جلسة تداول يوم الثلاثاء 26.5.2015

[مضارب دوسري]

السلام عليكم ورحمة الله وبركاته

واسعد الله صباحكم بكل خير

[عبد الحميد]

عال 12 تماما :)

وعليكم السلام ورحمة الله وبركاته وافتتاحية طيبة مباركة لك يالغالي :nice:

موفقين جميعا باذن الله...

[مضارب دوسري]

ملعوبه ومتعوب عليها يا عبد الحميد هههههه

[مضارب دوسري]

السلام عليكم ورحمة الله وبركاته
اضع لكم التحديث
موشر قطر لتداول يوم الثلاثاء 26-.05-2015

https://youtu.be/_QmOA-5ONNg

تحليل مهم متابعته لمعرفة مقاومات ودعوم المؤشر والاسهم

ينصح باستخدام ورقه وقلم

[.:: القيصر ::.]

السلام عليكم

صباح الخير

يعطيك العافية على الافتتاحية

و يوم موفق

[مضارب لحظي]

صباح الخير للجميع ولاخونا مضارب دوسري
ارتداد برنت من 65 $ والان هبوط نصف نقطة مع المحافظة على سعر فوق 65 شيء يجعل استقرار في السوق
اتمنى تكون جلسة مليئة بالتفاؤل والخير على الجميع

[bo7md]

السلام عليكم

صباح الخير وبالتوفيق للجميع والربح الوفير الحلال باذن الله

[ابن البيطار]

السلام عليكم وصبحم الله بالخير والرضا

نتمنى يوم طيب للجميع ورزق حلال من رب العالمين

تابعوا اليوم سهم الريان دخول بنصف السيوله اذا تجاوز 46 -سهم ازدان شرط تجاوز 21-الدوليه انتظار- بروه انتظار -مزايا شرط تجاوز 19.60 الصعبه -فودا ممكن يكون فيها مضاربه جيده خصوصا قبل اعلانها -

افضل اسهم استثمار في السوق على راس المال قطر وعمان -نمو ممتاز- التكافلي -التحويليه-وقود -ملاحه- المتحده -توزيع مستدام ممتاز وعائد بين 7و5% على راس المال

هذا راي شخصي والعلم عند الله

[لـبـيـه]

السلام عليكم ورحمة الله وبركاته

[H H]

السلام عليكم ورحمة الله وبركاته

صبّحكم الله بالخير

[ابوفارس]

السلام عليكم ورحمة الله وبركاته

[بوخميس]

السلام عليكم ورحمة الله وبركاته

صبحكم الله بالخير والسعادة

( يا الله رزقٍ ما عملنا له حساب)

[atiq]

السلام عليكم ورحمة الله وبركاته :)

[H H]

وعليكم السلام ورحمة الله وبركاته , ارحبوا جميعاً


عتيق زمان عنك , منوّر الحته

[عبد الحميد]

السلام عليكم ورحمة الله وبركاته واسعد الله صباحكم بكل خير...

اليوم عيني على المصرف والريان...

عسى الله يوفقكم اجمعين ان شاء الله...

[الدوحة 2010]

السلام عليكم وصبحم الله بالخير والرضا

نتمنى يوم طيب للجميع ورزق حلال من رب العالمين

تابعوا اليوم سهم الريان دخول بنصف السيوله اذا تجاوز 46 -سهم ازدان شرط تجاوز 21-الدوليه انتظار- بروه انتظار -مزايا شرط تجاوز 19.60 الصعبه -فودا ممكن يكون فيها مضاربه جيده خصوصا قبل اعلانها -

افضل اسهم استثمار في السوق على راس المال قطر وعمان -نمو ممتاز- التكافلي -التحويليه-وقود -ملاحه- المتحده -توزيع مستدام ممتاز وعائد بين 7و5% على راس المال

هذا راي شخصي والعلم عند الله



صباح النور ايش رايك في السلام والطبية

[atiq]

وعليكم السلام ورحمة الله وبركاته , ارحبوا جميعاً


عتيق زمان عنك , منوّر الحته

حياك الله يا h h

فالك التوفيق

[مشروع هاموور]

سلام عليكم ورحمة الله وبركاته
منورين الجميع

[H H]

وعليكم السلام والرحمه.

ارحبوا جميع

[.:: القيصر ::.]

اليوم ان شاء الله

تسجيل دخول على الريان

احساس انه اكتفى بالنزول و كفاية كذا يا بياعين

الاغلاق من اليوم لاكثر من جلستين الى ثلاث جلسات فوق الــ 45.65 ممتاز للسهم


بالتوفيق


تسجيل دخول للريان من الآن ان شاء الله

[لـبـيـه]

الاسلاميه القابضه ان شاء الله 151

[H H]

ارحب يالقيصر


هذا رايي في الريان , وان كمل صعود ولقطتوه بكره بتخسرون نص ريال ربح ؟ وان شريتوه وكمل نزول؟ تخسرون من راس المال.


برأيي الشخصي , السهم الى الان خطر ومعرض لنزول اكثر واكثر.
الترند الهابط لسهم معين ماينتهي بين يوم وليله (الا اذا كان السوق باكمله يمر بأزمه).

غالباً بيوصل لمرحلة تشبع بيع , وبعدها انعدام سيوله لرفض الملاك البيع على هالاسعار , وبعدها ارتداد.
وحسب مااشوف من تشارت الاخ ابو نور , بارات احجام التداول الى الان مرتفعه نسبياً , وارتفاعها كشراء واغلاق السهم بارتفاع
لايعني انتهاء النزول , السهم من اسبوع تقريبا اغلق بتداول شرائي مرتفع واغلق على ارتفاع , وبعدها كمل نزول!

مثل الدوليه امس, اذا ماكنت غلطان , السهم اعطى نموذج المرأه الحامل (نفس شمعة الريان اليوم) وبعدها اكمل نزوله!

من رأيي , الانتظار طيب , والدخول الآمن افضل من محاولة اصطياد القاع.


للعلم , ماامتلك فالريان وان شالله بشتري فيه قريب , واستفيد من الارتداد.

