في غناه عن مرقه السحناه

[JN000N]

السلام عليكم ورحمة الله وبركاته


,



,



عندما تعامل بتفانً وبجدية وانتظام ومثابرة
في سعي للتوفق والكمال
في السير على مسيرة تحقيق الاهداف العامة والشخصية
في حب الوطن والولاء والانتماء والرقي
في العمل بكل ما أوتيت من قوة واجتهاد
في تحقيق هدف من زرع خيرا حصد خيرا
في تطبيق اعمل اليوم لترتاح غداً
تعيش في عالم مثالي فوق السحاب
تظن الناس حولك صفاءهم كصفاء الثلج
قلوبهم بيضاء كبياض القطن
لسانهم لاينطق وان نطق فيقطر عسلاً


<<
STOP
>>

في بيئة العمل.. انســى ما ذكر اعلاه
عليك من نفسك وبس
فكر في وضعك وشلون تكسب اكثر وشلون تاكن مستقبلك انت وعيالك
والباقي؟
قول انا والطوفان من بعدي ياحبيبي
ليش زين؟
ابد والله ان كان على مستوى شخصي
ف المدير منقع صبخه؟ لالاا
المكان بكبره نقعة
طيب!! خلنا على مستوى العمل بشكل عام؟ جذي واااايد زين
اوكي تراني في غناه عن مرقة السحناه
..




الحين ما عرفنا نهاجم والا ندافع؟
نوافق او نرفض؟
نشتغل والا نتسيب؟


زين البيئة ثقافتها الله بالخير يالحبيب
كلن يالله نفسي نفسي
مدير ادارتك مايدل طريق الشفافيه؟ والمدير التنفيذي مفكرك عاله عليهم
للاسف تم طرد الموظف :(
راح موظف كفؤ لان المدير غاشيته غمامه سوده


زين مدير ادارتك حبوب وطيب
منصف عطا البقية فرص ياخذون دورات وكورسات
جاتك فرصة تكمل الدكتوراه او الماجستير
سبحان الله سقط سهوا موضوعك من مدير ادارتك ومارفعه
شهر شهرين مشغول الريال
لا تلومه مشغول يا الشخص المجهول مشغووول (أو خارج نطاق التغطية؟)


لا تصر عالموضوع الله يخليك
صدقني نادر اللي ضميره حي :(
... وشصار؟
شفت شلون؟ انت تسببت على نفسك
تبي تكمل دكتوراه عيل ها
تقول انت قطري ومن حقك ها
يلا عيل
خبزن خبزتيه يالرفله اكليه بروحج
مستانس نقلوك لقسم تعبان؟
مالك مستقبل وراتبك اقل وماتقدر تكمل الدكتوره ولا والماجستير
لان حضرة مدير ادارتك مارضى يرفع موضوعك وكتب فيك تقرير
القسم مكتفي ومايحتاج لخدماتك
بس يالله
احمد ربك ماعطوك انهاء خدمه
هاي احسن شي في كونك قطري :ok:
محد يقدر يطردك :shy:

[عابر سبيل]

السلام عليكم ورحمة الله وبركاته



بس يالله
احمد ربك ماعطوك انهاء خدمه
هاي احسن شي في كونك قطري :ok:
محد يقدر يطردك :shy:

وعيكم السلام.., مع السلامة..

فضفضة "نهاية اسبوع"...
غير نمومنه!

[JN000N]

وعيكم السلام.., مع السلامة..

فضفضة "نهاية اسبوع"...
غير نمومنه!

حيالله عابر سبيل
تقدر تقول حصيلة هذا الاسبوع
وحصاد اليوم
ونورت :thumbup1:

[يمامـة]

في الاخير life goes on

والشاطر اللي يقدر يأدي الأمانة عليه دون انقاص او تنقيص من حقه او حق غيره
لأن البيئات المختلفة في اي مكان سواء العمل او التجمعات الانسانية ( بما اننا نتكلم عن الانسان)
لن تكون تجمعات ملائكية.. فإذا ما كان هناك شخص طيب فلابد ان يكون اخر خبيث وثالث حاقد
ورابع بسيط وخامس مبسوط وعاشر بليد.

وشكرا لكم..

