البحث عن الراتب العالي ؟؟؟؟؟

[حسن]

السلام عليكم ورحمه الله وبركاته


موضوعي اليوم : الراتب العالي

كلمه دائما اسمعها وخصوصا اصبح واقع نعايشه في وقتنا الحالي
ادور عن المعاش العالي

!!!!!!!!!!!!!

مايهم التخصص ومايهم المجال ؟

المهم وظيفه الراتب العالي واصبحت لدينا بكثره ووفره بدون رقيب وحسيب


هل يهمك الراتب العالي ولو كان بعيدا عن تخصصك ؟
هل يهمك التخصص وتضحي بالرواتب العاليه لجوده وكفائه العمل يعني تخدم مجالك صح؟
هل الوظيفه وبعد التخصص عن مجالها خلق نوع من التطور او الفوضى الخلاقه ؟


حبيت اسمع ارائكم بهذا الموضوع

وشكرا لكم

تحياتي


:)

[غريب الدّار]

سؤالك صعب يابو علي

اللي يقول مب هامتني الفلوس والتخصص اهم اعتقد هم القلة

اعتقد

بعيدا عن المثاليات

والله تعالى اعلم

[أم محمد 90]

والله مو كل الناس ... بالعكس

انا جاني اوفر اكثر من راتبي ب 4 الاف ريال ورفضته (الموضوع اللي نزلته من فتره )

السبب ان المكان خلط بزييييياااادة وبعيد شويه عن بيتي ومسمى الوظيفي غير عن مهام ومسماي الحالي ..

مو كل الناس يدورون الراتب العالي يعني وايد ناس من اقولهم رفضته (يقولون لي رفستي النعمه حد يجيه اوفر بهالمكان ويرفضه مينونه)
بس انا استخرت ومارتحت واحس اني بتبهدل هناك مع كثرة الاجانب والرجال والمهام الوظيفية الثانية .

[LiL iNVe$ToR]

وعليكم السلام ورحمة الله وبركاته

رأيي ..اذا واحد هذا همه عقب ماتعلم وخلص؟ يرجع يدرس ويتعلم مره ثانيه لان في اشيا ماتعلمها لين الحين.

[شيخ الديرة]

كل ما يمكن شراءه بفلوس فهو رخيص. أنا جيت للدوحة براتب أقل بكثير مما كنت عليه يومها, واليوم بعد أكثر, لكن الحمد لله على ما قسم لنا من رزق ونصيب.

لكن الحق يذكر, ستكره الأختصاص الذي راتبه لا يوصلك الى 10 بالشهر

[غريب الدّار]

لكن الحق يذكر, ستكره الأختصاص الذي راتبه لا يوصلك الى 10 بالشهر
شر البلية مايضحك

لكن كلام من ذهب

[حمد 2002]

انا راتبي ايكفيني والحمد لله ،،


بس ودي اعيش عيشه شيخخخ ،،


وهذا ما ابحث عنه بمجال التجاره ، بس لين الحين ماحصلت مشروع زين ، مع العلم باني ابحث عن مشروع ب 100 الف ريال قطري ،،

[R 7 A L]

ناس واجد يابوعلي مايهمهم الراتب اكثر من الاستقرار الوظيفي

[حسن]

سؤالك صعب يابو علي

اللي يقول مب هامتني الفلوس والتخصص اهم اعتقد هم القلة

اعتقد

بعيدا عن المثاليات

والله تعالى اعلم

هلا مرحبا ياغريب الدار

من خلال متابعتي لك دائما ردودك في صلب الموضوع وتحط يدك على الجرح مثل مايقولون


انا اؤيدك في هذا الراي

ان القله من تبحث عن نفس المجال اللي متخصصه
اما الكثير لا مايهمه شنهو الاوفر اللي بيعطونه ااذا كان عالي قبل
مايهمه ان كان يحمل دكتوراه

شكرا لك

تحياتي

:)

[حمد 2002]

ناس واجد يابوعلي مايهمهم الراتب اكثر من الاستقرار الوظيفي

انا ابي اشتغل في شغل مافيه شغل ؟ وين احصل هالشغل اخوي رحال ؟

[لـبـيـه]

قال الله تعالى: الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً {الكهف:46}

فإن الله تعالى قد ذكر المال والبنين في الآية المذكورة، وقدم ذكر المال على البنين لعموم زينته بالنسبة لكل الأفراد والأوقات بخلاف البنين، فإنهم زينة للآباء فقط، وذلك بعد بلوغهم صفة الأبوة، كما أن المال سبب في بقاء النفس، أما البنون فسبب لبقاء النوع، وكذلك الحاجة إلى المال أمسُّ من الحاجة إلى البنين في الغالب، والمال أقدم منهم في الوجود، كما أنه يعتبر زينة بنفسه، بخلاف البنين فلا يكونون زينة إلا بوجود المال، فإن من له بنون ولا مال له فهو في أضيق حال ونكال.

[شموخ دائم]

,

,


مرحبا

تسلم على الموضوع الطيب

الحكايه ابتدت من ولاده ( الموسسات ) وكلنا نذكر
ان الرواتب كانت بحدود 8 الاف الى 12 الف
والمؤسسات والشركات الي طلعت بتللك الفتره
كانت تعطي رواتب 30 الف و 40 الف
عملت ( خلل ) في ميزان الرواتب وخلل كبير وفوضى في ( الانتقالات )
الكثير ( هجر ) الحكومه وانتقل الى تلك المؤسسات
الهرم والهيكل الوظيفي ومميزاته كان جاذب بطريقه ( مجنونه )

المدرس
الطبيب
الدكتور بالجامعه
المهندس

انتقلوا من الحكومه الى المؤسسات

ما نسينا المغريات منها ( المدارس الخاصه ) و ( والتامين الصحي ) كان فقط حكرا على ( الموسسات )

الكل صار يبحث عن واسطه هناك وينتقل

واستمر هذا الخلل واصبح ( موضه ) البحث عن الرواتب العاليه

المغريات هذي علمت الناس البحث عن الافضل في ( الراتب )

وحتى الدوله تعيد الموظف القطري الى الحكومه كان لابد من الزياده في الرواتب
وخاصه التربيه والتعليم كان من المستحيل تلاقي مدرسين قطريين يقبل بالعمل فيها
والراتب الان جذب الكثيرين

