سكر ، زيت، حليب، رز

[رهج السنابك]

خمنتو؟

شنو هالاربع؟




هذي مواد التموين

حبيت انقل رساله عن احد المستفيدات من التامين
الا حان الوقت لتغيير او زياده المواد المدعومة خاصه بشهر رمضان لو لشهر واحد فقط في السنه
باضافه الطحين و صنف من اللحوم كالدجاج مثلا



رساله واقتراح انقلها وان شا الله يتم النظر فيها من المسؤلين المتابعين للمنتدى والصحافه

[دنيا الاسهم]

لا وكان زين تصرف كل الاصناف كل شهر
الشهر هذا واحد من اللي يوزعون الارز والسكر والحليب وهو من الجنسية المصرية يقول حق دريول وحدة من الاهل اللي خذا الشهر اللي فات ما ياخذ هذا الشهر ،، يقول خلاص خذتوا الشهر اللي طاف
حد مر علية مثل هالموقف

[نمر بن عدوان]

تموين الشهر يكفي ثلاث واربع شهور مادري ليش الاصرار من البعض على اخذ التموين كل شهر حتى لو زاد عنده .

بخصوص رمضان هناك دعم للحوم الذبيحه ب800ريال

[خزامئ]

لا بس مراه طرشت اخذ تموين من احد الموزعين قال لش بس 2 رز هذا المكتوب لكم في البطاقه
رحت موزع ثاني قال لش 3رز
يعني الاول يبي ياخذ الثالث او مادري وش قصده

[معماري قطري]

حكومتنا ما قصرت في شيء اللي مقصرين التجار والشركات

[رهج السنابك]

تهقون بعض المحلات تفكك خياش الرز وتبيعها بالكيلو!!


اضافه اصناف جديده كالطحين اعتقد ضروري برمضان

[فريج شرق]

موضوعك مهم يا الاستقراطية وانا مش عارف ليش ما يضيفون الطحين مع انه مهم في التموين

[eXpert*]

تموين الشهر يكفي ثلاث واربع شهور مادري ليش الاصرار من البعض على اخذ التموين كل شهر حتى لو زاد عنده .

بخصوص رمضان هناك دعم للحوم الذبيحه ب800ريال


كلامك فعلاً سليم التموين يكفي عدة شهور ،، لكن تجد بعض الناس شهرياً يصر على أخذه و يسبب ضغط على منافذ توزيع التموين ..

أعتقد الواجب على الجهات المعنية إعادة تقييم الكمية المقترحة لكل أسرة ،، والصرف يكون كل 3 شهور ..

[حمد 2002]

انا اجوف

الي موجود كافي ووافي ،،


احمدوا ربكم ،،


اللحوم مدعومه بالمواسم ،،

حمايه المستهلك داعمه بعض المنتجات خلال فتره رمضان ،،


كل شيء رخيص وابلاش ..


الكهرباء والماي والعلاج ابلاش ،،


كل شيء تبونه ابلاش !!!



قولوا الحمد لله والحكومه ماقصرت والله

[H H]

انا اجوف

الي موجود كافي ووافي ،،


احمدوا ربكم ،،


اللحوم مدعومه بالمواسم ،،

حمايه المستهلك داعمه بعض المنتجات خلال فتره رمضان ،،


كل شيء رخيص وابلاش ..


الكهرباء والماي والعلاج ابلاش ،،


كل شيء تبونه ابلاش !!!



قولوا الحمد لله والحكومه ماقصرت والله


ياااالهوي , معقوله هالرد يكتبه حمد ؟ هرمنا من اجل هذه اللحظه التاريخيه ياحمد

[ضوى]

تموين الشهر يكفي ثلاث واربع شهور مادري ليش الاصرار من البعض على اخذ التموين كل شهر حتى لو زاد عنده .

بخصوص رمضان هناك دعم للحوم الذبيحه ب800ريال

عسى ماشر التموين يكفي ثلاث شهور ؟
ترا خيشة العيش 40 كيلو

عايلة فيها ام واب وعيال ستة ودريول وشغالتين كيف 40 كيلو تكفيهم 3 شهور ؟

[shadad]

عسى ماشر التموين يكفي ثلاث شهور ؟
ترا خيشة العيش 40 كيلو

عايلة فيها ام واب وعيال ستة ودريول وشغالتين كيف 40 كيلو تكفيهم 3 شهور ؟

اسمحيلي على المداخله يا ضوى.. بس شنو دخل الحكومه بالدريول والشغالتين ؟ هاي مو ضمن العائله والحكومه مهي مطالبه بالصرف على الخدم بعد.

[pure]

اسمحيلي على المداخله يا ضوى.. بس شنو دخل الحكومه بالدريول والشغالتين ؟ هاي مو ضمن العائله والحكومه مهي مطالبه بالصرف على الخدم بعد.


