استفسار بخصوص الفواصل بين البلاط

[ابوعلي]

السلام عليكم ورحمة الله وبركاته

استفسار لو تكرمتوا

تم بحمدلله تركيب الله يعزكم بلاط الحوش وتم وضع فاصل على شكل + ( واحد سانتي ) بوسط الحوش

ولكن استفساري

الفواصل الي بين بقية البلاط هل يحطون روبة او يكتفون بسد الثغرات بالرمل

لان بعض الاماكن البلاط متلاصقين والبعض بينهم فتحات صغيرة

اتمنى استفساري واضح

[7llo]

السلام عليكم ورحمة الله وبركاته

استفسار لو تكرمتوا

تم بحمدلله تركيب الله يعزكم بلاط الحوش وتم وضع فاصل على شكل + ( واحد سانتي ) بوسط الحوش

ولكن استفساري

الفواصل الي بين بقية البلاط هل يحطون روبة او يكتفون بسد الثغرات بالرمل

لان بعض الاماكن البلاط متلاصقين والبعض بينهم فتحات صغيرة

اتمنى استفساري واضح


وعليكم السلام اخوي ابو علي
مبارك علي البلاط
اذا تم تركيب صليب فواصل اي حجم 1سم متر او اقل او اكتر سيتم عمل روبه

[معماري قطري]

بو علي سؤال اخوي .. شنوعية البلاط؟

إذا انترلوك ومركب بالطريقة التقليدية من تحت دفان ( والبعض يرضى بالبودرة الرخيصة ) فلازم يواصلون بالدفان البسيط حتى بين البلاطات وحتى ما فيه داعي لأَن الدفان بينزل بعد رش البلاط بالماء.

لكل عمل هندسي مهما كان بسيط مواصفات مكتوبة وطريقة تركيب وشروط ومواد محددة ولو محدد قبل تبغي بلاط مثل البلاط الشعبي أَو الاماراتي العريض أَو السعودي أَو غيره وتحته خرسانة بسمك معين وسلوب معين ومواصفات معينة .. فلازم يحدد العامل معاك شكثر لازم يسوي فراغ بين البلاطة والثانية ووشي نوعية المونة اللي بيستخدمها ولونها .. وطبعاً لكل نوع سعر وطريقة تركيب.

1 سم وايد ويتطلب مونة خاصة ما تتشلخ وتتقشع من مكانها .. وفيه مونة قوية وبسعر معقول عند موردي مواد البناء .. عند المتحدة مثلاً درجات أَلوان كثيرة .. وعند العمودي نوعيات قوية تستوي مثل الحصى الصمي الأَسود .. لكن غالية وايد وما فيه داعي تحطها في حوش.

شغل ان واحد يسوي لك فراغ غير وفراغ غير وبشكل واضح هذا شغل غش الا في الانترلوك فالعملية صعبة بالطريقة العادية .. لو بتسويه بصبية من تحت وبتطلبه بمونة معينة في ذيك الساعة لازم يحاولون يضبطون الفراغات قد ما يقدرون.

[hma]

كلام جميل

يعطيكم العافية