مع ( الاسف ) حصل فوضى حقيقيه موجه اخذت الناس للمؤسسات

وموجه رجعت الناس الى الحكومه

وما بين الموجتين لم يكن الموظف الذي بيده القرار كان يتبع ( الراتب )

ما حدث يثبت ان الناس تبحث عن ( الراتب ) الافضل مهما كانت الوظيفه بعيده عن مجاله

في الاخير

الموظف يبحث عن حياه ( كريمه ) من يوفرها له سيذهب اليه

,

,

[R 7 A L]

انا ابي اشتغل في شغل مافيه شغل ؟ وين احصل هالشغل اخوي رحال ؟

مافهمت
يعني تبي فلوس وانت قاعد في البيت ؟

[حمد 2002]

,

,


مرحبا

تسلم على الموضوع الطيب

الحكايه ابتدت من ولاده ( الموسسات ) وكلنا نذكر
ان الرواتب كانت بحدود 8 الاف الى 12 الف
والمؤسسات والشركات الي طلعت بتللك الفتره
كانت تعطي رواتب 30 الف و 40 الف
عملت ( خلل ) في ميزان الرواتب وخلل كبير وفوضى في ( الانتقالات )
الكثير ( هجر ) الحكومه وانتقل الى تلك المؤسسات
الهرم والهيكل الوظيفي ومميزاته كان جاذب بطريقه ( مجنونه )

المدرس
الطبيب
الدكتور بالجامعه
المهندس

ما نسينا المغريات منها ( الدارس الخاصه ) و ( والتامين الصحي ) كان فقط حكرا على ( الموسسات )

الكل صار يبحث عن واسطه هناك وينتقل

واستمر هذا الخلل واصبح ( موضه ) البحث عن الرواتب العاليه

المغريات هذي علمت الناس البحث عن الافضل في ( الراتب )

وحتى الدوله تعيد الموظف القطري الى الحكومه كان لابد من الزياده في الرواتب
وخاصه التربيه والتعليم كان من المستحيل تلاقي مدرسين قطريين يقبل بالعمل فيها
والراتب الان جذب الكثيرين

مع ( الاسف ) حصل فوضى حقيقيه موجه اخذت الناس للمؤسسات

وموجه رجعت الناس الى الحكومه

وما بين الموجتين لم يكن الموظف الذي بيده القرار كان يتبع ( الراتب )

ما حدث يثبت ان الناس تبحث عن ( الراتب ) الافضل مهما كانت الوظيفه بعيده عن مجاله

في الاخير

الموظف يبحث عن حياه ( كريمه ) من يوفرها له سيذهب اليه

,

,

بس الفجوه مازالت مستمره اخوي شموخ ، حتى مع زياده رواتب الحكومه ، لانه الي راتبه صار بالحكومه 30 الف من بعد الزياده ، كذلك المؤسسات زادت رواتبهم وصار يمسك 60 الف ريال ،، (( كنك يابو زيد ماغزيت ))

[حسن]

والله مو كل الناس ... بالعكس

انا جاني اوفر اكثر من راتبي ب 4 الاف ريال ورفضته (الموضوع اللي نزلته من فتره )

السبب ان المكان خلط بزييييياااادة وبعيد شويه عن بيتي ومسمى الوظيفي غير عن مهام ومسماي الحالي ..

مو كل الناس يدورون الراتب العالي يعني وايد ناس من اقولهم رفضته (يقولون لي رفستي النعمه حد يجيه اوفر بهالمكان ويرفضه مينونه)
بس انا استخرت ومارتحت واحس اني بتبهدل هناك مع كثرة الاجانب والرجال والمهام الوظيفية الثانية .

شي جميل ويمكن اخيره لك

ماادري نسمع راي الجمهور في ذالك مع ان شاهدت وهذا واقع نشوف حتى في الجرايد
اليوم في المكان الفلاني بعد سنه نشوفه في مكان فلاني
وهلم مجرا

ماادري احاول ابحث عن ااسباب وماسوف يؤدي له هذا الشي هل تطور ام تخبط

شكرا لك ياام محمد

[حسن]

وعليكم السلام ورحمة الله وبركاته

رأيي ..اذا واحد هذا همه عقب ماتعلم وخلص؟ يرجع يدرس ويتعلم مره ثانيه لان في اشيا ماتعلمها لين الحين.

مرحبا بك

تتوقع هل هذا المبداء مفعل عند مثل ماذكرت ؟ولا يضحون علشان الرواتب العالي ؟

نتمنىى وشي جميل ان الواحد تلقى عنده عده شهادات

ولكن بتلقاه من النوادر

شكرا لك

[حمد 2002]

مافهمت
يعني تبي فلوس وانت قاعد في البيت ؟

اداوم بشغل ما

بس مايعطوني شغل اشتغله ::

[راجي الْعفو]

والله مو كل الناس ... بالعكس

انا جاني اوفر اكثر من راتبي ب 4 الاف ريال ورفضته (الموضوع اللي نزلته من فتره )

السبب ان المكان خلط بزييييياااادة وبعيد شويه عن بيتي ومسمى الوظيفي غير عن مهام ومسماي الحالي ..

مو كل الناس يدورون الراتب العالي يعني وايد ناس من اقولهم رفضته (يقولون لي رفستي النعمه حد يجيه اوفر بهالمكان ويرفضه مينونه)
بس انا استخرت ومارتحت واحس اني بتبهدل هناك مع كثرة الاجانب والرجال والمهام الوظيفية الثانية .

الله يجزاج خير على مراعاة موضوع الاختلاط ..

كم نسبة النساء اللي ما يراعون ذلك ؟

ويراعون موضوع : رفستي النعمة

( يعني دنيا )

ويقدمونها على الدين و العرض ؟

أمر يحتاج لتأمل ..

الله يصلح الاحوال و يعافينا ..





وللمناسبة :


أوجه كلمة شكر و تحية حارة لكل امرأة حرصت على عدم دخولها في مجال العمل المختلط ..

واتخذت لذلك جميع انواع السبل ..

---------------------------------------


وعليكم السلام و رحمة الله و بركاته ..

صباحك خير يالنوخذة ..

محد ما يطلب المال ..

بس حبذا ان الشخص يراعي امور :

- ان يوازن بين التخصص و الراتب ، مع رجحان مجال العمل ..

- ان لا يكون شرِِها في السعي وراء المال ..

بل تكون القناعة ( هي رأس المال ) ..


وفي الحديث :

(( انظروا إلى من هو أسفل منكم و لا تنظروا إلى من هو فوقكم .. ))

بوركت ..