فيه ردود تجيب المغص ع الصبح !

تحسسك انه يعطيك من جيبه ولا من حلال ابوه

[يمامـة]

اسمحيلي على المداخله يا ضوى.. بس شنو دخل الحكومه بالدريول والشغالتين ؟ هاي مو ضمن العائله والحكومه مهي مطالبه بالصرف على الخدم بعد.

اصلا الدولة حسبت لك الخدم ضمن التموين هذا اولا يا اخوي شداد..

وثانيا: يعني الحين الحكومة غلطانة انها تمنحنا عدد 3 خياش عيش كل شهر؟
وهل معقول ما انأكل ضيوفنا في عزايمنا من هالعيش لأنه تموين حكومي؟

المهم

تكفيني خيشة عيش حق طول الشهر ناقص زايد نص خيشة ثانية
يكفيني كرتون الحليب.. ما يكفيني الدهن مرات استخدم الكراتين الثلاث لو عندنا عزايم..

[يمامـة]

فيه ردود تجيب المغص ع الصبح !

تحسسك انه يعطيك من جيبه ولا من حلال ابوه

تقصدين انهم يخافون على اموال الحكومة اكثر من الحكومة؟

ماهي الحكومة كاتبة لنا 3 او 2 كل حسب الكرم الحكومي .. البعض من الشعب ليش معترضين؟

[ضوى]

اسمحيلي على المداخله يا ضوى.. بس شنو دخل الحكومه بالدريول والشغالتين ؟ هاي مو ضمن العائله والحكومه مهي مطالبه بالصرف على الخدم بعد.

ياسلام على ردك

على أساس اني اخذ لي من التموين واكمل على الخدم من الجمعيه ؟

عموما الحكومة محددة لنا حصتنا حسب اعدادنا احنا اهل البيت ومالها شغل بالخدم والحمد لله اللي مخصصته يكفينا ويكفي خدمنا

ونقول الحمد لله مب بيدكم قرارات الحكومة والا نص الشعب مفلس والنص الثاني جوعان

[يمامـة]

عسى ماشر التموين يكفي ثلاث شهور ؟
ترا خيشة العيش 40 كيلو

عايلة فيها ام واب وعيال ستة ودريول وشغالتين كيف 40 كيلو تكفيهم 3 شهور ؟

هو يقصد التموين المخصص للشهر الواحد يكفي لثلاث شهور..

يعني لو يصرفون لج 3 خياش عيش تكفيج حق ثلاث شهور..

الحين اخونا نمر بن عدوان.. مب عارفة على اي اساس عمم كلامه..
لكن في الاخير الدولة مخصصة المقدار اللي تشوف انه تكفي المواطن في حال
الرخاء والقحط..
بمعنى
في حال بياكل هو هل بيته او عنده ضيوف..

فما يصير لو عندنا ضيوف نروح نشتري خياش عيش حق الضيوف
باضعاف اسعار التموين.. ولا نكتب لوحة على الباب اسمحوا لنا
ما نستقبل ضيوف لأن عيش التموين للمواطن واهل بيته فقط..
او بنأكلهم خبز من جيبنا...............> ياربي ياربي ياربي ما ادري اشبلاهم الناس؟

[عاشق العديد]

كل بيت .. والأشخاص الي فيه لكن عن نفسنا ..

خيشتين تكفينا تقريبا 3 شهور ..

9 فالبيت غير 3 شغالات 2 دريولين .. وغير يهال ..

[يمامـة]

ياسلام على ردج عزيزتي

على أساس اني اخذ لي من التموين واكمل على الخدم من الجمعيه ؟

عموما الحكومة محددة لنا حصتنا حسب اعدادنا احنا اهل البيت ومالها شغل بالخدم والحمد لله اللي مخصصته يكفينا ويكفي خدمنا

ونقول الحمد لله مب بيدكم قرارات الحكومة والا نص الشعب مفلس والنص الثاني جوعان

شداد واحد مب وحدة يا ضوى:shy:

[ضوى]

يمامتي العزيزة انا ينصرف لي 2 من كل صنف لاني ماضفت عيالي الاثنين ولو اضيفهم بيصر 3 بالراحة بس انا قنوعة واقول الحمد لله مكفينا مع الخدم والحشم والضيوف ، بس انا استغرب من هالناس

[يمامـة]

يمامتي العزيزة انا ينصرف لي 2 من كل صنف لاني ماضفت عيالي الاثنين ولو اضيفهم بيصر 3 بالراحة بس انا قنوعة واقول الحمد لله مكفينا مع الخدم والحشم والضيوف ، بس انا استغرب من هالناس

اصلا مب عارفة ليش معترضين؟

مافي نقص ابدا في مراكز التوزيع.. بعد التعليمات من الامير الوالد
ما عدنا نلحظ اي نقص اي وقت من الشهر نروح نلقى كل انواع التموين..