[الحياة الخالدة]

جنون .. موضوعج مجنون

محاور كثيرة .. و جات عالجرح .. و تحكي عن الواقع عند الكثيرين

الموظفين أنواع :
في اللي مريح راسه .. يشتغل على راحته .. وما عليه من أحد .. لا يدش في مشاكل .. و لا يحرق أعصابه
أهم شي .. معاشه يوصله آخر كل شهر

و في اللي حارق قلبه على الشغل .. يبي كل شي كامل .. و يبي الكل مثله يشتغل بإخلاص و تفاني .. تفكيره منصب على مصلحة العمل .. و لو كان مواطن : همه بلاده و خدمة بلاده .. و يقدمها حتى على مصلحته و راحته

و في اللي همه مصلحته و بس .. يفتن و يخطط و يدبر المكايد .. و ينافق

و في المسكين اللي على نياته .. طيب و مستغلينه .. و مسخرينه كأداة للوصول لأهدافهم .. و هو خبر خير

و في و في و في

لكن ما مدى تأثير كل هذا على سير العمل ؟؟
شلون يكون الجو صحي للعطاء والابتكار .. و للأداء اللي يخدم الجميع

هذا هو السؤال المهم

[JN000N]

في الاخير life goes on

والشاطر اللي يقدر يأدي الأمانة عليه دون انقاص او تنقيص من حقه او حق غيره
لأن البيئات المختلفة في اي مكان سواء العمل او التجمعات الانسانية ( بما اننا نتكلم عن الانسان)
لن تكون تجمعات ملائكية.. فإذا ما كان هناك شخص طيب فلابد ان يكون اخر خبيث وثالث حاقد
ورابع بسيط وخامس مبسوط وعاشر بليد.

وشكرا لكم..

ولكم يمامه
صح الحياه ماشيه
بس نرضى بالامر الواقع؟ او نحاول؟
ولو حاولنا هل محاولاتنا فاشله؟ او يمكن تلقى من يصحى ضميره فجاه ويتكلم
زين مايصير بوصل لقمة الهرم!

دايما نقول
اللهم ارزقنا البطانة الصالحه

[بوحارب]

نبي اختصار للموضوع عشان انرد

[معماري قطري]

حاولت اقرا ما قدرت صادني اضطراب في المخ وتذبذب في التركيز وتوهان

بس عجبتني كلمة ستوب والأَسهم فوقها وتحتها وقريت خبزٍ خبزتيه

[JN000N]

جنون .. موضوعج مجنون

محاور كثيرة .. و جات عالجرح .. و تحكي عن الواقع عند الكثيرين

الموظفين أنواع :
في اللي مريح راسه .. يشتغل على راحته .. وما عليه من أحد .. لا يدش في مشاكل .. و لا يحرق أعصابه
أهم شي .. معاشه يوصله آخر كل شهر

و في اللي حارق قلبه على الشغل .. يبي كل شي كامل .. و يبي الكل مثله يشتغل بإخلاص و تفاني .. تفكيره منصب على مصلحة العمل .. و لو كان مواطن : همه بلاده و خدمة بلاده .. و يقدمها حتى على مصلحته و راحته

و في اللي همه مصلحته و بس .. يفتن و يخطط و يدبر المكايد .. و ينافق

و في المسكين اللي على نياته .. طيب و مستغلينه .. و مسخرينه كأداة للوصول لأهدافهم .. و هو خبر خير

و في و في و في

لكن ما مدى تأثير كل هذا على سير العمل ؟؟
شلون يكون الجو صحي للعطاء والابتكار .. و للأداء اللي يخدم الجميع

هذا هو السؤال المهم

لان الموضوع بحد ذاته يحتاج عدة اجزاء وكتب
وفوقه كتاب طريقة الاستعمال حق الموظفين الجدد

النوع الاول (على الاقل) يشتغل
مانبيه يتفاعل
بس يشتغل وجزاه الله خير

النوع الثاني
يشتغل على حساب نفسه صحته وقته وهله مرات
يحس بولاء للشغل ويحس انه يبي يجوف انتاجه مبين ف دولته مايبي يكون مجرد موظف مر عالوظيفه وراح
ودايما او معظم الاحيان هالنوع من الموظفين تكثر العوائق والحواجز قدامهم يلاقي محاربين ضده من كل صوب
ف بعض الاحيان يتم تطفيشه، تفنيشه، احالته للتقاعد الخ الخ المهم انه مايتم


