عذرا جريدة الشرق

[bo3adel]

يا جماعة الخير توني اشوف خبر لوحة نساء الجزائر وهو خبر عن لوحة للفنان بيكاسو يقال انه تم شراءها من قبل مشتري قطري

الجريدة نقلت الاخبار حول اللوحة وكلام سي ان بي سي الامريكية

المشكله كلها مب ف الخبر ولا في من شراها

المشكله ان الصورة اللي حطتها جريدة الشرق وهي صورة اللوحه لننساء عاريات ... وييييييييييييييييين الرقابه عنهم

هل صار عادي عندنا نحط نساء عاريات والكل يجوف؟ حتى ولو كان فن ولا لوحه ولا اي شي

مابي احط رابط عشان ماخذ الاثم لكن هذا ما رأته عيني والخبر موجود ف تويتر


رايكم يا جماعة الخير

[Dana’1]

الغريب مو كذا
الغريب إن كرستيز للمزادات نفت انها أعلنت عن الجهه الي اشترت اللوحه!!

إلا إذا الحكومه أعلنت انها هي من اشترت اللوحه،، هذا شي ثاني

[bo3adel]

الغريب مو كذا
الغريب إن كرستيز للمزادات نفت انها أعلنت عن الجهه الي اشترت اللوحه!!

إلا إذا الحكومه أعلنت انها هي من اشترت اللوحه،، هذا شي ثاني

جوفي الصوره اختي

كلامي مب عن اللوحه عن الصوره المنشوره

هل هذي صوره تنشر في موقع رسمي لجريده قطرية؟؟؟؟؟؟؟؟


هل هاي صورة يجوفها مجتمعنا القطري المسلم المحافظ

لحد يقولي ع التلفزيون فيه اشياء العن .. التلفزيون انت تختار القناه اللي تجوفها

لكن الجريده مش انت اللي تختار الخبر اللي ينحط او يتم نقله

[مخطط قطري]

المفروض يتعاقب الصحفي الي نشر الصوره

[bo3adel]

المفروض يتعاقب الصحفي الي نشر الصوره

انا معاك وغير الصحفي بعد

[بـارود]

ومدير التحرير اشغلته !!!

[moonبنتnight]

نصدمت يوم شفتها في الجريدة ..
ولا حول ولا قوة إلا بالله ..
مرض حريات والانفتاح .. وحجه وهم وهم الفن ..
ليومك ما نقدر نصنع ما نأكله ولا نصنع ما نلبسه ولكن هم يبيعونا وهم الفن والازياء والماركات ..
بفلوس بيكاسو تبني وتعمر وتعيش شعب بأكملة ..

[bo3adel]

ومدير التحرير اشغلته !!!
مادري والله .. معقوله مانتبه ماظن

منزلين التويت اربع مرات يمكن ورا بعض

نصدمت يوم شفتها في الجريدة ..
ولا حول ولا قوة إلا بالله ..
مرض حريات والانفتاح .. وحجه وهم وهم الفن ..
ليومك ما نقدر نصنع ما نأكله ولا نصنع ما نلبسه ولكن هم يبيعونا وهم الفن والازياء والماركات ..
بفلوس بيكاسو تبني وتعمر وتعيش شعب بأكملة ..

المشكله مب بفلوس اللوحه .. المشكله بالمحتوى .. اتمنى الصوره مانطبعت لانها مصيبه لو كانت في جريدة اليوم

[حمد 2002]

في احد يقري جرايد في هالزمن ؟

انا اقرأ ملحق الوسيط بالجريده فقط ،،

[فريج شرق]

هاي اللوحة من اللوحات العالمية وسعرها 600 مليون ريال قطري

[رجل الجزيرة]

الحين الشعب الجزائري زعلان وغضبان وكل شيء.

[bo3adel]

في احد يقري جرايد في هالزمن ؟

انا اقرأ ملحق الوسيط بالجريده فقط ،،
الكل يدخل تويتر .. اللي جفته في تويتر مب الجريده الورقيه

لكن هل ترضى بالمحتوى يا حمد؟


هاي اللوحة من اللوحات العالمية وسعرها 600 مليون ريال قطري
ماختلفنا على قيمتها يا فريج شرق لكن شنو فايده الشعب القطري من انهم يجوفون لوحه فاضحه مثل هذي؟

هل اللي حط الخبر يعرف ان هالشي غلط ولا عادي عنده؟

هل عاداتنا وتقاليدنا ودينا يسمحون بهالامور؟

الحين الشعب الجزائري زعلان وغضبان وكل شيء.

من حقهم لان اللوحه مب بسيطه يا رجل الجزيره

[العنيده]

اتوقع لازم في قوانين على الشي اللي ينشر لانه للعامه :) ..

[يمامـة]

قلنا ان الصورة قليلة ادب.. واللي ينشرها يدخل ضمن دائرة الادب وقلتها..
لأن اصلا الرسم ما يرضى فيه رب العالمين..............> فكفاية مجاملات للفن على حساب الدين..

[Riku3]

حتى بعض المواقع العالمية تحط سنسر على الصورة وهذيل ناشرينها بالكامل .. حسبي الله ونعم الوكيل .

بس زين انها في تويتر مب الجريدة الرسمية لان سهل ازالتها .

[راجي الْعفو]

قلنا ان الصورة قليلة ادب.. واللي ينشرها يدخل ضمن دائرة الادب وقلتها..
لأن اصلا الرسم ما يرضى فيه رب العالمين..............> فكفاية مجاملات للفن على حساب الدين..

وبهالطريقة يتم تبرير كل شي :

باسم : الفن ، و العلم ، و الرياضة ، و حقوق المرأة .. إلخ ..

