الله يرحم ايام تلفونات بوكيمره كانت شي جايد

[JN000N]

السلام عليكم ورحة الله وبركاته

،



،


اكيد تخبرون ذيك الفتره!
اول ما نزلت تلفونات بوكيمره
بعض الناس هاجت وماتقبلته كلش
وبعضهم كيفوا عليه
وعقبها طلعنا بسالفة الاعراس اللي تدخل فيها الكيمرات
واول الفتره ضعاف النفوس نشروا مقاطع من اعراس
وعقب صار منع دخول الكيمره للاعراس وصار في مراقبه وبعد كانو يزرقون بعضهم


عقب طلعت تلفونات بوكيمرتين
واتذكر شلون الناس اشتطوا عليهم وقلنا اكيد نوكيا بتطلع تلفونات بثلاث كيمرات
وعقبها انتقلنا من جيل نوكيا الى ابل واندرويد والخ الخ الخ مع التطور


^
هالكلام كله مجرد شرح لمرحلة انتقاليه مرينا فيها كلها
وماهو الا مقدمة للموضوع



القلوب الميته :)


ولد العرب السموحه بقت الصورة من موضوعك

https://scontent.cdninstagram.com/hphotos-xfa1/t51.2885-15/s306x306/e15/10448998_410718385754836_1705871374_n.jpg

^ قلب ميت طبعا



شسالفة التصوير اللي كل شي؟
شهالسالفه الماصخه اللي كل مالها وتزيد
عنبوه شهالقلوب اللي عالعالم واحد دايسته سياره بيصورونه
واحد منقلب بسيارته بيصورونه
شاحنه انقلبت على سياره واللي فيها مادري شصاده وصوروه
شهالنفوس الرديه اللي انتشرت

والعالم اللي يوصلها الفيديو وتنشر بعد :omg: يااا الله
ترى اللي مات مب مقطوع من شيره
في ذمتك كل مره امه تجوف الصورة وتجوف ولدها طايح ف الشارع غرقان بدمانه

وهالهنود والنيباليين اللي يصورون وينشرون ف اليوتيوب!

الكرين طاح ذاك اليوم والهندي واقف ويصور لا وينشره ف اليوتيوب

الحادث الامسي اللي توفى فيه الكعبي الله يرحمه
متعني والله اللي يصور بدل ما يساعدهم ويدز السياره واقف ويصور ويحوس بين السيارات ويصور اللي طايحين عالارض




لو سمحتو أي مقطع حادث او من هالنوعيه
لا تساعدون في نشرهم
في ذمة كل واحد ينشر اللي بيصير ف أهل هالناس
ياليت اللي يصور وينشر يتحاسب
من قلب ياليت والله يكون حسابهم عسير
عل وعسى يحس على دمه بو قلب ميت


ونصيحة للبقية
لو انها هبه بين الناس صارت اي شي يشوفونه يصورونه لا تسوون مثلهم
مب كل شي يسوونه الناس يعني صح
لا تساعدون في انتشار هالاشيا التافهه
ضررها كبيييييييييير ومنفعتها 0%

[ضوى]

كلامج عين العقل

قلوب ميتة اعوذ بالله

قولي الاسيويين عادي ، بس عيال البلد مدري اشلون قلبه يسخى يصورون الميتين

الله يصبر قلب كل من فقد غالي

شكرا عزيزتي جنون عالتذكير في ميزان حسناتج يارب

[شبح الصمت]

صادقه يا جنون في كل كلمة قلتيها


وسبحان الله انتي قاعده تصيغين هالموضوع

وانا كتبت في موضوعي التصوير عند حادث امس ..


وعن كل الحوادث والناس الي قلوبها ميته ..

لا حول ولا قوة الا بالله

[حمد 2002]

توهم اليوم الاخوان شبح الصمت والاخت بصمه معترفين بقسم الاعترافات بالاستراحه بان هالشيء مايجوز (( تصوير الحوادث )) ، ويوم جفت موضوعج تذكرت ردهم ،،


شكرا على الموضوع الجيد اختي جنون ..

[مختلف جداََ]

المفروض اللي يصور واللي ينشر

يتم محاكمتهم.


حرام اللي قاعد يصير

[شبح الصمت]

توهم اليوم الاخوان شبح الصمت والاخت بصمه معترفين بقسم الاعترافات بالاستراحه بان هالشيء مايجوز (( تصوير الحوادث )) ، ويوم جفت موضوعج تذكرت ردهم ،،


شكرا على الموضوع الجيد اختي جنون ..



مش موضوع جيد ياخوي ذي موضوع حساس ..

مفروض اي واحد يصور ينسحب تلفونه وينمسح منه كل شيء ..



من اهو عشان يصور هالحوادث وهالبني آدميين متسدحين ويرسله واهاليهم يشفونهم

اي قلب عنده هالانسان ..

