كسر خاطري مسكين

[معماري قطري]

الظاهر الغرض من نشر المقطع والتصوير شيء ثاني في نفس الأَب ويبي شهرة وفلوس حق ولده

الرجاء المتابعة


https://www.youtube.com/watch?v=quGSjPprAQk#t=188

[R 7 A L]

:weeping:

قاسي

[نفسي عزيزه]

وعليه :weeping:

منشن@.قطر.

[العلياا]

مكتوب في عنوان الفيديو انه يعاقب ولده لانه رسب فالمدرسة
ومبين من كلامه انه قاعد يعاقبه والولد يقول هذي مش غلطتي

حزنت عليه ولو انه يستاهل :(

[معماري قطري]

صحيح اختي العليا لكن عندي احساس انه معاقبه ومصوره لأَشياء ثانية

مره عاقبت ولدي بأَخذ الأَلعاب عنه فترة واعادتها له لكن قلت له باقفل عليها في غرفة الملابس .. تكسير وهو يكسرها صراحة عور قلبي الولد مسكين واللي عور قلبي أَكثر تصوير ابوه له

[معماري قطري]

:weeping:

قاسي

قسوة ماصخة وما اعتقد في محلها .. من هشكل يفترون عليهم عيالهم ويجرمون بهم

[معماري قطري]

وعليه :weeping:

منشن@.قطر.

حلو الكل متفق يعني

[النهار]

والله حرام لو هو كسر الاشياء اهون من يقول له اكسرها

[Charisma]

مرحبا اخوي ..

تصرف غير سليم .. ونشره على اليوتيوب ماهو الا دليل على رغبته في الشهره وانتشار المقطع وحصولة على اكبر نسبة مشاهدات ..

[بصمة قطرية]

فعلاً تصرفه قاسي خصوصاً انه صوره و نشره ..ظ*

[حليتان*]

بل يخرب بيته ابليس ماطرا على باله هالتصرف

[معماري قطري]

والله حرام لو هو كسر الاشياء اهون من يقول له اكسرها

صدقت .. انا هددت كم مرة بتصديرها بس آخذها يوم أَو يومين وارجعها ويطلب يشتري أَلعاب جديدة وما اقصر معاه وما شاء الله طلع درجاته زينة والتزم بالدراسة وترتيب وقته

[ضوى]

هذا الاب يمثلني

عيل اشكره ويقول غطة المدرسة عسى ماشر المدرسة سقطتك

ماكسر خاطري كلش لانه كبير مب ياهل

[معماري قطري]

مرحبا اخوي ..

تصرف غير سليم .. ونشره على اليوتيوب ماهو الا دليل على رغبته في الشهره وانتشار المقطع وحصولة على اكبر نسبة مشاهدات ..

حسيت بهالشيء .. تحس كأَنها تمثيلية واحتمال تكون أَلعاب قديمة ومختربة ويمثلون

[ولد العرب]

صحيح اختي العليا لكن عندي احساس انه معاقبه ومصوره لأَشياء ثانية

مره عاقبت ولدي بأَخذ الأَلعاب عنه فترة واعادتها له لكن قلت له باقفل عليها في غرفة الملابس .. تكسير وهو يكسرها صراحة عور قلبي الولد مسكين واللي عور قلبي أَكثر تصوير ابوه له
الحين فهمت المووضوع

لا والله مايطاوعني لانه من فلوسي ههههههه :rolleyes2:

وانا نفسك يالمعماري امشي باسلوب تحريم مؤقت لهم
اما اكسر واشتري واكسر واشتري لا والله :(

[معماري قطري]

هذا الاب يمثلني

عيل اشكره ويقول غطة المدرسة عسى ماشر المدرسة سقطتك

ماكسر خاطري كلش لانه كبير مب ياهل

الناس انقسموا حول مؤيد وغير مؤيد .. وهذا له تقرير في موقع الياهو

https://www.yahoo.com/parenting/psychopath-or-best-parent-in-the-world-dads-119043392822.html

