موضوعي مهم جدا

[مجنونة قطر]

بتكلم عن موضوع العماله ابي افهم اذا الكفيل موفر سكن واكل وشرب وراتب شهريا وأجازه كل نهاية أسبوع وكل هاي على حساب الكفيل القطري يجي العامل او العماله يشتكون في حقوق الانسان بأكاذيب واشياء غير صحيحه ينقطع عن العمل اكثر من سبعه ايام ويوم يكتب الكفيل إيميل للإدارة العمل انقطاع عن العمل مع التفنيش ويسكن العامل خارج السكن طول هل المده وآخر شي يروح المحكمة يقول ابي حقي 160 الف على اي أساس المحكمة تخليهم وابي افهم شنو هل القانون ليش مافي قانون يحفظ حق الكفيل ليش القطري يتبهدل عقب ماجابهم وعلمهم وخلاهم يتمكنون ودورات وكل شي يحتاجه الشغل هل الموضوع وأيد ضايقني صاير مع حد من اهلي ابي افهم شنو الحل مايقدرون يسجنون العامل لانه رافع قضيته مايقدمونه يودونه الأبعاد لانه رافع قضيه ومب ساكن ف السكن الي الفروض يكون فيه شننو الحل؟

[Rider]

كل هذا سببه كأس العالم خل الي فرحانيين بكأس العالم يدفعون الضريبة وبعد ماشفت شي

[khalid525]

خله يحط محامي ماعنده غير هالحل

[شموخ دائم]

,

,

مرحبا

شكرا على الموضوع

العامل او الموظف في شركه و في القطاع الخاص او في منزل
دائما هذا النوع من المشاكل موجود في قطرمن السبعينيات لاجديد في الموضوع
هذا النوع من الاشكاليات عن ( الراتب )

واذا عنده اوراق ( كشف ) استلام الراتب وموقع فيه العامل
يبقى الموضوع ( منتهي ) وامره سهل
راح المحكمه او راح حقوق الانسان
مجرد ما يبرز الكشف تسقط الدعوه

هناك لائحه عقوبات يجب تطبيقها قبل ( التنفنيش )
منها الانذار الكتابي ومنها الانذار مع الخصم عند التغيب عن العمل
واذا تكررت
خصم يوم
خصم 3 ايام
خصم اسبوع


الكفيل او الشركه عنده 6 مشاكل لاسابع لهما

1- مشاكل الراتب
2- مشاكل الايجارات
3- مشاكل شيكات مرتجعه
4- مشاكل تاخر الدفعات
5- مشاكل الفيز
6- مشاكل هروب العماله

وفي كل دول الخليج
هذا النوع من المشاكل موجود في المملكه العربيه السعوديه وفي مملكه البحرين والكويت والامارات
وماعندهم كاس عالم
:)


,

,

[مجنونة قطر]

المشكله ان المحكمه تطول السالفه وهي قصيره يعني الي يخلص في شهر يخلونه ظ¥ سنوات وكلامك اخوي شموخ دايما جميل

[الزعفراني]

القضاء ينظر للدعاوي ويستقبلها وفق الاجراءات القضائية المتبعة في هالشأن .. فلما يدعي عامل عندك بمطالبتك بدفع 160 الف ريال مايصير القضاء يقوله روح مناك لا تضيع وقتنا او لان الكفيل قطري .. الامور مش بهالطريقة ..

قانون الكفالة الجديد اللي سمعنا انه راح يطبق هالسنه .. راح يحل مثل هالاشكاليات لان كل شي راح يكون موثق بالعقود وبطريقة واضحة ومفهومه للطرفين وتبين حقوق وواجبات كل طرف .. الواجب الان الناس او اصحاب العمل يتعبون شوي في معرفة حقوقهم وحقوق العمال اللي عندهم وشنهي الاجراءات المتبعة لتجنب مثل هالمشاكل او الدعاوي في المحاكم .. وواجب الان على كل شركة يكون عندها محامي او تتعاقد مع محامي لادارة شؤونها القانونية مش بس مع الموارد البشرية اللي عندها ولكن حتى مع الجهات الخارجية اللي تتعامل معاها ..