[حسن]

كل ما يمكن شراءه بفلوس فهو رخيص. أنا جيت للدوحة براتب أقل بكثير مما كنت عليه يومها, واليوم بعد أكثر, لكن الحمد لله على ما قسم لنا من رزق ونصيب.

لكن الحق يذكر, ستكره الأختصاص الذي راتبه لا يوصلك الى 10 بالشهر

مرحبا ياشيخ الديره والله يرزقك الرزق الحلال

ولكن هل تتوقع الاختصااص لا يوثر على انتاجيه العمل ؟ ولا ليش العالم تروح تدرس تخصصات ؟
دام الوصع عندنا يركب على كل شي ؟؟

شكرا لك

تحياتي

[R 7 A L]

اداوم بشغل ما

بس مايعطوني شغل اشتغله ::

وهل انت راضي بهذا الشي ؟

[حسن]

انا راتبي ايكفيني والحمد لله ،،


بس ودي اعيش عيشه شيخخخ ،،


وهذا ما ابحث عنه بمجال التجاره ، بس لين الحين ماحصلت مشروع زين ، مع العلم باني ابحث عن مشروع ب 100 الف ريال قطري ،،

هلا هلا

حيالله بوشهاب

طرحت عليك الكثير من وسائل المساعده ولكن يوم جات تعرس عيا ابوها
هههههههههه

كيفك لا زال البحث جاري عن اليخت

:(

لا تستعجل على رزقك والله ماكتبه لك الحين ويمكن الله يعوضك
بش احسن منه وابرك
السعاده مهب بالمال ياولد

:)

[حسن]

ناس واجد يابوعلي مايهمهم الراتب اكثر من الاستقرار الوظيفي

هلا هلا

حيالله برحال

اترك عنك الناس الواجد انت شرايك عرض عليك وظيفه راتبها مغري وانت اساسا
مهب نفس دراستك نهائيا
هل بتوافق وبتحكم ضميرك ولا بيقص عليك الشيطان وبيزين لك الراتب المغري
ومايهم اساسا العلم وانتاجيته

شكرا يارحال

[حسن]

قال الله تعالى: الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً {الكهف:46}

فإن الله تعالى قد ذكر المال والبنين في الآية المذكورة، وقدم ذكر المال على البنين لعموم زينته بالنسبة لكل الأفراد والأوقات بخلاف البنين، فإنهم زينة للآباء فقط، وذلك بعد بلوغهم صفة الأبوة، كما أن المال سبب في بقاء النفس، أما البنون فسبب لبقاء النوع، وكذلك الحاجة إلى المال أمسُّ من الحاجة إلى البنين في الغالب، والمال أقدم منهم في الوجود، كما أنه يعتبر زينة بنفسه، بخلاف البنين فلا يكونون زينة إلا بوجود المال، فإن من له بنون ولا مال له فهو في أضيق حال ونكال.

مرحبا يالبيه

يعني انت فضلت المال على حسب ما وضحت لي من الايات الكريمه

زين شي جميل مافي حد مايحب المال والقناطير المقنطره

بس رب العاليمن يقول من عمل منكم عمل فليتقنه

التخصص في نفس الوظيفه مطلوب مايسر احط لي خريج محاسبه بوظيفه مهندس
وبراتب عالي

الى يعتبر هذا غش واضح وصريح

!!!

شكرا لك وعلى مرورك الكريم

[حسن]

مشاء الله

المشاهدات جدا كبيره معناه لازلت في الصداره ولله الحمد

استوقفت عن رد الاخ شموخ دايم

الصراحه رده كان ممتاز ويبيله وقفه وتكلم عن واقع خطير ومرير

له عوده على ردك ياشموخ دائم

لانشغالي المهم

نراكم على خير

واشكر الكل

[دااانة قطر]

ماافي أحد مايحب الحيااة الكريمة في ظل المغرياات الموجوده أماامه
عن نفسي فضلت أكمل دراااستي واخذ الشهاادة عشاان الرااتب والمنصب وبعدها افكر في التقااعد
يعني ماراااح احس بفاارق الرااتب بعد التقااعد باذن الله

[H H]

البحث عن الراتب الاعلى مافيه مشكله , لكن السيء والي بدا ينتشر بشكل مخيف هو البحث عن الوظيفه المريحه (اعتقد يحتاجله موضوع ثاني منك)
الوظيفه الي تقعد تتقهوى فيها من الصبح للظهر وتطلع تريّح , مدري على وش هالراحه بس اهم شي انه يريح , وفالمجلس يقول للربع , شغلنا يهد الحيل الله المستعان.
وانا موب قاهرني الا جملة الله المستعان, تحس انه صادق ههههههه

[شيخ الديرة]

مرحبا ياشيخ الديره والله يرزقك الرزق الحلال

ولكن هل تتوقع الاختصااص لا يوثر على انتاجيه العمل ؟ ولا ليش العالم تروح تدرس تخصصات ؟
دام الوصع عندنا يركب على كل شي ؟؟

شكرا لك

تحياتي

مرحبا بك

الأختصاص من أجل شهادة الأختصاص والسمعة هو مضيعة للوقت. الأختصاص مطلوب عندما يكون مكان عملك يحتاج ما تعلمته بالأختصاص ويكافؤوك على ذلك براتب وامتيازات عاليه, لا لسواد عيونك, وأنما لكي يضمنوا استمرارك معهم.

لم تلدنا أمهاتنا ومعنا الأختصاص الذي سنكبر ونكون. ولكن مع الأسف الكثير يتعامل مع الموضوع بعاطفية مغشوشة, أنا أريد أصير طيار لأن أحب كذا وكذا , وأنا أريد أصير مهندس كهرباء لأن كذا وكذا

اليوم غير, اليوم مساعد طبيب او ممرض أختصاص بمهارات وتدريب معين على جهاز معين (http://www.bls.gov/ooh/healthcare/diagnostic-medical-sonographers.htm) وشهادة دبلوم ياخذ راتب أعلى من الطبيب اللي يساعده... والمسكين قضى عمره

نرجو من أولياء أيقاظ أطفالهم من الكابوس الذي عشناه ... قم بعمل جرد للوظائف المطلوبة وتتكرر في الأعلانات, قم بزيارة وناقش الموضوع مع رئيس قسم التوظيف وهو يدليك على الوظائف اللي محتاجيها وبعدين شجع لأطفالك يحبون تلك الوظائف ...

