صور: ما صار كرك !! ، وين المرور والبلدية عن هذا ؟!

[Right]

السلام عليكم




إلي يمر بإتجاه شارع الفروسية صوب المحلات التي بجانب مكتب بريد الريان ، الله يعينه


http://store1.up-00.com/2015-05/1432028371441.jpg (http://www.up-00.com/)[/URL]





الصور تتحدث



http://store1.up-00.com/2015-05/1432026488971.png (http://www.up-00.com/)



http://store1.up-00.com/2015-05/1432026489052.png (http://www.up-00.com/)



http://store1.up-00.com/2015-05/143202648913.png (http://www.up-00.com/)



http://store1.up-00.com/2015-05/1432026489184.png (http://www.up-00.com/)



http://store1.up-00.com/2015-05/1432026489255.png (http://www.up-00.com/)[URL="http://www.up-00.com/"]





سؤال: وين المرور والبلدية عن هذا ؟!

[راجي الْعفو]

وعليكم السلام و رحمة الله و بركاته ..

اوفقك الراي ..

ومب في هالمنطقة بس ، بل في عدة مناطق ..

يؤذون الناس في سيرهم ..

أتمنى أن المسألة تنظم ..

[حسن]

والله ان استغرب من هذه الظاهره اصبحت من التراث

عمري ماوقفت جذي

مادري وش عاجبهم به الكرك اللي كنه ايل قير طراد

الثقافه مشكله

[فريج شرق]

فعلا اخوي يوجد زحام على محلات وقت الشاي في كل مكان مش فقط في شارع النصر والمصيبة ان الكرك مضر في الصحة لان فية سكر وحليب كثر:omg::shy:

[Rider]

اتمنى يرفعون سعر الكرك الى 10 ريال للكوب صدقني ماتشوف ولا طير لكن مادام بريال الكل بيشرب ناس فاضية

[مختلف جداََ]

ليش نلف و ندور

الحين من الغلطان

المحل
ولا البشر اللي مخالفه قوانين المرور
المحل عنده ترخيص ولا لا
هل المحل هو اللي قال لهم تعالوا وقففوا سياراتكم بشكل مخالف



مالكم كيف تحكمون

[Right]

ليش نلف و ندور

الحين من الغلطان

المحل
ولا البشر اللي مخالفه قوانين المرور
المحل عنده ترخيص ولا لا
هل المحل هو اللي قال لهم تعالوا وقففوا سياراتكم بشكل مخالف



مالكم كيف تحكمون






لو حكمت عقلك ، لأدركت أنني لم أتطرق للمحل


بل الموضوع والسؤال كان موجه للمرور وللبلدية

وإلي يخالفون ويعطلون حركة المرور



مالك كيف تحكم ؟!

[(ام عبدالله)]

صاحب الموضوع يتكلم عن السيارات المخالفه والزحمه يلي تنشاء عن ذلك
وليس عن المحل ..

[Right]

صاحب الموضوع يتكلم عن السيارات المخالفه والزحمه يلي تنشاء عن ذلك
وليس عن المحل ..




فعلاً يا أم عبدالله ، تعالي فهمي إلي ما يبي يفهم !!

[حمد 2002]

طيب وش الحل طال عمرك ؟

[العنيده]

ماشاء الله بما ان في بعض المحلات روادها وايد المفروض اماكن افتتاحها تكون بشوارع معينه ..
فيهاا تنظيم اكثر لراحة المارين وبعد المحل .. باركنات اكثر اماكن مفتوحه اكثر ..
لما اكثر من محل مساحه صغيره وماشاء الله زباينهم وايد اكيد بنلاقي الزحمه الكل يحاول يوصل للمكان اللي يبيه
بدون دوريات الموضوع محتاج اشارات وتخطيط في الشوارع افضل اتوقع مجرد راي :rolleyes2:

[حمد بن سعد]

شكلك ماشفت الي في شارع ام الدوم يوقف في الشارع ويعطل السير عشان كرك والله الي شفته انت ارحم

[مختلف جداََ]

الاخ رايت
اقدم اعتذاري

[بوحارب]

نفس الحاله عندنا في الخريطيات

مطعم وقت الشاي مسبب زحمه ومسكر الشارع

ومسوي اذيه للعالم

والمشكلة الكرك ماله يغثي ويسد النفس
تحس انك تشرب كورنفلكس ذايب :(

[حمد 2002]

طيب وش الحل اخوي بوحارب ؟ انسكر المحلات ؟

[بوحارب]

