جاري الكتابه

[حمد 2002]

جاري الكتابه ..


متوفر ..


خلني أغير الحالة ..



خلني أجوف الانستغرام شوي ..



هالرساله حلوه خلني أرسلها للكل ..



هذي ليش ماعطاني لايك .. مب ماعطه لايك !! ..




بحذف نفسي من القروب الفلاني لانه مب عاجبني وبسوي قروب لنفسي وبسميه قروب حمد 2002 ..




ليش فلان ايطرش هالرسايل ؟ اكيد شكله حزين .




فلان ليش حاط هالصوره ؟ اكيد انه بيعرس .



فلان ليش مارد على رسالتي جعله المرض ..




هل الجوال بمحتوياته وبرامجه سرق اوقاتكم وعقولكم ؟ ام مازال عندكم قدره على ظبط النفس والعقل ؟

[شبح الصمت]

صح كلامك حمد ما جبت شيء من نسج الخيال ..


هناك ناس اهتمامهم في مواقع التواصل اكثر من اهتماماتهم في نفسهم ..


الله يغفر لنا ويرحمنا ..

[يمامـة]

جاري ولا جارك :telephone:

لي عودة ان شاء الله..

[R 7 A L]

بحذف نفسي من القروب الفلاني لانه مب عاجبني وبسوي قروب لنفسي وبسميه قروب حمد 2002 ..

هذا نفسيه xxl هههههههههههه

[دااانة قطر]

الحمدلله مشاركاتي في حدود المعقول في كل مكاان

[حسن]

عجبني توقيعك ياحمد

:)

[المحاميه]

وسائل التواصل الاجتماعي جزء لايتجزء من حياتنا اليوميه :nice:

بس الغلط اذا حكرت نفسك

يعني اذا طالع مكان
او عندك عرب

بدال لاتستمتع بالمكان
او تجابل الناس

قاعد ومجابل فونك

اهني الموضوع تحول ادمان

[حسن]

انا اعتبره ياحمد خلل كبير وينم على الهروب من واقع المرض النفسي المتفشي
والله يعافيهم ويشفيهم منا


:)

[ضوى]

هل الجوال بمحتوياته وبرامجه سرق اوقاتكم وعقولكم ؟ ام مازال عندكم قدره على ظبط النفس والعقل ؟

طبعا يسرق وقت وعقل السفيه لكن العاقل مستحيل تاثر فيه هالأشياء لانه عارف هدف دخوله لهالمواقع وعارف شنهي الرسايل اللي يتلقاها واللي يرسلها كلها ذات فائدة وبيحاسب عليها بعد ، كل ماتخطه يده وكل ماتراه عينك سوف تسأل عنه لذلك ننتبه لهذه النقطة ، والحمد لله قادرة على ضبط نفسي وعقلي وانفعالاتي الا فيما يخص شرع الله وتقاليد البلد

[أم محمد 90]

اكثر شي ينرفزني ويبببببط جبدي ف الجوال وبرامجه الحديثه (الواتس اب)

اتنرفز لما حد يراقب اخر ظهور لي .

لما حد يقول دخلتي ماقريتي محادثتي

شدعوة ماتفتحين رسايلي

انتي متصل الآن وماتردين علي .


افف كيييفي جوالي ارد ع اللي ابيي


ف رحت سويت جل بريك للايفون ونزلت اداة ماتبين للشخص اخر ظهور لي واذا انا متصل او جاري الكتابة او حتى اني قريت

وريحت راسي .

[ولد العرب]

الله كريم ياحمد
هو لي مفيد جدا كامحادثات وكا فيديو وصور لاني فاقد السمع
ولكن اللي حوولي من البيئه مهب راضين يتفهمون الوضوع

[حسن]

الله كريم ياحمد
هو لي مفيد جدا كامحادثات وكا فيديو وصور لاني فاقد السمع
ولكن اللي حوولي من البيئه مهب راضين يتفهمون الوضوع

:omg:

يعني انت ماتتكلم

:weeping:

[يمامـة]

:omg:

يعني انت ماتتكلم

:weeping:

تعب وهو يكتب انه لقعد في البر شاف ربعه متخرعين من الاصوات اللي يسمعونها من جماعة همر( وين راح همر بيك؟)
وانت توك تنتبه يا بوعلي؟


المهم نرجع لموضوعنا يا ولد العرب.. ونقول الحمد لله على كل حال ونعوذ بالله من حال اهل النار..

ونقول لحمد..

حاولت اني انفصل من التطبيقات هذي لأني لو ما انفصلت عنها راح انفصل من الحياة حولي...
لذلك استمتع في وقتي لو طلعت.. واستمتع بوقتي لو قعدت ما بين الناس واستمتع بوقتي لو قعدت مع امي وابوي..

لكني انشغل في اللعب في الالعاب لو كنت في البيت:shy:

[ودي أكون]

من راقب الناس مات هماً ..

[ولد العرب]

تعب وهو يكتب انه لقعد في البر شاف ربعه متخرعين من الاصوات اللي يسمعونها من جماعة همر( وين راح همر بيك؟)
وانت توك تنتبه يا بوعلي؟


المهم نرجع لموضوعنا يا ولد العرب.. ونقول الحمد لله على كل حال ونعوذ بالله من حال اهل النار..

ونقول لحمد..

حاولت اني انفصل من التطبيقات هذي لأني لو ما انفصلت عنها راح انفصل من الحياة حولي...
لذلك استمتع في وقتي لو طلعت.. واستمتع بوقتي لو قعدت ما بين الناس واستمتع بوقتي لو قعدت مع امي وابوي..

لكني انشغل في اللعب في الالعاب لو كنت في البيت:shy:

:rolleyes2::rolleyes2:

[يمامـة]

:rolleyes2::rolleyes2:

اوبيه.. اشبلاك حوليت يا ولد العرب..

حقك علي اذا كلامي سبب لك الحولان.. بس كنت اشرح حق بوعلي الوضع..

[H H]

انا تفاعلي مع هالبرامج اقل من الصفر بشوي , لكن المتابعه قويه نوعاً ما.
اقرى كل الي يكتبون فالقروبات واطلع ولا كاني اعرفهم , الانستقرام كذلك , اتفرج واضحك واطلع.
ولايهون السناب شات ,والتويتر فاتحه من اربع سنين ولاكتبت فيه حرف , كله متابعه فقط.

احس اني انا من الاصنام الي كانو يتكلمون عنهم ايام البلاكبيري.


عموماً , الخروج عن دائرة الحياة الطبيعيه والتعمق فالحياة الالكترونيه من اسوء الاشياء الي ممكن تصير للشخص!
المشكله ماشالله من الردود هنا ماشفت احد عنده مشكله مع برامج التواصل, وماشفت احد يسوق بقلة ذوق , وماشفت احد مايحترم الضعوف.
وماشفت احد يخون , وماشفت احد مقصر في دوامه :(

شكلي فالجنه وانا مدري :( , الله يكتبلنا جنة الاخره ويبعدنا عن النار

يعطيك العافيه حمد