[atiq]

اليوم ان شاء الله

تسجيل دخول على الريان

احساس انه اكتفى بالنزول و كفاية كذا يا بياعين

الاغلاق من اليوم لاكثر من جلستين الى ثلاث جلسات فوق الــ 45.65 ممتاز للسهم


بالتوفيق


تسجيل دخول للريان من الآن ان شاء الله

لا فلحنا ...تحليل احساس :tease:

[.:: القيصر ::.]

ارحب يالقيصر


هذا رايي في الريان , وان كمل صعود ولقطتوه بكره بتخسرون نص ريال ربح ؟ وان شريتوه وكمل نزول؟ تخسرون من راس المال.

امس قريت تعليقك

اليوم مب داخل بكامل السيولة طبعاً عليه

افكر بـ 10 في مجال الــ 45

و اذا نزل بين الــ 43-44 احط طلب 10 ثانية

وان شاء الله ما يكسر الــ 41 ريال

هي بتكون مخاطرة و احلى المخاطرات عندي في سهمين ( بروة + الريان ) .

[H H]

امس قريت تعليقك

اليوم مب داخل بكامل السيولة طبعاً عليه

افكر بـ 10 في مجال الــ 45

و اذا نزل بين الــ 43-44 احط طلب 10 ثانية

وان شاء الله ما يكسر الــ 41 ريال

هي بتكون مخاطرة و احلى المخاطرات عندي في سهمين ( بروة + الريان ) .


الله يوفقك

[H H]

لا فلحنا ...تحليل احساس :tease:


تحليل الاحساس عندي منه كثير , مثلاً , افكر ادخل فودافون لان اعلانهم بعد كم يوم وبالتحليل الاحساسي السهم بيكون اعلانه ايجابي :shy:

[.:: القيصر ::.]

لا فلحنا ...تحليل احساس :tease:

ههههههههههه

في تحليل :

1- اساسي

2-فني

3-احساسي

و دايما انا اتبع التحليل الاحساسي :tease:

[.:: القيصر ::.]

الله يوفقك

آمين اجمعين

[الدوحة 2010]

ايش رايكم بسلام ياجماعة

[ابن البيطار]

صباح النور ايش رايك في السلام والطبية


السلام سعره ممتاز اذا تملك فيه امسك واذا تنوي الاستثمار الطويل سعره مناسب ولو كنت ناوي تضارب انتظر اختراق 14.35

الطبيه مخاطره تحتمل الاثنين

[.:: القيصر ::.]

شكلهم بيدخلوني فوق الــ 46 ريال

[.:: القيصر ::.]

الله يهدي سهم ازدان

كأن يقول للسوق شوفوني اللون المؤشر احمر و اخضر بنفسي

هههههههههههههههه

[بوخميس]

يالربع اذا اعلان فودافون كان ايجابي، تتوقعون السعر يرتفع؟

يعني نشتري وناخذ ارباح ونبيع بربح ان شاءالله؟

[يعقوب ذياب]

السلام عليكم ورحمة الله وبركاته


صباح الفل والورد والنرجس لكل الموجودين

[ابن البيطار]

مثل ماقلت في البدايه ازدان لا للدخول قبل اختراق 21 .

[ابن البيطار]

عليكم السلام بوذياب صباح النور والسرور

[مضارب دوسري]

عليكم السلام جميعا

نقوم نصحصح ونمخمخ وراجعين لكم

[يعقوب ذياب]

المصرف الى 110 ان شاء الله

[لـبـيـه]

في بيع مطلعين في ازدان او لا

[adell]

طلبات قويه بازدان توحي بقريب المت

[يعقوب ذياب]

ياعيني على الاسلاميه صبح صبح لحد يوقض اللوه

[ابو عبد الرحمن]

السلام عليكم ورحمة الله وبركاته


تقرير تداول المطلعين

بيع مزايا قطر 6,000

[ابن البيطار]

عليكم السلام للجميع

[أبو لين]

السلام عليكم ورحمة الله وبركاته


تقرير تداول المطلعين

بيع مزايا قطر 6,000

اسهم المطلعين ما بتخلص ؟!!!!!!!!!!!!!!كل يوم بيع منهم

[ابو عبد الرحمن]

هل تسويها الاجارة اليوم وتخترق 23

[H H]

الاجاره تداول عالي , ان شالله يخترق ال 23 اليوم

[بوجاسم@قطر]

السلام عليكم


سهم الخليج الدولية اكتفى بالنزول ؟؟

[atiq]

شكلهم بيدخلوني فوق الــ 46 ريال

لا تستعجل تاكد اول شي من الاختراق انه حقيقي

[ابن البيطار]

ازدان محاولات فاشله لاختراق 21

[بوخميس]

في طلبات شراء في ازدان على 21 انحذفت، محتار مع هالسهم والله. ما ادري ايش نهايته

[QtrGate]

عندي احساس ان صانع ازدان مايبي السهم يوصل فوق 21

عندي امر بيع بسعر 20.92

ان شاء الله أتخلص منه

[نــهــار]

صباح الخير

[نــهــار]

يعقوب يسعد صباحك

شرايك بالقابضه للمضارب كم نبيع؟ ونبي رايك للمخازن كم هدفها القريب ؟

[ابو عبد الرحمن]

تقرير تداول المطلعين

بيع مزايا قطر 6,000
شراء الدوحة 19,006
بيع كهرباء وماء 9,000
شراء الخليجي 1,000

[يعقوب ذياب]

يعقوب يسعد صباحك

شرايك بالقابضه للمضارب كم نبيع؟ ونبي رايك للمخازن كم هدفها القريب ؟

قصدك الاسلاميه هو 152 اول هدف

المخازن اول هدف 74

[ابن البيطار]

فيه كم سهم في السوق مالهم لازمه طول السنه مايتداول فيهم اكثر من 10000 سهم لو يشيلونهم بيخففون على اللود والمتابعه بتكون احسن

[ابن البيطار]

ماشالله على القابضه قبل اسبوع شريتها ب131 وبعد 15ثانيه بعتها ب133 واليوم وين وصلت ربي يبارك لملاكها

[يعقوب ذياب]