[أم محمد 90]

الله يجزاج خير على مراعاة موضوع الاختلاط ..

كم نسبة النساء اللي ما يراعون ذلك ؟

ويراعون موضوع : رفستي النعمة

( يعني دنيا )

ويقدمونها على الدين و العرض ؟

أمر يحتاج لتأمل ..

الله يصلح الاحوال و يعافينا ..





وللمناسبة :


أوجه كلمة شكر و تحية حارة لكل امرأة حرصت على عدم دخولها في مجال العمل المختلط ..

واتخذت لذلك جميع انواع السبل ..

---------------------------------------

..

والله اخوي الله يهدي الجميع انا ماقول اني مستحيل اشتغل بمكان خلط بس خلط عن خلط يفرق
انا ف وظيفتي الحالية قسمنا كله بنات ومكاتب مسكرة صحيح في ناس يجون بس الرجال مايدخل الا لما يطق الباب ماعندنا حد يدرعم جذي ومرتاحة .

اما هناك قالوا لي في بارتشن لما رحت استلم العرض صراحة مع كل اسف شفت البنات قعدة وكشخة وضرب سوالف مع الشباب لدرجة ان واحد من الشباب قاعد بطرف جسمه على الطاولة مالتها وهي ف الكرسي قدامه يعني كان شكلهم بايخ والمشكله عادي قدام الكل ماحبيت المكان كلش مع انه اسمه قوي وراتب قوي ومزايا حلوة بس انا عن نفسي مارضى

لاحظ ف البداية كنت فرحااااانة ان هالمكان كلموني واطلبوني لمقابلة ولما رحت المقابلة ماخذت جوالة ف المكاتب بس مكتب المدير والمكان انيق وراقي وله سمعه ومستوى وعاجبني وتخيلت نفسي فيه .
بس لما استلمت العرض دخلت عند الموظفة وشفت القعدة والسوالف , كوفي شووووب مثل شوغار اند سبايس بدون مبالغة .

مب حلو كلش. انا عن نفسي مارتاح

من ترك شيئاً لله عوضه الله خيراً منه ,, مؤمنة بالله .. والحمدلله

[يوسف0]

انا راتبي ايكفيني والحمد لله ،،


بس ودي اعيش عيشه شيخخخ ،،


وهذا ما ابحث عنه بمجال التجاره ، بس لين الحين ماحصلت مشروع زين ، مع العلم باني ابحث عن مشروع ب 100 الف ريال قطري ،،

مشروع كاب كيك :nice:

[غايه الطواش]

قرب الدوام من البيت تسوالها 20 الف

[يمامـة]

الراتب حلو والاستقرار الوظيفي احلى واحلى واحلى.

فشي طبيعي الواحد يبحث عن المعاش العالي.. لكنه أكيد بيكره نفسه لو معاشه كان عالي وشغله كان متعب
و مافيه تقدير او احترام لتخصصه..

[بوحارب]

انا حاليا ابحث عن وظيفة براتب 48000+


اللي يعرف مكان يعطي هالراتب يخبرني

الخبرة ؛ شهادة ثانوية ادبي
وكم سنة في النورث اتلانتك
والاخلاق اوكي :(

[غايه الطواش]

انا حاليا ابحث عن وظيفة براتب 48000+


اللي يعرف مكان يعطي هالراتب يخبرني

الخبرة ؛ شهادة ثانوية ادبي
وكم سنة في النورث اتلانتك
والاخلاق اوكي :(


والله لو تجيب اغراض من امريكا مالت سيارات وتبيعها ع الشباب ان هال 47 الف تدخلها في اسبوع

اخوي شاري شي حق سيارتي حول ال 700 ريال وفالدوحه ب 4000
صح طلع عليه شحن بس بعد مب وايد


والا تدري عندي لك شور

افتح اكاونت في انستغرام وبيع اغراض غوص سباحه وتسالي بحريه ماعرف شسمونها

وشوف كم بيدش عليه وخاصه ان الحين قرب وقت الصيف اقل شي الشبك الي بنحط على مروحه السكوتر شوفه بكم
والا المسجلات الي تركب فالطراريد

والا الخيمه الي تركب بسرعه في كارفور ب 1800 فالنت 120 دولار قول مع الشحن بالكثير 190 دولار


بو حارب ياخي فكر شوي

[بوحارب]

والله لو تجيب اغراض من امريكا مالت سيارات وتبيعها ع الشباب ان هال 47 الف تدخلها في اسبوع

اخوي شاري شي حق سيارتي حول ال 700 ريال وفالدوحه ب 4000
صح طلع عليه شحن بس بعد مب وايد


والا تدري عندي لك شور

افتح اكاونت في انستغرام وبيع اغراض غوص سباحه وتسالي بحريه ماعرف شسمونها

وشوف كم بيدش عليه وخاصه ان الحين قرب وقت الصيف اقل شي الشبك الي بنحط على مروحه السكوتر شوفه بكم
والا المسجلات الي تركب فالطراريد

والا الخيمه الي تركب بسرعه في كارفور ب 1800 فالنت 120 دولار قول مع الشحن بالكثير 190 دولار


بو حارب ياخي فكر شوي

اتفق معاج وانا زمان حاط في بالي تجارة النت

بس للحين مافيه عزيمة crazy

[بصمة قطرية]

ما أعتقد في إنسان بيشتغل شغله مب مرتاح فيها
بس عشان الراتب عالي ..!!
مب مسألة إختصاص غير إختصاصه
المهم الراحة النفسية هي اللي تحبب الموظف في وظيفته ..
الراتب مهم و من حق أي شخص يدور الأفضل
والراتب الأعلى ..
وين الغلط ..!!
يعني الحين يا حسن لو عرضوا عليك وظيفتين
وحدة مثل ما تقول في مجال تخصصك و الراتب ثلاثين
و الثانية مش في مجال تخصصك و الراتب اربعين ..
ما اعتقد انك بتروح لراتب الثلاثين الا اذا حسيت ان
الوظيفة الثانية شاقة و متعبة و لا ما تناسبك ..
لكن في الغالب بتفكر في الاربعين
من ما يتمنى الأفضل ..

