اللقافـــة الزايدة والفضول

[JN000N]

السلام عليكم ورحمة الله وبركاته



,



,



خلونا نسولف عادي ونتكلم ب أريحية وصراحة وبدون تعصب وهواش

اللقافه؟
او الفضول؟
اللي تؤدي مرات للتجسس عشان نعرف شصار او شنو بيصير او ماصار وشعنده فلان وشعندها علتانه


مب شرط تجسس
بس السالفه كلها لقـــــــــــــــــــــــــافه

عني انا
اكثر شي ف الدنيا يضايقني موضوع الملاقيف

بعدين بعض اللقافه تؤدي لصاحبها بالتهلكة < I mean it :deal:

مثلا قصة الخروف اللي كان يقول للحصان المريض قوم وبين لمعزبك انك بخير وهاك كل وتغذى عشان مايذبحك ويتخلص منك واخر شي يوم رجعت صحته فرحو ان الحصان صار بخير وذبحو الخروف احتفالا بذلك

ليش ما تزوجت؟
ليش ما حملتي؟
وين ريلج مسافر؟
وين بتودي هلك فالصيف؟
ليش توديهم وتسفرهم؟


اشيا واااااااااااااااايد


امثله وايد شبذكر وشبخلي منها:swoon2:


ف النهايه نبي نعرف اللي فيه طبع لقافه يعترف يقول انا فيني مرات لقافه
تبون الصج على اني اكره هالطبع مرات لا شعوري احس ابي اعرف شصار:shy:


اللقافه انواع
يا لمعرفة شي ماصار قدامنا
او التصرف بمواضيع بدال اصحابها وفوقها البلوه تطيح ع روسنا لان تليقفنا
او التدخل في ما لا يعنيكم



يعني على قولتهم يا داخل بين البصله وقشرها:omen2:


واترك لكم المساحه بالنقاش
حياكم الله

[الحياة الخالدة]

very interesting subject

لي عودة بإذن الله بس أرجع من الدوام

[حمد 2002]

Waw goods

لي عوده وتعليق حول الموضوع

[JN000N]

very interesting subject

لي عودة بإذن الله بس أرجع من الدوام


Waw goods

لي عوده وتعليق حول الموضوع

حلفو عاد
انتو الاثنين بالذات لا تردون

لقافه منكم داشين الموضوع صح ههههههه

[الحياة الخالدة]

والله عندي كلام وايد بس تمهلي قليلاً يا أخت العرب

حمد .. حسابك عندي .. و مدرس الانجليزي لك على حسابي بعد

[مستوى الدعم]

أما أن الشخص يعترف بلقافته. . عندي شك أنه بيصير

اعترف اني شخصية صعب اتلقف
لأنه حسب خطة حياتي.. وايد تفاصيل ما تهمني

عندي قناعة تامة بحرية الأشخاص في عرض الي يبونه من حياتهم وكتم الي ما يبونه..

عدم التلقف على الناس يتيح لي اني ما اسمح لأحد يتلقف علي

انا ارى ان اللقافة تنزل من قيمة الإنسان.. لأنه لو كانت حياته لها قيمة ما كان شغل نفسه بحياة الناس..

اللقافة شعور يسبب الإزعاج لصاحبه لأنه يريد أن يعرف وقد لا يكون هناك من يدله على الخبر. .. بعض الملاقيف لا ينام الليل وهو يفكر في كل السيناريوهات المحتملة كجواب على تساؤلاته.. أو يفكر فيمن قد يكون لديه خبر.. ثم يفكر في طرق للوصول إليه لطلب المعلومة التي يريدها

الملقوف غالبا يكون شخصا لا يتصف بالحياء أو الخجل لأن هاتين الصفتين تمنعان من شفاء الغليل.. فكيف سوف يسأل عما يريد أن كان يخجل

أسوأ نوع من الملاقيف من لا يرضى بالمعاملة بالمثل
فهو يرى من حقه أن يسألك عن كل شيء وعندما تسأله مباشرة بعد أن سألك. . تجده يصدك بعدم الإجابة أو بإعطاء إجابة كاذبة

إلى الملاقيف اهديكم حديث رسولنا الكريم صلى الله عليه وسلم :
"من حسن إسلام المرء تركه ما لا يعنيه"

[الحياة الخالدة]

عدنا .. و العود أحمــــدُ

بدايةً : أبي أعرف شنهو هدفج من الموضوع بالضبط ؟؟
و هل صار لج موقف معين خلاج تطرحينــــه ؟؟
و لو عرفتي .. ايش بتكون خطوتج التالية ؟؟
و هل أنتِ من النوع الفضولي ؟؟
وماذا ؟ و كيف ؟ و أين ؟ و لماذا ؟ و و و و

شرايج فيني وانا فضولية :nice:

الفضوليين ( و طبعاً الكلام يشمل الجنسين ) أنواع :

اللي يبي يعرف عشان يلم بالموضوع كامل .. و يعيش معاك الموقف و يساعدك في الوصول إلى حل مشكلة معينة

و في اللي يبي يعرف عنك كل شي : لأنك ببساطة شخص تهمه .. و يحب يكون معاك على الحلوة و المرة

و في اللي يبي يعرف لمجرد المعرفة .. لا هو اللي بيساعدك في شي .. ولا هو اللي بيضرك حتى .. ولا إن هالمعرفة بتأثر عليه هو شخصياً بشكل أو بآخر
و هاذي هي اللقافة بعينها و علمها

و في اللي يبي يعرف .. عشان ياخذ المعلومات منك .. و يستغلها عشان يسيء لك .. سواء انت ضريته أو ما سويت له شي يستاهل الإساءة
يعني سبحان الله في ناس مجبورين على الشر