اهداف المصرف على التوالي 111 وبعدها 116

من الحين لين قبل رمضان ان شاء الله لحد يقول ما قلت له سجل باللي تسجل اهدافي

[ابو عبد الرحمن]

حجم تداول الاجارة قارب على 500000 في اول نصف ساعة من التداول

ماذا يخبىء انا هذا السهم يا هل ترى أم هي عمليات تدوير ؟؟؟؟؟؟؟

[الزعفراني]

السلام عليييييييييييييييييييييكممممممممممممم

صباح الورد والحب والعششششششششششق

انتوا ناس عسل

الله بيوفقكم

[H H]

وعليكم السلام والرحمه

ارحب يالزعفراني

[ابو عبد الرحمن]

حيا الله الزعفراني

ارحب

[نــهــار]

الدوسري غايب اليوم !! تسجيل غياب

[نــهــار]

عليكم السلام الزعفراني

[ابن البيطار]

عليكم السلام ورحمة الله حيالله الزعفراني

رايك في السوق وهل من توصيه من توصياتك المميزه ؟

[atiq]

عليكم السلام على كل من دخل

سلام خاص ل بوذياب و الزعفراني

[ابن البيطار]

الريان اعتقد بيخترق 46 بسيوله طيبه

[الزعفراني]

مبين عندي 15 صفقة بيع اسهم اكتتاب الريان :)

كله 141 سهم الخليجيين يبيعون

[H H]

الزعفراني ممكن تعطينا وضع الاجاره , هل هالسيوله سيولة شراء والا بيع؟ الصفقات تتنفذ بسعر الطلب والا بسعر العرض.

[يعقوب ذياب]

دعواتكم بكره عندي امتحان لحد ينساني

[مساهم متدرب]

السلام عليكم ورحمة الله وبركاته

صبحكم الله بالخير جميعاً

تتوقعون الدولي يلحق المصرف في الصعود؟

[H H]

دعواتكم بكره عندي امتحان لحد ينساني


الله يوفقك

[ابن البيطار]

نسئل الله لك التوفيق يابوذياب

[ابن البيطار]

السلام عليكم ورحمة الله وبركاته

صبحكم الله بالخير جميعاً

تتوقعون الدولي يلحق المصرف في الصعود؟

عليكم السلام ورحمة الله

لا السهم ثقيل جدا اعتقد الريان افضل منه

[ابو عبد الرحمن]

دعواتكم بكره عندي امتحان لحد ينساني

بالتوفيق محللنا الغالي

[يعقوب ذياب]

ياعيني على المصرف احد خذ بالنصيحه والا

[الزعفراني]

عليكم السلام ورحمة الله حيالله الزعفراني

رايك في السوق وهل من توصيه من توصياتك المميزه ؟


رايي ان السوق عطى خروج للمضارب اظن من اسبوعين لما فشل في الثبات فوق 12512 .. بس الناس مش منتبه .. هذا الخروج للي عنده فن ادارة محفظته ..
واللي قاعد يصير حالياً مضاربات ارتداديه يصحبها خروج .. وطبعا هالمضاربات شغل محافظ وهوامير كبار .. الدخول الآمن للسوق بعد اختراق 12800 غير كذا تذبذب ..
واللي قلبه قوي يدسم شاربه مع الكبار ويتحمل .. وطبعا هذا احنا دايما نعاند السوق ونقنع انفسنا .. :weeping:

عموما الواحد يراقب اسهمه اذا حصل ربح ياخذه وينتظر جولة جديدة وفرص ثانيه في سهم ثاني.. وهلم جرا ..

[atiq]

دعواتكم بكره عندي امتحان لحد ينساني

موفق

عاوزك تكر المقرر كر:nice:

[يعقوب ذياب]

بروه اذا اغلغت فوق 51.7 ابشروا بالخير

راح يكون الهدف 54

[atiq]

اشرايكم في مزايا على فريم الساعة

اختراق 19.4 مع تداول عالي نشوف خانة جديدة :shy:

[ابن البيطار]

رايي ان السوق عطى خروج للمضارب اظن من اسبوعين لما فشل في الثبات فوق 12512 .. بس الناس مش منتبه .. هذا الخروج للي عنده فن ادارة محفظته ..
واللي قاعد يصير حالياً مضاربات ارتداديه يصحبها خروج .. وطبعا هالمضاربات شغل محافظ وهوامير كبار .. الدخول الآمن للسوق بعد اختراق 12800 غير كذا تذبذب ..
واللي قلبه قوي يدسم شاربه مع الكبار ويتحمل .. وطبعا هذا احنا دايما نعاند السوق ونقنع انفسنا .. :weeping:

عموما الواحد يراقب اسهمه اذا حصل ربح ياخذه وينتظر جولة جديدة وفرص ثانيه في سهم ثاني.. وهلم جرا ..

كلام موزون فعلا لكن مثل ماقلت مايمنع الدخول مع الكبار والخروج معهم ان امكن خصوصا للمدمنين

[الزعفراني]

وعليكم السلام والرحمه

ارحب يالزعفراني

المرحب باقي ياخال :shy:


حيا الله الزعفراني

ارحب

الله يرحب بك صديقي صديق الاجاره :shy:


عليكم السلام الزعفراني

هلا وغلا اخوي نهار


عليكم السلام على كل من دخل

سلام خاص ل بوذياب و الزعفراني

تسلم ياخالي .. بس تراني من عامة الشعب .. يعني سلام خد مقبول :shy:


الزعفراني ممكن تعطينا وضع الاجاره , هل هالسيوله سيولة شراء والا بيع؟ الصفقات تتنفذ بسعر الطلب والا بسعر العرض.

الاجارة تحرك ايجابي .. خلك مع الهدف اللي حددته لا تشغل بالك انسسسسسسسسى الموضوع ..

الاجارة في صانع سهم دخل ع السهم من يومين تاريخ 24/05/2015 بالضببببببببببط ( تم رصد دخوله من الشارت :) ) ولازم هالصانع يحافظ على الرقم 21 ريال لا يكسره

اذا اكسره معناته دخل في الخساره .. الله يستر لا يكسرونه المستقعدين

هدف السهم اذا واصل الارتفاع تقريبا 23.40 ريال مبدئيا .. في النزول الرقم المهم 21 ريال ..

