ماذا تفعل اذا كنت مهمش في مكان عملك ؟؟؟

[بريق الحق]

بسم الله الرحمن الرحيم


السلام عليكم ورحمة الله وبركاته

اتصلت على واحد من الربع ودوامه شفتات قلت له بشر يابوجاسم شلون الدوام معاك قالي شقولك انا قاعد والكل ساحب علي شغل عصابات محد يعطيني شي ولا يعطوني شغل وساحبين علي وكل جنسيه تقعد بروحها*
لانه محد موجود من الاداره فشفت الليل
قلت يابوجاسم كلمهم قولهم عطوني شغل بخلصه ولا راح ارفع شكوى للمدير واذا مانفع ارفع حق المدير الي فوقه واذا مانفع ارفع حق مدير الشركه القطري
قالي ليش احنا مهمشين ليش مايبون يعلمونا ليش يوم اقعد مع واحد يشتغل مايتكلم معاي قلت له الغلط منك انت ماتسئله وكله تعاملهم بالطيب
فنهاية المكالمه قلت يالحبيب اذا بتم اضعيف وبتقعد تتحلطم بدون حركه هذي مشكلتك



سوال ياجماعه
شنو بعض الحلول الواحد يقدر يسويها اذا كان في موقف بوجاسم*

وشلون نقدر نغير فكرة الاجانب انه مب اذا انا دخلت القسم وتعلمت شغلك راح يطردونك

في مكان شغلي للاسف شغل عصابات وبوق شغل الغير ويوم اكلم الربع ليش ماتعطيه كاش وترفع كتاب حق المدير يسكت ويقول مابي اسبب حساسيه ومن وجهة نظري اعتبره اكبر غلط
وجزاكم الله خير

[المخفي]

الاجنبي متوقع يحاربك بس البلا اذا مديرك القطري يحاربك

[المخفي]

اشرب شاي و اقرا جرايد بس خلك منظبط على الوقت لانه هذي الاشكال عقلية قديمة اهم شئ عندهم الحضور و الغياب

خبرة 3 سنوات هههههه

[المخفي]

الله يخلي سمو الامير و يطول في عمره

[بريق الحق]

الاجنبي متوقع يحاربك بس البلا اذا مديرك القطري يحاربك

انزين اذا الاجنبي يحاربني اسكت واترك الموضوع
بقولك شي انا مره رحت حق مديرة قسم عندنا فالدوام هي فلبينيه قلت له وين الايميل ماطرشتي قالت نسيت اطرشه لك قلت ماحصلتي الا اسمي الي نسيتي تحطينه وكان اسلوبي معاها قوي شوي
والله الربع يقلون اشفيه المديره قاعده اتقول اسمك وهي رايحه ولازم اطرش لك الايميل

[بريق الحق]

اشرب شاي و اقرا جرايد بس خلك منظبط على الوقت لانه هذي الاشكال عقلية قديمة اهم شئ عندهم الحضور و الغياب

خبرة 3 سنوات هههههه

العقليه القديمه تغيرت الحين الناس تبي تتعلم وانا واحد اقولك اقط نفسي فالاقسام الي عندنا ولا افتكر

[aloosh]

اقول الحمدلله الذي عفاني
والحمدلله ان رزقي يكتبه لي رب العباد وليس هم

[رهج السنابك]

الاجانب عصابات لان للاسف ماعندنا ظهر
وين دور وازرة العمل
ليش مافي نفس الامارات مجلس للتوطين
ليش مافي سلطه للتقطير وتطوير القطريين
نعم اقولك حقك ضايع ان طاح بيد اجنبي
وفي للاسف بعض القطريين يتحالفون مع الاجنبي ضدك
الخونه موجودين دوما :)

[حسن]

البلاء من مديره

اذا جاتك علتك من بطنك مالك الى الصبر

[بريق الحق]

الاجانب عصابات لان للاسف ماعندنا ظهر
وين دور وازرة العمل
ليش مافي نفس الامارات مجلس للتوطين
ليش مافي سلطه للتقطير وتطوير القطريين
نعم اقولك حقك ضايع ان طاح بيد اجنبي
وفي للاسف بعض القطريين يتحالفون مع الاجنبي ضدك
الخونه موجودين دوما :)

