ماهي افضل المطاعم فالكويت ؟

[RVD]

السلام عليكم

ان شاء الله الويك اند الجاي رايح الكويت وماشاء الله الكويت معروفه بكثرت وتنوع مطاعمها شنو المطاعم والكافيهات اللي تنصحوني اكل منها ومب موجوده بالخليج ؟

الله لايهينكم

[مخطط قطري]

ميس الغانم ومطاعم الافينوز وبس لاتضيع وقت وايد هم الذ مطاعم فيه مطعم بيز وزواره حلوين في الافينوز وفي مطعم شعبي في سوق المباركيه مال كباب عجيب اذا مريت المباركيه روح له فيه له فرعين واحد مطرف كبير وواحد صغير في نص السوق نفس مستوى شجاع عندنا في قطر واحلى لاتستهين في هالمطعم شيوخ ووزراء شفتهم فيه مع انه شكله عادي ولكن مثل ماذكرت لك فوق الافينوز فيه ارقى المطاعم صراحه

[sweet qatar]

في آخر إجازة أغلب السنابات كانت في الكويت

و كلها سياحة مطاعم


سلايدر ستيشن

دكاكين


بزة


B+f open flame kitchen


حليب وهيل في المباركية


ريدليز


هاي الي تذكرتهم


رحلة سعيدة و موفقة بإذن الله :o

[monatee]

روح الافنيوز وقول للسايق ينزلكم جهه الجراند وادخل داخل لين المحلات والمطاعم الشعبيه
طب وتخير وشوف خشمك وين يوديك :yes:

[monatee]

اغلبيه المطاعم المذكوره ( بزة ، زواره ، الكاشونه ،، الخ )
تلقى لها افرع بكل مكان تقريباً ، وروح تغدى بمطعم فريج صويلح بالسالميه

ولا تنسى تاكل هالكيكه من حليب وهيل :ok2:

[سلامي للكل]

وعليكـم الســلام ورحمــة الله وبركاته

ماشاء الله الاخوان والاخوات ماقصــروا

ميس الغانم (مايتفوت) مطعم جميــل وراقي واكله حلو

فريج صويلح (لمحبين الاكل الشعبي الكويتي)

وتروح وترجع بالســلامة

بالتوفيــق

[RVD]

يعطيكم الف عافيه وبيض الله وجيهكم

[تاجر كشخة]

توصل وترجع بالسلامة

[الزعــــــيم]

طلبات دوت كووووووم يفيدك بالمطاعم بدول الخليج

[aloosh]

الكويت كلها مطاعم طب وتنق

[A7MADZ7]

ريدليز

بزة

فريج صويلح

[كشمه]

هابين بمطعم هندي عندهم اسمه نمستي اسأله عنه ولا تنسى حلويات من "شاتو دي جاتوه" و" نقصه " روعه

[ya3coub]

أهم و احسن مطعم للريوق

Kuwait club breakfast

او شي من هالقبيل "اعدد ترتيب الكلمات" لا يفوتك الأكل عنده و خصوصا الصبح للفطور عندهم صفحه بالانستقرام انصحك فيه والله لو يوميا تتريق عنده بعد ما بتشبع


انصحك فيه و اذا ضيعته اتصل فيهم و اطلب يوسف كويتي شغال معاهم و ما يقصر يتتم معاك لين توصل غير انه يحجزلك طاوله لما يعرف انك جاي من الدوحة

للعلم دايما زحمة عنده و يستاهل تزوره

[ضوى]

تينن الكويت وحلاتها بالربيع والشتا والا بالصيف ماتنبغى

اسواقها ومطاعمها روووعه كل مطاعمها بدون استثناء الاكل عندهم روعة