خلك معاه واصبرررررر ترى انا مش بايع الا عند 100 وطالع .. والورثه بكيفهم عقب :shy:



دعواتكم بكره عندي امتحان لحد ينساني

الله يوفقك خالي .. تحضّر دكتوراه ؟

[يعقوب ذياب]

وينك يالدوسري ما خلصت الشيشه تشوف المصرف شيسوي

[ابن البيطار]

اشرايكم في مزايا على فريم الساعة

اختراق 19.4 مع تداول عالي نشوف خانة جديدة :shy:

التداول بسيط الى الان واعتقد التحليل يقول اختراق 19.60 شرط لصعودها القادم

[QtrGate]

ياعيني على المصرف احد خذ بالنصيحه والا

دخلت متاخر على 108.90

[atiq]

التداول بسيط الى الان واعتقد التحليل يقول اختراق 19.60 شرط لصعودها القادم

العب على الترند والشموع والنموذج ......وقودهم للارتفاع هي السيولة

عشان كذا قلت نحتاج سيولة قوية

[يعقوب ذياب]

دخلت متاخر على 108.90

انا صار لي اسبوع لين راح صوتي والسهم كان يتداول مابين 105 و106

يالله موفق للاهداف الجايه

[الزعفراني]

الريان امس وقبله عمل قاعين عند سعر 45 .. مؤشر حلو ع التوقف .. واليوم انشوفه فوق 45 الى الان .. الثبات فوق 46 .. يودينا الى الاهداف القريبة 46.45 ريال ثم 46.80 ريال ثم 47.30 ريال

ومع ذلك كله الريان للحين سلبي لان متوسطاته ملعون خيرها

[الزعفراني]

محللنا الكبير يعقوب ..

ممكن ارقام المتوسطات المتحركة اللي لازم استخدمها على اللحظي فريم نص ساعه .. الفترة شهرين ..

هل 9 و14 و100 والا نفس اليومي 20 و 50 و 200 ؟؟

وشكرا

[مضارب دوسري]

وينك يالدوسري ما خلصت الشيشه تشوف المصرف شيسوي

للحين
ههههه

انتا معلم :secret:

[مضارب دوسري]

رفعت لكم السوق 60 نقطه
ولو تخلوني انفذ المخطط اللي في راسي
بنغلق فوق 12550

[يعقوب ذياب]

محللنا الكبير يعقوب ..

ممكن ارقام المتوسطات المتحركة اللي لازم استخدمها على اللحظي فريم نص ساعه .. الفترة شهرين ..

هل 9 و14 و100 والا نفس اليومي 20 و 50 و 200 ؟؟

وشكرا

للمدى البسيط 9 و14

[مضارب دوسري]

الريان اختراق 46.35
الى 47 دايركت

[الزعفراني]

من 10 دقايق فيه 3 صفقات مختلفة تمت على بروه

20 الف سهم على سعر 50.90 ريال ( شراء )
20 الف سهم على سعر 51 ريال ( شراء )

20 الف سهم على سعر 51 ريال ( بيع )


والان وانا اكتب هالرد تمت هالصفقه 22106 سهم على سعر 51 ريال ( شراء )

[يعقوب ذياب]

و20 و50 لفتره اقل حاجه 6 شهور

[ابن البيطار]

رفعت لكم السوق 60 نقطه
ولو تخلوني انفذ المخطط اللي في راسي
بنغلق فوق 12550

روح والقلب داعيلك اهم شي يكون المخطط سلمي

[يعقوب ذياب]

وللفترات الطويله جدا 50 و200

[مضارب دوسري]

روح والقلب داعيلك اهم شي يكون المخطط سلمي


كله في السليم :rolleyes2:

[مضارب دوسري]

يا ما قلت لهم
يالسامر
يالقيصر
لا تفتحون جلسات
وهم يعاندون ومن يومها احمر باحمر

[الزعفراني]

اللي محتارين مع سهم ازدان .. هذا هو مسار السهم :

السهم محكور بين السعر 19.80 ريال و السعر 21.40 ريال

يعني السهم قاعدين يحركونه في هالنطاق

بمعنى كل ماقرب من الرقم 19.80 ريال يشترون .. وكل ماقرب من الرقم 21.40 ريال يبيعون ..

وبس .. وبشكل عام السهم للحين ايجابي ولله الحمد ..

اللي برا السهم لا يعور راسه ويدخل على الاسعار اللي في الشاشه الحين .. عنده حلين لا ثالث لهما

ينتظر اختراق 21.40 ريال ويشتري ..

او ينتظر الارتداد من 19.80 ريال ويشتري

ممكن يقول ليش ما اشتري الحين وابيع على 21.40 ريال ..؟؟؟

ارد عليه واقوله طيب ممكن تشتري الحين وينزل السهم لين 19.80 :)

[مضارب دوسري]

بروه
مناسبه للدخول الان
دامها تحت 51.3

[الزعفراني]

للمدى البسيط 9 و14


و20 و50 لفتره اقل حاجه 6 شهور


وللفترات الطويله جدا 50 و200

تسلممممممممممممم

[atiq]

مزايا طلب بو 50 الف .....ليش المطلعين ما رشوه :telephone:

[ابن البيطار]

مزايا طلب بو 50 الف .....ليش المطلعين ما رشوه :telephone:

الخمس دراهم تفرق معاهم خخخخ

[Abu Mahmoud]

مزايا طلب بو 50 الف .....ليش المطلعين ما رشوه :telephone:

حاطينة حجر زواية .. يكره السهم ومطلعينه

[عبد الحميد]

رجعنا لكم...

كيف شايفين وضع السوق؟

[atiq]

حاطينة حجر زواية .. يكره السهم ومطلعينه

يااخي ليش تدعي علي :weeping:

[ابن البيطار]

رجعنا لكم...