استغفر الله العظيم

[بريق الحق]

صح كلامج ومعاج
اهم شي انه اي احد شاف الفيديو يترحم عليهم و يدعي لهم

[ريم الشمال]

الله يرحم الكعبي ويربط على قلب أهله ويصبرهم

من يقول هذي ثقافة اعتقد ثقافة التصوير بعيده كل البعد عن هذا
يسمى هذا إي مسمى غير مسميات التجمل فهم بعيدين عنه
وكل من أتى سلوك غير حضاري مثل سلوك التصويرووجد من يردعده سواء قانون دوله أو قانون مجتمع لما تجراء على اظهار الكيمره وقام يصور لو جد من يزجره ويرده من الناس لخاف
ولكن من أمن العقوبة أساء الأدب .

[JN000N]

كلامج عين العقل

قلوب ميتة اعوذ بالله

قولي الاسيويين عادي ، بس عيال البلد مدري اشلون قلبه يسخى يصورون الميتين

الله يصبر قلب كل من فقد غالي

شكرا عزيزتي جنون عالتذكير في ميزان حسناتج يارب

الاسيويين قبل ماعندهم تلفونات بكيمره
والا جان من زمان يصورون
بس توهم كم سنه هبو بالتلفونات هذي والفيس بوك واليوتيوب وقامو ينشرون كل شي يشوفونه
هذول ماعليهم شرهه
الشرهه على العرب والخليجيين
مب بس ف قطر
كل واحد يصور حادث ويصور الميت ويوثق الحادث وينشره (ايش يبي يوصله بالضبط)؟ بموت واعرف المنفعه او الهدف من ورا هالشي

هل بتقولون عشان الباقي يتعضون؟

[العنيده]

يا ربي وانا اشوف الفيديو اقول الله يصبر اهله واهل المصابين ان شاء الله ..
في ناس وصلت لمرحلة تحجر القلوب استغفر الله .. كان بامكانه اللي يصور يغطي يساعد يروح بعيد اي شي بس ليش التصوير ..
تبي تكون موجود ساعد افضل من الصوره .. والله اسال نفسي وانا اشوف من صجه اللي يصور :(
اللهم لاتفجعنا بقريب ولا بعيد ان شاء الله .. ويستر علينا دنيا واخره ان شاء الله يارب ..

الفيديو لتوثيق اللحظات الجميله للذكرى واللي مايعرف يستخدمها لايستخدمها ويفكنا من شره استغفر الله:anger1:

[بريق الحق]

كلامج عين العقل

قلوب ميتة اعوذ بالله

قولي الاسيويين عادي ، بس عيال البلد مدري اشلون قلبه يسخى يصورون الميتين

الله يصبر قلب كل من فقد غالي

شكرا عزيزتي جنون عالتذكير في ميزان حسناتج يارب

حتى الاسيوي
الميت له حرمته نفس ماهو حي مهما كان
تصوير الناس وهم في هذه الحال مصيبه وعباره عن جهل من الناس

[شبح الصمت]

كاريكاتير اليوم محمد عبد اللطيف عن " تصوير الحوادث )

[بريق الحق]

كنت اقول ولازت اقول
عندنا ازمة كبيره في دول الخليج
ازمة الاخلاق وازمة الجهل واشياء كثيره الله يصلح الحال

[technical]

بسم الله الرحمن الرحيم , مع كراهة الصورة هذه لنفسي , لكن اذكر مرة كنت مار عند اشارة قريب الجامعة وكان يوجد حادث لشخص قاطع الاشارة. وكانوا يشلون المتوفي بدميانة على السرير داخل عربة الاسعاف. قلت لولدي الي كان بجنبي في السيارة هذه توالي الي يسرعون!

سألته بتسرع بالسيارة لما تكبر ؟ قال لا!

خل الي يسرعون يشوفون توالي السرعة ايه ؟ عسى هذا الشوف يردهم عن الي يسوونه بعمرهم!

[العقل المدمر]

بصراحة
اعترف اني احب اشوف الصور :weeping:
احس الصور غير عن الخبر تتم فالذاكرة
ممكن اترحم على شخص سنين بس لان صورته فبالي
عكس اللي بس اسمع عنه ممكن انسى مع الوقت
ممكن شخص يتوب من صورة تأثر فيها
جي يعني اكيد الصور تأثيرها غير
جان ماصوروا المذابح فسوريا وغيرهم
ومع هاي احس ما برضى لو انا اللي مصوريني مثلا :eek5:

[JN000N]

صادقه يا جنون في كل كلمة قلتيها


وسبحان الله انتي قاعده تصيغين هالموضوع

وانا كتبت في موضوعي التصوير عند حادث امس ..


وعن كل الحوادث والناس الي قلوبها ميته ..