اليوم انا لما اجيب عامل او موظف عندي في الشركة واعطيه الامتيازات وادربه واتعب عليه ما يعني انه يحق لي امنعه من انه ينتقل لشركة ثانيه .. لان القانون الجاي راح ينقض هالشيء .. حيث يمنح الموظف او العامل الانتقال لجهة ثانية دون الحاجة لاخذ موافقتك اذا ما انتهى عقده دون تجديد ..

لازم الان اصحاب العمل والشركات ينتبهون لمثل هالامور ولازم يكون عندهم الاستعداد لمواجهة مثل هالثقافة الجديدة على المجتمع في تقنين العلاقة بين الكفيل والمكفول .. العامل اللي عندك بينتهي عقده في التاريخ الفلاني لازم تعرف متى يحق لك اشعاره بتجديد العقد واستمراره في

العمل لديك وشنهو المطلوب .. وتعرف اتهيأ نفسك للبحث عن عامل آخر او ايجاد بديل عشان مصالحك لا تتعطل ..

[sweet qatar]

موضوعج مهم جدآ

المفروض قبل التدريب يوقع علي عقد يتضمن شرط جزائي في حال مغادرة العامل يدفع تكاليف تدريبه


حسبي الله عليهم يا ما دربنا دريولية و استحملنا هرانة العالم علينا ودعاويهم
غير السيايير الي تكنسلت

و يوم تعدلت سواقتهم شردوا ... الله يعوضنا خير و ياخذ حقنا من الي تسببوا علينا و ضيعونا

[بصمة قطرية]

لأن القانون معاهم ..

[رجل الجزيرة]

من شوي جاني عامل من عمال الشركة عنده كسر في رجله اليسرى وعملية في جنبه الأيسر فقال لي: هالحين الشركة معطيتني 3000 ريال وتذكرة وتبغي تسفرني الليلة مع العلم إن العامل علاجه ما إكتمل ويقول حتى الآن رجله توجعه ومنتفخه فقلت له: إن شاء الله فحولته على الخدمة الإجتماعية وهي بتابع حالته حتى يتحوله للشرطة ومن الشرطة للجنة الطبية علشان يحددون نسبة العجز ويتحول ملف للمحكمة لأرغام شركة التأمين أو الشركة نفسها لتعويضه فلو إنه ما جاء المستشفى وأخبرني وحولته للخدمة الإجتماعية وقعد في الشركة لين تسفيره وسافر لبلاده فمن المسؤول لمتابعة حالته.
فبعض الشركات يستاهلون توقيف نهائي يعني ما يخاوفون الله سبحاونه وتعالى، لا هي معوضته ولا هي كتابة إسمه في شركات التأمين.

[فريج شرق]

اختي كل شيء يعتمد على عقد العمل فاذا كل هلاشياء موجودة في العقد لازم تتوفر والمحاكم بتنظر في العقد والاثباتات

[qr95]

العمال الهاربين خصوصآ العماله المنزليه بعض اهل قطر جزاهم الله خير
يقول حق السواق او الطباخ كم معاشك يقوله 1200مثلآ يقوله خلاص تعال عندي واعطيك1500
والمفروض ان الواحد مايشغل عنده حد في البيت شارد لأنه بالهطريقه يساعدهم على الهروب
ويبهدل الكفيل خصوصآ اذا سواق والعائله عندها طلاب مدارس أو طباخ وكان وقت رمضان
فيكون الكفيل في حيره من أمره وهذا ماحصل معي شخصيآ وتعرضت لخسائر وخصوصآ أني
كنت مسافر ومجهز تأشيره الطباخ حتى يتمكن من السفر معي والمكوث فتره وجودي في نفس البلد
إلا أنني أتفاجأ بهروبه من المنزل على الرغم من سبل الراحه الموفره له ولديه معاون ولكن المغريات
الخارجيه هي السبب وبعد 8 شهور يتصل بي أحد الأشخاص ويقول أنا فلان الفلاني وابيك توقع تنازل عن
العامل من قبل الإبعاد وأنا اعرفك وأعرف فلان وفلان ،،، حسبي الله عليه ونعم الوكيل مليون مره