كيف شايفين وضع السوق؟

للمضارب سيء للغايه

[Abu Mahmoud]

يااخي ليش تدعي علي :weeping:

هههههههههههههه لا ما ادعي عليك .. لو انت من المطلعين ناخد حقنا منك بدون دعا

سلامتك عتيق .. بس اسحب الخمسين خلهم 40 بدل 25

[الزعفراني]

يله انا استأذن من رخصتكم

اكرمكم الله

ونشوفكم على خير اذا الله راد

[عبد الحميد]

للمضارب سيء للغايه

مع هالسيولة هذي استاذي الكريم...اكيد للمضارب سيء...

[H H]

يله انا استأذن من رخصتكم

اكرمكم الله

ونشوفكم على خير اذا الله راد

الله يستر عليك

[عبد الحميد]

يله انا استأذن من رخصتكم

اكرمكم الله

ونشوفكم على خير اذا الله راد

وين يالزعفراني...تونا باول الجلسة...شخبارك الشيخ؟ :)

[atiq]

هههههههههههههه لا ما ادعي عليك .. لو انت من المطلعين ناخد حقنا منك بدون دعا

سلامتك عتيق .. بس اسحب الخمسين خلهم 40 بدل 25

السهم على المحك .....لازم اليوم يروح فوق والا المؤشرات تبدا في السلبية

[atiq]

هههههههههههههه لا ما ادعي عليك .. لو انت من المطلعين ناخد حقنا منك بدون دعا

سلامتك عتيق .. بس اسحب الخمسين خلهم 40 بدل 25

مين طفى النور وباع :telephone:

[يعقوب ذياب]

يالله اشوفكم على خير اروح اجهز نفسي لامتحان بكره

[Abu Mahmoud]

مين طفى النور وباع :telephone:

انا بعت طفشت وبعت بخسارة .. الله المستعان

[عبد الحميد]

يالله اشوفكم على خير اروح اجهز نفسي لامتحان بكره

موفق يا بو ذياب :)

[مضارب دوسري]

بالتوفيق يا بو ذياب

[العساس]

مازالت المبالغ في جيبي.

ونشوف مزايا.

[مضارب دوسري]

بعنا الاجاره

[العساس]

انا اسف جدا.


السلام عليكم جميعا

[العساس]

بعنا الاجاره

منتاز اخوي مضارب

[عبد الحميد]

بعنا الاجاره

بالمبارك يالدوسري على خلاصك...تستاهل كل خير...

ما هو الهدف القادم؟ :)

[عبد الحميد]

انا اسف جدا.


السلام عليكم جميعا

هلا وغلا يالعساس...وعليكم السلام...

مزايا...طالما في بيع مطلعين...ما انصحك بالدخول...والله اعلم

[مضارب دوسري]

بالمبارك يالدوسري على خلاصك...تستاهل كل خير...

ما هو الهدف القادم؟ :)

الهدف القادم
بعد الاجاره بس خلها ترجع تختبر شوي

[atiq]

بعنا الاجاره

بالمبارك على الربح

[العساس]

هلا وغلا يالعساس...وعليكم السلام...

مزايا...طالما في بيع مطلعين...ما انصحك بالدخول...والله اعلم


جزاك الله خير.

انا حاط سعر متوسط دعم السهم

[atiq]

هلا وغلا يالعساس...وعليكم السلام...

مزايا...طالما في بيع مطلعين...ما انصحك بالدخول...والله اعلم

اذا ما فيه بيع مطلعين بتشوف السهم لمت اب قياسا على قوة الشراء :tease:

[مضارب دوسري]

بالمبارك على الربح

يبارك فيك يالذيب
بصراحه الاجاره خلال هالشهر
ما قصرت معاي
عطت المحفظه ارباح ولا اروع وكملتها بارتفاعها الاخير

[العساس]

بالمبارك على الربح

هلا وغلا الغالي.......وين تمركزك؟

[QtrGate]

فودافون يتحرك بهدوووء

[atiq]

هلا وغلا الغالي.......وين تمركزك؟

مزايا الريان و كاش

احلى سهم كاش هههههههههههههه

انتظر الاجارة تحت 21 او المستثمرين عند 47 و يمكن اقل

[مضارب دوسري]

عليمي
وينك ؟
قطر 10 ؟

[.:: القيصر ::.]

عدنا لكم

[مضارب دوسري]

المحفظه الان
70 كاش
30 مناعي

[q6r.10]

انا موجود في الريان على 45.6
وعندي الاجاره على متوسط 22.33
بس ناوي ابيع نص الكميه في الاجاره

[مضارب دوسري]

اي حاول تبيع
وترجع بعدين

[atiq]

انا موجود في الريان على 45.6
وعندي الاجاره على متوسط 22.33
بس ناوي ابيع نص الكميه في الاجاره

القرار لك

وصول السهم عند هذا المستوى و تداول كبير وعدم القدرة على المواصلة ....اشارة كفاية للبيع و الانتظار تحت للشراء من عند الدعم او اختراق مقاومة

الله يوفقك

[مضارب دوسري]

ازدان وضعها مش عاجبني

[ابن البيطار]

الدوليه 77

[مضارب دوسري]

القرار لك

وصول السهم عند هذا المستوى و تداول كبير وعدم القدرة على المواصلة ....اشارة كفاية للبيع و الانتظار تحت للشراء من عند الدعم او اختراق مقاومة

الله يوفقك

:nice:

[أبو لين]

ابو يعقوب وين ممكن تستقر قاع الدولية هل بتوقف على 76 ولا بتكمل لتحت ؟؟
حسبي الله ونعم الوكيل بالتصريح المدمر للسهم

[مضارب دوسري]

الاجاره لازم تستقر فوق 22.1 اذا ارادت المواصله غدا

[ابن البيطار]

مهم جدا تفعيل وقف الخساره في اي سهم

[q6r.10]

الحمدلله بعت كل الكميه في الاجاره وبنتظر فرصه افضل للدخول باسعار اقل ،. او عند الاختراق
جزاك الله خير يامضارب وعتيق

[مضارب دوسري]

عليمي
وينك ؟؟

[الموج الأزرق]

السلام عليكم ورحمة الله وبركاته

بخصوص سهم الدولية .. رأيي الشخصي ولا ألزم أحد بالأخذ به

السهم دخل منطقة لا تخاف ... والأسعار الحاليه تمثل دخول تدريجي ... وليس بكامل الرصيد

السهم أتوقعه يصل أسعار ضمن نطاق 65 - 70 ريال .. وليس شرط الوصول لها

وعتبي على من ألزم بعدم وصوله لأسعار تحت 80 ريال

[مضارب دوسري]

ازدان اذا ماخترق اليوم 21.2
بيكون نهاية رجل شجاع

[عبد الحميد]

الدوليه 77

مع رش محترم...الله يعين الملاك...

