الطوارئ بدأت حظر مرافقة الخدم للأطفال

[R 7 A L]

بدأت مراكز طوارئ الأطفال أمس الأول في تطبيق الضوابط الجديدة في استقبال الأطفال والتي تمنع الكشف عليهم بصحبة الخدم والسائقين، وتشترط حضور ولي الأمر كشرط للحصول على الرعاية الطبية اللازمة للحالات غير العاجلة.




تكمله الخبر :


http://www.raya.com/news/pages/7c6179c0-6239-435b-ae20-50c0bfcd5b52

[ضوى]

والله استغرب وش هالقلب اللي على هالوالدين بزر اتركه مع شغالة وهو مريض ، بعد لو العاب يمكن يهون ، المفروض هالشي من زمان يتم رفض اي طفل مع احد غير والدينه

قرار جدا حكيم

[R 7 A L]

والله استغرب وش هالقلب اللي على هالوالدين بزر اتركه مع شغالة وهو مريض ، بعد لو العاب يمكن يهون ، المفروض هالشي من زمان يتم رفض اي طفل مع احد غير والدينه

قرار جدا حكيم



اي والله
مع اني رحت أكثر من مره بس ماشفت اطفال مرضى مع الخدم
بس ما امنعوا هالشي الا ان فيه حالات جات مع الخادمة

حرام والله طفل ومريض الكبير وهو مريض يحتاج اقرب الناس معه فما بالكم بطفل يمكن ماتعدى سنه

[راجي الْعفو]

يصبحك بالخير رحال ..

قرار جميل و رائع ..

اذكر حسن طرح موضوع يعترض فيه على هالامر ..

أتمنى ان هالشي يكون توجه جديد للدوله ..

بحيث اللي ما يعرف يربي عياله ..

تربيهم الدولة تربية سليمة ..

لان الظاهر هالنوعية من اولياء الامور تهمهم الدنيا اكثر من عيالهم ..

الله يصلحهم و لا يبلانا ..

[بنت مريخ]

احسن شي
حرررام عليهم
اذا فيه عياده القلب مع خدامه نتفه عمره شهور

[شبح الصمت]

شفت البروشور على جدران طوارى الاطفال

احسن شي سووه

ج لا نعلم وش وضع الاب او الام

لكن مافي اغلى من عيالك والحمدلله الكل متفهم الوضع من مدراء او مسئيل عندك ظرف طارى محد يقولك لا تروح

لكن البلى في بعض الاباء والامهات
ما يستحقون فلذة اكبادهم

الله يحفظهم وينبت ابناء وبنات المسلمين النبات الصالح

[ضوى]

اي والله
مع اني رحت أكثر من مره بس ماشفت اطفال مرضى مع الخدم
بس ما امنعوا هالشي الا ان فيه حالات جات مع الخادمة

حرام والله طفل ومريض الكبير وهو مريض يحتاج اقرب الناس معه فما بالكم بطفل يمكن ماتعدى سنه

صارت جدامي ومن واحدة اعرفها شخصياً معترضة على هالقرار ، تقول انا مسافرة مع اختي وبنتي عمرها سنة وشهرين مريضة رفضوا يدخلونها عالطبيب الا بولي الامر واتصلت وسفلت فيهم وبعد رفضوا ياخذونها لين امرت عالشغالة توديها خاص

[حمد 2002]

على قرار هالقرار اطالب كذلك


بمنع دخول الاطفال


للمطاعم

ولمحلات الالعاب

وللاماكن العامه

الا برفقه اولياء امورهم .


الخدم ممنوع

[monatee]

قرار حكيم ،، وان شاءالله نشوف مثل هالقرارات في امور اخرى

[شبح الصمت]

على قرار هالقرار اطالب كذلك


بمنع دخول الاطفال


للمطاعم

ولمحلات الالعاب

وللاماكن العامه

الا برفقه اولياء امورهم .


الخدم ممنوع



ما يصير حمد اشدعوووه
تبي يموتون بعض الحريم يتقيدون في بزارينهم وما تقدر تاخذ راحتها في الدشه والطلعه

اشفيك اتوقع بعض الحريم صارت الخادمه ملجى لاسرارها

[رجل الجزيرة]

ولأن بعض الأمراض لها علاقة بوالدته لأن بعض الحوامل يكون عندهم خلل أو أمراض معينة في أثناء الحمل مما يؤثر على الطفل نفسه فيجب إستدعاء الأم أو الأب لتحديد تشخيص المرض من تاريخ الحمل نفسه.