لا حول ولا قوة الا بالله

من شفت فيديو الكرين اللي طاح
حسيت السالفه مصخت
وصار حادث من فتره شاحنه منقلبه على بيكم ويوم شفت الصور مارقدت وقتها اتخيل شلون صار شكل اللي داخل السياره
وامس يوم وصلني هالفيديو ماعينت خير
ماقدر استحمل اللي صاير اقول لو امه تجوف الفيديو شبيصير فيها
الناس اللي حوله وتجوفه تصور المفروض تبعده عن المكان

صج صج كلامي للكل
لين شفتو حد يصور حادث ابعدوه
لا تخلونه يقتحم المكان ويصور التفاصيل

[JN000N]

توهم اليوم الاخوان شبح الصمت والاخت بصمه معترفين بقسم الاعترافات بالاستراحه بان هالشيء مايجوز (( تصوير الحوادث )) ، ويوم جفت موضوعج تذكرت ردهم ،،


شكرا على الموضوع الجيد اختي جنون ..

لان صج مايجوز تصوير هالمناظر
مهما كان البعض يظن ان وراه فايده
نفس بعض الامور غصبن علينا صارت وتعايشنا معاها ونحاول ان نتجنبها مرات
انا كنت مسافره وصارت لنا حالة وفاة
انتشر ف تويتر والبلاك بيري وعالواتس اب ان هالشخص توفى
واحنا اهلنا ف الدوحه مغبيين علينا الموضوع عشان ماتتعب امي او حد فينا يصيده شي
نبي بس نوصل الدوحه بالسلامه وعقب يصير خير المهم نكون قراب
^ هاي ماله خص ف موضوعي ولكن هاي من الاشيا الجديده علينا وانتشرت ورضينا فيها

بس مابي نوصل ف يوم لمرحلة ان نجوف هالفيدوات عاديه

[بصمة قطرية]

حسبي الله و نعم الوكيل على هالقلوب الميته و القاسية ..
شلون لهم قلب يصورون حوادث و ناس ميتة ..!!!
تدرين جنون ..
ولدي وصل من المدرسة من شفته ويهه متغير
سألته إش فيك ..
قال لي : رفيجي الكعبي اللي توفى في حادث أمس ..
معاه من أول إبتدائي يعني من 11 سنه
يقول قلبي عورني للحين مش مصدق الفيديو
يمه للحين مب عارفين سبب الحادث
و تم يتكلم حسيت الولد مش مستوعب إن رفيجه توفى ..
الله يرحم الثلاثة اللي توفوا و يصبر أهاليهم ..
إذا ولدي شاف الفيديو و تعب
شلون أهاليهم الأم الأبو الاخوان الخوات ..
يارب ترحمنا برحمتك ..
المفروض أي شخص يشوفونه يصور في مكان حادث
يكسرون جواله و يحاكمونه ..
والله حرااااام ..

[JN000N]

المفروض اللي يصور واللي ينشر

يتم محاكمتهم.


حرام اللي قاعد يصير

يالييييييييت والله
اسهل شي اللي ينشر ف يوتيوب وفيس بوك وتويتر
رضينا من قبل بصور للحادث من بعيد وكنا نتأذى لين جفناهم
الحين فيديو يدخل بين الميتين ويصور كل شي
اوووفر الصراحه

[بريق الحق]

حسبي الله و نعم الوكيل على هالقلوب الميته و القاسية ..
شلون لهم قلب يصورون حوادث و ناس ميتة ..!!!
تدرين جنون ..
ولدي وصل من المدرسة من شفته ويهه متغير
سألته إش فيك ..
قال لي : رفيجي الكعبي اللي توفى في حادث أمس ..
معاه من أول إبتدائي يعني من 11 سنه
يقول قلبي عورني للحين مش مصدق الفيديو
يمه للحين مب عارفين سبب الحادث
و تم يتكلم حسيت الولد مش مستوعب إن رفيجه توفى ..
الله يرحم الثلاثة اللي توفوا و يصبر أهاليهم ..
إذا ولدي شاف الفيديو و تعب
شلون أهاليهم الأم الأبو الاخوان الخوات ..
يارب ترحمنا برحمتك ..
المفروض أي شخص يشوفونه يصور في مكان حادث
يكسرون جواله و يحاكمونه ..
والله حرااااام ..
2 الي توفو

[شايل الهم]

هذا واقع وانا مع معاقبت من يقوم بتصوير هذي الأمور لانه يضر غيره ويتدخل في خصوصيات الغير
والمفروض العالم ترتقي شوي التصوير لذكرى وهوايه نستغلها في مكانها الصحيح

[بصمة قطرية]

2 الي توفو

3
اثنين وقت الحادث
الثالث في المستشفى
الرابع حالته حرجة
الخامس إصابات خفيفة ..
الله يرحم المتوفين و يصير أهاليهم
و يشفي المصابين ..

