طفلي العزيز : لا تقلها

[حمد 2002]

السلام عليكم ورحمه الله وبركاته


العنوان يحمل المسمى التالي


لا تقلها


اثناء تجوالي بأحد المحلات التجاريه باحدى المولات المشهوره بقطر ، جفت احدى ابناء المواطنين يقول لاخوه الصغير جب وكانوا كلهم صغار طبعا وكانوا الاثنين برفقه الخدامه وكانوا توهم شكلهم طالعين من الالعاب !! . هل تلك المصطلحات اصبح من السهل تداولها مابين الابناء ؟ وهل بسبب ابتعاد الاباء عن ابناءهم واعتمادهم على الخدم دور في تزايد تلك المشكله ؟ واذا راى الاب ابنه يقول تلك الالفاظ هل يجب عليه ضربه ؟! ام اتباع معاه اسلوب الحرمان بالعقاب ؟ اي يمنعه من مصروفه المدرسي مثلا !! .


هذا والسلام عليكم ورحمه الله وبركاته

[ضوى]

علي أساس انها كلمة غريبة ودخيلى علينا وماعمرها انقالت لك او ماعمرك سمعتها ابدا ابدا

كان ممكن تصيغ الموضوع بطريقة اذرب وألطف من جذي وبأسلوب محبب ، التوعية والتنبيه لظاهرة ما يكون بشكل لطيف مب بشكل فظ مثل عنوان الجذب لموضوعك

[حمد 2002]

علي أساس انها كلمة غريبة ودخيلى علينا وماعمرها انقالت لك او ماعمرك سمعتها ابدا ابدا

كان ممكن تصيغ الموضوع بطريقة اذرب وألطف من جذي وبأسلوب محبب ، التوعية والتنبيه لظاهرة ما يكون بشكل لطيف مب بشكل فظ مثل عنوان الجذب لموضوعك

للاسف انها كلمه اصبحت متداوله بكثره مابين الابناء اختي الفاضله ضوى ، واذا استسهلنا هالكلمه وضحكنا لهم ، هالشيء بيخليهم ايتمادون بالغلط وبيقولون كلمات اكبر مع مرور الوقت .


شكرا لمرورك الكريم .

[برشلوني قطر]

ههههههههههههههههه <<< لا تسأل ليش تضحك

ياريال يمكن البعض صارت عنده الكلمه مثل مرحبا...والولد ممكن يسمع الكلمه من ابوه من اخوه من امه...ويشوفها كلمه عاديه...


نلوم من الحين ؟؟

[حسن]

السلام عليكم

النوخذه مر من هنا

:victory:

[حمد 2002]

ههههههههههههههههه <<< لا تسأل ليش تضحك

ياريال يمكن البعض صارت عنده الكلمه مثل مرحبا...والولد ممكن يسمع الكلمه من ابوه من اخوه من امه...ويشوفها كلمه عاديه...


نلوم من الحين ؟؟

طبعا اللوم على الكبار ، حتى بعضهم يقول كلمات اكبر من تلك الكلمات واذا قالوا ابنائهم هالكلمات عاتبوهم !! ، وقالوا اكيد من المدرسه هههههه !!

[حمد 2002]

السلام عليكم

النوخذه مر من هنا

:victory:

رايك يهمنا ياصحاب القلم الذهبي يا ابا علي اطال الله في عمرك .

[R 7 A L]

واعتمادهم على الخدم

هذا الهدف من الموضوع والله أعلم




،



المهم
مثل هالكلمات
جميع من يخالطهم الطفل هم السبب في نطقها
فالاطفال في هذة المرحلة يلقطون اي كلمه يسمعونها حتى لو ماكانوا يعرفونها

[حمد 2002]

هذا الهدف من الموضوع والله أعلم




،



المهم
مثل هالكلمات
جميع من يخالطهم الطفل هم السبب في نطقها
فالاطفال في هذة المرحلة يلقطون اي كلمه يسمعونها حتى لو ماكانوا يعرفونها

طيب وشلون انخلي الاطفال يتجنبون هالكلمات ، وانقوم سلوكمهم لو اخطأوا ؟ هل بالعقاب ؟ واي نوع من العقاب ياترى ؟

[المخفي]

الي عنده حساسية من الموضوع او صاحب الموضوع يستطيع بكل بساطة لا يشارك

[حمد 2002]

الي عنده حساسية من الموضوع او صاحب الموضوع يستطيع بكل بساطة لا يشارك

جزاك الله خيرا يالذيب ،


لا خلهم ياشركون يالذيب ، انا ارحب بالجميع وحتى لو حصلتلي كلام سيء من البعض ، بالعكس كلهم اخواني وانا مازعل منهم .