[العنيده]

افضل قرار :victory:

[مرتبش]

قرار جميل..
ومقترح الاخ حمد 2002 بمنع استقبال الاطفال بدون ولي امر في المطاعم والمحلات اعتقد انه فكرة خام يبي لها تنقيح وتعديل وتصير زي الفل.. اللي يصير من غياب الوالدين خصوصا الاب يحتاج له حلول راديكالية

[وليف الشوق]

على قرار هالقرار اطالب كذلك


بمنع دخول الاطفال


للمطاعم

ولمحلات الالعاب

وللاماكن العامه

الا برفقه اولياء امورهم .


الخدم ممنوع

وان شاءالله نشوف مثل هالقرار

[حسن]

على قرار هالقرار اطالب كذلك


بمنع دخول الاطفال


للمطاعم

ولمحلات الالعاب

وللاماكن العامه

الا برفقه اولياء امورهم .


الخدم ممنوع

تمنى والله

نسوي هشتاق لا لظاهر الخدم

للاسف اهمال الام واضح وكبير وهناك خلل في المجتمع اشوفه انا من زمان
وكنت اذكر الكثير من الحلول لهذه الظاهر

واتمنى من اصحاب القرار الاستفاده من خبراتي لانها نابعه من صميم الواقع
وببلاش وبدون فلوس نقدمها للوطن

ظاهره اهمال الامهات اصبحت ظاهره للعيان ويجون يتحججوون ويتشكون

شر البليه مايضحك

[شبح الصمت]

والحمدلله انه هالبرشور نزلته وزارة الصحه

لو احد كان متكلم عن هالموضوع كانوا بيقومون ويقعدون ومبالغه

بس زين جات من الوزارة وما سووها الا في احصائيه مش بسيطه

والظاهره زادت عن حدها

[Dana’1]

احسن شي،،، مع إني مثل ماقال رحال مااذكر شفت هالمنظر قدامي! شفت خدم لكن من الأم والاطفل تكون ماسكه شنطة الطفل وكذا

لكن أكيييد هم حطوا هالقرار لأن مرت عليه هالمواقف!

[المخفي]

احسن قرار

[حسن]

اتمنى يطبق على باقي المدارس

امس اشوف سواق يلعب البنت في ضل وجود الخادمه

مصيبه

الاهمال اصبح كبير

[حمد 2002]

اتمنى يطبق على باقي المدارس

امس اشوف سواق يلعب البنت في ضل وجود الخادمه

مصيبه

الاهمال اصبح كبير

بوعلي اتخبر مره يوم اتودي عيالك العاب الاند مارك ، واتصور الخدامات المتواجدين مع الاطفال هناك !!


ياليتك ترفع ذاك الموضوع او اتنزل موضوع نفسه ولا عليك امر .

[مختلف جداََ]

المفروض يتم استقبال كل الأطفال
واللي بدون ولي أمره يتم حجزه والاتصال بولي أمره . و عند حضوره يتم توقيعه على تعهد إنه ما يعيدها

وش الفايده ارجع الولد مع الخدامة و هو مريض

يمكن اساسا ولي الأمر ما يدري انه ولده مريض من الإهمال .

شهالقلوب اللي عند بعض البشر

يا رب رحمتك.

[القبطان سلفر]

قرار حكيم وكنت قد رأيته منذ سنوات طويله مكتوب في طوارئ السد للأطفال فهل كان غير مفعل وفعل الان ؟!!


لجنة حماية الطفل يجب ان تتدخل لحماية الطفل في جميع الأماكن حتى المستشفيات الخاصه وذلك بالمنع كذلك .

[كازانوفا]

على قرار هالقرار اطالب كذلك


بمنع دخول الاطفال


للمطاعم

ولمحلات الالعاب

وللاماكن العامه

الا برفقه اولياء امورهم .


