محل رويال تويز

[مجنونة قطر]

أنا موضوعي عن المحل لألعاب الأطفال رحت المحل وقلت حق راعي المحل ابي مرجيحه لأخوي من الاحتياجات الخاصة ابيها قويه وعمره 20 سنه حلو المهم

رواني الكتالوج وفي الكمبيوتر كم صوره وحدد لي وحده انها أوكي وكانت أغاليه شوي 4600 وعقب جا البيت وقالت له أمي شوف الولد قدامك اذا تصلح له ركبها وقال لها الهندي انها قويه ومضبوطة وماتخترب ومن هل الكلام الحديده مالت مرجيحته قال عليها ضمان سنه وركبها وراح وثاني يوم انكسرت الحديده وطالح اخوي منها ورحت المحل صراحه ماشفت اوقح من هل الهندي في حياتي قلت له تعال شُل المرجيحه وأعطني فلوسي قام يصرخ وإذا تبني شرطه مافي مشكله أن كل يوم إنجي الشرطه المحل ومايسون شي وكلمت حماية المستهلك طبعا لا حياة لمن تنادي ولين اليوم ماخذت فلوسي والمرجيحه طايحه في جبدي وصاحب المحل حاولت أوصل له مجد فيهم راضي يعطيني رقمه ويقولون انه مايلي يرجع لي فلوسي وحسبي الله ونعم الوكيل

[عاشق العديد]

مرحبا اختي ،،

هالناس ماتنفع معاهم الا القوه ،،

لو تدخلين حد من اخوانج الكبار ،، او اي احد من الاهل ابرك وصلوها ضرب ابرك

[وحيد-الشوق]

لاحول ولاقوة الإبالله

هالمحل من اسوء المحلات واسعارة غالية

مادري هل الشرطة مممكن يتصرفون في مثل الحالات او لا ؟ حاولي تتواصلين مع حماية المستهلك مرة ثانية مشكلتهم بعض الموظفين باردين لذلك اتصلي كذا مرة وان شاء الله يرجع لج حقج

[R 7 A L]

اذا عندج فواتير وضمان كتابي
روحي لاقرب جريدة وخلهم ينزلون موضوع هم يدورن مثل هالمواضيع
ثاني يوم بيعطونج حقج وزيادة يمكن يعطونج اشتراك مدى الحياة مجاني

[H H]

احد كبير من عندكم يروحله وبينحل الموضوع فدقايق.

[مجنونة قطر]

والله حاولنا بكل الطرق نوصل لصاحب المحل على الأقل يمكن اهم مفهمينه غلط الله اعلم حماية المستهلك بس كلام وبعدين غشني الهندي ماقالي ان مثلا ماتقدرين ترجعين الفلوس اذا مابغيتيها بس فالح يصارخ علينا كل شوي يصرخ ويقول شوفي الفاتوره ماعطاني ضمان ولا شي الفاتوره موجوده بس شكلي بشتكي ف الجريدة

[أم محمد 90]

مجنونة ,

اذا تبين اخذ حقج وارد فلوسج راسليني خاص ,

احب مثل هالسوالف والله لو الموضوع يخصني ما اعديه بالساهل

[لـبـيـه]

مجنونة ,

اذا تبين اخذ حقج وارد فلوسج راسليني خاص ,

احب مثل هالسوالف والله لو الموضوع يخصني ما اعديه بالساهل
:eek5:

[qr95]

بصراحه حمايه المستهلك دورهم فعال جدآ وصدقيني اتصلي فيهم مره ثانيه وتفاعلهم سريع جدآ جدآ عن تجربه شخصيه
ومع محل من المحلات الكبيره المشهوره وبسرعه اخذت حقي بس تأكدي من الرقم اللي تتصلين فيه

[مجنونة قطر]

ان شاء الله بجرب

[مجنونة قطر]

شيكي الخاص ام محمد

[فريج شرق]

اختي اتصلي حماية المستهلك 8005000 بيسنعونه

[llQaTaRll]

عندج حماية المستهلك ، من واقع تجربه بيرجعون لج حقج

[(ام عبدالله)]

مجنونة ,

اذا تبين اخذ حقج وارد فلوسج راسليني خاص ,

احب مثل هالسوالف والله لو الموضوع يخصني ما اعديه بالساهل


اذا عندج فواتير وضمان كتابي
روحي لاقرب جريدة وخلهم ينزلون موضوع هم يدورن مثل هالمواضيع
ثاني يوم بيعطونج حقج وزيادة يمكن يعطونج اشتراك مدى الحياة مجاني


اختي اتصلي حماية المستهلك 8005000 بيسنعونه


ثلاث حلول وان شاء الله خير ..
وحسبي الله عليه من هندي