الاختيار الالماني ولا معماري قطر upvc

[hamadazoz]

محتار بين هالشركتين الاسعار متقاربة والجودة اظن نفس الشي بس باقي ناخذ ارائكم من واقع التجربة الرجاء المساعدة ومشكوريين

[RAGA]

السلام عليكم

اخي العزيز اشتغلت مع معماري قطر يو بي في سي كذا فيلا .الصراحه شغلهم نظيف ومواعيدهم جيده ومعاملتهم ممتازه روح معاهم

الله يوفقك

[al-buainain]

السلام عليكم

اول شي الله يوفقك ويسهل لك امورك ومن شاور ما خاب .....


بصراحه انا تعاملت مع الالماني لبيتي ( تعامل وتركيب ممتاز ) وبصراحه تم انجاز العمل قبل المدة المتفق عليها .

[معماري قطري]

إِخوي الاختيار الأَلماني بروحه فيه ثلاث درجات .. اللي هي الأَلماني العريض وهو أَغلاها وأَفضلها والخفيف أَقل درجة وسعر وفيه التركي اللي تقريباً مقارب للي عند معماري قطر ويمكن اللي عند معماري قطر أَجود .. لكن لو بتاخذ الأَلماني حاول تقارن بس بين قطر يو بي في سي والاختيار الأَلماني .. ما ادري عن باقي الشركات اللي طلعت مثل الدرويش.

أَشياء مهمة لازم تطلبها وتضمنها في العقد اللي هي الضمان وفترة التركيب والغرامات على التأَخير .. والمهم للجودة تاخذ عينة قطاع زاوية موضح معاها كتاب عن مكوناتها ونوعية الربلات وسمك جدران القطاع ومقاومته للأَشعة فوق البنفسجية وتكون العينة عليها لاصق موقع كما هو الكتاب موقع بواسطة نفس المدير أَو المخول بالتوقيع.

الجزء المهم الثاني يجيك آلية التسكير والفتح ونوعيتها واذا فيه معاها قفل أمان للأطفال .. بعضهم يركبون ستانلس ستيل ونوعية قوية والمقابض تكون أَلمنيوم أو يو بي في سي.

تدعيم قطاع اليو بي في سي من داخل .. هذا مهم والبعض يدعمه بقطع حديد مصديء ورخيص والبعض بستانلس ستيل .. لكل نوع سعره وبالنسبة لنا الكل ينفع ما دام انه مخفي داخل بطن اليو بي في سي ومغلف عدل ما توصله الرطوبة اتوقع ما فيها شيء بس لازم ينذكر ويتضمن القطاع جزء منه موقع ومختوم أَيضاً.

نجي للزجاج ونوعه والفراغ الوسطي ونوعية الغاز اللي يمليه .. قبل كانوا يحطون الأَرغون وهو غاز ثقيل خامل يعزل حرارة أَشعة الشمس .. يعني تحصل نور بدون حرارة قوية .. بعض الزجاج يجي 3 طبقات أَو 4 وكل طبقة بينها فراغ .. يذكر سمك الزجاج وهل هو مطلي بطبقة عاكسة أَم لا والبعض يكون عاكس في الجهتين والبعض معامل حرارياً ولو انكسر يتناثر .. وفيه نوعيات تجي ببلاستيك بينها مطلي للزينة يسمونها جورجيان بارز.

[hamadazoz]

إِخوي الاختيار الأَلماني بروحه فيه ثلاث درجات .. اللي هي الأَلماني العريض وهو أَغلاها وأَفضلها والخفيف أَقل درجة وسعر وفيه التركي اللي تقريباً مقارب للي عند معماري قطر ويمكن اللي عند معماري قطر أَجود .. لكن لو بتاخذ الأَلماني حاول تقارن بس بين قطر يو بي في سي والاختيار الأَلماني .. ما ادري عن باقي الشركات اللي طلعت مثل الدرويش.

أَشياء مهمة لازم تطلبها وتضمنها في العقد اللي هي الضمان وفترة التركيب والغرامات على التأَخير .. والمهم للجودة تاخذ عينة قطاع زاوية موضح معاها كتاب عن مكوناتها ونوعية الربلات وسمك جدران القطاع ومقاومته للأَشعة فوق البنفسجية وتكون العينة عليها لاصق موقع كما هو الكتاب موقع بواسطة نفس المدير أَو المخول بالتوقيع.

الجزء المهم الثاني يجيك آلية التسكير والفتح ونوعيتها واذا فيه معاها قفل أمان للأطفال .. بعضهم يركبون ستانلس ستيل ونوعية قوية والمقابض تكون أَلمنيوم أو يو بي في سي.

تدعيم قطاع اليو بي في سي من داخل .. هذا مهم والبعض يدعمه بقطع حديد مصديء ورخيص والبعض بستانلس ستيل .. لكل نوع سعره وبالنسبة لنا الكل ينفع ما دام انه مخفي داخل بطن اليو بي في سي ومغلف عدل ما توصله الرطوبة اتوقع ما فيها شيء بس لازم ينذكر ويتضمن القطاع جزء منه موقع ومختوم أَيضاً.

نجي للزجاج ونوعه والفراغ الوسطي ونوعية الغاز اللي يمليه .. قبل كانوا يحطون الأَرغون وهو غاز ثقيل خامل يعزل حرارة أَشعة الشمس .. يعني تحصل نور بدون حرارة قوية .. بعض الزجاج يجي 3 طبقات أَو 4 وكل طبقة بينها فراغ .. يذكر سمك الزجاج وهل هو مطلي بطبقة عاكسة أَم لا والبعض يكون عاكس في الجهتين والبعض معامل حرارياً ولو انكسر يتناثر .. وفيه نوعيات تجي ببلاستيك بينها مطلي للزينة يسمونها جورجيان بارز.