الخدم ممنوع

ياريت يا حمد وكذلك الاهالي ياررررريت يراقبو ابنائهم لو راح يرسلونهم عن طريق البااص لمدرستهم لو مره بالاسبوع يراقب كيف تتم تنزيل الطفل وشنطته من الباص وادخاله للمدرسه
حسبي الله عليهم يهوووووووووووود بالتعامل مع الاطفاااال
وربي ما تمادو الا لما شافو ما في لا رقيب ولا حسيب

[LSBU]

دول الخليج كثير تضرارات من العمالة الخدم وكثير امور تحدث تسبب دمار لكل اسرة تعتمد على الخدم
اتمنى منع جلب ظاهرة الخدم الي يبي عيال يكون كفو يربيهم ويهتم فيهم بمساعدة وتسهيلات من الدولة

اتمنى منع الخدم هذي الظاهرة الي ما انتشرت الا اخر الثمانينات ويرجع ونرجع مجتمع متلاحم ومحافظ

[حسن]

بوعلي اتخبر مره يوم اتودي عيالك العاب الاند مارك ، واتصور الخدامات المتواجدين مع الاطفال هناك !!


ياليتك ترفع ذاك الموضوع او اتنزل موضوع نفسه ولا عليك امر .

رصدت الكثير من الظواهر وكنت أتمنى من معالجتها
ووضعت الكثير من الحلول
حتى الخدامات أمام المدارس نزلتها على التوتر أبيها توصل للمسؤولين
الظاهره لها أبعاد خطيره على جميع الأصعدة

أشوف شي ماتشوفه ياحمد

الفلوس مهب كل شي

[كازانوفا]

ما يصير حمد اشدعوووه
تبي يموتون بعض الحريم يتقيدون في بزارينهم وما تقدر تاخذ راحتها في الدشه والطلعه

اشفيك اتوقع بعض الحريم صارت الخادمه ملجى لاسرارها


مو مشكله يا شبح اللى تحب تموت تموت الله لا يردها
ولكن في بالفعل حريم وضعهم الصحي لا يسمح لهم بمرافقة اطفالها وفي حالات استثنائيه صعب نعمم

[عثرة جواد]

السلام عليكم

قرااار ف محلة منه الى البقية

للاسف انه وصلنا لهدرجه

عسااك ع القوة

[مختلف جداََ]

اللي ما تقدر تروح مع طفلها بسبب وضع صحي ، ممكن يكون في ترتيب خاص مع الطواري يضمن إنه فعلا ولي الأمر عنده علم و موافق .
سهل جدا الإجراء هذا

[LSBU]

الامهات صاروا معاد في قلوبهم رحمة خاصة الي تقط عيالها مع خدامة طول الوقت بعذر انها تشتغل وهي يليتها منتجة بشغلها اكل ونوم وعقار ترجع البيت تنخمد لين الليل وسهر وتلفزيون وطلعات واليهال مساكين مستلمينهم الخدم لدرجة هم يسبحونهم وياكلونهم ويدرسونهم وينومونهم والام خبر خير لهدرجة وصلنا حتى في المستشفى وهو تعبان تودية خدامة صج مسخرة اتمنى هالقرار يطبق في كل مكان لنة الاطفال ذمة في اعناقنا ولما نشوف الي يهملون عيالهم الدولة ماقصرت تسحبهم منهم وتربيهم في ملاجاء اشرف لهم

[المخفي]

اقترح وجود مكتب لحقوق الطفل في كل مركز طوارئ للأطفال

[العقل المدمر]

الحين ليش الكل يقط اللوم على الام ؟
وين الابو ؟ هاذي وظيفته اصلا انه يودي عياله المستشفى
والا هو يروح الميالس والقهاوي والام عليها تنظف البيت وتطبخ وتدرس العيال وتوديهم المستشفى !!
وبالنسبة للموضوع ماشوف في اي عذر يخلي الطفل يكون مع خدامة
يعني لا ابو ولا اخو ولا ام ولا اخت ولا خالة ولا خال ولا عم ولا عمة ولا اي حد فاضي ؟

[مختلف جداََ]

الحين ليش الكل يقط اللوم على الام ؟
وين الابو ؟ هاذي وظيفته اصلا انه يودي عياله المستشفى
والا هو يروح الميالس والقهاوي والام عليها تنظف البيت وتطبخ وتدرس العيال وتوديهم المستشفى !!
وبالنسبة للموضوع ماشوف في اي عذر يخلي الطفل يكون مع خدامة
يعني لا ابو ولا اخو ولا ام ولا اخت ولا خالة ولا خال ولا عم ولا عمة ولا اي حد فاضي ؟


قول قطع لسان كل خطيب

شكراً

[عاشق العديد]

اصلن من هذا الي مايستحي ع دمه يطرش ولده مع سايق للطواري او خادمه هذول مب كفو عيال اصلن واتمنى يحالون لوزارة الداخليه لتحقيق

[ضوى]