اقترح يتم إغلاق جميع مطاعم الكرك (المشهورة)
من الشوارع التجارية

[حمد 2002]

اقترح يتم إغلاق جميع مطاعم الكرك (المشهورة)
من الشوارع التجارية

تقطع ارزاقهم يعني . مافيه حلول افضل من هالحل ؟

ولو انت صاحب هالمحلات بتطالب بنفس القرار ؟ ولا المساله مساله حسد فقط ؟

[sweet qatar]

ااااخ ذكرتني بموقف بايخ حصل لي بس مع محل ثاني

كنا نبي نطوف و كنت علي أعصابي

أتخيل منظر المدير و هو معصب

و جدامنا سيارة ماتبي تتحرك .. تنطر الكرك

والله إني وصلت الدوام مصدعة من كثر انفعالي

حسبي الله ونعم الوكيل فيهم .. لا ذوق ولا احترام ولا أدب

شبيسوون فيهم المرور .. !!

[Right]

ماشاء الله بما ان في بعض المحلات روادها وايد المفروض اماكن افتتاحها تكون بشوارع معينه ..
فيهاا تنظيم اكثر لراحة المارين وبعد المحل .. باركنات اكثر اماكن مفتوحه اكثر ..
لما اكثر من محل مساحه صغيره وماشاء الله زباينهم وايد اكيد بنلاقي الزحمه الكل يحاول يوصل للمكان اللي يبيه
بدون دوريات الموضوع محتاج اشارات وتخطيط في الشوارع افضل اتوقع مجرد راي :rolleyes2:





رأي موفق جداً :victory:

[Right]

شكلك ماشفت الي في شارع ام الدوم يوقف في الشارع ويعطل السير عشان كرك والله الي شفته انت ارحم






شفته ياخوك ، كأنه يوزع عيديات مو كرك

[Right]

الاخ رايت
اقدم اعتذاري





مسموح ياخوك

[Right]

ااااخ ذكرتني بموقف بايخ حصل لي بس مع محل ثاني

كنا نبي نطوف و كنت علي أعصابي

أتخيل منظر المدير و هو معصب

و جدامنا سيارة ماتبي تتحرك .. تنطر الكرك

والله إني وصلت الدوام مصدعة من كثر انفعالي

حسبي الله ونعم الوكيل فيهم .. لا ذوق ولا احترام ولا أدب

شبيسوون فيهم المرور .. !!





نفس الموقف صادني ، وأكثر إلي يطلبون شباب مراهقين ولا همهم شيء

[ممنوع اللمس]

اي والله صدقت
يجي الاخ يوقف ولا كان في حد وراه ويسوي زحمه
علشان يشرب كرك

[Right]

اي والله صدقت
يجي الاخ يوقف ولا كان في حد وراه ويسوي زحمه
علشان يشرب كرك






حشيشه مو كرك !!

[.قطر.]

وعليكم السلام ورحمه الله وبركاته
اللي يبي كرك يصف عدل مب يعطل الشارع بهالطريقه !!!!!
او يصف بعيد شوي ويمشي شالمشكله :omen2:

[مختلف جداََ]

الحين من كل الردود استنتجت شي

انه الكل مب عاجبه طريقة وقوف السيارات عند محلات الكرك

انزين يعني عمركم ما عطلتو السير

ولو لدقيقة

[نمر بن عدوان]

العاملين في المحل مشاركين في المشكله لانهم يقدمون الشاي للواقفين في الشارع ومعطلين السير والمفروض مايتم تقديم الشاي الا داخل المحل او للواقفين في الاماكن الصحيحه

[وطن]

عندي سؤال
مافي كرك في البيوت ؟
ما يحلا لهم الا مال المطاعم !!

ما أدري ليش طلعت عندنا طفرة الكرك في البلاد !!





الحين من كل الردود استنتجت شي

انه الكل مب عاجبه طريقة وقوف السيارات عند محلات الكرك

انزين يعني عمركم ما عطلتو السير

ولو لدقيقة

الصراحة لا

استحي اعطل السير ولو ثواني

[H H]

ويتكرر الشي الي يصير في كل المواضيع!
الكل ينتقد هالظاهره! اجل من الي نشوفهم اغلب الوقت واقفين وسادين الشوارع قدام العالم؟

ماهزا :(


يعطيك العافيه ياراعي الموضوع , ومن ناحيتي ماحب الكرك الا فالشتا.
والنعيمي مثلك عارف حاطين ستين عامل فالمحل الواحد يعني طلبك ثواني وهو عندك

[.قطر.]