فالموضوع يطالب بدعم منتجات ثانية.. والبعض من الاخوان يطالبون بتقليل اعداد التموين الموزع..

طيب ليش؟ وشنهي مشكلتهم بالضبط.. اللي عندكم مكفيكم يمكن عند غيركم مب مكفيهم!!

[ضوى]

بجد يمامة شي غريب

الموضوع بصوب والتعليقات بصوب

ولي الامر ماحط هالحصص الا بناء على استبيانات ودراسات عبالكم بس بس جذي قال هذا يستحق واحد وهذا يستحق اثنين

[JN000N]

اما اللي يطالب بتقليل الكمية ههههههههههههههههههههههههههههههههههه
كثر منها الله يخليك
الا تعال شوضعك بس؟ ينصرف لك اساسا والا مب قطري؟

[باراكودا]

تهقون بعض المحلات تفكك خياش الرز وتبيعها بالكيلو!!


اضافه اصناف جديده كالطحين اعتقد ضروري برمضان

وياريت المهلبية والكراميل والجلي وحب الهريس .

والياميش .

[shadad]

فيه ردود تجيب المغص ع الصبح !

تحسسك انه يعطيك من جيبه ولا من حلال ابوه

الردود اللي عقبت على ردي كانت جد محترمه بالرغم من اختلافهم معاي. مثل ضوى ويمامه . :)

الين وصلت ردك ..نصيحه مني لك خل عندك اسلوب محترم وذرب يوم تعقبين. ويوم تعقبين ردي باحترام ولا تجيبين سيرة الاباء على لسانك لان ابوي متوفي .

وصلت الرسالة اعتقد.

[Miss]

اوافقج الارستقراطيه
الطحين شي مهم وخصوصا حق رمضان

[وطن]

وياريت المهلبية والكراميل والجلي وحب الهريس .

والياميش .

شنو الياميش ؟؟

:rolleyes2:

[BUHASSEN]

الحمدلله عالنعمه الواحد دايم يحمد الله
الاسر تختلف وتختلف احتياجاتها والناس واعيه ولله الحمد فالي يشوف انه مب محتاج لاياخذ كل شهر انا مرات اخذ وبعض الاصناف اتم معاي اكثر من 4 شهور ....
في ناس متعوده كل شهر تاخذ حتي لو عندهم ويخزنون وبعض المواد تخترب وتنتهي صلاحيتها والله المستعان....
فجزاها الله خير الدوله ماقصرت الباقي علينا احنا كمستهلكين وكل بحسب حاجته

واللهم ادمها نعمه

[Miss]

شنو الياميش ؟؟

تهقين يقصد اليريش :rolleyes2: :secret:

[الحياة الخالدة]

شنو الياميش ؟؟

:rolleyes2:



تهقين يقصد اليريش :rolleyes2: :secret:


الياميش كلمة دخلت الاستخدام وقاموس اللهجة العامية المصرية منذ العصر الفاطمي حيث تعني المكسرات والحلويات من الفواكه المجففة.

فمن المكسرات يشمل الياميش الجوز (عين الجمل) والبندق واللوز والفستق وهي كلها مواد مغذية غنية بالبروتينات والدهون والزيوت, ومن الفواكه المجففه الزبيب والكشمش (العنب المجفف الخالي من البذور) والمشمش المجفف (القيسي) وقمر الدين والتين المجفف والأراصيا الغنية بالسكريات والفيتامينات والمعادن والألياف.

جرت العادة في أغلب البلدان العربية والإسلامية على قيام ربّ العائلة بشراء وتوفير هذه الأغذية لعوائلهم خلال شهر رمضان.

ففي اليمن يضاف عنب اليمن المجفف الطيب والتي يناهز عددها الثمانين صنفاً وأفضلها وأغلاها ثمناً الزبيب البياض وسعر الكيلو الواحد منه (20 دولاراً)، يليه الزبيب الرازقي، والزبيب الجبري والزبيب الأسود, أضافة إلى اللوز والفستق والجوز وحب العزيز والكاجو المستورد.


-------


يعني القرنقعــــــوه

[صمت 1]

قال تعالى : ( يَا أَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ وَاشْكُرُوا لِلَّهِ إِنْ كُنْتُمْ إِيَّاهُ تَعْبُدُونَ ) البقرة/ 172 .
نعم الحكومه ماقصرت

[وطن]

تهقين يقصد اليريش :rolleyes2: :secret:

توقعت جذي








الياميش كلمة دخلت الاستخدام وقاموس اللهجة العامية المصرية منذ العصر الفاطمي حيث تعني المكسرات والحلويات من الفواكه المجففة.