هلا الشيخ بانسبة ل قطر يو بي في سي غالي واجد فرق كبير بينة وبين الجماعة اما الالماني راواني العريض سميك صراحة اسمك من معماري قطر و البيبان فرق كبير بينهم

[معماري قطري]

هلا الشيخ بانسبة ل قطر يو بي في سي غالي واجد فرق كبير بينة وبين الجماعة اما الالماني راواني العريض سميك صراحة اسمك من معماري قطر و البيبان فرق كبير بينهم

كل مواصفة بسعر لازم وأَي واحد بيحدد شيبغي لازم يكون تحت اشراف استشاري .. مثال لدريشة عادية تاخذ القطاع الوسط من الاختيار الأَلماني وبدون مواصفات قوية يطلع لك أَرخص .. ولو لدرايش كبيرة أَو طويلة مثلاً على طول دورين ممكن تحتاج النوع العريض .. حتى ممكن تخلي بعض الدرايش ثابتة وتسويها أَلمنيوم تيوبلر ودبل وتطلع لك جيدة.

طريقة تركيب درايش تابعتها لبيت في أَمريكا كانوا يركبون خشب بعرض الفريم وبسمك حول 2 سم ويركبونه ببراغي في الطابوق وبعدين يركبون عليه الفريم ويحطون من الجوانب ماستك ويصبغون فوقه بصبغ حماية ( فوق الماستك ) .. والخشب العادي الأَبيض اللي للبنيان وفي رايي المفروض يسونه عندنا.

[Bo3essa]

متاااابع لان هذي الخطوه الجايه :)

[معماري قطري]

متاااابع لان هذي الخطوه الجايه :)

إِذا تبني لا تأَخر الخطوة وخلك متفق أَول بأَول حتى تكسب وقت لأَخذ المقاسات النهائية .. وانا صراحة ما ادري ليش الشركات تاخذ المقاس بعد البلاستر والبلاستر معروف في حدود 2 سم .. يعني لو ياخذون المقاس بعد الطابوق ويصغرونه ب 2 سم من كل جانب ويصغرونه فوقها 1 سم أَو أَكثر لأَن هم بدون شيء يسون الفريم أَصغر من الفتحة وبعد التركيب ينملى الفراغ بالماستك والفوم قبل الماستك وبعضهم يغطي الفتحة بشريحة يو بي في سي .

[Bo3essa]

إِذا تبني لا تأَخر الخطوة وخلك متفق أَول بأَول حتى تكسب وقت لأَخذ المقاسات النهائية .. وانا صراحة ما ادري ليش الشركات تاخذ المقاس بعد البلاستر والبلاستر معروف في حدود 2 سم .. يعني لو ياخذون المقاس بعد الطابوق ويصغرونه ب 2 سم من كل جانب ويصغرونه فوقها 1 سم أَو أَكثر لأَن هم بدون شيء يسون الفريم أَصغر من الفتحة وبعد التركيب ينملى الفراغ بالماستك والفوم قبل الماستك وبعضهم يغطي الفتحة بشريحة يو بي في سي .

هلا اخوي معماري
انا الله يسلمك بسوي حجر واتفقت مع شركة وان شاء الله قريب ببدا
وتخبر يحطون شعاير على الدرايش فاعتقد الي اعرفه ان لازم تركب الشعاير وبعدها ياخذون المقاس
على اساس يكون المقاسات تكون ماخذينها بالضبط

[بوNasser]

محتار بين هالشركتين الاسعار متقاربة والجودة اظن نفس الشي بس باقي ناخذ ارائكم من واقع التجربة الرجاء المساعدة ومشكوريين

عن تجربة اتمنا ان لا تتكرر
قطر يو بي في سي خاماتهم ممتازة لكن الادارة سيئة، وبالذات الأسيوي الموجود في مكتبهم على طريق سلوى.

والتأخير في تسليم العمل، شي أساسي بالنسبة لهم.

جربتهم في ابواب ونوافذ ونفس الشي، رغم انهم ياخذون دفعاتهم قبل البدء في تنفيذ كل مرحلة.

حتى آخر دفعة يستلمونها قبل تركيب الأقفال، (يعني وهذا توضيح لإخوي معماري قطري) ما تقدر تمسك عليهم اي مبلغ لحين انجاز العمل بالكامل.

[hamadazoz]

الالماني يقولون من ثلاث سنوات وقفنا التركي الحين كل شي الماني صراحة للامانه قطر و الالماني و معماري قطر كلهم زينيين

بس قطر اسعارهم خياليه طلع فرق فوق 50 الف

الالماني صراحة شكلة نوع ممتاز وسميك و سعرهم معقول و اغلب الناس مدحوهم
معماري شغلة زين وتعاملهم جيد واسعارهم بعد زينه

اما الكويتية و الدوحة و الاختيار الاوربي اسعارهم اقل بس كله تركي او بلجيكي و الناس قاعدة تركب منه بس انا ما حسيت نفسي مرتاح معاهم


محتار من جد بينهم الالماني او معماري قطر و الله يكتب اللي في خير ومشكوريين

[معماري قطري]

الالماني يقولون من ثلاث سنوات وقفنا التركي الحين كل شي الماني صراحة للامانه قطر و الالماني و معماري قطر كلهم زينيين

بس قطر اسعارهم خياليه طلع فرق فوق 50 الف

الالماني صراحة شكلة نوع ممتاز وسميك و سعرهم معقول و اغلب الناس مدحوهم
معماري شغلة زين وتعاملهم جيد واسعارهم بعد زينه

اما الكويتية و الدوحة و الاختيار الاوربي اسعارهم اقل بس كله تركي او بلجيكي و الناس قاعدة تركب منه بس انا ما حسيت نفسي مرتاح معاهم


محتار من جد بينهم الالماني او معماري قطر و الله يكتب اللي في خير ومشكوريين

انا مركب من قطر يو بي في سي في كم مشروع ولهم سنوات طويلة ومن أَفضل ما يمكن وركبت في بيتي بعد ما سويت بحث عن الموجود .. وكان ذاك الوقت موجود النوع الكوري اعتقد ال جي وما قدر يواصل وسكر .. من أَفضل شركات الوسط معماري قطر من خلال زيارة لهم وملاحظة شغلهم بس ما جربت شغلهم تجربة فعلية .. مريت على الأَلماني وعجبني عرضهم للمادة وتفاصيلها وتعاملهم وحتى أَسعارهم معقولة وركبنا لثلاث بيوت خاصة بنا والحمد لله للحين من أَفضل ما يمكن .. الباقي الصغار يتنافسون في تقليص سعر المادة بتقليص جودتها.

