حتى تستوعب هالجامعات اعداد اكبر من الطلاب القطريين..

خلوا عيالنا يدركون ان هالجامعات تحتاج الى جهود مضاعفة من التعليم..
فلو كان عندك ابن او ابنة في هالجامعات... راح تصعق من مستويات الطلاب الاجانب فيها
قياسا مع مستويات عيالنا اللي كأنها داستن موديل 76 يا دوب يدق سلف مقارنة مع فيراري موديل 2015.

[شيخ الديرة]

ابي آدرس هناك كيف ؟؟؟:(

http://araquotes.com/images/Quotes/487.jpg

[شيخ الديرة]

اخوي الدوحة.. اليوم لما اشوف بنتي تفشل في الجامعات هذي وهي قطرية
ما اقدر الوم هالجامعات.. الوم نفسي و التعليم اللي حصلت عليه بنتي..

لذلك من الظلم ان نطالب بدخول القطريين للجامعات هذي.. و نكرر خطأ المدارس المستقلة
بالتقليل من المعايير التعليمية حتى تستوعب هالجامعات اعداد اكبر من الطلاب القطريين..

خلوا عيالنا يدركون ان هالجامعات تحتاج الى جهود مضاعفة من التعليم..
فلو كان عندك ابن او ابنة في هالمدارس... راح تصعق من مستويات الطلاب الاجانب فيها
قياسا مع مستويات عيالنا اللي كأنها داستن موديل 76 يا دوب يدق سلف مقارنة مع فيراري موديل 2015.

كلام من ذهب, ولكن مع الأسف الناس تذهب للحقل يوم الحصاد فقط

[يمامـة]

كلام من ذهب, ولكن مع الأسف الناس تذهب للحقل يوم الحصاد فقط

اجزم ان اغلب الاخوان ما يعرفون اشلون الطلاب ينقبلون في جامعات المدينة التعليمية..
ويشوفون ان قبول القطري فيها حق مكتسب لمجرد انه قطري..
في الوقت ان هالجامعات تعد من الجامعات القوية نوعا ما في امريكا ولها شروط خاصة في القبول
وهالشروط علشان خاطر عيالنا القطريين تم التنازل عنها بطرح سنة تأسيسي و قبول مشروط!!

اعرف بنات تم قبولهم في هالجامعات ومع هذا فضلوا السفر الى بريطانيا بحجة ان الدراسة
في هالجامعات صعبة.. وان مستواهم ما يأهلهم للدراسة في هالجامعات..
اليوم يا اخوي ولد الشيخ مع قبول اعدااااد كبيرة من الطلاب القطريين وهالشي نشوفه
من خلال تواجد عيالنا في هالجامعات.. لازم نعدي مرحلة المطالبة بقبول عيالنا
الى مرحلة التفكير هل عيالنا كفو القبول في هالجامعات؟

شنهي الفايدة بنتي تنقبل لأنها قطرية.. لكنها ما تقدر على الدراسة في هالجامعات
وانذار وراه انذار و نتايجها من c و نازل .. ويسوون دروبات لمواد يرسبون فيها
لأنهم اساسا مب قدر انهم يدرسون في هالجامعات..

[يمامـة]

ابي آدرس هناك كيف ؟؟؟:(

لازم تكون مؤهل علميا للدراسة في هالجامعات.. يعني تكون على قدر من الوعي والفكر
اللي يخلونك تبذل جهود مضاعفة للحصول على القبول فيها.. من ايلتز و ايه سي تي..
ومن ثم ما تعتمد على محصولك العلمي من المدارس للمضي قدما في هالجامعات( المضي قدما هذي متعوب عليها)
يعني.. لو شفت عمرك مثل الاطرش في الزفة عند طلاب يخرمون التعريفة في الكلكلاس لازم تقعد يوميا ما لا يقل
عن ساعتين في دراسة اساسيات وطريقة حل المسائل علشان تقدر تبتسم ما بينهم..

ولا بيقبضونك الطريق للبيت من اوسع ابوابه.. :"(

[النهار]

ابي آدرس هناك كيف ؟؟؟:(

تبي تدرس ووووين في كارنيجي ميلون اذا في الاطلنطي مافلحت هههههههه

[POINT]

مراحب يا قبطان..

تدري شنهو الاكثر صدما؟
لو شفت الطلاب القطريين اللي يقبلونهم من المدارس المستقلة كيف هي مستوياتهم..

لما جامعات المدينة التعليمية تسهل شروط القبول للقطريين بطلب من الشيخة موزا..

لازم نعرف ان هالجامعات ما فيها شي اسمه سنة تأسيسية اول ما فتحت.. لكنها صارت عندها
ما يسمى سنة تأسيسية علشان خاطر الطالب القطري..

ولازم نعرف ان صار في شي اسمه التسجيل بشروط.. يعني الطالب ما حقق كل المتطلبات
لكنه يسمحون له انه يسجل في الجامعة ضمن شروط معينة مثل عدم الحصول على تقديرات مقبول
او عدم الرسوب في اي مادة خلال السنة الأولى..

والأدهى يا قبطان.. لما يتم قبول عيالنا ولكن عيالنا مب قدر استيعاب تواجد مثل هالجامعات فيها
فيحصلون الانذارات بالفصل او يتخرجون بمعدلات تراكمية متدنية .. يعني زين منهم انجحوا..

فشنهي فايدة قبول بنتي في هالجامعة دام ان بنتي اساسا ما اتدق سلف فيها؟

وليش بنتي مستواها في سين من الجامعات في المدينة التعليمية نازل مع انها قطرية
لكن غيرها من خريجي المدارس الهندية و شويفات ما شيين زي الفل..

فأعتقد احقاقا للحق.. ما يصير نقول ليش القطري ما ينقبل في هالجامعات
وعلشان نكون حقانيين .. لازم نشوف هالجامعات شنهي التسهيلات اللي قدمتها للطلاب القطريين
وشنهي نتايج هالطلاب في ضوء دراستهم في هالجامعات ..

كم طالب تخرج بمعدل ممتاز مع مرتبة الشرف
كم طالب تخرج بمعدل جيد جدا
كم طالب تخرج بمعدل جيد
كم طالب تخرج بمعدل مقبول
كم طالب انفصل؟
كم طالب انفصل ورجع مرة ثانية بعد تطوير نفسه؟
كم طالب دخل هالجامعات لأنه قطري واكتشف ان هالجامعات
ما تعترف بالجواز كثر ما تعترف بالمستوى العلمي للطالب..

كلهم يتعاملون معاملة وحدة في سوق العمل، لايوجد اي تميز
برامج التوظيف وحدة و معايير تقييم القدرات وحدة تتطبق عالمتفوق وعالي نجح بالدز مثل التطعيم!

لي حبتك عيني ماضامك الدهر...
خريج المقبول ولي مايدري وين الله حاطه ممكن يقفز قفزات فالسلم الوظيفي مايوصل لها نابغة زمانة!

ولهذة الأسباب اختي يمامة التميز العلمي والذكاء قد يكون نقمة على صاحبه ويحال للأرشيف... فا اترك ابنك او ابنتك في دهاليز الغباء لمستقبل مشرق و ضمان عدم تخوف صناع القرار منهم...

[يمامـة]

كلهم يتعاملون معاملة وحدة في سوق العمل، لايوجد اي تميز
برامج التوظيف وحدة و معايير تقييم القدرات وحدة تتطبق عالمتفوق وعالي نجح بالدز مثل التطعيم!

لي حبتك عيني ماضامك الدهر...
خريج المقبول ولي مايدري وين الله حاطه ممكن يقفز قفزات فالسلم الوظيفي مايوصل لها نابغة زمانة!

ولهذة الأسباب اختي يمامة التميز العلمي والذكاء قد يكون نعمة على صاحبة ويحال للأرشيف...

اها يعني تبي تقول انهم في الاخير حالهم واحد سواء تخرج من المدينة التعليمية او من جامعة في بيته
وان ما في شي يميز خريج هالجامعات؟

في نقطة جدا مهمة.. ان على سبيل المثال خريجي هالجامعات مقبولين في اسواق العمل خارج البلاد..
وهذي ميزة قد ما يحتاجها القطري.. ولكنه يحتاجها الاجنبي..

لذلك.. اليوم الطالب اللي يتخرج من جامعة كارنيجي ميلون تخصص كمبيوتر ساينس مثلا
ينقال له واااو.. وان كان بمعدل مقبول مقابل طالب متخرج من جامعة قطر بمعدل جيد جدا..

اما ايش اللي يميزهم في سوق العمل.. اهنيه احنا بحاجة الى تحفيزات تشجع الطلاب
على العمل للحصول على مقاعد في هالجامعات والتخرج بمعدلات مرتفعة حتى يحصلوا على مميزات
سواء تخرجوا من جامعة قطر او جامعات المدينة التعليمية..
فقضية الواسطة هذي نقطة ما اقدر انكرها.. لكن بعد يبقى للواحد بينه وبين نفسه
فخره انه تخرج من جامعات مرموقة وبتقادير عالية..

[بوحارب]

^

شد حيلك :victory:

وين أشد حيلي

واليمامة والنهار وشيخ ديرتنا حطموني كذا :(

[نوفا91]

تبي تدرس ووووين في كارنيجي ميلون اذا في الاطلنطي مافلحت هههههههه

جايب هالقساوه منيين ههههههههههههههه

بوحارب كثر كرك وان شاء الله خير

[الجـــوديّ]

أي اتصدق صادني اكتئاب حاد ..:/

مايدرون ان فيه ناس تلعب لعب في الصعب ويخلون السهل لغيرهم :tease:

[شيخ الديرة]

وين أشد حيلي

واليمامة والنهار وشيخ ديرتنا حطموني كذا :(

تهمة ظالمة, انا ذكرت وما استعصى على قوم منال, واقصد بذلك شد حيلك وجيب اللي في بالك

[MaRuKoO]

اخوي الدوحة.. اليوم لما اشوف بنتي تفشل في الجامعات هذي وهي قطرية
ما اقدر الوم هالجامعات.. الوم نفسي و التعليم اللي حصلت عليه بنتي..