فمن المكسرات يشمل الياميش الجوز (عين الجمل) والبندق واللوز والفستق وهي كلها مواد مغذية غنية بالبروتينات والدهون والزيوت, ومن الفواكه المجففه الزبيب والكشمش (العنب المجفف الخالي من البذور) والمشمش المجفف (القيسي) وقمر الدين والتين المجفف والأراصيا الغنية بالسكريات والفيتامينات والمعادن والألياف.

جرت العادة في أغلب البلدان العربية والإسلامية على قيام ربّ العائلة بشراء وتوفير هذه الأغذية لعوائلهم خلال شهر رمضان.

ففي اليمن يضاف عنب اليمن المجفف الطيب والتي يناهز عددها الثمانين صنفاً وأفضلها وأغلاها ثمناً الزبيب البياض وسعر الكيلو الواحد منه (20 دولاراً)، يليه الزبيب الرازقي، والزبيب الجبري والزبيب الأسود, أضافة إلى اللوز والفستق والجوز وحب العزيز والكاجو المستورد.


-------


يعني القرنقعــــــوه

اول مره اعرف الكلمة الصراحة

[حسن]

للاسف لا اتفق معك يالاستقراطيه

لان شهر رمضان شهر صوم وماناكل الى وجبه واحده فقط واكل جدا بسيط
انا اقول لو نستغني عنها شوي ونخليها حق اخونا في سوريا ولا اليمن ابرك
والله واجر لنا

انا نع تقليل الحصه في رمضان لعدم الاكل

[Right]

من طلعنا على الدنيا ، وهالمواد الغذائية لم تتغير !!



مثال يحتذى به بدولة الكويت الشقيقة

المواد الغذائية التي تشملها البطاقة التموينية لكل مواطن كويتي

http://store2.up-00.com/2015-05/1432461721431.png (http://www.up-00.com/)

[qr95]

بصراحه انا استغرب من البعض اللي يعارض ويقول بأن التموين يكفي ومايحتاج كل شهر ممكن يكفي حق شخص اسرته مكونه من ثلاثه اشخاص
وفطوره في الشغل ومايتغدى وعشاه في الليل برا او ياكل سلطه وشي خفيف فهذا ممكن يكفيه خصوصآ ان البعض من الناس مايعطون الخدم في البيت من الاكل ولوعطوهم يقولون خذوا الزياده اللي مانبيها او الباقي
ولكن فيه بعض البيوت اسر كبيره ومايكفيها التموين خصوصآ الزيت لأن أغلب الاكل لازم له زيت ولكن اللي يقول ان هالشي يسبب ضغط على منافذ البيع في الدوله بالعكس بعد وجود شركه حصاد سار هناك وفره كبيره في استورات الدوله واصبحت الدوله توزع منه على الجمعيات الخيريه عشان مايتم وتنتهي صلاحيته وذلك عن معرفه والدوله ماتقصر لو المسؤولين يطلبون زياده مواد التموين لتشمل الشاي والقهوه والطحين والهيل واللحوم والدواجن والخضار والصابون والله الحكومه ماعندها اي مشكله ولكن بعض المسؤولين كأنه بعض الناس !! وبعدين البعض يقول احمدوا ربكم واحمدوا ربكم طيب حنا ماقلنا شي نقول اللهم لك الحمد والشكر بس ترى حنا مانطر من احد هذا حق من حقوقنا والدوله ماقصرت تبي حد يوضح لها اذا فيه نقص في شي وماتبي المجاملات وصفق لي وأصفق لك وبعدين ترى هذا التموين مش مجاني ولكن ندفع عليه رسوم حتى لوكانت رمزيه بمعنى سعر التعبئه والتغليف والشحن يتم دفعها عن طريق المواطن والتاجر يأخذ ربحه ولاكن برقابه من الدوله فلذلك السبب ماله داعي الواحد يجامل احد على حساب الناس وعسى الله لايولي البعض علينا إلا حاسدينا على العيش وللعلم الاخ اللي يقول الكويت كل شي مدعوم حبيت اوضح له بس مدعوم بكوبونات (مجاااانيه) يعني مايدفع عليها ريال واحد وتشمل الفول والحمص والمعلبات والفاين ولاكن اتمنى من البعض حفظ ماء وجهه إذا كان فيه ماء !!

[بو راشد 1]

الله يطول في عمر الحكومة، و فعلا إضافة الدجاج المجمد و حليب طويل الامد الى بطاقة التموين مثل دولة الكويت بتكون فكرة ممتازة.