و في اللي يبي يعرف .. عشان يسعى لك بالفايدة من غير ما انت تعرف .. سواء عشان يصلح بينك و بين حد مثلاً .. أو عشان يسعى لك في موضوع زواج كمثال آخر

هاذي الأنواع اللي تحضرني الحين
و اذا تذكرت شي بعد برد اكتبه :nice:

تحياتي لج
و لا تنسين تجاوبين على أسئلتي البريئة
( ذكرتيني بمجلة ماجد .. ابحث عن فضولـــــي ) :secret:

[ريم الشمال]

ترجمة و معنى لقافة في قاموس المعاني

لقافة :

لقافة
1 - حذق ، مهارة

لقافة الصغار
http://www.khlgy.com/uploads/khlgy143256390141.jpg

لقافة حيوانات

http://www.khlgy.com/uploads/khlgy1432563902072.jpg

http://www.khlgy.com/uploads/khlgy1432563902813.jpg

http://www.khlgy.com/uploads/khlgy1432563908084.jpg




http://www.khlgy.com/uploads/khlgy1432563909155.jpg


القافة سلوب غير محبب والله يعيننا عليهم

الصور محاولة لتخفيف من مشكلة نعاني منها

[Miss]

انا احب أسأل الصراحه
مب لقافه ولا تنبش ع السوالف لكن سوالف عاديه
مثلا وحده تلقينها مصوره سناب انها مسافره طبيعي بسألها وين رايحه
يقولون لي لقافه
انزين عيل شحقه مصوره بس عشان الناس تشوف وما تسأل !
ممكن اكون مثلا رايحه لهالدوله وممكن أفيدج
انا وحده احب اسولف
:(

[بصمة قطرية]

جنووووون
خلي عنج اللقافة ليش تبين تعرفين ..
خلي الملاقيف في حالهم خخخخخ
اللقافة أنواع و درجات ..
يعني لقافة مس حلوة و خفييفة
ما أسميها لقافة أصلاً ..
كلامها منطقي و أقنعني ..
اللقافة اللي تجيب المرض اللي يدورون السوالف ..
يسألون عن كل شي
اللي يعنيهم و اللي ما يعنيهم ..
يبررون أنه فضول*
إلا لقافة ما بعدها لقافة ..

[مستوى الدعم]

انا احب أسأل الصراحه
مب لقافه ولا تنبش ع السوالف لكن سوالف عاديه
مثلا وحده تلقينها مصوره سناب انها مسافره طبيعي بسألها وين رايحه
يقولون لي لقافه
انزين عيل شحقه مصوره بس عشان الناس تشوف وما تسأل !
ممكن اكون مثلا رايحه لهالدوله وممكن أفيدج
انا وحده احب اسولف
:(

أختي أنا أشوف مثل هذي الأسئلة طبيعية.. وما يصنفونها من باب اللقافة

إن شفتيها نزلت صورة أكل في مطعم.. عادي لو سألتي وين هذا المكان أو سألتي عن مستوى أسعاره بشكل عام
مب كم دفعتوا.. (هذا السؤال محرج.. لأنها يمكن لقته غالي فما طلبت غير شي بسيط أو كانت ناسية بوكها.. الخ)

لكن اللقافة تصير لما تبين تعرفين من كان معاكم وليش رحتوا وايش سولفتوا فيه ومن دفع

في فرق بين الأسئلة الي ينتج عنها تبادل الخبرات والاستفادة .. وبين سؤال الناس بشي يمثل خصوصية لهم وما راح يفيدج.. فقط لإرضاء الفضول

[Miss]

جنووووون
خلي عنج اللقافة ليش تبين تعرفين ..
خلي الملاقيف في حالهم خخخخخ
اللقافة أنواع و درجات ..
يعني لقافة مس حلوة و خفييفة
ما أسميها لقافة أصلاً ..
كلامها منطقي و أقنعني ..
اللقافة اللي تجيب المرض اللي يدورون السوالف ..
يسألون عن كل شي
اللي يعنيهم و اللي ما يعنيهم ..
يبررون أنه فضول*
إلا لقافة ما بعدها لقافة ..
فيه ناس فعلا تسألج عن الحوه وعروقها
واكثر شي يحر لما تجاوبينها وتقولج اي يقولون
دامج تدرين شحقه تنشدين :anger1:



أختي أنا أشوف مثل هذي الأسئلة طبيعية.. وما يصنفونها من باب اللقافة

إن شفتيها نزلت صورة أكل في مطعم.. عادي لو سألتي وين هذا المكان أو سألتي عن مستوى أسعاره بشكل عام
مب كم دفعتوا.. (هذا السؤال محرج.. لأنها يمكن لقته غالي فما طلبت غير شي بسيط أو كانت ناسية بوكها.. الخ)

لكن اللقافة تصير لما تبين تعرفين من كان معاكم وليش رحتوا وايش سولفتوا فيه ومن دفع

في فرق بين الأسئلة الي ينتج عنها تبادل الخبرات والاستفادة .. وبين سؤال الناس بشي يمثل خصوصية لهم وما راح يفيدج.. فقط لإرضاء الفضول
قد قالت لي وحده انتي الوحيده اللي تسأليني فالسناب :(
شحقه مصوره ؟
عشان اروي العالم اني طالعه
لكن اذا انا حاطه شي يالله التلفون ما يسكت :(

[مستوى الدعم]

فيه ناس فعلا تسألج عن الحوه وعروقها
واكثر شي يحر لما تجاوبينها وتقولج اي يقولون
دامج تدرين شحقه تنشدين :anger1:


قد قالت لي وحده انتي الوحيده اللي تسأليني فالسناب :(
شحقه مصوره ؟
عشان اروي العالم اني طالعه
لكن اذا انا حاطه شي يالله التلفون ما يسكت :(

الي تسأل وهي تعرف الجواب..هي تشتغل على مطابقة الروايات..
تبي تشوف شكثر انتي تصدقين معاها في سوالفج
تدرين لو اختلفت روايتج عن الي سمعته من الناس
بتلقى فرصة تسوي أكشن.. وتقول للناس إنج انكشفتي وطلعتي بوجهين...