[النهار]

اتفق معاج وانا زمان حاط في بالي تجارة النت

بس للحين مافيه عزيمة crazy

انا فاضي انت بس عطني الفيلوووووس وماعليك اصرف لك البضاعه
ماقلت لك ترى عندي جمس برازيلي واقف في البيت من 20 سنه هههههههههههههههههههههه

[حسن]

,

,


مرحبا

تسلم على الموضوع الطيب

الحكايه ابتدت من ولاده ( الموسسات ) وكلنا نذكر
ان الرواتب كانت بحدود 8 الاف الى 12 الف
والمؤسسات والشركات الي طلعت بتللك الفتره
كانت تعطي رواتب 30 الف و 40 الف
عملت ( خلل ) في ميزان الرواتب وخلل كبير وفوضى في ( الانتقالات )
الكثير ( هجر ) الحكومه وانتقل الى تلك المؤسسات
الهرم والهيكل الوظيفي ومميزاته كان جاذب بطريقه ( مجنونه )

المدرس
الطبيب
الدكتور بالجامعه
المهندس

انتقلوا من الحكومه الى المؤسسات

ما نسينا المغريات منها ( المدارس الخاصه ) و ( والتامين الصحي ) كان فقط حكرا على ( الموسسات )

الكل صار يبحث عن واسطه هناك وينتقل

واستمر هذا الخلل واصبح ( موضه ) البحث عن الرواتب العاليه

المغريات هذي علمت الناس البحث عن الافضل في ( الراتب )

وحتى الدوله تعيد الموظف القطري الى الحكومه كان لابد من الزياده في الرواتب
وخاصه التربيه والتعليم كان من المستحيل تلاقي مدرسين قطريين يقبل بالعمل فيها
والراتب الان جذب الكثيرين

مع ( الاسف ) حصل فوضى حقيقيه موجه اخذت الناس للمؤسسات

وموجه رجعت الناس الى الحكومه

وما بين الموجتين لم يكن الموظف الذي بيده القرار كان يتبع ( الراتب )

ما حدث يثبت ان الناس تبحث عن ( الراتب ) الافضل مهما كانت الوظيفه بعيده عن مجاله

في الاخير

الموظف يبحث عن حياه ( كريمه ) من يوفرها له سيذهب اليه

,

,

مرحبا ياشموخ دائم

مشاركه فيها الكثير من الالم وخصوصا مقولتك هذه

مع ( الاسف ) حصل فوضى حقيقيه


مقولتك هذه فعلا حقيقه وشفنى تردي الكثير من الوزرارت والقطاعات على جميع الاصعده
ولازلنا نعاني منه
وكاني بعدها نزل قرار منع التنقل بين الوزرارت على مااذكر

المفروض يكون هناك تنافس على الوظيفه والافضليه للكفائه
مااستبعد ان الواسطه ماكان لها دور

اشكرك على هذه المشاركه ياشموخ دائم كانت في صميم الواقع

تحياتي

[حسن]

الله يجزاج خير على مراعاة موضوع الاختلاط ..

كم نسبة النساء اللي ما يراعون ذلك ؟

ويراعون موضوع : رفستي النعمة

( يعني دنيا )

ويقدمونها على الدين و العرض ؟

أمر يحتاج لتأمل ..

الله يصلح الاحوال و يعافينا ..





وللمناسبة :


أوجه كلمة شكر و تحية حارة لكل امرأة حرصت على عدم دخولها في مجال العمل المختلط ..

واتخذت لذلك جميع انواع السبل ..

---------------------------------------


وعليكم السلام و رحمة الله و بركاته ..

صباحك خير يالنوخذة ..

محد ما يطلب المال ..

بس حبذا ان الشخص يراعي امور :

- ان يوازن بين التخصص و الراتب ، مع رجحان مجال العمل ..

- ان لا يكون شرِِها في السعي وراء المال ..

بل تكون القناعة ( هي رأس المال ) ..


وفي الحديث :

(( انظروا إلى من هو أسفل منكم و لا تنظروا إلى من هو فوقكم .. ))

بوركت ..

مرحبا ياراجي العفو

واشكرك على المشاركه

:victory:

[حسن]

ماافي أحد مايحب الحيااة الكريمة في ظل المغرياات الموجوده أماامه
عن نفسي فضلت أكمل دراااستي واخذ الشهاادة عشاان الرااتب والمنصب وبعدها افكر في التقااعد
يعني ماراااح احس بفاارق الرااتب بعد التقااعد باذن الله

مرحبا يااخت دانه

اكيد مافي انسان مايحب الحياه الكريمه
ولكن

ان تكون حقيقيه وليست وهميه

!!!

وشي جميل ان الانسان يطمح للاعلى بجد وباجتهاد ومثابره

الله يوفقك في حياتك العلميه والعلميه

وفالك النجاح باذن الله


شكرا لك

:)

[بصمة قطرية]

مرحبا يااخت دانه

اكيد مافي انسان مايحب الحياه الكريمه
ولكن

ان تكون حقيقيه وليست وهميه

!!!

وشي جميل ان الانسان يطمح للاعلى بجد وباجتهاد ومثابره

الله يوفقك في حياتك العلميه والعلميه

وفالك النجاح باذن الله


شكرا لك

:)
شلون يعني حقيقية و ليست وهمية ..!!
ممكن توضح هالنقطه
لأني ما فهمتها ..

[H H]

قرب الدوام من البيت تسوالها 20 الف

جبتها عالجرح وكنك مادريت :(

[راجي الْعفو]

اتفق معاج وانا زمان حاط في بالي تجارة النت

بس للحين مافيه عزيمة crazy

اعطيك اقتراحات :

مشتل
شراء ورق جدران



















واهم وحدة :

Bu
hareb
karak

[ودي أكون]

الراحه النفسيه والبيئه أهم بكثير من لفلوس ..

[eXpert*]

الله المستعان ..

[رهج السنابك]

الي يخبر لي مكان براتب +80 الف
يدزه لي

هاهاها

[حسن]

البحث عن الراتب الاعلى مافيه مشكله , لكن السيء والي بدا ينتشر بشكل مخيف هو البحث عن الوظيفه المريحه (اعتقد يحتاجله موضوع ثاني منك)
الوظيفه الي تقعد تتقهوى فيها من الصبح للظهر وتطلع تريّح , مدري على وش هالراحه بس اهم شي انه يريح , وفالمجلس يقول للربع , شغلنا يهد الحيل الله المستعان.
وانا موب قاهرني الا جملة الله المستعان, تحس انه صادق ههههههه

هلا هلا

يبيله على ماقلت موضوع آخر وهو البطاله المقنعة المخيفة وياريت على القطري
الاحتى الأجنبي صار بطالة مقنعة

هذا دليل أن المسؤل غير مناسب ويحتاج علاج

شكرا لك

[حمد 2002]

الي يخبر لي مكان براتب +80 الف
يدزه لي

هاهاها

اكثر القطاعات يبون شهادات جامعيه او ثانويه مايبون اعداديه اختي الكريمه .