[نمر بن عدوان]

للاسف ان تعامل البعض مع العماله الوافده مثل تعامله مع البهيمه اعزكم الله

[رذاذ]

للاسف ان تعامل البعض مع العماله الوافده مثل تعامله مع البهيمه اعزكم الله

صدقت .. وللاسف العض يبيع ويشتري وياخذ مقابل سنه مبلغ في ذمته وموقع العامل ع كشوف رواتب سنتين .

[مجنونة قطر]

صح بس كل شي بالعقود لان نبي قانون مثل مايحفظ حق العماله لازم يحفظ حق الكفيل هذا الي اشوفه والي لازم انه يصير

[مختلف جداََ]

من شوي جاني عامل من عمال الشركة عنده كسر في رجله اليسرى وعملية في جنبه الأيسر فقال لي: هالحين الشركة معطيتني 3000 ريال وتذكرة وتبغي تسفرني الليلة مع العلم إن العامل علاجه ما إكتمل ويقول حتى الآن رجله توجعه ومنتفخه فقلت له: إن شاء الله فحولته على الخدمة الإجتماعية وهي بتابع حالته حتى يتحوله للشرطة ومن الشرطة للجنة الطبية علشان يحددون نسبة العجز ويتحول ملف للمحكمة لأرغام شركة التأمين أو الشركة نفسها لتعويضه فلو إنه ما جاء المستشفى وأخبرني وحولته للخدمة الإجتماعية وقعد في الشركة لين تسفيره وسافر لبلاده فمن المسؤول لمتابعة حالته.
فبعض الشركات يستاهلون توقيف نهائي يعني ما يخاوفون الله سبحاونه وتعالى، لا هي معوضته ولا هي كتابة إسمه في شركات التأمين.

رحم الله والديك

والله يكثر من أمثالك

[Dana’1]

للاسف ان تعامل البعض مع العماله الوافده مثل تعامله مع البهيمه اعزكم الله

وللأسف من واقع تجربه بعض الخدم مايبان فيهم المعروف تو من اسبوعين الشغاله قالت بسافر عشان بعض الظروف20 يوم وبرد طبعا اعرف بحكم كذا حركات لها انها عادي تكذب
وبنفس الوقت الظرف الي قالته قوي ومصيري بالنسبه لها قلت اوك كذا او كذا ماراح ارتاح وهي ماهي حابه تجلس او في شي شاغلها وتسوي شي بنفسها ماتسوى السالفه
فقلت اوك روحي وقلت لزوجي انها بنسبه كبيييره ترى ماراح ترجع يعني 99% بس قلنا نحسن الظن وربها تصدق هذي المره حجزنا روحه ورده طبعا المفروض راده من يومين ولا شفت لها اتصال ولا شي

طبعا الظرف الي صار لها صحيح لان الخدم سواء الي يحبونها او لا قالوا فعلا صحيح بس الرده كذبت فيها

رغم إننا مانقصر معها ومع غيرها من الخدم

وقبل كذا صار لي نفس الموقف مع فلبينيه وكانت صاده راحت اسبوعين وردت فعلا وكلمت

الخدم عند اغلب البيوت مرتاحين،،، بس البعض يبان بعيونهم والبعض الأخر وهم الاغلب مايبان ويبغالهم*حزم
وما ينعطون وجه

[معماري قطري]