أما الي تقول لج بس إنتي الي تسألين في سناب..
خلاص لا تسألينها.. لأنها واضح ما تحب تفيد
هي فقط تحط الصور عشان هدف ثاني مثل أنها تقول لكم أنا كشخة.. أو لي حياة اجتماعية.. أو تبي تحر وحدة معينة

[aloosh]

احلى شي لما تسولف معا واحد
ويجيك واحد يقول لك
ها ايش قال لك بيموت ويعرف السالفه:)

[JN000N]

والله عندي كلام وايد بس تمهلي قليلاً يا أخت العرب

حمد .. حسابك عندي .. و مدرس الانجليزي لك على حسابي بعد
:omen2:


أما أن الشخص يعترف بلقافته. . عندي شك أنه بيصير

اعترف اني شخصية صعب اتلقف
لأنه حسب خطة حياتي.. وايد تفاصيل ما تهمني

عندي قناعة تامة بحرية الأشخاص في عرض الي يبونه من حياتهم وكتم الي ما يبونه..

عدم التلقف على الناس يتيح لي اني ما اسمح لأحد يتلقف علي

انا ارى ان اللقافة تنزل من قيمة الإنسان.. لأنه لو كانت حياته لها قيمة ما كان شغل نفسه بحياة الناس..

اللقافة شعور يسبب الإزعاج لصاحبه لأنه يريد أن يعرف وقد لا يكون هناك من يدله على الخبر. .. بعض الملاقيف لا ينام الليل وهو يفكر في كل السيناريوهات المحتملة كجواب على تساؤلاته.. أو يفكر فيمن قد يكون لديه خبر.. ثم يفكر في طرق للوصول إليه لطلب المعلومة التي يريدها

الملقوف غالبا يكون شخصا لا يتصف بالحياء أو الخجل لأن هاتين الصفتين تمنعان من شفاء الغليل.. فكيف سوف يسأل عما يريد أن كان يخجل

أسوأ نوع من الملاقيف من لا يرضى بالمعاملة بالمثل
فهو يرى من حقه أن يسألك عن كل شيء وعندما تسأله مباشرة بعد أن سألك. . تجده يصدك بعدم الإجابة أو بإعطاء إجابة كاذبة

إلى الملاقيف اهديكم حديث رسولنا الكريم صلى الله عليه وسلم :
"من حسن إسلام المرء تركه ما لا يعنيه"

هلا بالغاليه مستوى الدعم
تدرين يوم قريت ردج خفت اكون من اللي ينقال عنهم ملاقيف بالمعنى الحرفي
بس يوم شفت مشاركة مس وردج عليها
قلت الحمدلله ماتعتبر لقافه هههه

مثل ما نبي الناس يعاملونا احنا لازم نتعامل معاهم جذي
لين اللقافه كانت تضايقني وماحب حد يتدخل ف اموري الخاصه غيري نفس الشي ولازم ماتعدى الخط الاحمر اللي انا لازم احطه ف تعاملي مع اي شخص

عليه الصلاة والسلام
وهذا هو افضل استشهاد للموضوع
جزاج الله خير حبيبتي

[ولد العرب]

والله عندي كلام وايد بس تمهلي قليلاً يا أخت العرب

حمد .. حسابك عندي .. و مدرس الانجليزي لك على حسابي بعد

صج اختي يامشرفتنا عندي اخت هني :app: جنون اختي العوده ابي السياره الحمراء :shy:

[شبح الصمت]

يا شين اللقافه ..

[ضوى]

جنون ليش ملقوفة انتي وفيج فضول تعرفين كل شي :tease:

لي عودة بعد وجود امثلة كثيرة على اللقافة من بعض احبائي

[JN000N]

عدنا .. و العود أحمــــدُ

بدايةً : أبي أعرف شنهو هدفج من الموضوع بالضبط ؟؟
و هل صار لج موقف معين خلاج تطرحينــــه ؟؟
و لو عرفتي .. ايش بتكون خطوتج التالية ؟؟
و هل أنتِ من النوع الفضولي ؟؟
وماذا ؟ و كيف ؟ و أين ؟ و لماذا ؟ و و و و

شرايج فيني وانا فضولية :nice:

الفضوليين ( و طبعاً الكلام يشمل الجنسين ) أنواع :

اللي يبي يعرف عشان يلم بالموضوع كامل .. و يعيش معاك الموقف و يساعدك في الوصول إلى حل مشكلة معينة

و في اللي يبي يعرف عنك كل شي : لأنك ببساطة شخص تهمه .. و يحب يكون معاك على الحلوة و المرة

و في اللي يبي يعرف لمجرد المعرفة .. لا هو اللي بيساعدك في شي .. ولا هو اللي بيضرك حتى .. ولا إن هالمعرفة بتأثر عليه هو شخصياً بشكل أو بآخر
و هاذي هي اللقافة بعينها و علمها

و في اللي يبي يعرف .. عشان ياخذ المعلومات منك .. و يستغلها عشان يسيء لك .. سواء انت ضريته أو ما سويت له شي يستاهل الإساءة
يعني سبحان الله في ناس مجبورين على الشر