[باراكودا]

شنو الياميش ؟؟

:rolleyes2:

http://botagaz.com/images/thumb/Prune.JPG

صورة توضيحية للياميش حق دريولنا فتحي

[رهج السنابك]

[FONT=Tahoma][COLOR="#666666"]



من طلعنا على الدنيا ، وهالمواد الغذائية لم تتغير !!



مثال يحتذى به بدولة الكويت الشقيقة

المواد الغذائية التي تشملها البطاقة التموينية لكل مواطن كويتي

http://store2.up-00.com/2015-05/1432461721431.png (http://www.up-00.com/)[URL="http://www.up-00.com






[QUOTE=Right;10108098][CENTER][SIZE=2]




احسنت


وانا لما نزلت الموضوع كنت على علم بمواد التموين بالكويت الغنيه باحتياجات المواطن

لذلك وجدت انه لا عيب ولا خجل في نقل الرساله التي اردت ايصالها

ماهي الجهه القائمة بالتموين؟ حقيقة لا اعلم

ولكن من الجميل لو انهم قاموا باعادة نظر في قائمة الاربع مواد لانها من سنوات لم تتغير واضافه كما قال العضو الدجاج المجمد وحليب البودره او حليب الاطفال


والاخوه الي يقولون الحكومة لم تقصر
نعم الحكومة لم تقصر لكن يا شعب يا مواطن ترا الحكومة ما تتصدق عليك :) الحكومة ان وفرت لك شي ترا هذا حقك هذا مالك مب مال الحكومة !!!

مشكلة البعض لا يعرف حقه!

الحكومة يا عزيزي يا من تقول كهرب وماي ببلاش ترا هي ماتعطيك اياه صدقه لك !! هذه اموالك انت وكل خيرات هذه الارض ومواردها واموالها حق صريح لكل فرد مواطن لاحد له منة عليه ولا فضل

بل ان قترت الحكومة مع وجود الخير فهي محاسبة ومذنبة ومسائله واثمة

اعرفوا ماهي حقوقكم ولا تشعرون بأن هناك تفضل او تصدق او هبات من جيب الحكومة!!

ومن يعمل بالحكومة؟ من يجلب الاموال والاستثمارات؟ من يستخرج النفط؟ اليست سواعد المواطنين؟؟ اليست من عرق جباههم؟؟ ام الحكومة لديها عصا سحريه ؟!

[رهج السنابك]

للاسف لا اتفق معك يالاستقراطيه

لان شهر رمضان شهر صوم وماناكل الى وجبه واحده فقط واكل جدا بسيط
انا اقول لو نستغني عنها شوي ونخليها حق اخونا في سوريا ولا اليمن ابرك
والله واجر لنا

انا نع تقليل الحصه في رمضان لعدم الاكل

ليس بالضروره ان تأكل انت
اطبخ وتصدق ووزع على الجيران

[بنت شرق]

حلو موضوعج ،،بس اشوفها صعبة توزيع دجاج ،،لانه احجام وكل اسرة تفضل نوعية معينة ،،،فلو الاقتراح بطاقة التموين الكترونية مثل شكرا وما شابهها ،،،
يستوي لنا خصم كقطريين على الشراء افضل للمواد التموينية

[حسن]

ليس بالضروره ان تأكل انت
اطبخ وتصدق ووزع على الجيران

الحمدلله عندنا فطور في المجلس كل رمضان ولايقل عن 30 شخص

اللهم لك الحمد والشكر

[بصمة قطرية]

[QUOTE=Right;10108098][CENTER][FONT=Tahoma][SIZE=2][COLOR="#666666"]




احسنت


وانا لما نزلت الموضوع كنت على علم بمواد التموين بالكويت الغنيه باحتياجات المواطن

لذلك وجدت انه لا عيب ولا خجل في نقل الرساله التي اردت ايصالها

ماهي الجهه القائمة بالتموين؟ حقيقة لا اعلم

ولكن من الجميل لو انهم قاموا باعادة نظر في قائمة الاربع مواد لانها من سنوات لم تتغير واضافه كما قال العضو الدجاج المجمد وحليب البودره او حليب الاطفال


والاخوه الي يقولون الحكومة لم تقصر
نعم الحكومة لم تقصر لكن يا شعب يا مواطن ترا الحكومة ما تتصدق عليك :) الحكومة ان وفرت لك شي ترا هذا حقك هذا مالك مب مال الحكومة !!!

مشكلة البعض لا يعرف حقه!

الحكومة يا عزيزي يا من تقول كهرب وماي ببلاش ترا هي ماتعطيك اياه صدقه لك !! هذه اموالك انت وكل خيرات هذه الارض ومواردها واموالها حق صريح لكل فرد مواطن لاحد له منة عليه ولا فضل

بل ان قترت الحكومة مع وجود الخير فهي محاسبة ومذنبة ومسائله واثمة

اعرفوا ماهي حقوقكم ولا تشعرون بأن هناك تفضل او تصدق او هبات من جيب الحكومة!!

