استفسار وارجوا منكم المساعده العاجله !

[قطـري كشيـخ]

السلام عليكم ورحمة الله وبركاته

اخواني بغيت استفسر عن موضوع وارجوا منكم الافاده

اعرف مواطنه قطرية الجنسية عليها مديونيه كبيره وهي غير متزوجه وتعيل نفسها حيث ان الاب كبير في السن ومتقاعد والام لا تعمل
راتب البنت كله تقريباً يخصم لتسديد المديونيه اللي عليها , البنت راحت الديوان الاميري الخاص وقالوا لها انها اقل من العمر اللي يساعدون فيه
لان هي مواليد 1988 ولازم تكون اكبر في السن عشان يساعدونها في تسديد المديونيه ! هل هذي المعلومه صحيحه او لا ؟؟
وفي حالة مثل حالتها ايش الحل او من اللي ممكن يساعدها , ارجوا منكم الافاده والمساعده ؟

وكان الله في عون كل محتاج

[للصبر اخر]

الله يكون بعونها ويسعادها
هل جربت الجمعيات الخيرية
؟؟

[قطـري كشيـخ]

اللهم امين

لا ماجربت اي الجمعيات الخيريه اللي ممكن تساعدها ؟

[حمد بن سعد]

الله يكون في عونها

[غريب الدّار]

اخوي بالنسبة للمعلومة اللي ذكروها الديوان الخاص الكلام صحيح على حسب علمي

قبل كانت المساعدات تصرف لمواليد 75 وتحت من هل قطر
عقب ارفعوا بس نسيت كم سووا السن

بس مااعتقد وصل 88 يعني على حسب علمي ان كلام الديوان الخاص صحيح

وأتمنى حد يصلح لي المعلومة اذا كنت غلطان


هاذي نقطة

النقطة الثانية :
اخوي مافي الا الجمعيات الخيرية والله يعينها
جمعية الشيخ عيد
جمعية قطر الخيرية
راف أتوقع يساعدون بعد

والله يعينها ويفرج كربتها يارب العالمين

وجزاك الله كل خير على سعيك في مساعدة غيرك

[المخفي]

ايش سبب الديون

[شبح الصمت]

اخوي احاول ارسل لك عالخاص مليان عندك امسح من علبة الوارد لاجل نتواصل معاك

[qr95]

من فرج على مؤمن كربه من كرب الدنيا فرج الله عنه كربه من كرب يوم القيامه

[Aozomblue]

الله يعينها ويفرج كربتها يارب العالمين

[العنيده]

الله يعينها ويفرج كربتها ان شاء الله ويجزاها خير انها قايمه باهلها ..

[المبرمج صلاح]

من فرج على مؤمن كربه من كرب الدنيا فرج الله عنه كربه من كرب يوم القيامه

فمن يملك اي طريقة لمساعدتها فلا يتردد وان شاء الله جزاه عند رب العالمين لن يضيع

[حبر وقرطاس]

دلوها على برنامج عبدالرحمن الحرمي في اذاعه القران الكريم كل ثلاثاء تفريج كربه .على الهواء مباشره يتم تفريج كربه اكثر من 7 حالات والله برنامج يبكي ويفلق الصخر من الرحمه العظيمه الي تساق فيه لكثير من المكروبين ..اللهم فرج كربتها وامن روعتها ويسر امرها واجعل لها بعد العسر يسرا ..اللهم سخر لها من عبادك الصالحين ..اللهم ارفع عنها البلاء واسترها فوق الارض وتحت الارض ويوم العرض هي ومن وقف معها بكلمه وسعى وسأل واجتهد يارب العالمين انك كريم قريب مجيب الدعاء

[فريج شرق]

الله يعينها ويساعدها اخوي اعتقد ممكن تروح الجمعيات الخيرية لان هم يدرسون الحالة ويقدمون لها المساعدة

[angelicheart]

كأنك تشرح حالة وحده اعرفها نفس الحالة بالضبط

المهم شلون ممكن يساعدونها؟


جزاكم الله خير

[قطـري كشيـخ]

اخوي احاول ارسل لك عالخاص مليان عندك امسح من علبة الوارد لاجل نتواصل معاك

اخوي فضيت البريد تقدر تراسلني

[قطـري كشيـخ]

شكراً لكل من رد ودعا لها بتفريج كربتها
واللي حاب يستفسر عن سبب الدين يرسلي على الخاص لشرح حالة البنت

[بصمة قطرية]

الله يفرج عليها و علينا ..
الديون مصيبة ..
ماقدر أقول ليش تدينت كل شخص له ظروفه ..
الله يسخر لها عيال الحلال ..

[قطـري كشيـخ]

اللهم امين

[.قطر.]

قال وسول الله صلى الله عليه وسلم "من فرج على مؤمن كربه من كرب الدنيا فرج الله عنه كربه من كرب يوم القيامه "
الله يسخر لها اللي يفك كربتها

:)

[شروووق]

إذا شاريه شي مفيد عادى تستاهل المساعده بس اذا كان حق شنطه ماركه او ساعه ماركه او سياره كامله زيادات احس ماتستاهل المساعده و إلى يفكر في الفشخره خل فشخرته تنفعه ويقول المثل مد أرجولك على قد الحافك