مو مشكله يا شبح اللى تحب تموت تموت الله لا يردها
ولكن في بالفعل حريم وضعهم الصحي لا يسمح لهم بمرافقة اطفالها وفي حالات استثنائيه صعب نعمم

صدقتي يا كازا

وانا ماروح مع عيالي الطواري يوم وصلوا سن معين كلش ماروح اطرشهم مع ابوهم وهو يكلمني من عند الطبيب واشرح له الحاله كاملة وادويتهم واللي ياخذونه وحساسيتهم وكل شي بالتفصيل وعقبها هو يشخص الحاله ويبلغ ابوهم بالاجراء ، بس شغالة شبيقول لها الطبيب ؟

[Qtr37]

الحمدلله

[وطن]

قرار في محلة

وفي حالة سفر الأم والأب
ولي الأمر ممكن يكون العم والخال والخالة .. الخ
يقومون بالدور

المهم يكون حد من اهل الطفل معاه
مب خدامة غريبة

[وطن]

على قرار هالقرار اطالب كذلك


بمنع دخول الاطفال


للمطاعم

ولمحلات الالعاب

وللاماكن العامه

الا برفقه اولياء امورهم .


الخدم ممنوع

جان زين


لاحظ
أول مره
أؤيد كلامك
:secret:

[يمامـة]

والله استغرب وش هالقلب اللي على هالوالدين بزر اتركه مع شغالة وهو مريض ، بعد لو العاب يمكن يهون ، المفروض هالشي من زمان يتم رفض اي طفل مع احد غير والدينه

قرار جدا حكيم

والله ما شفتي شي يا ضوى.. استغرب من هالنوع من التفكير اللي يهون عليهم يطرشون رضيع
في يد خادمة ما تعرف عربي وبرفقة السائق اللي يترجم لها.. وموظفة الاستقبال جزاها الله خير قالت لهم
روحوا وخلوا غيركم يرافق هالطفل اللي الظاهر اول تطعيم له..

فالسالفة مصخت وايد.. الالعاب الخدم مع اليهال.. التسوق الخدم مع اليهال.. المستشفيات الخدم مع اليهال

ولولا ان الاهالي لسانهم يلوط اذانيهم ويحملون الدكاترة سوء احوال عيالهم ... يمكن ما شفنا مثل هالقرار
اللي يمنع مرافقة الخدم للاطفال في المستشفيات.. علشان الام والاب يكونون على معرفة بالعلاج بدل
الخادمة اللي يمكن تفهم و يمكن ما تفهم..

[يمامـة]

الحين ليش الكل يقط اللوم على الام ؟
وين الابو ؟ هاذي وظيفته اصلا انه يودي عياله المستشفى
والا هو يروح الميالس والقهاوي والام عليها تنظف البيت وتطبخ وتدرس العيال وتوديهم المستشفى !!
وبالنسبة للموضوع ماشوف في اي عذر يخلي الطفل يكون مع خدامة
يعني لا ابو ولا اخو ولا ام ولا اخت ولا خالة ولا خال ولا عم ولا عمة ولا اي حد فاضي ؟

أم او أب ما تفرق يا العقل المدمر.. وان كنت كأم افضل تواجد الأم مع عيالها لأنها هي الاقرب لهم..
عني احمل الأم المسؤولية بنسبة 99% لكن في حال تواجد ظروف قسرية للام الاب المفروض يكون متواجد..
ولكن في حال وجود حالات قسرية للام و الأب ممكن نتجاوز عن حالة وحدة ترافق فيها الخادمة الطفل
لكن انها تصير موضة والاطفال يرافقونهم الخدم في المستشفيات.. هذي ام المصائب.

[.قطر.]

جزاهم الله خير
لازم يسوون جي اصلا لان الام ولا الابو هم المفروض يتابعون حاله ولدهم لانهم يعرفون شفيه بالضبط

[OREO]

الامهات صاروا معاد في قلوبهم رحمة خاصة الي تقط عيالها مع خدامة طول الوقت بعذر انها تشتغل وهي يليتها منتجة بشغلها اكل ونوم وعقار ترجع البيت تنخمد لين الليل وسهر وتلفزيون وطلعات واليهال مساكين مستلمينهم الخدم لدرجة هم يسبحونهم وياكلونهم ويدرسونهم وينومونهم والام خبر خير لهدرجة وصلنا حتى في المستشفى وهو تعبان تودية خدامة صج مسخرة اتمنى هالقرار يطبق في كل مكان لنة الاطفال ذمة في اعناقنا ولما نشوف الي يهملون عيالهم الدولة ماقصرت تسحبهم منهم وتربيهم في ملاجاء اشرف لهم