ومن يعمل بالحكومة؟ من يجلب الاموال والاستثمارات؟ من يستخرج النفط؟ اليست سواعد المواطنين؟؟ اليست من عرق جباههم؟؟ ام الحكومة لديها عصا سحريه ؟!

و المطلوب ..!!!
نتمرد على الحكومة ..!
و نطلع مظاهرات و نطالب بزيادة المواد التموينية
المدعمة من الحكومة ..!!!!
على إعتبار إن هذا حق من حقوق المواطن ..!!

لا يا أرسطو ..
ما هكذا تورد الأبل ..
إنتي بكلامج و إسلوبج قاعدة تحرضين المواطن على الحكومة ..
حاسبي من اللي تقولينه كل كلمة محسوبة عليج ..
أبسط كلمة راح تنقال :
من تكونين انتي عشان تحاكمين الحكومة ..!!
زادوا المواد التموينية خير و بركة و جزاهم الله خير ..
من كريم لمستحق ..
ما زادوها الحمدلله ما قصروا و احنا عايشين بخير و نعمة ..
و الحكومة أبداً مب مقصرة معانا ..
لو في مرات تكلمنا و طالبنا ببعض الأمور
فهي بسيطة و ما توصل لدرجة إنه نتطاول على الحكومة
و نقول هاي حقنا و غصباً عنهم ..!
لا مب غصب ..
حقنا نعيش بسلام و أمان ..
قولي الحمدلله ..

[رهج السنابك]

بعد نقطه حلوه يا بنت شرق

[بصمة قطرية]

إضافة ..
حطيتي البطاقة التموينية للمواطن الكويتي ..
المدعمة ب 12 صنف ..
و نسيتي إن الكهرباء و الماء في الكويت برسوم ..
مش مجاني مثلنا ..
يعني تبين يضيفون مواد في المقابل يدفعونج
للكهرباء و الماء .. !!

عندنا ..
الكهرباء و الماء مجاني ..

التعليم مجاني ..
حتى في المدارس الخاصة
صرفوا كوبونات تعليمية ..

العلاج مجاني
طبعاً القصد مجاني في كل المستشفيات الخاصة ..

قارني هالأشياء بالكويت
دام فتحتي باب المقارنة ..

[رهج السنابك]

بصمة


عفواً لا نخلط الكلام ببعض

لما اقول للمواطن لا تحس انك مسكين والدولة تتصدق عليك وتتفضل عليك من اموالك
يعني تحريض!! او تمرد!! لا الله يسلمج

معرفه حقوق المواطن على دولته وحق دولته عليه لا فيها منه ولا فضل ولا تمرد
بل الوعي مطلوب
وانا لا اتكلم عن النقطه الصغيره " التموين"
بل اتكلم بشكل عام ورداً على من يشعر انه مسكين ودولته تمن عليه بالكهربا والماي وغيرها من الامور التي هي اساساً حقه وتحتها سطرين هالكلمة

[رهج السنابك]

فالمقصد هو ( الوعي) كن واعي لما لك وما عليك
تعش بسلام وراحة بال : )

[بصمة قطرية]

بصمة


عفواً لا نخلط الكلام ببعض

لما اقول للمواطن لا تحس انك مسكين والدولة تتصدق عليك وتتفضل عليك من اموالك
يعني تحريض!! او تمرد!! لا الله يسلمج

معرفه حقوق المواطن على دولته وحق دولته عليه لا فيها منه ولا فضل ولا تمرد
بل الوعي مطلوب
وانا لا اتكلم عن النقطه الصغيره " التموين"
بل اتكلم بشكل عام ورداً على من يشعر انه مسكين ودولته تمن عليه بالكهربا والماي وغيرها من الامور التي هي اساساً حقه وتحتها سطرين هالكلمة

جيتي بتكحلينها عميتيها ..
ردي كان على كلامج
و كلامج واضح جداً ..