الحين من كل الردود استنتجت شي

انه الكل مب عاجبه طريقة وقوف السيارات عند محلات الكرك

انزين يعني عمركم ما عطلتو السير

ولو لدقيقة

هو مرات فيه تعطيل سير بس مب بهالطريقه اللي تقول الناس مفجوعه ع الكرك !!!
ع الاقل لو صافين ورا السيايير اللي ماخذين المواقف ويضايقون اللي بيطوفون بشكل بسيط معليه لكن توصل انهم يسدون الشارع امر غير مقبول :nono:

انا مرات اوقف ورا اللي ماخذين المواقف بس ما اعطل الشارع جي يعني في مجال السيايير الثانيه يطوفون

[H H]

على طاري الصور الي انت حاطها, اعتقد هالصوره عند سوق المعاضيد.
هالشارع الفرعي في كل الاوقات قلق , موب منظم وحالته حاله والمدخل والمخرج واحد يعني لو دخلت لازم تديور وترجع تسوي زحمه عشان تطلع!

[الحياة الخالدة]

لو حكمت عقلك ، لأدركت أنني لم أتطرق للمحل


بل الموضوع والسؤال كان موجه للمرور وللبلدية

وإلي يخالفون ويعطلون حركة المرور



مالك كيف تحكم ؟!





السلام عليكم ورحمة الله
أتفق معك تماماً
و صاحب الموضوع جزاه الله خير وضح أنه لا يضع اللوم على أصحاب المحلات

فالرجاء التركيز

[العلياا]

معيذر التجاري ؟؟ اللي مقابل سباير زون !!

اذا هو ف فعلا الوضع هناك محتاج حزم لان اللي قاعد يصير قمة المهزله
رغم انه اقرب شارع لبيتي وفيه جمعيات احتاجها لكن ماقدر ادخل هناك
اضطر اروح لين حياة بلازا وحتى محل اصايل حق المواعين مكانه اظن قريب وقت الشاي
او السفير ف ان دخلت ماراح اطلع سالمه ..!

اتمنى من كل قلبي تواجد الدوريات هناك بشكل مستمر

[العقل المدمر]

مب شايفين خير
معقولة ماعندهم كرك فالبيت ؟
ماعندهم كرك فالدوام ؟
ماعندهم كرك فالميالس ؟
المفروض الذبحة تصير ع شي يستاهل
انزين اللي يسد الشارع مايخاف حد يدعي عليه
يغص بالكرك مثلا
ينكت عليه ويحترق
يتسمم بطنه يعوره شي :shy:

[حسن]

انحسار دور المجالس والثقافه ادى الى ظهور ظاهره الكرك

الحمدلله يمكن فيحياتي مره وقفت ولكن ماكان فيه شارع عام

[بوحارب]

مب شايفين خير
معقولة ماعندهم كرك فالبيت ؟
ماعندهم كرك فالدوام ؟
ماعندهم كرك فالميالس ؟
المفروض الذبحة تصير ع شي يستاهل
انزين اللي يسد الشارع مايخاف حد يدعي عليه
يغص بالكرك مثلا
ينكت عليه ويحترق
يتسمم بطنه يعوره شي :shy:

لا ما عندنا كرك في البيوت والميالس والدوامات

[طلعة الروح]

عدم النظام وعدم الاحترام سمه غالبه على السواقين في قطر
قنابل موقوته تمشي مب بشر.

[طلعة الروح]

يجب ان يكون نظام المحل على شكل drive thru
اما ان المحل ينحط في محطه وجنب صفة محلات ف طبيعي
تعم الفوضئ خصوصا مع عدم توفر مساحات رحبه للوقوف او
الانتظار.
والحل الاخر بيد الجمهور بانتقاء المحل الذي يذهب اليه.

[Right]

معيذر التجاري ؟؟ اللي مقابل سباير زون !!

اذا هو ف فعلا الوضع هناك محتاج حزم لان اللي قاعد يصير قمة المهزله
رغم انه اقرب شارع لبيتي وفيه جمعيات احتاجها لكن ماقدر ادخل هناك
اضطر اروح لين حياة بلازا وحتى محل اصايل حق المواعين مكانه اظن قريب وقت الشاي
او السفير ف ان دخلت ماراح اطلع سالمه ..!