و في اللي يبي يعرف .. عشان يسعى لك بالفايدة من غير ما انت تعرف .. سواء عشان يصلح بينك و بين حد مثلاً .. أو عشان يسعى لك في موضوع زواج كمثال آخر

هاذي الأنواع اللي تحضرني الحين
و اذا تذكرت شي بعد برد اكتبه :nice:

تحياتي لج
و لا تنسين تجاوبين على أسئلتي البريئة
( ذكرتيني بمجلة ماجد .. ابحث عن فضولـــــي ) :secret:

مابي احمد :sneaky:
قولي محمد قولي علي :shy: وحبذا الاول :secret:

لا تساليني من محمد لو سمحتي واتركي عنج اللقافه الزايده

الفضول قاتل يا الحياه
ياما فضول هدم علاقات وبيوت وسوى مشاكل
خرب بين الاصدقاء وبين الازواج وحتى بين الاخوان
هاي نوع الفضول الضار
وصح في نوعية اشخاص يسالون عنك وهالسؤال مب ضار ابدا بالعكس لو ما سالو احنا بنقول شفيهم ما يسالون عنا؟ ليش ما يهتمون فينا
هاي السؤال محبب والكل يحتاجه عشان يحس ان في حد معاه يهتم فيه
مب أبجورة ليتها محروق ف زاوية الغرفه :weeping:

احب ابحث عن فضولي :shy:

[sweet qatar]

مثل ماذكرت الحياة

إذا الشخص يهمني أمره .. أعترف إني أحس بالفضول تجاه كل شي يصادفه ويسويه


و يصيدني الفضول إذا السالفة فيها مشاعر و أحاسيس :shy:


أما اللقافة عن فلوس وحلال وخصوصيات البيت مالي حاجة فيها ولا تثير فضولي


وعلي فكرة احنا دايماً نذم الفضول واللقافة

"الفضول ذبح العيوز"

بس ترا أول الإبداع فضول :o

[حمد 2002]

هل هناك لقافه ايجابيه ولقافه سلبيه ؟

[مستوى الدعم]

هل هناك لقافه ايجابيه ولقافه سلبيه ؟

جميل سؤالك..

اللقافة كلها سلبية

والصفة الإيجابية المضادة لها حب الاستطلاع...

ما هو الفرق بينهما؟

اللقافة: تمثل الفضول التجسسي الذي يدفع صاحبه للبحث عن أمور لا تفيده في الدنيا أو الآخرة.. ويكون عبر التطفل على الأمور الشخصية للناس.. وهي تفاصيل قد لا يرغب الناس في نشرها لأسباب تخصهم.. مثل أسباب مشاكلهم الزوجية.. تفاصيل أمورهم المادية مثل الراتب وكيفية صرفه...

حب الاستطلاع: يمثل التساؤلات الطبيعية التي تأتي في إطار الاهتمام الطبيعي أو تبادل الخبرات.. فعندما تلمح صديقك لونه شاحب.. من الواجب أن تسأله إن كان مريضاً وهل يحتاج مساعدة.. كما يحدث تبادل الخبرات عندما أسأل صديقتي هل تنصحين بالسفر للبلد الفلاني؟ وهل الفنادق هناك جيدة؟ وما هي وسائل المواصلات.. الخ..

[JN000N]

ترجمة و معنى لقافة في قاموس المعاني

لقافة :

لقافة
1 - حذق ، مهارة

لقافة الصغار
http://www.khlgy.com/uploads/khlgy143256390141.jpg

لقافة حيوانات

http://www.khlgy.com/uploads/khlgy1432563902072.jpg

http://www.khlgy.com/uploads/khlgy1432563902813.jpg

http://www.khlgy.com/uploads/khlgy1432563908084.jpg




http://www.khlgy.com/uploads/khlgy1432563909155.jpg


القافة سلوب غير محبب والله يعيننا عليهم

الصور محاولة لتخفيف من مشكلة نعاني منها



ههههههههههه حيالله ريم الشمال
هاي هو المقصود ان اللقافه تضر الملقوف اكثر

الصورة الاخيره جمهور ماشاءالله

[JN000N]

انا احب أسأل الصراحه
مب لقافه ولا تنبش ع السوالف لكن سوالف عاديه
مثلا وحده تلقينها مصوره سناب انها مسافره طبيعي بسألها وين رايحه
يقولون لي لقافه
انزين عيل شحقه مصوره بس عشان الناس تشوف وما تسأل !
ممكن اكون مثلا رايحه لهالدوله وممكن أفيدج
انا وحده احب اسولف
:(

مثل ما قالت اختنا مستوى الدعم الاسئلة هذي ما تصنف من ضمن اللقافة
والحمدلله لاني انا نفسج
لين عجبني شي او شدني شي بسال عنه
اما اني اـسأل عن الحوه وعروقها لا مالي حق

[JN000N]

جنووووون
خلي عنج اللقافة ليش تبين تعرفين ..
خلي الملاقيف في حالهم خخخخخ
اللقافة أنواع و درجات ..
يعني لقافة مس حلوة و خفييفة
ما أسميها لقافة أصلاً ..
كلامها منطقي و أقنعني ..
اللقافة اللي تجيب المرض اللي يدورون السوالف ..
يسألون عن كل شي
اللي يعنيهم و اللي ما يعنيهم ..
يبررون أنه فضول*
إلا لقافة ما بعدها لقافة ..