مع الشكر الجزيل .

[حسن]

مرحبا بك

الأختصاص من أجل شهادة الأختصاص والسمعة هو مضيعة للوقت. الأختصاص مطلوب عندما يكون مكان عملك يحتاج ما تعلمته بالأختصاص ويكافؤوك على ذلك براتب وامتيازات عاليه, لا لسواد عيونك, وأنما لكي يضمنوا استمرارك معهم.

لم تلدنا أمهاتنا ومعنا الأختصاص الذي سنكبر ونكون. ولكن مع الأسف الكثير يتعامل مع الموضوع بعاطفية مغشوشة, أنا أريد أصير طيار لأن أحب كذا وكذا , وأنا أريد أصير مهندس كهرباء لأن كذا وكذا

اليوم غير, اليوم مساعد طبيب او ممرض أختصاص بمهارات وتدريب معين على جهاز معين (http://www.bls.gov/ooh/healthcare/diagnostic-medical-sonographers.htm) وشهادة دبلوم ياخذ راتب أعلى من الطبيب اللي يساعده... والمسكين قضى عمره

نرجو من أولياء أيقاظ أطفالهم من الكابوس الذي عشناه ... قم بعمل جرد للوظائف المطلوبة وتتكرر في الأعلانات, قم بزيارة وناقش الموضوع مع رئيس قسم التوظيف وهو يدليك على الوظائف اللي محتاجيها وبعدين شجع لأطفالك يحبون تلك الوظائف ...

شكرا على المشاركه ياشيخ الديره
الاختصاص مطلوب والا العمل بيسير سبهلله وبدال مانتقدم بنسير متخلفين

شكرا لك

[حمد 2002]

الراحه النفسيه والبيئه أهم بكثير من لفلوس ..

الراحه النفسيه تأتي من خلال الفلوس ايظا . :nice::victory:


لو واحد مريض جدا ، وجاف فلوس وشم هالفلوس ، اكيد بترد له العافيه وبيصحى . :victory:

[حسن]

قرب الدوام من البيت تسوالها 20 الف

في ضل الزحمة الخانقة تسوى بس بالكلام
أما فعليا نو وي

الفرق كبير جدا

شكرا لك

[حسن]

الراتب حلو والاستقرار الوظيفي احلى واحلى واحلى.

فشي طبيعي الواحد يبحث عن المعاش العالي.. لكنه أكيد بيكره نفسه لو معاشه كان عالي وشغله كان متعب
و مافيه تقدير او احترام لتخصصه..

كلن يغني على سكينة

ماهو الاستقرار الوظيفي
الراتب العالي
أو شرب كوفي ومريح راسي
ولا تشتغل غير تخصصك وطز في العمل


!!!

فكر من فكر يختلف


شكرا ياليمامه

[حمد 2002]

والله لو تجيب اغراض من امريكا مالت سيارات وتبيعها ع الشباب ان هال 47 الف تدخلها في اسبوع

اخوي شاري شي حق سيارتي حول ال 700 ريال وفالدوحه ب 4000
صح طلع عليه شحن بس بعد مب وايد


والا تدري عندي لك شور

افتح اكاونت في انستغرام وبيع اغراض غوص سباحه وتسالي بحريه ماعرف شسمونها

وشوف كم بيدش عليه وخاصه ان الحين قرب وقت الصيف اقل شي الشبك الي بنحط على مروحه السكوتر شوفه بكم
والا المسجلات الي تركب فالطراريد

والا الخيمه الي تركب بسرعه في كارفور ب 1800 فالنت 120 دولار قول مع الشحن بالكثير 190 دولار


بو حارب ياخي فكر شوي

والله فكره .


جزاج الله خيرا اختي الفاضله .

[غايه الطواش]

في ضل الزحمة الخانقة تسوى بس بالكلام
أما فعليا نو وي

الفرق كبير جدا

شكرا لك

لاتسوى جاني العرض من احد شركات البترول وكان زياده على راتبي 22 مب 20 الف ورفضت
كافيه الراحه النفسيه في المكان ودخلتي وطلعتي على راحتي وخلاص تمكنت من الشغل وعارفه الي لي والي علي

[زبرجد]

أنا برأيي أهم شي تحب العمل فأنت إذا حبيته راح تتحمل كل العراقيل وبالتالي بتتطور فيه وبتترقى وراح يزيد راتبك

[بوحارب]

انا فاضي انت بس عطني الفيلوووووس وماعليك اصرف لك البضاعه
ماقلت لك ترى عندي جمس برازيلي واقف في البيت من 20 سنه هههههههههههههههههههههه
والله ينفع حق تجارة إسمنت ابيض ههههههههههههههه

والله ابرك من الذهب مالك :)


اعطيك اقتراحات :

مشتل
شراء ورق جدران



واهم وحدة :

Bu
hareb
karak

اخ منك ااااخ ههههههههههه

[بوحارب]

أنا برأيي أهم شي تحب العمل فأنت إذا حبيته راح تتحمل كل العراقيل وبالتالي بتتطور فيه وبتترقى وراح يزيد راتبك

كلام جميل

وووولكم بااااك :)

[زبرجد]

كلام جميل

وووولكم بااااك :)

هلا بالغالي بوحارب

[ودي أكون]

الراحه النفسيه تأتي من خلال الفلوس ايظا . :nice::victory:


لو واحد مريض جدا ، وجاف فلوس وشم هالفلوس ، اكيد بترد له العافيه وبيصحى . :victory:

عافانا الله من هالنفوس .. ^

[بنت شرق]

الراحه النفسيه تأتي من خلال الفلوس ايظا . :nice::victory:


لو واحد مريض جدا ، وجاف فلوس وشم هالفلوس ، اكيد بترد له العافيه وبيصحى . :victory:

ههههه،،ضحكتني جدا ،،،قول للدكاترة اقتراحك ،،يشممون أصحاب الامراض الفلوس ،،،لكان نجا منها السابقين واللاحقون الي خزانة الدولة بجيوبهم ،،
ولم يستطع المال شفائهم ،،لأنه العافية والصحة تأتي من عند الله ،،وليس من الدينار والدرهم
وصدق الرسول صلى الله عليه وسلم اذ قال ،،،
تعس عبد الدينار تعس عبد الدرهم تعس عبد الخميصة وإذا شيك فلا انتفش ،،،،