لذلك من الظلم ان نطالب بدخول القطريين للجامعات هذي.. و نكرر خطأ المدارس المستقلة
بالتقليل من المعايير التعليمية حتى تستوعب هالجامعات اعداد اكبر من الطلاب القطريين..

خلوا عيالنا يدركون ان هالجامعات تحتاج الى جهود مضاعفة من التعليم..
فلو كان عندك ابن او ابنة في هالجامعات... راح تصعق من مستويات الطلاب الاجانب فيها
قياسا مع مستويات عيالنا اللي كأنها داستن موديل 76 يا دوب يدق سلف مقارنة مع فيراري موديل 2015.

صدقتي
المصيبه يا اختي انه احنا كاولياء امور جدد نبي عيالنا يتأسسون صح عشان يوصلون للجامعه بمستوى عالي يوصلهم للدارسه فيها لكن حتى الصغارمش قادرين نلحق عليهم !!!
1
لما يكون الطفل من صغره محروم ومرفوض ومحارب من دخول روض وابتدائيات المدينه التعليميه وتاسس فمستقله شلون بينجح؟
2
لما يكون خياره الوحيد المدارس المستقله واصلا هي عبارة عن نظام فاشل هذا الي خلانا كأهل نتزاحم على المدارس الخاصه ومدارس المدينه وبعدها التحق بجامعه المدينه مع التاسيس الفاشل للمستقلة شلون بينجح؟
3
لما بعد حرب وضرب نعل ومضارب ومذلة من موظفات القبول (الغير قطريات) دخل وتاسس صح بناتنا احنا نحتاج لهم مدراس منفصله عن الاولاد بدئاً من مرحلة معينه يعني مصيرنا نطلعهم وممكن فالجامعه نرجع ندخلهم مع هالتخبط والضيم والظلايم الي بتشوفه شلون بتنجح ؟


اتمنى ينشأون فالمدينة التعليميه مدارس وروض خاصة بالقطريين فقط دام انا موب قادرين ندخلهم مع باقي الناس ودام انه موب قادرين نحصل كراسي واحنا من اول الناس المسجلين

الي معور قلبي انه
مدارس المدينه التعليميه يحببون الطفل والطالب فالدراسه
وطرق التعليم عندهم فوووق الممتازة
ومستوى المدرسين عندهم فووووق الممتاز في جميع المراحل
لكن عيالنا مو قادرين يدخلون

[يمامـة]

صدقتي
المصيبه يا اختي انه احنا كاولياء امور جدد نبي عيالنا يتأسسون صح عشان يوصلون للجامعه بمستوى عالي يوصلهم للدارسه فيها لكن حتى الصغارمش قادرين نلحق عليهم !!!
1
لما يكون الطفل من صغره محروم ومرفوض ومحارب من دخول روض وابتدائيات المدينه التعليميه وتاسس فمستقله شلون بينجح؟
2
لما يكون خياره الوحيد المدارس المستقله واصلا هي عبارة عن نظام فاشل هذا الي خلانا كأهل نتزاحم على المدارس الخاصه ومدارس المدينه وبعدها التحق بجامعه المدينه مع التاسيس الفاشل للمستقلة شلون بينجح؟
3
لما بعد حرب وضرب نعل ومضارب ومذلة من موظفات القبول (الغير قطريات) دخل وتاسس صح بناتنا احنا نحتاج لهم مدراس منفصله عن الاولاد بدئاً من مرحلة معينه يعني مصيرنا نطلعهم وممكن فالجامعه نرجع ندخلهم مع هالتخبط والضيم والظلايم الي بتشوفه شلون بتنجح ؟


اتمنى ينشأون فالمدينة التعليميه مدارس وروض خاصة بالقطريين فقط دام انا موب قادرين ندخلهم مع باقي الناس ودام انه موب قادرين نحصل كراسي واحنا من اول الناس المسجلين

الي معور قلبي انه
مدارس المدينه التعليميه يحببون الطفل والطالب فالدراسه
وطرق التعليم عندهم فوووق الممتازة
ومستوى المدرسين عندهم فووووق الممتاز في جميع المراحل
لكن عيالنا مو قادرين يدخلون

واللي يعور القلب أكثر ان مخرجات المدارس المستقلة مب ( خرج) التسجيل في هالجامعات..

فلاحظي اشقد الدولة تصرف على التعليم.. وفي الاخير الطلاب مب مؤسسين صح للدخول للجامعات هذي..

[شيخ الديرة]

واللي يعور القلب أكثر ان مخرجات المدارس المستقلة مب ( خرج) التسجيل في هالجامعات..

فلاحظي اشقد الدولة تصرف على التعليم.. وفي الاخير الطلاب مب مؤسسين صح للدخول للجامعات هذي..

من أول مشاركاتي في هذا المنتدى المبارك, طرحت تحديا للمدارس وللمجلس الأعلى وهو ان يكون معيار نجاحهم السنوي هو احصائيات قبول الطلاب في الجامعات المرموقة, ومنها جامعات المدينة التعليمية.

[R 7 A L]

واللي يعور القلب أكثر ان مخرجات المدارس المستقلة مب ( خرج) التسجيل في هالجامعات..

فلاحظي اشقد الدولة تصرف على التعليم.. وفي الاخير الطلاب مب مؤسسين صح للدخول للجامعات هذي..

ليش انحمل المدارس والطاقم التعليمي اللوم وكلنا يعرف الخلل من وين ؟

[: بوحمود :]

على فكره الجامعه مصخره والدراسه فيها يالله بالخير [emoji42][emoji42][emoji42] يعني عادي نسبتك 50% مقبول وانت تظحك قرقش مخباك


أرسلت بواسطة iPhone بإستخدام Tapatalk

[الاعرابي]

العنوان مضلل يجب محاسبة الكاتب اذا كان هذا فعلا هو العنوان

[القبطان سلفر]

مراحب يا قبطان..

تدري شنهو الاكثر صدما؟
لو شفت الطلاب القطريين اللي يقبلونهم من المدارس المستقلة كيف هي مستوياتهم..

لما جامعات المدينة التعليمية تسهل شروط القبول للقطريين بطلب من الشيخة موزا..

لازم نعرف ان هالجامعات ما فيها شي اسمه سنة تأسيسية اول ما فتحت.. لكنها صارت عندها
ما يسمى سنة تأسيسية علشان خاطر الطالب القطري..

ولازم نعرف ان صار في شي اسمه التسجيل بشروط.. يعني الطالب ما حقق كل المتطلبات
لكنه يسمحون له انه يسجل في الجامعة ضمن شروط معينة مثل عدم الحصول على تقديرات مقبول
او عدم الرسوب في اي مادة خلال السنة الأولى..

والأدهى يا قبطان.. لما يتم قبول عيالنا ولكن عيالنا مب قدر استيعاب تواجد مثل هالجامعات فيها
فيحصلون الانذارات بالفصل او يتخرجون بمعدلات تراكمية متدنية .. يعني زين منهم انجحوا..
فشنهي فايدة قبول بنتي في هالجامعة دام ان بنتي اساسا ما اتدق سلف فيها؟

وليش بنتي مستواها في سين من الجامعات في المدينة التعليمية نازل مع انها قطرية
لكن غيرها من خريجي المدارس الهندية و شويفات ما شيين زي الفل..

فأعتقد احقاقا للحق.. ما يصير نقول ليش القطري ما ينقبل في هالجامعات
وعلشان نكون حقانيين .. لازم نشوف هالجامعات شنهي التسهيلات اللي قدمتها للطلاب القطريين
وشنهي نتايج هالطلاب في ضوء دراستهم في هالجامعات ..

كم طالب تخرج بمعدل ممتاز مع مرتبة الشرف
كم طالب تخرج بمعدل جيد جدا
كم طالب تخرج بمعدل جيد
كم طالب تخرج بمعدل مقبول
كم طالب انفصل؟
كم طالب انفصل ورجع مرة ثانية بعد تطوير نفسه؟
كم طالب دخل هالجامعات لأنه قطري واكتشف ان هالجامعات
ما تعترف بالجواز كثر ما تعترف بالمستوى العلمي للطالب..



هلا يمامه

المشكله يمامه ان نوعية هذه الجامعات لا تصلح لمجتمعاتنا في وقت انشاءها .......... لماذا ؟

الجامعات التي في المدينه التعليميه جامعات عريقه ولها متطلبات معينه (وهذا حقها ) وهذه الاستحقاقات لا توجد في مخرجات التعليم القديم( حتى بداية الالفية ) لذلك من البديهي ان لا يتم اجتياز الطلاب القطريين وقبولهم في هذه الجامعات على اعتبار انهم لا تنطبق عليم الاسس والمعايير المطلوبه . لذلك كان المستفيد الاكبر هم ابناء الجاليه الاجنبيه سواء عرب ام اجانب لانهم في ذلك الوقت هم الاغلبيه المتمتعه بالتعليم الخاص الاعلى مستوى من التعليم الحكومي الذي كان بمثابة حقل تجارب فاشله على الطلاب القطريين المغلوب على امرهم الا من رحمه ربي وادخل ابناءه المدراس الخاصه وطبعا هم القلة في ذلك ؟

وحتى في الجيل الحالي لا تزال النتائج غير مرضيه من الناحية التعلميه لتتوافق مع اسس ومعايير الجامعات في المدينه التعليميه برغم ساسية الدز التي تمارس على القطريين حتى يتعلبقون في الجامعه !

اصلاح التعليم الحكومي هو الحل لتنتج اجيال قادره على مسايرة نظم التعليم الحديث ومتطلباته غير ذلك يصبح الامر كمن ينفخ في جربه مبطوطه .

[شيخ الديرة]

.
.
.
.
الجامعات التي في المدينه التعليميه جامعات عريقه ولها متطلبات معينه (وهذا حقها ) وهذه الاستحقاقات لا توجد في مخرجات التعليم القديم( حتى بداية الالفية ) لذلك من البديهي ان لا يتم اجتياز الطلاب القطريين وقبولهم في هذه الجامعات على اعتبار انهم لا تنطبق عليم الاسس والمعايير المطلوبه . لذلك كان المستفيد الاكبر هم ابناء الجاليه الاجنبيه سواء عرب ام اجانب لانهم في ذلك الوقت هم الاغلبيه المتمتعه بالتعليم الخاص الاعلى مستوى من التعليم الحكومي الذي كان بمثابة حقل تجارب فاشله على الطلاب القطريين المغلوب على امرهم الا من رحمه ربي وادخل ابناءه المدراس الخاصه وطبعا هم القلة في ذلك ؟
.
.