ههههههههههههه
عااااااااااااااااد
حبيت لقافة مس :con2: يعني مس ملقوفه طلعت ؟ :eek2:
لالا بصوم هذي مب لقافه
لازم نفرق بين السؤال العادي
وبين اللقافة
اللقافة هي السؤال ف أمور لاتعنيك أبد ولكن فقط لقافه ف الشخص يبي يعرف

[JN000N]

أختي أنا أشوف مثل هذي الأسئلة طبيعية.. وما يصنفونها من باب اللقافة

إن شفتيها نزلت صورة أكل في مطعم.. عادي لو سألتي وين هذا المكان أو سألتي عن مستوى أسعاره بشكل عام
مب كم دفعتوا.. (هذا السؤال محرج.. لأنها يمكن لقته غالي فما طلبت غير شي بسيط أو كانت ناسية بوكها.. الخ)

لكن اللقافة تصير لما تبين تعرفين من كان معاكم وليش رحتوا وايش سولفتوا فيه ومن دفع

في فرق بين الأسئلة الي ينتج عنها تبادل الخبرات والاستفادة .. وبين سؤال الناس بشي يمثل خصوصية لهم وما راح يفيدج.. فقط لإرضاء الفضول
هذي اسئلة فيها فايده عامه وامور مب خاصه وشخصيه
السؤال عن اسعار شي ومن وين شريتيه ووين هالمنطقه الي رحتيها
مثال للقافه
لين حد سافر شهر او شهرين
ويجيج حد ملقوف ويقول وين مسافر انت هالكثر؟ تقولين له المكان الفلاني يقول هالكثر مسافر؟ تقولين اجازه والجو حار هني وماعندنا شي قلنا بنغير جو! يقول اي هالكثر عاد؟ حتى رمضان ماتقرون ف بلادكم؟ كلكم سافرتو ماتم ف البلاد الا الاجانب :omen2: هذي نوع من انواع اللقافه الكريهه

وصح نوع لقافه كريه اذا سألو اللي توها متزوجه ماستغبيتي؟ ماحملتي؟ ويمر كم شهر والبنت مسكينه ماحملت ويقولون شدعوه لحين ماحملت؟ ماعليكم منها حامل وماتبي تقول! والا لين جافو عدت سنه وماحملت اي اكيد مريضه وتعالج ولين حملت اي ماحملت الا من العلاج
زين ليش اللقافه؟ حملت والا ماحملت شنقص منكم؟


فيه ناس فعلا تسألج عن الحوه وعروقها
واكثر شي يحر لما تجاوبينها وتقولج اي يقولون
دامج تدرين شحقه تنشدين :anger1:


قد قالت لي وحده انتي الوحيده اللي تسأليني فالسناب :(
شحقه مصوره ؟
عشان اروي العالم اني طالعه
لكن اذا انا حاطه شي يالله التلفون ما يسكت :(

نوع اللي يسال عن الحوه وعروقها هاي يكون عارف بالموضوع اكثر منج اصلا بس يسال يخاف يكون عندج معلومه هو لحين ما عرفها ههههههه

[ابوالكلام]

اهلا انا اتوقع بان اللقافة ثقافة مجتمع ولاكن ليس من الظروري بان يكون الشخص الملقوف سيى ولكن شيى تعود عليه ومع الوقت سوف تتلاشى هذه العادة

[َQernas_Qtr]

شنو غداكم اليوم ؟ :tease:

[ضوى]

من هو الشخص الملقوف ؟ هو الشخص اللي يدخل عصه بشي مايخصه ويسال بكل شي ويبي يعرف كل شي يدخل بتفاصيل كل شي كل شي كم راتبك وكم علاواتك وكم بونس في السنة تاخذ ووين تسافر واشكثر تصرف في السفر باختصار يبي كل العلوم تكون عنده سواء تهمه والا ماتهمه . والشخص الفضولي والشخص الملقوف
اما اللي يحب من باب الفائدة فهذا اكيد يختلف عن الملقوف يبي يعرف عشان يستفيد خاصة اللي يسال عن الشاياء العلمية والتاريخية ويبي يعرف تفاصيل كل شي للاستفادة والاستزادة

[فريج شرق]

موضوعك جيد يا جنون بس ما اقول الا مثل ما قال المثل "الفاضي يعمل قاضي"

[مهرة]

..

وعليكم السلام والرحمه جنوون هانم ,,

أبدعتي في السرد وخاصة في كلمة ( التهلكة ) تعبتي فيها كثير وصدق عجبتني كثيرن كثير ولو بعد موثقة الله ما أجملها من (تهلكة) .!

لازم لقافة شي طبيعي وصحي يكون حولنا,, مرات احنا نتليقف بس مو على اي حد نتليقف حباً وشفغاً في (محبينا وأهلنا وأصدقائنا ) والي لهم معزه بس,, ولكن هذا مش معناته أتتدخل في قراراتهم واختياراتهم ولكن أتتدخل يهمني سعادتهم ورضاهم ويمكن تفيد اللقافه في بعض المواقف والمواضيع الحساسه .!

مش ندور السوالف عشان الفضايح فيه نوعية من الناس (المريضة) تحب هالنوع من اللقافه وقصدهم الشوشرة أو الأنتقام أو خلق جمهور تافهه حولها من ورا سمعة الناس وبالأخير ترا هم الخسرانيين ومهما كابروا يبين فيهم عاجلاً أم أجلاً.!

فيه مسمى ثاني على مود اللقافة (حب الأستطلاع) ومثل ماعطتنا ريم صور توضيحية للأطفال والحيوانات الأليفة هذي شي فطري فيهم يكتشفون كل الي حولهم ويجربونه ممكن يكون ظاهرياً لنا احنا الكبار انه لقافه بس لهم يعتبر شي جديد وجذاب ولازم يتحرون عنه.,

أما بالنسبة لأكثر مستوى لقافة طبعاً بين الجنسين كان المستوى للمرأة هو المتسيد وبدا مستوى الرجل في الأرتفاع رويداً رويداً وهذه الأيام من آخر الأستبيانات والإختبارات العقلية وصلت النتائج إلى مافوق المتوقع إلى أوج (أم) اللقافه فهنيئاً للبعض وخاصة الي يهمهم القيل والقال والتطبيل والتزمير .!