[الحياة الخالدة]

السلام عليكم و رحمة الله

كلامج مضبوط يا جنون و كلنا متفقين معاه

لكن .. خل نكون صريحين شوي مع أنفسنا
كم واحد فينا يستنكر هالشي .. و في نفس الوقت هو واحد من اللي ينشرون هالصور و المقاطع ( وما اقول اللي يصورونها )

عاد شنهو هدفنا من النشر .. الله أعلم
يمكن تعود ينشر الصورة أو المقطع أول ما يوصله
أو يقصد أن كل من يشوف يترحم على المتوفين و يدعو للمصابين بالشفاء
أو يبي يصير له السبق في النشر ( من منطلق إني أعرف كل شي و ما يفوتني أي حدث يصير )

مابي حد يزعل ويدافع عن نفسه .. بس خل نفكر فيها عدل
و في النهاية .. كل واحد على نيتـــــه
لكن الشي قاعد يصير .. و ما نقدر ننكره
و اعتقد الواحد ما راح يحس بهالشي .. إلا لما يكون الحادث صاير حق حد من أهله أو معارفه

وقانا الله و إياكـــــم شر الحوادث

[حمد 2002]

رجال كبير ولا صغير ولا بيبي طاح صوروه .

واحد يشرب جاي وانكت على ثوبه صوروه .

واحد طويل طوله 180 ووزنه 80 صوروه . :shy:

واحد صاد قباقب صوروه :( ،،


ممممممممممم الخلاصه انه التصوير مب مقتصر على الحوادث بل في جميع المحالات .


والاخطر من هاي النشر على طوول . كما تفضلت اختي الحياه بردها السابق .

والصراحه كلنا ننشر هالاشياء وانا اعترف اني انشر اذا شيء جاني بس ماصور . (( الله يرحم المتوفين ويغفر لهم يارب )) ويسامحنا ان بدر منا شيء عن جهل .



والسلام ختام ، مع الشكر لصاحبه الموضوع وللاعضاء الكرام .



التوقيع :-

حمد 2002

[JN000N]

مش موضوع جيد ياخوي ذي موضوع حساس ..

مفروض اي واحد يصور ينسحب تلفونه وينمسح منه كل شيء ..



من اهو عشان يصور هالحوادث وهالبني آدميين متسدحين ويرسله واهاليهم يشفونهم

اي قلب عنده هالانسان ..

استغفر الله العظيم

اي والله صدقت
ولا جنه اللي ميت قدامه ادمي
احنا نجوف قطوه دايسينها ف الشارع تعورنا قلوبنا
شلون لو ادمي!!

[رهج السنابك]

لين متى بعض العرب عقول " تنك"
العرب قوم فيهم جاهلية ويغلب على طبعهم التوحش اذا ماهذبوا ( مب كلامي هذا كلام ابن خلدون)
المراد
التهذيب يكون بالعصا
بقانون صارم
والله لو نزلوا قانون بتجريم من يصور حوادث لغرض النشر والتسليه يعاقب بعقوبات مجزيه كان اصطلبوا هالجحلط

[طلعة الروح]

صاحب الصوره اذا كانت حقيقية ماقول الا الحمدلله على نعمة العقل هذول اللي ينقال عنهم ناس عايشه على مصايب الاخرين وتتلذذ بذلك مرض نفسي واضح.

[بريق الحق]

لين متى بعض العرب عقول " تنك"
العرب قوم فيهم جاهلية ويغلب على طبعهم التوحش اذا ماهذبوا ( مب كلامي هذا كلام ابن خلدون)
المراد
التهذيب يكون بالعصا
بقانون صارم
والله لو نزلوا قانون بتجريم من يصور حوادث لغرض النشر والتسليه يعاقب بعقوبات مجزيه كان اصطلبوا هالجحلط

ابن خلدون قال اشياء كثيره وكانت غلط

[رهج السنابك]

كيفك قول غلط على الي تبيه
وغيرك بيقول صح
من نحن عند فلاسفة وعظماء المسلمين!!
هرمتم

[بريق الحق]

كيفك قول غلط على الي تبيه
وغيرك بيقول صح
من نحن عند فلاسفة وعظماء المسلمين!!
هرمتم

روحي اقري التاريخ عدل وشوفي من هم عظماء المسلمين

[JN000N]

صح كلامج ومعاج
اهم شي انه اي احد شاف الفيديو يترحم عليهم و يدعي لهم

وما ينشره
الله يرحمهم

[بريق الحق]

وما ينشره
الله يرحمهم

اقصد من بعد ما انتشر المقطع الكل قام يدعي لهم

[JN000N]

الله يرحم الكعبي ويربط على قلب أهله ويصبرهم

من يقول هذي ثقافة اعتقد ثقافة التصوير بعيده كل البعد عن هذا
يسمى هذا إي مسمى غير مسميات التجمل فهم بعيدين عنه
وكل من أتى سلوك غير حضاري مثل سلوك التصويرووجد من يردعده سواء قانون دوله أو قانون مجتمع لما تجراء على اظهار الكيمره وقام يصور لو جد من يزجره ويرده من الناس لخاف
ولكن من أمن العقوبة أساء الأدب .