لو محتار بين مادتين خذ قطاع من ذي ومن ذي وقارن بينهم .. بس حاول تاخذ قطاع كامل فيه جزء من الربلات وطريقة تثبيتها .. بعضهم آلية تركيبها ضعيفة وتنفتح وتسوي فجوة للغبار والصوت .. وبعضهم تجيك يابسة أَو تيبس بعد فترة وتهتري .. وفي اعتقادي بعد فترة 10 سنين لازم تبدلها مع إِني داخل على السنة 11 بدون أَي صيانة تذكر الا وزنية باب.

قارن الفريم بمحاولة خدشه بآلة حادة ومعرفة إِن كان مصبوغ ولا اللون مخلوط فيه ومعرفة قوته ومعرفة عرض جداره من داخل ( السُمك ) .. وقارن التدعيم وأَي مادة يستخدمون للتدعيم وطريقة تثبيت التدعيم مع الفريم .. قارن ميكانيكية الفتح والقفل ومن كم موقع في الدريشة أَو الباب والمفصلات .. وهذي القطع أَما تكون ستانلس ستيل ونوعية قوية تتحمل ولا تصدي أَو تكون أَلمنيوم .. صورت بعض الصور حق باب شقتي وباحطها بعدين إِن شاء الله وهذا فريم اقتصادي يبين لكن مناسب لمساحات بسيطة .. المهم محتوياته وهذا النوع يجي بتغطية خارجية ( shutter ) أَلمنيوم ينزل ويرتفع كهربائي ويعطي عزل اضافي وحماية .. بالنسبة لبيوتنا يجي التعويض كذلك من خلال الستائر الثقيلة والكسرات حول الدريشة إِن وجدت

[hamadazoz]

انا مركب من قطر يو بي في سي في كم مشروع ولهم سنوات طويلة ومن أَفضل ما يمكن وركبت في بيتي بعد ما سويت بحث عن الموجود .. وكان ذاك الوقت موجود النوع الكوري اعتقد ال جي وما قدر يواصل وسكر .. من أَفضل شركات الوسط معماري قطر من خلال زيارة لهم وملاحظة شغلهم بس ما جربت شغلهم تجربة فعلية .. مريت على الأَلماني وعجبني عرضهم للمادة وتفاصيلها وتعاملهم وحتى أَسعارهم معقولة وركبنا لثلاث بيوت خاصة بنا والحمد لله للحين من أَفضل ما يمكن .. الباقي الصغار يتنافسون في تقليص سعر المادة بتقليص جودتها.

لو محتار بين مادتين خذ قطاع من ذي ومن ذي وقارن بينهم .. بس حاول تاخذ قطاع كامل فيه جزء من الربلات وطريقة تثبيتها .. بعضهم آلية تركيبها ضعيفة وتنفتح وتسوي فجوة للغبار والصوت .. وبعضهم تجيك يابسة أَو تيبس بعد فترة وتهتري .. وفي اعتقادي بعد فترة 10 سنين لازم تبدلها مع إِني داخل على السنة 11 بدون أَي صيانة تذكر الا وزنية باب.

قارن الفريم بمحاولة خدشه بآلة حادة ومعرفة إِن كان مصبوغ ولا اللون مخلوط فيه ومعرفة قوته ومعرفة عرض جداره من داخل ( السُمك ) .. وقارن التدعيم وأَي مادة يستخدمون للتدعيم وطريقة تثبيت التدعيم مع الفريم .. قارن ميكانيكية الفتح والقفل ومن كم موقع في الدريشة أَو الباب والمفصلات .. وهذي القطع أَما تكون ستانلس ستيل ونوعية قوية تتحمل ولا تصدي أَو تكون أَلمنيوم .. صورت بعض الصور حق باب شقتي وباحطها بعدين إِن شاء الله وهذا فريم اقتصادي يبين لكن مناسب لمساحات بسيطة .. المهم محتوياته وهذا النوع يجي بتغطية خارجية ( shutter ) أَلمنيوم ينزل ويرتفع كهربائي ويعطي عزل اضافي وحماية .. بالنسبة لبيوتنا يجي التعويض كذلك من خلال الستائر الثقيلة والكسرات حول الدريشة إِن وجدت

مشكوور يالذيب

[سهم عتيج]

الالماني يقولون من ثلاث سنوات وقفنا التركي الحين كل شي الماني صراحة للامانه قطر و الالماني و معماري قطر كلهم زينيين

بس قطر اسعارهم خياليه طلع فرق فوق 50 الف

الالماني صراحة شكلة نوع ممتاز وسميك و سعرهم معقول و اغلب الناس مدحوهم
معماري شغلة زين وتعاملهم جيد واسعارهم بعد زينه

اما الكويتية و الدوحة و الاختيار الاوربي اسعارهم اقل بس كله تركي او بلجيكي و الناس قاعدة تركب منه بس انا ما حسيت نفسي مرتاح معاهم


محتار من جد بينهم الالماني او معماري قطر و الله يكتب اللي في خير ومشكوريين

تعاقدت مع الاختيار الالماني وشغلهم بصراحة كان مريح جدا وفي الوقت ،،، يعني ماحسيت ولله الحمد باية مشاكل تذكر معاهم،، بل على العكس ركبوا لي نوع اغلى من اللي تعاقدت معاهم ومادفعوني الفرق لان الخطأ كان منهم

يعني تعاملهم بصراحة راقي جدا

والله اعلم

[kal]

السلام عليكم

تعامل مع معماري قطر من الشركات التي تفي في موعد التركيب ودقة العمل وتعاملهم ممتازة جدا وانصح التعامل معاهم وتوكلوا على الله
وشكرا

[خليفـة]