الطاقة الأستيعابية لكل الجامعات الموجودة في الدولة لم تتماشى مع الزيادة السكانية, بغض النظر عن جنسية الطالب او المدارس التي درس بها قبل الجامعة. والحقيقة ان هذا يسبب القلق لأبناءالجاليات بصورة اكبر, وفي نفس الوقت يعتبر هدر لفرص استثمارية في مجال المؤسسات التعليمية الخاصة ذات الصفة الربحية. فكما شجع المجلس الأعلى على فتح مدارس دولية مثل الشيربورن وديباكي وغيرها, حان الوقت لتشجيع دخول جامعات خاصة او أهلية والأفضل ان تكون فروع لجامعات عربية تلتزم بمعايير النوعية بحيث لا تقل مخرجاتها عن معايير جامعة قطر وبأسعار لا تزيد عن أسعار الجامعة الأم مع تسهيلات حكومية من الضرائب وغيرها ..

أعرف الكثير من زملائي ومن جنسيات مختلفة يفتحون كل ما وفروه من شغلهم في قطر لكي يصرفوه في دول أخرى على مؤسسات جامعية يمكن ان نشبهها بأكشاك شهادات, ولكنا معترف بها على مستوى الدولة والعالم. لا شك عندي ان المستثمرين في القطاع الخاص في دولة قطر يمكن ان يستفيدوا من هذه الفرص وابقاء هذه الأموال داخل الدولة.

أما ما ذكره الأخ القبطان أعلاه بخصوص المستفيد الأكبر, فانني لا أرى كيف وصل الى هذا الاستنتاج, لأن هناك نسبة لا بأس بها من طلاب المستقلة في جامعات المدينة التعليمية, ويمكن للمهتمين في الموضوع على مستوى البحوث أن يقوموا بدراسة تحليلية او حتى أحصائية لتحديد العوامل المشتركة عند هؤلاء الطلاب ومحاولة تنمية هذه العوامل للجيل القادم.

[شيخ الديرة]

واللي يعور القلب أكثر ان مخرجات المدارس المستقلة مب ( خرج) التسجيل في هالجامعات..

فلاحظي اشقد الدولة تصرف على التعليم.. وفي الاخير الطلاب مب مؤسسين صح للدخول للجامعات هذي..

وأقتباس من موضوع أخر يقول


وخصوصا هالايام صايره موضه الاهل يتباهون باسامي مدارس عيالهم، يقولك انا مدخل ولدي المدرسه الفلانيه وتلاقي الياهل ضايع مايعرف شسالفه والاهل نفس الحاله!! لا واذا الولد اشتكى من صعوبه الدراسه ومحتاج احد يساعده على طول يحطونله مدرسيين !!*
الحل لهالمشكله: اذا الام والاب خاطرهم عيالهم يدرسون بمدارس خاصه لازم يكونون على قدر من المسؤوليه يعني يتابعوا اولادهم ويكونو على اطلاع دائم بالمناهج والمواضيع اللي الطفل يدرسها
او عندهم المدارس المستقله ورحم الله امرء عرف قدر نفسه!

[طبيب قطري]

مااوافقكم الرأي ابدا .. اولا انا من زماااان درست بمدارس عربي عاديه مب مستقله ولاخاصه ولله الحمد دخلت ارقى جامعه بره كبعثه من وزارك التربيه لان بهالوقت ماكان في جامعات المدينه التعليميه ، وايضا معظم اقاربي وعيال عمى قطريين ايضا دخلوا جامعات المدينه التعليميه بعد برنامج الجسر الاكاديمي ، يعني الموضوع ماله علاقه باضطهاد القطريين رجاء كافي هالشماعه اللي كل ماصار شي قالو مضطهدين القطريين خصوصا جامعات المدينه التعليميه ومدارسها انا اشهد ان الاولويه للقطريين ..
اللي مب قادريين يدخلون جامعات ومدارس المدينه التعليميه بكل بساطه اما ان شروط القبول ماتنطبق عليهم او ان هم فاشليين اكاديميا ، وانتهى !

[غريب الدّار]

رجاء كافي هالشماعه اللي كل ماصار شي قالو مضطهدين القطريين خصوصا جامعات المدينه التعليميه ومدارسها انا اشهد ان الاولويه للقطريين ..
اللي مب قادريين يدخلون جامعات ومدارس المدينه التعليميه بكل بساطه اما ان شروط القبول ماتنطبق عليهم او ان هم فاشليين اكاديميا ، وانتهى !

في أعمق أعماق الصميم
:nice:

[حسن]

مااوافقكم الرأي ابدا .. اولا انا من زماااان درست بمدارس عربي عاديه مب مستقله ولاخاصه ولله الحمد دخلت ارقى جامعه بره كبعثه من وزارك التربيه لان بهالوقت ماكان في جامعات المدينه التعليميه ، وايضا معظم اقاربي وعيال عمى قطريين ايضا دخلوا جامعات المدينه التعليميه بعد برنامج الجسر الاكاديمي ، يعني الموضوع ماله علاقه باضطهاد القطريين رجاء كافي هالشماعه اللي كل ماصار شي قالو مضطهدين القطريين خصوصا جامعات المدينه التعليميه ومدارسها انا اشهد ان الاولويه للقطريين ..
اللي مب قادريين يدخلون جامعات ومدارس المدينه التعليميه بكل بساطه اما ان شروط القبول ماتنطبق عليهم او ان هم فاشليين اكاديميا ، وانتهى !

اؤيد كلامك ياطبيب
فعلا

ويكون في علمك حتى جامعه قطر ان اشوف مخرجاتها في بعض الاختصاصات
جدا قويه والله انه بتفوق على خريج الجامعات الاوربيه
الفرق بينهم لغه فقط

[غريب الدّار]

ويكون في علمك حتى جامعه قطر ان اشوف مخرجاتها في بعض الاختصاصات
جدا قويه والله انه بتفوق على خريج الجامعات الاوربيه
الفرق بينهم لغه فقط

ايه بالله صدقت ياحسن

هذا واقع
وواقع ملحوظ

وبعض الناس لما تقول لهم هالكلام ، بيقولون لك : انت مطبل!!

وهم نفسهم يقولون : عقدة الأجانب

ههههههههههههههههههه
طيب انتوا اللي رافعين الأجانب

شر البلية مايضحك

[حسن]

ايه بالله صدقت ياحسن

هذا واقع
وواقع ملحوظ

وبعض الناس لما تقول لهم هالكلام ، بيقولون لك : انت مطبل!!

وهم نفسهم يقولون : عقدة الأجانب

ههههههههههههههههههه
طيب انتوا اللي رافعين الأجانب

شر البلية مايضحك

انا عبر عن راي وعن الواقع وماعلي من يفهم كلامي خطاء هذا مشكلته هو


مخرجات جامعه قطر وبقياده الدكتوره الفاضله
شيخه المسند

نقلت جامعه قطر الى مستوى جدا عالي

الله يوفقها ان شاء الله

هذولا الناس المخلصين للوطن ارفع لها العقال


:victory:

[ضوى]

بنتي قدمت في كارنيجي ميلون عبط وقبلوها ، وطنشتهم ولين اليوم يطرشون ايميلات عشان تستكمل اجراءات التسجيل والحمد لله هي مستقرة في جامعة قطر ، انا اشوف اجراءات التسجيل في الجامعات التعليمية اسهل من جامعة قطر والله المستعان

[شيخ الديرة]

بنتي قدمت في كارنيجي ميلون عبط وقبلوها ، وطنشتهم ولين اليوم يطرشون ايميلات عشان تستكمل اجراءات التسجيل والحمد لله هي مستقرة في جامعة قطر ، انا اشوف اجراءات التسجيل في الجامعات التعليمية اسهل من جامعة قطر والله المستعان

تصريح خطير, نرجع نناقش الموضوع من الأول لأن هذه المعلومة قلبت قواعد اللعبة رأسا على عقب

[غريب الدّار]

تصريح خطير, نرجع نناقش الموضوع من الأول لأن هذه المعلومة قلبت قواعد اللعبة رأسا على عقب

انا اشوفه شي عادي ياشيخ الديرة
لو جامعة قطر إجراءات التسجيل فيها سهلة كان كل من استعبط بيسجل فيها

اكو فد شي مو طبيعي :)

[شيخ الديرة]

انا اشوفه شي عادي ياشيخ الديرة
لو جامعة قطر إجراءات التسجيل فيها سهلة كان كل من (استعبط) بيسجل فيها

اكو فد شي مو طبيعي :)

لم نتطرق الى الأجراءات كونها صعبة او سهلة, الحوار يدور حول متطلبات القبول الأكاديمية والمستوى النوعي للطلاب المقبولين في جامعات المدينة التعليمية

[غريب الدّار]

لم نتطرق الى الأجراءات كونها صعبة او سهلة, الحوار يدور حول متطلبات القبول الأكاديمية والمستوى النوعي للطلاب المقبولين في جامعات المدينة التعليمية

بس انا علقت على تعليقك طال عمرك

:)
وكل جامعة لها معايير قبول معينة ياشيخ الديرة

[حسن]

انا اشوفه شي عادي ياشيخ الديرة
لو جامعة قطر إجراءات التسجيل فيها سهلة كان كل من (استعبط) بيسجل فيها

اكو فد شي مو طبيعي :)

وهذا هو المطلوب ليستقيم الامر
ماشفت حد ذم في جامعه قطر الى كان ضعيف جدا
المفروض ان تكون هناك معاهد اخري تقبلهم لان هذا ابن الوطن مافلح في الجامعه يجب ان اوفر له بديل
واعتقد كليه المجتمع كانت هي البديل