اتمنى من كل قلبي تواجد الدوريات هناك بشكل مستمر




هو نفسه إلي مقابل أسباير زون


فعلاً الوضع يبي له حل جذري وناجع

[ريم الشمال]

الكرك شاي وحليب بس هو كيف حق راعيه
عندنا في العائله شخص يعشق شيء اسمه جاي الحليب وأنا اتعجب ولكن منذوا الصغر وهو من عشاقه ولا نستطيع لذلك حيله

عليهم بألف عافيه بس لا يسون للناس زحمه

[ameeer3]

الله يعز النعمه ،،،،

ايل مكينه طراد مب حليب وشاي،،،

[Q ابو تركي Q]

حتي بالخريطيات وقت الشاي زحمه الشارع ويسدون الطريق الرئيسي والفرعي اللي جنبه تقول محاصرين ارهابي

[العقل المدمر]

لا ما عندنا كرك في البيوت والميالس والدوامات

اللهم لا شماتة :tease:

[qatara]

شارع الهرم

المطلوب يسوون مكينه كرك جنب مكينة تعبئة البنزين في كل محطه

هههههههههههههه

[شيخ الديرة]

الحل واضح وضوح عين الشمس، غلق المحل وسحب رخصة الفرع لمخالفته شروط الرخصة والتي صرح بها ان عدد المواقف التي امام المحل تكفي للزبائن، وهذا تحايل واضح. واللي يقول حسد وغيرة وقطع ارزاق غلطان، لان لو يفتح أي محل بأي مكان ويلتزم بشروط الرخصة مبروك عليه.

[مختلف جداََ]

الحل واضح وضوح عين الشمس، غلق المحل وسحب رخصة الفرع لمخالفته شروط الرخصة والتي صرح بها ان عدد المواقف التي امام المحل تكفي للزبائن، وهذا تحايل واضح. واللي يقول حسد وغيرة وقطع ارزاق غلطان، لان لو يفتح أي محل بأي مكان ويلتزم بشروط الرخصة مبروك عليه.

انت متأكد هالكلام مذكور في شروط الرخصة


ما اعتقد بارك الله فيك

[R 7 A L]

مساك الله بالخير اخوي رايت
انت تسأل وين المرور
المرور موجود وبعض الدوريات اشوفها صافه ويكركون مع الشعب

[حبر وقرطاس]

مسررررررطن .اثبتت الدراسات ان الاورام السرطانيه تزيد وتكبر بالسكريات

[مشاكل]

اقترح على البلدية منع توصيل الطلبات لخارج المطعم
ومن يخالف ذلك يغلق محله

اللي يبي يشرب شاهي يصف سيارته ويدخل المطعم
وكان الله غفورا رحيما

[شيخ الديرة]

انت متأكد هالكلام مذكور في شروط الرخصة


ما اعتقد بارك الله فيك
شروط الترخيص تستوجب ضمان المرخص له بتوفير ما يلزم من مساحات وخدمات تتناسب مع طبيعة الصنعة او الحرفة التي يقدمها، هذا بشكل عام، واذا غير مكتوبة بصريح العبارة فهو تغاضي غير مقصود عن الشرط العام. وهذه نفس مشكلة معارض السيارات التي تستخدم الارصفة ومحلات تصليح السيارات في الشوارع ووو

[نوفا91]

اتمنى يرفعون سعر الكرك الى 10 ريال للكوب صدقني ماتشوف ولا طير لكن مادام بريال الكل بيشرب ناس فاضية

شدخل ناس فاضيه لانها تشرب كرك !

[شيخ الديرة]

لم يتم الزام المحل بتوفير المواقف الكافية تناسب عدد الزبائن ، لذلك الزبائن يتراكمون ، وليس لتعمد المخالفة

[نوفا91]

الحين الكل ضد الكرك وووو
ماشاء الله عيل من اللي مسوي زحمه هناك !
شي جميل استمروا
ع الاقل مانتأخر لين طلبنا كرك

[Charisma]

العاملين في المحل مشاركين في المشكله لانهم يقدمون الشاي للواقفين في الشارع ومعطلين السير والمفروض مايتم تقديم الشاي الا داخل المحل او للواقفين في الاماكن الصحيحه

احييك اخوي نمر على ردك ..


فعلا التجمعات حول " محلات الكرك " .. تسبب مضايقات واختناق مروري .. في كل فرع وفي كل منطقه .