[رهج السنابك]

بصمة تبين نقارن؟
الشؤون الاجتماعيه بالكويت كم تدفع؟
تدرين يمشي راتب لربة المنزل مايعادل 12الف
تدرين لكل طفل يمشي 50دينار سواء غني ولا فقير
ماحب افتح مجال المقارنات وندخل بموضوع ثاني والبطاقة التموينيه مش انا حطيتها بس عندي علم فيها
ولا نبي ندخل بالتضخم في قطر وغيره من الدول ونسبة غلاء المعيشه وغيره وغيره
الحمدلله احنا مرتاحين لان دولتنا تعطينا حقوقنا بشكل مرضي

[رهج السنابك]

لا ماعميتها

وهذا مبدأ تعلمته على يد بروفيسور بالجامعه
حق المواطن وحق الدوله
وكل خير الدوله هو للمواطن وليس لاحد فضل ولا منه

[بصمة قطرية]

بصمة تبين نقارن؟
الشؤون الاجتماعيه بالكويت كم تدفع؟
تدرين يمشي راتب لربة المنزل مايعادل 12الف
تدرين لكل طفل يمشي 50دينار سواء غني ولا فقير
ماحب افتح مجال المقارنات وندخل بموضوع ثاني والبطاقة التموينيه مش انا حطيتها بس عندي علم فيها
ولا نبي ندخل بالتضخم في قطر وغيره من الدول ونسبة غلاء المعيشه وغيره وغيره
الحمدلله احنا مرتاحين لان دولتنا تعطينا حقوقنا بشكل مرضي

ما ينعرف لج بصراحة ..!!!
دام تقولين الدولة تعطينا ( حقوقنا ) بشكل مرضي
واحنا مرتاحين
ليش قاعدة تطالبين ..!!
الراضي على قولتج يقول الحمدلله
ما يقارن ..

[بصمة قطرية]

لا ماعميتها

وهذا مبدأ تعلمته على يد بروفيسور بالجامعه
حق المواطن وحق الدوله
وكل خير الدوله هو للمواطن وليس لاحد فضل ولا منه

سلمي لي على البروفيسور و قولي له
البلاد اللي ما تقصر مع مواطنيها ( نادرة في هالزمن )
و قطر مب محتاجة نتكلم و نقول سوت وعطت
يكفي ( نعمة الأمن و الأمان )
يكفي عايشين بـ ( سلام ) الحمدلله ..
يكفي بعيدين عن ( الفتن الداخلية ) ..

[رهج السنابك]

عزيزتي
اذا انا ارى وهذا رايي الشخصي انه مرضي
فهل معنى ذلك الكل راضي مرتضي لا يشعر بان هناك تقصير؟!

المطالبه بالتحسين والتطوير والتعديل امر محمود المطالبه بالاستزاده فيه دعوة لان يبقى المسؤل بحس الرقيب المتيقظ
عندما نقول الحمدلله الدوله وفرت اربع مواد تموين ولكن نريد اضافه المزيد مالعيب في ذلك؟! هذه دعوه للتطوير
ان ياجماعه صار لكم سنين ماطورتوا
وفي ناس تبي خدمات اكثر وتحسينات مستمره
الدول والشعوب ما تتطور اذا قالت كل شي تمام والحمدلله خلونا نستمر على حالنا!!
في الدول الاجنبيه الاستبيانات واخذ اراء المواطنين بخدمات الدوله يعتبر شيء صحي والكل يشارك فيه
وهنا يعتبر عيب وتمرد وانتو مايعجبكم شي اسكتوا لا تفشلونا


هي مسألة " ثقافة " لا اكثر :)

[رهج السنابك]

بصمة
دول وايد ماتقصر
شوفي برامج احمد الشقيري اذا ماتيسر لج العيش بالدول الاسكندنافيه مثلا
حتى اللي بالسجون عايشين ملوك :)
ترا مابعد وصلنا لان نكون دوله ينضرب فيها المثل بس نتمنى :) ولا راح نوصل الا اذا تغيرت " ثقافة " المواطن والمسؤل
وصرنا كلنا يد وحده بهدف واحد ونبني بلدنا ونوصل صوتنا وندعو باستمرار للتطوير
عشان احمد الشقيري عام 2050 يجي يصور بقطر ويوري العالم احنا وين وصلنا بخدماتنا واجهزتنا الحكوميه والخدمات المقدمة للمواطن
لازم نبني هالبلد بدافع الحب :)

[بصمة قطرية]

عزيزتي
اذا انا ارى وهذا رايي الشخصي انه مرضي
فهل معنى ذلك الكل راضي مرتضي لا يشعر بان هناك تقصير؟!

المطالبه بالتحسين والتطوير والتعديل امر محمود المطالبه بالاستزاده فيه دعوة لان يبقى المسؤل بحس الرقيب المتيقظ
عندما نقول الحمدلله الدوله وفرت اربع مواد تموين ولكن نريد اضافه المزيد مالعيب في ذلك؟! هذه دعوه للتطوير
ان ياجماعه صار لكم سنين ماطورتوا
وفي ناس تبي خدمات اكثر وتحسينات مستمره
الدول والشعوب ما تتطور اذا قالت كل شي تمام والحمدلله خلونا نستمر على حالنا!!
في الدول الاجنبيه الاستبيانات واخذ اراء المواطنين بخدمات الدوله يعتبر شيء صحي والكل يشارك فيه
وهنا يعتبر عيب وتمرد وانتو مايعجبكم شي اسكتوا لا تفشلونا


هي مسألة " ثقافة " لا اكثر :)

حلو
ردج هاي عجبني تدرين ليش ..!!
لأنج قلتي نطالب ..
من حقنا نطالب نعم ..
بس مش من حقنا نحرض ..
يمكن انتي مب راضية و انا راضية ..
في اختلافات طبعاً ..
عشان هالشي أقول لج نطالب و نتمى و نأمل
إن الحكومة تنظر في طلبات المواطنين ..
لكن نقول الحكومة ما تتكرم علينا و باقي الكلام اللي قلتيه
لا طبعاً ..