باقولك شي فرش

ولد عمي جاي من امريكا من فتره يقولي تعال شوف الدراسه كيف فوضى
يقول البعض يشتري المواد بالفلوس واستغرب كيف هندسه ويتخرج ب 3 سنوات وهو مايعرف يطلب له
طلب من البتزا
!!!
يقول للاسف مافي رقابه من التعليم لمتابعتهم ومتابعته جامعاتهم
هل هي معترف فيها لوا غش
يذكرني
بطلاب جامعه بيروت يجيك يوم الامتحان وقبل ساعتين يقرا له كم كلمه والنتيجه ناجح
وخصوصا القانون والاداره

:omg:

يخرب بيتكم هذا قانون واداره بوزتو البلد ياقدعان من مخرجات الغش
زين اللي تلاحقت على عمرها وزاره التربيه والتعدين على الوضع واكتشفت الامر

:omg:

[أم محمد 90]

هههههااااي .,

مشكله ؟

[حمد 2002]

انا من خريجين جامعه قطر ،،


حمد 2002

[غريب الدّار]

هههههااااي .,

مشكله ؟
ومشكلة كبيرة بعد

[أم محمد 90]

بنتي قدمت في كارنيجي ميلون عبط وقبلوها ، وطنشتهم ولين اليوم يطرشون ايميلات عشان تستكمل اجراءات التسجيل والحمد لله هي مستقرة في جامعة قطر ، انا اشوف اجراءات التسجيل في الجامعات التعليمية اسهل من جامعة قطر والله المستعان

مستحيل ؟ ! من صجج !!؟

شي غريب اعرف بنات مستواهم عاااااااااااااااااااااالي ومستوفين الشروط ومانقبلوا

[حسن]

انا من خريجين جامعه قطر ،،


حمد 2002

كفو عليك

زاد
اشوفك فلته وماشاء الله عليك قوه ذكاء وبديه وكتبت لك اني اتنباء لك بمنصب قيادي
في المستقبل

ترا حاسب من ولود يدور الفريج اللي فيه يخت

:nice:

لا تقول اني سربت لك المعلومه تحمل

:telephone:

[حمد 2002]

كفو عليك

زاد
اشوفك فلته وماشاء الله عليك قوه ذكاء وبديه وكتبت لك اني اتنباء لك بمنصب قيادي
في المستقبل

ترا حاسب من ولود يدور الفريج اللي فيه يخت

:nice:

لا تقول اني سربت لك المعلومه تحمل

:telephone:

بوعلي بقولك شيء ،،

الكفو من جابك طال عمرك ،،


بوعلي اتصدق في هذا الزمن البعض يبحث عن الشهادات العليا كبرستيج فقط ؟


مارايك في هذا الموضوع ،،

[ضوى]

تصريح خطير, نرجع نناقش الموضوع من الأول لأن هذه المعلومة قلبت قواعد اللعبة رأسا على عقب

هذا اللي صار
اجراءات الكارنيجي سهلة ولانه بنتي اساسا مستوفية للمتطلبات كلموها ، جامعة قطر مب انها سهلة ولا انها صعبة بس شوي معقدة لانها بنظري اقوى بمراحل من الجامعات التعليمية

[ضوى]

مستحيل ؟ ! من صجج !!؟

شي غريب اعرف بنات مستواهم عاااااااااااااااااااااالي ومستوفين الشروط ومانقبلوا

اربعه عندي في الكارنيجي وماشاء الله انقبلوا بدون تعقيدات يمكن لانه مستواهم عالي

[حسن]

بوعلي بقولك شيء ،،

الكفو من جابك طال عمرك ،،


بوعلي اتصدق في هذا الزمن البعض يبحث عن الشهادات العليا كبرستيج فقط ؟


مارايك في هذا الموضوع ،،

شوف يا حمد

اكيد فيه لكل بضاعه لها شراي ووسوقي

البعض يحملها برستيج والبعض يخدع اخرين بهرو بها والبعض مخلص لله مع نفسه والوطن

شكراياحمد

[القبطان سلفر]

أما ما ذكره الأخ القبطان أعلاه بخصوص المستفيد الأكبر, فانني لا أرى كيف وصل الى هذا الاستنتاج, لأن هناك نسبة لا بأس بها من طلاب المستقلة في جامعات المدينة التعليمية, ويمكن للمهتمين في الموضوع على مستوى البحوث أن يقوموا بدراسة تحليلية او حتى أحصائية لتحديد العوامل المشتركة عند هؤلاء الطلاب ومحاولة تنمية هذه العوامل للجيل القادم.



هلا شيخ الديره

انا لم اصل لهذا الاستنتاج لانني لم اتطرق له من الأصل !

انا أشرت لمخرجات التعليم قبل تطور التعليم ودخول المدارس المستقله وليس بعدها .



الجامعات التي في المدينه التعليميه جامعات عريقه ولها متطلبات معينه (وهذا حقها ) وهذه الاستحقاقات لا توجد في مخرجات التعليم القديم( حتى بداية الالفية ) لذلك من البديهي ان لا يتم اجتياز الطلاب القطريين وقبولهم في هذه الجامعات على اعتبار انهم لا تنطبق عليهم الاسس والمعايير المطلوبه . .

[يمامـة]

ليش انحمل المدارس والطاقم التعليمي اللوم وكلنا يعرف الخلل من وين ؟

وين الخلل؟

افتحوا مدارس علمية للمتفوقين في قطر.. الكل قام يصرخ يبي عياله في هالمدارس
فراحوا وافتحوا لنا مدارس مستقلة تمشي على نهج المدارس العلمية.. واكتشفوا ان العالم
مب مستوعبين المناهج لأنها باللغة الانجليزية..
فراح نزلوا المعايير والعبوا في حسبة المناهج علشان الضعيف يستوعب المنهج
والقوي يضيع لأنه ما عاد يهم انه يصير قوي دام ان الضعيف بدأ يستوعب المنهج.

فكانت النتيجة مخرجات تعليمية ضعيفة جدا .. واللي تلاحق على عياله بمدرسين خاصيين او سحبهم
من المستقلات وتم ورا عياله هم اللي فازوا..

فاليوم هل مخرجات المدارس الحكومية تؤهل الطلاب للقبول في جامعات المدينة التعليمية؟
اتكلم بعد الغاء الدراسة باللغة الانجليزية.. فمن هو اللي فرصته تكون أكبر
اللي يدرس في المدارس الاجنبية ولا الحكومية؟ واترك لك الاجابة..

[يمامـة]

على فكره الجامعه مصخره والدراسه فيها يالله بالخير [emoji42][emoji42][emoji42] يعني عادي نسبتك 50% مقبول وانت تظحك قرقش مخباك


أرسلت بواسطة iPhone بإستخدام Tapatalk

اعتقد المشاركة هذه غير مسؤولة ابدا..

غلط نكتب لمجرد الكتابة وغلط انألف كلام لمجرد تشويه السمعة..

على أي اساس نقول ان جامعة كارنيجي ميلون مصخرة والدراسة الله بالخير؟
وقرقش مخباك وتنقبل وانت نسبتك 50%

طيب قرقرش مخباه وانقبل .. هل طموح الواحد انه ينقبل ولا يتخرج من هالجامعات؟

فاشلون ممكن واحد يتخرج من هالجامعات لمجرد انه قدر يقرقرش مخباه؟

كم دكتور بيقرقش مخباه علشانه لين يتخرج؟

[يمامـة]

من أول مشاركاتي في هذا المنتدى المبارك, طرحت تحديا للمدارس وللمجلس الأعلى وهو ان يكون معيار نجاحهم السنوي هو احصائيات قبول الطلاب في الجامعات المرموقة, ومنها جامعات المدينة التعليمية.

اليوم بعد فتح باب القبول بشروط,, و سنة التأسيسي.. ما اعتقد من الحكمة ان نعول على عدد القبول من اول سنة يا اخوي شيخ الديرة..
لان القبول المشروط.. الغى شروط قبول أخرى ما كانت هالجامعات تستنغى عنها كما انهم تركوا المقابلة الشخصية خياري للطالب
واللي اصلا كان احد اسباب رفض كثيرين من الطلاب وان كانوا محققين الشروط..

فاليوم لازم ندرك ان جامعات المدينة التعليمية فيها
* الطلاب اللي يحققون الشروط ويدخلون سنة اولى في التخصصاات
* الطلاب اللي ما يحققون الشروط ويقبلونهم بقبول مشروط انهم ما يرسبون في اي مادة
والجي بي ايه يكون بنسبة معينة.

[يمامـة]

هلا يمامه

المشكله يمامه ان نوعية هذه الجامعات لا تصلح لمجتمعاتنا في وقت انشاءها .......... لماذا ؟

الجامعات التي في المدينه التعليميه جامعات عريقه ولها متطلبات معينه (وهذا حقها ) وهذه الاستحقاقات لا توجد في مخرجات التعليم القديم( حتى بداية الالفية ) لذلك من البديهي ان لا يتم اجتياز الطلاب القطريين وقبولهم في هذه الجامعات على اعتبار انهم لا تنطبق عليم الاسس والمعايير المطلوبه . لذلك كان المستفيد الاكبر هم ابناء الجاليه الاجنبيه سواء عرب ام اجانب لانهم في ذلك الوقت هم الاغلبيه المتمتعه بالتعليم الخاص الاعلى مستوى من التعليم الحكومي الذي كان بمثابة حقل تجارب فاشله على الطلاب القطريين المغلوب على امرهم الا من رحمه ربي وادخل ابناءه المدراس الخاصه وطبعا هم القلة في ذلك ؟

وحتى في الجيل الحالي لا تزال النتائج غير مرضيه من الناحية التعلميه لتتوافق مع اسس ومعايير الجامعات في المدينه التعليميه برغم ساسية الدز التي تمارس على القطريين حتى يتعلبقون في الجامعه !

اصلاح التعليم الحكومي هو الحل لتنتج اجيال قادره على مسايرة نظم التعليم الحديث ومتطلباته غير ذلك يصبح الامر كمن ينفخ في جربه مبطوطه .

اهلين يا قبطان..
احنا اليوم في وقت غير عن وقت انشاء هالجامعات.. بدليل تزايد اعداد الطلاب القطريين في هالجامعات
ما بين طلاب اكملوا مسيرتهم وطلاب ما زالوا يدرسون وطلاب دشوا وما اقدروا يكملون تعليمهم..