أفضل حل للموضوع مثل ماذكر اخوي نمر :

منع العاملين في محلات الكرك من تقديمه الا في المواقف الأماميه والمواجهه للمحل .. ووضع ملصقات تنبّه بسريان القانون .. ( عشان لايجونك القلاعه ويحمقون ) ..
لأن اساس الزحمه وقوف السيارات في منتصف الطريق .. والعامل يلبي النداء.. غير ان بعض الأفرع يظطر العامل لقطع شارع حيوي "رايح جاي" .. ضاربين بذلك أروع الأمثله ( نقّرب كل بعيد ) .. طبيعي في هالحاله بتزيد الزحمه كون "اصحاب المزاج الكركي " متيقنين من وصول العاملين لهم حتى في منتصف الدوار .


مناقشه جانبيه لبعض الحلول :


تواجد دوريات :
لا فائده مرجوه .. كون الدوريه بتفك التجمع وقتها .. وكم من دقيقه وترجع .. حل من وجهة نظري غير فعال .

اغلاق المحل :
omen .. ارزاق ..
ولو ان المحل يتحمل جزء من المسؤوليه بناءا على ماسبق ذكره عن العاملين .. ولكن "ماينلامون" دام مافي الزام او قرار من البلديه .

[MirusS]

المشكله ماهي من المحل ولا من الناس ..
لازم تكون فيه دوريه فالاماكن الي فيها اختناق وزحمه عشان يظبطون الوضع ، أصلا هذا دورهم

[شيخ الديرة]

اللي يبي يشرب شاهي يصف سيارته ويدخل المطعم
وكان الله غفورا رحيما

من كثر المواقف ، المشكلة ليست كثرة السيارات بل قلة المواقف. تي تايم يحتاج يسكروه ويفتح بمكان آخر واسع وبيه درايف ثروو[/SIZE]

[كازانوفا]

والله ان استغرب من هذه الظاهره اصبحت من التراث

عمري ماوقفت جذي

مادري وش عاجبهم به الكرك اللي كنه ايل قير طراد

الثقافه مشكله

دائما ردودك بالصميم :victory:

[BO.ABDULLA]

الله يرحم ايام الكورنيش وايام الصندقة كانت ايام حلوه ولا في زحمة ولا شي

[eXpert*]

الحل بسيط ..

الحل الأول : أمنع المحلات من تأخذ الطلبات من السيارة اللي يبي يشرب يوقف سيارته زين ما زين و ينزل و يشرب في المحل أو يأخذ و يرجع سيارة ..

في هذه الحال أنت جبرته يوقف عدل في موقف مخصص ،، و إذا ما وقف دورية مرور تعطيه ما يستحق من مخالفة .


الحل الثاني : مثل هذه المحلات تجبره يكون عنده نفس الدرايف ثرو ،، يمر على الشباك يستلم طلبه و يمشي بحيث أن ما يوقف بنصف الشارع ولا يعرقل حركة السير بإنتظار طلبه .

[شيخ الديرة]

تي تايم يحتاج مساحة محطة بترول، وليس كشك ،
https://s-media-cache-ak0.pinimg.com/236x/c2/2a/ce/c22ace7ad7bb501a346b260e2e19ac0f.jpg

[أين الحل ؟]

يا زين جاي كرك البيت .

[mersal]

يعني قمة الأذى صارت امس قطعت اشارة رمادا قاصد ادخل للمندرين المدخل مسكر الكل واقف عند وقت الشاي والزحمه واصله للشارع،، من رايي الحل ولو انه مش حل يمنعوا عمال وقت الشاي من تقديم الطلبات خارج المحل ونجرب، وخلي هذه الناس تهز خصرها شوي وتتنازل وتنزل تخدم حالها بحالها....، واي مكان فيه وقت الشاي نفس المشكلة يعني نجيب دوريات على عدد فروع المحل وخلي دوريه ثابته قدام فروعهم احسن يا ترا، وبستغرب انه الدوريات عند الابراج الصباح شغاله يا دوب الواحد يبركن غلط الا والمخالفه لازقه عليه مع انه الناس هناك جاي تقضي مصالح ضرورية وما في مواقف ، بالعربي بالمواقف العامة خلال ثانيه بتجيك مخالفه اما تسكير الشوارع عشان شاي ما شفت حد قاعد بخالف او حتى يحل مشكلة هذه الزحمة

[(ام عبدالله)]