[JN000N]

احلى شي لما تسولف معا واحد
ويجيك واحد يقول لك
ها ايش قال لك بيموت ويعرف السالفه:)
هههههههههههههههههههههه
ولين تكلمت ف التلفون وسكرت يقولون لك من تكلم؟

[بشائر]

موضوعج حلو عزيزتي ..
واللقافة طبع في بعض البشر صعب يتخلى عنه ..
أعرف وحدة تموووت بس تعرف سالفة تحفر القاع لين تطلع الأخبار ..
وكل يووم عندها سالفة شكل ماعمرها قعدت معنا إلا وعندها سالفة سبحان الله !
وهي تدري انها ملقوووفة وتقولها كاش .. والدنيا حلوة ..
عني شخصيا ماحب اتلقف على حد .. عجبني كلام مستوى الدعم ومؤيده له بقوة ..

ريم الشمال .. الله يسعدك حبيت مشاركتك .. خفيفة ..

واللقافة ترى أنواااع ..

اللقافة شيء جميل ....استغفر الله.

[Miss]

مثل ما قالت اختنا مستوى الدعم الاسئلة هذي ما تصنف من ضمن اللقافة
والحمدلله لاني انا نفسج
لين عجبني شي او شدني شي بسال عنه
اما اني اـسأل عن الحوه وعروقها لا مالي حق
توأمي هههههههه



ههههههههههههه
عااااااااااااااااد
حبيت لقافة مس :con2: يعني مس ملقوفه طلعت ؟ :eek2:
لالا بصوم هذي مب لقافه
لازم نفرق بين السؤال العادي
وبين اللقافة
اللقافة هي السؤال ف أمور لاتعنيك أبد ولكن فقط لقافه ف الشخص يبي يعرف
لحد يطلع علي اشاعه :sneaky:
هي سالفه تجر سالفه هههههههههههههههههه


نوع اللي يسال عن الحوه وعروقها هاي يكون عارف بالموضوع اكثر منج اصلا بس يسال يخاف يكون عندج معلومه هو لحين ما عرفها ههههههه
ايي هههههههههههههههههه
على قولة صاحبتنا
( ناس مخنزه ) :)

[الحياة الخالدة]

حلو الموضوع يا جماعة
لكن رجاء لا تضربون أمثلة من هذا المنتدى أو من المنتديات عموماً أو بخصوص الاعضاء
منعاً لحدوث المشادات و تحوير دفة الموضوع

اضطررت للقيام بتعديل إحدى المشاركات

فعذراً

[ROSE]

اللقافة زينه في بعض الاحيان وضارة في احيان اخرى

زينه لما الشخص يسعى لمعرفة امور تخص عمله وحياته ويسعى ورائها

وشينه او ضارة لما الواحد يسعى وراء الاخبار والقيل والقال راح تضره اكثر من انه تنفعه

وممكن اصير ملقوفه واقول لج وحشتيني وايش سويتي في غيابي :shy:

[بنت شرق]

من كم يوم حصل لي موقف ،،،اعتقد ينطبق على سالفة الفضول والوقاحة واللقافة الزايدة ،،جاني ظرف من الموارد الموارد البشرية ،،،ومكتوب عليه خاص لفلانه ،،،تفاجأت انه عليه لزقة
من الخلف ،،وطول عمري استلم الاظرف الخاصة بدون ما تكون مفتوحة ،،،لقافة بعض المسؤولين مالها حل ،،،ما ادري اقدم شكوى رسمية ضدهم او لا،،

[بصمة قطرية]

اللقافة زينه في بعض الاحيان وضارة في احيان اخرى

زينه لما الشخص يسعى لمعرفة امور تخص عمله وحياته ويسعى ورائها

وشينه او ضارة لما الواحد يسعى وراء الاخبار والقيل والقال راح تضره اكثر من انه تنفعه

وممكن اصير ملقوفه واقول لج وحشتيني وايش سويتي في غيابي :shy:

اللقافة ذابحتني ..
تقول لي أسألج وينج مختفية ..؟
الحمدلله على السلامة
ونورتي فديتج ..

[الحياة الخالدة]

اللقافة زينه في بعض الاحيان وضارة في احيان اخرى

زينه لما الشخص يسعى لمعرفة امور تخص عمله وحياته ويسعى ورائها

وشينه او ضارة لما الواحد يسعى وراء الاخبار والقيل والقال راح تضره اكثر من انه تنفعه

وممكن اصير ملقوفه واقول لج وحشتيني وايش سويتي في غيابي :shy:

وانا أبي أتليقف و أقول :

هلا بش .. حي من عاكس اتجاه الريح وجابش
هلا بش .. قد ما سوى الوله فيني بغيابش

و يا زين موضوع اللقافة اللي جابش

[JN000N]

صج اختي يامشرفتنا عندي اخت هني :app: جنون اختي العوده ابي السياره الحمراء :shy:

اخوي من امي وابوي مابي اعطيه
وانت ابوي ف الاسلام تبي اعطيك؟
بعدين انا بنت من بناتك ويني ووين اصير اختك

[JN000N]

يا شين اللقافه ..


اييييي والله وانت الصاج

[حليتان*]

مب ضروري دم تكون لقافه


ممكن هالشخص تهمه اخباري ويعزني عشان جي سال ؟

[JN000N]

جنون ليش ملقوفة انتي وفيج فضول تعرفين كل شي :tease:

لي عودة بعد وجود امثلة كثيرة على اللقافة من بعض احبائي

عااااد
خليني اتليقف ع راحتي يا قلبي
بعدين من احباءج الملاقيف > سوال فضولي بس

[مستوى الدعم]

قالت لي صديقتي مرة أن أمها رحمها الله كانت توصيها وإخوتها بعدم التفتيش وراء أحد..