امين يارب
هي ثقافة مفسدة انتشرت بين الناس
مب تجمل لهم ولا تحسين لافعالهم
لانها افعال سيئة واضرارها كبيره وماظن منفعتها مفيده بدرجه ملحوظه
القانون موجود ولكن جهلنا فيه مصيبه :yes:
ويمكن لان القانون ف هالخصوص مش متفعل

والله اعلم

[JN000N]

يا ربي وانا اشوف الفيديو اقول الله يصبر اهله واهل المصابين ان شاء الله ..
في ناس وصلت لمرحلة تحجر القلوب استغفر الله .. كان بامكانه اللي يصور يغطي يساعد يروح بعيد اي شي بس ليش التصوير ..
تبي تكون موجود ساعد افضل من الصوره .. والله اسال نفسي وانا اشوف من صجه اللي يصور :(
اللهم لاتفجعنا بقريب ولا بعيد ان شاء الله .. ويستر علينا دنيا واخره ان شاء الله يارب ..

الفيديو لتوثيق اللحظات الجميله للذكرى واللي مايعرف يستخدمها لايستخدمها ويفكنا من شره استغفر الله:anger1:

اي والله انها قلوب متحجره
واحد طايح قدامي في مصيبه شهالفراغه وتبلد الاحساس اللي يخليني اطلع جوالي واصوره!
بلااااده مب طبيعيه
امين يارب

[JN000N]

حتى الاسيوي
الميت له حرمته نفس ماهو حي مهما كان
تصوير الناس وهم في هذه الحال مصيبه وعباره عن جهل من الناس

مصيبة اعظم من كونهم سوو حادث
من ناحية المصورين نفسهم
ومن ناحية الميت نفسه
مثل ما قلت للميت حرمه
ولاهل الميت حق
واللي يصور شوضعه ميت والا بليد والا طوفه

[JN000N]

كاريكاتير اليوم محمد عبد اللطيف عن " تصوير الحوادث )




لقد اسمعت لو ناديت حيا
ولكن لا حياة لمن تنادي

[Miss]

حسبي الله ونعم الوكيل فيهم
ما له أي مبرر تصويرهم
اللي يصور بتدور الدنيا وبيي اللي يصور اهله وناشرها :anger1:

[الحياة الخالدة]

تدرين جنون

ذكرتيني بفيلم أجنبي شفته
واحد فقير مب محصل شغل .. و جرب أكثر من شغلة ما فلح فيها

مر على شارع يوم من الأيام .. شاف واحد و معاه المساعد ماله يصورون حادث سيارة و ناس مصابين و شرطة و حالة ..
وتكرر هالشي أكثر من مرة .. مع نفس المصور اللي يوم يخلص تصوير كان يركب سيارة فيها كل التجهيزات و يروح
لحقه عشان يعرف السالفة .. لقاه يروح قناة تلفزيونية و يعطيهم التصوير ويعطونه فلوس
و القناة تنشر التقرير كامل .. طبعاً تقرير حصري .. حتى الشرطة ما عندهم نفس التفاصيل

عجبته السالفة .. قام يلاحق المصور و يقلده .. طبعاً المصور كان يضحك عليه في البداية و يتطنز على كاميرته البدائية
بس هو ما اهتم .. و استمر في محاولاته يراكض ورا الحوادث و يتغلغص و يصور عن قرب .. لحد ما يشوفونه الشرطة و يطردونه .. عادي ما يهمه و لا يتأثر
و يطير بالتقرير حق قناة تلفزيونية ثانية انبهرت فيه .. و قاموا يدفعون له من غير حساب
دور على واحد طايح حظه .. و قال له أبيك تساعدني وبصرف لك معاش .. طبعاً هذاك محتاج و اجتهد .. وصاحبنا يعشمه و يستغله .. يعطيه أقل القليل

صاحبنا بدا يوسع نشاطه و يدش بيوت ويصور جرايم فيها
و يختلق بعض الحوادث و يصورها
في النهاية تورط مع عصابة مخدرات .. و خلا المساعد ماله في الواجهة
قال له روح صورهم من قريب و انا براقبك ..
راح الخبل يصورهم وأطلقوا عليه النار .. طبعاً قبل لا يوصلون الشرطة
تقدم صاحبنا وقعد يصور المساعد و هو يموت .. لحد ما مات .. كانوا الشرطة واصلين
خذ كاميرته وركض للقناة

----------

طبعاً التفاصيل مختصرة
بس اللي أبي أقوله أن البعض أخذها مهنة .. و يجمع منها ثروة .. ما عنده لا رادع ولا ضمير