يعني قمة الأذى صارت امس قطعت اشارة رمادا قاصد ادخل للمندرين المدخل مسكر الكل واقف عند وقت الشاي والزحمه واصله للشارع،، من رايي الحل ولو انه مش حل يمنعوا عمال وقت الشاي من تقديم الطلبات خارج المحل ونجرب، وخلي هذه الناس تهز خصرها شوي وتتنازل وتنزل تخدم حالها بحالها....، واي مكان فيه وقت الشاي نفس المشكلة يعني نجيب دوريات على عدد فروع المحل وخلي دوريه ثابته قدام فروعهم احسن يا ترا، وبستغرب انه الدوريات عند الابراج الصباح شغاله يا دوب الواحد يبركن غلط الا والمخالفه لازقه عليه مع انه الناس هناك جاي تقضي مصالح ضرورية وما في مواقف ، بالعربي بالمواقف العامة خلال ثانيه بتجيك مخالفه اما تسكير الشوارع عشان شاي ما شفت حد قاعد بخالف او حتى يحل مشكلة هذه الزحمة

كفيت ووفيت .. جزاك الله خير

[Mohammed2]

المشكله كلها في عقول بعض الناس
محلات الكرك حالها حال اي كفتريا او مطعم
والكرك من ضمن منتجاتها وتبيعه على الناس وعليه اقبال

المفروض الناس تفكر شوي وتشغل عقلها اذا شفت انك بتعطل السير وانت تنطر الكرك خلاص تحرك وارجع عشان تاخذ طلبك، لاتنطر وتعطل الناس بحجة انه باخذ بس دقيقه او دقيقتين.

انا اقول لو يكون في صور ارشاديه عند الكفتريات مثل وقت الشاي احسن
لعل وعسى بعض الناس تفهم اذا شافت الصوره

[R 7 A L]

في قانون المرور
عرقلة خط السير عليها مخالفة مالية واحتساب نقاط
لذا اقترح على الجهات المختصة التواجد عن هالمحلات وتنفيذ هذة المخالفات حتر يرتدع المخالفين

[FCB 123]

نفس الشي عندنا في الوكرة .. فرش واي في شارع عبدالرحمن بن جاسم .. زحمة وناس توقف في الشارع ولا تفتكر في الناس الي وراها
وين البلدية ؟ وين الشرطة ؟

[.قطر.]

حتي بالخريطيات وقت الشاي زحمه الشارع ويسدون الطريق الرئيسي والفرعي اللي جنبه تقول محاصرين ارهابي

ههههههههههههههاي :happy:
الله يعين اللي بيمر ف هالشارع وهو حده مستعيل :rolleyes2:

[يمامـة]

سبق اني طرحت موضوع في المنتدى عن تجمهر السيارات عند محلات شاي الكرك..
حاولت ابحث عن الموضوع ما لقيته:shy:

لكني لقيت هالموضوع اللي بيفيد اعتراضنا على مثل هالتجمهر
http://www.qatarshares.com/vb/showthread.php?558686-%C7%E1%DE%C8%D6-%DA%E1%EC-%C7%E1%CF%D1%C8%C7%E6%ED%C9-%DD%ED-%C7%E1%D5%E4%C7%DA%ED%C9-***-%DE%D8%D1/page20

شنهو اللي ممكن نضيف اكثر من اللي قلناه قبل..

اذا بعض سيارات الشرطة تشارك الناس في مثل هالتجمهر.. فمن له بنرفع اصواتنا؟

[.قطر.]

انا مع اللي قالوا يسوون طلبات بالسيايير car thru مافي الا هالحل
ولا يفتحونه ف نص البر :rolleyes2:

[Right]

شارع الهرم

المطلوب يسوون مكينه كرك جنب مكينة تعبئة البنزين في كل محطه

هههههههههههههه





خبرررررررة !!

[Right]

مساك الله بالخير اخوي رايت
انت تسأل وين المرور
المرور موجود وبعض الدوريات اشوفها صافه ويكركون مع الشعب




مساك الله بالنور أخوي رحال


عليهم بالعافية ، بس التنظيم مطلوب و زين

[Right]

الكرك عشق لا ينتهي ،


لكن الخلل في عقول وسلوك بعض الناس !!