العقاب يكون متدرج بأَشياء أَبسط ويمكن حرمانه من اللعب لكم يوم والمفروض ابوه ينتبه له ويحس انه ما يدرس وبيرسب .. مب فجائي وبهالطريقة

[معماري قطري]

الحين فهمت المووضوع

لا والله مايطاوعني لانه من فلوسي ههههههه :rolleyes2:

وانا نفسك يالمعماري امشي باسلوب تحريم مؤقت لهم
اما اكسر واشتري واكسر واشتري لا والله :(

يا اخوي هو كسر نفسية ولده .. بيتم يتذكر هاللحظات وبتأَثر فيه

[معماري قطري]

بل يخرب بيته ابليس ماطرا على باله هالتصرف

هذا نموذج من أَبالسة الجن .. شكله من ربع كيم جونغ اللي أعدم وزير الدفاع بقنبلة مضاد طيارات بسبب غفوته في عرض عسكري .. شيء لا يصدق صراحة .. تعرف إِن كوريا الشمالية ما فيها رجال وكلهم عبيد حق كيم جونغ

[معماري قطري]

فعلاً تصرفه قاسي خصوصاً انه صوره و نشره ..ظ*

ما يبي شيء غير الشهرة شيء واضح

[sweet qatar]

شهالسخافة !!!!

يبي يعاقبه يشيله عنه ويقطه مب يلعب بمشاعر الولد !!

ايش استفاد بالله ؟ .. للحين الولد يقول مب غلطته غلطة المدرس!!

[العلياا]

صحيح اختي العليا لكن عندي احساس انه معاقبه ومصوره لأَشياء ثانية

مره عاقبت ولدي بأَخذ الأَلعاب عنه فترة واعادتها له لكن قلت له باقفل عليها في غرفة الملابس .. تكسير وهو يكسرها صراحة عور قلبي الولد مسكين واللي عور قلبي أَكثر تصوير ابوه له

كل اب يشوف ان طريقة العقاب الفلانيه تجيب نتيجة مع ابنه مع اختلاف حدتها
لكن انا اتفق معاك في موضوع التصوير وخصوصا لو هالمقطع وصل لربع الطفل
وقعدوا يعايرونه و و و اكيد راح تترك اثر سلبي وممكن يكره ابوه

[شبح الصمت]

ما عنده سالفه الابووو ومنزل المقطع ..

[معماري قطري]

كل اب يشوف ان طريقة العقاب الفلانيه تجيب نتيجة مع ابنه مع اختلاف حدتها
لكن انا اتفق معاك في موضوع التصوير وخصوصا لو هالمقطع وصل لربع الطفل
وقعدوا يعايرونه و و و اكيد راح تترك اثر سلبي وممكن يكره ابوه

شيء ما فكرت فيه بيتعقد من قلب مسكين

[معماري قطري]

ما عنده سالفه الابووو ومنزل المقطع ..



هو حتى العقاب مبالغ فيه

[معماري قطري]

شهالسخافة !!!!

يبي يعاقبه يشيله عنه ويقطه مب يلعب بمشاعر الولد !!

ايش استفاد بالله ؟ .. للحين الولد يقول مب غلطته غلطة المدرس!!

ولنفترض المدرس غلط ورسبه بالخطأَ .. مساكين العيال يحتاجون متابعة طيبة وكلام طيب .. انا رحت مدرسة ولدي وشفتها وشفت المدرسين وشكرتهم وشجعتهم وشجعت ولدي وقلت له مدارسكم أَحسن بوايد من مدارسنا .. المهم الكلام الطيب دوم يجيب نتيجة.