[Right]

بعيداً عن المثالية والكلام المعسول

وما هو حادث من واسطة ومحسوبية وغيره في مجتمعنا


الراتب العالي أهم شيء حتى لو كان بعيد كل البعد عن التخصص تماماً


وحتى لو كان مسمى الوظيفة عادي



مثال:

مسمى حلو بوزارة كــ مدير ، لكن الراتب تعبان

ومسمى عادي في مكان ما ، لكن الراتب قوي




" وحبوا بعض " :victory:

[OREO]

بوعلى ابشرك حصلت اوفر بصالون نسائي براتب 300 الف في الشهر مع بونص سنوي 350 الف ريال ،،،

عطني شورك 😏

[R 7 A L]

فيه شركات رواتبها خياليه مثل شركة شل والمنصات البحريه ليش ماانشوف فيها الا عدد قليل جداً من القطريين

[حسن]

انا حاليا ابحث عن وظيفة براتب 48000+


اللي يعرف مكان يعطي هالراتب يخبرني

الخبرة ؛ شهادة ثانوية ادبي
وكم سنة في النورث اتلانتك
والاخلاق اوكي :(

هلا هلا

تستاهل يامدير

:)

[حسن]

ما أعتقد في إنسان بيشتغل شغله مب مرتاح فيها
بس عشان الراتب عالي ..!!
مب مسألة إختصاص غير إختصاصه
المهم الراحة النفسية هي اللي تحبب الموظف في وظيفته ..
الراتب مهم و من حق أي شخص يدور الأفضل
والراتب الأعلى ..
وين الغلط ..!!
يعني الحين يا حسن لو عرضوا عليك وظيفتين
وحدة مثل ما تقول في مجال تخصصك و الراتب ثلاثين
و الثانية مش في مجال تخصصك و الراتب اربعين ..
ما اعتقد انك بتروح لراتب الثلاثين الا اذا حسيت ان
الوظيفة الثانية شاقة و متعبة و لا ما تناسبك ..
لكن في الغالب بتفكر في الاربعين
من ما يتمنى الأفضل ..

هلا هلا

حيالله بصمه الجديده

بانسبه لي شيليني خارج الحسبه انا متنازل عن مبلغ محترم
وافكر فيه ليل ونهار
واقول الله يجب اليوم اللي حقق مرادي واضحي بهل المبلغ
وعلى فكره نواي ادفع مبلغ محترم علشان اشتري مده التقاعد
يعني خبرتي واحد يبي يدفع لصندوق التقاعد علشان يشتري مدته
وبيضحي فوق العشرين الف
:)

مااعتقد حد سواها ولا فكر يسويها

بالنسبه لو عرض علي وزير باوافق لاني عندي خبره وعندي ضمير
والواحد فينا يمشي كتبيه اليه متحركه مع المحموله جوا
احنا غير
:victory:

الموضوع كيف تتوظف علشان الراتب وتخصصك كله راح سدي ولا يخدم الدوله بشي

اذا انتي تفكرين التخصص مايعني بالعمل عجل ليش الناس تدرس
وتفكرين اذا واحد بشتغل في غير مجال دراسته
ماهو الابداع اللي بينتج عنه
!!!
ذكرتني بحسينوه يوم اشتغل محامي
الشغله كلها السان طويل

:)


اشكرك يابصمه


تحياتي لك

:)

[حسن]

شلون يعني حقيقية و ليست وهمية ..!!
ممكن توضح هالنقطه
لأني ما فهمتها ..

يعني مهب مبنيه على الغش

:)

[حسن]

الراحه النفسيه والبيئه أهم بكثير من لفلوس ..

هلا هلا

حيالله اخت ودك تكونين

وجهه نظرك

البيئه الصالحه والنظيفه مطلوبه فعلا

شكرا لك

تحياتي

:)

[حسن]

الله المستعان ..

الله المستعان

شكرا لك

تحياتي

:)

[حسن]

الي يخبر لي مكان براتب +80 الف
يدزه لي

هاهاها

هلا هلا

تستاهلين والفالك لك

شكرا لك

تحياتي

:)

[بصمة قطرية]

هلا هلا

حيالله بصمه الجديده

بانسبه لي شيليني خارج الحسبه انا متنازل عن مبلغ محترم
وافكر فيه ليل ونهار
واقول الله يجب اليوم اللي حقق مرادي واضحي بهل المبلغ
وعلى فكره نواي ادفع مبلغ محترم علشان اشتري مده التقاعد
يعني خبرتي واحد يبي يدفع لصندوق التقاعد علشان يشتري مدته
وبيضحي فوق العشرين الف
:)

مااعتقد حد سواها ولا فكر يسويها

بالنسبه لو عرض علي وزير باوافق لاني عندي خبره وعندي ضمير
والواحد فينا يمشي كتبيه اليه متحركه مع المحموله جوا
احنا غير
:victory:

الموضوع كيف تتوظف علشان الراتب وتخصصك كله راح سدي ولا يخدم الدوله بشي

اذا انتي تفكرين التخصص مايعني بالعمل عجل ليش الناس تدرس
وتفكرين اذا واحد بشتغل في غير مجال دراسته
ماهو الابداع اللي بينتج عنه
!!!
ذكرتني بحسينوه يوم اشتغل محامي
الشغله كلها السان طويل

:)


اشكرك يابصمه


تحياتي لك

:)

بصمة الجديدة ..!!!!
ما علينا ..
بنت عمي دفعت مبلغ كبير لصندوق التقاعد
و شرت السنين اللي بقت لها ..
عادي وايد يسوونها ..

و على أي أساس الواحد يحكم على نفسه انه يستاهل
هالمنصب ..!!
ذكرتني بمرشحين المجلس البلدي ..
في اللي الناس يعرفونهم و يعرفون إنهم كفوو
و في اللي الناس ما يعرفونهم و ممكن يكونون أحسن من غيرهم
بس محد يعرفهم :)


شوف يا حسن
خلنا نكون واقعيين شوي ..

