ابغي اشتري تلفون جديد نصايحكم !

[بوحارب]

السلام عليكم


ابغي أغير تلفوني خلاااااص تمللت من الايفون 5
صار يحتر بسرعه والبطارية ساعة ونص وتفضي crazy


توني اشوف الجالاكسي ادج6 وعجبني

وانا فخاطري 5s لان حجمه صغير

وأفكر في الايفون 6

انصحوني من واقع تجربة ولا تهونون :(

[بنت شرق]

ان شا الله ينصحونك الأعضاء ،،،نفس مشكلتي مع الايفون فايف ،،،غيرت الشاحن ،،،صار الوضع افضل شوي ،،بس يقولون الأفضل تبدل بطاريته

[بوحارب]

بدلت بطاريته ونفس الحاله

يحتر ويخلص الجرج بسرعة

البطارية كوبي درجة1

[لبيبة]

iphone 6 plus
بطارية ممتازة
وحجم الشاشة روعة

[بوحارب]

No way plus

حجمه عود كنه تلفزيون:(

يسلمو لبيبه

[العلياا]

وعليكم السلام

اخوي يمدح الجالكسي الجديد ويقول ان بطاريته ممتازه بالاضافه الى التصوير
لكن شخصيا احس ان الجالكسي معقد جدا مافهم له

الايفون 6 العادي صدق بطاريته مب ذاك الزود لكن ممتاز وماراح تتعب لانه نفس الفايف

[العقل المدمر]

مافي احسن من بو ليت
بلا سوشل ميديا بلا هم :(

[بوحارب]

العلياا تصدقين ال 6 خذيته اوووول مانزل
ومن أبل ستور بس ماعجبني حجمه

وشكلي شكلي تحسفت اني فرطت فيه

تسلمين عالرد


العقل المنتهي

زين صيري كريمة وطرشيلي واحد

ترى الا ب 79 qr

[وليف الشوق]

الحين الايفون 6 العادي مو البلاس حجمه اكبر شوي من الايفون اللي عندك انصحك بالايفون الـ 6 ومبارك عليك مقدما"

خلك على الايفون دام تعرف له وسهل وانا عندي ايفون الـ 6 العادي والايفون الـ 6 بلس واللي اشوفه انه الاصغر استخدامه اروع
وانت روح اي محل وقارن بين حجم اللي عندك والايفون 6 وراح تنصدم انك للحينه معاك ههههههههههه

[الجـــوديّ]

امممم الايفون حلو استعماله عن أي تليفون اندرويد ..

ماتبي تعور راسك مع تليفون ونظام جديد عليك .. عليك باللي تعرفه بس الآحدث ايفون6

تبي تجرب وتستكشف شي جديد ولك طولة بال على التغيير

ارشح لك سوني اكسبيريا + جالكسي الجديد


بالتوفيق،،

[حليتان*]

الجلكسي حلو وانا اشوفه احسن من الايفون حق الي يحب التعبث فالجوال


بس تصويره فالسناب خايس :anger1: جنك مصور بنوكيا n70

[العقل المدمر]

العقل المنتهي :(

زين صيري كريمة وطرشيلي واحد

ترى الا ب 79 qr

ماعندي اياه انا بس ايمع ايفونات :(
عندي جوالين من القدام بس مشكلتهم ماتركب عليهم الا سماعاتهم القديمة
وواحد منهم بطاريته تقليد بعد :(

[الحياة الخالدة]

امممممم
شوف بونفس خبير التليفونات في المنتـــــدى

[pink pearl]

أنا عندي تلفون 5s جديد ذهبي بقراطيسه، كنت شاريته، ومااستعملته ضمان سنة مع فاتورته
لو تبيه با أبيعه لك

[للصبر اخر]

اذا انت تبي بطاريه
عندك تلفون htc نظامه اندرويد
اذا اهتمامك بس بطاريه
السوني z3 ايضا بطاريته جباره يعني في خاصية اقفال كافة البيانات في وضع الخمول

[Dana’1]

وعليكم السلام ورحمة الله وبركاته
الي عنده ايفون ما اظن يحب غيره^_^
بس اذا حاب تغير شفت ناس تمدح Lenovo Vibe Z2 Pro شفت تقارير عنه من قبل يمدحون بطاريته بس ما جربته بصراحه
وفيه هواوي ( واوي )

سامسونج من الي شفته من حولي ياشاشه تتكسر من اول طيحه وطيخه بسيطه مثلا وهم داخل سياره
والشي ثاني الكاميرا ماتفتح للتصوير! ليش ما اعرف ؟!

طبعا كل الي فوق ماجربتهم شخصيا! لان انا من محبين ايفون*_^

[يوسف0]

وعليكم السلام ورحمة الله وبركاته
الي عنده ايفون ما اظن يحب غيره^_^
بس اذا حاب تغير شفت ناس تمدح Lenovo Vibe Z2 Pro شفت تقارير عنه من قبل يمدحون بطاريته بس ما جربته بصراحه
وفيه هواوي ( واوي )

سامسونج من الي شفته من حولي ياشاشه تتكسر من اول طيحه وطيخه بسيطه مثلا وهم داخل سياره
والشي ثاني الكاميرا ماتفتح للتصوير! ليش ما اعرف ؟!

طبعا كل الي فوق ماجربتهم شخصيا! لان انا من محبين ايفون*_^

السامسنج القديم اي لاكن الجديد اشك انه شاشته تنكسر او من هاي القبيل بسبة هذا الفيديو

https://www.youtube.com/watch?v=G8kVfBROq-E

[.قطر.]

وعليكم السلام ورحمه الله وبركاته

بعطيك تجربتي

انا كان عندي الفايف اس قبل الايفون سته بس تضايقت من شاشته احسها ضيقه بس كـ مسكه توب الصراحه
ويوم شريت الايفون سته ارتحت مع الشاشه بس شوي عود وتصميمه خلا مسكته صعبه شوي لان الفايف اس كل حاد شوي ف ينمسك

بس الحين ماقدر ارجع ع الفايف اس احس شاشته صغيره ومايبين شي


اذا بتشتري الفايف اس زين ع الاقل احسن من الفايف ف المواصفات وحجمه حلو بالنسبه لك

[بـن عدوان]

اخر جوالين بينزلون

lg g4

سوني زد3 بلس توه اعلنوا عنه

وعندك السامسونج 6 ايدج بعد زين

[أبورودي]

http://aitnews.com/2015/05/08/%D8%A7%D9%86%D9%81%D9%88%D8%AC%D8%B1%D8%A7%D9%81%D 9%8A%D9%83-%D8%A8%D8%A3%D9%87%D9%85-%D9%85%D9%88%D8%A7%D8%B5%D9%81%D8%A7%D8%AA-%D9%87%D8%A7%D8%AA%D9%81-lg-g4/