ايام المستقلات وشروط الايلتز والايه سي تي.. لما كانت متطلبات لجامعة قطر.. كان هناك اهتمام كبير
من الوياء الامور على حث عيالهم للحصول على هالمتطلبات.. وبما انهم بيضطرون يحصلون عليها فمن باب اولى
انهم يحصلون عليها ويسجلون في جامعات المدينة التعليمية..


وما نقدر ننكر ان الطلاب في المدارس الاجنبية سواء كانوا قطريين او اجانب كانوا هم الافضل بحكم تمكنهم من اللغة اولا
ومن ثم سهولة التعامل مع المناهج الصعبة نوعا ما..

لكن في وقتنا الراهن وتحويل جميييييع المدارس الحكومية الى تعليم ما يرتكز على اسس قوية وكل الطلاب يدرسون نفس المنهج
وبنفس العايير.. اعتقد بنرجع لنقطة الصفر وان هالجامعات بتصتصعب على القطريين في المدارس المتخرجين من المدارس الحكومية
وراح تبقى نقطة الافضلية للطلاب في المدارس الاجنبية سواء كانوا قطريين او لا..

وعلشان نحل هالمشكلة :
* نطالب بتعليم متنوع في كل مدرسة حكومية بمعنى:

كل مدرسة حكويمة تصنف طلابها حسب قدراتهم و ورغبة اهاليهم في نوعيى تعليمهم
فاللي يبي عياله يدرسون مناهج ذات جودة عالية من الصعوبة فلابد ان يتم توفير فصول لهم.
ومن يود ان يدرسوا ابناءه الاساسيات مع اضافة ما يفيده لتسيير حياته العلمية له ذلك..
لان من الخطأ ان يتعلم الجميع نفس المنهج وبنفس المعايير وبنفس اللغة دون تنوع في لغات التعليم!!

[يمامـة]

وأقتباس من موضوع أخر يقول



اهم نقطة في مسيرة تعليم اي طفل ان ما نهمل دور المنزل..

فالاقتباس الجميل لاخونا طبيب قطري.. في موضوع الطفل اللي استنجد بالمسيح لأنه ما عرف يقرأ قرآن
ما هو الا دليل عن انفصال الطفل عن بيئته المسلمة.. فقد يكون للخادمة دور في ذلك.. وقد يكون للمدرسة دور في ذلك..
وفي طل الاحوال راح نرجع الى نقطة اهمية دور الاسرة في حياة الطالب!!

فاليوم ما تهمني اسم المدرسة كثر ما يهمني مدى استيعاب ابني للمنهج او قدرته على فهم المنهج..
عيالنا في الجامعات ونحط لهم مدرسين علشان يسهلون لهم اللي ما يعرفونه؟

عيالنا في مدارس اجنبية رجعنا نحط لهم مدرسين يأسسونه مصح في اللغة الانجليزية..
فمب معناة ان ولدي في مدرسة انجليزية ويعرف يتكلم انجليزي فهو بيكون متفوق في هاللغة كتابة و محادثة واستماع وغيره!!

لذلك نقول عيالنا نتاج اهتمامنا فيهم.. اما غير ذلك ما يصير نلوم العالم كله وفي الاخير احنا ما ندري عنهم!!

[يمامـة]

اؤيد كلامك ياطبيب
فعلا

ويكون في علمك حتى جامعه قطر ان اشوف مخرجاتها في بعض الاختصاصات
جدا قويه والله انه بتفوق على خريج الجامعات الاوربيه
الفرق بينهم لغه فقط

من قال مخرجات جامعة قطر مب زينة؟

في تخصصات جامعة قطر لها سمعتها في مخرجاتها.. ولكن تبقى دائما وابدا الجامعات العالمية
اكثر سمعة وافضل عند حمل الشهادات منها..

[يمامـة]

بنتي قدمت في كارنيجي ميلون عبط وقبلوها ، وطنشتهم ولين اليوم يطرشون ايميلات عشان تستكمل اجراءات التسجيل والحمد لله هي مستقرة في جامعة قطر ، انا اشوف اجراءات التسجيل في الجامعات التعليمية اسهل من جامعة قطر والله المستعان

ما اقدر اخفي انصعاقي من مشاركتج يا ضوى لعدة اسباب واسمحي لي ابينها في نقاط:

ما يصير اقارن ما بين متطلبات جامعة قطر في الصيدلة بمتطلبات جامعة كارنيجي ميلون اللي اتدرس نظم ومعلومات وعلوم حاسب وبزنس

فعلشان نكون منصفين المقارنة المفروض تكون ما بين الصيدلة ان وجدت في جامعة كورنيل و الصيدلة في جامعة قطر..

لأن القطري اللي ينرفض في جامعة كارنيجي ميلون راح تقبله جامعة قطر بكل سهولة
لعدة اسباب:
1- جامعة قطر تُدرس التخصصات الموجود في كارنيجي باللغة العربية وبالتالي الطالب اللي ما عنده ايلتز او ينرفض
لأنه الايلتز عنده ضعيف تفتح له جامعة قطر احضانها بكل حب.
2- الطالب اللي يبي يضمن له كرسي في كارنيجي من غير ما يسمى سنة تأسيسي و سنة غير تأسيسي عليه
ان يكون الافضل. اشلون يكون الافضل.
بنتج الله يحفظها لو قدمت لكارنيجي وقدمت بنتي معاها وهناك كرسي واحد الاختيار راح يكون للافضل
اللي حققوا المعايير.. فبنتج يايبة 7.5 في الايلتز وبنتي يايبة 6 اهنيه بنتج افضل..
بنتي عندها ساعات عمل ودورات لكن بنتج عندها ساعات عمل و دورات ومشاركات في فعاليات خدمية في الدولة
اهينه بنتج افضل..

ثنتينهم اطلبوا مقابلات شخصية.. لكن بنتج كانت اكثر ثقة بنفسها وهي تتكلم عن سبب اختيارها للجامعة وعن
طموحها ورؤيتها الخاصة لمستقبل بلادها.. اهنيه بنتج افضل..

لكن نقارن ما بين متطلبات تخصصات في كليات مختلفة ونقول جامعة قطر فيها تعقيدات هذا مع كاامل احترامي
وتقديري لج حكم غير منطقي ابدا..

فاجراءات التسجيل في جامعات المدينة التعليمية حسب خبرتي من خلال تواجد اثنين من عيالي فيها
وفشل اثنين بعد في القبول فيها.. اقول انها مب سهلة ابدا وتحتاج الى جهد كبير جدا.. فاللي استحوا من عيالي
يقدمون اوراقهم لجامعات المدينة التعليمية لعلمهم بالمتطلبات.. اقبلتهم جامعة قطر بكل حب وتقدير..
الاول قال ما بي اكمل في جامعة قطر وراح وسافر وتخرج من برع.. والثاني قال ما بي جامعة قطر وعينه على مهنة ثانية..

[يمامـة]

تصريح خطير, نرجع نناقش الموضوع من الأول لأن هذه المعلومة قلبت قواعد اللعبة رأسا على عقب

بالفعل تصريح خطير جدا.. وياليت نشوف على اي اساس ضوى قالت ان اجراءات التسجيل في الجامعات التعليمية اسهل من جامعة قطر
وانا كنت العام مع بنتي استوفت شروط القبول في سنة اولى في جامعة قطر تخصص الهندسة ,, لكن كان عليها علشان تضمن
كرسي في جامعتين من المدينة التعليمية انها ترفع من سكورها في الايلتز والايه سي تي!!

طيب حصلت بنتي قبول في جامعة وحدة وكان قبولها مشروط مثلا .. صديقتها حصلت قبول في جامعتين لكنها
ما كان قبولها مشروط.. في الحالتين هناك موعد لحجز الكرسي في الجامعتين واي طالب ما يقوم بدفع رسوم
حجز الكرسي يفقد الفرصة هذي ..

وايضا حتى بعد دفع حجز الكرسي و بعد ان تتم اجراءات التسجيل بعد الحصول على الموافقة هناك فترة زمنية
محددة اذا ما أكد الطالب انه راح يسجل في الجامعة يشطب اسمه,, ويتم وضع غيره من الطلاب اللي ينتظرون دورهم..

[الدوحه1]

لازلت انتظر الرد على سؤالي:
هل "المدينه التعليميه" قدمت للوطن مايستحق مقابل المليارات اللي انصرفت عليها منذ التأسيس والميزانيه السنويه والتي تتجاوز ميزانية جامعة قطر؟؟؟
اليس جامعة قطر اولى بهذه المليارات؟؟؟

كم عدد القطريين اللي تخرجوا من "المدينه التعليميه"؟؟؟

[يمامـة]

اربعه عندي في الكارنيجي وماشاء الله انقبلوا بدون تعقيدات يمكن لانه مستواهم عالي

هذا انتي قلتي يا ضوى اربعة تعرفينهم انقبلوا في كارنجي لان مستوياتهم عالية..
في حين اعرف اللي انقبلوا في جامعة قطر بنفس تخصصات كارنجي ومستوياتهم مب عالية
حتى في اللي فشل في الجسر الاكاديمي وهو يدرس ليفل 2 مب 4 حتى ..

فقضية ان جامعة قطر اقوى بمراحل من جامعات المدينة التعليمية.. هالشي ما اقدر افتي فيه وانا في مكاني هذا
قد تكون وجهة نظرج صحيحة بخصوص ان الدراسة في جامعة قطر اقوى بمراحل من جامعات المدينة التعليمية..

لكن في الاخير الطالب أين يضع نصب عينه وحلمه في اي من الجامعات علشان يتخرج منها؟

ومن ثم في سوق العمل النظرة لأي من الخريجين وشهادة الجامعة اللي يحملها تكون افضل؟

الاجابة على مثل هالاسئلة نتركها لعيالنا هم اللي يحددونها

فخريج هندسة جامعة قطر وخريج هندسة تكساس .........> من هو المرغوب اكثر
وخريج ادارة واقتصاد من جامعة قطر و خريج البزنس في كارنجي منهو اللي العين على شهادته
خريج ماجستير في الدراسات الاسلامية من جامعة قطر و اخر من كلية الدراسات الاسلامية في المدينة التعليمية
من هو اللي له سمعة أكبر..