الواحد يدرس تخصص معين عشان في المستقبل
يحصل له وظيفة في مجال تخصصه ..
هالشي مفروغ منه ..
بس الواقع يقول لك
( إبحث عن الأفضل )
الراتب مهم و مهم جداً ..
يعني الواحد يتعب اكيد يبي راتب يستاهل التعب
و من حقه يدور وظيفه مرتاح لها حتى لو كانت
خارج تخصصه ..

[sweet qatar]

كل واحد و رغبته و أسلوب حياته



مب عيب الواحد يدور الراتب العالي

يمكن هو يظن ان أمان الدنيا و لذتها في الفلوس !!

و مب عيب ينظر للمنصب كوجاهة اجتماعية .. بيستفيد منها هو و عياله وعيال عياله و كل جماعته بعد


يا بخت الي يشتغل في شي يحبه و راتبه خرافي :o

الله يرزقنا !

[العنيده]

اللي يبحث عن الراتب العالي يتحمل كل شي لانه فكر في ناحيه وحده ..
انا تنازلت عن وظيفتي السابقه مع الراتب فرق 12 الف بس الحمدلله شريت راحتي بمكاني الجديد شغل وتقدير اهم شي .. ولا الفلوس رايحه

[حسن]

كل واحد و رغبته و أسلوب حياته



مب عيب الواحد يدور الراتب العالي

يمكن هو يظن ان أمان الدنيا و لذتها في الفلوس !!

و مب عيب ينظر للمنصب كوجاهة اجتماعية .. بيستفيد منها هو و عياله وعيال عياله و كل جماعته بعد


يا بخت الي يشتغل في شي يحبه و راتبه خرافي :o

الله يرزقنا !

:omg::omg:

احنا ماننظر باسلوب العيب والوجاهه والخ من البرستيجات العربيه المتخلفه
الصراحه صدمني تفكيرك ياسويت

ماتوقعته جذي

:(

يعني المنصب عندنا اصبح وجاهه
وطوز في مصله الوطن والناس

!!!

يالله من تفكير

مش مصدق



:omg:

[حسن]

اللي يبحث عن الراتب العالي يتحمل كل شي لانه فكر في ناحيه وحده ..
انا تنازلت عن وظيفتي السابقه مع الراتب فرق 12 الف بس الحمدلله شريت راحتي بمكاني الجديد شغل وتقدير اهم شي .. ولا الفلوس رايحه

كلام سليم ونموضج مختلف مثلك ومثل غيرك من العضوات اللاتي رفضن وضحين
وبصمه تقول مافي حد يرفض الراتب العالي

الله يوفقك اهم شي ان الانسان يخلص في عمله

شكرا لك يالعنيده

[بصمة قطرية]

اللي يبحث عن الراتب العالي يتحمل كل شي لانه فكر في ناحيه وحده ..
انا تنازلت عن وظيفتي السابقه مع الراتب فرق 12 الف بس الحمدلله شريت راحتي بمكاني الجديد شغل وتقدير اهم شي .. ولا الفلوس رايحه


كلام سليم ونموضج مختلف مثلك ومثل غيرك من العضوات اللاتي رفضن وضحين
وبصمه تقول مافي حد يرفض الراتب العالي

الله يوفقك اهم شي ان الانسان يخلص في عمله

شكرا لك يالعنيده


حبيبتي العنيدة ..
أنا أكثر وحدة عارفة الأسباب اللي خلتج تتركين شغلج القديم ..
و قلت لج زين سويتي تشترين راحتج ..
لكن حسن يفهم نص كلامي ..
أنا أقول الراتب القوي مهم و مطلوب
بس مب على حساب الراحة النفسية ..
و عندك العنيدة أقرب مثال ..

[sweet qatar]

:omg::omg:

احنا ماننظر باسلوب العيب والوجاهه والخ من البرستيجات العربيه المتخلفه
الصراحه صدمني تفكيرك ياسويت

ماتوقعته جذي

:(

يعني المنصب عندنا اصبح وجاهه
وطوز في مصله الوطن والناس

!!!

يالله من تفكير

مش مصدق



:omg:

شدعوة أخوي .. شقلت أنا !! .. ماله داعي كل هالكلام


في ناس حصلت الراتب العالي والله يزيدها وانعرض عليها المنصب
وقبلت فيه مع التخلي عن كثير من المميزات


أستغربت إنك تستنكر الموضوع وكنه عيب .. و تخلف .. وانت الي دايما تذكر مقابلتك لأصحاب المناصب


علي كل حال .. الشخص بيفيد الوطن في كل الأحوال

وباقي الأمور لازم تحدها اعتبارات شخصية

[فهد111]

انا غيرت شغلي وكان فرق فالراتب 7 الاف ريال اقل بس انا مرتاح في وظيفتي الحاليه بمليون مره والحمدلله

[حسن]

هلا وغلا بالأخ الكبير قدرًا و منزلة .. مرحبا بالنوخذه بو علي ..

الحقيقة إنني اتشرف لو كان هناك ارتباط بين الطرح هنا و ما تفضلت به في طرحك الكريم .. توارد الخواطر بيني وبينك يدعوني للاعتزاز ..

و بخصوص المغريات الوظيفية المقدمة للمستقدمين للعمل و التي يسيل لها اللعاب .. هي بالطبع تفتح بابًا للاطماع و تحرك أصحاب النفوس الضعيفة للسيطرة عليها رغم عدم أهليّة البعض منهم لمثل هذه الوظائف لا من حيث التخصص ولا من حيث العمل و الخبرات السابقة ..



أطيب تحية ..



الصراحه رد الاخ خالد البلوشي في الكثير من الصحه
فاحبيت اوضعه هني

[h9466]

مواضيعك دسمة يابوعلي وانتاجك غزير...يادوب نستوعب موضوع رأسا تنزل اللي وراه...الله يعطيك العافية ....

[حسن]

مواضيعك دسمة يابوعلي وانتاجك غزير...يادوب نستوعب موضوع رأسا تنزل اللي وراه...الله يعطيك العافية ....

والله شهاتك يادكتور على عيني وراسي وعزيزه علي وخصوصا من انسان محترم مثلك
ماهي الا اجتهادات نقدمها للمجتمع على حسب علمي البسيط جدا وعلى حسب ثقافتي البسيطه
وقد نصيب وقد نخطى في التعبير لانا بشر ونقدم الاعتذار لو اخطائنا
وكلها مجرد وجهات نظر
والله انت نورت علي الموضوع يادكتور

يامرحبا واهلا وسهلا فيك يااخوي

على راسي والله ولك الف تحيه

:)