صحيح شغل عصابات بطريقه خبيثه
في اشياء وايد لازم تتغير
تخيلي اذا دش قطري واجنبي فنفس المكان الاجنبي ياخذونه ربعه ويعلمونه الشغل ويتركون الشغل
تصدقين الحمدلله فمكاني القطرين كلهم على يد وحده اللهم لك الحمد في جميع الاقسام كلنا مع بعض وصرنا نعين بعض ضد الاجانب

[بريق الحق]

البلاء من مديره

اذا جاتك علتك من بطنك مالك الى الصبر

لا اختلف معاك البلاء مب من مديره
هو رجال والمفروض يعرف يتصرف يرفع كتاب حق مدير التدريب وبعدها اذا مافاد يروح يرفع كتاب للوزارة وللعلم الحمدلله الامور مب نفس قبل اذا مديره ماتحرك يوصل الكلام حق الي فوقه

[بريق الحق]

اقول الحمدلله الذي عفاني
والحمدلله ان رزقي يكتبه لي رب العباد وليس هم

الحمدلله

[الدوحه1]

التهميش وصل لما هو اسوأ من ذلك!!
الموظف "النظيف" يتخلصون منه باجلاسه في البيت!!!

بالنسبه للجهات الحكوميه الخاضعه لقانون الموارد البشريه فان وزارة التنميه الاداريه تتحمل نتيجة هذه التجاوزات.

مئات من الموظفين القطريين الجامعيين(بعضهم من حملة الماجستير والدكتوراه) جالسين في بيوتهم والسبب "مزاج المسئولين"؟؟؟

بعض الجهات الحكوميه تدار وكانها شركه خاصه؟؟ المسئول يضرب بعرض الحائط القوانين فيعيين من يشاء ويشيل من يشاء؟؟؟

طبعا الاولويه للحبايب والربع والاهل؟؟

فمثلا في احدى الجهات الحكوميه تم تعيين موظف "مدير اداره" وهو ماعنده غير الاعداديه وماعنده خبره سابقه في هالمجال وفي قطريين جامعيين في نفس الجهه تنطبق عليهم الشروط المطلوبه لشغل الوظيفه؟؟؟ وهذا مخالف لقانون الموارد البشريه ؟؟

[بريق الحق]

التهميش وصل لما هو اسوأ من ذلك!!
الموظف "النظيف" يتخلصون منه باجلاسه في البيت!!!

بالنسبه للجهات الحكوميه الخاضعه لقانون الموارد البشريه فان وزارة التنميه الاداريه تتحمل نتيجة هذه التجاوزات.

مئات من الموظفين القطريين الجامعيين(بعضهم من حملة الماجستير والدكتوراه) جالسين في بيوتهم والسبب "مزاج المسئولين"؟؟؟

بعض الجهات الحكوميه تدار وكانها شركه خاصه؟؟ المسئول يضرب بعرض الحائط القوانين فيعيين من يشاء ويشيل من يشاء؟؟؟

طبعا الاولويه للحبايب والربع والاهل؟؟

فمثلا في احدى الجهات الحكوميه تم تعيين موظف "مدير اداره" وهو ماعنده غير الاعداديه وماعنده خبره سابقه في هالمجال وفي قطريين جامعيين في نفس الجهه تنطبق عليهم الشروط المطلوبه لشغل الوظيفه؟؟؟ وهذا مخالف لقانون الموارد البشريه ؟؟
كنت قاعد مع مدير كان ماسك منصب كبير فالدوله
قلت له ليش تخليت المنصب الي كنت فيه قال مديري كان يعطيني شغل وكنت مضغوط والي تحتي كانو يحفرون لي فالنهايه رفعت الرايه البيضه وصرت مدير للعلاقات العامه

[ابوعلي]

لا اختلف معاك البلاء مب من مديره
هو رجال والمفروض يعرف يتصرف يرفع كتاب حق مدير التدريب وبعدها اذا مافاد يروح يرفع كتاب للوزارة وللعلم الحمدلله الامور مب نفس قبل اذا مديره ماتحرك يوصل الكلام حق الي فوقه

اختلف معاك اخوي واتفق مع اخونا حسسن

البلاء من المدير وعندي امثله ومن ضمنهم نسيبي من كم يوم ووصل صوته للمدير وبالرغم ان المدير رفيجه ولكن كان ضده وما يعطيه فرصة ان يبدع واعتماد المدير على الاجانب فقدم نقل من مكانه

[بريق الحق]

اختلف معاك اخوي واتفق مع اخونا حسسن

البلاء من المدير وعندي امثله ومن ضمنهم نسيبي من كم يوم ووصل صوته للمدير وبالرغم ان المدير رفيجه ولكن كان ضده وما يعطيه فرصة ان يبدع واعتماد المدير على الاجانب فقدم نقل من مكانه
يا بوعلي هو الجهه الي فيها ،فيها اكثر من مدير في مدير للتديب والتطوير في مدير القسم في مدير الجهه بالكامل في وزير وفي مدير هيئة التقطير وتوظيف القطرين يعني يقدر يوصل شكوته حق اكثر من شخص

[أين الحل ؟]

يار رجال هذا اخو هذا ( المدير الاجنبي او المدير القطري ) .
والارحم فيهم المدير الاجنبي لانه تعامل مع القوانين .
المدير القطري يتعامل بالقوانين المزاجية وتكثر فيهم صفات حب الابها وانا قوي
فمنهم ( المتحجر -الحسود اللدود- عامل نفسه فاهم الدنيا - الثرثار والهياط الزائد صاحب المواقف والبطولات )
ومنهم النوع الخطير وهو القبلي ( اي فكره وهمه اول ما تدخل عليه انت من اي فخيذه ) يقرب لك بن حوجان
ومنهم صاحب الشاي والقهوة وحب معرفة اخبار الموظين في العمل سواء الشخصية والخاصة او اخبار العمل .
ومنهم ارجال ينشد فيهم الظهر ولكن قلة .......

[حسن]

التهميش وصل لما هو اسوأ من ذلك!!
الموظف "النظيف" يتخلصون منه باجلاسه في البيت!!!

بالنسبه للجهات الحكوميه الخاضعه لقانون الموارد البشريه فان وزارة التنميه الاداريه تتحمل نتيجة هذه التجاوزات.

مئات من الموظفين القطريين الجامعيين(بعضهم من حملة الماجستير والدكتوراه) جالسين في بيوتهم والسبب "مزاج المسئولين"؟؟؟

بعض الجهات الحكوميه تدار وكانها شركه خاصه؟؟ المسئول يضرب بعرض الحائط القوانين فيعيين من يشاء ويشيل من يشاء؟؟؟

طبعا الاولويه للحبايب والربع والاهل؟؟

فمثلا في احدى الجهات الحكوميه تم تعيين موظف "مدير اداره" وهو ماعنده غير الاعداديه وماعنده خبره سابقه في هالمجال وفي قطريين جامعيين في نفس الجهه تنطبق عليهم الشروط المطلوبه لشغل الوظيفه؟؟؟ وهذا مخالف لقانون الموارد البشريه ؟؟

صدقت يالدوحه وقلت الحقيقه وكلام واقعي جدا
ولكن ابشرك ارى في الافق نور
واشوف هناك تعديلات بهدؤ في العهد الجديد وهذا يبشر بالخير
ولكن نحتاج وقت وصبر
وفعلا انا معاك

وانا اؤيد تشكيل لجنه عليا من اساتذه واصحاب الخبرات
ومن دكاتره الجامعات للتحقق من شهادات الموظفين الغير قطريين
بسبب مستحيل مدير شهاده ثانويه او فرضا جامعيه
يقيم موظفين من الخارج وبسيفيات وشهادات عليا الله اعلم بصحتها
وان تكون العقود تحت تجربه ومتابعه من قبل التنميه الاداريه وتقيمات كل 3 اشهر
خصوصا السنه الولى وبعدين يتم التعاقد معه
مهب يكنون في الوزرات وبطاله مقنعه وراتب الواحد يعادل 6 موظفين

وليكون ماعلى المسؤل حجه سؤاء وزير او وكيل او مدير
يجب ان يشكل فريق رقابه ومتابعه من وزاره التنميه الاداريه وتسمى وتتشكل من وزارت واجهزه مختلفه
الرقابه والتفتيش

[فريج شرق]

صدقت اخوي المخفي العلة مش في الاجنبي العلة في المسؤول القطري اللي ما يثق في القطري ويحاربة

[موظف ((حكومي]

الاجانب عصابات بس المشكله


ان المدير القطري سندهم على الموظف القطري

[العنيده]

عنده وعندي خير بس الحمدلله انضباط في الحضور و اخذ دورات من الشغل وعلى حسابي بعد , وعشان موقفي مايكون غلط كل اسبوع ارسل ايميل
لمديرتي عطيني المهام ولو عطتني شي بسيط اخلصه واطلب غيره ..
سياسة التهميش متوقعه في الشغل مع بعض الاجانب بس نتوكل على الله والرزق بيده وحده سبحانه ..

[Riku3]

لازم الموظف يظهر نفسه حتى لو على حساب وقته او حتى لو فيها غلو وتمصلح خفيف :] .. ويبين للكل شغله ..

قبل كنت اشتغل في الحكومه ومريت على شي قريب .. اول ما اشتغلت كنت احس بالتهميش من مدير الهيئة .. ومع ان مديري المباشر يعتمد علي بشكل كامل بالرغم من وجود 12 موظف في القسم اكثرهم عرب بس ما يشتغلون ابد ويحسسون الكل انهم مضغوطين !! .. والمدير المباشر كان ما يطلب منهم شي لان شخصيته ضعيفه معاهم ، وانا وواحد معاي كنا صغار فما يستحي يملغ علينا ويأخرنا لين المغرب ..

بعد سنتين اكتشفت ان مدير الادارة ما كان يبين للمسئولين شغلي او اني اداوم لساعات اضافيه كل يوم او ان الشغل اكثره انا الي اسويه .. والي يضحك ان التقييم مع انه ممتاز بس يشاركني فيه الي ما يشتغلون !! .. والي يرفع الضغط واحد عربي مشتكي بكل وقاحة يشكك في تقييمي لان قبل كان هو ياخذ اعلى تقييم وما استحمل اني اخذ اعلى منه حسبي الله عليه .. يومها تعلمت درس ما بنساه .. بس سفلت فيه وفي المدير الي استدعاني :/ .. شهالضعف في الشخصية لما انت تعطيني تقييم ويحاججك فيه موظف وتستدعي الاثنين تتناقش معاهم !!! .

مع الخبرة قلبت على مدير الادارة وصرت ابين نفسي اكثر واكثر للمسئولين وصار مدير الادارة ماله سلطه علي لان صرت اشتغل مع المسئولين الي فوقه .
.........

بعض الشباب الله يهديهم يجيب الكلام حق نفسه.. اذكر واحد كان جديد توه متخرج يتشكى محد يعطيه شغل .. ومن يجيه الشغل يناحس المسئول او يتأخر ويتذمر وما يسمع الكلام كأنه للحين مراهق !! .. وبعد ما يزهق منه المدير يبدى يستغرب ليش محد معطيه وجه .

[حسن]

صدقت اخوي المخفي العلة مش في الاجنبي العلة في المسؤول القطري اللي ما يثق في القطري ويحاربة

تدري ليش اصبحنا مانثق بالمسؤل القطري

!!!

فتره منن الزمن الاحظ النغير في الوزارات من المسؤلين حطو اسؤا خلق الله
ومشهورين بالتخلف فتتوقع ماذا يتكون في صوره الناس
ان القطري المسؤل غبي ومتخلف ومتعاون مع الاجانب
؟؟؟

هذه الصوره حفرت في اذهانا لتشويه نفسنا رغم اني كنت استغرب اقول مايحطون الى النطيحه والممترديه

ليش كان هذا الاجراء في السابق ؟ هل كان عمدا ام من غير عمد؟؟؟

اجابه هذه الاسئله هي السبب الرئيسي لتخلفنا

وشكرا

[JN000N]

بريق
طول ماهو قاعد وينطر الشغل يجيه ماراح يجيه
طول ماهو يقول ليش ماتعطوني شغل محد بيعطيه
اذا هو مايسعى ماراح يوصل لشي
انا اول ماداومت نصحتني وحده ان امنا اللي ادور الشغل مب انطر الشغل من المدير او اللي اعلى مني ان يعطيني اياه
وصج صرت انا اقول عطني هالشي بسويه
علمني شلون هاي سويته
بقعد عندك بجوف شتسوي
غصبن عنه لازم اتعلم منه
وماقولك لا على كل ترقيه يمسكون قلوبهم يحسبونهم انه فنش
اذا بيقعد على هالحال ماراح يوصل لمكان كلش