[fzaa_qatar]

والله اذتنا محلات الكرك بسبة الشلل المروري اللي تسببه نعم نمر عليهم ونطلب كرك بس عمري ماصفيت غلط وسببت مشكله والناس اتجيك تصف واحد ورا الثاني ووقت الطلعه الشارع يعتفس .. الكرك فالمحطات عاد من كبرها سبب ازمه دخول وخروج للي يبي المحطه فالاساس .. الحل عند المرور او البلديه هم ادرى وقت الناس يضيع بسبة محل 5×5 متر

[بني تميم]

هذا الفرع ازحم مكان يمكن تشوفة عينك

وانا كل مروح هناك اطلب دورية ولا في فايده

[ابوالعبد]

الحل مفروض محلاات شاي مايعطونهم تصاريح في الشوارع التجاريه يعني عندك شارع المطار و النصر و الريان ومعيذر مفروض هالاماكن المعرروفه مايعطون تصريح للمحلات شاي والكرك


تسبب زحمه جدا جدا جدا للطريق

[R 7 A L]

المفروض
اتكون في اماكن صاده وبعيده عن الشوارع الرئيسية


مثل كافتيريا النعيمي القديم الصغير الي في السد ورى محلات الطايف

[مضارب دوسري]

انا اشوفه موضوع الوقوف خطا تعتمد على ثقافة الشخص نفسه وسلوكه

على سبيل المثال
في السعوديه الرياض مثلا
اذا صفيت صح واحترمت قانون المرور عند المطاعم الشعبيه فانت انسان غلطان
ليش ؟؟؟؟
لان عقب ما تخلص طلبك بتم نص ساعه تنتظر اللي واقف غلط وراك انه يخلص طلبه
وباسلوب عادي ومعتاد يقولك السموحه طال عمرك !
مع انه اساسا كان يشوفك وانت فالسياره وكان للحين ينتظر دوره
بس تكيسل يروح يوخر سيارته ف نقعك لين يخلص ههههه

هل نجي نقول اقطعوا ارزاق خلق الله
وودوا المطاعم في اماكن بعيده
عشان خاطر كم شخص ثقافته وسلوكه غلط !!
طبعا لا

هل نجي نقول يا وزارة الداخليه
روحي وقفي شرطي مرور عند كل محل كرك ؟؟

[موظف ((حكومي]

لاتعليق................

[يمامـة]

المفروض
اتكون في اماكن صاده وبعيده عن الشوارع الرئيسية


مثل كافتيريا النعيمي القديم الصغير الي في السد ورى محلات الطايف

المطلوب مخالفة من يعيق الطريق..

هذا ابسط حل المفروض المرور يقومون فيه يا اخوي رحال..

[mr. abdulla]

في قانون المرور
عرقلة خط السير عليها مخالفة مالية واحتساب نقاط
لذا اقترح على الجهات المختصة التواجد عن هالمحلات وتنفيذ هذة المخالفات حتر يرتدع المخالفين



في الصميم يا أخوي رحال

[S S]

الخلل معروف فى الناس الأتكاليه الى نظامه انطر كلها ثواني وبحرك ويجيك غيرة وغيرة الأغلب منهم يحتاج الى درس فى الأخلااق واداب الطريق هذا اذ نفع معهم

[معماري قطري]

الكرك يسونه الهنود بقذارة الصراحة .. يطبخون الشاي مع ماي وحليب دسم وسكر ويخلونه فترة حتى يستوي مركز .. بعدها يشخلونه في فانيلة عامل صفرا ويعصرونه قوة لين تطلع منه كل قطرة .. ويصبونه لكم في قلاصات رخاص بدون عروة وبدون غسيل جيد من شخص لشخص المهم البلدية ما تجي تفتش وبالهناء والشفاء.

بخصوص اللي يوقفون في الشارع مسؤولية من نتوقع تأَديبهم ومخالفتهم؟ هم مب فاضيين الا للرادارات في كل داعوس وشارع .. يحطون كيمرة رقابة ويسجلون رقم المعرقل ويقولون له مبروك عليك مخالفة للسبب الفلاني ويوم أَمس ما يخلونها سنة ينساها المخالف.

[bo3adel]

ليت هالزحمه عند بيت الله ^_^

مروا محطة دحيل وقت الصلاه الامام يقرى والحبايب ضرب كرك وسوالف ولا كأنه في رب يراقبهم

المفروض بصراحه تواجد الدوريات في هالاماكن وشهاده لله ثلاث او اربع مرات اجوف ضابط هناك ف محطة دحيل ينظم الموضوع بس دوره يقتصر على كم دقيقه ويروح

الناس هي اللي محتاجه ثقافه وهاي مشكلتنا في قطر .. مثل اللي يقطون الوصاخه ف الشارع وانتو بكرامه .. اذا ماعلمته عمره مابيتعلم من نفسه

تقبلوا مروري ورايي ^_^

[حليتان*]