الله يرحم والديك يالمخفي .

[R 7 A L]

طيب وشلون انخلي الاطفال يتجنبون هالكلمات ، وانقوم سلوكمهم لو اخطأوا ؟ هل بالعقاب ؟ واي نوع من العقاب ياترى ؟

طبعاً لا
ليش العقاب على شي هم مايشفون ولا يعرفون انه غلط
واذا تم تنفيذ العقاب لهم ماراح يعرفون يميزون الصح من الغلط

المهم لجعلهم يتجنون سماع هذة الالفاظ حاول تغير الالفاظ الى الفاظ حسنه
وكذلك قلل مخالطهم للاشخاص الي دايم ينطقون الالفاظ التعبانه حتى لو كانوا اقرب الناس لك .

[وليف الشوق]

انا ابي افهم شي ياحمد !!!
الموضوع (( باللغه العربية او العاميه )) او الموضوع تداخل المفردات العربية الفصحى او اللغه العاميه ؟

هذا بحد ذاته مصيبه !! وكلمة (( جب )) ماتجي عند تعبيرك شي

[حمد 2002]

طبعاً لا
ليش العقاب على شي هم مايشفون ولا يعرفون انه غلط
واذا تم تنفيذ العقاب لهم ماراح يعرفون يميزون الصح من الغلط

المهم لجعلهم يتجنون سماع هذة الالفاظ حاول تغير الالفاظ الى الفاظ حسنه
وكذلك قلل مخالطهم للاشخاص الي دايم ينطقون الالفاظ التعبانه حتى لو كانوا اقرب الناس لك .

اها .


جزاك الله خير اخوي رحال على الكلام الطيب .

وبارك الله فيك .

[حمد 2002]

انا ابي افهم شي ياحمد !!!
الموضوع (( باللغه العربية او العاميه )) او الموضوع تداخل المفردات العربية الفصحى او اللغه العاميه ؟

هذا بحد ذاته مصيبه !! وكلمة (( جب )) ماتجي عند تعبيرك شي

اخوي الحوار العام ، ليس من ظمن شروطه الالتزام باللغه العربيه الفصحى او العاميه ، فما فيها شيء لو صار هناك تمازج مابين اللغتين ، ونحن في منتدى ولسنا بصحافه او مجله .

اخوي انت تتكلم مابين ابنائك بالبيت باللغه العربيه الفصحى ام بالمحليه ؟


وبالنسبه لكلمه جب الوارد بالعنوان ، الهدف منها توصيل الفكره وهذا النوع متبع بنوع معين من انواع الكتابه وتحديدا كتابه المقالات الممزوجه مابين الجديه والسخريه .


وشكرا .

[ممنوع اللمس]

كلمه عاديه يعني مثل كلمة اسكت او انطم
ماشوفها كلمه قويه لهلدرجه

[عـ العبيدلي]

صحيح انه الواحد دايما يطمح للأفضل ,,

لكن لا نرفع سقف توقعاتنا مع عيالنا .. لا نتوقع منهم يكونون ملائكة ما يغلطون ..
كلمة جب متداوله في المجتمع لكن مع وجود حاليا كلمات دخيله مثل كل تبن وغيرها التي تفي بنفس الغرض .. >> تفي بنفس الغرض متعوب عليها ..

ولمه الأبو ايي يبي يعلم عياله .. يسمع واحد من عياله يقول جب ,,

الولد يقول حق اخوه : جب
الأبو : عيب لا تقول جب
الولد : ليش يبا
الأبو : جب وله كلمة لا تناقشني

:)

وترى كلمة جب من اليهال حلوه هههههه خلو اليهال يعيشون حياتهم و ( بنسبة 99% مستحيل ) تمنعهم من كل هالكلمات

والولد قالها حق اخوه الي مثل رفيجه فعادي كلنا نقول حق ربعنا جب عادي

>>
احين بيطلع لي واحد بيقولي هاي وانت تكتب في جريده وتقول هالكلام هههههههههههه

[white bird]