والله المستعان ..

[bo3adel]

بعد التواصل مع الجريده ولله الحمد والمنه

اشكر رئيس التحرير الاستاذ جابر الحرمي واشكر جميع الناس اللي ردت في الموضوع

تم ازاله الصور الخليعه من تويتر الجريده واتمنى الهفوه ذي ماتتكرر مره ثانيه

[راجي الْعفو]

بعد التواصل مع الجريده ولله الحمد والمنه

اشكر رئيس التحرير الاستاذ جابر الحرمي واشكر جميع الناس اللي ردت في الموضوع

تم ازاله الصور الخليعه من تويتر الجريده واتمنى الهفوه ذي ماتتكرر مره ثانيه

بيض الله وجهك

[الحياة الخالدة]

جزاك الله خير .. و كل من استنكر .. و سعى لتغيير المنكـــــر

[حسن]

في احد يقري جرايد في هالزمن ؟

انا اقرأ ملحق الوسيط بالجريده فقط ،،

بالعكس ياحمد الجرايد جدا مهمه تعرف وش يسير بلادك
تصدف اني مااعرف اسماء الوزراء كلهم ولا اعرف مسميات الوزارات عندنا
خاطري انزل موضوع للوزير اللي يمنع الجرائد على الموظفين

اعتبره وزير متخلف ويجب خلعه فورا

[JN000N]

بعد التواصل مع الجريده ولله الحمد والمنه

اشكر رئيس التحرير الاستاذ جابر الحرمي واشكر جميع الناس اللي ردت في الموضوع

تم ازاله الصور الخليعه من تويتر الجريده واتمنى الهفوه ذي ماتتكرر مره ثانيه

جزاك الله خير
هاي اللي نبيه
لين حد جاف شي يتحرك يسوي شي مب بس يشتكي هني
والنعم فيك وماقصرت

[bo3adel]

بيض الله وجهك
وجهك ابيض اخوي الغالي وبيض الله وجه رئيس التحرير على استجابته السريعه


جزاك الله خير .. و كل من استنكر .. و سعى لتغيير المنكـــــر
واياج اختي وهذا فضل رب العالمين ان الغيره لازالت موجوده عند الكل ولله الحمد

[bo3adel]

جزاك الله خير
هاي اللي نبيه
لين حد جاف شي يتحرك يسوي شي مب بس يشتكي هني
والنعم فيك وماقصرت

واياج اختي

هذي رساله ان مب شرط كل مسؤول يدري عن اي صغيره وكبيره

ممكن يسهى او ينشغل لكن يجب ان توصل له صوتك ويجب انه يستجيب لك

الحمدلله الله رزقنا مسؤولين سريعين الاستجابه

[JN000N]

واياج اختي

هذي رساله ان مب شرط كل مسؤول يدري عن اي صغيره وكبيره

ممكن يسهى او ينشغل لكن يجب ان توصل له صوتك ويجب انه يستجيب لك

الحمدلله الله رزقنا مسؤولين سريعين الاستجابه

صح كلامك
وهاي اللي دايما اقوله
مب شرط المدير يكون داري بكل صغيره وكبيره

[Charisma]

يصبحك بالخير بو عادل ..


اشكرك واحيي فيك اهتمامك ومتابعتك للموضوع .. سبق واستنكرنا تداول الصوره "المخله" ونسبها إلى حرائر الجزائر .

[bo3adel]

يصبحك بالخير بو عادل ..


اشكرك واحيي فيك اهتمامك ومتابعتك للموضوع .. سبق واستنكرنا تداول الصوره "المخله" ونسبها إلى حرائر الجزائر .

صباح النور والسرور اخوي

وفعلا الصوره مخله ومسيئه لاخواننا بالجزائر واشكر لكم اهتمامكم

انا والله من الحره امس اول ماسمعت وقريت عن الموضوع ع السريع كتبته هني


المنتدى متنفس لما يراود خواطرنا

ولله الفضل ان الكثيرين غيورين على ديننا و عاداتنا وتقاليدنا

[Charisma]

صباح النور والسرور اخوي

وفعلا الصوره مخله ومسيئه لاخواننا بالجزائر واشكر لكم اهتمامكم

انا والله من الحره امس اول ماسمعت وقريت عن الموضوع ع السريع كتبته هني


المنتدى متنفس لما يراود خواطرنا

ولله الفضل ان الكثيرين غيورين على ديننا و عاداتنا وتقاليدنا

بارك الله فيك وكثر الله من امثالك ..

[الحاقول]

لوحه فاضحه ولا تمثل نساء الجزائر . فقط تمثل اخلاق الرسام الذي رسمها

[.قطر.]

بعد التواصل مع الجريده ولله الحمد والمنه

اشكر رئيس التحرير الاستاذ جابر الحرمي واشكر جميع الناس اللي ردت في الموضوع

تم ازاله الصور الخليعه من تويتر الجريده واتمنى الهفوه ذي ماتتكرر مره ثانيه

جزاك الله خير :)

[مابدل العادات]

بعد التواصل مع الجريده ولله الحمد والمنه

اشكر رئيس التحرير الاستاذ جابر الحرمي واشكر جميع الناس اللي ردت في الموضوع

تم ازاله الصور الخليعه من تويتر الجريده واتمنى الهفوه ذي ماتتكرر مره ثانيه

جزاك الله خير

وبيض الله وجهك اخوي بوعادل

[الجـــوديّ]

الله يجزاك خير وكثر من أمثالك ..

[قطري سهم]

قبل لايتحاسب الصحفي مو لازم يتحاسب الي شراها اذا الصوره لعاريات !!!

[يمامـة]

جزاك الله خير على المساهمة في حذف المنكر قول وفعل..