[الموج الأزرق]

ازدان اذا ماخترق اليوم 21.2
بيكون نهاية رجل شجاع

اصبر عليه وفالك طيب ... لا تستعجل وأبشر بالخيرررر

[ابن البيطار]

السلام عليكم ورحمة الله وبركاته

بخصوص سهم الدولية .. رأيي الشخصي ولا ألزم أحد بالأخذ به

السهم دخل منطقة لا تخاف ... والأسعار الحاليه تمثل دخول تدريجي ... وليس بكامل الرصيد

السهم أتوقعه يصل أسعار ضمن نطاق 65 - 70 ريال .. وليس شرط الوصول لها

وعتبي على من ألزم بعدم وصوله لأسعار تحت 80 ريال

الاغلبيه توقعوا كسر 80 فمن يأخذ برأي واحد او اثنين ويترك الاغلبيه فالعتب عليه

[بوخميس]

مضارب

تنصح نتخلص من ازدان ؟!

[.:: القيصر ::.]

الدوليه 77

قلتها الاسبوع اللي طاف انتظرها بين 73 و 72

:)

حياها الله

[ابن البيطار]

اخيرا ازدان اخترقت 21 بقوه

[الموج الأزرق]

الاغلبيه توقعوا كسر 80 فمن يأخذ برأي واحد او اثنين ويترك الاغلبيه فالعتب عليه

أنت تعرف الأعضاء وتميز بينهم لهالسبب قلت الأخذ بالأغلبيه قرار صائب .. ولكن من لا يعلمون .. الله المستعان ... لكن باذن الله خير لهم

[atiq]

ازدان وضعها مش عاجبني

+1 :)

[مضارب دوسري]

طلب 360 الف
على 21
تتوقعون طلب جاد ولا !

[.:: القيصر ::.]

في مفاجأة من العيار الثقيل شكله في ازدان


بالتوفيق

[عبد الحميد]

اخر تحديث لتقرير تداول المطلعين

بيع الريان 26,000
بيع مزايا قطر 34,048
شراء العامة 500
بيع التجاري 7,500
شراء الدوحة 39,006
شراء الخليجي 1,895
بيع كهرباء وماء 14,500
شراء السلام 3,800

[الموج الأزرق]

الصبر طيب لملاك سهم الريان ازدان مزايا اجارة ... والله الموفق

[مضارب دوسري]

طلب 360 الف
على 21
تتوقعون طلب جاد ولا !

باع اللي عنده
وقام بعدها بسحب الطلب :)

[atiq]

الحمدلله بعت كل الكميه في الاجاره وبنتظر فرصه افضل للدخول باسعار اقل ،. او عند الاختراق
جزاك الله خير يامضارب وعتيق

واياك اخوي

مش شرط في الاجارة يمكن في غيرها

لا تلزم نفسك بشركة الزم نفسك بنمو محفظتك

الله يوفقك

[الموج الأزرق]

طلب 360 الف
على 21
تتوقعون طلب جاد ولا !

قلت لك اصبر وفالك طيب ان شاء الله .. وأبشر بالخير

[عبد الحميد]

باع اللي عنده
وقام بعدها بسحب الطلب :)

تلاحظ ما في بيع مطلعين اليوم...

[مضارب دوسري]

ورجع يحط الطلب

نتابع ازدان

[.:: القيصر ::.]

تنفذت 500 الف تقريبا على 21

اششرررررررررررررررررررب

[مضارب دوسري]

عطوه طلبه وباعو له ال 300 الف :)

[ابن البيطار]

أنت تعرف الأعضاء وتميز بينهم لهالسبب قلت الأخذ بالأغلبيه قرار صائب .. ولكن من لا يعلمون .. الله المستعان ... لكن باذن الله خير لهم

من لايعلم يأخذ برأي الاغلبيه اما من يعرف الاعضاء ويميز بينهم فيأخذ بالتحليل الذي يرتاح له ومتعود عليه .

[الموج الأزرق]

باع اللي عنده
وقام بعدها بسحب الطلب :)

:secret:


:tease:


:shy:


:rolleyes2:


:spider:


crazy


escape

[.:: القيصر ::.]

عطوه طلبه وباعو له ال 300 الف :)

400 الف

غير الطلبات اللي قبله تقريبا 70 الف

[ابن البيطار]

تنفذت 500 الف تقريبا على 21

اششرررررررررررررررررررب

ههههههههههههههههههههههههههههه

[Abu Mahmoud]

شاشة المجموعة معلقة عندي بس ولا من المصدر .؟؟؟

[أبو لين]

من لايعلم يأخذ برأي الاغلبيه اما من يعرف الاعضاء ويميز بينهم فيأخذ بالتحليل الذي يرتاح له ومتعود عليه .

نظرتك يا ابن البيطار للدولية والفودافون ؟
هل انتهى التصحيح ولا للنزول بقية ؟

[.:: القيصر ::.]

تقرير تداول المطلعين

بيع الريان 26,000
بيع مزايا قطر 34,048
شراء العامة 500
بيع التجاري 7,500
شراء الدوحة 39,006
شراء الخليجي 1,895
بيع كهرباء وماء 14,500
شراء السلام 3,800

[مضارب دوسري]

400 الف

غير الطلبات اللي قبله تقريبا 70 الف

فعلا بالضبط توني مشيك

[.:: القيصر ::.]