و سلامتكم .. و اسمحوا لي أدري مشاركتي وااااايد طويلة

[رهج السنابك]

اما الفيلم
صج نذاله بالاخير
بس عجبتني الحبكة الدراميه تميت اتخيل

[الحياة الخالدة]

اما الفيلم
صج نذاله بالاخير
بس عجبتني الحبكة الدراميه تميت اتخيل

الفيلم عجيب عجيب .. واللقطة اللي تتكلمين عنها حسيت فيها نذالة الدنيا
للأسف ناسية اسم الفيلم .. و الا برد اشوفه مرة ثانية .. بنظرة جديدة :secret:

[شبح الصمت]

شكراً كيف اصبحت

الدكتور عبد الرحمن الحرمي
والاستاذ عقيل الجناحي

وعلى راسهم السيد/ محمد بن سعد الخرجي


اليوم كان الموضوع عن تصوير الحوادث وترويع العالم ونشر الصور قبل وصول الاسعاف او قبل الاتصال للدوريات ..
وبرودة التصوير

وكان الخرجي من نبرة صوته زعلان ومتضايق من الشي وقال انه لو في قانون انه يتم ملاحقة ومقاضاة الي صور ونشر


ويجب علينا ان وصلنا اي فيديو مثل هالفيديوهات انه نتركد ولا نرسله على طوول ما نكون آداة مساعدة لنشر مثل هالفيديوهات ..

والله عطانا نعمة النسيان
ولكن بعض البشر يخلوونك ما تنسى وتم اطالع المقطع وتعيده وتحسر ..


وتكلم عن الحادثه الاخيرة انه في واحد ما قام يتكلم من الصدمه
فما بالكم بشيبان وامهات هالعيال وغيرهم وغيرهم ..


اتمنى اتمنى الواحد ونصيحه لي ولكم انه لو اوصله مثل هالفيديو او الصور انه يحتفظ فيها ولا يقوم باعادة ارسالها ..


والله يغفر لنا ويرحمنا ..


شكراً

[JN000N]

شكراً كيف اصبحت

الدكتور عبد الرحمن الحرمي
والاستاذ عقيل الجناحي

وعلى راسهم السيد/ محمد بن سعد الخرجي


اليوم كان الموضوع عن تصوير الحوادث وترويع العالم ونشر الصور قبل وصول الاسعاف او قبل الاتصال للدوريات ..
وبرودة التصوير

وكان الخرجي من نبرة صوته زعلان ومتضايق من الشي وقال انه لو في قانون انه يتم ملاحقة ومقاضاة الي صور ونشر


ويجب علينا ان وصلنا اي فيديو مثل هالفيديوهات انه نتركد ولا نرسله على طوول ما نكون آداة مساعدة لنشر مثل هالفيديوهات ..

والله عطانا نعمة النسيان
ولكن بعض البشر يخلوونك ما تنسى وتم اطالع المقطع وتعيده وتحسر ..


وتكلم عن الحادثه الاخيرة انه في واحد ما قام يتكلم من الصدمه
فما بالكم بشيبان وامهات هالعيال وغيرهم وغيرهم ..


اتمنى اتمنى الواحد ونصيحه لي ولكم انه لو اوصله مثل هالفيديو او الصور انه يحتفظ فيها ولا يقوم باعادة ارسالها ..


والله يغفر لنا ويرحمنا ..


شكراً

الحمدلله
يعني حتى الجهات الرسميه مب عاجبها اللي صاير
وياليت صج الخرجي يطبق عليهم قوانين صارمه لكل من يصور هالفيدوات وينشرها

مب بس الحوادث
حتى موضة اللي كل ما جافو حد ف السيارة يضرب حد يصورونه
مب من حق اي واحد يصور وينشر الفيدي وف الواتس اب بين الناس عشان سبحان الله يوصل لجهة رسميه
شهالتصرفات الطفوليه السخيفه
كل ما جفتو شي بتنشرونه بين الناس
اول شي دامك شفت اتصل للشرطه وبلغ وعطتهم رقم السياره ونوعها ولونها
واذا كلش مب متفرغ توقف وتتصل وصورت خلاص روح وبلغ اذا صج تبي تسوي خير
مب تفك عمرك من العباله عشان ما يسوون لك سين وجيم تقوم وتنشر
انا لو يصورون ولدي الدريول والا حد ضاربه والا معتدي عليه
طبيعي باتنبه للموضوع (طبعا هاي لووووو هملت ولدي) لكن اول شي بسويه اني اشتكي على اللي يصور وارفع عليه قضية تشهير
مب من حق اي حد ف الدنيا يصور حد وينشر المقطع اذا جفت شي غلط بلغ او ارسل اللي صورته لجهة رسميه تتكفل بالموضوع وانت امسح الفيديو او الصورة من عندك

[JN000N]