صباح الخير

الكلمة منتشرة و نشوفها بسيطة
بس عن نفسي ما أحبها و أحسها جارحة

..
يعطيك العافية

:o

[شبح الصمت]

جب والا كلمات ثانيه أقوى من جب

اهي جب من اليهال مقبوله ولكن جب من كبار يمكن تصير مشكلة

فالبزران مع الايام راح يدرون انها ما تنقال لأي احد وفي اي مكان

[العقل المدمر]

جب ؟
كل الكبار اللي حولي يستخدمون هالكلمة
مع بعض ومع عيالهم ومع اي حد
بنيي نعلم الياهل عيب تقول جب ؟
بعض اليهال يقولون جب حق اهلهم
واهلهم عادي عندهم (الام والابو) :eek5:

[فريج شرق]

فعلا اخي العزيز اصبح الاولاد والبنات يتداولون مصطلحات احيانا غير مناسبة وان الامر عادي بينهم وعلى الاباء والامهات التركيز على مثل هذه الامور وتعليم الابناء الاحترام المتبادل ولكن كما قلت الابناء مع الخدامة اغلب الوقت والخدم ما يهمهم هالامور

[نمر بن عدوان]

احسنت اخوي حمد

المثل يقول :معظم النار من مستصغر الشرر والتربيه لها دور هناك من يراها كلمه عاديه وهناك من يحاسب ويعاقب وكل حسب رؤيته للتربيه السليمه لابنائه .

[panda]

اوكي والآن ما معنى هذه الكلمة :-/

[طبيب قطري]

اشوف معظم الردود مب مستنكرين ان الياهل يقول كلمة جب !! وكأن هالكلمه شي عادي مب كلمة بذيئه يعني اصبحنا بزمن قلت فيه التربيه والسنع.. وصار العيب شي عادي وصرنا نضحك اذا علق أحد على الكلام البذيء..
طيب سوال للاب والام اذا انحطيتو بهالموقف وش بتكون ردة فعلكم: كلموك اخيرا ان ولدك انقبل بالمدرسه العالميه الفلانيه وكان صعب جدا اي احد ينقبل فيها، ووقت المقابلة مع الاهل راح ولدك قالك جب جدام المدرس وتفل عليك!
اشلون بتتصرف/بتتصرفي!!

[النهار]

اوكي والآن ما معنى هذه الكلمة :-/

هههههههههههه

معناها اخرس ولاكلمه اسكت

[الجـــوديّ]

اوكي والآن ما معنى هذه الكلمة :-/

بالضبط نفس شت يور ماوس اوباما :nice:

ولكنها من اصل هندي

[غريب الدّار]

ولكنها من اصل هندي
؟

اعتقد الكلمة جاية من كلمة : Shut up
باالانجليزي
مالها علاقة بالهنود

[الجـــوديّ]

؟

اعتقد الكلمة جاية من كلمة : Shut up
باالانجليزي
مالها علاقة بالهنود

URDU
چپ رہو = shut up


وممكن تتاكد بنفسك من قوقل

وقبل قوقل من واحنا صغار هالكلمة نسمعها من الهنود

[غريب الدّار]

URDU
چپ رہو = shut up


وممكن تتاكد بنفسك من قوقل

وقبل قوقل من واحنا صغار هالكلمة نسمعها من الهنود

انا قلت لج اعتقد
ماجزمت
واشكرج على المعلومة

[الجـــوديّ]

عادي اخوي .. الشي بالشي يذكر :)

[غريب الدّار]

عادي اخوي .. الشي بالشي يذكر :)

صحيح

بس اختي أي رابط اللي دخلتي عليه ؟
دام قلتي لي اتاكد من قوقل ابي اتأكد

لاني كتبت الكلمة طلع لي كلام اعتقد بالأوردو! ولا فهمت منه شي

[panda]

آه الان فهمت هههههه
احنا عندنا كلمة مثلها لو قلتها لأي شخص يكرهك في الحين الا و هي بَلَّعْ فمك
بلع يعني أغلق او أقفل
واللي يقولها يعتبر عديم الخلق
الله المستعان :)

[الجـــوديّ]

صحيح

بس اختي أي رابط اللي دخلتي عليه ؟
دام قلتي لي اتاكد من قوقل ابي اتأكد

لاني كتبت الكلمة طلع لي كلام اعتقد بالأوردو! ولا فهمت منه شي

تدخل صفحة ترجمة قوقل

تختار اللغة الانجليزية وتكتب shut up

والترجمة في المقابل اختار urdu

[OREO]

تسلم ياخوي حمد على طرحك لهالموضوع ،،

بكل اختصار جرب تقول لاحد العامة كلمة "جب" وراح تعرف بعدها اذا كانت مجرد كلمة عادية ام لا ،،،

كلمة "جب" بالنسبة لي وللبيئة اللي تربيت فيها مهب عادية ،،، اعتقد ياخوي حمد الوالدين هم اللى يحددون اسلوب و طريقة حياة الاطفال ،، الكلمات هذه ما انقالت الا وهي تداول في بيوتهم بشكل طبيعي وبالنسبة لهم شي عادي فلذا كل شخص اوعيلة لها برستيجها الخاص فيها و شخصيا من عيالي كانوا صغار ماكنت اخلي يخالطون عيال لهم هذه الالفاظ ويوم اكبروا ماعمري سمعت منهم هذه الالفاظ ولله الحمد،،،

يعطيك ربي العافية حبيبي

[العلياا]

وعليكم السلام

فعلاً من اكثر الكلمات المستفزه واللي استغرب من البعض عندهم عادي يقولونها
فاللي متعود يقولها ويتعبرها شي عادي او خفيف الدم اللي يقول انا اقولها من باب المزحة وعادي !!

لا بابا الكلمة عيب تنقال والطفل لو قلها اعرف ان اهله عادي عندهم يتلفظون بهالمصطلحات ..

[معماري قطري]

انا كله اقول تيك ات ايزي يا عزيزي .. حرام يعني

[غريب الدّار]

تدخل صفحة ترجمة قوقل

تختار اللغة الانجليزية وتكتب shut up

والترجمة في المقابل اختار urdu

رحم الله والديج يالشيخة
واشكرج على المعلومة مرة ثانية

[qr95]

اللي يسمع البعض أو يقرأ له يحس إنه ماكان يقولها وهو صغير
بالعكس الحمد لله الكل متربي وشايف خير والكلمه عاديه
لأنه صغير ويقولها حق أخوه أو صديقه وإذا الموضوع على
هالكلمه بسيطه وجيلنا الحمدلله بخير والجيل القادم راح تشوفون العجب العجاب
وراح تتغير كلمات ومصطلحات وبتكون دخيله على المجتمع من كثره الأجانب
ومخالطتهم ووسائل التواصل الإجتماعي ومن وجهت نظري مانكبر بعض الأمور ونعطيها
أكبر من حجمها وبعدين إذا الولد صغير تحاسبه على كلمه ( جب ) المفروض يحاسب الأبوين
على تركه مع الخادمه في السوق ولكن الله المستعان

[يمامـة]

انجب و انطم وسد حلجك واووس ولا كلمة كلها تفيد اغلق فمك او بس خلاص اسكت..

كلمة لها مرادفات كثيرة.. لا أعلم ليش صارت عيب استخدامها عند النهر و اسكات الاخرين
وخاصة في حالة الغضب ممن هم امامنا؟

فاستخدام مثل هالكلمات موجود وعني استخدم انجب وما بي اسمع لك حس
لو عصبت على واحد من عيالي.. او عصبت على الخدامة وشفتها تكذب وتماطل في الكلام..

لكن هل الكلمة هذي مثل السلام عليكم.. او مساء الخير.. مرحبا؟

اعتقد الوضع مختلف اهنيه.. والوضع ايضاا مختلف لما ولدي يكلمني
او يكلم شخص اكبر منه..

فليس من الادب ان ولدي يقول لي اغلقي فمك يعني مب من الادب يقول لي انجبي.
لكن ممكن يستخدم هالكلمة مع رفيجه او رفيجه يستخدمها معاه في حال اراد احدهما اسكات الاخر..

ولكن ان تصبح هالكلمة بمكانة هلا ومرحبا.. وتصبح كنوع من المزح هالشي مرفوض
لأن مب من الادب انك اتجبب الناس عمال على بطال.. ولا من الادب اصلا انك تجبب الناس
في الاماكن العامة لمجرد اختلافات بسيطة..

فعادي جدا الام تقول حق ولدها:" حمود انجب ما بي اسمع حسك ولا بذبحك":shy: