الدفعة الاخيرة! [الأرشيف] - منتديات شبكة الأسهم القطرية

فريج شرق

26-05-2015, 12:28 PM

نزلت هالموضوع في قسم حماية المستهلك وبا نزلة في الحوار العام للاستفادة
صار لي موقف في بناء بيت وهو موضوع الدفعة الاخيرة من المقاولين فكلهم يصرون على اخذ الدفعة الاخيرة قبل انجاز العمل مثل الصباغ والخشب والبلاط والنوافذ وغيرها وبعد استلام الدفعة الاخيرة يا يتاخرون في العمل يا ماتشوفهم يا يقدمون عمل سيء. فارجو الحذر من ذلك والاصرار على الابقاء على دفعة بسيطة في العقد حتى انجاز الاعمال.

مختلف جداََ

26-05-2015, 12:30 PM

المفروض الدفعة الأخيرة ما يستلمها إلا بعد إنهاء العمل
حسب الإتفاق و الشروط

فريج شرق

26-05-2015, 12:34 PM

هذا صحيح اخوي مختلف ولكن بعض المقاولين خصوصا التشطيبات يصرون على استلام الدفعة الاخيرة قبل انجاز الاعمال وكل عقودهم مصممة على هذا الاساس واذا ما وافقت ما يوافقون على التعاقد ومطلوب تحك حماية المستهلك في هذا الخصوص

شموخ دائم

26-05-2015, 12:36 PM

,

,

مرحبا

تسلم اخوي على الموضوع والنصيحه

على الملك انه يتمسك بالعقد وما يدفع الدفعه الاخيره الا بعد اتمام جميع الاعمال واصلاح جميع الملاحظات
واستلام المفاتيح
وما يضعف امام الحاح المقاول بحجه انه محتاج الفلوس لاتمام البيت
وعليه انه يقوله التزم بالعقد وخلص واستلم
بدون خجل او ضعف
لان الدفعه الاخيره هي ضمان للمالك
وهذا شي مهم جدا
دائما تذكر ان ( فلوسك ) هي ضمانك وورقتك الاخيره للضغط على الطرف الثاني
لاتسلم ورقتك الاخيره وتبقى مكتوف الايدي لاحول لك ولا قوه
بعدها حتى ما يردون على اتصالاتك للاسف
سوقنا يتطلب التمسك بالعقد

,

,

ودي أكون

26-05-2015, 12:52 PM

يمكن لان في المقابل بعض المقاولين يعانون أيضاً من تهرب المالك أيضاً في الدفع بعد الإنتهاء من العمل .. والله أعلم

من وجهة نظري تحتاج وسطيه، كـ دفع نص المبلغ .. لان شغلهم يحتاج دفعه والله اعلم

شموخ دائم

26-05-2015, 12:55 PM

,

,

مرحبا

ودي اكون

الحل لهذا الموضوع معروف وسهل

تنحط الدفعه الاخير بشيك في مكتب الاستشاري
يخلص المقاول شغله والاستشاري يسلم المقاول فلوسه
وكل طرف يكون ضامن حقه

المشكله مافي مصداقيه خاصه عند المقاولين النص كوم
:)
هذولا المقاولين للاسف مشاريعه كلها خساره في خساره
ياخذ الفلوس الدفعات من البيوت الجديده ويكمل فيها البيوت القديمه المتاخره
وعشان يحصل شغل جديد يرخص الاسعار في المتر
حتى ينقذ نفسه من المشاكل القديمه والبيوت المتاخره
ويدخل البيوت الجديد في مشكله جديده لان اخذ دفعاتهم وخلص بها مشاكله
ويقول يصير خير خل نخلص من القديم اول

عشان كذا طول اليوم يدور الدفعات ويبي ياخذها مقدم
( عطشان فلوس ) ودائما مضغوط

والدائره مستمره ما تنتهي
:)

احنا نسميها ( يلبس قحافي )
يشيل من هذا ويعطي هذا القحفيه
يسكت هذا بلفلوس هذاك

وتبقى المشكله ما تنتهي ابدا

قبل توقع العقد ( تاكد ) ان هذا المقاول مو من النوع الي يلبس قحافي
وتقدر تعرف بسهوله من ( سؤال ) الي وقعوا عقود معاه قبل سنه
اسئل اخر 3 اشخاص بيعطونك الزبده

ولا يغرك بسعر المتر

هذا المصيده السعر الرخيص

,

,

حمد 2002

26-05-2015, 12:59 PM

,

,

مرحبا

ودي اكون

الحل لهذا الموضوع معروف وسهل

تنحط الدفعه الاخير بشيك في مكتب الاستشاري
يخلص المقاول شغله والاستشاري يسلم المقاول فلوسه
وكل طرف يكون ضامن حقه

المشكله مافي مصداقيه خاصه عند المقاولين النص كوم
:)

,

,

ولو كان الاستشاري متفق مع المقاول ؟ او بينهم مصلحه مشتركه ؟

وخصوصا هالشيء لاحظناه بالسوق بالفتره الاخيره ، بأن بعض الاستشارين يمدحون مقاولين ما ، وفي النهايه يطلعون انهم يحصلون عموله نظير الدعايه تلك !! .

ودي أكون

26-05-2015, 01:02 PM

,

,

مرحبا

ودي اكون

الحل لهذا الموضوع معروف وسهل

تنحط الدفعه الاخير بشيك في مكتب الاستشاري
يخلص المقاول شغله والاستشاري يسلم المقاول فلوسه
وكل طرف يكون ضامن حقه

المشكله مافي مصداقيه خاصه عند المقاولين النص كوم
:)

,

,

حل سليم .. بس اذا كان المقاول والاستشاري يعملون اساساً مع بعض او اصحاب معرفه ف بعض .؟!

بس مع ذلك التحفظ بالدفعه كامله صعبه، لان المقاول اكيد محتاج فلوس لتوفير المادة المطلوبه ..

ومن الطبيعي في بعض المرات واحد منهم ينكب الثاني .. يا المقاول يا المالك .. والله المستعان

حمد 2002

26-05-2015, 01:10 PM

حل سليم .. بس اذا كان المقاول والاستشاري يعملون اساساً مع بعض او اصحاب معرفه ف بعض .؟!

بس مع ذلك التحفظ بالدفعه كامله صعبه، لان المقاول اكيد محتاج فلوس لتوفير المادة المطلوبه ..

ومن الطبيعي في بعض المرات واحد منهم ينكب الثاني .. يا المقاول يا المالك .. والله المستعان

الحل بان يتم الاتفاق مابين الطرفين ، بان تظل الدفعه الاخيره عند بنك التنميه ، وان المالك والاستشاري اذا وقعوا على الدفعه الاخيره تنزل دايركت بحساب المقاول اذا تم الانتهاء من جميع الاعمال .

وفي حل بعد اخر ..

اذا المقاول والمالك يبون ايريحون نفسهم ايسون عظم بلاستر بدون تشطيب ، وهذا الحل سهل للجميع ، لانه اكثر المشاكل من التشطيب .

حسن

26-05-2015, 01:13 PM

الحل

المفروض الدفعه الاخيره لاتسلم الى بعد مرور على الاقل سنه او سته شهور على دخول الكهرباء البيت
وتطلع لجنه من البنك مع الاتفاق بمكتب استشاري نزيه
للتحقق من استحقاقه
وهذا يضمن الحق للطرفين
هذا من وجهه نظري
القانونيه

وهو يعتبر دفعه ضمان ومنها تخلي المقاول يحترم شغله لان هو المتظرر بالغرامه

شكرا لك

حمد 2002

26-05-2015, 01:16 PM

ودي أكون

26-05-2015, 01:17 PM

الحل بان يتم الاتفاق مابين الطرفين ، بان تظل الدفعه الاخيره عند بنك التنميه ، وان المالك والاستشاري اذا وقعوا على الدفعه الاخيره تنزل دايركت بحساب المقاول اذا تم الانتهاء من جميع الاعمال .

وفي حل بعد اخر ..

اذا المقاول والمالك يبون ايريحون نفسهم ايسون عظم بلاستر بدون تشطيب ، وهذا الحل سهل للجميع ، لانه اكثر المشاكل من التشطيب .

واذا كان في خلل في المواد عند المقاول .. يدخل بنك التنميه ف معمعه معاهم وهو ناقص .؟!

بالنسبه للتشطيب هذا حل.. للي عادي عنده يعور راسه ويروح ويدور ويسافر ويشتري وما عنده خبره .. وبنفس الوقت عادي يقص عليه المقاول ( احتمال ) ما انتهم احد بس كلها احتمالات واردة
لكن المضغوط واللي مايقدر يوفر الاغراض بالمواصفات اللي يبيها ..؟!..

الحل الوسطيه .. اعطيك نص المبلغ توفر لي .. وباقي المبلغ لين خلصت .. مثل الخياط :secret:

حسن

26-05-2015, 01:19 PM

طيب ولو تشلخت الطوفه وطاح السقف بعد السنه ؟

شالحل وقتها ؟

هذا مهب كلام ياحمد وتاؤويل طاح وماطاح ليش مسوي عريش هو
هناك اسشاي وهناك فحص عينات الخرسانه
هذا يتحملها الاستشاري مهب المقاول المقاول دوره تنفيذي على حسب الخرايط والمواصفات
هذا من وجهه نظري القانونيه

وشكرا

شموخ دائم

26-05-2015, 01:20 PM

,

,

مرحبا

السنه الي فاتت 2014 تسكر اكثر من 30 مكتب استشاري في الدوحه
بسبب عدم الكفائه وبسبب الختم للدفعات بدون زياره الموقع وبسبب هذا النوع من المشاكل

واسمائهم كانت تنطرح هنا بالمنتدى للاسف وبعض الشباب ينصح فيهم لرخص اسعارهم طبعا

المكتب الجيد ( يخاف على اسمه ) وما يعمل هذي الامور

الي يقوم بهذي الامور مكاتب معروفه
الي تعطي استشاره ب 2000 ريال ويختم لك الورق

وللاسف بعض الملاك يدور الاستشاري الرخيص
انا اقول ( البعض )

واسماء المكاتب من هذا النوع معروفه اقدر اكتبهم واحد واحد هنا واكثر الشباب مطيحيين عندهم

هم سبب مشاكل كثيره في البلد للاسف

حتى تحمي نفسك

1- مقاول سمعته طيبه في جوده البناء ومصنف من الدوله
2- استشاري سمعته طيبه في الاشراف ومصنف

مو سمعته وشهرته ( بالرخص )

من استرخص اللحم خانت به المرقه

هذا مثل معروف بقطر

لو رحت 4 مقاولين وعطوك اسعار
لاتروح للارخص وما اقولك روح للغالي

روح للي سعره ( وسط ) وسمعته طيبه بالسوق

واسئل اخر 3 اشخاص اشتغلوا معاه مافيها شي اخذ ارقامهم واتصل فيهم
هذا مشروع كبير وسعره مو بسيط

يعني اذا بنشتري سياره ب 200 الف ما نخلي حد ما نسئله ونتصل فيه
ويمكن نجرب السياره بعد

واذا نبني بيت ب مليون ونص ( ما نسئل ) عن المقاول بعنايه وتركيز

مو شي غريب هذا التصرف منا !!!!

,

,

حسن

26-05-2015, 01:20 PM

حمد 2002

26-05-2015, 01:23 PM

واذا كان في خلل في المواد عند المقاول .. يدخل بنك التنميه ف معمعه معاهم وهو ناقص .؟!

بالنسبه للتشطيب هذا حل.. للي عادي عنده يعور راسه ويروح ويدور ويسافر ويشتري وما عنده خبره .. وبنفس الوقت عادي يقص عليه المقاول ( احتمال ) ما انتهم احد بس كلها احتمالات واردة
لكن المضغوط واللي مايقدر يوفر الاغراض بالمواصفات اللي يبيها ..؟!..

الحل الوسطيه .. اعطيك نص المبلغ توفر لي .. وباقي المبلغ لين خلصت .. مثل الخياط :secret:

الحل الاخير بصالح المقاول وليس المالك ،

لان المقاول الناجح والواثق من نفسه ، وعنده مشاريع

مايهتم اذا عطتيه نص المبلغ او كله قبل اتمام البناء .

وعلى فكره المقاوليه يستفيدون وايد من البيت . وخصوصا التشطيب .

مثلا حسب لج تكلفه بلاط البيت كامل 30 الف ريال ، وهو بالمقابل استفاد 80 الف ريال من التبليط فقط !! ، فما بالج بباقي الاشياء !!!

يعني اتوقع كحسبه تقدريه بان المقاول بالراحات يستفيد من البيت الواحد اقل شء 400 الف ريال !!

فما بالج لو خذ عده بيوت !!

هنا الحسبه تفرق !!

حمد 2002

26-05-2015, 01:26 PM

هذا مهب كلام ياحمد وتاؤويل طاح وماطاح ليش مسوي عريش هو
هناك اسشاي وهناك فحص عينات الخرسانه
هذا يتحملها الاستشاري مهب المقاول المقاول دوره تنفيذي على حسب الخرايط والمواصفات
هذا من وجهه نظري القانونيه

وشكرا

الاستشاري يلاحظ الشيء العام والظاهري امامه ومايلاحظ خفايا البناء والشيء الباطني !! .

ودي أكون

26-05-2015, 01:29 PM

الحل الاخير بصالح المقاول وليس المالك ،

لان المقاول الناجح والواثق من نفسه ، وعنده مشاريع

مايهتم اذا عطتيه نص المبلغ او كله قبل اتمام البناء .

وعلى فكره المقاوليه يستفيدون وايد من البيت . وخصوصا التشطيب .

مثلا حسب لج تكلفه بلاط البيت كامل 30 الف ريال ، وهو بالمقابل استفاد 80 الف ريال من التبليط فقط !! ، فما بالج بباقي الاشياء !!!

يعني اتوقع كحسبه تقدريه بان المقاول بالراحات يستفيد من البيت الواحد اقل شء 400 الف ريال !!

فما بالج لو خذ عده بيوت !!

هنا الحسبه تفرق !!

ومن قالك ان المالك مو مستفيد ..؟!.. تخمين والا ..؟!

اضمن لي اعطي المقاول ال100 ألف كامله يشطب لي مثلاً .. ويشل عليه او يقص علي بالمواد
او افضل لي اعطيه النص .. ان سحب علي او غشني .. عالاقل بقى لي من ال100 نصها ..؟!

ومثل ما نبي نضمن حق المالك .. لازم بعد انشوف حق المقاول ..

احنا ما نسعى للوقوف ف صف هذا والا هذا .. نسعى للحياديه والموضوعيه اخ حمد .. بدون فلسفه وهميه

مثل ما المقاولين ينصبون .. نعم في ملاك بعد يشلون عليه .. فالكلام بالعقل والمنطق والدفاع عن الحق هو افضل كلام ..

اما بالنسبه للربحيه الخ .. هاذي لا انا ولا انت ولا احد له خص فيها .. يربح المقاول اللي يربحه .. هاذي شغلته وياكلها بالحلال .. مالنا لازم نحسب ..

لا تشوف مال غيرك بارك الله فيك

حسن

26-05-2015, 01:30 PM

الاستشاري يلاحظ الشيء العام والظاهري امامه ومايلاحظ خفايا البناء والشيء الباطني !! .

عطني مثال شنهو الشي الباطني والظاهري ؟

بعدين نصيحه للي يبني مايعمل ديكورات خارجيه ومظاهر على الفاضي ولا افلانه مهب احسن مني
ابعدوهم بيوتكم تخلص بسلام اما تحط الخريطه وش تبين راحت عليك ياصابر

شوف ياحمد بحكم بنينا بيوتنا بروحنا بدون مقاول سؤا الحالي ولا القبلي قبل النزع
بنفسنا وافتكينا من الصداع
كلشي متوفر واحنا المهندسين والاستشارين
الحياه مدرسه ياحمد اذا ماتعلمت مني محدا بيعلمك ببلاش

:victory:

شموخ دائم

26-05-2015, 01:35 PM

,

,

مرحبا

اخوي حمد بارك الله فيك

الاستشاري واجبه وشغلته يعرف خبايا البيت كامله
ومافي حديده تنحط الا وهو معتمدها وزائر الموقع وفي شي اسمه
( استلام ) استلم ووقع ان الحديد صحيح وحسب الخريطه وحسب المواصفات
ويصور الموقع بالكميرا العاديه وكميرا فيديو
ويحتفظ بالصور

وبعدها المقاول ثاني يوم ( يصب ) الكونكريت

وهكذا من

القواعد

الى

اخر صبيه بالبيت

هذا شغل الاستشاري ويسوي ملف كامل للبيت مع العينات من الكونكريت
ومفحوصه من الختبر ويبين فيها التماسك والقوه النيوتن

الامور مو لعبه اخوي حمد لان فيها محاكم وفيها مسئوليات على المكتب

هذا شغل المكتب الجيد

كل شي شافه واجازه ووقع عليه

والمقاول يحتفظ ايضا بتوقيع الاستشاري على الحديد والخرسانات

الامور كلها موثقه مو لعبه

اما المكاتب الي تختم وهو بالمكتب هذا موضوعهم مختلف وما اتكلم عنهم

والي يروح لهم ( يتحمل مسئوليه ) اختياره

,

,

,

,

(عبدالله)

27-05-2015, 07:47 AM

الدفعة الاخيرة تطلع لك معادن المقاولين

المقاول الي معاي مع انه كان ممتاز في شغله... تم يلح علي يستلم الدفعة الأخيرة وأنا سويت له قائمة بتفاصيل المهام المتبقية .. مرتبة ومرقمة ومحددة

تم يلح علي.. والاستشاري شار علي إن الرجال طلع خسران في الربح... يعني كان مسوي under estimation ولقى نفسه وقت المخالصة ما طلع بربح يسوى تعب سنتين ونص ومحتاج الدفعة الأخيرة بمشي باقي الموردين

المهم .. صرفت له الدفعة الأخيرة... وعاد هني بدأ يماطل (لكن بأدب) .. يتأخر شوي .. يفاوضني .. يحاول بالكلمة الحلوة يقنعني.. وأنا أصريت إلا ينفذ كل القائمة

نفذ الأشياء الرئيسية أما الصغيرة تركها.. فاضطريت أسويها بنفسي .. والمفاجآت اللي تطلع بعد البنيان عدل الأشياء الكبيرة .. لكن الصغيرة خلاها

طلعت لي مع الوقت عقب استلام البيت مفاجآت ثانية كلفتني كلها قريب ال10 آلالف دفعتها من جيبي قلتي معليش نمشيها ولا أضيع وقتي..

لذلك الدفعة الأخيرة .. لامزم نكون حازمين فيها ما نتعاطف ونكون واضحين ومحددين

والله ييسر للجميع

فريج شرق

28-05-2015, 08:18 AM

اخوي احيانا المالك يوقع عقد بناء بيت عظم او تسليم مفتاح والمقاول يخلي اخر دفعة مبلغ بسيط جدا يمكن 5% من العقد

فريج شرق

28-05-2015, 08:20 AM

فعلا اخوي هذا افضل حل ان اخر دفعة تكون شيك عند الاستشاري وما تسلم الا لما الاستشاري يتاكد من الاعمال بس احيانا يكون في التشطيبات مقاولين صغار من الباطن مثل الصبغ والبلاط وغيرها

فريج شرق

29-05-2015, 12:32 AM

اخوي كلامك صحيح بس اغلب المقاوليين يخلون اخر دفعة قليلة جدا يمكن توصل 5% يعني ما راح تفرق معاهم
,

,

مرحبا

تسلم اخوي على الموضوع والنصيحه

على الملك انه يتمسك بالعقد وما يدفع الدفعه الاخيره الا بعد اتمام جميع الاعمال واصلاح جميع الملاحظات
واستلام المفاتيح
وما يضعف امام الحاح المقاول بحجه انه محتاج الفلوس لاتمام البيت
وعليه انه يقوله التزم بالعقد وخلص واستلم
بدون خجل او ضعف
لان الدفعه الاخيره هي ضمان للمالك
وهذا شي مهم جدا
دائما تذكر ان ( فلوسك ) هي ضمانك وورقتك الاخيره للضغط على الطرف الثاني
لاتسلم ورقتك الاخيره وتبقى مكتوف الايدي لاحول لك ولا قوه
بعدها حتى ما يردون على اتصالاتك للاسف
سوقنا يتطلب التمسك بالعقد

,

,