إذا الامهات ماعاد بقلوبهم رحمة ،،، وين الاباء عن عيالهم ؟

مسؤولية الابناء مسؤولية الطرفين ومهب فقط الام ،،

[حسن]

الامهات صاروا معاد في قلوبهم رحمة خاصة الي تقط عيالها مع خدامة طول الوقت بعذر انها تشتغل وهي يليتها منتجة بشغلها اكل ونوم وعقار ترجع البيت تنخمد لين الليل وسهر وتلفزيون وطلعات واليهال مساكين مستلمينهم الخدم لدرجة هم يسبحونهم وياكلونهم ويدرسونهم وينومونهم والام خبر خير لهدرجة وصلنا حتى في المستشفى وهو تعبان تودية خدامة صج مسخرة اتمنى هالقرار يطبق في كل مكان لنة الاطفال ذمة في اعناقنا ولما نشوف الي يهملون عيالهم الدولة ماقصرت تسحبهم منهم وتربيهم في ملاجاء اشرف لهم

الله يحرم والديك على هذه الحقيقه اللي الكثير من بطران الشوارب يرقلون يقولونها

خل يقرون يعرفون وش صار الوضع وين صار حال نا
مهب يقولون تشوهون سمعتنا
انتو دمرتو سمعتنا وسمعه البلاد بعد

وبدال مهب قاعدين اشتري رنج يناسني ولا اشتري بنتلي يناسني

شوهت سمعتنا بهل الموفشر الغبي

لازلت اقول زياده الرواتب هي السبب

وشكرا

:)

[الحياة الخالدة]

الأطفال مسؤولية الأب و الأم معاً
يعني لحد يطلع فيها عنتـــــــر و يحمل الطرف الثاني الغلط كله .. و هو ما يدري عن بيته شصاير فيه
اللسان ما فيه عظم

شكراً رحال

[حسن]

غدا سوف انزل لكم صور الخادمات امام المدارس شوفو الكميه اللي برع
تقول

كتيبه جيش

شي يخوف وجزاه الله خير مديره المدرسه طردتهم برع
لكن سندورونا من كثر لغوتهم

لق لق لق لق لق

سنداره

[بصمة قطرية]

و نعم القرار ..
كفوووو عليهم المفروض هالشي يصير من زمان ..

[بنت شرق]

ما اظن هالقرار يقدرون ايطبقونه ،،ممكن موظف بالجودة الصحية ،،،يلغيه بحجة الأولوية للمريض ،،مش لمرافقي المرضى ،،

[عيسى111]

على قرار هالقرار اطالب كذلك


بمنع دخول الاطفال


للمطاعم

ولمحلات الالعاب

وللاماكن العامه

الا برفقه اولياء امورهم .


الخدم ممنوع

على هذا القرار المفروض اللي عندها عيال ممنوعه من العمل خارج بيتها

[الحاقول]

امس كنت في طوارئ حمد بس للاسف معظم الاطباء هنود . والله صعب التفاهم معاهم اذا كنت ماتعرف انجليزي

[لمعة الالماس]

منو الام او الأب اللي يشوف طفله مريض وما يروح معاه المستشفى!!

قرار ممتاز

لان الخدامة لو سالها الطبيب اي سؤال يخص الطفل ما تقدر تجاوب مثلا حساسية من دواء او اكل ووايد أمور يكون وجود الوالدين مهم

[امـ حمد]

قرار حكيم رائع
جزاهم الله كل الخير على هذا القرار الصائب

[حسن]

منو الام او الأب اللي يشوف طفله مريض وما يروح معاه المستشفى!!

قرار ممتاز

لان الخدامة لو سالها الطبيب اي سؤال يخص الطفل ما تقدر تجاوب مثلا حساسية من دواء او اكل ووايد أمور يكون وجود الوالدين مهم

صحيح وهذه المرحله بالذات تتطلب الام ولكن الواقع محزن لذالك قررت الطواري
منع اصطحاب الخدم

الصراحه يحتاج تدخل عاجل من مركز الاسره لمتابعه التطبيق واتخاذ الاجراءت الجزائيه
واحاله الام الى نيابه الاطفال

لتكون عبره لغيرها من المهملات


شكرا