[رهج السنابك]

هذا تفسيرج الشخصي انتي ربما شعرتي بتحريض ولكن غيرج لن يشعر به لان النوايا تحكم
لا ارى ولازلت لا ارى بكلامي اي تحريض
احس الكلمة مب مكانها الصحيح*فاتمنى
تقرأي السطور كما هو المقصود دون تأويلات شخصيه قد تضر القارىء ولا تفيد
حيث ان هذا يعتبر اتهام وهو غير مقبول

ساترك المساحة وانزل الصاله اتعشى :)

[بصمة قطرية]

بصمة
دول وايد ماتقصر
شوفي برامج احمد الشقيري اذا ماتيسر لج العيش بالدول الاسكندنافيه مثلا
حتى اللي بالسجون عايشين ملوك :)
ترا مابعد وصلنا لان نكون دوله ينضرب فيها المثل بس نتمنى :) ولا راح نوصل الا اذا تغيرت " ثقافة " المواطن والمسؤل
وصرنا كلنا يد وحده بهدف واحد ونبني بلدنا ونوصل صوتنا وندعو باستمرار للتطوير
عشان احمد الشقيري عام 2050 يجي يصور بقطر ويوري العالم احنا وين وصلنا بخدماتنا واجهزتنا الحكوميه والخدمات المقدمة للمواطن
لازم نبني هالبلد بدافع الحب :)


https://m.youtube.com/watch?v=mhkYzkpMFbw

[بصمة قطرية]

هذا تفسيرج الشخصي انتي ربما شعرتي بتحريض ولكن غيرج لن يشعر به لان النوايا تحكم
لا ارى ولازلت لا ارى بكلامي اي تحريض
احس الكلمة مب مكانها الصحيح*فاتمنى
تقرأي السطور كما هو المقصود دون تأويلات شخصيه قد تضر القارىء ولا تفيد
حيث ان هذا يعتبر اتهام وهو غير مقبول

ساترك المساحة وانزل الصاله اتعشى :)

النوايا تحكم على التفسير ..
حسيت إني شريرة :(

نصيحتي لج
تعيدين قراءة ردودج ..
تحياتي ..

[رهج السنابك]

اي اليوم شريره
مدري شنو متعشيه

[بصمة قطرية]

اي اليوم شريره
مدري شنو متعشيه

كشري لذيييييذ :)

[الجـــوديّ]

يعطيج العافية ارستقراطية على المطالبة ..

أنا معاج فيها .. بس ماحب الكرم الحاتمي غير المدروس ... وخاصة من الحكومة
ياليت تدعم الدولة اصناف غذائية تعزز صحة المواطن ..
انتشرت امراض السكر والضغط والقلب والسمنة بين الكبار والاطفال

الاقتراح أن يتم دعم أصناف جديدة من المغذيات الطبيعية اللي تقوي صحة الانسان ويبتعدون عن جبن قلاصات وحليب قواطي (هو مضروب من غير شي)
بحيث يكون هذا الدعم يوجّه المواطن بشكل مباشر وغير مباشر في تبني أغذية صحية مفيدة له.

خلونا نكون أحسن من الكويت .. تعبنا من التقليد ياجماعة :-/

[نمر بن عدوان]

عسى ماشر التموين يكفي ثلاث شهور ؟
ترا خيشة العيش 40 كيلو

عايلة فيها ام واب وعيال ستة ودريول وشغالتين كيف 40 كيلو تكفيهم 3 شهور ؟

المعروف ان العايله الي فيها ام واب وستة افراد ينصرف لهم 3خياش عيش مب خيشه يعني تكفي ثلاث شهور وزياده وشو الي في كلامي غلط!

طبعا نستثني نوعين النوع الاول الي ياخذ ثلاث ويتبرع بثنتين يعني فعل خير بأموال الغير . والنوع الثاني اذا العايله ماشالله من احجام محمد رضا تاكل ثلاث اضعاف الانسان العادي هذيلا استثناء الله يعينهم .:)

[ودي أكون]

اقتراحج جميل اختي الاستقراطيه

اتفق معاج