انا اشتغلت مع الشركتين
الصراحة معماري قطر افضل مليون مرة
من غيره لعدة اسباب .. اهمها :
الجودة العالية والاحترافية في التركيب
وسبب آخر مهم جدا :
الضمان مالهم مفتوح
وهالشيء دليل علي ثقة الشركة في اغراضهم
انا مركب من معماري قطر من حوال 7 شهور تقريباً
وراضي كل الرضي علي شغلهم
وانصح اي واحد يدور الشغل النظيف والجودة العالية يروح لهم

مزيد من التفاصيل عن شغل معماري قطر ( بالصور ) :

http://im53.gulfup.com/Nzy5Pl.jpg (http://www.gulfup.com/?KXlBHN)

هذا باب مجلس خارجي .. والصورة هنا من داخل المجلس

http://im53.gulfup.com/fIuGDK.jpg (http://www.gulfup.com/?LN17ar)

هذا شباك لنفس المجلس .. والصورة هنا من داخل المجلس

http://im53.gulfup.com/byzGbE.jpg (http://www.gulfup.com/?PGJtSz)

باب حمام ( اعزكم الله ) .. وللأمانة عندهم تشكيلات أكثر من رائعة وبعدة ألوان

http://im53.gulfup.com/OZVF9a.jpg (http://www.gulfup.com/?lS0Dip)

باب المجلس الخارجي .. والصورة من الخارج

http://im53.gulfup.com/uFQLWF.jpg (http://www.gulfup.com/?OGif1G)

صورة للشباك .. من الخارج .. وتقدر تختار اي ديزاين يناسبك .. ويفصلونه لك .

http://im53.gulfup.com/m8GyjW.jpg (http://www.gulfup.com/?VTLoQt)

لاحظ اخوي حركة تركيب التور المانع للحشرات .. طريقة جميلة وعملية

http://im53.gulfup.com/4mJQji.jpg (http://www.gulfup.com/?hKugrT)

صورة أوضح لطريقة تركيب التور المانع للحشرات

http://im53.gulfup.com/42Wftd.jpg (http://www.gulfup.com/?Mp7tvJ)

لاحظ المفصلات الي ماسكة الباب .. حجم وقوة تتناسب مع وزن الباب
وطريقة ميزانيتها ولا أسهل



بالتوفيق ان شاء الله

خليفة

[$الملياردير$]

الله يوفقكم جميعا ... ومعماري قطر يعطيك العافية ع كمية المعلومات ربي يكتب لك الأجر ... انا عندي عرضين سعر من نفس الشركتين نفس الأسعار تقريبا .. وهذا اللي يحيرك زيادة هههههههه

[معماري قطري]

الله يوفقكم جميعا ... ومعماري قطر يعطيك العافية ع كمية المعلومات ربي يكتب لك الأجر ... انا عندي عرضين سعر من نفس الشركتين نفس الأسعار تقريبا .. وهذا اللي يحيرك زيادة هههههههه

الله يعافيك يا اخوي .. الشركات بعضها يستخدم ماركة تصنيع ويتبعون مواصفاتهم مثل مواصفات veka اللي هي شركة رائدة مؤسسة في أَلمانيا ولها فرع وتصنيع في بريطانيا ووكيلهم معروف في قطر .. قطر يو بي في سي .. والاختيار الأَلماني ما اذكر الماركات اللي يتعامل بها لكن شفتها وجربتها في 3 بيوت والحمد لله وايد زينة.

لاحظت الشركات الصغار اللي يقرون انهم يستخدمون يو بي في سي مصنع في الأُردن وفي تركيا وفي الصين ولا يتبعون مواصفات ماركة معينة يدعون إِن الشركات المعروفة يستخدمون يو بي في سي مصنع في نفس الدول اللي هم يستوردون منها .. أَحد الاخوان يشتكي لي من شركة ركبت له حديثاً باب عريض للمجلس لكن المفصلات ضعيفة وكل شوي يحك في الأَرض ولا يسكر .. للأَسف الشركة زينة في الأَلمنيوم وحولوا يو بي في سي بنكهة الأَلمنيوم بس حتى يربحون زبائن ولا عرفوا يركبون صح ويختارون مواد صح.

لي ولد عم وصديق وأَعزه وايد فاتح شركة يو بي في سي وتورطت في شغلة معاه وتحسفت قد شعر راسي .. بس هو وعدني يخلص في اسبوعين والاختيار الأَلماني في شهر .. ولا خلصني في اسبوعين وشغله كان غش لآخر درجة .. حتى الربلات تفككت ويابسة.

الشغل الرخيص موجود وموجودة معاه المواد الرخيصة وانا ذكرت شاللي لازم نركز عليه وذكرت في السابق غاز الأَرغون في فراغ الزجاج وحطيت مقطع فيديو يوضح طريقة الحقن ولحسن حظي حصلت مصري اللي مسوي المقطع بالعربي.

دخلت في نقاش مع مسؤول شركة الاختصاصي اللي فتحوا فرع حديث لليو بي في سي ومن شوي شفت مقطع يو تيوب لجهاز حقن هذا الغاز العازل لحرارة الشمس والقابل لإدخال النور.


https://www.youtube.com/watch?v=HGhLbPm5sMw

[معماري قطري]

وهذا فلم حق انتاج نافذة يو بي في سي من ماركة فيكا


https://www.youtube.com/watch?v=Z5qkIgPr_Ic

[معماري قطري]

صدقوني ما لي في هالشركات لا من بعيد ولا قريب والله يوفق اللي يحاولون ويحسنون مستويات انتاجهم .. هذي أَمانة علمية عندي ولازم اوضح .. وصراحة على هذي الآلات العالمية في التجميع والتقطيع آتوقع ربعنا يجيبون قطاعات جاهزة ويقطعونه بمنشار يدوي ويركبونها بسوبر غلو ( البعض منهم )

[حسن الاحمد]

معماري قطر تعاملهم حليو والاخ يوسف صاحب الشركة رجل خير وتعامله طيب وممتاز

[SeniorTrader]

معماري قطر اتعامل معاهم تعامل فوق الممتاز ودقة بالمواعيد اول ماتصلهم يجون على طول

والكوالتي مالهم عالي وضمان قوي انصحك معماري قطر بلا تردد

[hamadazoz]

مشكوريين جميعا كفيتوا و وفيتو

[إعلامي قطر]

..