ياخي اللوم مش عليهم اللوم على الي عطاهم تصاريح وله يجيك يحفر قدام المحلات بدون لا يعطيك بديل

[حليتان*]

الكرك يسونه الهنود بقذارة الصراحة .. يطبخون الشاي مع ماي وحليب دسم وسكر ويخلونه فترة حتى يستوي مركز .. بعدها يشخلونه في فانيلة عامل صفرا ويعصرونه قوة لين تطلع منه كل قطرة .. ويصبونه لكم في قلاصات رخاص بدون عروة وبدون غسيل جيد من شخص لشخص المهم البلدية ما تجي تفتش وبالهناء والشفاء.

بخصوص اللي يوقفون في الشارع مسؤولية من نتوقع تأَديبهم ومخالفتهم؟ هم مب فاضيين الا للرادارات في كل داعوس وشارع .. يحطون كيمرة رقابة ويسجلون رقم المعرقل ويقولون له مبروك عليك مخالفة للسبب الفلاني ويوم أَمس ما يخلونها سنة ينساها المخالف.

اسمح لي فديت خشمك

وقت الشاي غواريهم جدامك مايسون الكرك داخل

[بشائر]

الخطأ هو في أن هالمحلات عادة تكون على شارع عام ..
المفروض من البلدية تشن حملة تفتيشية على هالنوعية من المحلات واللي تسبب كل هالزحمة وتعطل الأمة
وتم إغلاقها .. وتخيرهم بمكان بديل ..

[شيخ الديرة]

الخطأ هو في أن هالمحلات عادة تكون على شارع عام ..
المفروض من البلدية تشن حملة تفتيشية على هالنوعية من المحلات واللي تسبب كل هالزحمة وتعطل الأمة
وتم إغلاقها .. وتخيرهم بمكان بديل ..

والأحسن ان المرور يقدم جرد للبلدية بكل المحلات التي تؤدي الى عرقلة المرور ويطلب بأغلاقها او نقلها الى مكان أخر, ويكون هذا درس للبلدية في تحسين شروط الترخيص

[بنت شرق]

الكرك يسونه الهنود بقذارة الصراحة .. يطبخون الشاي مع ماي وحليب دسم وسكر ويخلونه فترة حتى يستوي مركز .. بعدها يشخلونه في فانيلة عامل صفرا ويعصرونه قوة لين تطلع منه كل قطرة .. ويصبونه لكم في قلاصات رخاص بدون عروة وبدون غسيل جيد من شخص لشخص المهم البلدية ما تجي تفتش وبالهناء والشفاء.

بخصوص اللي يوقفون في الشارع مسؤولية من نتوقع تأَديبهم ومخالفتهم؟ هم مب فاضيين الا للرادارات في كل داعوس وشارع .. يحطون كيمرة رقابة ويسجلون رقم المعرقل ويقولون له مبروك عليك مخالفة للسبب الفلاني ويوم أَمس ما يخلونها سنة ينساها المخالف.
اشدعوه ،،،بالفانيله يشخلونه ،،،الهنود بعد مايسون الكرك يبردونه ،،،بصبه عدة مرات في قلاص ثاني لين يزبد وتصير حرارته معتدله ،،
انا معتمده هالطريقة ،،وتخلي الكرك احسن ،،

[عضو مشاكس]

البعض ماينعطى ويه يسكر الشارع ولا يحترم الطريق

[بشائر]

والأحسن ان المرور يقدم جرد للبلدية بكل المحلات التي تؤدي الى عرقلة المرور ويطلب بأغلاقها او نقلها الى مكان أخر, ويكون هذا درس للبلدية في تحسين شروط الترخيص

صح كلامك وهو فعلا الأحسن ..
هذا الحل ولقيناها .. المسألة بسيطة جدا .. إن شاء الله تنتهي هالمشكلة بأسرع وقت ..

[معماري قطري]

اشدعوه ،،،بالفانيله يشخلونه ،،،الهنود بعد مايسون الكرك يبردونه ،،،بصبه عدة مرات في قلاص ثاني لين يزبد وتصير حرارته معتدله ،،
انا معتمده هالطريقة ،،وتخلي الكرك احسن ،،

هذا اللي سمعته قبل ولا انا ولا مرة جربت الكرك ما اغامر كلش

[Right]

هذا اللي سمعته قبل ولا انا ولا مرة جربت الكرك ما اغامر كلش





الكرك إدمان ، بس حلال :victory: