استفسار لو تكرمتو

[جود الحزن]

السلام عليكم
انا حابه اسال شلون اقدر اشتري بيت صغير مع العلم ان راتبي مب ذاك الزود
احترت مدري شلون الطريقه فياليت ترشدوني على احسن واظمن طريقه
ومشكورين مقدما والله يجزيكم خير
انا نزلت هالموضوع بقسم الاستفسارات لكن ماحصلت اي تجاوب عشان كذا نزلته بالعام لعل وعسى القى جواب
اتمنى من المشرفين ماينقلون موضوعي ع الاقل ليومين

[طبيب قطري]

جربتي تاخذين سلفه ويكون العقار مرهون للبنك؟
ي البدايه ياليت توضحين كم الاساسي والعلاوة الاجتماعيه؟ وحسابج مع اي بنك؟ واذا انتي عندج شي موفرته .
لو عندج هالاشياء اتصلي بالبنك واسأليهم كم يطلعلج القرض الشخصي وقرض العقار ( على فرض ان ماعندج اي مديونيات) مع العلم انك لازم تسددي ثلاثين بالميه من قيمة العقار .
اتمنى اكون افدتك وبالتوفيق

[H H]

بيت ؟ اعتقد صعبه شوي اذا منتي مرتكزه على مبلغ جيد , اشتريلك ارض صغيره ويكون سعرها مناسب , وحتى اذا ارتفعت الاسعار وبغيتي تبيعينها بعد فتره بيكون بيعها سهل جداً.
وبخصوص الطريقه فـ مثل ماقال اخونا طبيب, تحتاجين دفعه اولى , تقدرين تاخذين هالدفعه من مكان عملك اذا تشتغلين في مكان حكومي, يعطونك من خمس الى عشر اضعاف راتبك كـ سلفة بدون فوائد.
والباقي من البنك طبعاً ويكون البيت مرهون لين تخلصين من الاقساط , اهم شي دوريلك بنك سنع.

وابعدي عن بنك qnb , هالبنك لو تروحينلهم وانتي راتبك الفين بيعطونك سلفية بالملايين (على سبيل المبالغه), بس ماراح يفيدك بشي, لانه ربوي وحرام 100%.


ولاتتحمسين واجد وتختارين ارض او بيت فوق طاقتك ودفعات شهريه كبير , لانك بعد شهرين ثلاثه يمكن تلقين راتبك الحالي مايكفيك لنص الشهر حتى والمديونيه باقي عليها سنين وسنين.
احسبيها صح.

الله يوفقك.

[بنت شرق]

اسألي الله بيت بالجنة وان شا الله بتلاقينه ،،،بس بقطر صعب تحصلين على بيت
يالله شخصين لثلاثة يجمعون من راتبهم ومتى جهزت دفعتهم الاولي بعد سنوات طوال بتلاقين بعدها بنك يقبل يسلف ،،وبالغالب بيكون ربوي واجنبي
ترى عن تجربة ،،

[راجي الْعفو]

وعليكم السلام و رحمة الله و بركاته

الله ييسر لج سكن تأوين له

[الجـــوديّ]

امممم

نصيحة المستثمرين انج تبتدين بتملك اشياء صغيرة شوي شوي تكبر لين تقدرين تشترين بيت

يعني .. دام راتبج مب قوي وايد ... تقدرين تاخذين باللي يفيض منه على سبيل الادخار

شوي شوي اسهم .. ذهب .. واي ممتلكات ثانية حتى لو تكون سيارة ب70 الف وتأجرينها تدخل عليج بمبلغ شهري

يعني .. يكون لج خطة واضحة للتملك.. وتكونين مستعدة للفرص بسيولة طيبة..

لين تقدرين تكونين المليون الاول عقبها تقدرين تحصلين باقي الملايين بسهولة عن الاول

عقبها بتقدرين تشترين بيت .... موفقة :)

[aziz4z]

حاولي تبيعين أشياء أنت عندج خبرة فيها أو تجيبين بضائع من برة و تبيعينها عن طريق الانترنت
و ربي يسهلج

[وحيد-الشوق]

البيت او الارض في قطر اصبح مثل الحلم صعب تحقيقة شقة بحجم القرقور يتجاوز سعرها المليون حتى ارض بمليون ماعاد فيه :(

[qr95]

أسأل الله لك التوفيق ،، أولآ بالنسبه للغرض من البنك راح يكون مقابل دفعه 30% من قيمه العقار مثال لوقلنا
البيت بثلاثه مليون تدفعين مقدم 900 الف والباقي مليونين وميه ألف أقساط من غير الأرباح البنكيه اللي راح
تكون قريبه من قيمه القرض والسداد يكون على 25 سنه مثلآ والقسط راح يكون مبلغ وقدره في البدايه البيت
راح يساعدكفي السداد ولكن مع الأيام البيت راح يصبح قديم وينزل إيجاره ومارح ترجع قيمته بسهوله وبصراحه
أنا أشوفموضوع العقار في قطر صعب جدآ بالنسبه إللي ياخذه عن طريق بنك فالبدايه لابد أن تكون بسيطه على قد
رأس المال يكون الربح أو العائد فأنا من وجهت نظري البسيطه جدآ مثل ماقالوا إخواني اللي سبقوني وهم أعرف
مني إشتغلي في تجاره الملابس أو الذهب أو السيارات أو البورصه والمضاربه بمبلغ بسيط لغايه الوصول لمبلغ معين
ومن ثم العمل عليه وحفظ رأس المال لتفادي الخساره وفي النهايه كل شي قابل للربح والخساره والتوفيق من رب العالمين
ولكن تذكري طريق الألف ميل يبدأ بخطوه
.
.
.
.

[فريج شرق]

اختي اعتقد افضل وسيلة ويمكن اصعب شي في نفس الوقت هو قرض من البنك ولكن اذا مش مضطرة مافي داعي منها لان البنوك وقروضها مشاكل ما تنتهي ووجع راس

[جود الحزن]

مشكورين وماقصرتو كلن باسمه
كفيتو ووفيتو
استفدت كثيييير من ردودكم وان شاء الله في ميزان حسناتكم