عن نفسي تعاملت مع الأختيار الألماني ولازلت ماخلصت شغلي
معاهم بس للأسف طحت بيد واحد سوري مايحترم الزبون
ولايحشمه رغم طيبته في البدايات لكن صار يرفع الضغط
وتأخر بالتسليم ورغم مرونتي الكبيره معاه بس صار
مايرد على الاتصالات بالأيام والأسابيع وكل ما أروح
له يقعد يتعذر بس صج صج كرهني بالإختيار
الألماني وسنين الإختيار الألماني !

أخوي متعامل مع معماري قطر ومرتاح
وتعاملهم ممتاز وتشطيبهم أفضل..

..

[خبير الدرايش]

اخواني حياكم في معارضنا في طريق سلوى وبعد في أم صلال وأبشروا بالشغل اللي يسر الخاطر وتقدرون اتشوفون شغلنا بالروابط على الانستغرام وغيره تحت

[Fahad Alqahtani]

..

عن نفسي تعاملت مع الأختيار الألماني ولازلت ماخلصت شغلي
معاهم بس للأسف طحت بيد واحد سوري مايحترم الزبون
ولايحشمه رغم طيبته في البدايات لكن صار يرفع الضغط
وتأخر بالتسليم ورغم مرونتي الكبيره معاه بس صار
مايرد على الاتصالات بالأيام والأسابيع وكل ما أروح
له يقعد يتعذر بس صج صج كرهني بالإختيار
الألماني وسنين الإختيار الألماني !

أخوي متعامل مع معماري قطر ومرتاح
وتعاملهم ممتاز وتشطيبهم أفضل..

..

الله يعينك ان شاء الله .. المقاول اللي يبني لي خيرته بين معماري قطري والاختيار الالماني .. ومامدح معماري قطر ويقول انه يتاخر وان الاختيار الالماني افضل ..
الله يستر لا ينكبني مع الاختيار الالماني

[مجنون قطر]

أنا تعاملت مع الأختيار الألماني
ماشاء الله شغل محترم ورودها لي قبل الموعد
وفيه ربع لي ركبو عندهم ولا تأخرو عليهم ركبو لهم بنفس المواعيد وبعضهم قبل الموعد
وعندهم دقه في المواعيد
وفيه شخص هناك اسمه قتيبه محترم ومتعاون
واللي بيروح لهم يسأل عنه
وأنصح بالتعامل معهم

[RAGA]

الله يعينك ان شاء الله .. المقاول اللي يبني لي خيرته بين معماري قطري والاختيار الالماني .. ومامدح معماري قطر ويقول انه يتاخر وان الاختيار الالماني افضل ..
الله يستر لا ينكبني مع الاختيار الالماني

السلام عليكم

كلهم خير وبركه بس اللي شفته شغل معماري قطر فوق الممتاز وشوف كلام الاعضاء عن المعماري

الله يوفق الجميع

[Azizuk]

مشكور اخوي معماري قطري على هالمقاطع المفيدة الصراحة ماقصرت على التوضيح ورأيتك بيضة

نورت أعضاء المنتدى في مقطع عملية تصنيع الشباك

طريقة التصنيع احترافية وذات جودة عالية

وماتوقع ان معامل والشركات اللي في الدوحة تتبع نفس اللي شفته في مقطع الفديو

من ناحية التشطيب النهائي وعملية القص والتلحيم

انا اشوف بعض الشبابيك كان القص قَص يدوي وعملية التلحيم تلحيم اي كلام

وعلى الجهات المختصة في الدولة معاقبة اي شركة لا تفي بموعد التركيب وعملية التصنيع

حتى نرتقي اللي العالمية يجب على الشركات المحلية تقديم الأفضل لزبوب والمستهلك

أشكرك مره اخرى يامعماري قطري على المجهودات الجبارة والتوضيح التى تقدمها للأعضاء

كما اشكر الاخ خليفة على التوضيح من صور ومعلومات عن شركة معماري قطر

بكل صراحة شغل والصور اللي تم تنزيله من قبل الاخ خليفة توضح

ان عمل ممتاز وعالية الجودة من قبل معماري قطر

[معماري قطري]

صدقت اخوي عبدالعزيز وما زلت عند رايي اللي بيتفق مع شركة خصوصاً لليو بي في سي يشوف العقد والمواصفات وياخذ مقطع زاوية كعينة موضح عليها توقيع مسؤول المبيعات .. وذكرت الثلاث شركات الأَفضل حسب معلوماتي وخبرتي مع كثير من المشاريع قطر يو بي في سي - الاختيار الأَلماني - الدرويش ومن الشركات المتوسطة واللي طالعة لمصاف الكبار معماري قطر.

شفت ناس مركبين فريم ضعيف جداً ويهتز لو سكرت الباب .. وهذي حصلت في مشروع كبير وبتواطؤ من الجهة المشرفة ولا المواصفات كانت عالية ومكتوبة بالاسم veka or equivalent

بالنسبة للعقد والعينة الموقعة تخلي الاستشاري المشرف يشرف صح ونفس الشيء المالك.

بخصوص طريقة القص والتركيب اخوي عبدالعزيز واللحام تلاحظه عدل وقت التركيب ولازم الزوايا تجي راكبه صح مثل توضيحات وتفاصيل كل ماركة مختصة في هذي الصناعة .. إِذا بنتركها للارتجال بنشوف شغل سيء للغاية .. ومن حق أَي شخص يطلب هذي التفاصيل من الشركة وتتضمن في العقد ويفترض يشرف على تفاصيلها الاستشاري بحضور المالك.

كثير من الشركات للتوفير ما تركب حديد داخل الفريم والفريم يثبت مبدئياً لكن يبدأَ في الاعوجاج مع تعرضه للشمس والحديد ضروري بمواصفات معروفة وللأَمانة الفريم اللي فيه منحنيات صعب تركيب الحديد في هذي المنحنيات ويوفرون له حديد محلي يصدي لكن ما يضر إِن كان مغلف عدل باليو بي في سي، والسبب يرجع لأَن الحديد المقاوم للصدأَ يجي مصنع ومفرغ على شكل تيوبات لخفة الوزن من المصنع مستقيم ويتم قصه في الورشة في قطر ولحمه وتغليفه باليو بي في سي.

فيه طريقة التركيب على شريحة خشب وتسكير الأَطراف بماستك والتثبيت ببراغي كبيرة .. هذي طريقة متبعة في أَمريكا وشفتها على الطبيعة.

ما شاء الله عليك يا بو سعود تركز زين وفاهم شتسوي الله يوفقك في بنيانك إِن شاء الله.

[معماري قطري]

بالنسبة للتأَكد من تركيب الحديد داخل ممكن بطريقة بدائية اللي هي المغناطيس وبطريقة الكشف بالاشعاع للاستشاريين المختصين.

[حسن]

معماري قطر تعاملهم حليو والاخ يوسف صاحب الشركة رجل خير وتعامله طيب وممتاز

هلا هلا

بوعلاوي

خاطري اصيد الاخ يوسف

ههههه

خذو عندي المقاسات وابيهم يركبون البيبان منذو اسبوع
وياويلهم اذا ماركبو لي البيبان

ولك يااحمد الاحياري خلصنا بقا

انا طبعا اكيد معماري

:)

[مارون كلاسيه]

الصراحة زادت حيرتي في الاختيار بين الشركتين
في نفس الوقت ابي اسال حد عندة فكرة عن الشركة التركية الالمانية للـ upvc

[RAGA]

الصراحة زادت حيرتي في الاختيار بين الشركتين
في نفس الوقت ابي اسال حد عندة فكرة عن الشركة التركية الالمانية للـ upvc

السلام عليكم

اخي العزيز اشتغلت مع معماري قطر يو بي في سي كذا فيلا .الصراحه شغلهم نظيف ومواعيدهم جيده ومعاملتهم ممتازه روح معاهم. موقعهم عند دوار مدماك جنمب الخطوط القطريه. مديرهم احمد الهلالي الجوال 55857334

الله يوفقك

[إعلامي قطر]

انا مركب من قطر يو بي في سي في كم مشروع ولهم سنوات طويلة ومن أَفضل ما يمكن وركبت في بيتي بعد ما سويت بحث عن الموجود .. وكان ذاك الوقت موجود النوع الكوري اعتقد ال جي وما قدر يواصل وسكر .. من أَفضل شركات الوسط معماري قطر من خلال زيارة لهم وملاحظة شغلهم بس ما جربت شغلهم تجربة فعلية .. مريت على الأَلماني وعجبني عرضهم للمادة وتفاصيلها وتعاملهم وحتى أَسعارهم معقولة وركبنا لثلاث بيوت خاصة بنا والحمد لله للحين من أَفضل ما يمكن .. الباقي الصغار يتنافسون في تقليص سعر المادة بتقليص جودتها.

لو محتار بين مادتين خذ قطاع من ذي ومن ذي وقارن بينهم .. بس حاول تاخذ قطاع كامل فيه جزء من الربلات وطريقة تثبيتها .. بعضهم آلية تركيبها ضعيفة وتنفتح وتسوي فجوة للغبار والصوت .. وبعضهم تجيك يابسة أَو تيبس بعد فترة وتهتري .. وفي اعتقادي بعد فترة 10 سنين لازم تبدلها مع إِني داخل على السنة 11 بدون أَي صيانة تذكر الا وزنية باب.

قارن الفريم بمحاولة خدشه بآلة حادة ومعرفة إِن كان مصبوغ ولا اللون مخلوط فيه ومعرفة قوته ومعرفة عرض جداره من داخل ( السُمك ) .. وقارن التدعيم وأَي مادة يستخدمون للتدعيم وطريقة تثبيت التدعيم مع الفريم .. قارن ميكانيكية الفتح والقفل ومن كم موقع في الدريشة أَو الباب والمفصلات .. وهذي القطع أَما تكون ستانلس ستيل ونوعية قوية تتحمل ولا تصدي أَو تكون أَلمنيوم .. صورت بعض الصور حق باب شقتي وباحطها بعدين إِن شاء الله وهذا فريم اقتصادي يبين لكن مناسب لمساحات بسيطة .. المهم محتوياته وهذا النوع يجي بتغطية خارجية ( shutter ) أَلمنيوم ينزل ويرتفع كهربائي ويعطي عزل اضافي وحماية .. بالنسبة لبيوتنا يجي التعويض كذلك من خلال الستائر الثقيلة والكسرات حول الدريشة إِن وجدت

أخوي معماري ممكن ترسل لي رقم موظف
تعاملت معاه في قطر يو بي في سي
وتزكيه؟

تحياتي لك وللجميع..

..

[معماري قطري]

للأَسف يا اخوي كان عندي رقم مديرهم نسيم وضيعته و نسيم كم مرة يروح بلاده ويرجع .. نسيم باكستاني وهو مؤسس الشركة .. واستلموها لبنانيين مثل ما سمعت .. مر الشركة واسأَل عن نسيم ممكن تحصله

[معماري قطري]

عن التزكية انا ازكي شغل الشركة وعقدهم وترتيبهم .. وتعاملت معاهم خاص وحكومي وتعاملوا غيري مع غيرهم ولاحظت الفرق .. كفاية انهم يشتغلون تحت اسم ماركة مصنعة ومختصة ومودودة في بريطانيا وأَلمانيا والنمسا بمقرات ومصانع .. لكن البعض يدعي ولو سأَلته شسم المصنع اللي تتعامل معاه ما يعلمك وتكرر السؤال ما يعلمك تقول سر ولا خايف تسرق منه الوكالة .. كل شيء واضح لكن للأَسف جهات الرقابة والترخيص في الدولة مقصرة وايد

[مارون كلاسيه]

السلام عليكم

اخي العزيز اشتغلت مع معماري قطر يو بي في سي كذا فيلا .الصراحه شغلهم نظيف ومواعيدهم جيده ومعاملتهم ممتازه روح معاهم. موقعهم عند دوار مدماك جنمب الخطوط القطريه. مديرهم احمد الهلالي الجوال 55857334