النوع الثالث وهو اكثر الانواع انتشارا
هو الي يطامر من مكان لمكان
ويتكلم بثقه بعد
وانا اعرف فلان وانا واصل وفلان يعرف الوالد والاهل مناسبين بيت فلان وخبرج هالسوالف اللي ينقص قيها عالاجانب اكثر من القطريين
وتلاقين هالنوع جنه سرو مايقر ف مكان واحد
مره هني يشتغل ويطلع يروح هناك ويطلع ويبدل شغله كل سنتين ف مكان وسبحان الله مايبدل شغله الا على منصب اعلى
وانتي لو تسالينه عن اي شي ف الشغل بتلاقين ردوده مالها خص


والنوع الاخير
هو الموع اللي حياته كلها بتكون كرف على مستوى واحد طول السنين
بيحس بالظلم بس بيسكت من مبدا يود على مينونك
لا اللي يتجرا يطلع ولا اللي يقدر يطالب بحقوقه
على كثر ماصعدوا على اكتافه ناس وايد على كثر ما انه مازال على نفس الطبع


بهالانواع
جو العمال ابدا ماراح يكون صحي
الا بوجود مسؤول نافذ صاحب ذمه وضمير وقيم ومباديء
وقت التقييم نبي النوع الاول والثاني والاخير تقييمهم عالي وممتاز
اما النوعين اللي اساسا عددهم كبير مانبي تقييماتهم توصلهم لمكان


نورتيني يالغاليه

[JN000N]

نبي اختصار للموضوع عشان انرد

:waiting:

[حمد 2002]

الموضوع الي فهمته انج

ضايق صدرج بسبه دوامج ؟!!

صح الي فهمته ولا ؟

[ضوى]

تدرين جنون موضوعج روعة

أهم شي في الشغل بيئته لو كانت خربانه سواء من مدير والا موظفين والا حتى التي بوي راح تكون دمار لمستقبلج كله ، محد يقدر ينتج في بيئة مريضة ولا احد يقدر يبدع ويتطور في بيئة عقيمة واذا حملت في رحمها شي حملت المشوهين اللي يقتلون الابداع فيج
بس بما انه الشغل عشان لقمة العيش خاصة للرجل ومصدر رزق فعليه ان يتحمل ويبحث عن الأفضل ، والظالم له يوم

[sweet qatar]

اووووتش الموضوع يعور :(


فعلاً واقع نعيشه


الغريب يا جنون إن المستهتر تنصب عليه فرص بالهبل

إدارة واعية و تدريب عالي وهو مطنش !!

أما الي يحط مصلحة الوطن والضمير الحي .. هذا مغضوب عليه


الكل يحارب الكل .. لكن شلون يرفعون الناس الي ما تسوا !!! وليش !!!


للحديث بقية .. تونا بأول الأسبوع

نبي نفكر بطريقة إيجابية .. نكمل في وقت لاحق :o

[يمامـة]

ولكم يمامه
صح الحياه ماشيه
بس نرضى بالامر الواقع؟ او نحاول؟
ولو حاولنا هل محاولاتنا فاشله؟ او يمكن تلقى من يصحى ضميره فجاه ويتكلم
زين مايصير بوصل لقمة الهرم!

دايما نقول
اللهم ارزقنا البطانة الصالحه

اللهم آمين..

طبعا ما نرضى بالواقع.. ولابد ان نبحث عن التغيير.. وفي كل الاحوال الحياة تمضي.
بمعنى كل حسب قدرته على التغيير و المطالبة بحقه وحق عمله وحق من يرأسهم ويقع عليهم الظلم..

فاللي بيطالب راح تمشي حياته.. واللي بيسكت راح تمشي حياته
لكن الشاطر اللي يقدر يأدي الأمانة اللي عليه دون انقاص او تنقيص من حقه او حق غيره.

[JN000N]

حاولت اقرا ما قدرت صادني اضطراب في المخ وتذبذب في التركيز وتوهان

بس عجبتني كلمة ستوب والأَسهم فوقها وتحتها وقريت خبزٍ خبزتيه

معماري :rolleyes2::swoon:

[JN000N]

الموضوع الي فهمته انج

ضايق صدرج بسبه دوامج ؟!!

صح الي فهمته ولا ؟

:rolleyes2:
لاحول ولا قوة الا بالله
لا الحمدلله ف دوامي انا محد يسترجي يقولي شي
دوام ابوي :shy:

[JN000N]

تدرين جنون موضوعج روعة

أهم شي في الشغل بيئته لو كانت خربانه سواء من مدير والا موظفين والا حتى التي بوي راح تكون دمار لمستقبلج كله ، محد يقدر ينتج في بيئة مريضة ولا احد يقدر يبدع ويتطور في بيئة عقيمة واذا حملت في رحمها شي حملت المشوهين اللي يقتلون الابداع فيج
بس بما انه الشغل عشان لقمة العيش خاصة للرجل ومصدر رزق فعليه ان يتحمل ويبحث عن الأفضل ، والظالم له يوم

حبيبتي ضوى

بالفعل بيئة الشغل نفسه تحدد نجاح المستقبل الوظيفي او فشله
الانتاجيه جدا تعبانه في ظل وجود بيئه غير صحيه بين الموظفين
موظف يشتغل موظف لا
موظف جاسوس ومظوف يصعد على كتف غيره ومدير يظلم موظف وهكذا
هالامور كلها موجوده فكل مكان ولكن لو اتجمعت كلها ف مكان واحد هني مصيبه
قتل الابداع هذا شي روتيني لازم نتعلمه ف الجامعه قبل نتخرج
لين بيعطونا كورس تدريب ميداني لازم يعلمونا بالضبط شلون نتقبل فطرة قتل الابداع والمضي على خطى من هم سبقونا
وظيفه الصبح نبصم ف الدخله فيها وفالطلعه
مع شغل روتيني وتنفيذ اوامر وبس

[JN000N]

اووووتش الموضوع يعور :(


فعلاً واقع نعيشه


الغريب يا جنون إن المستهتر تنصب عليه فرص بالهبل

إدارة واعية و تدريب عالي وهو مطنش !!

أما الي يحط مصلحة الوطن والضمير الحي .. هذا مغضوب عليه


الكل يحارب الكل .. لكن شلون يرفعون الناس الي ما تسوا !!! وليش !!!


للحديث بقية .. تونا بأول الأسبوع

نبي نفكر بطريقة إيجابية .. نكمل في وقت لاحق :o

في هذي صدقتي
والمستهتر دايما يكون شكل على الفاضي
يعني يحسسج انه فاهم وعنده خبره بحكم انه يتنقل من مكان لمكان واشيا وايد
وهو ف النهايه ماعنده ماعند يدتي :rolleyes2:
واللي يفكر ف مصلحة ويراعي ضميره دايما بيلاقي الهجوم او العوائق مواجهته بكثره مب شي بسيط
لما المدير يرفع اللي مايسى كله عشان هو ما ينشال من مكانه من شخص تحت ادارته احسن منه
المدير شهادته ماستر واللي ف ادارته شهادته ماستر يبي يقدم يكمل دكتوراه تلاقين المدير ما يمشي موضوعه
بس كله خوف انه يترقى وياخذ مكانه
ناسيين ان الارزاق كلها بيد الله واللي الله كاتبه هو اللي بيصير

وحياج الله سويتي ف انتظارج

[JN000N]

اللهم آمين..

طبعا ما نرضى بالواقع.. ولابد ان نبحث عن التغيير.. وفي كل الاحوال الحياة تمضي.
بمعنى كل حسب قدرته على التغيير و المطالبة بحقه وحق عمله وحق من يرأسهم ويقع عليهم الظلم..

فاللي بيطالب راح تمشي حياته.. واللي بيسكت راح تمشي حياته
لكن الشاطر اللي يقدر يأدي الأمانة اللي عليه دون انقاص او تنقيص من حقه او حق غيره.

لين الواحد يدري ان وراه حساب وعقاب
يقول الحمدلله الحقوق محفظوه عند الله
ان ماخذت حقي بالدنيا باخذه بالاخره
وفالنهايه لازم ضميره يكون حي ومثل ما قلتي يأدي الأمانه