تدرين جنون

ذكرتيني بفيلم أجنبي شفته
واحد فقير مب محصل شغل .. و جرب أكثر من شغلة ما فلح فيها

مر على شارع يوم من الأيام .. شاف واحد و معاه المساعد ماله يصورون حادث سيارة و ناس مصابين و شرطة و حالة ..
وتكرر هالشي أكثر من مرة .. مع نفس المصور اللي يوم يخلص تصوير كان يركب سيارة فيها كل التجهيزات و يروح
لحقه عشان يعرف السالفة .. لقاه يروح قناة تلفزيونية و يعطيهم التصوير ويعطونه فلوس
و القناة تنشر التقرير كامل .. طبعاً تقرير حصري .. حتى الشرطة ما عندهم نفس التفاصيل

عجبته السالفة .. قام يلاحق المصور و يقلده .. طبعاً المصور كان يضحك عليه في البداية و يتطنزعلى كاميرته البدائية
بس هو ما اهتم .. و استمر في محاولاته يراكض ورا الحوادث و يتغلغص و يصور عن قرب .. لحد ما يشوفونه الشرطة و يطردونه .. عادي ما يهمه و لا يتأثر
و يطير بالتقرير حق قناة تلفزيونية ثانية انبهرت فيه .. و قاموا يدفعون له من غير حساب
دور على واحد طايح حظه .. و قال له أبيك تساعدني وبصرف لك معاش .. طبعاً هذاك محتاج و اجتهد .. وصاحبنا يعشمه و يستغله .. يعطيه أقل القليل

صاحبنا بدا يوسع نشاطه و يدش بيوت ويصور جرايم فيها
و يختلق بعض الحوادث و يصورها
في النهاية تورط مع عصابة مخدرات .. و خلا المساعد ماله في الواجهة
قال له روح صورهم من قريب و انا براقبك ..
راح الخبل يصورهم وأطلقوا عليه النار .. طبعاً قبل لا يوصلون الشرطة
تقدم صاحبنا وقعد يصور المساعد و هو يموت .. لحد ما مات .. كانوا الشرطة واصلين
خذ كاميرته وركض للقناة

----------

طبعاً التفاصيل مختصرة
بس اللي أبي أقوله أن البعض أخذها مهنة .. و يجمع منها ثروة .. ما عنده لا رادع ولا ضمير

و سلامتكم .. و اسمحوا لي أدري مشاركتي وااااايد طويلة

تدرين الحياه :nop:
قصته مبنيه على تاثيرات سابقه
هو عاش ف فقر ومافلح ف شغله وطبيعي محد مد له يد العون
ولقى هالشغله الي تكسبه ذهب
وعقبها لقى اللي افقر منه واستغله
بالضبط مثل ما هو قبل استغلوه
لكن مات عنده الاحساس والضمير


فعلا بعضهم يوقف يصور الادمي وهو يموت ولا يمد له المساده بس عشان ماتطوفه اللقطه
او بيساعده وهو يصور نفسه عشان يُلقب بالبطل

[JN000N]

حسبي الله ونعم الوكيل فيهم
ما له أي مبرر تصويرهم
اللي يصور بتدور الدنيا وبيي اللي يصور اهله وناشرها :anger1:

النار ما تحرق الا رجل واطيها

[JN000N]

اقصد من بعد ما انتشر المقطع الكل قام يدعي لهم

اكيد بيدعون لهم
لكن بعد مب مبرر للتصوير
ومب منظر حلو
بيتم المنظر عالق ف ذاكرة هله

[JN000N]

صاحب الصوره اذا كانت حقيقية ماقول الا الحمدلله على نعمة العقل هذول اللي ينقال عنهم ناس عايشه على مصايب الاخرين وتتلذذ بذلك مرض نفسي واضح.

ماات الاحساس
قلب ماميش
حصى

[JN000N]

لين متى بعض العرب عقول " تنك"
العرب قوم فيهم جاهلية ويغلب على طبعهم التوحش اذا ماهذبوا ( مب كلامي هذا كلام ابن خلدون)
المراد
التهذيب يكون بالعصا
بقانون صارم
والله لو نزلوا قانون بتجريم من يصور حوادث لغرض النشر والتسليه يعاقب بعقوبات مجزيه كان اصطلبوا هالجحلط

مب بس العرب عقولهم تنك
الاجانب ادمر
مانخص قوم بالجهل عن قوم ثاني
تصرفات فرديه خاطئة ما تنعكس عالكل

[شبح الصمت]

ساعدني_ولا_تصورني!!


باتت ظاهرة توثيق الأحداث لحظة بلحظة عبر وسائل التواصل الاجتماعي هي الشغل الشاغل للبعض منا، لدرجة الهوس غير المبرر وبعض الأحداث الأخيرة التي سمعنا عنها أو شاهدناها من خلال التوثيق السلبي لها جعلتنا اليوم نسأل سؤالاً مهماً ماذا لو كنت أنت في نفس هذا الموقف؟!