الله يوفقك

جزاك الله خير خير اخوي

[خبير الدرايش]

السلام عليكم ورحمة الله وبركاته

حياكم الله واشوفو بعض المنتجات الجديدة للدرايش والبيبان والاطلاع على الكتالوج وروابط الانستغرام وغيرها بالتوقيع مالي وروابط بخصوص نصائح عامة بخصوص الدرايش والبيبان بعد

http://www.qatarshares.com/vb/showthread.php?608008-%E3%E4%CA%CC%C7%CA-%CC%CF%ED%CF%C9-%E3%E4-%C7%E1%C7%CE%CA%D5%C7%D5%ED-%C7%E1%DE%D8%D1%ED-%E1%C3%E4%D9%E3%C9-%C7%E1%E4%E6%C7%DD%D0-%E6%C7%E1%C3%C8%E6%C7%C8


http://www.qatarshares.com/vb/showthread.php?608134-%DF%E1-%E3%C7%ED%CE%D5-%C7%D3%CA%DD%D3%C7%D1%C7%CA-%C7%E1%E4%E6%C7%DD%D0-%E6%C7%E1%C3%C8%E6%C7%C8-%E3%CA%CC%CF%CF-%C5%E4-%D4%C7%C1-%C7%E1%E1%E5

وبالتوفيق للجميع

[مريش]

السلام عليكم
انهيتو حيرتي بالشركات
وصار بين هالشركتين
لكن انا كمبتدأ وغير خبير شالي ابيه من الشركه
تسوي لي اياه بالدريشه او الباب
يعني ابي اركب درايش وبيبان دورات مياه
انا مش خبير الي اعرفه انهم عازلين حراراه وصوت وحريق
لكن الباقي ماعرفه ممكن تنوروني

[معماري قطري]

عليكم السلام ورحمة الله وبركاته

المنتج اخوي مرتبش يختلف من شركة لشركة وبعض الشركات عندها كم مستوى من الجودة

وتم ذكر كل اللي نعرفه والتوضيح من الأعضاء والمقاولين حتى وفي مواضيع كثيرة .. وانا نصحت للاختيار المواصفات والعقد والعينة تحدد كل شيء وبعدين يفاضل بينهم المالك ويختار اللي يناسبه .. ويفترض في وجود استشاري متابع لأنه بيشرف على التركيب ولازم يقارن المركب بالمواصفات والعينات في وجود المالك.

عن اللي تبيه الكل يقول لك بضاعتي الأفضل وفيها كل اللي تبي .. بس احنا نقول تجاربنا وانا شفت بعض الشركات فريمها ما فيه فتحة خاصة للربلة بحيث تثبت فيه وتتثبت على الفريم بلاصق .. وبسرعة تطيح وأصلاً تكون يابسة ما تنفع في العزل .. وشفت فريم فيه فتحة وتتركب فيها ربلة جيدة الصناعة وقوية تبقى لسنوات طويلة .. هنا في الشقة اللي ساكن فيها في ميونخ في الفريم ربلتين كل وحدة تمسك في جزء وتعطيك عزل مزدوج قوي جداً.

[معماري قطري]

انا مثل الكل لو احتجت لشغل يو بي في سي بافاضل أقل شيء بين 3 أو 4 شركات وباخذ عينات موقعة مع العقد وباشوف الأفضل لي في الوقت الحالي .. وشيء ما انكره هو مستوى الشركات عندنا يوم فوق ويوم تحت حسب ادارتهم وعمالهم.

[حسن]

بالنسبه لي بيتي كله من معماري ولازلت اتعاقد معهم ومنتظر خلال اليومين يركبون لي درايش للكباين
وكل تركيب كبايني من معماري على طول ولا استخدمت غيره

[nono80]

نصيحه الاختيار الالماني شغل وجودة وتعامل من اروع مايكون تعاملت مع الاختيار الاوروبي ماساة في التعامل والشغل

[غالية80]

الاختيار الالماني عن تجربة ...

[مجنون قطر]

الأختيار الألماني عن تجربة

[إعلامي قطر]

..

عن نفسي تعاملت مع الأختيار الألماني ولازلت ماخلصت شغلي
معاهم بس للأسف طحت بيد واحد سوري مايحترم الزبون
ولايحشمه رغم طيبته في البدايات لكن صار يرفع الضغط
وتأخر بالتسليم ورغم مرونتي الكبيره معاه بس صار
مايرد على الاتصالات بالأيام والأسابيع وكل ما أروح
له يقعد يتعذر بس صج صج كرهني بالإختيار
الألماني وسنين الإختيار الألماني !

أخوي متعامل مع معماري قطر ومرتاح
وتعاملهم ممتاز وتشطيبهم أفضل..

..

للأمانه حبيت أحط رد إضافي بعد تعاملي مع معماري قطر
وبالتالي صرت متعامل مع الإختيار الألماني ومعماري
قطر ومركب عند المحلين..

• بخصوص حسن التعامل قبل وأثناء وبعد الدفع:
الإختيار الألماني أعطيه 7 من 10 بالكثير
ومعماري قطر أعطيه 9 من 10

• بخصوص جودة المنتج:
الإختيار الألماني أعطيه 9 من 10
ومعماري قطر أعطيه 7 من 10 بالكثير

وصدقاً لو يحصل لي أبني مستقبلاً في ظل المحلات
الموجوده حالياً راح أرجع للإختيار الألماني نظراً
لجودة المنتج رغم تعاملهم الزفت أحياناً !

..

[معماري قطري]

إحنا مثل ما ذكرت في السابق شركاتنا مب ثابتة في جودتها .. وبعضها تتغير من مسؤول مبيعات لآخر

شركة كتبنا عنها في هذا الموضوع وعرف المالك ومدير الشركة المسؤول وتحركوا تحرك سريع .. قد يكون أحد موظفيهم أخطأ أو تعامل حتى بالباطن مع شركة رخيصة أو غيره من الأُمور التي يستحيل معرفتها بدقة .. الله جزاهم خير استبدلوا الشغل القديم وأَصلحوا جميع الخلل.