تصنيف جامعات المدينة التعليمية .. وتصنيف جامعة قطر

خريج جامعات المدينة التعليمية شهادته وين بيعترفون فيها؟
وخريج جامعة قطر شهادته وين بيعترفون فيها؟

[يمامـة]

لازلت انتظر الرد على سؤالي:
هل "المدينه التعليميه" قدمت للوطن مايستحق مقابل المليارات اللي انصرفت عليها منذ التأسيس والميزانيه السنويه والتي تتجاوز ميزانية جامعة قطر؟؟؟
اليس جامعة قطر اولى بهذه المليارات؟؟؟

كم عدد القطريين اللي تخرجوا من "المدينه التعليميه"؟؟؟



لا لم تقدم ولن تقدم مقابل الاموال الطائلة اللي انصرفت عليها..

وهل جامعة قطر اولى.. نقول نعم اولى بشرط ان تطور هالجامعة ويتطور النظام فيها
والطالب يحس انه طالب مب طرار في اروقتها..

وحتى ذلك الحين.. ما يصير نقلل من مكانة جامعات المدينة التعليمية.. لأنها في الاخير ما هي الا فروع لجامعات عريقة
العالم يتمنون عيالهم يدرسون فيها..

فلو بنركز على جامعة قطر فقط.. المفروض حتى الطلاب اللي يبتعثون للخارج نوفر فلوس ابتعاثهم و اندرسهم في البلاد
ونصرف هالفلوس على جامعة قطر..

[يمامـة]

بوعلي بقولك شيء ،،

الكفو من جابك طال عمرك ،،


بوعلي اتصدق في هذا الزمن البعض يبحث عن الشهادات العليا كبرستيج فقط ؟


مارايك في هذا الموضوع ،،

اسمح لي اجاوب بدل عن بوعلي ..لانه راح يحدق..

الله يسلمك في يوم من الايام كانت شهادة الابتدائية شي خورااافي عند الاميين..

وعقب صارت الاعدادية ضرب من ضروب التطور الاعجازاي في حياة الانسان..
ولما وصلنا وشفنا اللي خذوا الثانوية العامة بدا الانسان يتحول في شكله في لحظة وحدة:secret:

ومع التطور العلمي.. صار حاامل الشهادة الجامعية حالها حال حامل شهادة الاعدادية
لأن اليوم هناك الدكاترة والاساتذة والبروفسورية( على الله كتبتها صح):shy: فشنهو يعني
شهادة جامعية في وسط هالناس؟

فاهلا وسهلا بمثل هالشهادات وان كان البحث عنها كبرستيج.. في الاخير الحصول عليها بتعب وجهد
في صالح من تعب عليها ماديا و معنويا و وظيفيا و كل شي و كل شي و كل شي و ك....

وشكرا لكم..

[شيخ الديرة]

.
.
.
بوعلي اتصدق في هذا الزمن البعض يبحث عن الشهادات العليا كبرستيج فقط ؟
.
.


صعبة شوي, لكن منك كلشي مقبول
دخول الجو الجامعي يجعل راسك يكبر وجمجمتك تتفطر, لما تشوف الناس وين والعالم وين وحرام تضيع الفرص لناس أقل منك
الدراسة في الجامعة حتى لو بدون النية للعمل بالشهادة هي توسيع للأفاق وفتح العيون لما يجري حواليك

[: بوحمود :]

اعتقد المشاركة هذه غير مسؤولة ابدا..

غلط نكتب لمجرد الكتابة وغلط انألف كلام لمجرد تشويه السمعة..

على أي اساس نقول ان جامعة كارنيجي ميلون مصخرة والدراسة الله بالخير؟
وقرقش مخباك وتنقبل وانت نسبتك 50%

طيب قرقرش مخباه وانقبل .. هل طموح الواحد انه ينقبل ولا يتخرج من هالجامعات؟

فاشلون ممكن واحد يتخرج من هالجامعات لمجرد انه قدر يقرقرش مخباه؟

كم دكتور بيقرقش مخباه علشانه لين يتخرج؟

على اي اساس تغلطين كلامي ؟ وعلى اي اساس تقولين ان الي ذكرته تاليف ورداًعلى سؤالج في ان الدراسه فيها مصخره ،،، انا سجلت فيها كورس وطلعت لان رسومها غاليه ومصلحجيه الى ابعد من الخيال ونسبتي 57
بعدين ليش تعتبرين الي كتبته تشويه ؟
،،،اذا انتي صارت لج مواقف ايجابيه معاهم غيرج لا
طموحي اني اخلص بكالاريوس بالتخصص الي ابيه وبمجهودي [emoji5]️


أرسلت بواسطة iPhone بإستخدام Tapatalk

[شيخ الديرة]

على اي اساس تغلطين كلامي ؟ وعلى اي اساس تقولين ان الي ذكرته تاليف ورداًعلى سؤالج في ان الدراسه فيها مصخره ،،، انا سجلت فيها كورس وطلعت لان رسومها غاليه ومصلحجيه الى ابعد من الخيال ونسبتي 57
بعدين ليش تعتبرين الي كتبته تشويه ؟
،،،اذا انتي صارت لج مواقف ايجابيه معاهم غيرج لا
طموحي اني اخلص بكالاريوس بالتخصص الي ابيه وبمجهودي [emoji5]ï¸ڈ


أرسلت بواسطة iPhone بإستخدام Tapatalk

نتمنالك التوفيق الدائم, لكن لو كنت توضح تجربتك بتفاصيل اكثر حتى نفهم اسباب موقفك هذا.

هل أخذت كورس منفصل ام هو كورس ضمن قبول في برنامج اكاديمي؟

[: بوحمود :]

الله يجزاك خير ،،،،
الموضوع موب محتاج تفاصيل ،،، رسومها السنويه 150000 ومايهمهم نسبة الثانويه والتفاصيل الثانيه افضل احتفظ فيها اسمح لي ياشيخ الديره
بس ارجع واقول الجامعه مستواها دااااون بغض النضر عن اسمها


أرسلت بواسطة iPhone بإستخدام Tapatalk

[طبيب قطري]

اهم نقطة في مسيرة تعليم اي طفل ان ما نهمل دور المنزل..

فالاقتباس الجميل لاخونا طبيب قطري.. في موضوع الطفل اللي استنجد بالمسيح لأنه ما عرف يقرأ قرآن
ما هو الا دليل عن انفصال الطفل عن بيئته المسلمة.. فقد يكون للخادمة دور في ذلك.. وقد يكون للمدرسة دور في ذلك..
وفي طل الاحوال راح نرجع الى نقطة اهمية دور الاسرة في حياة الطالب!!

فاليوم ما تهمني اسم المدرسة كثر ما يهمني مدى استيعاب ابني للمنهج او قدرته على فهم المنهج..
عيالنا في الجامعات ونحط لهم مدرسين علشان يسهلون لهم اللي ما يعرفونه؟

عيالنا في مدارس اجنبية رجعنا نحط لهم مدرسين يأسسونه مصح في اللغة الانجليزية..
فمب معناة ان ولدي في مدرسة انجليزية ويعرف يتكلم انجليزي فهو بيكون متفوق في هاللغة كتابة و محادثة واستماع وغيره!!

لذلك نقول عيالنا نتاج اهتمامنا فيهم.. اما غير ذلك ما يصير نلوم العالم كله وفي الاخير احنا ما ندري عنهم!!

الاب والام وخصوصا الام اذا اهتمت واشرفت بنفسها من البدايه على تربية ابناءها ومذاكرة دروسهم وتقويتهم راح يطلعون الابناء مستعدين لمواجهه كافة التحديات باذن الله وماراح ينخاف عليهم من العومله الحاصله هالايام والفكر الاجنبي ، ماراح يتعبون بالبحث عن القبول في جامعه او مدرسه بل بالعكس الجامعات والمدارس هي اللي بتتمنى وجود هالطلاب المتفوقين..
الله يوفق عيالنا لما فيه الخير..

[ضوى]

يمامتي الحبيبة ، شيخ الديرة

انا قلت كلامي بناء على تجارب لبنتي ومعارف ، اللي يبي كارنيجي او حدا جامعات المدينة التعليمية يدل طريجه واللي يبي جامعه قطر يدل طريجه وفي النهاية اللي زرع وقت الدراسة بيحصد بيوم الجامعة سواء هنا والا برع والا باي مكان في الدنيا انت شنو تبي المهم طموحك وقدراتك وامكانياتك

[شيخ الديرة]

يمامتي الحبيبة ، شيخ الديرة

انا قلت كلامي بناء على تجارب لبنتي ومعارف ، اللي يبي كارنيجي او حدا جامعات المدينة التعليمية يدل طريجه واللي يبي جامعه قطر يدل طريجه وفي النهاية اللي زرع وقت الدراسة بيحصد بيوم الجامعة سواء هنا والا برع والا باي مكان في الدنيا انت شنو تبي المهم طموحك وقدراتك وامكانياتك

وهذا ما نريد, حوار مبني على تجربة وليس حوار افتراضي. لحد الأن استفدنا من الحوار ان النظرية القديمة التي تقول ان جامعات المدينة التعليمية صعب دخولها طلعت غلط, لأن طالبة قدمت عبط وانقبلت, وطالب نسبته 57 بالثانوي وانقبل ويؤكد ان نسبة الثانوية ما تهمهم. كذلك استفدنا ان كلاهما راحو جامعات أخرى لان ما عجبتهم الجامعة. وهذا يفتح المزيد من الأسئلة. أعرف طالب ناوي يروح بعد السنة القادمة الى كارنيجي قطر, ولكن لحد الأن الحوار لم يبين محاسن ومساوئ الدراسة هناك, عن تجربة.

[ضوى]

اخوي شيخ الديرة ، بنتي قدمت عبط لانها عارفة سلفاً اني مارح ارضى تدرس بجامعة مختلطة وفيه بديل ممتاز ، هي كانت تبي تشوف شنو ممكن يصير معاها ، جامعة قطر احترمها جدا كعلم وككادر دراسي وتخصصها جميل جدا فيه تطوير وفيه تجديد الحمد لله رب العالمين ، وللعلم الدراسة صعبة ابدا مب سهلة تعاني معاناه كبيرة

[شيخ الديرة]

أمريكا ماهي جامعة واحدة ولا وزارة تعليم واحدة ولا نظام واحد ولا متطلبات قبول موحدة, خذوها من واحد دارس هناك.