هل كنت ستقبل أن يصورك أحدهم بدافع التوثيق وأنت تغرق في البحر باحثاً عن من يساعدك؟

هل كنت ستقبل أن تنتشر حادثتك هذه بين الخلائق لدرجة أنك أصبحت حديث الشارع في لحظة؟

أكاد أجزم أنك لن تقبل بها ولو لثوان..

فما بالك باقتحام خصوصية الآخرين، سواء حياتهم الشخصية أو العامة بتوثيقها، سواء كان بعلمهم أو بدون، فالأمر هنا واحد!!

بل من المفترض بدلاً من أن أترك لفكري وللكاميرا العنان في توثيق اللحظات الصعبة التي يمر بها الآخرون كان من باب أولى أن أتوقف مباشرة وأتجه للحدث كبادرة إيجابية، محاولاً مساعدة أطرافه بهدف إنهاء المشكلة.

أحياناً طرف المشكلة ربما يكون طفلاً صغيراً ضعيف البنية قليل الحيلة بين يدي ذئب بشري معدوم الضمير ينتظر نجدة تنقذه من بين فكي هذا القذر، ولكن نفاجأ بدلاً من تدخلنا وقفنا نوثق الحدث ثم ننشره، وفي قرارة الطفل كان يبكي ساعدوني ولا تصوروني!!

هذه صرخة ضمير نوجهها لكل القلوب التي انفطرت بعد تداول فيلم التحرش الأخير، وما نتج عنه بعد النشر من تدخل شعبي كبير غير مسبوق على أطراف الموضوع الثلاث:
السائق: مطالبين بتنفيذ أقسى العقوبة عليه.

الطفل: والسؤال كيف نهمله مع سائق مغترب عن أسرته هكذا؟

الشاهد: وكيف ترى الطفل في هذا الوضع دون مساعدة تذكر وتكتفي فقط بالتوثيق؟

يا إخوان ويا أخوات الوضع اليوم أصبح بحاجة إلى تحرك شعبي إيجابي لا سلبي لوقف انتهاك حقوق أبنائنا وبناتنا، فما حصل بالأمس القريب ممكن أن يتكرر كل يوم ويحدث مع الخادمة أو الطفلة أو حتى مع ربة المنزل نفسها، فكل شيء جائز إن لم تكن لدينا خطوات رادعة تمنع حدوثه، ووعي بخطورة ترك الأطفال يلهون ويلعبون مع السائق أو الخادمة دون رقابة تذكر..
لا نسيء الظن في جميع خدم المنازل والسائقين، بل لا ننكر أن هناك من تركوا بصمة إيجابية في حياتنا لا ننساها، لذا فهم قلة، ولكن من الأفضل أن نتابع من بعيد والتدخل في الوقت المناسب لإنقاذ ما يمكن إنقاذه!!

آخر وقفة
أرجع أذكركم (ساعدني ولا تصورني)

[JN000N]

رجال كبير ولا صغير ولا بيبي طاح صوروه .

واحد يشرب جاي وانكت على ثوبه صوروه .

واحد طويل طوله 180 ووزنه 80 صوروه . :shy:

واحد صاد قباقب صوروه :( ،،


ممممممممممم الخلاصه انه التصوير مب مقتصر على الحوادث بل في جميع المحالات .


والاخطر من هاي النشر على طوول . كما تفضلت اختي الحياه بردها السابق .

والصراحه كلنا ننشر هالاشياء وانا اعترف اني انشر اذا شيء جاني بس ماصور . (( الله يرحم المتوفين ويغفر لهم يارب )) ويسامحنا ان بدر منا شيء عن جهل .



والسلام ختام ، مع الشكر لصاحبه الموضوع وللاعضاء الكرام .



التوقيع :-

حمد 2002


امين

شكرا حمد عالاضافه


على فكره راح يكون في تشديد وعقوبات على كل من يصور حادث او اي شي ثاني ف الشارع يثير الجدل والرأي العام
هوشه او حادث او حد ميت او تحرش او ضرب راح يكون في عقوبه والداخليه بتطلع الشخص الي صور لو وين يكون

[غير البشر]

لا تصورون اي حادث تشوفونه ولا تنشرون تصوير الحادث .
القانون القطري حدد للمخالفين سجن ثلاث سنوات وغرامه 100000 ريال .




http://dohanews.co/sharing-accident-photos-could-violate-qatar-privacy-laws-lawyers-warn/

[طلعة الروح]

راحت أيام النخوة والشهامة الا من رحم ربي.
مع ذلك أحب أنوه بأن الجانب المضيء لا زال موجود
وعندنا شباب في البلد ينشد فيهم الظهر لي طقت حجايجها
وأكيد الشين يعم والزين يخص.