التحليل الاحساسي عندي

يقول ازدان عندها شي اليوم


يا ورد يا دموع

عتيق ركز على الاحساسي

[مضارب دوسري]

التحليل الاحساسي عندي

يقول ازدان عندها شي اليوم


يا ورد يا دموع

الورد باختراق 21.2
الدموع بكسر 20.40

[H H]

التحليل الاحساسي عندي

يقول ازدان عندها شي اليوم


يا ورد يا دموع

عتيق ركز على الاحساسي


شريت فالريان والا بعدك ؟

[ابن البيطار]

نظرتك يا ابن البيطار للدولية والفودافون ؟
هل انتهى التصحيح ولا للنزول بقية ؟

تكلمنا عن السهم يابولين في موضوعه وكان متوقع هذا النزول على العموم الدوليه اتوقع 75 وان شاء الله مايكسرها اما فودا ممكن يحصل فيه مضاربات ويرتفع حتى الاعلان

[.:: القيصر ::.]

شريت فالريان والا بعدك ؟

لين الحين افكر لان شفته احمر

كنت برا و رجعت لقيته احمر

[atiq]

التحليل الاحساسي عندي

يقول ازدان عندها شي اليوم


يا ورد يا دموع

عتيق ركز على الاحساسي

هذا اقوى المؤشرات الي عندك هههههههههههههههههه

[مضارب دوسري]

الاجاره وال 22.1 دعم لحن الحب

[.:: القيصر ::.]

الورد باختراق 21.2
الدموع بكسر 20.40

اتوقع يسويها فوق الــ 21.20

كان يبي يسلم عليها بس وصل 21.15

و قال له دقايق اجمع و ارجع لك

[ابو عبد الرحمن]

الاجارة :telephone:

[مضارب دوسري]

:secret:


:tease:


:shy:


:rolleyes2:


:spider:


crazy


escape

هااااا بشر
نقول ازدان بيل هررررررب

[مضارب دوسري]

الاجارة :telephone:

بيع ونرجع لها بعدين ان شاء الله

[مضارب دوسري]

اتوقع يسويها فوق الــ 21.20

كان يبي يسلم عليها بس وصل 21.15

و قال له دقايق اجمع و ارجع لك

التحليل الاحساسي يقول نهاية رجل شجاع

[عبد الحميد]

انا عن نفسي مش مطمن لتداول ازدان :rolleyes2:

[الموج الأزرق]

هااااا بشر
نقول ازدان بيل هررررررب

لا ... لا ... لا ... لاااااااااااا

والله الموفق

[ابو عبد الرحمن]

بيع ونرجع لها بعدين ان شاء الله

عندي احساس انها بترتد الحين لان البيع الحين ما منه فايدة حسب ظني والله تعالى اعلم

[H H]

ازدان ومزايا ماسكينها المطلعين , في سر وراهم

[قطــ86ــر]

السلام عليكم و رحمة الله و بركاته
صبحكم الله بالخير و السعادة جميعا

[عليمي]

الاجاره وال 22.1 دعم لحن الحب

بعت يالذيب والا للحين صامد؟

[q6r.10]

كم دعم مزايا ؟؟

[الموج الأزرق]

انا عن نفسي مش مطمن لتداول ازدان :rolleyes2:

ليش ... ؟

[atiq]

عندي احساس انها بترتد الحين لان البيع الحين ما منه فايدة حسب ظني والله تعالى اعلم

بو عبدالرحمن انت مضارب والا مستثمر

[مضارب دوسري]

بعت يالذيب والا للحين صامد؟

بعت يالغالي
سالنا عنك كذا مره

[مضارب دوسري]

مزايا
19 دعم قوي
والله اعلم

[عليمي]

بعت يالغالي
سالنا عنك كذا مره

توني داخل

اشوفها وصلت فوق وردت

شكلي باصرفها

[عبد الحميد]

ليش ... ؟

السيولة الخارجة اكثر من الداخلة للسهم...

غير هذا كل ما يوصل السهم لحدود 21.2-21.3...يرشوه المطلعين...

وهذا حال السهم من نهاية الاسبوع الماضي...

[ابو عبد الرحمن]

بو عبدالرحمن انت مضارب والا مستثمر

كنت مستثمر والحين صرت مضارب بس مش مضارب دوسري :nice:

[.:: القيصر ::.]

التحليل الاحساسي يقول نهاية رجل شجاع

ننطر و نشوف الشاشة

اذا شجاع بننتظر الجزء الثاني

و اذا مات البطل بعد لازم نشوف قصة جديدة لسناريو جديد

[مضارب دوسري]

مللللللللغ يالمناعي
توبه اشتريك مره اخرى
امششششششي

[مضارب دوسري]

توني داخل

اشوفها وصلت فوق وردت

شكلي باصرفها

بيع ونرجع لها بعدين
اما باختراق ولا تحت

[الموج الأزرق]

ازدان تتأرجح ... :playball:

الريان ... الدعم القوي له نطاق 44 - 45 ريال .... :strong3: ... وباذن الله يلغي ملامسة 42 ريال لا قدر الله

مزايا وازدان يبون ناس صابرين .... يعني مافي شي "سريع مسرع سرعه " .... :anger1:

[atiq]

كنت مستثمر والحين صرت مضارب بس مش مضارب دوسري :nice:

اجل استفيد من نزولها

امس بعتها على 22.5 والحين 22.13 والسيولة قويية والسهم يتراجع

انت فسرها

[مساهم متدرب]

مللللللللغ يالمناعي
توبه اشتريك مره اخرى
امششششششي

نفس حالي مع بروة .. ولا مرة ربحت منها

رأيك في مزايا، إلى 18.8؟

[قطــ86ــر]

صلاة الظهر جزاكم الله خير

[عبد الحميد]

مللللللللغ يالمناعي
توبه اشتريك مره اخرى
امششششششي

هههههههههههههههههههه

هذا الحب يا الدوسري...في حد يسوي في الحب مثل ما انت سويت...

وبهذه المناسبة احب اهديك اغنية ليش العتاب...

ههههههههههههههههههه

[الموج الأزرق]

السيولة الخارجة اكثر من الداخلة للسهم...

غير هذا كل ما يوصل السهم لحدود 21.2-21.3...يرشوه المطلعين...

وهذا حال السهم من نهاية الاسبوع الماضي...