ليبقى الحوار على الجامعة الأمريكية اللي هنا بالدوحة, بلييز :shy:

[يمامـة]

على اي اساس تغلطين كلامي ؟ وعلى اي اساس تقولين ان الي ذكرته تاليف ورداًعلى سؤالج في ان الدراسه فيها مصخره ،،، انا سجلت فيها كورس وطلعت لان رسومها غاليه ومصلحجيه الى ابعد من الخيال ونسبتي 57
بعدين ليش تعتبرين الي كتبته تشويه ؟
،،،اذا انتي صارت لج مواقف ايجابيه معاهم غيرج لا
طموحي اني اخلص بكالاريوس بالتخصص الي ابيه وبمجهودي [emoji5]


أرسلت بواسطة iPhone بإستخدام Tapatalk

ما بيني وبينك شي علشان اغلط كلامك.. فأنا امام خيارين لا ثالث لهم..

يا أغلط نفسي و واقع متطلبات القبول في جامعات المدينة التعليمية او اغلطك..
وفي مثل هالحالات مب من الحكمة اغلط المجموعة واطلع فرد واحد فقط هو الصح..

ومع هذا مع كامل احترامي و تقديري لك حالتك استثنائية فقبولك لأنك عندك57% فقط مب قاعدة عامة في هالجامعات..
وما ذكرت لنا اذا عندك متطلبات القبول او لا.. او انت اصلا انظلمت في النسبة لأنك كنت تدرس
في مدارس اجنبية وحولت على الحكومي وما تعرف تتعامل مع مناهج باللغة العربية او.. او..

لأني اعرف صديق ولدي نسبته كانت 75% وانقبل بعد المقابلة الشخصية في تكساس
والسبب انه اصلا عنده ايه سي تي و ايلتز ولكن سبب دراسته السنة الاخيرة في مدارس حكومية نزلت نسبته..

فهناك حالات قد يتم قبولها كحالات استثنائية مراعاة للظروف اللي مر فيها الطالب.. مب لأنه عنده فلوس
يقدر يدفعها.. لأن هالكلام اقول لك اياها وبكل ثقة كلام عار من الصحة..
فكل طالب بيسجل في احد جامعات المدينة التعليمية راح يدرس بفلوس.. يعني مافي طالب راح يدرس ببلاش..

فلما يتم رفض طلاب نسبهم 90 و 91 ويقبلون واحد نسبته 57% لأنه يقول قرقرش فلوسك بيقبلونك
اعتقد هالشي منافي للواقع تماما.. لأني كجامعة راح افضل بو 90 و 91 كأقل تقدير نسبته تشفع له..

و فوق هذا تستهزئ بالدراسة في هالجامعات وانت اللي على قولتك ما كملت سنة فيها..

بينما حضرتي اتكلم عن تجارب من هم حولي.. اللي حطوا عيونهم على هالجامعات وهم عندهم
اللي بيدفع لهم رسوم الدراسة فيها.. لكنهم يدركون تمام الادراك ان الافضلية للي محقق اعلى المتطلبات المطلوبة.

تبيني اقول لك كلامك صحيح.. عطني كامل تفاصيل قصتك علشان اقتنع.. لكن بتكتب لي خطوط مبهمة ما تدخل العقل
مضطرة ما اجاملك ابدا.. لأن كلامك بالشكل الحالي منافي للواقع اللي شفته وعاينته سواء لعيالي اللي ما حققوا المطلوب
للقبول.. او اللي حققوا المطلوب في القبول.................> وما كانت الفلوس هي المشكلة لأن اثنين منهم كانوا عندهم سبونسرات
اللي ناطرة قبول الجامعة لهم..

فهالجامعات لمعلوماتك فقط.. ما تسئلك عند تقديم اوراقك من بيدفع لك؟

الجامعات هذي تطالب بمتطالباتها وتدخل في سباق مع طلاب اخرين للحصول على مقاعد فيها..
واذا لقيت لك كرسي.. حزتها تروح تبحث لك عن اللي يكفل لك تعليمك.. سواء كان المجلس الاعلى للتعليم
او الشركات شبه الحكومية او الخاصة او تمويل شخصي..

فمستحيل اقتنع انهم اقبولك وانت بنسبة 57% من غير ما تكون عندك المتطلبات او لأن عندك فلوس بتدفع رسوم الدراسة فيها.

ما ابي اخدع اولياء الأمور في المنتدى ولا ابي اخدع طلابنا اللي يتابعون لو كانوا يتمنون يلتحقون في هالجامعات..

لأن كلامك وان كنت انت صادق في كل حرف كتبته.. الا إنك مب قاعدة اساسية .. ومستعدة اروح معاك
لين الجامعة واسأل عن صحة كلامك واشلون اقبلوك وانت 57% في حين تم رفض بنات نسبهم 91 و 80!!

[يمامـة]

الاب والام وخصوصا الام اذا اهتمت واشرفت بنفسها من البدايه على تربية ابناءها ومذاكرة دروسهم وتقويتهم راح يطلعون الابناء مستعدين لمواجهه كافة التحديات باذن الله وماراح ينخاف عليهم من العومله الحاصله هالايام والفكر الاجنبي ، ماراح يتعبون بالبحث عن القبول في جامعه او مدرسه بل بالعكس الجامعات والمدارس هي اللي بتتمنى وجود هالطلاب المتفوقين..
الله يوفق عيالنا لما فيه الخير..

كلامك صحيح وما نقدر نقول انه ضرب من ضروب الخيال..

فبعد التوفيق من رب العالمين يكون دور البيت كبير في تهيئة الابناء للدراسة والتحصيل العلمي..
دايما نقول الطالب المتفوق المدارس و الجامعات تفتخر فيه وتتجمل فيه انه تخرج منها..

اما الطالب من فئة السياحة التعليمية هذا يخرب على نفسه وعلى سمعة أي جامعة يسجل فيها.
وعندي نموذج في البيت كان يذم الجامعة الفلانية والجامعة العلانية وكل الجامعات مب زينة عنده .. لأن شلة الانس
واللعب يصفون مواد بعد لعب طول السنة في الجامعة.. لكن لما تفركشوا بقدرة قادر.. تغير الوضع
وبدأ يستوعب ان الجامعة بتكون زينة للي زين وبتكون شينة للشي شين.. وان ترتيبات وتصنيف الجامعات
امر مب لعب يهال .. فاللي يدخل كلية المجتمع مب مثل اللي يدخل جامعة قطر.. واللي يحصل قبول في هارفارد مب
مثل اللي يحصل قبول في كلية القانون في جامعة قطر..

والله يوفقهم جميعا يارب

[: بوحمود :]

ما بيني وبينك شي علشان اغلط كلامك.. فأنا امام خيارين لا ثالث لهم..

يا أغلط نفسي و واقع متطلبات القبول في جامعات المدينة التعليمية او اغلطك..
وفي مثل هالحالات مب من الحكمة اغلط المجموعة واطلع فرد واحد فقط هو الصح..

ومع هذا مع كامل احترامي و تقديري لك حالتك استثنائية فقبولك لأنك عندك57% فقط مب قاعدة عامة في هالجامعات..
وما ذكرت لنا اذا عندك متطلبات القبول او لا.. او انت اصلا انظلمت في النسبة لأنك كنت تدرس
في مدارس اجنبية وحولت على الحكومي وما تعرف تتعامل مع مناهج باللغة العربية او.. او..

لأني اعرف صديق ولدي نسبته كانت 75% وانقبل بعد المقابلة الشخصية في تكساس
والسبب انه اصلا عنده ايه سي تي و ايلتز ولكن سبب دراسته السنة الاخيرة في مدارس حكومية نزلت نسبته..

فهناك حالات قد يتم قبولها كحالات استثنائية مراعاة للظروف اللي مر فيها الطالب.. مب لأنه عنده فلوس
يقدر يدفعها.. لأن هالكلام اقول لك اياها وبكل ثقة كلام عار من الصحة..
فكل طالب بيسجل في احد جامعات المدينة التعليمية راح يدرس بفلوس.. يعني مافي طالب راح يدرس ببلاش..

فلما يتم رفض طلاب نسبهم 90 و 91 ويقبلون واحد نسبته 57% لأنه يقول قرقرش فلوسك بيقبلونك
اعتقد هالشي منافي للواقع تماما.. لأني كجامعة راح افضل بو 90 و 91 كأقل تقدير نسبته تشفع له..

و فوق هذا تستهزئ بالدراسة في هالجامعات وانت اللي على قولتك ما كملت سنة فيها..

بينما حضرتي اتكلم عن تجارب من هم حولي.. اللي حطوا عيونهم على هالجامعات وهم عندهم
اللي بيدفع لهم رسوم الدراسة فيها.. لكنهم يدركون تمام الادراك ان الافضلية للي محقق اعلى المتطلبات المطلوبة.

تبيني اقول لك كلامك صحيح.. عطني كامل تفاصيل قصتك علشان اقتنع.. لكن بتكتب لي خطوط مبهمة ما تدخل العقل
مضطرة ما اجاملك ابدا.. لأن كلامك بالشكل الحالي منافي للواقع اللي شفته وعاينته سواء لعيالي اللي ما حققوا المطلوب
للقبول.. او اللي حققوا المطلوب في القبول.................> وما كانت الفلوس هي المشكلة لأن اثنين منهم كانوا عندهم سبونسرات
اللي ناطرة قبول الجامعة لهم..

فهالجامعات لمعلوماتك فقط.. ما تسئلك عند تقديم اوراقك من بيدفع لك؟

الجامعات هذي تطالب بمتطالباتها وتدخل في سباق مع طلاب اخرين للحصول على مقاعد فيها..
واذا لقيت لك كرسي.. حزتها تروح تبحث لك عن اللي يكفل لك تعليمك.. سواء كان المجلس الاعلى للتعليم
او الشركات شبه الحكومية او الخاصة او تمويل شخصي..

فمستحيل اقتنع انهم اقبولك وانت بنسبة 57% من غير ما تكون عندك المتطلبات او لأن عندك فلوس بتدفع رسوم الدراسة فيها.