من شوي جاني عامل من عمال الشركة عنده كسر في رجله اليسرى وعملية في جنبه الأيسر فقال لي: هالحين الشركة معطيتني 3000 ريال وتذكرة وتبغي تسفرني الليلة مع العلم إن العامل علاجه ما إكتمل ويقول حتى الآن رجله توجعه ومنتفخه فقلت له: إن شاء الله فحولته على الخدمة الإجتماعية وهي بتابع حالته حتى يتحوله للشرطة ومن الشرطة للجنة الطبية علشان يحددون نسبة العجز ويتحول ملف للمحكمة لأرغام شركة التأمين أو الشركة نفسها لتعويضه فلو إنه ما جاء المستشفى وأخبرني وحولته للخدمة الإجتماعية وقعد في الشركة لين تسفيره وسافر لبلاده فمن المسؤول لمتابعة حالته.
فبعض الشركات يستاهلون توقيف نهائي يعني ما يخاوفون الله سبحاونه وتعالى، لا هي معوضته ولا هي كتابة إسمه في شركات التأمين.

صحيح من شروط شركات المقاولات يكون فيه تأَمين على العمال .. بس لبعض الشركات الثانية الوضع يختلف كما يمكن سبب الوقوع أَو الاصابة بسبب اهماله وخارج العمل.

[معماري قطري]

اختي كل شيء يعتمد على عقد العمل فاذا كل هلاشياء موجودة في العقد لازم تتوفر والمحاكم بتنظر في العقد والاثباتات

لو قطر تسوي نظام السعودية كان احنا بخير .. العمال والأَجانب كلهم لازم يحولون فلوسهم عن طريق البنك والبنك يتابع كم محول كل عامل .. هذا نظام أَمني دقيق ما يخلي حد يحول مبلغ كبير بدون مبررات ( تدخل فيها مساءَلة ومن أَين لك هذا ) ويكون اثبات لكل شخص كم حول .. وعندنا احتمال يكون فيه اشراف على الصرافة وسجلات عن تحويلات كل شخص .. ومنها ينعرف كم حول هذا وتكون الدعوى لاغية.

من رأَيي صاحب الموضوع يتواصل مع مصرف قطر المركزي ممكن هم عندهم الجواب الشافي.

[مجنونة قطر]

تعبنا من وزاره العمل الي لازم يشوفون لنا حلول حق هذي الحالات الكفيل يتبهدل على ماياخذ مواقفه ويدفع دم قلبه ويجيبهم وشوفوا التعقيدات والاجرائات الي يطلبونها على مايجون ورواتبهم تمشي بالكامل سواء المشروع نجح او فشل حقهم بالكامل وفي الاخير يقوونهم علينا بقوانين مادري من الي حطها اقوانين ماعرف شالهدف منها

[@north_star@]

تعبنا من وزاره العمل الي لازم يشوفون لنا حلول حق هذي الحالات الكفيل يتبهدل على ماياخذ مواقفه ويدفع دم قلبه ويجيبهم وشوفوا التعقيدات والاجرائات الي يطلبونها على مايجون ورواتبهم تمشي بالكامل سواء المشروع نجح او فشل حقهم بالكامل وفي الاخير يقوونهم علينا بقوانين مادري من الي حطها اقوانين ماعرف شالهدف منها

اختي كلامج بعيد جدا عن المنطق. اولا اذا الكفيل جاب عمال شي طبيعي بمجرد وصولهم ومزاولتهم عملهم ملزوم انه يعطيهم رواتبهم حسب الاتفاق والعقود وثانيا العامل او الموظف ماله خَص اذا المشروع نجح وإلا فشل على قولتج بسبة سوء إدارة وإلا دراسة جدوى والحقوق والواجبات للكفيل والمكفول واضحة ومنصوص عليها بقانون العمل

[مجنونة قطر]

انا اشوف الي قلته واقع مب منطق للاسف قدام عيني اشوف هل الشي
north_star