خله يتأرجح ...... :yu:

[مضارب دوسري]

هههههههههههههههههههه

هذا الحب يا الدوسري...في حد يسوي في الحب مثل ما انت سويت...

وبهذه المناسبة احب اهديك اغنية ليش العتاب...

ههههههههههههههههههه

ههههههههههههههه

عمر السهم خلال سنه ما عطاني الى 3 او 4 %
الاجاره الحب الجديد
في شهر 5 عطتني 17%

هذا الحب ولا بلاش
خليه يمشششششي

[ابو عبد الرحمن]

اجل استفيد من نزولها

امس بعتها على 22.5 والحين 22.13 والسيولة قويية والسهم يتراجع

انت فسرها

تسلم اخوي عتيق على النصيحة بس ما زال عندي احساس انها بترتد ولو شوي علشان ابيع بسعر افضل

[مساهم متدرب]

رششششششششش في مزايا

[بوخميس]

يالربع حد ينصح بفودافون؟

[الموج الأزرق]

صلاة الظهر جزاكم الله خير

جزاك الله خير ...

قال تعالى:

(( رِجَالٌ لا تُلْهِيهِمْ تِجَارَةٌ وَلا بَيْعٌ عَنْ ذِكْرِ اللَّهِ وَإِقَامِ الصَّلاةِ وَإِيتَاءِ الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالأَبْصَارُ ( 37 ) لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُمْ مِنْ فَضْلِهِ وَاللَّهُ يَرْزُقُ مَنْ يَشَاءُ بِغَيْرِ حِسَابٍ ( 38 ) . ))

صدق الله العظيم

[عبد الحميد]

الدولية...كانت...وصارت...

Very interesting :)

[ابن البيطار]

الدوليه تعود للايجابيه

[.:: القيصر ::.]

اركبوا قطار بروة

انا راكب من فترة

شكله بيحرك

:victory:

[H H]

بيع ونرجع لها بعدين
اما باختراق ولا تحت


يسسسسسسسسسسسسسس اخيراً , هرمنا من اجل هذه اللحظه التاريخيه ههههههههههههههههه

[ابن البيطار]

الي يفكر بالشراء للمضاربه السريعه يفضل ينتظر للغد اول التداول

[H H]

الدوليه , نقول خلاص ؟

[.:: القيصر ::.]

الدولية بدعت بعد الــ 76.80

ما صدتها هههههههه

[مضارب دوسري]

يسسسسسسسسسسسسسس اخيراً , هرمنا من اجل هذه اللحظه التاريخيه ههههههههههههههههه

ههههههههههههه

[مضارب دوسري]

جاري الشراء في احد الاسهم

[q6r.10]

جاري الشراء في احد الاسهم

ههههه شنو

[مضارب دوسري]

ههههه شنو

لما اخلص ههههههه

للامانه قبل لا احط الطلب


ذكرته فالجلسه عند دعم قوي

[qatar 86]

مزايا اكيد يا مضارب

[مضارب دوسري]

مزايا اكيد يا مضارب

:nice:
بفلوس المناعي شرينا فالسهم
والله يكتب اللي فيه الخير

[qatar 86]

بالتوفيق

[قطــ86ــر]

جزاك الله خير ...

قال تعالى:

(( رِجَالٌ لا تُلْهِيهِمْ تِجَارَةٌ وَلا بَيْعٌ عَنْ ذِكْرِ اللَّهِ وَإِقَامِ الصَّلاةِ وَإِيتَاءِ الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالأَبْصَارُ ( 37 ) لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُمْ مِنْ فَضْلِهِ وَاللَّهُ يَرْزُقُ مَنْ يَشَاءُ بِغَيْرِ حِسَابٍ ( 38 ) . ))

صدق الله العظيم

ويجزاك بمثله ياخوي

[مضارب دوسري]

علامات ضعف لازدان من اختراق ال21.2
صار له فتره مب قادر

[nasser1975]

مساكم الله بالخير
تنصحون في مزايا ( كم الشرا والبيع)))
جزاكم الله خير .......

[قطر الشموخ]

اشلون بروه ياخوان جزاكم الله خير

[قطــ86ــر]

اللهم لك الحمد


المزيونة القابضة ماشية زي الورد
مبروك للملاك :nice:

[.:: القيصر ::.]

اعمال 15.22

[q6r.10]

لحقناك يامضارب وشرينا نص السيوله على 19.11
الله يوفقنا وياك ويوفق الجميع
بس ان شاء الله المطلعين مايلعوزونا

[ابن البيطار]

نزول ملفت لسهم اعمال

[ابن البيطار]

اشلون بروه ياخوان جزاكم الله خير

بروه من فتره تداولها عرضي لم تحدد اتجاها بعد

[atiq]

تسلم اخوي عتيق على النصيحة بس ما زال عندي احساس انها بترتد ولو شوي علشان ابيع بسعر افضل

:anger1:

القيصر قمت قمت تعدي الناس باحاسيسك

[مضارب دوسري]

:anger1:

القيصر قمت قمت تعدي الناس باحاسيسك

اي والله
هذي حساسيه مب احاسيس :anger1:

[.:: القيصر ::.]

:anger1:

القيصر قمت قمت تعدي الناس باحاسيسك

عشان تعرف ان احساسي مؤثر

هههههههههههههههههههه

[.:: القيصر ::.]

اي والله
هذي حساسيه مب احاسيس :anger1:

هههههههههههههههه

[مضارب دوسري]

عشان تعرف ان احساسي مؤثر

هههههههههههههههههههه

احتفظ بحق الرد في الزمان والمكان المناسب :telephone:

[العساس]

تم شراء مزايا

[مضارب دوسري]

THUG LIFE

:thumbup1:

[مساهم متدرب]

السوق يبدو بيغلق لليوم الثاني تحت مقاومة لحن الحب 12428 والله أعلم

[قطــ86ــر]

صناعات تحت 140..

[.:: القيصر ::.]

احتفظ بحق الرد في الزمان والمكان المناسب :telephone:

اوكي.....

[ابن البيطار]

اعتقد الريان والمصرف بيبدعون اخر التداول