هذا دليل واضح على اهتمام الإدارة العليا والملاك بعملاؤهم وسمعة شركاتهم .. وانا كمختص ومطلع دوم اركز على نوعية المنتج ومواصفاته وجودته وانصح باختيار هذا المنتج .. لكن يبقى التعامل والإدارة العليا والإدارة الوسطى .. ودوم الإدارة العليا تسعى لإرضاء العميل والإدارة الوسطى تسعى لإرضاء الشركة وادارتها العليا .. وهي من تتعامل مع العملاء .. وأرجو من أي عميل لازم يعرف حد من الادارة العليا أو على الأقل قبل توقيع العقد يمر المدير يطلب منه خصم اضافي ويطلب منه ترقية المواصفات لو حب.

هذا الإجراء يخلي المدير يعرف إن فيه اتفاق توسط فيه الموظف فلان .. والعميل متى ما مر يمر بعقده وأَوراقه ويتابع مع الموظف ويمر على المدير يحاول يسرع العملية أو يحل أي اشكال.

إن شاء الله بسوي جولة ميدانية للشركات الرئيسية وباوضح مواصفاتها وباركز على نوعية المنتج حتى الكل يستفيد .. وانا زرت الاختيار الألماني ونصحت العديدين بمنتجهم العريض الألماني وتعاملت معاهم ومع قطر يو بي في سي .. باقي عندي اشوف منتج معماري قطر ومنتج الإختصاصي يو بي في سي .. وهي نفسها الشركة المختصة والأُولى في اعتقادي في انتاج الألمنيوم ومثل ما شفنا من تقاريرهم حتى حقن الفراغ بين القزاز بغاز الأرغون يسونه وغيرهم ترك هذي الطريقة اللي تعطينا عزل قوي وتمنع الرطوبة الموجودة في الهواء من التكثف داخل الزجاج.

[$الملياردير$]

هلا اخوي معماري الله يمسيك بالخيرويعطيك العافية .... موضوع حلو والربع كل واحد يضيف من تجربته ... انا عندي رأي نسوي نفس التصويت او التقيم و نشوف رأي الربع يعني ذكر عناصر ضعف او قوة ... دمتم بود

[معماري قطري]

هلا اخوي معماري الله يمسيك بالخيرويعطيك العافية .... موضوع حلو والربع كل واحد يضيف من تجربته ... انا عندي رأي نسوي نفس التصويت او التقيم و نشوف رأي الربع يعني ذكر عناصر ضعف او قوة ... دمتم بود

الله يمسيك بالنور والسرور ويعافيك اخوي الملياردير

انا معاك إخوي والجيد دعايته منه وفيه .. وأهل قطر دوم يتعاونون .. وصدقوني أكثر المستفيدين ملاك الشركات من النقد ومن إبراز المشاكل في شركاتهم والموضوع سهل والملاك الكرام يتابعون المنتديات ويتابعون وسائل التواصل.

هذي الشركة تحركوا إدارتها العليا وملاكها بسرعة وما رضوا بتضرر سمعة شركتهم ولا بتضرر عميل منها .. ونتمنى لهم التوفيق.

انا آتمنى لو ممكن نعمل جدول للشركات الفلانية في التخصص الفلاني ويكون هذا الجدول قابل للاضافة وكلٍ يحط رأيه بحيادية سواءً بالايجاب أو بالسلب مع التوضيح قد ما يقدر .. مقاول قمة في الاحترام عرفته ونصحت الكثيرين به .. شفته مره وعاتبته إن أسعاره عالية والكل يشرد منه صدقوني ما قصر سعر لواحد سعر أقل من الأعلى ب 3 ملايين .. الأعلى واحد على قد حاله وهذا مقاول درجة أولى بس للأسف المالك تردد ولا ادري شسوى.

[Fahad Alqahtani]

السلام عليكم ورحمة الله وبركاته

ويش رايكم في الدوحة يو بي في سي ؟؟ اللي في الوكرة.

اخترت الاختيار الالماني وما عاد قاموا يردون على تلفوناتهم تقول اخطب عندهم والمقاول يقول انهم ما يردون عليه ورشح لي الدوحة يو بي في سي ..

[نااادر]

جيرسي (الجزيرة) سابقا وانا اضمن لك الجودة و الضمان

[RAGA]

السلام عليكم ورحمة الله وبركاته

ويش رايكم في الدوحة يو بي في سي ؟؟ اللي في الوكرة.

اخترت الاختيار الالماني وما عاد قاموا يردون على تلفوناتهم تقول اخطب عندهم والمقاول يقول انهم ما يردون عليه ورشح لي الدوحة يو بي في سي ..

السلام عليكم

الشيخ شيك على الخاص

شكرا

[$الملياردير$]

..

عن نفسي تعاملت مع الأختيار الألماني ولازلت ماخلصت شغلي
معاهم بس للأسف طحت بيد واحد سوري مايحترم الزبون
ولايحشمه رغم طيبته في البدايات لكن صار يرفع الضغط
وتأخر بالتسليم ورغم مرونتي الكبيره معاه بس صار
مايرد على الاتصالات بالأيام والأسابيع وكل ما أروح
له يقعد يتعذر بس صج صج كرهني بالإختيار
الألماني وسنين الإختيار الألماني !

أخوي متعامل مع معماري قطر ومرتاح
وتعاملهم ممتاز وتشطيبهم أفضل..

..

نفس المشكله مايرد واذا رد رضخك بعذر ... امس كلمته الصبح يقول المغرب بكلمك .... وطاف ليتين ههههههه

[معماري قطري]

مشاكل التأخير موجودة عند الكل خصوصاً الإدارة العربية من شامية ومصرية الوعود في صوب والواقع في صوب .. الواحد ينتبه ويتعامل مع الملاك لو قدر أو المدير المسؤول وياخذ عينات موقعة مع العقد لأن البعض قليل الذمة يسوي عقد باسم الشركة ويلغيه هو بطريقته الخاصة ويورد من شركة ثانية رخيصة وايد .. أو حتى رخيصة 10% يحطها في بطنه