لأنهم غالباً لن يجدوا شيئاً يسرهم.. لذلك فالأفضل أن يحتفظوا بسلامة قلوبهم..

في يوم من الأيام جاءت أختها المتزوجة مستاءة وشكت لوالدتها... قائلة:

أنا فتشت في أوراق زوجي واكتشفت أنه قام بتحويل مبالغ كبيرة لوالدته وهي لا تحتاجها.. في وقت كنت أطلب منه بعض المصاريف لي ولولدي وكان يقول: ما عندي..

فقالت لها والدتها : هل سرك ما رأيتِ؟
قالت : لا
فردت الأم: هل تستطيعين أن تقولي له وأن تحاسبيه؟
البنت: طبعاً لا.. فكيف أقول له أني نبشت أوراقه دون علمه..

قالت لها أمها: هذا ما عنيته.. أنت لم تحبي ما رأيتي.. وفوق ذلك ستكونين مقهورة لأنك تعلمين ولا تستطيعين أن تفعلي شيئاً..

[JN000N]

مثل ماذكرت الحياة

إذا الشخص يهمني أمره .. أعترف إني أحس بالفضول تجاه كل شي يصادفه ويسويه


و يصيدني الفضول إذا السالفة فيها مشاعر و أحاسيس :shy:


أما اللقافة عن فلوس وحلال وخصوصيات البيت مالي حاجة فيها ولا تثير فضولي


وعلي فكرة احنا دايماً نذم الفضول واللقافة

"الفضول ذبح العيوز"

بس ترا أول الإبداع فضول :o

حتى بعض المشاعر والاحاسيس مرات تصدم الواحد وتخليه يتحسف عالساعه اللي فكر يعرف فيها
فرق بين فضول يؤدي للابداع
وهو توتالي دفرنت عن الفضول (اللي يقصد به اللقافه) اللي ماله داعي
ونورتي

[JN000N]

هل هناك لقافه ايجابيه ولقافه سلبيه ؟

لا اللقافه كلها شينه

[JN000N]

جميل سؤالك..

اللقافة كلها سلبية

والصفة الإيجابية المضادة لها حب الاستطلاع...

ما هو الفرق بينهما؟

اللقافة: تمثل الفضول التجسسي الذي يدفع صاحبه للبحث عن أمور لا تفيده في الدنيا أو الآخرة.. ويكون عبر التطفل على الأمور الشخصية للناس.. وهي تفاصيل قد لا يرغب الناس في نشرها لأسباب تخصهم.. مثل أسباب مشاكلهم الزوجية.. تفاصيل أمورهم المادية مثل الراتب وكيفية صرفه...

حب الاستطلاع: يمثل التساؤلات الطبيعية التي تأتي في إطار الاهتمام الطبيعي أو تبادل الخبرات.. فعندما تلمح صديقك لونه شاحب.. من الواجب أن تسأله إن كان مريضاً وهل يحتاج مساعدة.. كما يحدث تبادل الخبرات عندما أسأل صديقتي هل تنصحين بالسفر للبلد الفلاني؟ وهل الفنادق هناك جيدة؟ وما هي وسائل المواصلات.. الخ..

بالضبط
شرح ولا اروع

[JN000N]

اهلا انا اتوقع بان اللقافة ثقافة مجتمع ولاكن ليس من الظروري بان يكون الشخص الملقوف سيى ولكن شيى تعود عليه ومع الوقت سوف تتلاشى هذه العادة

استوقفتني هالكلمه
حاولت افهم معناها :rolleyes2:
ممكن تشرح لي؟ شلون اللقافة هي ثقافة مجتمع

[JN000N]

شنو غداكم اليوم ؟ :tease:

لا عااااااااد
الا هالسؤال هههههه لاتقول عنه لقافه
هاي اللقافه الحلوه ترى

[JN000N]

من هو الشخص الملقوف ؟ هو الشخص اللي يدخل عصه بشي مايخصه ويسال بكل شي ويبي يعرف كل شي يدخل بتفاصيل كل شي كل شي كم راتبك وكم علاواتك وكم بونس في السنة تاخذ ووين تسافر واشكثر تصرف في السفر باختصار يبي كل العلوم تكون عنده سواء تهمه والا ماتهمه . والشخص الفضولي والشخص الملقوف
اما اللي يحب من باب الفائدة فهذا اكيد يختلف عن الملقوف يبي يعرف عشان يستفيد خاصة اللي يسال عن الشاياء العلمية والتاريخية ويبي يعرف تفاصيل كل شي للاستفادة والاستزادة

اغلب الملاقيف لقافتهم ضاره
لا وبعد بعضهم ينصحون ههههههههه
نفس الي ما يابت الا بنات
ومضى العمر والله مارزقها بولد
اتييها وحده تنصحها تحملي انتبهي على زوجج تلاقينه مسويها من وراج ماخذ مره يبي الولد اكيد
كل الرياييل جذي
خل يكتب البيت باسمج وخل يحط توفير لكل بناته وخل يعطيج توكيل على كل حلاله
وخذي المشاكل عقب

[الزعفراني]

موضوع حلو .. يقولون ان النساااااااااء اكثر لقافه من الرجال ؟ ما صحة هالمقولة :)

[بصمة قطرية]

اغلب الملاقيف لقافتهم ضاره
لا وبعد بعضهم ينصحون ههههههههه
نفس الي ما يابت الا بنات
ومضى العمر والله مارزقها بولد
اتييها وحده تنصحها تحملي انتبهي على زوجج تلاقينه مسويها من وراج ماخذ مره يبي الولد اكيد
كل الرياييل جذي
خل يكتب البيت باسمج وخل يحط توفير لكل بناته وخل يعطيج توكيل على كل حلاله
وخذي المشاكل عقب

ذكرتيني باللي دوم يقولون لي
ليش ما يبتي بنت ..!
أكيد متشفقة على البنات ..!
ما في خاطرج تكون عندج بنت ..!!
و أسئلة كثيرة عن هالشي ما تخلص ..
هاي اش تعتبرينه ..!!