ما ابي اخدع اولياء الأمور في المنتدى ولا ابي اخدع طلابنا اللي يتابعون لو كانوا يتمنون يلتحقون في هالجامعات..

لأن كلامك وان كنت انت صادق في كل حرف كتبته.. الا إنك مب قاعدة اساسية .. ومستعدة اروح معاك
لين الجامعة واسأل عن صحة كلامك واشلون اقبلوك وانت 57% في حين تم رفض بنات نسبهم 91 و 80!!

هذا انتي قلتيها بلسانج مستحيل يقبلوني الا اذا عندي متطلبات القبول ، متطلبات القبول الحين اي واحد يقدر ياخذها او يدرسها في الجامعه وبعد يدفع عليها وانا لو مو مسافر وادرس في بريطانيا والحمدلله ،، كان رحت معاج
زبدة الكلام ان نسبة الثانويه مالها اي قيمه انا والمتفوق واحد في هالجامعه


أرسلت بواسطة iPhone بإستخدام Tapatalk

[يمامـة]

يمامتي الحبيبة ، شيخ الديرة

انا قلت كلامي بناء على تجارب لبنتي ومعارف ، اللي يبي كارنيجي او حدا جامعات المدينة التعليمية يدل طريجه واللي يبي جامعه قطر يدل طريجه وفي النهاية اللي زرع وقت الدراسة بيحصد بيوم الجامعة سواء هنا والا برع والا باي مكان في الدنيا انت شنو تبي المهم طموحك وقدراتك وامكانياتك

مساء الخيرات يا ضوى..

صحيح كلامج وما اختلف فيه وياج .. بس للامانة كنت منصعقة من مشاركتج لأن قد تُفهم من البعض ان شروط القبول في جامعات المدينة التعليمية فيها عبط بحيث ان ضوى تقول بنتي قدمت عبط واقبلوها.. في حين ااقول وعن تجربة بنتي كافحت وحاولت ان تكون لها الافضلية انها تنقبل وكانت حاملة هم القبول لأننا ندرك ان متطلبات القبول في المدينة التعليمية تحتاج الى مجهود والاستمرار في الدراسة في هالجامعات تحتاج مجهود مضاعف مثلها مثل جامعة قطر ايضا..

واسمحي لي ومن خلال ردي على مشاركتج اوضح نقاط مهمة تحدث من بداية التسجيل الى القبول في هالجامعات ..هناك عدة خطوات لابد ان تتم حتى يتم قبول اي طالب.... وهناك فرق ما بين القبول وما بين فتح باب التسجيل في الجامعة...وهناك ايضا فرق ما بين عرض التسجيل في الجامعة و المطالبة باكمال التسجيل في الجامعة.. وهناك فرق ما بين المطالبة بالرد على قبول الموافقة او من الاعلان عن فتح ابواب القبول في الجامعة..


فلربما بنتج الله يحفظها عندها ايلتز وعندها اي سي تي وعندها كل المتطلبات المطلوبة للقبول وهذا ما يمنع انهم يقبلونها.. وهي لما قدمت ما كان ينقصها شي ابدا.. او انها قدمت وكانت الافضل قياسا مع اللي مقدمين معاها..او انها ينطبق عليها القبول المشروط.. واللي اساسا ما كان موجود قبل ولكن استحدث لاستقطاب اعداد اكبر من الطلاب القطريين بتوجيهات من الشيخة موزا.

الا ان في الوقت نفسه التسجيل في هالجامعات يكون لفترة معينة وتقديم الاوراق يكون له زمن محدد ومن ثم يتم تسجيل تقديم طلب الالتحاق في الجامعة بدفع رسوم.. فكل كلية لها رسوم تقديم طلب الالتحاق فيها.. وبعده تتم دراسة طلبات التقديم والمفاضلة ما بينهم.. ومن ثم يتم ارسال خطابات الموافقة للطلاب.
وهالطلاب عندهم زمن محدد يقولون نعم او لا للدراسة في هالجامعة .. فهناك طلاب يقدمون على 3 جامعات وينقبلون في الثلاث لأنهم يمتلكون كل مقومات القبول اللي تبحث عنها هالجامعات وتتشرف بوجود مثل هالطلاب فيها..

ولكن هل هالجامعات بتنتظر هالطلاب الى ما شاء الله وبتم تركض وراهم تعالوا سجلوا عندنا؟

طبعا لا.. لأن هناك ما يعرف ب dead line فـ الديدلاين بعد له انواع
أنواع الديدلاين :
- ديدلاين لتعبئة الابليكيشن
- ديدلاين لارسال المتطلبات للجامعة والتسجيل فيها
- ديدلاين للرد على القبول لأن في طلاب ثانين ينتظرون الموافقة في حال رفض الطلاب اللي تم قبولهم..

وكل هذا عاينته و عشته لحظة بلحظة مع بنتي .. وعشت معاها لحظة اختيارها لجامعة على حساب جامعة ثانية وعشت معاها زعلها لأن صديقتها تمت اسبوع كامل ما حصلت القبول ولا في اي جامعة.. وبعد مرور اسبوع حصلت قبول في جامعتين وكان قبول مشروط.. وهي ام الـ 93% وبنتي ام 90% .. لأنج تدرين ان
نوع دراسة بنتي عطتها افضلية في القبول + تحقيقها للمتطلبات المطلوبة .. صديقتها يابت المتطلبات يمكن باسكور انزل فما عطوها الموافقة الا بعد الحصول على ردود من كانوا الافضل عند قبولهم .. فالوقت اللي خذته صديقة بنتي لين حصلت على القبول.. هو الوقت اللي كانوا معطين المقبولين فرصة اخيرة للرد على موافقتهم للقبول اللي حصلوا عليه..

قد تكون بنتج استعبطت الله يحفظها لما قدمت الاوراق.. لكن هالجامعات ما يستعبطون عند الانتظار فالطالب اللي ما يسجل يحل محله طالب ثاني على طول
لأن هناك قائمة تنتظر التسجيل في هالجامعات مثلها مثل جامعة قطر وهناك ضغوطات كبيرة عليها من المجتمع واتهامات كثيرة انها لا تراعي القطريين.. فوصلنا الى مرحلة قبول القطريين بشروط ونتمنى من ربنا العلي القدير ان يوفقهم كلهم ويشدون حيلهم ويتخرجون ويثبتون لادارة هالجامعات ان القطريين يستحقون هالمنح الكثيرة
اللي توفرها لهم الدولة..

واخيرا اسمحي لي على هذرتي الزايدة.. اللي من خلالها ابي ابين ان قد تكون الدراسة في جامعات المدينة التعليمية لا ترتقي لمستوى الدراسة في جامعة قطر..
الا ان الجامعات هذي مب سهل الحصول على القبول فيها... ولا هو سهل الحصول على تقادير عالية فيها ... واقول انها جامعات مميزة يشعر الطالب فيها بالتقدير لأنه طالب علم.. فاعداد الطلاب فيها قليلة وجيوش مجيشة من الاساتذة و الدكاترة تحت خدمتهم..

والله يوفق جميع عيالنا يارب ..

[يمامـة]

هذا انتي قلتيها بلسانج مستحيل يقبلوني الا اذا عندي متطلبات القبول ، متطلبات القبول الحين اي واحد يقدر ياخذها او يدرسها في الجامعه وبعد يدفع عليها وانا لو مو مسافر وادرس في بريطانيا والحمدلله ،، كان رحت معاج
زبدة الكلام ان نسبة الثانويه مالها اي قيمه انا والمتفوق واحد في هالجامعه


أرسلت بواسطة iPhone بإستخدام Tapatalk

سلامتك يا بوحمود.. لو متطلبات الجامعة كل يقدر ياخذها.. كان ما حولوا الدراسة باللغة العربية في المدارس الحكومية..

لما كان الايلتز او التوفل و الايه سي تي مطلب من متطلبات جامعة قطر.. عشنا كلنا اهات وعذابات الطلاب القطريين..
اللي اعدادهم في البيوت والعمل بالشهادة الثانوية زاد على اعدادهم في جامعة قطر.. واليوم جامعة قطر حولت الى اللغة العربية
وبقت هناك تخصصات مثل الهندسة تحتاج الى متطلبات علشان الطالب يوفر عليه سنتين في التأسيسي او سنة لين يحقق المتطلبات..

احنا لما نقول متطلبات القبول في الجامعة يعني تكون يايب ايلتز 6 او 7 او 8 علشان تكون لك الافضلية في القبول..
فانت بنسبة 57% اشلون بيقبلونك وبيعدونك الافضل لو كانوا هناك طلاب افضل منك في نسبتهم وعندهم المتطلبات جاهزة؟
هذا اذا ما خذنا بعين الاعتبار محدودية الكراسي في هالجامعات!!

وبعدين يا بو حمود ترى حتى شهادتك الثانوية ينظرون لمواد معينة فيها.. فلما تسجل في تكساس مثلا يركزون على الماث والفيزكس والانجلش
لما تسجل في كارنجي يركزون على الماث والانجلش والساينس مثلا.. فمستحيل يقبلونك في تكساس وانت يايب على الحافة في الرياضيات
وان كانت نسبتك 95% وحتى بقبول مشروط!!

فأنت بنسبتك ام 57% بشنهو عطتك افضلية علشان يقبلونك.. الا اذا اساسا عندك ايلتز 8 او اي سي تي 26 ...فلا تقول لي انك بالفعل عندك ايلتز 8 و ايه سي تي 26.. ومع هذا اكتشفت ان الدراسة في كارنيجي رايحة فيها:shy:

النسبة مهمة .. لأن هناك حدود دنيا للنسب.. وكل ما ارتفعت نسبة الواحد مع تواجد المتطلبات كل ما كان هو الاقرب للحصول
على الموافقة..

بمعنى.. انت نسبتك 80.. و يايب 7 في الايلتز و 25 في الاي سي تي وبنتي نسبتها 92 و يايبة 6 في الايلتز و 23 في الاي سي تي.. اهنيه النسبة ما تهم..
فالافضلية لك انت..

لكن تقول لي 57% واقبلوك وفوقها متطلبات القبول تدرس في الجامعة والواحد يدفع عليها( اعذرني كلام مب منطقي ابدا):shy: