ترانزيت على الخطوط القطريه

[ALJokar]

استفسار لو اخذت تذكره على القطريه ترانزيت مثلا دبي دوحه لندن والرجعه لندن دوحه دبي

وفي الرجعه نزلت في قطر وسحبت على دبي هل بيترتب علي شي من القوانين او المخالفات

والسبب حجزي مثلا رخص التذكره محصلها بنص سعر التذكره لو اخذتها دايركت

هل حد جرب هالطريقه ؟!؟ وهل اقدر مثلا اجل رحله الاخيره الي دوحه دبي الى اشعار اخر مثلا بعد كم شهر او بس الترانزيت له ساعات بالكثير فقط مش ايام او شهور؟!؟

ارجو احد يفهمنا ويعطينا الخبر كتجربه له او احد يعرفه واكون شاكر لكم

[وليف الشوق]

انا مافهمت وش تقصد لكن وش اللي قاعد تسويه بنفسك ؟

[الجنوبي 11]

بيحطونك في البلاك لست ،انت طالع من قطر لازم تدفع اكثر لان فلوسكم مثل الرز

[Mzyoon Q6r]

^ الحاسد بالارض .. والرازق بالسماء
الله يعز حكومتنا واميرنا ..


اخوي الجوكر بالنسبه لموضوع الترانزيت ممكن يكون بالايام واعرف ناس جربو هالشيء ..
بس بالنسبه للطريقه اللي تبي تسويها مااقدر افيدك بهالشيء .

[ALJokar]

بيحطونك في البلاك لست ،انت طالع من قطر لازم تدفع اكثر لان فلوسكم مثل الرز


شلون بلاك ليست ممكن اعرف ؟ وبعدين وش الجريمه الي ارتكبتها عشان يحطوني ف بلاك ليست؟

[ALJokar]

^ الحاسد بالارض .. والرازق بالسماء
الله يعز حكومتنا واميرنا ..


اخوي الجوكر بالنسبه لموضوع الترانزيت ممكن يكون بالايام واعرف ناس جربو هالشيء ..
بس بالنسبه للطريقه اللي تبي تسويها مااقدر افيدك بهالشيء .


مشكور يالغالي

[ALJokar]

بس تمنيت احد يرد علي ومجرب الطريقه او احد يعرفه
ما ابي احد يتفلسف علي

[عاشق العديد]

والله ياخوي مفروض مايترتب عليها اي شي بالعقل يعني هم مالهم شغل

انت دافع خق تذكره وخلاص كيفك ماتبي تروح هاي شي يراجع لك اهم شي انك دافع

والله يوفقك وشدخل بلاك لست تفتيش جمارك مب ركوب طياره

مالهم شغل فيك سوها وتوكل ع الله وضمان مني ان ولا يدرون وين الله قاطهم

[غير البشر]

مرحبا اخوي الغالي

في واحد من الربع مجرب هالطريقه من سنين ويروح عمان ترانزيت بنفس ترتيبك ومرات يوصل السعر للنص
بس ماسألته عن طريق عودته يكمل او يدخل وقت الترانزيت قطر

ممكن تدخل واتقول لهم صارت لي ظروف وكنسلت رحله دبي
وماعتقد عليك اي شي في هالحاله لان من حق الواحد يكنسل اي رحله تحت اي ظرف ومايقدرون يحاججنوك بالموضوع

انا ماجربتها لاني ماحب موضوع الترانزيت ممل هههههه

تحياتي وبالتوفيق

[captin]

المفروض ما فيها اي شي انك تغير وجهة وصولك النهائية
الى الدوحة بدلا من دبي . اهم شيء وصول الشناط يكون للدوحة مب دبي .

اذكر كان كثير من الطلبة القطريين في سنوات مضت لما يرجعون في الاجازات الدراسية
الى الدوحة كانوا يحجزون لندن - دوحة - بومبي - وماكان معاهم شنطة الا يدوية ولما تنزل
الطيارة الدوحة ينزلون . وكان السعر جدا جدا رخيص مقارنة مع رحلة لندن الدوحة فقط .

انا اعرف اصدقاء اروربيين في الدوحة حجزوا دوحة كولومبو تذكرة مفصولة
وحجزوا كولومبو دوحة لندن دوحة كولومبو تذكرة ثانية
وكان السعر اقل بنسبة 60 % من سعر الدوحة لندن الدوحة للتذكرتين.


نصيحتي اذا مب ملتزم مع القطرية لسبب او لاخر احجز على الهولندية klm تطلع من الدوحة الى امستردام
توقف في امستردام ساعتين ومنها تكمل لندن وصلني منهم ايميل من يومين مسوين عروض لمحطات اوروبية
منها لندن سعر التذكرة 2700 ريال على السياحية.

[ana_ana]

كنت حاجز من الدوحه تذكره من شيراز ترانزيت دوحه ثم الى ماليزيا
فكان خط الرحله ترانزيت دوحه بعدها ماليزيا
موظف القطريه في الدوحه قال لي غير مسموح لك تعمل دخول لقطر لنه الرحله لماليزيا راح تنلغي عليك

واعتقد مثل ماقالو الشباب الشناط شبتسوي فيها الا اذا بتاخذ هاند باغ معاك بالطياره وتستغني عن وضع الشناط مع العفش

[بوعبدالله11]

عادي مافي شي انا سىويته مره بس اهم شي برده يكون فترة الترانزيت اكثر من 12 ساعة وتقولهم جيك ان الدوحة ولما تطلع من المطار تتصل بالقطرية وتقولهم ابي الغي الرحله للبلد الثاني.

[مخطط قطري]

اعرف واحد دايمن يسويها يحجز عن طريق البحرين او الرياض بنص السعر بزنس ولو رجع يشحن اغراضه عن طريق مكتب الشحن 100 kg تعادل 170 باوند مع التامين توصل 220 باوند توصل الدوحه في 3 ايام ويجي قطر بدون شنطه ولا شي ومن يوصل الدوحه مايكمل طبعا ويدخل الدوحه صارله ع هالنظام 3 سنين لابلاك لست ولا وايت لست واموره في الروب المشكله الي كنا نحاتيها الشحن وهذا هو يوصل ابرك لي من دفع 17ولا 18 الف في بزنس من الدوحه واخذها من الرياض ب8000 ريال رايح جاي وترانزيت ماياخذ نص ساعه وتبدل طيارتك ابرك من نصب القطريه لعنهم الله يجوز لعنهم لانهم يبيعون الخمر

[ALJokar]

ماقصرتو جميع صراحه ناوي احجز واسوي هالحركه بسبب فارق السعر الي احصله يوصل الى اكثر من نص السعر

[eXpert*]

ماقصرتو جميع صراحه ناوي احجز واسوي هالحركه بسبب فارق السعر الي احصله يوصل الى اكثر من نص السعر

عطنا التفاصيل ، شيصير وياك .. :)

[qatari93]

اهم شي العفش واغراضك لاتدخلهم ف السير
وامورك طيبه ..

[المعنى88]

اذا كان هدفك سعر البزنس .... توكل على الله
اما اذا نويت نص السياحية ما تستاهل العنوة
والشنط في العودة للدوحة لازم تاكد من كاونتر القطرية بلندن ... او احجز على موقع القطرية وخل التذكرة ملتيبول

[llQaTaRll]

مرحبا اخوي

ما بتستلم الشنطه في الدوحه