[مستوى الدعم]

هناك مثل انجليزي يقول

curiosity killed the cat

اللقافة ذبحت القطوة

ورأيت هذا الرسم الكاريكاتوري عليها فأحببت أن أشارككم

http://www9.0zz0.com/2015/05/27/12/226006846.png

[JN000N]

..

وعليكم السلام والرحمه جنوون هانم ,,

أبدعتي في السرد وخاصة في كلمة ( التهلكة ) تعبتي فيها كثير وصدق عجبتني كثيرن كثير ولو بعد موثقة الله ما أجملها من (تهلكة) .!

لازم لقافة شي طبيعي وصحي يكون حولنا,, مرات احنا نتليقف بس مو على اي حد نتليقف حباً وشفغاً في (محبينا وأهلنا وأصدقائنا ) والي لهم معزه بس,, ولكن هذا مش معناته أتتدخل في قراراتهم واختياراتهم ولكن أتتدخل يهمني سعادتهم ورضاهم ويمكن تفيد اللقافه في بعض المواقف والمواضيع الحساسه .!

مش ندور السوالف عشان الفضايح فيه نوعية من الناس (المريضة) تحب هالنوع من اللقافه وقصدهم الشوشرة أو الأنتقام أو خلق جمهور تافهه حولها من ورا سمعة الناس وبالأخير ترا هم الخسرانيين ومهما كابروا يبين فيهم عاجلاً أم أجلاً.!

فيه مسمى ثاني على مود اللقافة (حب الأستطلاع) ومثل ماعطتنا ريم صور توضيحية للأطفال والحيوانات الأليفة هذي شي فطري فيهم يكتشفون كل الي حولهم ويجربونه ممكن يكون ظاهرياً لنا احنا الكبار انه لقافه بس لهم يعتبر شي جديد وجذاب ولازم يتحرون عنه.,

أما بالنسبة لأكثر مستوى لقافة طبعاً بين الجنسين كان المستوى للمرأة هو المتسيد وبدا مستوى الرجل في الأرتفاع رويداً رويداً وهذه الأيام من آخر الأستبيانات والإختبارات العقلية وصلت النتائج إلى مافوق المتوقع إلى أوج (أم) اللقافه فهنيئاً للبعض وخاصة الي يهمهم القيل والقال والتطبيل والتزمير .!

حلفي عاد!
لا الحبايب اللي بسال عن احوالهم واخبارهم ما تعتبر لقافه
لان مصلحتج تعرفين انهم بخير من حبج لهم
ولو جفتي عليهم شي يضايق اكيد بتساعدينهم
هني الوضع غير
لكن اللقافه اللي ما وراها الا عوار الراس والاذيه والسوالف الماصخه
اييج واحد فاضي عمل بس يبي يبربر ويتكلم ف امور يجهل فيها بعد ويسال عن اشيا ماله دخل فيها
هذي شنسميه؟

[JN000N]

موضوعج حلو عزيزتي ..
واللقافة طبع في بعض البشر صعب يتخلى عنه ..
أعرف وحدة تموووت بس تعرف سالفة تحفر القاع لين تطلع الأخبار ..
وكل يووم عندها سالفة شكل ماعمرها قعدت معنا إلا وعندها سالفة سبحان الله !
وهي تدري انها ملقوووفة وتقولها كاش .. والدنيا حلوة ..
عني شخصيا ماحب اتلقف على حد .. عجبني كلام مستوى الدعم ومؤيده له بقوة ..

ريم الشمال .. الله يسعدك حبيت مشاركتك .. خفيفة ..

واللقافة ترى أنواااع ..

اللقافة شيء جميل ....استغفر الله.

الحلو ردج حبيبتي بشاير
صح في ناس صادهم مرض اللقافه بدرجه مب طبيعيه
تعرفين اعرف ناس صرت اكره لين ياو عندي البيت
يفتحون الدروج والكباته ويفتحون الثلاجه ويجوفون شنو فيها بس لقافه
اللقافه مستويات
الله يكفينا شر الملاقيف

[ضوى]

الا على طاري اللقافة هل تعتبر جزء من الحمق ؟ والا هذا شي وهذا شي ؟

[JN000N]

https://www.youtube.com/watch?v=H9H2sO7xiT8

شوفو الفيديو وعطوني رايكم

[JN000N]

توأمي هههههههه

لحد يطلع علي اشاعه :sneaky:
هي سالفه تجر سالفه هههههههههههههههههه

ايي هههههههههههههههههه
على قولة صاحبتنا
( ناس مخنزه ) :)

اصلا احلى شي السالفه اللي تجر وراها السوالف
اي والله ناس مخنزه

[مهرة]

الا على طاري اللقافة هل تعتبر جزء من الحمق ؟ والا هذا شي وهذا شي ؟


يمكن ليش لأ ., على الأغلب الملقوفين اتحسينهم مرات مهابيل مايعرفون ليش فيهم عرق اللقافه وحتى ملسونيين يردون عليج بردوود مفجعه ومرات غبيه ومبهمه .!