[bohilal191]

مب صاحي ابوه وأكيد مريض نفسي

[حسن الاحمد]

اخوي معماري .. صباح الخير .. شلونك شخبارك ..
ياحي هالعقاب مقارنة اللي كنا نشتغله واحنا صغار .. ماخلينا شي الا اشتغلناه .. (( اعمال شاقة )) مع بعض واللي اشفته بالفيديو يعتبر نزهة هههههههه
تبون انزل لكم صور عن الاعمال الشاقة عندنا في سورية ؟؟

[معماري قطري]

اخوي معماري .. صباح الخير .. شلونك شخبارك ..
ياحي هالعقاب مقارنة اللي كنا نشتغله واحنا صغار .. ماخلينا شي الا اشتغلناه .. (( اعمال شاقة )) مع بعض واللي اشفته بالفيديو يعتبر نزهة هههههههه
تبون انزل لكم صور عن الاعمال الشاقة عندنا في سورية ؟؟

حي الله اخوي الكريم بو علي .. الحمد لله يسرك الحال انت شخبارك؟

العقاب ضروري بحدود مقبولة ونبي أَمثلة من سوريا ليش لا .. بس أَتوقع العقاب يعتمد على الشخص المعاقب وشدته .. وأَكيد المعاقب أَوقات كثيرة يحس انه مظلوم ومبالغ في عقابه .. من رأَيي يكون تبادل أَدوار بين الوالد والوالدة .. شوية شدة وشوية لين وتفهيم.

كان والدي طيب معانا والوالدة كذلك الله يحفظهم .. وكنا اخوان كلنا ذكور متقاربين في السن ومزعجين .. كنا باختصار عصابة تخريب ومشاكل في الفريج لدرجة اننا مره كسرنا حائط بين ودخلناه حتى نكتشف وشو داخله .. والبيت قديم جزء مهجور وجزء كبير مسكون ومجدد .. كانت خطة محكمة ولم يتم اكتشافها الا لحظة تسكير الفتحة بالطابوق من قبل جارنا رحمه الله .. واحد يشوف من طرف الشارع وثاني من طرف الشارع الثاني وفي عز الظهر والحر كم واحد يحاول يكسر شوي شوي .. جارنا يوم أحضر ناس يسكرون الفتحة اللي يدخل منها انسان لاحظ حجمها صغير يسمح لدخول ناس في أَحجامنا ولاحظنا قاعدين على الطرف الثاني نتابع عملية التعديل والبناء .. عاد احنا لبسنا لباس الطيب والبراءَة وسئلناه يبه من اللي كسر بيتك؟ طالعنا وكان شاك وبدأَ على بعضنا الضحك والعيون تفضح المكنون .. وفجأَة قال بعصبية محد غيركم يسويها وبالعقال وورانا تلشط .. واحنا كل واحد خبرة في الركض والسرعة خذناها لعبة .. المهم محد انصاب منا وعلم ابوي وجانا ابوي مبتسم .. واحنا مسدحين عند التلفزيون نتابع توم اند جيري ولا غيره من برامج البراءَة ذاك الوقت .. بكل هدوء استلمنا واحد واحد يغطيه ببساط قماش خفيف ويدوس بركبته على خده وبالركبة الثانية على ركبته المثنية .. ويبدأَ باللشطات القوية اللي ما صادتنا من جارنا صادتنا من الوالد.

وقصص كثيرة على هذا المنوال بس كان ضربه ضرب تأَديب وما يعاقب الا لشيء كبير ويذكرنا أَثناء العقاب بالأَشياء الصغيرة .. بعده يجي دور الوالدة اللي تأَكد لنا ليش العقاب وتحاسبنا بس بهدوء وتمسح دموعنا ولا تكون الا ملبستنا الخطأَ ونحس ونتأَكد ليش العقاب ونحاول نتفادى هالخطأَ مرة ثانية.

[معماري قطري]

مب صاحي ابوه وأكيد مريض نفسي

البعض طبعه قاسي وتطلع قسوته في موقف معين .. بس هذا اللي يقهر تصويره للموقف ونشره .. ولا كثيرين خذوا لعبة معينة وصادروها بعيد أَو حتى كسروها بس ما يخلون طفل يكسر لعبته ويصورونه